置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年11月9日 星期六

一周新股回顧及展望 (上)


先說說過去一周的八隻新股,我參與了其中六隻:

1. 遠大住工 (02163):以下限9.68元定價,兼且公開發售只是超額1.38倍,沒有觸發回撥,但見到保薦人是中金,大家不期然有了破底的心理準備。B組只有9 名投資者認購,共獲分配609萬股,即是貨值共5900萬元,平均每人平均655萬元的貨值,而上市第一口價只是下跌10%,表現之“好”已是遠超我預期!

雖然有超額配售1828萬股,但觀乎中金最近作為價格穩定人的表現,實在不敢恭維,也不期望它會積極護盤,不過我還是在競價時段以每股8.7元入了一注貨,原因是除了欣賞B組的9名壯士之外,還見到國際配售的分配比較集中:


除此之外,還聽聞有券商報告預期他們今、明兩年的盈利將會有大幅度增長,當然這些只是作為參考,不能毫無保留地相信。

難以想像的是在股價低開之後,保母中金積極護盤,第一日大部份時間都是徘徊在招股價附近,還以為這股在收乾公開發售的貨源後,可以順勢炒上,只是第二天就無以為繼,股價徐徐回落,所以第二天以9.43元止賺離場。

2. 銀城生活服務 (01922):近期物管股當炒,所以這隻小型物管股的IPO受到資金熱烈追捧,公開發售超額383倍,以貼近上限的2.18元定價。我認購1百萬股只獲分配6000股,在富途的暗盤市場以2.75元沽清止賺離場,原因我一早已說,物管板塊只宜投資一些有實力強勁的母公司支持的物管股,小型物管股只有短線投機價值,中長線難有作為。

3. 益美國際控股 (01870):認購這股純粹是博公開認購可能不會超額15倍,無需回撥之下,有機會炒作,怎知太多人有共同的想法,最終超額20倍,原本需要回撥30%,但保薦人引用指引信HKEX-GL91-18, 以下限定價,故此最終只是額外回撥10%去公開發售,令公開發售佔比只有20%,埋下炒作的契機。小注認購了20萬股,只獲分配5000股,最終見暗盤沒有預期中的大升,故此以1.13元止賺離場,小賺數百元而已,然後錯過了正式上市日的瘋狂炒作.....當然如果我沒有在暗盤沽貨的話,可能也會在途中被震走,跌破招股價時止蝕離場,所以我沒有後悔暗盤市場的見好就收。

4. 東曜藥業 (01875):原本只想細注認購,但意外地認購左數十萬股,幸好公開發售超額13倍,所以只獲分配5200股。因超額不足15倍,故沒有回撥,加上下限定價,故即使國際配售分配並不集中,還以為有機會在暗盤時段可以微升給我離場的機會......事實上暗盤初段時間確實是微升,但由於忙於操作同日康德萊 (01501) 的增持,加上輝立交易系統在初段時間完全無法登入,故此錯失了高於招股價離場的機會,最終只能以均價6.4元止蝕離場,是最近一個星期唯一一隻要小輸離場的新股。

5. 達力普控股 (01921):沒有在公開發售認購這股,因為只認為下限定價才有吸引力,而結果公開發售只超額認購2.5倍,並以下限的1.59元定價。暗盤以1.51元買了一注貨,原因有二:

I. 國際配售分派非常集中;II. 以買入價1.51元計算,市值22.65億元,而公司2018年全年及2019年上半年的核心純利是3.09億人民幣及1.33億人民幣,以2018年盈利計算的往績市盈率是6.5倍市盈率,而公司新的石油管生產線已於2019年9月投產,或有機會提升下半年的盈利,因此2019年核心純利有機會與2018年相若,估值算是頗為吸引,加上40%派息比率的指引,股息率應該會頗高,故買入一注觀望。

6. 康德萊醫械 (01501):這股未上市前已知是今期新股焦點所在,原本打算申請頂頭飛,可惜因為輝立的孖展在最後一天竟然爆額,故此為保險計轉為去富途申請,只是因為資金都預先調去輝立,故只能在富途以孖展認購50萬股,獲分派6400股,遠遠不及預期的頂頭飛分派的24000股,因此下定決心在暗盤市場增持。

暗盤一開市已分別在輝立及富途同時以大約24元成功大手增持,增持後的股數比頂頭飛還多。為何對這股上市初期的表現會如此有信心? 原因有四:I. 基石投資者是Orbimed,其投資的醫藥股成績有目共睹;II. 與愛康醫療 (01789) 及春立醫療 (01858) 有相同的投資邏輯,就是產品的國產替代概念,可以詳看招股書的闡述,而愛康醫療及春立醫療今年受到市場的熱烈追捧; III. 國際配售獲得9.6倍的大幅超額認購,但由於公開發售超額100倍以上,故50%的新股分配去公開發售,而Orbimed作為基石會獲分配28%的新股,故此可以分配給其它機構投資者的股數極少,迫使機構投資者要在上市後在市場追入,因此上市初期大升可期;IV. 根據新聞稿,上市定價20.8元相當於2020年大約22倍的市盈率,即是説2020年純利大約1.4億人民幣,而2018年純利只有5800萬人民幣,這意味著公司未來兩年每年盈利平均將有大約55%的高增長!

上市首天股價不負眾望,最高曾升至每股30元或44%的升幅,意味著2020年市盈率已升至接近32倍,與愛康醫康目前的估值看齊,故此我自己選擇在28.9及29.5元全數沽清,其後在回落至26.6元時又補回1/3的貨,期望下星期可以再有後勁衝一衝高位。

順便再補充一下再上一個星期幾隻新股的參與情況, 包括因為有15%超額配售、兼且是大摩做護盤的ESR (01821),在暗盤時段以16.24元撈了7000股,並於上市首天以17.8元高價沽清。

至於有參與認購的春城熱力(01853),原本是極冷門之選,也預期國企及友好會自行圍飛,只是突如其來的新股潮令到這隻冷門股也受到追捧,最終大幅回撥40%至公開發售的關係,一起“攬炒”,股價曾跌至2元以下,幸好經過一番收集之後,昨天股價終於重上2.3元,我也沽清離場,今日認真計算一下,原來也要小蝕。這股剛仔細股權披露,貨源已開始歸邊,幾間國企及友好都已陸續披露持股,包括中銀國際持倉的26%股權 (當中包括因護盤而買入的股份) ,目前已披露持股公司及個人合共持有90.67%股權!   可能昨天接近重上招股價沽清春城熱力,並不是一個明智的抉擇。

另一隻冷門國企雲南建設混凝土 (01847) 也與春城熱力面對同一情況,都是因公開發售超額15倍以上而要回撥額外20%新股至公開發售,再加上保薦人中金的護盤力度遠遠不及春城的中銀國際,所以即使有15%超額配售,股價在上市後大跌超過3成。自己主要注碼是在暗盤時買入,兼且上市後曾高位減持、再低位補回,目前平均成本仍要2.84元,帳面仍虧損大約15%。隨著陸續有國企公佈持有雲南建設混凝土的股權,加上昨天收市前夕保薦人中金突然出手買上,希望短時間內可以有較大幅度的反彈。

136 則留言:

  1. 留待月底才寫報業股的下篇, 今日先抽空寫寫大家近期興致高的新股。

    回覆刪除
  2. 【阿里巴巴传96折询价月底上市,每股约176港元】香港文汇报援引外电消息称,阿里巴巴将于11月最后一周挂牌上市,下周四将寻求上市聆讯,并进行上市前路演。公司或将以每股价格4%的折扣进行询价,按照‘1拆8’计划,定价约在22.39美元(合约175.83港元)附近。

    偉哥應該會落大注?

    回覆刪除
    回覆
    1. 不一定, 如果有機會的話, 可能會落國際配售, 免除利息成本。

      呢隻多貨, 我估國際配售應該有機會分到貨。

      5%折讓, 如果我是基金經理而且現在已持有貨的話, 應該會在定價之前先在美國減持BABA, 如果好多基金經理都咁做, 應該可以壓低美國那邊的股價, 令港股定價更低, 同時在國際配售認購收取平貨, 變相可以做到接近無風險的套利。

      刪除
    2. 香港新股佣金昰1%, 所以5%的折讓, 實際上扣除佣金是4%, 如果大手認購但中籤率不是很高的話, 可能利息成本又蠶食2%, 餘下只有2%的空間.....當然佢會極速進入港股通, 比一個方便的渠道國內投資者買BABA, 所以短線需求應該會頗大。

      到時看看公開發售的反應再決定下注策略。

      刪除
  3. 咦只有1401+6186偉哥講過落,仲有三隻。。。莫非係兩隻創仔+新力?

    回覆刪除
    回覆
    1. 有隻好妖的, 你竟然估唔到?

      刪除
    2. 我對8617 有興趣,創仔有基石,保母對上一隻創仔係8606, 正 XD 至於偉哥講個隻,我大概估到, 哈哈

      刪除
    3. 正既話,你記得入呀

      刪除
    4. 真係好奇怪, 有隻股仔有超級妖的基石及預期將會貨源歸邊, 大家會留意唔到?

      刪除
    5. 偉哥,我好心急,不如講出來?是不是最好避開?

      刪除
    6. 基石攞左一半貨同孖展唔過15倍個隻

      刪除
    7. 仔細睇睇, 其實如果下限定價的話, 基石會分70%貨, 應該是史無前例地高, 而且基石中有一非常妖的存在。

      刪除
    8. 孖展唔過15倍就可以下限定價, 但孖展過15倍都一樣可以下限定價, 因為有SFC指引的存在, 哈哈。

      刪除
    9. 九成半3348,基石中有一妖孽是Peak Holding?

      刪除
    10. 哈哈, 你當最大的基石中國高速傳動是流料?

      刪除
    11. 我當佢做正當業務,宜家估Peak Holding妖,書寫中國地方政府於2012將PH介紹於本集團,就係呢句引起我懷疑啊!

      刪除
    12. 太多新股盲打左,無留意到基石呢樣野。3348只係現金小抽左,希望到時暗盤有位補返D貨啦。。。我仲以為係華記最妖,有望打破澳門建築股首日必破發既宿命。。。

      刪除
    13. 睇妖華記都係諗住豐盛?上次高陞夠係佢咪坑咗,上次佢拉去問話,分分鐘畀人昅實都吾敢出手張揚住。

      刪除
    14. 妖未必一定妖上,一直妖落去都得。

      刪除
  4. 偉哥,請教一下,點睇1853,有大戶2.35買,中央匯金都有唔少貨,好似收到乾乾地?到返招股價會係第一步?謝謝

    回覆刪除
    回覆
    1. 乾唔乾睇CCASS或股權披露都大概知一二, 幾個大戶2.35成本的是IPO分配到的貨, 之後有些有再增持。

      如果可以的話, 請登記一個Gmail帳戶, 那留言時就可以顯示名稱, 恕我不會再回覆所有unknown的留言, 你如果想參與討論的話, 請去登記一個名稱。

      刪除
  5. 偉哥
    1. 近排IPO 好似有D熱
    2. 巴巴又諗住IPO
    3. 呢到好似又多左散戶留言, 同討論細股
    我問題係, 近排VIEW 數有增加嗎? 好想再見到細股大時代呀

    回覆刪除
    回覆
    1. View數有增加, 但並不明顯。

      我相信未來幾年可以重見細股大時代的機會微乎其微, 可能趨近零機會。

      刪除
  6. 偉哥你好, 初來報到, 多多指教

    想問下隻 825 算唔算有異動?

    回覆刪除
    回覆
    1. 股價當然是異動, 而看了截至2天前的CCASS, 暫時未看到有明顯的鴨仔蹤影。

      刪除
    2. 請教偉哥其實點先算係鴨仔?價量咁升法都唔算?同埋對比2136,825 明顯係大幅跑嬴,唔似純炒作

      刪除
    3. 另外亦想請教偉哥,大股東將手上七成多的股票傳入CCASS,會是甚麼可能性?

      刪除
    4. 最簡單的鴨仔就是一些平時沒有或很少買賣這隻股的券商, 突然異常地大手買入, 這些就是鴨仔的特徵, 你可以看看1828或958私有化前, 有那些券商是鴨仔。

      刪除
    5. 大股東突然將持股存入CCASS, 以前殼交易暢旺的年代, 通常意味著大股東的持股可能將有變動, 但現在殼交易大幅萎縮, 賣殼的機會已大減。另一個可能性就是將持股抵押給券商。

      刪除
    6. 通常存入CCASS會伴隨一些財技動作,因為實物股票係唔可以係市場沽出或轉手。入倉通常係賣盤,押股,配股等等。最近賣盤交易好似多左D,但殼價跌得好誇,8391 同8513都係得番1.2 億殻價,同高峰期比跌左足足六成,有可能國內資金緊張左,就算買殼都要諗過度過,始終依家供多於求,質素唔靚嘅殻完全乏人問津。

      刪除
  7. 更新了長文, 下星期的新股展望留待星期一再寫, 而下星期一公佈分派結果的1640我有認購一注A中。

    另外下星期公佈結果的新股中, 分別認購了1401, 6186, 1747 及3348, 剛好星期一至四每天都有得玩暗盤。這5隻新股其實信心都是一般般, 因此全部都是A組注碼, 最大注碼的是3348, 落了一張A尾。

    回覆刪除
  8. 3348孖展超8.74倍,有機會撥三成

    回覆刪除
    回覆
    1. 其實超15倍以上都可以引用指引, 以下限定價就無需回撥3成。

      刪除
    2. 偉哥,想確認一下,就算超額100倍,都可以用指引,回撥2成,下限定價? 因為只要乎合文中2個條件就得?! 唔知我有冇理解錯?!

      https://www.hkex.com.hk/News/News-Release/2018/1802022news?sc_lang=zh-HK

      刪除
  9. wai gor , 1501 thanks analysis and sharing

    回覆刪除
  10. 偉哥,想請教下,1847如何從ccass看出國際配售的大戶的信息?只看到渣打和交通銀行的倉位占35%.

    回覆刪除
    回覆
    1. 唔明白你的問題。

      為何你不提最大倉位的中金及第4大的UBS? 我只可以說頭4大倉位都是國際配售的大戶。

      刪除
  11. 偉哥入賭場,肯定7成機會贏錢。如果用佢抽新股的方法。

    回覆刪除
    回覆
    1. 講真, 除左港交所呢個虛擬大賭場, 我未曾入過賭場。

      刪除
    2. 如果六合彩算的話, 那應該算。

      馬都只是以前幫姐夫買過, 因為佢信beginner's luck。

      一生人只入過一次馬場, 不是去賭馬, 而是因為有朋友請客吃飯。

      刪除
  12. 大跌是反映TRUMP單野定交警單玩碰碰人單野定又一城單野

    回覆刪除
    回覆
    1. 柒了,今朝見到1501做25.4考慮過多入唔到了

      刪除
    2. Why not all 3? 26 均價入回30K.

      刪除
    3. 就係柒,諗得太多,機會唔等我。。。其實我明知會升,只係諗緊會唔會再跌多野,點知機會一閃即逝,老散宿便

      刪除
    4. 朝早掛住清空又一城,醒起1501時已上返27蚊,唉。。。

      刪除
  13. 今朝趁減價25.9 入少少1501 試下

    回覆刪除
    回覆
    1. 一陣跌返25.4你可以認真再試多注

      刪除
    2. 我25.75買入,剛於27.85沽出;
      出面咁樣環境,隨時戒嚴,真係冇心機炒嘢 ...

      刪除
    3. 休息陣好過
      近日入既都止蝕些少貨,比上週高峰時少左一半倉

      刪除
  14. 隻581係咁收購,之後會唔會無錢派息,唉~

    回覆刪除
  15. 今日大跌,之前係威係勢既東正又收皮,正屎忽鬼

    回覆刪除
    回覆
    1. 大跌主要原因: 世界兩極化看起來難以避免!

      社評:美國調查抖音 冷戰思維作祟
      https://news.mingpao.com/pns/%e7%a4%be%e8%a9%95/article/20191110/s00003/1573322697154/%e7%a4%be%e8%a9%95-%e7%be%8e%e5%9c%8b%e8%aa%bf%e6%9f%a5%e6%8a%96%e9%9f%b3-%e5%86%b7%e6%88%b0%e6%80%9d%e7%b6%ad%e4%bd%9c%e7%a5%9f

      刪除
    2. 大跌原因:
      【11.11各區衝突】警西灣河開3槍實彈 男子中槍送院 理大施放催淚彈
      https://news.mingpao.com/ins/%e6%b8%af%e8%81%9e/article/20191111/s00001/1573432485356/%e3%80%9011-11%e5%90%84%e5%8d%80%e8%a1%9d%e7%aa%81%e3%80%91%e8%ad%a6%e8%a5%bf%e7%81%a3%e6%b2%b3%e9%96%8b3%e6%a7%8d%e5%af%a6%e5%bd%88-%e7%94%b7%e5%ad%90%e4%b8%ad%e6%a7%8d%e9%80%81%e9%99%a2-%e7%90%86%e5%a4%a7%e6%96%bd%e6%94%be%e5%82%ac%e6%b7%9a%e5%bd%88

      刪除
  16. 今日有同學仔塞咗成個鐘都未返到學校,梗係返金融業啲人都係遲到,冇人托市,繼續跌

    回覆刪除
  17. 今日先行沽清上周低位撈入的1501@27.3止賺, 候低再買回。

    回覆刪除
    回覆
    1. 只走了1/3,其他睇多陣。 😁

      刪除
    2. 27.85 走一半
      不過未必有咁多減價機會

      刪除
    3. 岩岩清了,執多幾千。 😀

      刪除
    4. 頭先26.6買到,未走,希望到30,不過我會set 29.95走,吃吃

      刪除
  18. 中左6000股的1640, 呢D市真係中少好過好多。

    回覆刪除
    回覆
    1. 中得1萬蚊,加埋佣金,孖展蝕洗費喎

      刪除
    2. 咁快判斷蝕洗費?
      1870今日好勁, 睇下同保母的1640會否有驚喜。

      刪除
    3. 保母Do嘢會否那麽頻繁

      刪除
    4. 偉哥有冇走到1640?

      刪除
    5. 得6千股, 睇埋明天會否有驚喜...或者驚嚇。

      刪除
    6. 我入多兩手玩下。信東興。

      刪除
    7. 買佢既亮點只係東興。2018以新三板退市時,巿值1.5億,現在....

      刪除
  19. 今日無心機,不過跟左偉哥走左轉1501+1847,謝偉哥。仲有蠢城+達力普等運到。

    回覆刪除
  20. 真係要提醒網友在街上不要多口,打人已經係過去式淋電油燒係新招了。

    回覆刪除
    回覆
    1. 睇了片,好恐怖,班暴徒正人渣!

      刪除
    2. 人多地方,附近多穿黑褲帶口罩有背包,是未變身前的遊人,切勿持著電話像影相,你隨時有危險,切記。

      刪除
    3. 點解香港變成咁!無人性!

      刪除
    4. 無錯, 香港太亂, 我地應該一齊番大灣區生活

      刪除
    5. 我都睇左警察開真槍同交通警撞人群影片,無人性! 簡直係64 2.0!

      刪除
    6. 黑衣人統治全港,打電話去老友傾計,個個縮哂在家,不敢下街,話條街好亂。

      刪除
    7. 仆街黑警!!我哋等住開香檳!!!!

      刪除
    8. 班黑衣人真係好無人性, 口角者, 駛咩淋火水燒死人

      刪除
  21. 今日大市暴跌, 反而我的組合跌不多, 一來現金比重高, 二來好多小型股今日唔係好跟跌。

    回覆刪除
    回覆
    1. 同意偉哥,我堆創仔一半係升,完全唔覺恐慌 btw, 偉哥有無興趣暗入3681?

      刪除
    2. 溝一注星島好過啦,仲3681

      刪除
    3. 6.8遲疑左彈返,1640就破發了。

      刪除
    4. 好低能,今日差1格最低位止蝕1注1105,呢注今日多手係1.4買,無左1K+handling,我D

      刪除
  22. 絕對唔認同做法
    但係搞清楚個事實,被燒者扮休班警,唔係多口咁簡單
    重申本人絕對唔認同做法

    回覆刪除
  23. 作者已經移除這則留言。

    回覆刪除
    回覆
    1. 100% blue zombie! he deserved!!!

      刪除
    2. 香港年輕人最出名政冷感,為什麼今次咁勇呢?

      刪除
    3. 香港年輕人最出名政冷感? 2015年雨傘革命係廢老發起?

      刪除
    4. 魔術黎嘅,幻覺黎嘅,哈哈

      刪除
    5. 唔出街就吾會俾人燒?對,即係你吾出街都會死。

      刪除
    6. 作者已經移除這則留言。

      刪除
    7. 我畀1百萬你,燒到你毁容,好嗎?

      刪除
    8. 嫌少畀夠1千萭留返條命要third degree burn? OK?

      刪除
    9. 吹牛個個都識講幾多M啦,俾得起錢,你會係到!?

      刪除
    10. M for mother?吾講=代表?吾識講?笑到極點

      刪除
    11. 喺度代表窮鬼/吹牛?吾喺度代表富翁?

      刪除
    12. 恕我吹水/窮鬼吧,再講落去拉低晒,早抖。

      刪除
  24. 警察有搜查令四點可以入中大,戰火燒向大本營無得玩快閃,今晚隨時再擦槍走火

    回覆刪除
  25. 尾市沽了一半的1921@1.55獲利。

    連續兩天都低開高收, 看看明天是否也是如此。

    回覆刪除
  26. 回覆
    1. 原因不明歸納入免疫病,研發類風濕、紅斑狼瘡、乾燥症,2019底&2020中會宣布公司工作進展。綠鞋,基石持30%貨,低過招股價撈吾會輸。

      刪除
    2. 我剛剛先有個同事係中國抗體黎我公司做,我撈原因係因為中金破得太多,點都要搵番隻做好少少,哈哈。

      刪除
    3. 個衰仔中金精甩尾,原來留返彈彈用喺今日雲投度。可能佢今日work from home.

      刪除
    4. 哈哈,輝立平成7.6,睇黎聽日有飯食下。另外1640撈左6000股@1.14, 同偉哥同船一下。

      刪除
  27. 398將於11月20日公佈中期業績, 目前仍未發盈警, 而上年同期的盈利是6400萬元, 或每股11.22仙, 並派發每股11.5仙的中期股息。

    回覆刪除
  28. 作者已經移除這則留言。

    回覆刪除

注意:只有此網誌的成員可以留言。