置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年2月12日 星期二

簡述買利標(00787)的原因



見到很多網友詢查買入利標品牌的原因,故先簡單說說,詳細的分析要等3月除淨後才再寫,因為篇幅會稍長。

我買入利標的原因很簡單,只為了可能發生的“事件”,並不是賭其業績反轉,我自己不相信利標的業務可以在未來1、2年出現反轉,故此買入利標純粹是事作驅動,博可能出現的事件。觸發事件驅動的主因是公司公佈每股0.28元的特別息,可以以股代息,而大股東已披露會選擇以股代息的意向。假設大部份小股東都會選擇現金股息,只有大股東選擇以股代息的話,則以現價計算,大股東將其應收高達8.1億元的股息,以每股約9仙的價格換股,則完成以股代息後,大股東可以換取約90億新股,而其持股權會由原本的33.88%大幅增至接近68%!

大股東選擇以股代息,潛在原因有二:

1. 熟悉利標的價值,深信利標被市場低估,故此藉以股代息大手增持;

2. 股權大幅提升,往往會伴隨“事件”的發生,而這事件不外乎是私有化或賣盤。

或許有小股東覺得第三個原因是大股東希望可以令利標保留多些現金,以應付逆境,但如果真實原因是這樣的話,一開始根本無需要承諾將出售所得的現金當中的25%用作派發特別息,即使只派發15%的現金作為特別息,小股東也不會反對該宗出售交易,只因公司確實需要現金去還債。

我自己是賭大股東因為原因二去選擇以股代息,而潛在事件我自己覺得最大可能性是賣盤,私有化的機會微乎其微,這是基於一些客觀的因素及已發生的事件去判斷,大家不妨自己研究一下是什麼客觀的因素及已發生的事件。

我見到雪球很多球友呼籲投票反對以股代息選項,以免小股東股權被攤薄,這從價值投資角度是正確的,但如果從事件驅動的角度來看,一旦以股代息的選項被否決,大股東無法以低價大幅增持,則事件驅動也不復存在。

其次,大家也無需要因為我的想法而雀躍,爭先買入利標,估計在完成派發股息前,利標股價只會在現價橫行居多,原因是基金大戶The Capital Group在利標公佈以股代息選項後,為免其權益被大幅攤薄,故此已大手沽貨,其目前仍持有4億多股,估計會在特別息除淨前沽清。另外,通過港股通買入利標的國內投資者,收取股息要繳納20%的股息稅,以每股0.28元特別息計算,應付股息稅是每股5.6仙,而按現價除淨後的股價9仙計算,股息稅相當於除淨後股價的62%,除非相信在除淨後股價會急升超過60%,不然的話任何理性的國內投資者,都應該在特別息除淨前沽出利標,寧願等除淨後再買回。目前北水持有約4.7億股利標,再加上基金大戶The Capital Group的4.24億股,即是說在3月初除淨前,潛在要沽出的股份高達9億股,股價想升都難。當然,大家如果有留意的話,利標截至1月底有接近4.4億沽空股份尚未平倉,而這批股份估計大部份也會在特別息除淨前平倉。

如果以股代息選項在EGM上通過的話,則換股價的定價會是除淨後5個交易日的收市平均價的95%計算,然後股東有大約半個月時間去考慮收取現金或以股代息,期間股價也是很難大幅偏離換股價的,原因為何?其次,估計大部份小股東不會選擇以股代息,則大股東會順利增持股權至50%以上,並需按例提出無條件要約,要約價是新股作價,即是說在要約期內,股價會有保底價,股價也不會大跌。
股價只會在完成派發特別息及大股東循例提出要約,過了要約期後,才會有大波動,到時希望是因“事件”的憧憬而上升,而不是因為業績持績的失望而下跌。

221 則留言:

  1. 見網友們追問買入利標原因, 先簡單寫寫, 留待3月再詳細分析。

    回覆刪除
    回覆
    1. 偉哥想請教呢段:
      倘控股股东选择以股代息选择,控股股东知悉此举或会触发控股股东根据收购守则作出强制性全面收购建议的义务。 具体而言,倘完成建议以股代息选择将导致控股股东的持股量增幅超过紧随发行以股代息股份总数后该公司经扩大已发行股本的 2%,则会触发强制性全面收购建议。

      意思係大股東以股代息,就要提出要約?

      刪除
    2. 是的, 如果只有大股東及少量小股東選擇以股代息, 則大股東會增持股權至超過50%,到時要換增持價, 即是新股發行價去向全體小股東提出無條件現金要約。

      我相信大股東不會迴避這個潛在要約, 因為要約價會是新股作價, 相信沒有小股東會同意他的要約, 如果有小股東同意以新股作價出售股份給大股東的話, 相信佢會笑著接貨。

      而另一方面, 因為有潛在要約的關係, 所以在要約期內, 變相有保底價, 股價也不可能大跌。

      刪除
    3. 所以這宗事件是很複雜, 有很多因素要考慮, 但同時有潛在要約關係, 股價也難以大跌。

      刪除
    4. 睇番果D咩3年計劃全部都失敗晒,787私有番既機會唔大,點睇都係for日後賣盤居多。
      穩陣D既話,等TCG沽得七七八八先入貨,有時間有實力好似偉哥咁咪可以宜家入D貨食住花生先

      刪除
    5. 當年利豐的3年計劃, 我早年一直在抨擊, 將個餅畫到好大, 但次次都預期落空。

      當年不斷做利豐SP, 真係在馮氏身上執左唔少。

      刪除
    6. 還記得當初偉哥每逢業績前也做定利豐SP,等業績後就收網,屢試不爽。但2011年後便再沒有這台戲可以玩了......

      刪除
    7. 哈哈應該是偉哥業績前做定利豐LC,業績後就平倉,再趁高反手做LP

      刪除
  2. 450.HK just with "profit warning".

    But it has NAV @>HK$3.50/share ... of which net cash @HK$1.05/share.

    Besides final dividends, will 450.HK also pay special dividends next month ?

    (Last year final dividends : HK$0.03 + HK$0.27)

    ^_^

    回覆刪除
  3. 偉哥請教下操作上點解會揀而家買入?因為已假設要約期內股價大變的機會較低

    回覆刪除
    回覆
    1. 前幾天買的時候, 考慮得唔夠詳細, 這兩天一再詳細翻看, 得出的結論是未來1個多月, 股價應該難有大幅波動。當然, 我可能買早了1個月, 但問題不大, 只因相信再跌空間也不大。

      刪除
    2. 0.37 我都跟買左少少, 謝偉哥!

      刪除
  4. 多謝偉哥詳細的分析和分享。

    回覆刪除
  5. 787下午一開市就有大戶狠沽29M, 不會是如夢初醒吧?

    回覆刪除
    回覆
    1. 哈我見到都以為自己眼花,心想唔通bid side升左一格變0.375所以造成少量買盤推上,原來有大戶狠狠沽29.1M! XD

      刪除
    2. 另外觀察了半天盤路,剛才那29M的大沽盤應該是TCG的貨,哈好努力咁儲了半天買盤終於出手了

      刪除
  6. 呢次我就唔跟機,睇偉哥分析,我都相信“事件”好大機會會發生。但會唔會係短期内發生就要打個問號。
    利標本身營運的價值有限,如果揸得耐去等運到會損失唔小時間成本。

    回覆刪除
  7. 8265 升左差唔多100%, 鳴鳴.... 我有無咁燈

    回覆刪除
  8. 819沽升淚....買入的189又受問題困擾, 股價快打回原形。

    回覆刪除
    回覆
    1. 偉哥你唔夠我勁, 我賺少左1 倍....

      刪除
    2. 偉哥最近幾隻股都沽升淚, 牛市的味道?

      刪除
    3. 819係咪新能源汽車概念嗎,偉哥諗189同汽車有關係?而且189是否受David Webb問題困擾嗎?

      刪除
    4. 819不算是新能源汽車概念股吧, 其鋰電池產品的收入佔比很低。

      189持有帳面值10億元, 相當於2%的中民投的股份, 中民投最近出事。

      刪除
  9. 很高興看到1098, 610和240繼續增加向上的力量!

    回覆刪除
  10. 回覆
    1. 3368似乎又是市場炒派特別息。

      刪除
    2. 偉哥會咪再賭特別息?比起你舊年出貨價,現價只係七折。。。

      刪除
    3. 已經有3688, 而百貨類股份也已有重倉的2136, 所以目前無意買回。

      刪除
  11. 北水股黎講,1728幾落後下,入一注博下

    回覆刪除
  12. 回覆
    1. 個市氣氛真係好唔同,見到388 真係好有牛市影子

      刪除
    2. 已經差不多可以肯定是牛1。估計牛1調整會在中美3月開會後,在此前應該非常安全。
      之前說的首站28000希望已企穩,下站挑戰高位

      刪除
    3. 前晚說的282xx已經達到,這幾天升到285xx應該冇走雞。

      刪除
  13. 很高興看到296今天已經回購了100萬股(1.71和1.72元各回購了50萬股)

    回覆刪除
  14. 忍唔住又入返1729@0.56,唔知仲有無得上

    回覆刪除
    回覆
    1. 放心!有買貴無買錯。借鏡2342

      刪除
    2. 大口哥,次次有人講“有買貴無買錯”,不久後都 pk! 大藍籌股都唔例外。
      之前有 005, 近D有 2018 2382。
      呢句嘢都係小D講。

      刪除
    3. 無錯,都係要小心,由3毛升上6毛都1倍,我目標係1蚊,但可能到9毛已到頂

      刪除
    4. 大市升了接近3000點,大戶都未用到隻5號仔,見到5號仔大升可能就係牛1結束時

      刪除
    5. 我期權倉得五仔。。。唉

      刪除
  15. 1212 利福國際盈警, 依兩日因乜事炒上呢?

    回覆刪除
  16. 其實無論要約是否成功,成件事已經被暴露出來,我覺得這消息反而不是重點。反而除淨再合股,典型貨源歸邊的手段。而且派息前並沒有任何舉動,等合股完成後會炒的機會其實相當大。但細價股最慘就是你不知道他什麼時候才出手。

    回覆刪除
  17. 永嘉(03322)高端零售銷售按年大增四成,擬加速內地開店
    以更佳效果檢視 »
      轉型以代理時尚品牌的永嘉集團(03322)認為,內地經濟雖然下行,高檔時尚品牌銷售額仍大幅增長,故今年將加速在內地開店,但香港零售則受累於貴租,將繼續關店。  代理「Champion」、「Y-3」等時尚品牌的永嘉集團,去年於內地大幅增開近40間Champion店舖。永嘉首席財務官王志強表示,旗下中國零售業務的同店銷售好於市場平均水平,主要靠逆經濟周期表現的潮牌Champion帶動,該品牌新舖去年帶動公司高端零售銷售按年大增38%。他續指,由於Champion在內地需求巨大,今年將繼續大規模增開新店,具體數目尚未敲定,但店舖數目一定超過其代理的傳統輕奢品牌Y-3店舖,Y-3將維持每年增開約10間。《香港經濟日報》

    回覆刪除
    回覆
    1. 3322其實已升左好多,我買左少少主要因為champion,不過總係驚潮流會過
      偉哥有冇新想法?

      刪除
    2. Trend呢家野我有興趣試答,之前邊有咁多自由人幫襯champion吖,係因為而家吹運動融入生活上,有好嘅designer迎合到受歡迎嘅口味先得,你睇nike adidas一樣掂

      刪除
    3. 潮流的野, 話來就來, 話走就走, 所以好多年前我們望都唔望下的champion, 突然成了潮牌, 但難保過多1、2年又沉返落來。

      正如當年的458, 又係靠住1、2個品牌在國內受歡迎, 但好景維持唔到2年又玩完, 真係完全估唔到的。

      刪除
    4. 真,我媽十年前買過幾件champion俾我,我完全唔想穿,唔知點解宜家變左潮牌

      刪除
    5. 咁就係靠班designer囉,合約期後過檔或另起爐灶, 咁就窩可

      刪除
    6. 咁咁悶嘅市,不如點首歌畀大家聽
      We are the champions - my friend
      And we'll keep on fighting till the end
      We are the champions
      We are the champions
      No time for losers
      'Cause we are the champions of the world
      係咪好振發人心

      刪除
    7. 哈哈, 好巧合地10年前我都有1、2件Champion牌的底衫。

      刪除
  18. 全靠中國零售業務大幅增長,3322似見到曙光。

    回覆刪除
  19. 估計偉兄進取一點,會收股票,不要錢,是嗎??

    回覆刪除
    回覆
    1. 其實還可以有其他選擇的,這不是個二元選擇題.

      刪除
    2. 如果除淨前沒有增減持的話, 很大機會是部份現金、部份股票。

      最驚的是大部份散戶選以股代息, 大股東增持不了多少, 咁就攬炒。

      刪除
  20. oman隻2680來料沒有,想快些收錢買第2隻

    回覆刪除
  21. I can't understand 787.HK.

    I prefer 878.HK because of its low PB and major shareholder is now holding 73.41% shareholding.

    878.HK only have limited number of shares.

    ^_^

    回覆刪除
    回覆
    1. P.S. It shall announce full year results next month.

      刪除
    2. P.S. My expected primary target is HK$14, then ...

      刪除
  22. 媽蛋,最後1注水務一直加唔到!會否直上偉哥目標價呢

    回覆刪除
  23. 1265完美印證左偉哥話會隨著時間慢慢升返。悔0.73無等偉哥就出左一半。。。

    回覆刪除
  24. 隻紫光真係好癲,一來了就爆到咁,可惜敢睇唔敢買

    回覆刪除
  25. 作者已經移除這則留言。

    回覆刪除
    回覆
    1. 師兄新年流流一開口咁話人,講句好野聽下好冇,如果今日初三我實同你刷口,成班老細睇住你呀

      刪除
    2. 唔好黑心,望人好自己都會好

      刪除
    3. 只是有d擔心佢。 你地諗埋一邊, 依次升浪做淡輸4人。

      刪除
    4. 佢買7300ja wor,咁都輸得死?

      刪除
    5. 你擔心自己先啦,人哋縱橫股壇幾十年,已經貴為大師級,哈哈

      刪除
  26. 114乾升, 不到27000元成交, 已經上升27.4%!

    回覆刪除
  27. 小注2382 LP, 博超買後的調整。
    1個月時間升了差不多40%, 博佢短線調整5%。

    回覆刪除
    回覆
    1. 偉哥你今年運程好吾好,我今年財運年,我覺得個市會爆

      刪除
    2. um... 對我嚟講應該就係慢慢的爆升完再狠狠的爆跌會好啲,因為I have so many 等家鄉貨

      刪除
    3. 細注lp下博短線回調
      炒到券商,好多時都係回調先兆

      刪除
    4. 總共買左1萬大元的2382即月PUT, 只要股價在未來4-5個交易日按現價調整5%,PUT就肯定有50%回報。

      最壞情況係輸晒呢1萬元。

      刪除
    5. 唔怪得話有50%。。。我95,哈。。。

      刪除
    6. 偉哥ㄧP, 2382 即出盈利警告。
      有鴨出没 😂

      刪除
  28. 偉哥隻隻輪住上
    隻機電慢牛上1蚊,合皮扭耳,可惜Terry放了

    回覆刪除
    回覆
    1. 通常1個牛市沒升還跌的就會在下個牛市爆升,睇下呢隻係咪

      刪除
    2. 希望藍籌橫行,股仔發力

      刪除
    3. 機電成交開始有料到

      刪除
    4. 係,中晒偉哥預期!真係流入細價股

      刪除
    5. 不要說鳥。究竟係無不問價跟偉哥入貨慘,定係坐唔定沽升淚慘

      刪除
    6. 偉哥科投0.64,餘下半倉,太多謝偉哥了

      刪除
  29. 今日個倉全升, 好難得既一日, 資金不斷流入緊D 2, 3線股~~~~
    係咪將會好快有調整呢?

    回覆刪除
  30. 今天很恐慌!恐慌买不够!

    回覆刪除
    回覆
    1. 重溫股災新聞, 壓抑亢奮程度!

      刪除
  31. thanks oman兄 732,
    幾時輪到1132,2339,685,2136 升升。😅

    回覆刪除
    回覆
    1. may wong 君,
      732之前短炒了2轉,
      1132有機會會短炒,
      2339,685不會買,
      2136有貨,
      近日短炒1031,
      輪仲有13908及18582,
      好2680想郁會再追些.

      刪除
    2. 2136 好底買 有無大戶門幫手掃上 等我走埋少少貨尾

      刪除
    3. 1.1跟了888,呢隻長期績弱咁

      刪除
  32. 李居明話: 逢九必變,逢豬必贏!你信嗎?

    回覆刪除
    回覆
    1. 六合彩已經好多久,我們等牛市,等太久了!

      刪除
  33. 今日買了湯臣孖寶: 281@0.58及258@均價2.45。

    281因之前要約關係, 股價一直壓住係0.55-0.56元, 期間大市升3千點, 佢都冇郁, 是大落後....但最神奇的是有條件要約竟然有超過2成多股權同意, 令要約成為無條件, 而大股東也成功增持股份至50%以上。

    買入258其中一個原因也是大落後, 另外近年派高息, 還有一個原因留待之後再說。

    回覆刪除
    回覆
    1. 沒收左股息,可以再派多D返出黎?
      (見到佢有呢段野,不過只睇左標題,未睇內容計下可以派幾多)

      刪除
    2. 之前我完全冇諗過0.55元的要約會成功的, 但世事無奇不有, 真的有這麼多人同意這賤價要約, 大股東順利控股281。參考以往自願要約的例子, 例如336、826、596, 在低位要約增持後, 股價大都有好表現。

      更何況股價即使唔升, 也跌不了多少, 佢比大市落後甚多。

      刪除
    3. 258沒有披露的其中一個原因, 和281的要約是息息相關。

      刪除
  34. 港股今年雙喜臨門? - 林少陽
    https://hk.finance.appledaily.com/finance/daily/article/20190213/20611956

    Alan Mak
    筆者,今次我認同你,的確,依家成個牛/熊周期,比起以前急促而且快完成!

    回覆刪除
  35. 剛剛沽出894@0.89食糊。單一個股可以短短數天內食兩次糊, 個市真係好強。

    唔知會否有第3次食糊的機會?

    回覆刪除
    回覆
    1. 我排緊偉哥首次出貨價0.9出唔到,哎。。。東江都排緊偉哥目標價4.5出貨

      刪除
    2. 2283我均價約4.2元沽出了.....原本想游下水,但睇個勢應該冇機會係4元買回。

      刪除
    3. 偉哥,幾時沽左2283? 今日?

      刪除
    4. 我都剛走0.85食第二次糊,thx偉哥,冇压力啊

      刪除
  36. 回覆
    1. 唔止彼岸啊,仲有股價同公司名都好西個隻。

      刪除
    2. 美國單野有無進展?

      刪除
    3. 仲有隻偉哥百貨, 今日仲要跌添。

      刪除
    4. 哈哈係咪講緊京西呀偉哥?

      刪除
  37. 今日究竟發生乜野事?個市好似癲咗

    回覆刪除
  38. 2018今日好勁,大魔好積極掃

    回覆刪除
  39. 均價約0.64減持了25%的1729食糊,保留75%倉位。

    減持,只為了餘下持股可以走得更遠。

    回覆刪除
    回覆
    1. 今日1729 剛剛好上市一周年XDDD
      一周年派獎金俾股東~~

      刪除
    2. 偉哥,下次見到外母會唔會^潤^吓佢 :p

      刪除
    3. 走咁遠,小心外母鵝呀!

      刪除
    4. 多一事不如少一事,偉哥性格唔會潤外母,最好外母已經遺忘,避免反向再鵝咁早就放。

      刪除
    5. 我已經諗左萬一外母講起1729, 我要點應對:

      外母: 女婿, 你有冇睇1729啊? 升左好多啊!
      我喊住回應: 係啊, 好慘啊, 個日你話要沽出, 我就"跟"你沽左一半, 而家好慘啊, 賺少左一餐自助餐!

      刪除
    6. 偉哥曳曳,連外母都呃,有無諗過外母其實係其中一位網友?哈哈

      刪除
    7. 哈哈, 我是令佢覺得有人比佢更慘, 佢個心會舒服D。

      刪除
    8. 外母笑住問: 喂, 阿偉, 今日偉哥沽#1729 25%倉@0.64, 你有無跟沽? 有跟的話賺唔少la, 今晚幫你book定位食自助餐,ok?

      刪除
    9. 偉哥你話我其實冇幫你放到,今日先放,再分你今日賺個零頭俾佢開心下麻

      刪除
    10. 偉哥小心紙不能包火,奉勸不要再談及您外母的事啦!小心萬一泄露……😱

      刪除
    11. 外母只聽到你沽剩一半,之後叫你沽左佢,外母就可以賺番一餐自助餐

      刪除
    12. 萬一泄露....大家要有心理準備可能幾個月見唔到我寫文!

      刪除
    13. 停寫幾個月並不能解決問題,只有另起爐灶,改名換姓才能根治。
      因為現今搜索引擎太過利害,就算您外母如我般老,只要輸入(1729 外母)就能找到相關文章,別以為老人家不懂上網!
      更要緊記關系一旦破壞,修補過後,裂縫還是存在的!
      更何況是您和外母的關系,是與妻子息息相關的!

      刪除
  40. 很難想像一個只有7成左右倉位的組合,今日竟然跑贏大市。

    回覆刪除
    回覆
    1. 今日手上最弱既,已經係無成交既手袋,其他全部升(唔計俾人挾緊果少少LP)

      刪除
  41. WAI GOR 唔等待破位先放?

    回覆刪除
    回覆
    1. 今日的升幅已很滿意,所以食左1/4先,滿足下自己沽貨的欲望。

      刪除
    2. 我禁住左沽貨既慾望!哈哈

      刪除
    3. 對唔住,我希望明天跌回0.56再比我入返半倉

      刪除
    4. 我都食左少少.留D 睇返可否破新高..
      上市第一日揸到而加..只恨低位冇買貨..
      THANKS WAI GOR

      刪除
    5. 另外想問問HKEX 披露易 入面中央結算系統持股紀錄查詢服務
      我睇2月12 既持股是咪表示即日12 號持股呢.

      刪除
    6. 多謝偉哥,不過未沽,希望突破到前高位!😁

      刪除
    7. 大口好貪心, 亦好大諗頭....明天0.56,哈哈。

      刪除
    8. 我排了0.56直到月底,哈! 希望中

      刪除
  42. 1212發盈警都倒升。講貨乾程度,2136應不遑多讓, 但硬係壓住唔升😑

    回覆刪除
    回覆
    1. 2136今日都幾明顯壓住,繼續等!

      刪除
    2. 1212 盈警都倒升,手持2136 真係想吐血...

      刪除
    3. 2136超多散戶ALL IN左吧

      刪除
    4. 今日1212,明日2136

      刪除
  43. 真係crazy,隻258即日都進賬10格,正式宣佈偉哥今日牛一

    回覆刪除
  44. 今次李居士應該win硬蘇師父,今年29000點可能破唔到

    回覆刪除
  45. 偉哥1729 是否開車。睇幾多

    回覆刪除
  46. 1729今日有咁強勁嘅升幅,我反而好想知係邊一個買咁多買上去

    回覆刪除
  47. 好羨慕大家,我跑輸哂大市

    回覆刪除
    回覆
    1. 以2019年計, 我都係跑輸大市, 只因接近30%現金累事。

      刪除
    2. 學生哥兄吾好氣餒,我有第8感就到你揸貨個D,我抄低左你個D no.

      刪除
    3. 希望啦,個D股D街貨都應該係哂我手,莊家快D做野就好

      刪除
  48. 2382盈警。
    伟神回来了!

    回覆刪除

注意:只有此網誌的成員可以留言。