2019年12月16日 星期一

業績理想的奧思集團 (01161)



尤記得上年同時期,奧思在公佈全年業績翌日,股價暴跌23%,由1.31元裂口大跌至1.02元收市,在其後的股東大會上有小股東詢問管理層,是否有沽空機構惡意做空,不然為何當年全年業績及派息俱錄得增長,但股價如此暴跌?



相信有研究此股的投資者知道股價暴跌的原因,是因為去年下半年業績環比錄得大跌所致,從上年上半年的6053萬元大跌至下半年的3471萬元,也因此投資者擔心業績轉差,故此爭相沽貨所致。

今年全年業績比上年全年錄得13%的增長,全年純利1.07億港元,每股純利15.8仙,全年每股派息15仙,派息比率接近100%。我們看看近年的盈利及預收款、淨現金狀況:


不知是否管理層受到啟發,今年的上、下半年盈利分佈比上年理想得多,會否是人為地調節盈利?下半年香港的社會抗爭運動日趨激烈,而集團下半年的收入及盈利並沒有受到影響,仍大致維持上半年的水平;全年盈利雖然只是比上年稍增13%,但上、下半年的盈利及派息比較一致,相信可以令投資者比較放心,股價肯定不會再如上年般急挫。

帳面上的預收款項雖然稍為減少,但預收款項累積高達5.4億元,仍處於異常高水平,這些其實是集團的盈利儲備,日後遲早都要釋放出來;其次是淨現金水平維持高水平,雖比上半年稍為減少3000萬元,只是因為購入自用物業所致,經營現金流應該很不錯。

集團的透明度非常之低,管理層不願意面見投資者,對小股東的查詢也是敷衍了事,不過從近年業績來看,管理層算是有心經營的,也未見重大的公司管治問題,期望可以逐漸重拾投資者歡心。以最新業績計算,往績市盈率6.5倍,股息率14.6%,估值比同業有重大折讓,希望股價可以一洗頹風,收復失地。


本集團在艱難的一年仍取得如此理想表現,因此對來年前景充滿信心。為保持佳 績,本集團的焦點將會是:一如既往保持卓越管理;維持與本集團風雨同路的忠 誠客戶群;繼續轉以服務為本的業務策略,向男士和女士提供高價值的服務。

239 則留言:

  1. 聽聞將開始招股的九毛九因為承銷商要加入中金的緣故,所以招股日期會稍為延後,到時要看看中金扮演什麼角色。

    加上中金後, 九毛九的承銷團似乎會和上年的海底撈甚為類似, 不知股價走勢會否也類似。

    回覆刪除
  2. 中金個名臭晒啦,仲搵佢

    回覆刪除
  3. 回覆
    1. 要研究下先, 同埋睇下孖展飛情況.

      刪除
    2. 輝立得3.5億孖展,可能未update

      刪除
    3. 第一日的上午已有3.5億孖展,其實算不錯。

      刪除
    4. 用常識去判斷

      若是爆款的商場店面,開發商寧願自持而不出售,能享受連連不絕的租金收入及每年物業公允值升值提升整體資產質素。

      相反,越是不濟的商場,超快建好,利用返租模式吸引街客購買,低租金免租期長吸引大品牌進駐。頭幾年肯定能保持一定出租率,返租期一過馬上現形,散戶自己出租根本沒好價格,交回寶龍統一管理分分鐘要簽不平等條款(超高的租金提成+商管費)

      我見到很多旺的商場根本不會出售予公眾 相反,很多死場均是散戶投資的墓地,回本遙遙無期

      刪除
    5. https://finance.sina.cn/2018-09-15/detail-ihkahyhx0838807.d.html

      刪除
    6. 電商太勁, 內地商場好難做, 係餐廳、超市仲ok,其他都無咩人。但宝龍margin 都唔算差

      刪除
    7. 赤子鋮輝立4億,D飛好勁

      刪除
  4. 保利公開發售聽聞超額200倍以上, 自己推算B組中籤率可能只有1-1.2%。

    回覆刪除
    回覆
    1. 請問偉哥依家A尾同B頭既中籤率係咪都差唔多?

      刪除
    2. 如果可以的話, 都盡量不會差太遠。

      刪除
    3. 希望升3成, 否則好似無咩肉食

      刪除
    4. 升3成的機會應該是微乎其微....

      刪除
  5. 回覆
    1. 相信WEBB是看中大股東是查氏, 應該不會出老千, 其次是公司的淨現金大約等於市值, 而且估值也不貴。

      刪除
    2. Webb 可能唔識台語,無聽旺旺老闆的comment

      刪除
  6. 偉哥小米點睇呀,強勢啊

    回覆刪除
  7. 其實有冇人用過佢的產品、服務? 我完全未聽過。


    新股消息 | “海外版字节跳动”赤子城科技通过港交所聆讯,毛利同比增长118%
      智通财经APP获悉,据港交所12月15日披露,赤子城科技有限公司(下简称“赤子城科技”)已顺利通过上市聆讯,民银资本为其独家保荐人。

      赤子城科技是一家全球化人工智能信息分发平台,2013年开始出海,打造了面向C端用户的“Solo X移动产品矩阵”和面向B端企业的“Solo Math程序化广告平台”,并以底层AI引擎驱动两端业务协同发展,致力于实现人与信息的精准连接,被称为“海外版字节跳动”。

    https://hk.jrj.com.cn/2019/12/15185328534824.shtml

    回覆刪除
    回覆
    1. 講到係"海外版字節跳動" 咁誇張, 但問左唔少人, 無人聽過或用過佢的產品。

      刪除
    2. 北京字節跳動科技有限公司簡稱字節跳動, 開發出多個在中國大陸較為流行的APP(如今日頭條,抖音短視頻,西瓜視頻等), 海外版字节跳动=海外版抖音?

      刪除
    3. 估計向APP 或GAME APP 內值入廣告而取得大量數據,因為免費APP 始終要向其他廣告公司合作而取得利益。所以提級C端(用家)、向B端(公司)、AI引擎(中間人,即廣告或大數據公司),三個不同領域客戶

      刪除
    4. 老老實實你哋資料堅定流

      刪除
    5. 少少明, 業界朋友可能明D, 一般用家可能少D 聽到佢個名

      刪除
    6. 偉弟, Maya咪講左"估計"

      刪除
    7. 嘩你咪亂噏業務喎,價高價低,炒高炒低,賺多賺少,就話有得估啫,業務估?大佬

      刪除
    8. 隻野的業務就算明, 都好似好唔穩陣,咁都上到市

      刪除
  8. 偉哥,想問內房股強勢,你點睇?

    回覆刪除
    回覆
    1. 我自己並不是太好內房股, 所以好少買內房。

      刪除
  9. 簡單解說:
    C端用户的“Solo X移动产品矩阵 = 引擎

    向B端企业的“Solo Math程序化广告平台 = 車輛

    底层AI引擎驱动两端业务协同发展 = 車軸

    帶動整架車推動,明未?

    回覆刪除
  10. 1137 價量齊升,有香江鴨味...

    回覆刪除
    回覆
    1. 511 死, 佢都唔會即刻有牌吧?

      刪除
    2. 其實1137徒具其名,已幾乎完全放棄電視業務,只集中網購業務.相信與511的消息無關.

      刪除
    3. 佢都無牌,想做都做唔到

      刪除
    4. 電視台前境暗淡,唔做好過做.

      刪除
    5. 佢以做電視為名,實質瘟女至真,網購仲好揾

      刪除
    6. 言之尚早,1137的網購聽聞還是做一單蝕一單.wiki自言公司短期內不會轉虧為盈.

      刪除
    7. 呢隻野再俾多5年都唔會賺到似樣既數, 都唔知點解大家覺得價值
      之前又士多, 而家又有黃色新興平台, 點睇佢都唔似做到賺得起

      刪除
    8. JD同PDD都虧損中,很久之前,BABA都係虧損中,再之前,AMAZON仍然係虧損中

      刪除
    9. TSLA十年得五季賺錢。。。

      刪除
    10. 上面D字母比起1137早左幾多年行? 1137個市場又做到幾大?
      可以用台灣做例子, 網購已經做到年銷台幣2000億, 參考下最大兩隻台股網家 8044 同 富邦媒8454, 拎D數字比較下香港網購市場, 1137以而家廿幾億市值仲可以走得幾遠?

      刪除
    11. 依刻又難估到佢將來做得有多大,我嫌佢冷凍食物分兩轉送麻煩,送到來的凍肉又出水,已經冇再訂購,而佢又開咗實體店賣凍肉,算吾算應變力幾強

      刪除
  11. 9966今晚CCASS會更新, 可以睇到上市第一日的持倉變動, 好奇想知第一日機構投資者掃左幾多貨。

    上星期五成交已經大縮至1千萬股, 今日估計都係1千萬股左右, 感覺已越來越乾。

    回覆刪除
    回覆
    1. 偉哥仲有2/5貨係到等?

      刪除
    2. 3/5 貨, 是組合最大倉位的持股。

      刪除
    3. 大約計計數, CCASS頭十大倉位中, 只有富途是散戶行, 其它都是機構投資者倉位, 當中只有高盛是輕微減倉, 其它都是加倉。

      減倉最多的是輝立、富途及耀才, 分別減左1500萬股及400萬股、320萬股。

      CCASS頭十大倉位中, 撇除富途, 其它9個倉位持股19.1%, 已經相對集中。

      刪除
    4. 順便睇埋2500的CCASS, 都是幾集中, 頭十大倉位基本上全是機構投資者了, 散戶持股不多。

      刪除
  12. 友人不幸地買左最近隻創仔,脈博資本保薦, 敢問學生哥睇法? 有勞~謝謝~
    想叫佢止蝕,但係我唔叻,唔敢亂嚟~>_<

    回覆刪除
    回覆
    1. 咩價位入先。。。一陣聽你話止左蝕,轉頭彈個50%你就中伏了。雖然彈50%都未上返招股價。。。

      刪除
    2. 你睇番佢CCASS頭幾大倉位全部都係散戶行,最大問題係佢回撥50%加上限定,依個組合係最壞嘅情況,對上一隻同樣情況係8096

      刪除
    3. 上星期玩8645 day trade入0.285出0.315,都鯨咗好耐,玩得多死得多喺呢d股手上會學精咗,一鯨吾上要走,同期玩8208但係平走,舊年有隻創仔上市高位接擺咗年幾都未返到家鄉,等莊家Mood到

      刪除
    4. 如果吾回撥就肥,就似8516都未定

      刪除
  13. 9966發了上市後的第一個通告:

    自願公告
    KN019用於治療類風濕性關節炎II期臨床試驗在中國完成首例患者給藥

    本公司董事會(「董事會」)欣然宣佈,基於CTLA-4的免疫抑制融合蛋白候選藥物
    KN019的II期臨床試驗(「KN019-201」)完成首例患者給藥。
    KN019-201試驗是一項在中國開展的II期臨床試驗,以評估KN019在過往MTX治
    療無法充分治療的活動性類風濕性關節炎患者中的有效性及安全性。

    。目前,本公司對KN019進行了全面的臨床前期研
    究,而KN019在中國完成的I期臨床試驗中在健康受試者顯示出良好的安全性和
    PK(藥代動力學)特徵,並顯示出良好的藥理作用。
    https://www1.hkexnews.hk/listedco/listconews/sehk/2019/1216/2019121600344_c.pdf

    回覆刪除
    回覆
    1. OMG 唔通又係沽升淚?恭喜偉哥仲有大把貨!

      刪除
    2. 今日放了10000股,只留8000股9966,估不到出利好消息,明天升暴呀!好彩2500 和 1501 今天表現不錯,明天會跟升吧!

      刪除
  14. 新股介紹6049保利物業及9909寶龍商業
    https://www.youtube.com/watch?v=WegVB6oNSZg

    42:51分詳細介紹6049保利物業
    53:32分介紹寶龍商業9909 (似乎麻麻)
    1. 做Shopping Mall為主, 主要收入來源(80%)來自收取商場管理費
    2. 預測PE22-30
    3. 住宅物管毛利率只有12.4%,比其他3319雅生活, 6098 的27%毛利率為低
    4. 增長及想像空間有限

    回覆刪除
    回覆
    1. 6049保利物業 希望有早餐錢可以賺! 個講者都幾支持 9928時代鄰里

      刪除
  15. 今日睇左tvb既資料, 估唔到陳國強都幾雷

    回覆刪除
  16. 肥水不流別人田, 真金白銀巨額投資足以反映郭氏家族對香港充滿信心! 大拇指!!!

    新地售高鐵上蓋項目25%股權予郭氏家族
    https://www2.hkej.com/instantnews/announcement/article/2330955/%E6%96%B0%E5%9C%B0%E5%94%AE%E9%AB%98%E9%90%B5%E4%B8%8A%E8%93%8B%E9%A0%85%E7%9B%AE25+%E8%82%A1%E6%AC%8A%E4%BA%88%E9%83%AD%E6%B0%8F%E5%AE%B6%E6%97%8F

    對本集團而言,出售股份及出售貸款的原始購置成本分別為港幣19,500.00元(相等於2,500.00美元)及港幣939,446,530.61元。由於售出出售股份及出售貸款之代價均與其賬面價值相約,本集團預期就以上之出售所產生的盈利或虧損(如有) 均微不足道。本集團有意將出售之收益作為收回部分就收購該土地而支付的土地金額之訂金。

    回覆刪除
    回覆
    1. 聽說高鐵上蓋項目總投資800億港幣, 郭氏家族承擔200億港幣。

      刪除
  17. 我也想知道!

    中国最好的行业却最被低估,2020年会怎么样?
    https://xueqiu.com/6236725057/137417678

    如果做个调查:全中国最好的行业是哪一个?我猜想,得票最高的应该是白酒、寿险、医药。

    不过,有些资深价值投资者的选择却与众不同,甚至会冷门得让你直皱眉头,比如“军长”正合奇胜,他的答案就赫然出现在他新书第11章第5节的标题上——“房地产才是中国最好的行业”。......

    回覆刪除
  18. 作者已經移除這則留言。

    回覆刪除
    回覆
    1. 目標價幾多?聽日追返注。

      刪除
    2. 咁其實你可以私下WhatsApp偉哥多謝佢既,又唔使上嚟特登示愛既,哈哈

      刪除
    3. 老散你WhatsApp都有草蘆小子,乜佢冇喺群組同你講咩

      刪除
    4. 講真, 好多料都係草蘆小子發掘出來的, 不過我諗佢唔敢再公開係度講太多個股看法及意見, 只會私下在群組分享, 以免睇錯股的話, 又再被人話係打手。

      有時就是種什麼因, 得什麼果。

      刪除
    5. 係上次個小朋友吾識世界啫,一向都知香港係言論自由,偉哥blog除咗吾准用粗口鬧人,用粗口表達都冇問題,料出街吾出街亦都冇問題,自己懂得分析最緊要,吾洗唱好,吾洗唱衰,正所謂揸住件貨點會唱衰,希望大家可以分享到有參考價值的理據和自己睇法及意見,做一個吾自私的人,吾好只係割新網友。

      刪除
    6. haha 选择性分享不算自私
      我都不算新网友了,不过由于不在任何群里,也同样被割了 :(

      刪除
    7. 我開始學到一樣野,唔好問人賺幾多,唔好俾人知自己賺幾多。投資是向自己交代的。

      刪除
    8. qtea,我好respect你,你有points

      刪除
    9. 不嬲都吾理人賺幾多,理自己得,一雙眼睛留意消息有限,多雙眼睛消息無限,加埋集思廣益一起討論,良好風氣先可以代代相傳,靠關係呀擦鞋呀,你認為可以永久,講實力加嘛宜家。

      刪除
  19. 多謝青兒間吾中爆D內幕料比大家綱友聽下,聽落関係有D複雜混亂,吾駛大家估估下。放心,舊綱友都應知道你嘅小故事,知道吾係微信女。
    BTW,上次講開你有D轉變,得閒去seven買本温暖人間睇下,可能啱你睇滿足下,哈哈!

    回覆刪除
  20. Oh,係咪飲大嘢定畀人減聲呢!!All Deleted
    追睇開都知道,但係自己要做到成個微狺女咁款,不要怪人誤會.

    回覆刪除
  21. 毒果A1話馬云洽購TVB,今日511有冇得玩下

    回覆刪除
    回覆
    1. 睇股價就知市場完全唔信這個傳聞。

      刪除
  22. 1089 批了追加「超額購股權」, 難怪昨日收市彈上去

    回覆刪除
  23. 回覆
    1. 依隻街貨收乾,貨盡在基金手中,只要靚業積配合,發夢價可見80元,不是嚇死人,到時變了龍頭股。

      刪除
  24. 好呀, 堅守係有回報....$40邊加左2000

    回覆刪除
  25. 見2222連升2日, 就快上升除淨後的高位, 有些心思思想減持, 不過再翻看自己之前的文章, 似乎估值仍然便宜, 所以還是繼續等運到。

    回覆刪除
  26. 1161業績後只升1成多, 是有些失望, 今日見大華繼顯擺左唔少大沽盤出來, 不知是否想趁好價沽貨套現。

    尤幸業績前偷步買入的大戶, 暫時未見有任何的減持。

    回覆刪除
  27. 奧園系大股東非常重視股價表現, 見市場對3662之前公佈的購買土地發展美容業務非常反感, 今日就快快手補鑊, 公佈與3883合作, 期望為事件降溫。

    根據合作框架協議,中國奧園集團認可本集團在大健康產業的資源整合能力以及
    在商業招商引資和物業管理的綜合優勢,中國奧園集團同意就該地塊的開發項目向本集團提供全
    面的協助,包括負責該項目的房屋建設成本、設施設備安裝成本及後續成本投入。

    https://www1.hkexnews.hk/listedco/listconews/sehk/2019/1217/2019121700014_c.pdf

    回覆刪除
  28. 1169今日復牌, 通告中完全沒有交代潛在私有化的作價及形式, 但資金就買左上去。其實留意下之前的報導及這次的通告, 如果私有化真的進行的話, 大概率不是現金要約, 而是以股換股, 通告裡有提到:

    “可能要約人於要約人公佈中表示,可能要約人概無就是否進行可能要約達成任何協議或作出其他承諾,及尚未敲定可能要約的細節及條款(包括換股比例及時間表)以及並不確定將會進行可能要約。”

    這句話其實已換實如果私有化的話, 大概率是換股, 不是現金要約。

    回覆刪除
    回覆
    1. 今早沒有留意原來一開市升咁多, 不然會考慮沽空博短期回調。

      刪除
    2. 換股最搵笨。隨時有碎股,仲唔知新股票質素點。

      刪除
  29. 今早MS消失左!之後先出現番!高招,可以掃下平貨

    回覆刪除
    回覆
    1. 係啊, 一早唔見人, 中段出返來力頂14.5元。

      刪除
  30. 偉哥,647回左啲,折讓幾多會比較有值博率呢?

    回覆刪除
    回覆
    1. 呢隻私有化作價其實頗賤, 而且因為公眾持股只有27%, 即是說只需2.75%或4400萬股就可以否決它的私有化, 所以風險不低。

      我自己覺得要有15%的折讓先勉強值博。

      刪除
    2. 明白,又學到野,謝謝!

      刪除
  31. 煙仔何唔好掛住告人, 快D傾作價

    回覆刪除
    回覆
    1. 每逢有員工行使認股權, 就會立即沽出, 股價會即時回落。

      刪除
    2. 純粹陰謀論:拖字訣,搵好友收齊貨才公佈消息.

      刪除
    3. 於本公告日期(於上述購股權行使後),本公司已發行之相關證券包括:(i)876,272,987股
      股份;(ii)根據2002購股權計劃授出而尚未行使之購股權為1,066,680股,購股權之合資格
      持有人可以每股股份1.16港元的行使價認購該1,066,680股股份;(iii)根據購股權計劃授出
      而尚未行使之購股權為27,080,000股,購股權之合資格持有人可以每股股份1.16港元的行使
      價認購該27,080,000股股份;及(iv)根據購股權計劃授出而尚未行使之購股權為40,000,030
      股,購股權之合資格持有人可以每股股份1.01港元的行使價認購該40,000,030股股份。除以
      上所述外,本公司於本公告日期概無其他相關證券(定義見收購守則規則22註釋4)。

      刪除
    4. 似乎仍有空間進一步搾乾
      肥水不留別人田

      刪除
  32. 今早9966@$14.5至$14.6之間放哂,獲利甚豐,多謝偉哥之餘 看來更應該多謝草盧小子, 請問偉哥或其他資深網友草盧軍師是否有blog?

    回覆刪除
  33. 2722下午一開市又突襲....

    回覆刪除
  34. 今日大市升1.35%, 自己組合完全沒有進帳。

    回覆刪除
    回覆
    1. 我今年回報是負數,好多偉哥止蝕左既,依然持有,呢期新股潮又食得唔多!
      等運中,希望之後可以去蟹貨HAHA!

      刪除
    2. 升大野多,小股冇受惠

      刪除
    3. 自己組合今年暫時升3.5%,升咁少真失敗,求神拜佛安渡到年尾?

      刪除
    4. 單講港股輸死,計埋新股微賺。美股20%+,對港股怎能不心灰。

      刪除
    5. 飯餸不留, 及早離去, 方能保平安。

      刪除
    6. 今年港股主要係細股表現唔好,個市表現唔係咁差
      如果組合表現唔好,值得諗下係唔係要調整下玩法

      刪除
    7. 很同意ROCKY, 真係要改一下玩法,止蝕要快!HAHA

      刪除
    8. 我記得山羊兄游水好叻, 我有無記錯?

      刪除
    9. 沒有, 1105我都冇游水!想游水變左高追,拉高左平均價HAHA

      刪除
    10. 我發覺煙仔何日日高沽低買仲好

      刪除
    11. 騰訊或入股星島集團及now新聞台

      刪除
    12. http://news.dwnews.com/hongkong/big5/news/2019-12-17/60161181.html

      刪除
    13. Thanks. It is still a rumour at the time being. Lots of uncertainties remain.

      刪除
    14. 今日工作好忙無乜睇,但手頭有3隻買唔多,波幅好大,一隻升36%, 一隻升17%, 一隻跌13%。

      刪除
  35. 450.HK, a cash cow, seems has momentum to hit HK$1.20 first!

    Will it be possible within this Dec2019?

    回覆刪除
  36. 哇,赤子心科技咩事咁爆

    回覆刪除
  37. 牌面上係魯大師翻版,盤細、一堆高價PRE IPO、有概念

    回覆刪除
  38. 8卦一問 9字頭股票代號有咩意思
    繼9988後 又黎9909 9911

    回覆刪除
    回覆
    1. 好似手機電話號碼9字頭咁,用到咁上下,就開始用6跟住到5開頭咁。99相信特別在由阿里巴巴(9988)開始咁,所有嘢都就哂佢,同股不同權可以上市、同股不同權可以做成份股等等。

      刪除
    2. 以為9字頭特別勁 仲有隻9966

      刪除
  39. 偉哥 請問1233 時代中國,11/28的除淨價怎計算?
    只知每2.6股派一股時代鄰里,但時代鄰里11/28未定價, thank you

    回覆刪除
  40. 尾市均價14.72減持了1/5的9966,只餘下2/5的倉位,成本已非常低了。

    回覆刪除
    回覆
    1. 剛剛計下數, 餘下的2/5貨, 平均成本只有7.65元了。

      刪除
  41. 3.85 走左一手1553, 入左注6193

    回覆刪除
    回覆
    1. 頭先1.6 任買XD 隻1553 真係好妖

      刪除
    2. 點妖法..想知..學生哥可唔可以分享下?

      刪除
    3. 圍緊,呢d位小心接,有心理準備瓜老襯

      刪除
    4. 1553 街貨得個幾百萬股,好易收乾。至於隻6193 就玩套路,國配不足只回撥20%。另外南華係信心之選,對上8441 同8537表現都好好。

      刪除
  42. 搞鬼,我又真係吾係好信1553 5.XX都有零星2k接,9成自己友做勢

    回覆刪除
  43. 一如所料, 1691估值太貴升唔起, 萬一不幸認購左的, 都可以期望明天綠鞋頂住招股價, 有機會可以輸洗費離場。

    護盤的是CS, 應該會比中資的靠譜, 如果暗盤跌10%的話我都會博下, 可惜跌得3%, 懶得搞。

    回覆刪除
    回覆
    1. 富途最低4.87,去唔到4.7

      刪除
    2. 照計應該夠貨護盤,瑞信有7千5百萬服而散戶只有5千萬股

      刪除
    3. 理論上當然夠, 但千萬不要假設國際配售的會全部是長線投資者。股價唔升, 好多短線炒家都會沽貨離場, 尤其是呢隻估值好貴。

      刪除
    4. 另外要留意呢個承銷團隊同2718其實好似, 兩間都是瑞信+大摩+中金, 只是1691多左間工銀國際, 而兩間都是由瑞信負責護盤。

      刪除
    5. 多謝偉哥,咁我都係平手走人算,唔博啦

      刪除
  44. 大家勿對港股腦溢血,升啦、去衝啦,每年年尾都是粉飾的,認為今餐吃得飽記得識路走,再升水位有限也。

    回覆刪除
  45. 赤子城科技孖展熱度好爆,但保母往績麻麻地,而且睇過基本面都係一般,業務有啲虛,唔知會唔會係妖股。唔知偉哥點睇呢?

    回覆刪除
    回覆
    1. 我今日評論左, 結論係呢隻好識得玩包裝....好多文章(不知是否鱔稿)形容佢係海外版的字節跳動, 但其實同字節跳動、抖音、每日頭條沒有任何關係。

      刪除
    2. 未決定, 但肯定不會考慮落大飛。

      刪除
  46. 偉哥。咁寶龍呢?抽唔抽?

    回覆刪除
    回覆
    1. 看看明天兩隻物管股的暗盤吧, 暗盤表現後, 落B組; 暗盤表現差, 落A組。

      刪除
  47. 想問下有沒有朋友曾經試過冬天上黃山? 如果落雨/雪的話, 上、下山的路會否好難行?

    我多年前曾經在夏天上過黃山, 當時年青, 所以全程都沒有坐纜車, 不過之後搞到膝頭關節炎, 傷患已經陪伴我好多年。這次計劃冬天上黃山賞雪、看日出、日落, 但要照顧仔女, 如果遇上惡劣天氣, 都有些擔心能否應付得來。

    回覆刪除
  48. 有, 地上會結冰, 行的話鞋要可能要加冰爪, 有小朋友是有點麻.

    回覆刪除
  49. 9909 保薦人農銀國際往績如何?

    回覆刪除
  50. 智通财经APP获悉,美银美林发布报告称,将信德集团(00242)目标价上调15%
    ,由5.2港元至6港元,
    以反映每股资产净值增至13.3港元及折让价由60%调低至55%的影响
    ,仍予“买入”评级

    242 終於有大行評級

    回覆刪除

注意:只有此網誌的成員可以留言。