置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年9月5日 星期二

佔盡小股東便宜的關連交易


最近幾天有兩單上市公司的關連交易,包括順誠(00531) 作價4.8億人民幣出售於2016年度虧損達4800萬人民幣的附屬公司給大股東,錄得鉅額收益之餘,公司也決定將出售所得大部份用作派發特別股息。另外是昨天同得仕集團(00518) 公佈大股東以1.57億港元作價買入公司於2017年稅後虧損達8000萬元的業務,完成交易後公司將錄得約2400萬元的出售收益。

兩宗關連交易從表面上來看,都是大股東很慷慨地斥資將上市公司虧損的業務剝離,令到上市公司的盈利能力得以改善,並且強化了資產負債表,令小股東毫無保留地在股東大會上投票通過這些需要獨立股東同意的關連交易,不過大家有沒有想過這些關連交易最大的利益者可能是大股東,而不是小股東?

讓我舉兩個例子給大家參考:

1. 旭日集團(00393) 於4月公佈大股東作價2.2億港元購入上市公司的澳紐零售業務,當時該業務的資料如下:


資產淨值是淨負債4360萬元,2016年度稅後虧損是5547萬港元,而通函進一步披露截至2017年3月底的首季度虧損是4032萬港元,如此業務大股東肯以2.2億港元買回,小股東當時肯定是感恩戴德,不過如果知道其2017年第二季度轉為獲利,小股東可能會有不同想法。


該業務第一季度虧損4032萬元,但上半年全年只虧2488萬元,即是說第二季度已轉盈1544萬元!

2. 亨得利(03389) 大股東於去年底公佈以35億人民幣的作價購入公司核心的國內零售業務,而該業務的資料如下:


亨得利其後公佈的2016年全年業績進一步披露該出售業務於2016年全年錄得3.24億人民幣的稅後虧損,當中包括一次性的減值虧損2.72億人民幣,即是說核心虧損仍高達5200萬人民幣。大股東肯以35億人民幣買入一盤年蝕5200萬人民幣的業務,而且在完成出售後還會派發每股0.28港元的特別息,小股東會反對嗎?當然是舉脚贊成!

事隔數月後,公司公佈2017年上半年業績,大家知道這出售的業務業績如何嗎?有興趣的話可以自己看看亨得利2017年上半年業績,答案肯定嚇你一跳。

280 則留言:

  1. 金英真的很神奇, 之前0.8元以下大手沽淸2317, 現在公佈了一份差的業績, 反而加價大手買回,搞乜?

    回覆刪除
    回覆
    1. 我看私有化機會越來越高。

      刪除
    2. 幾萬股蝕本貨等開估......

      刪除
    3. 睇返CCASS, 上星期金英買的貨不是存倉於金英, 可能存於DBS或HSBC, 似乎此金英不是彼金英。

      刪除
    4. 元大、金英出手,咁增持法,應該有D鬼,但唔知幾時發生。其實2317隱藏左地產項目(預計今年年尾應該可以出售,雖然佢無講,收得咁埋,但我一直有明查暗訪),仲有就係不正常既折舊隱葳盈利...所以而家出手私有化係著數的!

      刪除
    5. 下午元大都提價到0.82買。

      刪除
    6. 個問題係佢地咁高調買,
      跟本無乜人會俾,
      仲用埋金英2.0來買,
      搞笑.
      其實佢地係想要價或想要貨?

      刪除
    7. 我諗確實是要貨, 佢地加價買之餘, 仲要一沽清0.82就同價排返, 唔似是托價沽貨....事實上全日成交都是0.82多, 好少買盤主動掃0.83, 如果是托價沽貨的話就好失敗。

      刪除
    8. "其實佢地係想要價或想要貨?"
      當然不是托價沽貨,
      我覺得佢只係想頂住股價啫.

      刪除
    9. 佢做個勁差業績已呃了這裡的人一半貨了。好在有偉哥明察秋毫,做我們的定海神針。

      刪除
    10. 我諗唔到頂住股價的原因, 又唔似會配股集資。同埋頂股價的話, 金英做都已足夠, 但見後來元大跟住係0.82都有買。

      我唔敢講明察秋毫, 亦都沽左一半貨, 但餘下一半貨點都睇埋佢是否會有後著。

      刪除
    11. 偉哥,仲有安信及蜂投都有出手買貨的,上年出業績前後,除左元大之外,蜂投都有主力收貨,之後勁大手轉左大貨去安信,有理由相信呢幾間野多多少少有關係的...

      刪除
    12. 佢地咁落盤買野俾我的感覺是想頂住個價多過買貨,
      其它方面無想過.

      刪除
    13. 如果我係班幕後,
      知道有消息又想買貨,
      我會用信誠買,
      安信,元大,蜂投全部掛沽.

      刪除
  2. 其實不要看小台資公司的財技, 我有時間也會講講最近股價大升的531, 也是財技高超。

    回覆刪除
    回覆
    1. 531既財技睇落都算正面,但偉哥認為好定唔好?

      刪除
    2. 我諗大股東又係佔盡便宜, 大賺特賺; 咁股價有得升, 對小股東而言都算利好吧, 雖然可能暗中被割了一舊肉。

      刪除
    3. 由佢7月份出了6千萬俾OPTIONS(行使價.66)俾公司管理層同執董開始,之後盈喜,出售附屬公司俾大股東自已再言明有機會派特別息
      偉哥覺得佢將東莞代工生產公司關閉個部份有D出古惑?聽聞資產有一塊地

      刪除
    4. 這個出售肯定是很古惑的, 尤其是如果佢地之前產能過剩的話。

      刪除
    5. 要將東莞廠房做到蝕錢實在太容易, 以此掩飾其隱藏的資產或實際盈利能力。

      刪除
    6. 睇位份出售公告,東莞廠房資產淨值9千5萬人仔,2016除稅後要虧損接近5千萬人仔
      大股東出4.8億人仔買返哂整個業務,雖然話出售後大機會派特別息,但大股東明手都有74%股權,某程度D股息大部份都係落返自已手

      如果有值錢資產,應該都係塊地

      刪除
    7. 唔係啊, 要做差盤數太容易。

      等佢出通函, 睇下中間有乜古惑。

      刪除
    8. 唔計股價大幅向上有利小股東....刻意做差盤數依個行為又對佢有D保留

      刪除
  3. 另外, 今日均價3.75增持了一注3688,現在持股均價約3.63元。

    回覆刪除
  4. 關連交易多數都係搵笨交易。

    回覆刪除
  5. 2339今日又曾創新低,未知劉生會否又走出來呻一呻?^^

    回覆刪除
    回覆
    1. 2339真係低處未算低,之前1.28個位以前叫見底,點知重有得落。期待年底母公司注入北美業務

      刪除
    2. 雖然我好討厭曾教授,但佢有句金句好值得學習,手中有股,心中無股。

      刪除
    3. 哈哈哈哈,Known兄,我今日小注入左D 2339幫佢助下陣。

      刪除
    4. yau: 我等佢跌穿$1.1先幫拖。

      刪除
    5. 我也迎陣以待!跌穿$1.1會幫拖的。

      刪除
    6. 多謝支持!我等一蚊雞先溝貨~

      刪除
    7. 到注入北美業務時先可以溢價配股, 扮好人....

      刪除
    8. 咁講真, 1.1我肯定都會溝貨。

      刪除
    9. 2339北美業務注入最遲應該係2018年6月,因為美國訂單增加(睇耐世特),所以公函嘅盈利應該係2017年12月,咁又可以作大個市盈率。入咗集團後就話兒亢單少咗再出個盈警黎。

      刪除
    10. 我個人黑心D
      我之前1.7全走
      望佢插深D

      刪除
  6. 之前我都有提过393这交易出价过低,现在看数据,费用成本方面减少已经足以令业务反转。令人怀疑是否早有购买业务的打算,所以其实近1,2年是故意增加了一些不必要的费用做差业务。

    都这么有钱还要这样,真X

    回覆刪除
    回覆
    1. 不這樣怎能變這有錢...

      刪除
    2. 哈哈, 咁如果與3389的張生比, 楊生的食相是好睇好多。

      張生簡值同搶無分別, 仲要聽聞係借錢來買, 加埋已收的特別息, 可能自己一毫子都冇出。

      刪除
    3. 咁亞洲公司係咁上下架啦...
      3389有派下息,已不算太離譜

      刪除
  7. 老老實實,公司上市都係俾大股東套現,搵小股東做白老鼠試新業務,
    依D所謂蝕錢業務,點估值,真係得過估字

    而從大股東通常係幾倍市盈率買番黎睇,依D業務係要依D價先有數圍 =.=

    回覆刪除
  8. REIT又升一小浸,資金轉入防守mode?

    回覆刪除
  9. 劉生mode: 今日大市升, 我又輸錢. 隻2339一直跌, 3399睇下又係尾市倒跌...

    回覆刪除
    回覆
    1. 777係咪做燈, 兩隻都有得升喎今日

      刪除
    2. 其實我2隻都有, 佢每日都講出我心事, 所以我今日要先發制人.
      不過我亦準備錢係跌穿自己均價約4.6再買3399, 2339就唔敢住

      刪除
    3. 我真係估3399尾市倒跌....

      刪除
    4. 老劉,3399上日收市@5.03,今尾市一刻仍跌,我捱義氣掃@5.04少少,打破你日日呻厄運,如有其他股友齊幫一把就更加好。

      刪除
  10. 2136到11點都仲係零成交,唔開黎睇我以為佢停左牌

    回覆刪除
    回覆
    1. 哈哈, market聽到你咁講, 就比一手成交你, 等你知道佢冇停牌。

      刪除
  11. 希望大家唔好再鞭劉師弟啦!
    就我而言,其實講輸錢經驗有用過講贏錢經驗 ^^
    諗辦法唔輸,就係贏錢既開始!

    依句說話我幾鍾意:"take care the downside and then the upside will take care of itself"

    回覆刪除
  12. 回覆
    1. 係3仙,share下贏錢既trade,等大家都開心下,亦唔好以為我淨係輸錢

      By the way,分享下283,五月尾買入,依家剛剛完成強制私有化,歷時四個月,唔太抵玩...

      刪除
    2. 哈哈, 咁不如博170的3毫子。

      刪除
    3. 319私有化作價不是3.01嗎?現價2.99應該只有2仙吧!不過319今天應該還沒有成交,CHING是早幾天買的吧?
      BTW,偉哥170已通過私有化嗎?

      刪除
    4. 170未通過私有化, 我自己估計通過機會大,而且最快10月份可以完成私有化。

      刪除
    5. 對,第一天買的!
      319無風險吧?

      170不是無風險呀...
      之前825大家也認為是板上釘釘的事,也失敗了

      刪除
    6. 依D碎銀仔,我相信冇乜人有興趣執 =.=

      刪除
    7. 哈哈, 825如果以2元為目標價, 一早已超標完成, 失敗了只是比多次機會大家一年後再賺多一次, 真係可遇不可求。

      刪除
    8. redponza師兄,我也有319,是早幾年的貨,本身蝕了不少,但派息高就繼續保留。
      現在當然會繼續keep,等公司行動比現價賣出能多收2仙,更可以節省手續費,當然保留啦。

      刪除
    9. 偉哥o岩! 825果時我淨係肯俾1.8,所以冇入呀,拮大脾中

      刪除
    10. Ivan,節省手續費係幾正既 ^^
      不過要諗你即沽收錢,D錢有冇其它出路
      如果買當炒股,執多幾%easy job啦

      又如果依D機會買得唔大,let's say買10萬樓下,計埋買入手續費,其實根本無肉食
      就算買大D,幾千蚊對好多師兄黎講都好濕碎 =.=

      刪除
    11. 剛剛套了筆低息資金,資金還算充裕,炒股又無其他師兄咁叻,一動不如一靜。
      幾千蚊唔少啦,但我以渣打計,買10萬股@2.98,扣埋手續費只得1800,約0.6%,不算吸引就不加注了。

      刪除
    12. 轉下眼825就快跌破1.7 ^^

      刪除
    13. 之前同意要約的825 小股東持股, 將於這兩天退回給小股東, 來緊幾日會有較大沽壓。

      最驚的其實是鄭家之後壓低股價,再配新股給友好去恢復公眾持股量, 然後在下次私有化時可以發揮作用。

      刪除
    14. 以鄭家性格,多數會這樣,亦可教訓這次不接受要約的。到時$1要約價都得!

      刪除
    15. 825最好一年配20%新股比自己友,配足十年,不然就供吓股,好似D老千股咁向下炒,然後再搵大量人頭投票私有化,好似170咁,做得出嘅話鄭家請隨便。但我肯定會用盡我識朋友丶親戚丶家人以一人持有一股方式去投反對票!

      刪除
    16. 825接受了要約的股票昨天已歸還給小股東,今天應有較大沽壓。

      刪除
    17. 先前6123曾跌至3.4,有20%折讓,值博率甚高

      刪除
    18. 825未到跳樓價,PB 0.4才考慮

      刪除
    19. 買股票只有一個目的:賺錢,而不是鬥氣

      刪除
  13. 3808、2338兩架大卡車叮噹車頭互不落後新高再新高, 睇番先前大行報告真係笑完又笑完全同我水準無分別,信一成雙目失明。

    回覆刪除
    回覆
    1. 哈哈, 所以大行的報告不能盡信, 用作參考就可以。

      刪除
    2. 就係參考咗畀啲報告影響早沽咗3808,後期要高追2338囉,唉。

      刪除
    3. 2317如果私有化 出什麼價錢合理 利申我有貨

      刪除
  14. 385小跌,放低過銀仔跟下機先

    回覆刪除
  15. 113近日成交多左, 似乎好多人等緊大股東披露通過以股代息增持。

    回覆刪除
    回覆
    1. 雪球管我財看好都有關係?

      刪除
    2. 其實,雖然3389大陸業務係賺大錢,但係留意係借貸買番黎,一年要比過億嘅利息。利息通常唔會擺係分部業積內,所以如果計埋借貸成本其實不是賺非常大錢嘅。

      其實,很多中資公司會賣番比大股東,越秀係一個例子。佢都有唔少財技用過。

      刪除
    3. 你再詳細看看亨得利的中期業績, 看完就知已出售業務的已扣除財務成本的稅前及稅後純利是多少。

      刪除
    4. 不能如此算法

      由附注7計起

      半年盈利:281,749
      減: 少數股東權益 59,450
      減: 2016年利息支出/2 = 202,923 / 2 = 101,461

      其實說穿了,對3389股東來講,呢盤生意賺120,838

      以35億代價計,大約係市盈率14倍,以零售股來講係低了一點

      刪除
    5. 你都識講睇附注7A, 你有沒有看到在計算出售業務的純利時, 2017年上半年該業務的財務成本32,296,000已經入帳, 那為何再有1億的財務成本?

      刪除
    6. 偉哥,因為提早贖回咗債務先得3千2百萬,對比要用未贖回債務前,即2016年年報呀!

      都話3389係借錢買中國檔生意,一係就發股但eps會低好多

      刪除
    7. 問題是現在還是否需要付此債務利息?

      或者簡單咁講, 你是否同意張生以35億人民幣買入了一盤今年上半年賺2.2億元的生意?

      刪除
    8. 你可以睇下出售時虧損4億,但2.6億是無形資產,1.3億是deferres tax asset 加上1.3億稅及5千多萬嘅匯兌虧損,其實出售係高於帳面有形資產值嘅。

      從呢個角度去諗,3389股東被搵著數定搵咗大股東著數?

      我嘅睇法係,根本存貨嘅價值唔值呢個數,所以睇落賺錢,但計及存貨撥備呢,我覺得大陸業務唔係真係賺咁多。

      存貨值幾多,呢個行業其實都幾假下,啲鐘錶一時好高價一時好低價,影響都幾大

      刪除
    9. 3389股東搵大股東著數, are you dreaming

      刪除
    10. jeffrey lau, 不要简单复杂化啊
      “簡單咁講, 你是否同意張生以35億人民幣買入了一盤今年上半年賺2.2億元的生意?”

      刪除
    11. 好坦白講, 如果搵到有個上市公司大股東會真金白銀輸送利益給上市公司, 仲要係自己冇錢都要去借錢來明益上市公司, 呢D老闆真係要誓死瞓身跟隨。

      股場險惡啊。

      刪除
    12. 大股東或管理層吾搵公司大笨,吾嚴重侵害小股東利益,已還得神

      刪除
    13. 以我小學生的理解,一般出售業務都先秤下該業務的資產淨值(同財務成本或其他支出無咩關係),睇番報表,net assets disposal 約有42億人仔左右,但張生只付了34.6億人仔就收歸其下,賬面上張生賺近4億兼吞下亨得利的最賺錢的一個業務!
      而亨得李從而收取net cash inflow 約23 億人仔,令剩下業務凈資產約56億人仔,如扣除9月份派特別股息(加權平均股數股4774182427股X0.25人仔=約人仔11.9億)剩下44.2 億,即每股淨值約人仔0.927!
      亨得利被私有化的動機就更大,但以張生的持股比重33.13%要私有化亨得利就有點難度,好明顯需要外援私底下幫手!

      刪除
    14. keith WK & 偉哥及各位師兄

      有以下問題,想請教各位
      1。keith 兄提到9月份派特別股息(加權平均股數股4774182427股X0.25人仔=約人仔11.9億),但截至除淨前應為4,684,526,959 股,所以是否用此數更準,所以實為13。1億。

      2。但偉哥在上一則文章的留言中趧提到"3389餘下資產其實很簡單, 包括: 淨現金+ 股票約32億港元; 17億港元的存貨、3.6億港元的應收帳、6億港元的投資物業+廠房、設備,負債方面只有4億港元的銀行貸款及5億港元的應付帳及稅而已。"

      根據偉哥之答案,小弟用了一個晚上左右翻查,還是得不到此數字。 例如,存貨在年中報告的第42頁,明明是寫1,453,740,但為何偉哥為何說有17億,除此之外,其他數字也是找不出來,懇請各位解說一下。 謝謝

      刪除
    15. 噢。。。。。不會是因為人民幣兌港幣吧。。。。吖。。。。。。花了我一個晚上。。。

      刪除
    16. 唔好意思,分開了三個留言。下次會改善
      如果是港幣,偉哥有否計錯了這部份"淨現金+ 股票約32億港元"
      (43。9-11。7息)*1。2=38。4 hkd?
      另外,偉哥沒有把優先票據767M歸入到負債當中?
      懇請各位指教。 萬分感謝

      刪除
    17. 那優先票據已贖回,故此要扣掉,詳看通告。

      刪除
    18. Keith: 42化億不是3389全資擁有,是有小股東分佔超過5億。仲有,商譽,稅金及匯兌虧損(可能大部分無形資產)都係3389全資擁有。

      不過,因為Circular 冇做valuation,佢啲固定資產同投資物業值幾多,真係唔知

      刪除
    19. Jeffrey, 一般公司出售部份業務時都不會將該業務的凈資產價值再分大、小數股東的權益,是以一個整體價值去秤一秤!

      在這裏要先攪清楚幾件事,在報表上可以睇
      Equity shareholders 同 Non controlling interest (非控股權益),一般亨得利的小股民只睇equity shareholders 條數,因這個數是公司可以派給小股民的利潤!

      而non controlling interest 這是派給其他控股股東,不是給亨得利的小股民!

      你常常說的小股東應該不是指這個吧!

      另外你可以睇到出售後,其實non controlling interest 竟然可分到約5仟9佰利潤,而equity shareholders 要 loss 1.83億,這個對亨得利的小股東共平嗎?

      再者,一般計算都不會將每項資產去秤大小股東權益,因意義不大,只需睇下該資淨值,再計下小數股東權益就可以!

      但重點係如偉哥所講,你是否同意張生以35億人民幣買入了一盤今年上半年賺2.2億元的生意?

      刪除
    20. 3389不是全資持有中國業務...只持有75.54%,但合併時是以100%。

      上半年賺的2億已入3389的股東袋,但鐘錶行業有高低,下半年一定賺咁多?但我肯定係,3389以後可以節省近兩億元的利息支出,即係我用兩億搏四億但四億唔係包賺,明白未?

      刪除
  16. 802郁、1633之後都會跟著上。萬試萬靈

    回覆刪除
    回覆
    1. 我不久前亂講802反彈會見3毫, 想不到這麼快今天對現了。
      C9賣出剩餘的802, 今晚加菜!

      刪除
  17. 原來富昌隔咗一日又黎過。

    回覆刪除
  18. 梁孟松将会担任中芯国际联席CEO职位,唔怪得升咁多,但未出公司通告都唔知堅定流。。。上周五沽空超高,唔會只為殺淡倉卦。。。

    回覆刪除
  19. #1132剛剛國泰君安係$0.64沽咗1.77球

    回覆刪除
  20. 802 真係上返$0.3
    之前有網友講過 真係開口中

    回覆刪除
    回覆
    1. 0.1買入可惜無耐性坐到而家,回報好和味

      刪除
    2. 我都係0.145買入
      我仲慘,驚得滯止蝕離場

      刪除
  21. 回覆
    1. 很失望,雖然也未至於要輸。

      刪除
    2. 希望聽日site visit 完,之後會有好消息

      刪除
    3. 唔跌基金點買貨哈哈

      刪除
    4. 希望參加site visit的網友回來後可以和我們分享一下。

      刪除
    5. 估唔到尼兩日至掉頭行 尋日仲淨買入8千幾萬哎

      刪除
    6. 拿,唔好話我馬後砲,呢排買581應該都要輸錢,跟住偉哥就話點解兩蚊唔買,四蚊唔買,6.9先買....

      其實上次3399我咪又係咁,坐到而家

      有時,真係時機唔啱,未必同買股心理質素有關係

      刪除
    7. 老劉, 試下入3688吧賺返吧, 偉哥成本係3.63, 依家只係多1毛

      刪除
    8. 你禁講唔太正確。偉哥都放哂禁濟,你話6.9買,呢個唔多似係跟偉哥,而係做作對家wor。

      刪除
    9. 哈哈,你夠膽高追心理質素一定與常人有別,至於時機就。。。。。。

      刪除
    10. lau, 公道d講,偉哥晨早2個幾既時候已公開講左入貨,跟住跌到2蚊,睇開呢個blog既朋友都知,如跟開偉哥買賣係2到3蚊已入哂貨,如你係睇趨勢,7月大成交升穿3蚊已經追左,等到6蚊樓上偉哥亦有公布沽剩1萬股,如你要追既就應該自己考慮進退時機同計劃,我自己就係4月頭摸頂2.6買入跟住7月升穿3蚊係3.3再買然後係5蚊減左3分1其餘到而家,如你次次都摸頂買咁應該係你自己本身交易系統的問題,應該諗方法改進而唔係成日係度呻。本身我都好少留言但都認唔住打咁長文出來,希望你之後post有內容等大家互相學習而唔係散佈負能量。

      刪除
    11. 我只係以581作例子,唔係散佈負能量。好多時只係時機不對,有啲股偉哥賣哂一樣可以再大升,咁如果跟偉哥清倉賺少咗又入偉哥數?

      股市大家都係估估下,洗咩咁認真呢

      刪除
  22. 只可以用嘆息來形容為區區$446.4而多天在呻吟,是否我真的與這個社會生活指數脫了節?!又或許我太過視錢財如糞土呢?!嘿嘿,真的摸不著頭腦。

    回覆刪除
    回覆
    1. 其實唔係輸得多,問題係今年由22000到28000我真係搵唔到錢咁解

      刪除
    2. 你有一定既資金的話,考慮玩ETF吧,我既朋友們的由年頭至今的回報都相當不錯

      刪除
    3. Yamazaki兄, 請問ETF最低入場費點玩, 現在買仍ok嗎? 可以提供多些資料嗎? 其實我同老劉一樣, 呢次升市無乜錢賺, 唉....

      刪除
    4. ETF只係上市基金, e.g.2800 3188

      刪除
  23. 偉哥會否有興趣沽空 2689&2314
    我覺得呢2隻都被高估得好犀利

    回覆刪除
    回覆
    1. 可能做pair trade, long估值較低的2314, 沽沽值貴的2689。

      刪除
    2. 我自己都想學下點沽空,不過現時資金唔係好多,暫時都係觀望接觸下算
      thx,偉哥

      刪除
  24. 無論係大股東將垃圾業務注入,
    定係大股東買走賺錢業務,
    我都覺得呢總股都係少碰為妙。
    係經營風險以外多左個比大股東搵笨的風險。

    回覆刪除
  25. 逢7大跌, 今年有無黑天鵝呢?

    回覆刪除
    回覆
    1. 很多人都希望恆生指數下跌90%, 買平貨!
      因為沒貨的人比有貨的人多很多!!!

      刪除
  26. 偉哥

    請問你會否抽SISRAM, 第一隻以色列股,行業龍頭,由復星分拆。

    回覆刪除
  27. 收緊「大合供」 向下炒終結

    港交所上市委會否決中農產品(0149)「大合供」,刺激股價急彈,同時代表「向下炒」時代終結。2015年立法會已有議員要求糾正「大合供」向下炒,惟當時財庫局局長陳家強不以為然,並無作出跟進,令事件拖延至今,今次收緊「大合供」,有利市場投資者信心。

    回覆刪除
  28. 825今日比返的股票散戶嗎?

    回覆刪除
  29. 3688@3.6 偷雞增持...希望好運

    回覆刪除
    回覆
    1. 開市前已set左3.6 ,我都無諗過咁快買到.
      收高息博特別息爽啦.
      其他內房真係買吾落手.

      刪除
  30. http://hk.apple.nextmedia.com/financeestate/art/20170906/20144508
    對財務數據不太熟悉的讀者,可能對兩家房地產商的債務狀況,沒感覺。傳統內房龍頭,是中國海外(688)、華潤置地(1109)及萬科(2202),按相同基準,三家內房的總負債,分別是股東資金的0.8倍、0.8倍及1.1倍。出名經營保守的本港地產商,如新地(016)及恒地(012),總債務只及資產淨值的0.17及0.21倍。

    逆向思考,持淨現金的內房應最值博

    回覆刪除
    回覆
    1. 上年跟louis買入賣地大賺的298,一年有近40%回報
      同樣道理,3688賺近兩倍市值,坐一年回報應更高

      刪除
    2. 3688 Louis無買, 佢太太買only, 好似話功力勁過佢自己

      刪除
  31. 回覆
    1. 吓死宝宝了,大前天在$6.27追入去的,幸好昨天趁底又接了货,一早见插那么多,心都没底了!

      刪除
    2. 又去返我個位, 升多少少好無

      刪除
    3. 恭喜你,581係叫做青儿提款機,你出出入入多次好正喎。

      刪除
    4. 唉!赢了就是提款机,你不知我在$6.27追入去时心碎了一地,高也追,底也买,有时连我都看不清自己了。

      刪除
    5. 有時候要贏錢就要膽量👍

      刪除
    6. 581挺起,1132急跌。真係「一啖砂糖一啖屎」

      刪除
    7. 於我督屎大過啖糖好多好多。 唉..

      刪除
  32. 回覆
    1. 777面对136我真是无语了,再一次输钱给它,现在才知道猪是怎么死的,原来猪就是蠢死的

      刪除
    2. 現在平手啊, 我未輸啊, 為何你這樣罵我是蠢豬呢.... 我知你心情不佳, 無所謂 :D

      刪除
    3. 我大前天一早买入的,你说我骂谁了?我心情很好,我1918今天在$25.5减持了一半来换3333

      刪除
    4. 內房好旺你, 你五行欠土嗎?
      又賺錢, 唉, 真係......
      136等你拉升, 請幫手給力

      刪除
    5. 我五行欠钱更欠金,136发抖中……

      刪除
    6. 有700在後+3333, 應該沒事吧, 不要嚇我

      刪除
  33. 回覆
    1. 請問邊個大戶出貨,約3M股左右。

      刪除
    2. 不明所以。呢幾日個勢好弱。

      刪除
    3. 見到有大戶,每逢在$0.61呢個位儲夠一定散戶買盤就一下大手掟落黎,我地應該有人接成功買入。唔係又係國君吧!?

      刪除
    4. 大市比我既感覺好淡爭持,近排又有天災又有政治風波,好唔穩定。會唔會係大戶開始抽部分資金出黎避險 / 趁調整換馬呢?

      刪除
    5. 我0.61接左貨,請問8463係邊個交易對手?

      刪除
    6. https://upload.cc/i/pY1Zcb.jpg
      唔知對大家有無幫助...

      刪除
    7. 可能係我...我0.61放左D轉去其他股票...接貨係中銀....

      刪除
    8. 估計多數都係大戶risk off

      刪除
    9. Known兄會否減持以避風頭?

      刪除
  34. 1132可到0.6,3389@0.39、2339@1.1、3399@4.9、3688@3.5應該全不是夢,哈哈。

    回覆刪除
  35. 唉,原本諗住見龍在田,期待雙龍出海,依家唯有等不是夢出現啦。

    回覆刪除
  36. 680 的動作多多,有無師兄留意?

    回覆刪除
  37. 825 1.44 now, 1.22 isn't a dream!

    回覆刪除
  38. 825 估計會到1元邊先可以停下來

    回覆刪除
  39. 1717依兩日大市點郁都唔趺仲KEEP住升少少

    回覆刪除

注意:只有此網誌的成員可以留言。