置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年12月19日 星期四

物管股之母公司/關連公司利益輸送


最近1年多,物管股突然受到市場寵幸,估值大幅上升,除了因為盈利的可預見度高,還有就是業績高增長,主要是受惠於近年的內房銷售節節上升,加上在管面積大幅增長所致,而且營運效率也提升,所以市場都願意給予較高的估值,一線龍頭股的2020年預期市盈率有些已高達30倍以上!

大家都知道選物管股的其中一個邏輯是有沒有強大母公司/關連公司的支持,因為背後如果有強大的內房支持,可以確保管理面積的穩定增長,是盈利增長的源頭之一。市場固然喜歡背靠強大內房的物管股,但另一方其實也會擔心利益輸送的問題。這裡說的利益輸送,並不是物管股輪送利益給母公司,相反地是母公司輸送利益給物管子公司,例如通過一些非業主增值服務,又或者將一些營運的成本由母公司負擔,令物管子公司的帳目看上去非常完美,但並不是反映真實的業績。

大家知道內房母公司為何要輸送利益給物管子公司嗎? 已上市的物管股當中,大家覺得那2、3間的業績才是最真實反映業務情況的? 

236 則留言:

  1. 唔知係唔係上一篇文章得罪左好多人, 所以突然多左些新人來留言, 似乎而非.....

    講真, 我無意影響他人的利益, 包括業界或個人, 只是指出制度的漏洞、不公平之處, 希望監管機構注視。

    回覆刪除
    回覆
    1. 監管尤其涉及內地的,可能唔係好多野可以用到,或者可能要搞好耐先有些少進展

      刪除
    2. 問題的根源是目前IPO系統預留的身份証或証件號碼只有9位數, 但大陸身份証號碼有10幾個位, 所以要解決問題, 只要改改目前的系統就可以, 並無需要國內配合的, 主導權全在香港的監管機構。

      刪除
  2. 碧桂園和碧桂園服務的估值差距已經說明一切。

    最真實物管股應該是中奧到家,沒有父幹,估值地底泥。

    回覆刪除
    回覆
    1. 又咁講, 中奧到家盤數我一直有保留的。

      刪除
  3. 這一季的IPO實在是非常旺場, 除了多左資金參與外, 也因為這期上市的新股中, 有不少有賣點或者高質素的, 所以這兩個月如果有參與打新的, 相信都有很好的回報。

    回覆刪除
    回覆
    1. 唔需要技術,合埋眼抽,抽中就放,回報好過股神。。。

      刪除
    2. 哈哈, 但如果今日是中左9928, 而不是6049的話.....雖則兩隻都是物管股。

      刪除
    3. 可惜幾隻大股都唔敢瞓身。不過講返轉頭,錢賺唔盡,瞓身一野仆直就玩完鳥。。。隻1553都算經典,暗盤兩倍,首日穿招,向緊-50%進發。。。

      刪除
    4. 9928 ao入
      $5沽
      另抽到7000$5沽

      白做

      刪除
    5. 今年ipo 真係超好。感謝偉哥 (仲有OrbiMed,哈哈)

      刪除
    6. 今年上的,雖然依然有唔少垃圾癈殼股,但真係多咗有質素的股

      刪除
    7. 要多謝富途幫手炒旺個場, 最記得有期隻隻升1倍

      刪除
  4. 法巴做保母的成績都唔錯, 6919有留意, 但嫌估值比2180貴, 所以一直想等破底、跌多些才買, 不過保母護盤, 跌得少少已升返上來, 錯失機會。

    回覆刪除
    回覆
    1. 睇番記錄,法巴做保母的好似都唔錯,首日未必會升好多,但之後的表現都幾好

      刪除
    2. 所有外資大行做的,係真係實在的

      刪除
  5. 似係你近排形象受損多,時刻要被提醒,你平咗好多,近似財演

    回覆刪除
    回覆
    1. 冇乜所謂啦, 我只是分享我的看法, 如果覺得似財演就財演吧。

      我成日都講, 合之則來, 不合則去, 從來都唔志在有幾多人睇我的網誌。

      刪除
    2. 提幾提都好,減低心理不平衡

      刪除
    3. 點解會有心理不平衡?

      我希望網友們就算覺得呢度適合你看, 也不要幫我出去宣傳。 我唔想讀者人數再增加, 如果可以自然流失部份讀者會更理想。

      刪除
    4. 啱嘅!你教嘅割完一棵韭菜又一棵。舊既先會知道內裏乾坤。拜拜

      刪除
    5. 偉哥形象受損多? 平行時空?

      刪除
    6. 有人覺得我是幫莊、是打手、是財演, 一笑置之。

      如果要介意別人怎麼諗, 只會自尋煩惱, 所以覺得我是幫莊、打手、財演的, 懇求你們不要再受我所害, 不要花時間在這裡睇文章、留言了, 感激不盡。

      刪除
    7. 一個15人的小型網友群組,我不知道如何洩密,有任何交易我都只在這裡分享,不在群組說。當然,群組裡有群友問到有些買賣邏輯,我會私下講解清楚一些,如果這是洩密,那就是了,有乜所謂,這是我的自由。

      刪除
    8. 細口你講你自己?陰公豬

      刪除
    9. 你是不是想搗乱?輸錢咪輸輸錢,做人要有品。

      刪除
    10. 我邊一句話我輸錢呀?個市底咁強大,隻隻升,又有邊一句係搗亂冇品呢?

      刪除
    11. 請不要浪費時間爭執, 如果覺得這裡有參考價值的, 就繼續看; 如果覺得完全不值得一看, 那就離開這裡吧。

      刪除
  6. 答案是否管理層的認股權?

    回覆刪除
    回覆
    1. 2007的盈利提升1億元, 可以提升多少市值? 6098的盈利增加1億元, 可以提升多少市值?

      再諗諗有些公司, 例如1995、6098咁, 物管公司的控股權是由誰持有的?

      刪除
    2. 稔緊造大子公司的市值後,母公司如何取利。
      押股?賣股?

      刪除
    3. 造大市值及估值後, 物管公司日後配股集資或者母公司減持獲利都容易。

      等物管公司頻頻批股集資之時, 就是退出、甚至沽空呢個板塊之日。

      刪除
    4. 2669 同2869 盤數應最真

      刪除
    5. 確實是。我有次去某隻物管股roadshow, 私下問管理層, 同業之中邊隻業績最真實, 佢諗都唔使諗就講左綠城服務,而2669也因為是國企關係及多第三方收益關係, 少左利益輸送的疑點。

      而家保利上埋市, 大家都會覺得保利也是母公司輸送利益較少的一間, 所以願意給予2869的估值。

      刪除
    6. 當你見到物管公司的毛利率可以去到3成幾、甚至4成的超高水平, 不得不思考一下物管真的好賺成咁?

      如果不計一些增值服務收益, 原來單純計物管業務, 毛利率1成多是合理水平, 大家可以看看自己持有的物管股, 目前公司整體及物管服務的毛利率分別是多少?

      刪除
  7. 左手交右手,條數真係x砌

    回覆刪除
    回覆
    1. 好正常啊, 1億盈利留係母公司, 先提升5、6億市值; 盈利撥去阿仔, 市值可以提升20-30億, 稍為有腦的老板, 都知道盈利要盡量撥去那邊。

      刪除
    2. 恒大物管應該會好靜彩

      刪除
  8. 恭喜偉哥,見到偉哥入B飛,暗盤買一大注等字眼
    只要信不要問 肯跟就賺大錢
    感謝偉哥帶領

    回覆刪除
    回覆
    1. 唉, 我孖展飛成本價是37.7元, 所以一開市落左37.5元的買盤, 可惜中唔到, 等1、2分鐘都中唔到, 即刻加價去38元也買不到了, 之後上到39元更加唔想追貨, 錯失一次良機。

      尤幸今日沽出價算唔差, 只計自己的貨也有大約6位數回報, 合乎自己原本的預期。

      刪除
    2. “只要信不要問 肯跟就賺大錢”

      你呢句可以害死人,如果人哋借孖訓身,你又有冇想過個後果呢?人總是喜歡報喜不報憂,跟咗利華和鵬飛的人呢?


      刪除
    3. 講真我完全唔同意只要信不要問, 從來都是要知道自己買左乜、點解要買, 下決定前要諗清楚。

      另外, 其實可以從右邊的搜尋留言搵到我以前的留言, 1346我沒有認購, 是暗盤小注買入, 博佢有綠鞋會頂一頂, 但上市第一日見保母唔係點頂, 開市已沽出; 3348是在"過左"認購期之後先講認購A尾, 我一早講左小型股我唔會在認購期內披露會否認購, 看留言的日期可以看到, 所以我唔知可以如何跟我認購。暗盤可以平手走, 但見有大買盤頂住所以冇沽, 第二日開市見唔對路先止蝕沽出, 甚至連我在暗盤加左些少都冇在暗盤時段提, 在第二日止蝕沽出後先補充返。

      刪除
    4. 真是多了一些牛鬼蛇神,偉哥不用在意。

      刪除
    5. 近日的文章應該是影響了一些利益團體, 碰到蜜蜂窩, 不過我無悔。

      幾年前我寫左一篇關於一隻現在已停牌、甚至就快除牌的一間民企違規的文章,也是碰到蜜蜂窩, 我那時是私下被"勸喻" 收回, 而我亦膽小地收回了那邊文章, 不知還有沒有網友記得是那間公司?

      等間公司被清盤後, 我或許會重刊該篇封印已久的文章。

      刪除
    6. 我話比你聽,仲有幾隻,全部我冇跟買所以冇跟輸,只是在我觀察名單內,我之不過叮囑比網友睇,亦都不是要追討偉哥,因為你哋嬴就會有人輸,輸的人或是比你們窮困的人。

      刪除
    7. 因為你哋嬴就會有人輸,輸的人或是比你們窮困的人.....所以股票是零和遊戲 (Zero sum game)?

      不如你搞清楚股票是否有人贏錢就等同有人輸錢這個概念再說吧。

      假設9966上市, 有人IPO抽到, 然後暗盤11.5元沽了給我, 所以那人是輸了錢給我, 對嗎? 搞清楚概念再來指責我, 是否我賺了錢, 就代表有其他人輸了錢給我?

      刪除
    8. 我不如問多一個問題, 700在2004年上市時只是大約60億市值, 15年後升值至358787億市值, 無數股東發左達, 那麼想問下700升值大約358700億市值, 如果股票是零和遊戲, 有人賺錢代表有人輸錢的話,那麼是什麼人輸了358700億出來?

      不管你對我看法如何, 想清楚這個基本概念問題, 不要以為有人買股票輪左錢就就等同有人賺左同等的錢, 股票不是zero sum game, 而是positive sum game或negative sum game。

      刪除
    9. 得喇,個平台係你,點都係你正確,我想講既都只是我既感想,我之不過將我眼見事情說出,你講既長短線,我係講出部分人不敢說的事實。

      刪除
    10. 所以你的事實上: 因為你哋嬴就會有人輸,輸的人或是比你們窮困的人

      算啦, 如果你連咁簡單的概念性錯誤都唔想去糾正, 那麼當然代表我有錢賺, 就是有人輸錢, 所以如果你覺得有問題, 就無謂花時間在這裡。

      講真, 我最看不起的正是成日覺得我廢、有問題, 但又偏偏每日都要來睇一個廢人的文章、留言的人, 搞到我都唔知究竟誰更加有問題? 忠於你自己, 請遠離這裡吧。

      刪除
    11. 好奇怪FC9竟然會誤會偉哥

      刪除
    12. 插嘴一下,咁大個人買股票之前諗下點解要買好嗎?唔係人地比個number你就要買,家下偉哥有用枝槍指住你跟買咩?所有野去到最後咪又係個貪字,你話輸嘅係貧困嘅人,如果自己都唔夠食學人買乜嘢股票

      刪除
    13. 小志強,FC 不是 FC9 呀!

      刪除
    14. 是我弄錯,以為同一人。多謝偉哥隻時代,否則又孖展買

      刪除
    15. "只要信不要問", 係好多時我抽新股的信念,因為咁,我就抽咗9911。明知自已係賭緊錢。不過下句 “肯跟就賺大錢” 呢句肯定錯,世上邊有呢樣野。

      刪除
    16. 9911我自己覺得有問題的, 不過竟然D文章吹到咁大, 講到係海外版的抖音咁, 居然又有咁多投資者全盤接受, 瞓身認購, 咁我都入左2張現金飛跟下, 每張10萬股, 當抽獎咁, 博各中一手, 打算暗盤即刻沽出。

      呢隻如果瞓身落孖展飛的話, 值博率真係不高。外面將佢包裝成海外版的抖音, 魯大師第二, 好多人期望上市初期會有1-2倍的升幅, 真係咁易? 大家如果有時間, 可以計算下打和點: 當佢超額800倍, B組平均中籤率只有0.4-0.5%左右, 那麼用9成孖展落左B組飛的話, 要升幾多先可以打和?

      最後最重要的是有幾多人真係聽過呢間公司? 魯大師呢隻流氓軟件我聽過, 亦聽過唔少人用過, 而且母公司是360, 最少我都覺得是實際的業務, 只是有母公司輸送盈利比佢的嫌疑, 但赤子城我問過好多人, 無人聽過, 但佢聲稱全球有8億用戶咁多, 真係奇怪。

      所以我之前一直在說呢隻新股的營銷推廣能力好強勁, 或許上市初期真係可以大升, 但我唔會冒呢個險, 就以零手續費、零利息的方式去認購, 除非暗盤已破底價, 不然我就肯定無得輸。

      刪除
    17. 可惜,我錯失左近期新股潮 ...
      股票不是零和遊戲,應該期指先係零和遊戲吧 ?

      刪除
    18. 9911 孖展好爆, 定係佢太細隻? 我無落, 睇下暗盤有無得賭

      刪除
    19. 赤子城孖展止飛 傳錄超購逾760倍 勢成今年超購王
      https://www.hk01.com/%E8%B2%A1%E7%B6%93%E5%BF%AB%E8%A8%8A/412051/%E8%B5%A4%E5%AD%90%E5%9F%8E%E5%AD%96%E5%B1%95%E6%AD%A2%E9%A3%9B-%E5%82%B3%E9%8C%84%E8%B6%85%E8%B3%BC%E9%80%BE760%E5%80%8D-%E5%8B%A2%E6%88%90%E4%BB%8A%E5%B9%B4%E8%B6%85%E8%B3%BC%E7%8E%8B

      刪除
    20. 9911 計埋可能超近千倍,應該真係好多街外人抽。就算第一天都可能唔洗太驚。
      但業務真係唔識comment,都係廣告的話,可能隻股價表現好差的1917相比下實在得多同平得多

      刪除
    21. 期指先系zero sum, 股票點可能系呀

      刪除
  9. 1828的私有化通過左, 不過反對對高達獨立股東持股的5%, 証明還是有不少小股東覺得作價不是太合理。

    回覆刪除
  10. 從來冇想過呢個問題,多謝分享,比蔡金強洗左腦,清醒返d先

    回覆刪除
  11. 1729到底咩料呀,係咪做假呀,咩5G都升佢仲要跌

    回覆刪除
    回覆
    1. 2019-12-19 11:33:01

      昨天382的大跌, 似乎是有傳聞起新校舍的建築工程交易, 是一宗關連交易, 所以昨天公司立即發通告澄清, 也披露了兩間承包的建築公司的股東資料。

      現在市場對於關連交易有太多的擔憂, 尤其是中小型股, 擔心會有利益輸送, 此亦可能是1729近日股價不濟的原因, 因為他們有一宗關連交易正在等候審批, 而且應該是重大交易.....管理層應該要再考慮是否要落實這宗關連交易!

      偉哥

      刪除
  12. 其實真係好諷刺, 有不少人覺得我是打手吧.....但偏偏近月新股的暗盤時段, 這裡却有大量CD-ROM在等著看我分享有什麼操作。
    點解知道有好多CD-ROM? 雖然好多人無留言, 但google analytics 有在線人數的即時數據, 一看就知有幾多人在線。

    回覆刪除
    回覆
    1. 借機會多謝一下偉哥,
      國際配售消息同幾時路演都唔係一般老散可以搵到,
      每次偉哥都會肯開心share

      刪除
    2. 相信只有極少數別有用心的牛鬼蛇神覺得偉哥是打手。他們往往才是打手。

      刪除
    3. 幸好你的操作是升 不然CD-ROM現身變CD-RW 鬧爆 哈哈 無奈現實就是這樣 令人輸錢就說是打手幫莊家出貨..

      刪除
    4. 希望唔好打沉偉哥發表見解的心情。公道自在人心。

      刪除
    5. 已看了你的blog很多年,其實這類人差不多每年都會出現幾個。

      這類人總會覺得自己只會贏,不會輸。然後你是有責任把你的全部買賣都要告訴他,還不能有錯,而他只要跟著買賣就可,最好還要買入價比你低、賣出價比你高更好。

      刪除
    6. 對, 差不多每年都會出現幾個(可能係同一個人), 係都要話偉哥有問題, 做打手, 但又無FACT CHECK, 又無證據, 得口講, 你話你家誠哥都得啦, 學人帶風向? 學多幾年先啦三毛

      刪除
    7. 係咁架啦,木秀於林,風必摧之

      刪除
    8. 偉哥,我係其中一個cd-rom, 因為每次留言要logout & login, 好多時都懶了,所以少留言。
      仍是cd-rom之一,因為偉哥effect仍然存在。至於牛鬼蛇神,你滿有經驗,愈來愈高EQ了。
      我一向不太憧得做IPO, 但近來有幸跟到少少,今年IPO應該唔使交學費了。
      再次謝謝!

      刪除
    9. 咦, 你以前竟然冇炒IPO?

      刪除
    10. 但google analytics 有在線人數的即時數據 -> 偉哥, 有可能系機械人在線, 希望你記得我這名字. 之前有跟你電郵過幾次

      刪除
    11. 我又上下水先, 近日打新完全無參與, 完美錯過了...全因工作正值關鍵時期, 先處理好份正職先
      恭喜偉哥同一眾有斬獲。

      刪除
    12. 無所謂啦,好多人眼紅姐

      刪除
  13. 怪唔得時代投資者用腳投票 多謝偉哥提供新觀點

    回覆刪除
    回覆
    1. 時代鄰里跌的主因我今日都有講過, 一來估值算合理, 並不算便宜; 其次是沒有綠鞋支撐, 而又些收左實股分派的機構投資者, 未必想持有時代鄰里, 一來可能他們並不覺得時代鄰里特別好, 二來是有些機構投資者會覺得時代鄰里的市值太細, 不符他們的要求, 所以要沽出, 也因此上市首幾天要承受這些沽壓。

      可能過多幾日, 要沽的沽得7788, 股價會有所反彈也說不定。

      刪除
    2. 招股價入左,捱緊價。。。

      刪除
    3. 玩開物管的魏力SIR自己有實物分派的時代鄰里的貨,會繼續持有,話實物分派的貨成本價係$4.8X,今日低位冇穿$4.8,可KEEP,只要忍到呢2-3日的基金的多餘沽貨,正如偉哥所講,股價會反彈

      刪除
    4. 其實情況有點像當年19派1972,基金沽完貨後股價先有運行。

      刪除
  14. 我雖然是CD-rom,但多年來在这個平台學了很多股票知識,和投資經驗,感謝偉哥多年來無私分享,默默支持偉 .

    回覆刪除
  15. 偉哥,譚新強quoto過 Lighthizer的一句說話:

    「stay in the lane; stay out of the news」

    我覺得幾有意思,並稍微修改一下「stay in the lane; stay out of the noise」近月對我投資、處世、面對複雜的政治環境很有幫助!

    人生很短暫,光陰很寶貴,共勉之!

    回覆刪除
    回覆
    1. 寫blog已經是第9個年頭, 期間經歷過唔少風風雨雨, 別人的冷嘲熱諷亦聽過唔少, 其實心態已很淡然, 反正就是網絡上遇上素未謀面的網友們, 合得來的就傾多幾句, 不合的就好行唔送, 我從不勉強任何人的去留, 亦不會在意有幾多人睇我的網誌。 當年由零開始都係咁寫, 唔會因為冇人睇而唔寫, 又或者多人睇而日日寫, 盡量隨心所欲。

      我知道今晚留言可能會得失好多CD-ROM, 不過我仍然想講句: 尊重你自己, 如果你覺得我有問題、又或者我令到你輸錢的話, 請不要再花時間在這裡;如果你之後仍甘心在這裡被我涂毒的話, 那不要扮受害人咁出來訴苦, 因為是你自己笨、自己蠢, 明白嗎? 我是從心底裡卑視這種人, 希望你做一個有資格卑視我的人, 而不是從頭到尾被我卑視的人!

      我是堂堂正正趕客, 因為我從不希罕這些被我卑視的讀者群。請你們去找一個更好的平台或者更好的群組, 這裡無能力收容貴客。

      刪除
    2. 誠如你所說,今天應該很高興,就當他們是魚蝦蟹來贈慶吧

      還有20分鐘,又是新的一天,新的機會,

      閒雜人等,too costly to entertain them

      刪除
    3. 我係cd-rom 我支持偉哥
      對我自己而言,自己又唔識。
      當你決定抄功課嗰一刻,就要為自己決定負責。 冇人迫你買

      刪除
    4. 唉!偉哥一直授人以漁,而非授人以魚。
      有人捉到條死魚,竟然埋怨授漁人。
      新來的,請認真看看偉哥的舊文,大把精彩野。如果要用來出書搵錢,起碼可以寫十本八本,開talk每堂收過千。

      刪除
    5. 算吧
      諗下同仔女去邊到玩好過

      刪除
    6. 我係cd-rom 我支持偉哥
      雖然近哩年懶醒,輸左唔少錢
      但因為我第一層樓首期都係哩到跟炒賺返黎(1282,510,2012,3399,581等)

      刪除
  16. 我都係CD-ROM, 但都忍唔住講句, 偉哥教的是心法. 希望戰友學識怎樣分析股票. 而不是盲目聽冧巴, 睇膳稿. 輸咗都唔知乜事. 請問邊間大學或機構肯無賞地分享,有問必答. 以及無私地將自己輸錢都公開比大家知. 不要忘記去不是你的經紀,沒有利益衝突的.
    謝謝偉哥對事件的詳盡分析及啟發, 希望大家都努力學習

    回覆刪除
    回覆
    1. 多謝小魚你講呢段公道話,其實過去幾年有不同朋友在偉哥被抹黑時都有廷身而出說相同的話,明白既人留低是福!誤信既人對偉哥來說無損失的.我想講的是:我珍惜這平台!

      刪除
    2. 偉哥,小弟已看你的blog多年,不過只是cd-rom,多數抄功課,較少用心去鑽研你的教導。但最近我把你以往選股、估值、投資與人生、炒股經歷及新股分配機制等文章都bookmark了,當作是一本偉哥特集去看。

      日久見人心,惡意留言者自有其用心,你也不必動氣,就讓他自說自話好了。反正一班老讀者對偉哥你的無私分享實在很佩服,尤其在這充滿金錢利益的股票市場更是難得。有前輩對小弟講過,在股票市場,好嘢只會自己收埋,唔會同人分享。不過小弟覺得這似乎不適用於偉哥。

      小弟抄功課多年來,有賺也有蝕,但投資是自己負責,從無怨言。惡意留言的人自製罪業,果報自受。

      刪除
    3. 次次市旺就出黎一堆呢d搞事者
      真係好煩
      網絡咁大,睇唔慣呢度就過主啦

      刪除
  17. 今日2222的爆升實在奇怪, 我開頭覺得可能是投資者收到股息後reinvest, 但唔通咁多投資者真係冇晒流動現金, 要等股息到手先再可以買?

    頭先去睇睇雪球, 先發覺A股上市的大股東*ST德豪(SZ:002005)原來已連升6天, 最近2天更是升停板收市, 莫非是鴨仔偷步, 2222這邊是後知後覺?

    如果涉及ST德豪的話, 最大機會是已出售70%股權的雷士中國業務會借殼ST德豪在A股上市, 希望佢唔係快手到咁, 如果唔係的話, 可能無機會低位補返今日減持的一半貨。

    另一半貨似乎要睇定D, 無需急於止賺。

    回覆刪除
    回覆
    1. 2222潛在最大價值的資產其實是那持有在手的30%雷士中國股權, 如果雷士中國成功在A股上市, 呢30%股權可以好值錢。

      刪除
    2. 成交好厉害..
      keep住一半,否则超级沽升泪

      刪除
    3. 如果已是零成本的話, 我覺得等得過。

      刪除
  18. 認唔住講2句:
    偉哥,別因為人生旅途上的魚蝦蟹而勞氣,看你這個網誌多年都知道你的為人,品格及情操!
    不要因為魚蝦蟹影響近日丰收的心情,不如開開心心準備旅行去啦!

    另外,高質、無私及唔收費既分享,已經可以話係鳳毛麟角了,請大家珍惜! 成年人,自己買賣自己負責!無人拎住枝槍指住你! 呢度唔岩睇既,請移玉步去其他地方!

    回覆刪除
    回覆
    1. 無計,人既心理都係贏因我醒,輸因你害....唔反省下長遠輸到PK
      如果覺得對方隻隻都中,分析次次都岩,咁我會好同情你既天真。

      刪除
  19. 我是長期CD-ROM, 可是我從來沒有起偉哥身上賺過錢。因為買股票好講timing, 同一隻股票人哋買先到你買可能已經高追。反而起呢度學到不少投資知識,感覺上偉哥其實是無私奉獻! 多謝

    回覆刪除
  20. 偉哥別為一小撮人而生氣,老實說偉哥教曉左我地好多野。好多時虛心請教,偉哥都會回應。
    偉哥你之前說過年底會重整組合狀況,已經完成了嗎?
    自從細價股不受市場追捧,而冇乜成交,我都有諗過止唔止蝕,因為日日陰跌坐艇,但都因買賣差價而作罷,想請教一下偉哥睇法,該靜待細股自救嗎?

    回覆刪除
    回覆
    1. 不認還需認的是, 小型股已被市場、資金所唾棄。如果說莊家股、殼股已失去市場, 那是可以說得通, 但好多有基本因素支持、派息不俗的中小型股, 也跌到一扑一碌, 引証左資金真係持續、無差別咁離開中小型股, 而不是選擇性沽售, 所以中小型股跌到4、5倍PE, 估值可能已跌無可跌, 但什麼時候可以觸底回升, 真係無從猜測。

      或者可以做的是趁每一次的反彈, 減少一些中小型股,隨波逐流買賣一些成長股、大價股, 分散風險。

      至於我自己, 前排大家都知我增持現金到4成左右, 某一方面是為了重整組合, 另一方面是有見近月有不少有質素的新股, 所以套現多些資金出來打新, 也因此細心的網友應該發現我近月新股的注碼大左好多, 全因前排套現左資金, 所以可以加大注碼炒新股, 也幸運地遇上這一波新股潮, 總算策略正確。

      在現在至明年初, 會慢慢增持返些股票, 目標會是中型股為主, 希望將淨現金水平維持在3成多水平。

      刪除
    2. 謝謝偉哥指點,或許細股只能趁彈減持,反而現在細股現在轉左玩法,以私有化為主。

      另外想請教一下偉哥怎樣發現一些潛力有質素既新股,往往好多時招股上市先發現。

      以未來幾個月,似乎已經冇咩知名有質素公司上市了。所以偉哥才慢慢增持股票嗎?

      刪除
    3. https://www1.hkexnews.hk/app/appindex.html?lang=zh

      呢個是正在申請上市新股名單, 有招股書初稿。你留意有兩個選項:

      申請版本: 指正在申請中, 未通過聆訊的;

      申請版本及聆訊後資料集: 已通過聆訊, 正等待正式招股的名單。



      刪除
  21. oohh... 我是其中一隻CD-ROM,睇呢個blog都几年了,這是第一次留言. 然后.. 我會继续做返個 CD-ROM

    多謝所有人的任何分享

    回覆刪除
  22. 剛剛看到偉哥講寫blog已經是第9個年頭,原來不經不覺偉哥投資手札己經陪伴我8年多了....

    之前的投資比賽我未能勝出, 不能親身多謝偉哥

    現在真的想借個機會多謝偉哥, 多謝偉哥多年來包括投資、待人處事的無私分享

    謝謝偉哥!

    回覆刪除
    回覆
    1. 正式來說是第10年, 但期間停左一年左右, 所以嚴格來說是第9年。

      刪除
    2. 我記得那篇民企違規的文章,我仲記得那篇文章應該是下午POST 出來的。
      因為我睇到這篇文章時,我是放工等緊巴士,但文章太多日期,數字,還打算回家再看,誰不知當晚文章已經不見了...學唔到野,所以我好記得,真是嬲嬲地,哈哈...

      刪除
    3. 果篇好似係旭光。定係瑞年
      真係好幾年了,記性差,唔太sure

      刪除
  23. 偉哥,樹大招風,不必太介意。
    支持你的人遠比反對你的人多,已證明了所有。

    回覆刪除
  24. 以前的偉哥溫文爾雅,而家的偉哥驍勇善戰,網友們可以安心美夢了
    原來這世界最可怕的就是人心。

    回覆刪除
  25. 打開番右手面果行網誌存檔, 發現原來2010既篇章都有過印象
    我呢個長期cd-rom都留番個言支持偉哥先!
    (其實呢9年大部份日子都日日有mon住個blog)

    回覆刪除
  26. 堅定支持偉哥,多謝偉哥多年分享,無論賺好蝕好,錢都是自己的, 要對自己作出買賣負責。

    回覆刪除
  27. 路遙知「偉」力,日久見「哥」心。 願偉哥更上一層樓!

    回覆刪除
  28. 2222 ao 價又升10%, 沽升淚!!!!
    不過都係要多謝偉哥。有聖誕大餐了。

    回覆刪除
    回覆
    1. If雷士中國業務借殼ST德豪在A股上市,
      Target 0.5

      刪除
    2. 我昨天減持後, 持股已是負成本, 所以可以放心等下, 是否會咁快有動作。

      刪除
    3. 偉哥之前有講現金加應收約值0.33$
      如A股上市帶動 會否有新估值?

      刪除
    4. 當然會, 因為當時冇預期會咁快A股上市, 故此如果A股上市進度加快的話, 就要考慮這30%股權的估值。

      現在只是猜測, 暫時未有明確的訊息, 都係要等下。

      刪除
    5. 2222 今朝高追左貨!希望仲有得炒啦!
      另外,我由2017年開始睇偉哥文章!之前玩妖股!輸到仆直,之後發現呢個blog!真心學到野!有價值的股票只要等就一定番到家鄉的!妖股可能一世都冇機會!

      刪除
  29. 我係長期CD-ROM 淨係留言過幾次. 都起碼睇偉哥有7-8年. 都唔記得係幾耐.
    有年意氣欄珊仲封左筆~好在之後都開返.
    人微言輕, 但都想出聲支持偉哥.!

    回覆刪除
  30. 通常攻擊緊的人不是利益集團就係自己無咩判斷力的巨嬰,最好偉哥話埋六合彩中獎號碼比佢地。不過我相信就算直接派錢都一樣會有人跳出黎,人性就係甘。

    回覆刪除
  31. 均價4.6接了一注半的9928。

    回覆刪除
    回覆
    1. 偉哥係純博?定已趺到低於估值

      刪除
    2. 終於盼來偉哥加持!我都加返注先

      刪除
    3. 另外均價約14.3元接了9928。

      刪除
    4. 竟然接一注你最唔好既內房股...

      刪除
    5. 9928以4.6元計, 2020PE 大約17.4倍, 在二線物管股中是合理估值範圍, 比1995的20倍PE稍平, 比3662稍貴。

      今日終於出現實物分派的股東的沽售, 估計是國內投資者在沽, 捱得過呢個沽壓, 應該可以反彈。

      刪除
    6. 2777預期已久的配股終於落實, 參考3990配完股後, 股價不跌反升, 看看2777會否也是如此。

      2777最大的問題是高負債, 成功配股可以稍為降低負債比率, 算是利好多於利淡。其次, 在內房股中, 佢預期PE最低、股息率最高, 今年預期股息率10%以上, 冠絕內房, 所以博一博。

      另外前排瑞銀出左報告, 非常睇好佢廣州市區重建項目, 我冇仔細研究, 希望報告所說的是真實。

      刪除
    7. 14.5跟入一注。入IB收息做期權都10%+啦

      刪除
    8. 我昨天冇留意9928的盤路, 是否昨天沒有北水的沽盤, 今天先出現? 可能港股通的紅股是遲一日先入帳, 所以今日先沽到, 故今早一開市咁大沽壓。

      刪除
    9. 9928算陰濕.下午托返上5蚊.好多人跟.收市競價時段才大刀剎落.今天又大刀刹全冇還擊力.會否石沉大海一段長時間來入貨呢?

      刪除
    10. 剛去雪球看了, 港股通的紅股果然是今天才到帳, 所以今早這波沽壓咁勁。

      刪除
    11. 9928
      最大股東 50.6%
      前五大股東 90.7%
      前十大股東 94.1%
      前二十五大股東 96.9%

      刪除
    12. 純睇股權分佈, 係頗集中的, 只是不知收到紅股的機構投資者有幾多打算繼續持有、有幾多會沽出來, 所以仲要時間觀察, 只能從估值角度去判斷買入時機。

      刪除
  32. 絕對支持偉哥!
    久不久就會有些有心人出嚟攪攪震見怪不怪,唯一見到偉哥回應比起以前成熟令我安心(怕偉哥停寫)。
    難得在虛幻網絡世界還有偉哥無私寫作自己投資歷程也授人以漁,再次多謝偉哥!支持偉哥!偉哥我愛你!

    回覆刪除
  33. 傳聞已久的電子煙制造商龍頭終於入紙申請香港上市。

    电子烟制造商麦克韦尔赴港上市,2B收入占比超8成,悦刻为其客户

    https://mp.weixin.qq.com/s/jTakGhsC_VbErSos2IxHVw

    https://www1.hkexnews.hk/app/sehk/2019/101042/a102608/sehk19121900937_c.pdf

    回覆刪除
  34. 今日小炒王推1847 短線見3蚊

    回覆刪除
  35. Tasty money的小炒王剛剛10:37am 推介 1847雲南混凝土 (推介價 $2.36),短線目標$3,估計年尾會有Window dressing, 千年蟹貨的朋友有機會脫窮了,我都有呀!

    回覆刪除
  36. 本身懶到出汁,都要留返個言支持偉哥.
    我係cd-com,由大學到而家睇左差唔多10年.
    中間無睇幾年,之後又睇番.
    其實從一開始到而家,我對偉哥的感覺從來不變,始終如一,從來冇一刻懷疑佢係莊,覺得懷疑嗰啲人真係好好笑><

    其實偉哥呢度,(包括留言)真係會令你學到好多嘢,只不過睇你能吸收多少.
    老實講,我總計無在偉哥股賺過錢,當然這是自己能力問題,最近好左好多因為ipo.
    看偉哥呢度已經成為生活習慣,好似以前啲散戶去股票行咁樣,我日日上嚟10幾次睇下留言.

    最後我想大叫

    偉哥 我愛你>< 永遠支持你

    哈哈
    相信沉默的大多數cd-com是默默支持偉哥

    回覆刪除
    回覆
    1. 哈哈, 你第一句話“本身懶到出汁” 同留言的長度及字數不符, 會令人質疑你的誠信。

      順便謝謝好多長期網友及沉默的CD-ROM的支持, 我就不逐一回覆了。

      刪除
    2. "看偉哥呢度已經成為生活習慣,好似啲散戶去股票行咁"

      是,很有同感,真的像每天去証卷行並肩作戰一樣

      刪除
    3. 我都係cd-com之一,由細睇偉哥睇到大,多謝偉哥的分享.可以有個專為投資而設的blog去分享意見而又有一定規模。

      刪除
    4. 我嗰句偉哥我愛你 唔係Derek 係由心而發> <
      利申 我係女 當然係友愛

      刪除
  37. 琴日2222@0.3食一半,剩低一半想今日食@0.34,低位再入翻。結果自己衰貪心,諗多左野慢左少少,沽唔出。宜家想嘔血。

    回覆刪除
    回覆
    1. 其實差不是太遠, 看這兩天的成交量, 唔似係炒上來散貨。

      正如我前幾天0.24冇沽, 跌返落0.22一樣, 冇人估到幾日後會大升到0.33元。

      當然, 最重要是倉位舒服, 唔會有太大壓力。

      刪除
    2. 多謝偉哥回覆,我宜家都諗住隨緣,擺係度等運到。

      刪除
  38. 同時二線物管的1995, 大股東在17及18號連續兩日合共增持100萬股, 是上市後首次在市場增持, 不知是否有潛在利好消息。

    回覆刪除
  39. 既然CD-Rom被點名那就浮出水平一下吧 這麼多年來留言還不到10次 ^^"
    從買903開始就有一直看偉哥到現在,獲益良多,其實我覺得來看偉哥不應該只是跟買跟賣賺錢賠錢那麼簡單,最重要的還是學習和研究偉哥分析的方法來加強自己分析能力。
    偉哥加油呀~

    回覆刪除
  40. 1918新高,不枉全年全倉加leverage內房。

    回覆刪除
  41. 請問有關私有化, 失敗後最快要1年後才可重提私有化。
    是指第一次提出私有化的日期1年後, 還是 宣佈私有化失敗後的1年後

    謝謝

    回覆刪除
    回覆
    1. 我自己的理解是表決失敗那時計起, 而不是從提私有化當天計起, 因為有些私有化要拖到4-5個月才完成的, 如果5個月後宣佈私有化失敗, 難度7個月後又可以重提私有化? 明顯不符條例的精神。

      刪除
    2. 偉哥,請問宜家點睇1105?

      刪除
    3. 除了等, 沒有什麼可以做的。沒有消息傳出來, 而前排兩大買家都買夠貨, 也是和我們一樣在等, 沒有再買或沽出來。

      刪除
  42. 唔講咁多廢話,一句到尾支持偉哥!

    回覆刪除
  43. 我都係大多數CD-rom之一,睇左偉哥都差不多10年,封筆那年都經常睇下偉哥近況,終於等到偉哥重出江湖,又得知偉哥多添1位家庭成員偉囝,猶如親人一樣;每當風雨飄搖時,偉哥總是在身旁。
    最後我都想大叫

    偉哥 我愛你>< 永遠支持你

    回覆刪除
    回覆
    1. 唉, 最後那一句真係要戒左佢, 我實在難以接受成班男人咁講。

      哈哈, 源頭就係Derek, 佢真係為老不尊.....

      刪除
    2. 搞到偉哥好似AC/DC🤣

      刪除
    3. 哈哈,就是想偉哥有深刻印象,我愛你果然有用✌✌

      刪除
    4. 今天應該是偉哥收到最多麻甩佬示愛的一天.....

      刪除
    5. I am also a CD rom, followed 偉哥 since university, now almost reached 30, thanks 偉哥 for giving out his knowledge unconditionally and affecting people's life.

      刪除
  44. 嘩個個cd-rom都留言, 唔爭在我, 我就金界上市時開始睇偉哥嘅

    回覆刪除
  45. 我都係CD-ROM, 由14年開始追看, 但因為換左XS後, Login左都留唔到言, 今次開返舊電話留言。

    偉哥既文章陪伴住我好多個日日夜夜, 我自己及相信好多人會係終身受用, 而且偉哥一向只是分享個人投資及想法, 完全與人無關, 不喜歡的這裡, 可以選擇離開, 但不要影響 及 破壞這個像家一樣的投資平台。

    我會繼續支持, 希望有朝一日能夠請偉哥食飯, 謝謝。

    回覆刪除
    回覆
    1. 用iphone 的話,下載chrome就可以正常留言,safari 有問題,會自動logout.

      刪除
    2. 原來係咁 我每次留言都login 一次 好有誠意

      刪除
    3. 怪唔得 我用手機都留唔到言原來係咁解

      刪除
    4. 我嘅safari一直保持login

      刪除
    5. 之前一段時間一直都登入唔到,岩岩DL左chrome

      刪除
  46. 作者已經移除這則留言。

    回覆刪除
  47. 最近有人搞事,應該係萄葡偉哥同一眾網友新股斬獲不少,好多CDROM同我一樣懶自已分析,又無見到偉哥明確入新股既訊號,只能睇住一眾網友大賺,結果自己暗盤或者上市先追入,又因為操作問題損手,自然覺得偉哥係賺完引人接貨,其實係自己能力不足又懶
    雖然我無玩新股,但都祝各位大賺

    回覆刪除
  48. 每個blogger的投資方法不同 有些人可能從基本面/財務數據/宏觀經濟/誘回事件/財技去投資
    雖然很少留言 但間中都會瀏覽偉哥blog 大多都應該偏向後者
    不明白為何突然之間這麼多人評擊 或許近來輸錢輸到賴天賴地吧
    加上偉哥好像從來沒有叫人買 只是分享自己投資方法及理論
    人講什麼便買什麼 一直都是最愚蠢的事
    我看偉哥以後每次分享投資操作 最後都加一句投資涉及風險 務必三思
    無謂及不必要的人胡亂說話

    回覆刪除
  49. 偉哥出文寫新股認購的漏洞先會引起嗰啲人咁大反彈,真正支持偉哥應該去sfc投訴新股認購的漏洞

    回覆刪除
    回覆
    1. 10號通過網上遞交投訴的 應該在16豪收到sfc的電郵確認投訴在跟進中
      身份證號碼的漏洞 劵商都有責任 究竟佢地有冇將身份證號碼都遞交呢
      好少抽新股因為冇錢 上次錦欣生殖係致富抽左 跟住見到呢度好踴躍 隨手就系富途又抽 事後同d股友仔講至清楚一個人衹能抽一次.... 結果兩邊都抽中

      刪除
  50. 有誰能把偉哥上一篇文譯成英語,轉寄WEBB?

    回覆刪除
  51. 我十分認同找Webb是最有效的方法了

    回覆刪除
  52. 1089 是否出了事? 現在開始跌!

    回覆刪除

注意:只有此網誌的成員可以留言。