置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年9月7日 星期四

一注獨贏與分散投資


前幾日網友討論時,提到個別股票注碼大小的問題,以至雪球某大V重倉一隻融創(01918),今年已取得2倍多回報,羨煞旁人;與此同時,雪球管我財的分散投資達至平均贏的投資方法,在牛市的表現相信是遠遠落後於“一注獨贏”的大V,但也贏得不少球友的認同及支持。

我也簡單說說自己的意見。

我的股票組合近十年來都奉行分散投資的原則,不會將所有注碼集中在兩、三隻股票上面,而是分散至10多隻股票,以至現在的20多、30隻股票,而近年個別股票曾買至最大倉位也只是佔20%左右,一般個別股票佔組合比重5%或以上的已是重倉股。朋友(尤其是國內的朋友) 常笑我組合的銀碼又不是大到幾千萬或上億元,也不是管理一隻基金,何需分得如此散,簡單一些選幾隻重心股,大大注買入就可以了,無需搞20多隻股票之多,是浪費時間之舉。

朋友說的或許有道理,不過早年不少慘痛的回憶,加上很多股票我自覺也分析、了解得不夠深入,實在令我難以過份集中持股,所以為了令自己每晚睡得安樂,還是貫徹自己的分散投資做法,但求10隻股票有6、7隻賺錢、年年跑贏大市及取得正回報就可以,無必要與牛市的股神去作比較。隨著自己組合慢慢壯大,我計算過只要來緊幾年,每年可以取得平均20%回報的話,我都應該可以提早退休,享受下人生。

雪球有球友引述一句說話:“人不怕一無所有,最怕的是曾經擁有”。想想也是,你理解嗎?我很難想像如果今天我投資失敗,一舖清袋,然後要從頭來過的話,我是否可以東山再起?即使我仍有雄心壯志、仍吃得苦,但歲月也不饒人!



270 則留言:

  1. 佳兆業近日不斷四出收購與地產無關的業務。

    http://www.hkexnews.hk/listedco/listconews/sehk/2017/0906/LTN201709061201_C.pdf

    回覆刪除
    回覆
    1. 幾年前恆大仲係$3果時,
      我見佢又搞足球,又搞礦泉水,不務正業,心想呢隻股死得啦。
      而家$23...

      刪除
  2. 3399 近來好弱
    偉哥有無新睇法?

    回覆刪除
    回覆
    1. 相信與中期業績稍遜有關。

      刪除
    2. 盈利增長20%
      市盈率得8倍
      估值咁低都唔識升
      T M D

      刪除
    3. 你睇下股權披露, pope asset management於2015年曾大手減持至持股6%以下, 但近月已不斷增持。

      http://sdinotice.hkex.com.hk/di/NSNoticeSSList.aspx?sa2=ns&sid=9146&corpn=%E5%BB%A3%E6%9D%B1%E7%B2%B5%E9%81%8B%E4%BA%A4%E9%80%9A%E8%82%A1%E4%BB%BD%E6%9C%89%E9%99%90%E5%85%AC%E5%8F%B8++-+H%E8%82%A1&sd=07/09/2013&ed=07/09/2017&cid=2&sa1=cl&scsd=07%2f09%2f2013&sced=07%2f09%2f2017&sc=3399&src=MAIN&lang=ZH&

      刪除
    4. 睇ccass, pope asset的持股存放於HSBC, 而自2017年8月11日, pope asset增持至7%持股後, HSBC仍不斷在增加, 似乎仍是pope asset在買。

      https://webb-site.com/ccass/chistory.asp?issue=4660&part=460

      刪除
  3. 成篇文重點在這句.....隨著自己組合慢慢壯大,我計算過只要來緊幾年,每年可以取得平均20%回報的話,我都應該可以提早退休,享受下人生。

    手札係咪要開始倒數?

    回覆刪除
    回覆
    1. 咁如果當投資是一門興趣, 而不是一份工作的話, 享受人生可以繼續投資、寫文章, 完全沒有衝突的。

      刪除
    2. ^_^ 到時想請私人助理的話,記得單聲,我會第一個入紙申請。

      刪除
    3. 到時我冇穩定的收入, 仲邊有錢請私人助理。

      刪除
    4. 哈哈,相信肯貼埋都未必輪到我。

      刪除
    5. 到時就每人HK$500助養偉哥 XD

      刪除
  4. 十分認同偉哥既投資方式,我自己都係受偉哥影響,將資金分到好散,有朋友曾經話過我,將資金分到咁散,根本無咩肉食。但我仍然堅持呢種投資方式,雖然係大牛市,望住自己跑輸比人,確實唔係咁好受,不過,只要一旦逆市,我個組合仍然可以跑嬴到大市。

    回覆刪除
  5. 即使我仍有雄心壯志、仍吃得苦,但歲月也不饒人!哈哈,真的講中哂我的實況。
    “人不怕一無所有,最怕的是曾經擁有”也是我的經歷。所以現時情願細水長流玩玩吓都唔敢一注獨嬴咁大貪。
    不過最近都有後悔過點解唔大注啲扑落去某隻股呢?!細心諗吓現時係養命唔係搏命啫,哈哈。

    回覆刪除
    回覆
    1. 哈哈, 你是老當益壯,仲有大把日子過, 所以一定要好好管理你的財富, 即使唔賺錢, 都唔好蝕錢, 不然到花甲之年要重出江湖的話就好難搞。

      刪除
    2. 多謝偉哥提醒會小心管理財富,重出江湖絕對無可能,已經問過自己N次也有波友及學生重複邀請都提不起興趣。

      刪除
  6. 分散投資先可以係逆境下生存
    股神的投資理念就係第一唔好輸錢
    第二都係唔好輸錢

    回覆刪除
  7. 伟哥,我昨天还是重仓1918.但今天就不是了,剩下三万股几乎是零成本想它走到$30才准备下车。
    我组盒有12隻股票,现在唯独是136进了深渊,其它11只都在水面,我不能说我是靠聪明来赢钱,我今年能赢钱绝对是靠运气和会选股,我是这样想的,如果1918上$30.581上$8的话,相信我年尾会赢出比赛…想下都会美得睡不着
    再来就是想说下这一两个月跟股票行借了将近一百万,其实一日利息也只不过是300多而已,明天就可以轻身上阵了,终于明白一句话就是(无债一身轻)。
    最后还是要感谢伟哥你,或许网友们并没有发现,但我却深深体会到你的用心良苦,就比如我说买323.你就会马上提醒我其实581才是最好的,所以我能在581上上下下十几二十次完全也是因为相信你,我的运气一半是你给的,感恩生命中可以遇见你!!!

    回覆刪除
    回覆
    1. 恭喜你把握到內房這個大時代。

      刪除
    2. 青兒, 1918到30蚊就請呢度所有網友去鼎爺度食一餐"最平"既好嗎? hehe

      刪除
    3. 你都不支持还想我请吃饭,有点难,哈哈哈
      今天在$4.76入了1628

      刪除
    4. 我就是支持你所以一直忍著不買, 因為通常我一買就會跌. 1628都4.78了, 你覺唔覺悶呀, 成日贏錢, 人生咁樣其實係好無意義既...

      刪除
  8. 雪球果個討論中亦有股友提及巴菲特在某次股東大會上的講話 摘錄
    (https://xueqiu.com/1173786903/88803040)

    問:两位曾重仓美国运通和华盛顿邮报。你们的投资这么集中,信心从何而来?

    巴菲特答:如果我们只管理自己的钱,只要是我们真的特别看好,把总资产的 75% 投入到一个仓位上,根本不成问题。上五倍的杠杆投一个仓位,那肯定不行。我除了伯克希尔的股票,还有很小的一部分资产是自己在打理,好几次都投入 75% 只买一个仓位。

    有的机会,不抓住了,对不起自己。这样的机会不多见,无论是新闻媒体,还是你身边的朋友,他们都不知道,没法告诉你。是不是,查理?75% 的仓位不高吧?

    芒格答:我甚至在一笔投资上投入过 100% 以上的仓位。

    巴菲特答:长期资本管理公司上了 25 倍的杠杆,买的东西还都是可能集中爆发风险的,最后只能坐以待毙。我们今天出席股东大会的不少股东都把自己 90% 以上的资产买了伯克希尔的股票。2002 年的垃圾债,值得下重注投资。1974 年的 Cap Cities 公司,只有资产价值的三分之一,经理人一流、生意一流,也值得集中投资。我们当年大量买入可口可乐时,你也完全可以用自己 100% 的资产买,并不危险。

    芒格答:商学院开设了公司金融这门课。学生们学到的是要分散。在投资中,根本不应该分散。一无所知的投资者应该分散,专业投资者怎么能分散?投资的目标是找到不分散更安全的机会。一生一遇的机会,只投 20% 的仓位,不理智。我们看到的好机会,没有一个我们买够了的。
    ......
    ===========
    從以上中我睇到的是
    1. 信心有幾大注碼有幾重。
    2. 有的机会,不抓住了,对不起自己。
    例如今年的科技股內房股例如偉哥的00098 00581
    3. 一无所知的投资者应该分散。

    條條路通羅馬 投資策略不會一成不變 直至搵到啱自己嘅路

    回覆刪除
    回覆
    1. 正確, 所以我仍視自已為一無所知的投資者, 仍要依靠分散投資去獲取安全感。

      很多股票我同大家一樣, 買的時候覺得有確定性, 但股價一跌都會開始懷疑自己,信心不足, 所以跌至2元的581我沒有果斷加倉, 私有化失敗後的98, 跌至3元也只是稍為增持, 想再等低D價,這就是研究不夠深入之過。

      刪除
    2. 偉哥好似3蚊唔到就減磅了581 事後看當時的操作可以說是錯失 但是再來一次估計你仍然會甘做 相較絕大部分散戶 每次battle贏最多的可能不是你 但是整個War贏到底的應該還是你

      刪除
    3. 記得當時581公佈左份靚業績,再加上突然公佈的雄安新區,一時腦袋發熱,連入兩注大注, 諗住無理由咁都會跌.....點知真係先跌20%, 所以到帳面有20%賺時, 就稍為減磅, 拉低自己持貨的成本價, 咁就可以坐得耐D。

      刪除
    4. Jam看著看著,C92年多股零45心靈,言語間似是看清內外雙修悟力非凡.Jam拜服.
      偉哥KnownChing外又多個跟蹤對象矣.^^

      刪除
  9. FC9其实我发觉你是一个聪明绝顶的一个女人,可惜就是运气差了点,上星期看到你说581时,我还笑着跟朋友说,如果FC9要是买581的话,我就要慎重考虑下还要不要再买581.原来真的有点邪,不过还好我不信邪,说笑,请不要介意。

    回覆刪除
    回覆
    1. 女人夜訓好傷架O(∩_∩)O~
      運氣不能被操控講黎嗮氣 師奶能力渣斗倉位配置問題都好大 睇返581雖則在2.3-2.5買過不少 但倉位不及903或2339一半更不及426等 ~(>_<)~~~
      我買股票都兩年幾了好似俾你耐但成績卻同你差好遠 唯有自己同自己比希望一年好過一年=__=

      刪除
    2. 股齡兩年幾, 仍然交緊學費是正常。當我股齢2年左右的時候, 我剛好輸到一舖清袋, 差D連學費都冇錢交。

      刪除
  10. 其實我都分得好散 根本就係分㪚緊自己的無知 分散投資雖然感覺上贏不到大錢 但就是因為每股佔倉位只是5% 我已經一部份股票今年坐下坐下有50-80%回報 如果當初太大注 反而會壓力大 可能有十幾%已走了 試過曾經擁有 又試過一無所有 現在只知道 安全至上 持營保泰最重要 留得青山在 那怕無柴燒

    回覆刪除
  11. 雪球某大V把握到內房這個超級大時代:
    傳說他重倉融創(01918)八球, 如果融創真的是在2022年見80蚊, 他肯定是超級大胖仔!

    回覆刪除
  12. 認同偉哥的方式,穩健才是永恒 。 有時候人只想到好的一面 ,多數會諗隻股會升幾多, 而不會想到會跌多少, 我當年因為重倉1068 , 將賺來的利潤幾乎全部嘔清

    回覆刪除
  13. 之前有人offer了不錯待遇給偉哥,但偉哥為了興趣和我等一衆苦海蒼生婉拒了,經這次得知偉哥退休目標是最少3000萬資產,先恭喜偉哥初達成退休目標,感嘆像偉哥會無私分享的人實在少見。身邊的人有時問下佢買左咩都唔講,話講左唔靈,我心諗要唔靈偉哥一早唔靈啦,再次衷心感謝能遇到偉哥。

    回覆刪除
    回覆
    1. 感嘆像偉哥會無私分享的人實在少見....不是少見,而是根本沒有。

      刪除
    2. 呢點我絕對認同,我14年開始睇偉哥,我敢講,偉哥絕無利用大家去炒高賺錢,係有錢大家一齊賺,呢種心態,呢種高風高節,絕無僅有,希望大家好好珍惜.

      刪除
    3. 多謝偉哥, 沿途有你. 除左投資投機, 仲有得係度吹水輕鬆, 真係好難得. 返學返工都無咁神心, 我係日日都必到呢度, 已成為生命中不可或缺既每天行程, 大感謝.

      刪除
    4. 3000萬, 一年20% = 600萬, 一個月 600/12=50萬.

      我諗我下一世都做唔到: "提早退休,享受下人生。"

      刪除
  14. 其實581條數我係覺得有水份既
    首2月, 首4月既毛利都喺內地網站搵得倒
    首2月毛利只係400左右, 要知道睇期貨, 頭6月平均最好價就係1-2月, 所以我當初計佢半年盈利就係以400毛利去計同覺得佢會比市場預期低而決定止賺, 點知出黎既係440, 即係5-6月係比1-2月大賺更多, 真係唔明點解更好效率

    回覆刪除
    回覆
    1. 你係內地網站搵到的首4月毛利是指581的毛利, 定係行業平均的毛利?

      刪除
    2. 中鋼協關於民營既新聞, 入面係講津西
      首2月, 津西既毛利大約係400元
      首4月, 津西既總毛利(佢寫盈利), 係15億, 當時我POST過, 跟住我講過佢會發盈喜, 不過當時係$2左近冇咩人留意

      http://news.steel008.com/view/34366.html

      刪除
    3. 呢個數據肯定不準確的, 數據是介乎毛利及經營溢利之間。朋友之前已就這些數據問過CFO, CFO回答是大約相等於經營溢利, 但後來根據公佈的半年報, 也是對不上的。

      你可以參考這些所謂的公開盈利數據去判斷盈利的升跌, 但肯定不能以此為依歸的。

      刪除
    4. 最慘係呢D數據每年只會公佈2次, 2016年只有頭3季係19億, 我覺得同2016年既年報都近近地
      個數係佢交俾鋼協, 但又講唔倒條數點黎, 我反而先驚, 大佬呀, 民企黎架, 我又冇得當年問佢, 有懷疑只能賺少D, 不過散戶心態, 賺少慘過輸錢, 哈哈

      刪除
  15. waigor,我都有所體會:牛市時當然一注獨贏是賺到開巷,但大跌市時就萬劫不復.

    回覆刪除
  16. 里個問題我都曾經諗過!個人認為一切都要從自己的性格和銀碼和風險承受能力為出發點,就好似男人揀老婆和女人㨂老公一樣!晏自己的才能長久才是最好嘅!但也不是一塵不變,隨著年齡和銀碼和股市的經驗變化而變化!

    回覆刪除
  17. 我就細膽,從來都只會分散投資。
    今個月仲借左筆大錢,我更加會分散投資食息差。

    回覆刪除
    回覆
    1. 其實投資都要自己舒服,一注獨贏同坐過山車無分別,不能長久

      刪除
    2. 不知為何借錢少股對我來說RISK 好大..

      刪除
  18. 1098逐漸上左力,開始識得行。

    回覆刪除
    回覆
    1. 如果1098升到15,我應該會換馬610

      刪除
    2. 1098我本身都想入, 不過見到海通是第一大持貨券商我就縮了, 無買。

      刪除
    3. Louis 1098 打算幾錢賣?我本來是長缐收息的 現在咁升法諗緊是否應該賣咁D

      刪除
    4. 1098不打算賣, 但可能會換馬610.

      刪除
  19. 1717升穿$4,企穩則海濶天空。

    回覆刪除
    回覆
    1. 你仲係觀望,一股都未買?

      刪除
    2. 未喎!但經你提一提今日可能入基本注先。

      刪除
    3. 唉,可惜呢隻陰影難除,當時停牌諗住又多張牆紙。

      刪除
    4. Known兄,咁我先你一步入左d倉底,哈哈。

      刪除
    5. 但未深入研究始終未敢大注。。。

      刪除
    6. 紅𤠣果邊又沽出,令我少少卻步,但見佢日升夜升...唉!

      刪除
    7. 1717冇 3368又冇 3688亦冇 =_= =_=

      刪除
    8. Known兄,紅𤠣沽出好可能係因為林生單野,紿終佢地係公開操作唔想俾人話明知可能有事都鐘個頭理去,但我地無呢方面壓力。重點係林生呢單官司影響1717有幾多...但我覺得1717基本全球布局大致完成,影響希望唔會太大..

      刪除
  20. 感謝偉哥分享, 再有信心都好, 都要好好控制注碼
    始終散戶都係靠年報, 新聞等二手資訊去理解一間公司, 有好多野係我地唔知
    而且仲有一D不可預期既風險, 例如政策風險等
    散戶切忌見到人風光就有樣學樣...

    回覆刪除
  21. 太陽從東方升起,上呀581!

    回覆刪除
  22. 216 完成交易, 恭喜louis 兄, 你覺得會有幾多特別息?

    回覆刪除
    回覆
    1. 估計漢國每股特別中期股息約50至100仙,最有可能為70仙。

      估計建業應該會連環派發特別中期股息, 每股大約( 0.7至0.9) X (漢國的每股特別中期股息).

      刪除
    2. 承你貴言.福田大樓有放租消息嗎?

      刪除
    3. 福田大樓年底啟用, 開始逐漸放租, 但不急, 要好價才放租。
      73樓自用, 作為中國總部。

      刪除
  23. Joshua 是如何mon 到那麼多破位股票的,可分享一下嗎

    回覆刪除
  24. 那怕講我慘痛投資,那年我將4份3身家買了獅子,用來長線已幾年,約有1萬股,1股獅子平過一斤菜的年代,那邊箱佳寧風起雲湧,升到樂不思蜀,我起貪婪又不識均衡投資,將獅子全部換了佳寧。結果不用多說,有15年退出股海失了信心無晒錢,後悔如果持獅子能到今天,有人計算過市值幾千萬元。
    “人不怕一無所有,最怕的是曾經擁有”。〝分散投資的原則,不會將所有注碼集中在兩、三隻股票上面〞又勾起當天大錯特錯的股票投資,天堂地獄感受。

    回覆刪除
    回覆
    1. Waising ching當年環境應該都還可以!
      唉,獅子仲未計多年派息...
      由此可見穩定派高息股票先可以做膽!

      往者已矣,來者可追,共逸之!

      刪除
  25. 又開始塞錢落錢包袋了,1633這次會跟隨嗎

    回覆刪除
  26. 可惜就是運氣差了點? 吓, 無嘢呀. 冇運氣識飛也徒然.

    換條新手巾仔抹下眼淚先, 沽升淚!

    回覆刪除
    回覆
    1. 我計過調整至$3.8可以買, 想不到噚日有$3.6, my average price $3.72.
      3688幾 chok, 不易駕御

      刪除
  27. 回覆
    1. 有沒有朋友剛才買1132@0.6, 成交是時間是10:46:06 的, 想知交易對手是誰。

      刪除
    2. 1132近來走勢幾弱下,但有些超賣了吧

      刪除
    3. 散戶在$0.58組成防線,另外實德又出來買番。

      刪除
    4. 成條長長的防缐比佢一嘢炸散,邊個大戶咁大膽?

      刪除
    5. 咁大手沽,有D怪怪地,雖然我都有D貨...

      刪除
    6. 國泰君安, 富途沽的。

      刪除
    7. 又係國君!偉哥知否其平均買入價?

      刪除
    8. 除息後, 國君持股的平均成本大約0.45元。

      現在是搞不清楚沽貨的是原來已在倉底的3千多萬股, 還是在消息後在市場買入的1億股, 兩者是不同人。

      刪除
    9. 明白!好彩隻嘢仍有足夠散戶頂住。

      刪除
    10. 兩個大戶國君及實德加埋的持股超過2億股, 如果要好似咁沽出,我諗沽到落0.4都未必沽得清。

      真係唔知佢地有乜計劃。

      刪除
    11. 實德似與國君不同路,CCASS不見減持之餘,今日亦看到佢不少買盤掛住。

      刪除
    12. 2億股在4天後派息, 即是話現實有大約七千萬元給鎖住了.

      刪除
  28. 獲高盛祝福的1293,今日再爬上,挑戰上次高位。

    回覆刪除
  29. 偉哥股52周了, 老劉, 你應該昨天無買吧?

    回覆刪除
  30. 3688掛4.08沽盤一野比人食左.....
    1132掛左0.58博下大霧

    回覆刪除
  31. 3688 花其 4.05 放1.5M買盤

    回覆刪除
  32. 3688形勢一片大好,以Joshua 的手法,這時候是否要追入

    回覆刪除
  33. 1132有些擔心, 都係等偉哥指示才加倉

    回覆刪除
  34. 1132仲會唔會因為建行CB而繼續禁低,定係有其他原因呢?

    回覆刪除
  35. 3688每股淨現金5.5,仲有大把水位

    回覆刪除
    回覆
    1. 我諗5.5係如果交易成功之後既水位下話? 同埋1132淨現金而家都暫時重係高過股價 咁樣唱好等陣有網友唔知頭唔知路衝左入去係一件好事咩

      刪除
    2. 1. 買賣雙方都有實力
      2. 交易作價合理,成功只是時間問題,預計成交需要6-9個月
      3. $5.5淨現金還未計每股$2.5投資物業價值

      刪除
    3. 1. 交易未去到最後一刻都重有風險
      2. 你都識講係淨現金 緊係唔需要計投資物業價值
      3. 我想提出既只係你不負責任既言論

      刪除
    4. 第一日買股票?
      免責聲明: 投資涉及風險,證券價格有時會大幅波動,價格可升亦可跌,更可變
      得毫無價值。投資未必一定能夠賺取利潤,反而可能會招致損失,往績數字並非
      未來表現的指標。投資前應先閱讀有關產品的發售文件、財務及相關的風險聲明,
      並應就本身的財政、其他狀況及需要詳細考慮並考慮決定投資是否切合本身特定
      的投資需要。若有需要更應諮詢獨立之法律、稅務、財政及其他專業意見,方可
      作出有關投資決定。

      刪除
    5. 今日大部份內房都升,唔止3688 ^.^

      刪除
    6. 投機者, 3688佔你幾%到?

      刪除
    7. 同意 浮生若水 其實真係唔洗咁hardsell 每日唱好

      刪除
    8. 恭喜你! 依隻我都有貨並看好,不過由於公司從來冇提派特別息,估值上好難迅速提高...
      我地都要等等先

      刪除
  36. 今早見3688董事減持
    我又減持
    沽升淚
    哈哈

    回覆刪除
  37. 回覆
    1. 很簡單,因為賣方力量大過買方,所以股價就跌

      我就執平貨,4.1大手買了

      刪除
  38. 太傷心了!見3808連10蚊大位輕易衝破,決定加注2338療補吓心靈創傷。1132都中埋。

    回覆刪除
  39. 偉哥有無留意3323?今日旗下全線停線

    回覆刪除
    回覆
    1. 未知條款如何,不過呢D通常復牌後都可以炒一、兩日國企改革、重組概念。

      刪除
  40. 排緊多一注1132...@0.58, 但多數無行

    回覆刪除
  41. 跟偉哥買最好連分散投資的策略都跟, 因為如果唔係隻隻都跟,便不一定跟到581這隻倍升股. 我今年跟左825, 1132,3389,1203. 前2隻賺到微利, 3389慘輸兩成幾, 1203則是小輸5%。幸好有分散, 如果一注獨贏3389後果不堪設想, 我也曾幻想如果自己ALL IN 581手上現金便馬上翻倍,不過事前又有誰知道581可以倍升? 特別是偉哥出文後581曾跌了2成才開始升勢, 如果真的跟了, 我的下場也是輸2成, 因為我肯定會馬上止蝕。

    回覆刪除
    回覆
    1. 哈哈, 你肯定搞錯, 因為我3389第一注買入是0.415, 之後都好似冇再跌低過呢個價位, 所以你不可能是跟我買3389而輸20%。

      刪除
    2. 睇返股價圖, 係跌過落0.37元, 不過都唔會輸20%。

      刪除
    3. 呢隻早期其它網友提左先, 但係一開始炒除息的時候我未研究、亦冇買, 係等除息後股價大跌先開始買入。

      刪除
    4. 伟哥$0.415买入没多日便跌至$0.37左右,我就是$0.375再入多注的,没过三两天便是$0.465.我就是在0.465下了车,后再在0.425上车,报告完毕

      刪除
    5. 分散投資或分散投資我是無定,哈哈我只是選擇性跟偉哥買,而且多數不是即跟.我是願意輸2成但嬴要大的傻瓜.

      刪除
    6. 偉哥說的是呀, 3389的確是其網友們先開始討論的, 當時仍未派特別息, 然後就3389上演惡莊向下炒的戲,我講得不夠詳細。
      為免誤會我要講明, 我沒有想歸責任何人呀, 因為落盤的是我自己, 當然是自負盈虧。我還要感謝偉哥把自己的研究大方地分享出來, 我這段留言主要想講我認為 "分散投資" 這個策略比較適個偉哥的選股這件事。

      刪除
    7. 3389最令師奶impressive是有位師兄講10%止血了 跟返自己的止賺止蝕位是必須的 俾100個like

      Jam你持有320吧 哈哈
      雪球某文的主角說
      1 嚴守止蝕下跌2成必須出局
      2 放飛止賺
      https://xueqiu.com/8448834584/91585127

      刪除
    8. 320跟左偉哥2年始終跟甩左,賺唔到錢,唉! 不提了,香菇呀.:(

      刪除
  42. 3688發力了!利申感謝偉哥3.65上左

    回覆刪除
    回覆
    1. X2
      多謝偉哥3.75上左車

      刪除
    2. x3.5
      多謝偉哥3.65上左車

      -左0.5因為依隻我唔夠多貨 =.=

      刪除
    3. x4.5
      多謝偉哥3.70上左車

      刪除
  43. 哈哈,有時太多選擇又環境氣氛因素會影響會揀錯對象,原本今朝想加注546最終選擇2338,1132就無心插柳睇吓會否成蔭嘞,都係打波實無錯。

    回覆刪除
  44. 有冇朋友有留意2799中國華融?

    依兩日高盛將一部份股由non-ccass存入ccass
    日日係咁排沽盤散貨
    想請教下依個動作有咩目的?
    純散貨? 但佢有極大量貨咁散法散到天荒地老
    定係想壓價?

    回覆刪除
    回覆
    1. 有啊,長期睇好,不過股價無大變化

      刪除
    2. 偉哥可否講下點解好邪既?

      刪除
    3. 幫好多妖股做事, 又經常買垃圾。
      你可以用權益披露看看佢地持有乜股。

      http://sdinotice.hkex.com.hk/filing/di/NSSrchPersonList.aspx?sa1=pl&scsd=07/09/2004&sced=07/09/2017&pn=Huarong&src=MAIN&lang=ZH

      刪除
    4. 謝謝偉哥,
      但佢就係專買垃圾?
      仲要相對便宜咁買

      刪除
    5. 你再睇下佢買些妖股的價格, 有些是炒到最高位幫人接貨。

      有些可能是低位買,然後炒高, 但只是紙上富貴,出唔到貨的, 正如之前翠如股炒到幾百億市值有乜用, 一沽貨就渣到無得剩。

      刪除
    6. 謝謝偉哥,
      我再研究下

      刪除
  45. 其實巴菲特咁醒, 都要有芒格喺隔離先咁成功, 1個人幾醒都會犯錯, 如果有幾個差唔多咁醒既, 但又想法上會從唔同角度睇每件事既人走埋一齊, 會犯錯既機會可以降到好低
    巴菲特買既都係實業, 透明度好高而且管理層極佳, 家族企業既老千佢地又唔會買, 加上冇做槓桿, 其實佢地投資既條件已經好低風險, ALL IN當然勝算大

    如果你幻想自己係芒格, 咁你應該可以喺偉哥股入面搵你既ALL IN股, 你如果眼光好, 風險已經相對地細左唔少, 不過你要留意, 偉哥股有部份既管理層都唔係好人, 而香港上市公司唔掂既管理層都比美國多

    回覆刪除
    回覆
    1. 絕對同意係偉哥股入面搵相對勝出的機會大d,這亦是Jam追看偉哥blog原動力.
      看到升穿,1717今早均價4元追入了.此股我會一如既往一路升一路加倉.^^
      在此謝謝偉哥介紹!

      刪除
    2. 有好多朋友唔明白點解美股估值咁高,最主要原因係企業管治:
      美股大部管理層係努力做好業務,跟住回水please股東,以獲取bonus/option...
      而且大部份管理層係唔會亂發新股...

      相反港股大部份唔係想炒高cap水,就根本業務不穩,就算賺錢,大股東都係想收埋自己獨享。係咁既情況下,又點會有高估值....所以市場好多時係睇公司肯派幾多錢黎估值...

      刪除
  46. 偉哥可以分享下理想退休後的配置嗎, 我其實一出黎工作已經幻想退休, 而家父母差唔多半退休, 幫佢地諗緊

    回覆刪除
    回覆
    1. 呢D價就肯定唔會買物業收租, 主要都是將閒置資金投資股票。 而從過去10年的往績來計算, 我自己投資的成績肯定比買債券、基金的回報更高, 故一般人應該考慮將資金分散放係債券、基金、股票、外幣等, 但我自己就不考慮了,只擺係自己專長的領域。

      刪除
    2. 收租既槓桿太細喇, 而家已經唔吸引, 而且現今D租客心態同質素都處於極低點, 想收租既真係要諗清楚
      偉哥近10年, 年度化有20%? i.e. 10年由1變6
      我10年中過2次jackpot, 但都只係得1X%, 差好遠

      刪除
    3. 從2008年起計, 大約是1變10。如果期間不是有幾年將盈利抽走去還樓按,應該會好一些。

      刪除
    4. 我o岩o岩check過,過去幾年REIT大概幫我進賬一半既回報。
      我估我黎緊都係繼續REIT + 投行業務雙線發展

      刪除
    5. 咁以後呢度推既股票實越黎越難玩, 個個既錢都多左幾倍, 下下吹雞爭崩頭

      @redponza 咩係投行業務???

      刪除
    6. 佩服!佩服!偉哥真的比所謂基金經理還要出色。9年內能夠變1為10,需要年復利30%。往後也要嘗試跟偉哥您進行買賣。

      刪除
    7. 唔可以咁直接比較。資金少, 一般容易取得高回報, 所以7位數值的組合要升10倍, 遠比8位數值的組合容易, 更不要說9位數值的組合, 難度會更高。

      所以組合膨漲之後, 我自己都降低要求, 希望來緊每年平均有20%以上回報就滿足了。

      刪除
    8. @redponza, 可否分享下買左邊d REIT?我想買d想長線投資,睇過覺得領展最好,越秀最穩.

      刪除
  47. 血肉長城,1132@0.58添多注

    回覆刪除
  48. 看到內地人咁踴躍買入581,再計一計數,原來計及除淨因素,該股最近只是從高位回落約7%。配合價值修復及雄安概念等因素,我認為其大炒的潛在機會未完,但首要是再一次上攻$7及企穩。

    回覆刪除
  49. 777我怀疑你也买了1628,被你一踩动也动不起来了,$4.69入多注。

    回覆刪除
    回覆
    1. 你要准备了,我对它有信心,我在这只股赢了很多钱,三月份就开始买它,所以对它有研究,跌了就要有耐心喔!之前只重仓股1107最终在$1.45下了车,一下车不到一个月现便是$1.74,真是吐血

      刪除
    2. 1628,我之前有買賣過,個人覺得不錯,不過今天一配股就跌下去了

      刪除
    3. 正因为它配了股我才要买

      刪除
    4. 感覺沽壓幾大下, 希望一會上破4.71

      刪除
  50. 想問下有冇人用一通買期指? 有冇問題出現?

    回覆刪除
    回覆
    1. 期指就吾好啦,只怕萬一

      刪除
    2. 哈哈, 平日冇時ga, 我自己用左1-2年
      不過今日好似有D問題, 想睇下有冇同路人

      刪除
    3. 我用一通買了1628, 一切暢順, 只係隻股有些不暢

      刪除
  51. 230是否內房追落後?

    回覆刪除
  52. 似乎基金不喜歡598發股買招商局業務,自公佈以來股價無運行,今日再來一大棍
    但計下數公司發股佔現在股本約3分1,而新業務貢獻盈利也是約3分1,即是對EPS沒有太大影響
    不過如果計及整合後所發揮的協同效應(由直接競爭對手變同一屋簷下),日後盈利應可加多

    今日4.1任買,如果跌穿4元再加注

    回覆刪除
    回覆
    1. 收購價太貴,
      同埋真係冇見過有公司收購完之後真係有協同效應。
      反而經常後收購完出現減值、利息開支增加。

      刪除
    2. 算起來10位PE,都算貴?

      刪除

注意:只有此網誌的成員可以留言。