置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年2月21日 星期四

湯氏孖寶 (下) - 憧憬有後著!


先說湯臣集團 (00258),會有什麼後著?

湯臣集團目前最大賣點是資產折讓大及淨現金比重高,所以如果有後著的話,可以圍繞這兩點來思考。

資產折讓大,加上大股東大手增持,那毫無疑問大家會憧憬大股東提私有化。如果真的提私有化的話,會是什麼作價?參考近期合和(00054) 算是最賤價的私有化作價,也要按0.65倍市帳率,那湯臣如果按0.65倍市帳率私有化的話,作價會是多少? 這是我自己的預期,希望有天真的提私有化的話,不會低於0.65倍市帳率,不然的話只能忍淚投反票對。

淨現金比重高,那憧憬的後著當然是大派高息。事實上湯臣之前兩年都算是派高息,連續兩年派高息每股0.43元,以現價計算,股息率高達15%。當然我們知道湯臣大派高息的主要原因是方便大股東以股代息增持股權,不然的話在市場如此大量增持,會炒高股價,他們沒有辦法以較低價格增持,所以今年繼續派高息,讓大股東以股代息增持的機會也不低。而通過以股代息,不知大家有沒有留意到除了大股東之外,其實也有為數不少的小股東選擇以股代息。這發現令我有些意外,因我一直以為只有大股東才會選以股代息,實在想不到原來有不少的小股東也會選以股代息。究竟這些選以股代息的小股東,是真正獨立的小股東,還是大股東的暗手或者友好?




名義上,目前湯氏及川河合共持有約70.7%的湯臣股權,公眾持股量約29.3%,但看了上述以股代息的數據後,大家會否覺得街貨真的有29.3%?


我們再看看現正做自願要約的川河集團 (00281)。

不知大家有沒有細看川河自願要約的通告? 當中關於要約方對受要約集團之意向是這麼寫的:

要約方計劃受要約集團將以其大致現狀繼續經營其業務。於要約截止後,要約方將詳 細審視受要約集團之業務營運及組合、股權及資本架構以及財務狀況,以為受要約集 團之長遠發展及資源調配制定可持續業務計劃或策略。受限於審視結果,要約方或會 部署其他業務重心及商機以及考慮是否適合進行任何資產出售、資產收購、集資、業 務重組及╱或業務多樣化措施,以增強受要約方之長期增長潛力以及提升股東回報 及價值。

即是說湯氏暗示完成要約、成為大股東後,可能會有後著,我們可以從川河最重要的三大資產去考慮可能的後著:

1. 高達12億元的淨現金及金融資產,相當於每股0.46元!

大股東成功增持股權後,會否大派高息?畢竟川河帳上的資金並沒有什麼用途,用作收利息的回報也不高,故此將大部份用作派特別息也不為過,而且如果湯氏真的想私有化湯臣的話,也需要不少的資金,故此派特別息有助湯氏籌集部份私有化所需的資金。

2. 持有2.473億股湯臣集團股份,市值7億元!

我想到的唯一可能性是實物分派這批價值7億元的股份,尤其是湯氏如果真的想私有化湯臣的話,那麼川河實物分派持有的湯臣股份,是最佳的處置方式。這批股份價值超過川河市值的40%,如果真的實物分派的話,川河股東肯定笑逐顏開。

3. 持有37%的上海張江微電子有限公司股權

這股權目前帳面值接近10億,但大家知道這類物業公司,一般都是帳面值遠低於實際價值,那上海張江微電子實際價值約多少?根據川河中期報表,張江微電子目前持有約20萬平方米的租賃物業,包括有商業辦公大樓、住宅及商業廣場,另有約1700個車位待售。20萬平方米的租賃物業,假設以非常保守的3萬元/平方計算,這20萬平方米的租賃物業已值60億人民幣,停車位就不算了。另外,據雪球國內球友的訊息,張江微電子目前帳面尚有淨現金10多億元,這些我沒花時間去確認,就當沒負債就算了。總結而言,張江微電子目前非常保守估值不低於60億人民幣的,川河持有37%股權就值最少26億港幣了。

張江微電子的股權可以說是川河最重要、最值錢的資產,那川河有沒有機會變現這塊資產? 張江微電子的股權架構非常奇怪的,川河持有37%,湯臣持有13.5%,國企張江高科持有餘下的49.5%股權。



A股上市的張江高科是張江微電子名義上的大股東,但實際上湯氏在完成增持川河至50%股權後,已通過控股的川河及湯臣持有合共50.5%的張江微電子股權,而張江高科容許湯氏打破這多年來雙方在川河及張江微電子的股權平衡,會否意味著張江微電子的股權也將會有所變動?湯臣及川河會否出讓持有的50.5%的張江微電子股權?如果可以高價套現這塊資產的話,相信川河及湯臣的股東會樂見其成。

上述三個猜想,只需中一個已足矣。

寫了一堆自己的猜想及憧憬,持有川河及湯臣的朋友看了,可能已熱血沸騰,恨不得再加注玩一注獨贏,ALL IN 湯氏孖寶,但我想潑潑冷水的是,做事件驅動很多時候要加入自己的猜想、預期、憧憬,而這些猜想、憧憬最終未必會成真,又或者不知什麼時候會成事,所以大家做事件驅動的時候,要自己衡量風險與回報及注碼問題,才能長線取得理想回報。

235 則留言:

  1. 這篇長文昨晚寫了一半未完成, 今早補埋下半部, 終於完成湯氏孖寶三部曲。希望在不久的將來, 湯氏孖寶可以變湯氏雙雄, 而不是湯氏雙熊, 哈哈。

    回覆刪除
  2. 始終覺得1729昨天下午到今天的大沽壓, 可能涉及潛在配股, 最大可能性是上市前入股的第二大股東配售減持。

    配售我唔太擔心, 最關鍵的是否可以引入基金股東。當年2283、1979在上升途中大股東配售減持, 但股價反而越升越有。

    最壞的情況是下半年業績倒退而已, 除此之外我都冇乜好驚。

    回覆刪除
    回覆
    1. 升返上黎了,偉哥今日入得靚!

      刪除
    2. 我係低些價位仲有買盤, 可惜中唔到。

      刪除
    3. 今早在0.6的大沽盤, 最終好像是有一半撤走左, 期間在11:15:09有一大買盤掃了共2.5M, 不知撤盤是在這大買盤之前, 還是之後的事? 有沒有網友留意到及有沒有網友是這買盤的交易對手, 知道是哪間券商買, 謝謝。

      刪除
    4. haha,呢度網友見偉哥接貨,應該少機會會0.6賣

      刪除
    5. 估計是大華有份,大買盤之后成交已0.61,

      刪除
    6. 如果似1979升到$2就正了

      刪除
    7. 會否係有人被斬倉??
      如果配股俾基金就太好了

      刪除
    8. 這兩天壓下來, 好奇想知邊d大戶接?

      刪除
    9. 昨日留意到券商中有高盛積極接貨,而印象中之前沒有咁買法. 一般散戶應該唔會用佢,所以偉哥猜想配股與基金都頗有機會?!

      刪除
    10. 大戶被斬倉的機會微乎其微。

      刪除
    11. 哈哈,斬倉就唔會跌咁少,同埋斬倉應該係源自押股嘅問題

      刪除
    12. 等下星期一晚睇睇CCASS更新, 睇下六福沽左幾多出來。

      刪除
  3. 獲益良多,謝謝偉哥。

    回覆刪除
  4. 雖然沒有買入,但睇偉哥的文章學到好多野~~~~~~

    回覆刪除
    回覆
    1. 坦白講, 以前我都唔會買281, 258, 雖則一直估值都好平, 但呢類地產大折讓股, 如果無催化劑, 純粹買來收息, 我就無興趣。

      而家似乎催化劑出現了, 所以我買入, 起碼有好幾個憧憬, 哈哈。

      刪除
    2. 281, 258,依類相對其他的事件催化股防守性比較高

      刪除
    3. 咁比起1348或者787, 當然係孖寶防守性高好多, 尤其係而家股價亦唔算炒高, 估值仲係好平, 退一步仍可以海闊天空。

      刪除
  5. 很高興看到銀行股1111和2066繼續上漲,歡呼!

    回覆刪除
  6. [歴史不停重覆]大陸量寛, 美國不加息, 港股再創新高!
    https://forum.hkgolden.com/view.aspx?type=FN&message=7009980
    溫馨提示:勿買大陸股票。
    喂,埋黎睇埋黎睇,又吹支爆喇喂!

    回覆刪除
  7. 回覆
    1. 很高興看到17和659已獲得市場的認同!

      刪除
  8. 沽13908@$0.26,
    食些糊計數.
    這算是近期較成功投機,
    現賺了有毫2子.

    回覆刪除
  9. 大家好,follow了這裡幾個月時間,獲益良多
    但是感覺有些不良分子每天踩場,很煩擾
    可以把他們趕走嗎?

    回覆刪除
    回覆
    1. 這是一個開放的討論平台, 所以冇得拒絕其他網友參與, 只能希望各位自律。

      刪除
    2. 係啦,想發表偉論可以自己開BLOG都得,呢度係偉哥開俾大家討論、分享架!不過可能某D人唔係好明咩叫交流,咩叫討論,唉。。。

      刪除
    3. 我自己覺得如果自己愛股股價有異動, 想同大家分享喜悅或者想大家留意下, 是很正常, 也無可厚非, 大家都可以接受。只係唔想見到有事無事都好, 每日都慣例寫寫自己的愛股number, 如果每個網位都咁做, 呢度的留言質素就會大降, 大家也唔希望見到呢個情況。

      刪除
    4. 哈哈,此現象不是呢一輪,曾經亦反映不過見偉哥好似也接受所以無言,唯有少睇少發言了。

      刪除
    5. "有事無事都好, 每日都慣例寫寫自己的愛股number"
      搞到大家真野分享都唔想留言

      刪除
    6. 其實偉哥係無奈接受
      始終blogspot對於留言管理功能比較雞
      留言審查亦都唔太現實

      刪除
    7. 大家自律,不要難為偉哥;但偉哥今日卻為難(圍攔)我的愛股偉哥科技,我在0.58,0.56的買盤都給偉哥一句我在0.59補回0.64沽的貨。。。後便落空了!!非常失望!!偉哥只要改說一句現貨未到補貨時機,我相信至少我的0.58買盤是可成的。。。

      刪除
    8. 呢D 要一早掛定~好難即刻買~
      都係果句 你要點解要買佢!安心等運到!

      刪除
  10. 突然間諗起
    想問下偉哥,以前互聯網未普及時,你地係點樣做功課揾資料?
    偉哥以前對你涉足股巿時,又有冇「師父」指點下你?(可以係書或者人?)
    當然對我地黎講好多人師父都係偉哥��

    回覆刪除
    回覆
    1. 我都想知, 因為我炒股時已有AASTOCK

      刪除
    2. 全是靠報紙財經版傳遞得知,星島晚報可得知早上收市報價與早上公司消息,電臺祗報價幾隻,來來去去是匯豐、罝地、牛奶,大酒店,沒有講股票節目。就是四行報價,有九龍會與金銀會同層,常同一時間,同一股票,成交價可相距幾個價位,如果你有同一股票在兩會,你可以買賣賺差價,散戶都是盲柄來炒股烏卜卜,所以香港天線一手要3萬元夠買層舊樓。

      刪除
    3. 早年的辛酸史,遲d有時間講講。

      刪除
    4. 依稀聽過偉哥講少少辛酸史,撲去證券行睇報價,要同C9爭㩒机,企足1日腳仔軟,哈哈!

      刪除
    5. 1997、98年期間入市炒股, 真係儍更更一個人係銀行大利是機, 睇住大叔、阿伯係度炒股、討論, 當年東亞銀行總行的股票部有兩部大利是機, 長期聚集在那裡炒股的一些大叔、大嬸, 不知是否仍安好?

      後來炒股有些盈利, 就出部股票機, 好似CALL機咁, 可以睇即時報價, 就方便左, 但係要落盤都係要打電話比經紀。至於睇業績, 中午的時候在學校外大約5分鐘路程, 有一間中資銀行有大利是機, 當年仍是黑白屏, 要趁中午有人用的時候, 看看當時中午發放的簡單業績, 但時間有限, 睇唔到詳細資料; 至於收市後公佈業績的, 就要第二朝晨早落街買份經濟日報睇業績。而開市期間有時間的話, 好多時都會同D C9、大叔爭按大利市機, 那時真的爭分奪秒, 都睇唔到1、2秒就比其他人按其它號碼睇, 想睇買賣的經紀牌是天方夜譚....而那時的大利是機只能顯示買賣經紀編號, 睇唔到券商名稱, 所以那時好似經濟日報有個券商的牌號列表, 就剪左落來放在銀包, 有需要的話可以隨時拿出來對照, 但到後期好多主要券商的號碼都已經識得背。

      要看年報的話, 就要去中央圖書館或者大學圖書館都有部份上市公司年報可以查閱, 總之那時想搵份年報來研究都唔容易, 邊有好似而家咁方便, 上網按幾按就搵到所需資料。

      刪除
    6. 想起曹仁超, 他説無互聯網的歳月, 去 library

      刪除
    7. 那時候市場上係咪有好多錯價的股票呀?

      刪除
    8. 2003年尾做PT有人叫我買股
      比左隻 341 唯冠 PROVIEW
      人生第一次比左佢

      刪除
    9. 仍是黑板年代,我幫襯小型華人經紀行,大行著數多,穿著號碼背心出市員,走到黑板按著一堆賣出股票經紀號碼,要掃貨,等候賣方出市員走出來對數做紀錄,我巳排很前,但是他竟去掃排後面大行貨或相熟的經紀,小型經紀行有時要被冷對待,電腦化排隊沒有此現象了。

      刪除
    10. 骨子裏崇外媚洋, 華人經紀被人看少, 雖然電腦化, 背後揸fit也是佬外.
      另外
      亞婆走得快,必定有古怪. 攞命陳無為香港人賺到少少錢就退休. 其實他這份筍工,咁快走, 必有内情.

      刪除
  11. 攞命陳傳無得續約要退休,對比淡馬錫,外匯基金咁低回報梗係要炒拉

    回覆刪除
  12. 唔好意思, 想請教下

    港交所睇返281川河股權披露
    1. 點解無第2大股東張江的持股?
    2. 最新通告話徐楓有82.28%, 同通告裏只有50.076%的原因在那?

    謝謝

    回覆刪除
    回覆
    1. 睇年報就比較清晰。有些披露是重覆的。

      刪除
  13. 回覆
    1. 有睇david webb文章的都知2001比較危險

      刪除
    2. http://app.lanjinger.com/news/detail?id=105302

      刪除
    3. 無睇下,原聞其祥,點解話2001較危?

      刪除
  14. 回覆
    1. 1765 會唔會有機會買回呢

      刪除
    2. 偉哥, 1765是否安全點?

      刪除
    3. 暫時來看是相對安全一些。

      刪除
    4. 空報內容的真確性睇來幾高吓
      --- 😵
      花旗首評新高教集團(02001)予目標價10.5元及「買入」
      18年6月12日
      Infocast

      刪除
  15. 近墨者黑。

    https://webb-site.com/dbpub/articles.asp?p=2646069

    回覆刪除
    回覆
    1. 看了內裡的三段字也不明白近墨者黑是指??
      好像是說無披露什麼借款人

      刪除
    2. 借錢比佢或者去抵押的劵商都不是好人。

      刪除
    3. 唔... 不妨去search 下民銀資本, David Webb 有講過,佢同189 同民生銀行都有關係

      刪除
    4. https://wealth.hket.com/article/2211565/%E6%AF%8F100%E9%9A%BB%E6%B8%AF%E8%82%A1%E8%87%B3%E5%B0%917%E9%9A%BB%E6%9C%89%E5%95%8F%E9%A1%8C%EF%BC%9F%E9%81%BF%E5%9C%B0%E9%9B%B7%E6%9C%89%E6%B3%95

      刪除
    5. 其實民企大股東將持股抵押借錢, 本身已是警戒訊號, 而2001一上市, 大股東就將持股抵押, 仲要不斷借錢, 更加是危險訊號。

      刪除
    6. 再睇埋呢2篇, 就知點解我話2001同壞人埋堆:

      https://m.mingpao.com/fin/instantf2.php?node=1539911078994&issue=20181019

      https://wealth.hket.com/article/2188876/David%20Webb%E5%86%8D%E6%8F%AD26%E9%9A%BB%E4%B8%8D%E8%83%BD%E6%8C%81%E6%9C%89%E7%9A%84%E8%82%A1%E4%BB%BD%C2%A0%20%E6%B0%91%E8%A1%8C%E8%8F%AF%E8%9E%8D%E4%B8%8A%E6%A6%9C%EF%BC%88%E9%99%84%E5%85%A8%E5%90%8D%E5%96%AE%EF%BC%89

      刪除
    7. 偉哥,其實834既大股東同華融都好大關係,唔知係咪斷水所以急賣

      刪除
    8. 當然, 我之前文章已有寫了, 你去翻看。天元財困, 所以結果同海航一樣, 都要出售資產套現, 所以他們是確實有意賣834的。盡

      盡量花時間看看我寫的文章, 都已有詳細解釋。基本上我買的股, 很多時候都會詳細解釋我買入的原因, 只要肯花時間看, 就知道我的想法。

      刪除
    9. 2001今次應該沽唔死, 老細仲有有錢頂

      刪除
  16. 3368維持不派末期息, 明天應該有沽壓。

    回覆刪除
  17. 281同258 邊一隻值博率高啲??

    回覆刪除
    回覆
    1. 自己衡量吧, 偉哥只是分享他的看法。

      刪除
  18. 上網打大宁久光找到一點資料..究竟幾時先起完呀? XD
    http://shanghai.metrofans.cn/forum.php?mod=viewthread&tid=424248&extra=page%3D1&page=2&mobile=2

    回覆刪除
    回覆
    1. 今晚睇下究竟係邊個兩月前拉起利福既股價, 搞到我2.5補唔到果3/4貨。

      刪除
  19. 98.hk 發盈喜
    董事會謹此知會本公司股東及潛在投資者,本集團預期截至二零一八年十二月三十一
    日止年度錄得本公司擁有人應佔純利不少於人民幣480,000,000元,而截至二零一七年
    十二月三十一日止年度錄得本公司擁有人應佔純利約為人民幣382,600,000元。

    回覆刪除
  20. 2885又跌,偉哥會唔會諗住止蝕

    回覆刪除
  21. WAI GOR 2885有冇想過止蝕呢??

    回覆刪除
    回覆
    1. 他的行动都有披露,没有披露即没有卖,有披露你看不到就自己再search下

      大家可否不问这种垃圾问题,一起尝试提高这里质素

      刪除
    2. 我等偉哥加注HAHA ~ 小注等運到中!

      刪除
    3. 問止賺止蝕嘅直頭係哂氣晒post位

      2885好似1749都系咁卜街

      刪除
    4. 我一直無買過就係因為咁,所以買左隻跌左一半的2683 haha

      刪除
    5. 只是想看看他的睇法 別無他意.
      對不起..

      刪除
    6. 其實關鍵是大家的倉位不同, 所以對風險承受力也不同, 無法參考的。如果你持有的2885只佔你不足1%倉位, 你會否如此緊張止蝕與否?
      這股我一開始都已說明即使增持後, 只佔我倉位1%, 現在股價再跌, 相對倉位更細, 所以我不是太著緊。如果你是持有5%或10%倉位的, 真的要自己決定去留。

      刪除
    7. 自己買入因為跌幅大也對行業有憧憬有值搏率,而且相對偉哥買入價低,大約現時平均價在0.68佔組合大約2%。關鍵真的如偉哥所講(大家的倉位不同, 所以對風險承受力也不同)。

      刪除
    8. 很好, 控制注碼, 控制風險。

      刪除
    9. 希望WAI GOR 不要介意..我只是想看看你有什麼睇法看看與自己研究的是否一樣..

      刪除
  22. 回覆
    1. derek會唔會溝貨?

      刪除
    2. 如果偉哥止蝕會落到0.6,不過偉哥講過佢細注持股無壓力😜

      刪除
    3. 你有壓力,我有壓力,好彩我都細注

      刪除
    4. 今朝溝咗少注,再等緊偉哥動作😁

      刪除
    5. 你咁好危險,萬一偉哥真話止蝕就。。。

      刪除
    6. 其實我係等偉哥講加注就即買,可能你早買仲著數

      刪除
    7. 哈哈,假如是真的止蝕會在下面等接貨😅

      刪除
    8. 你地都冇聽書,偉哥講明唔會加注

      刪除
    9. 都講明不會再溝貨, 所以無謂等我溝貨了。

      其實股價一路跌, 目前只佔我0.6%倉位, 所以我沒有壓力......壓力反而係來自大家的詢問, 但我一早講左輕倉, 之前最後溝貨時是接近1%倉位, 現在股價跌落來, 只有0.6%倉位, 呢個倉位我完全沒有壓力, 反而好似有網友比較重倉, 亦想睇我頭, 我諗緊係唔係應該要止蝕。

      刪除
    10. 網友似在換馬中,從"岸"轉往"河"進發。

      刪除
    11. 好奇怪, 今早明顯見有買盤掃281。

      刪除
    12. 因為今日deadline?lock死左d貨

      刪除
    13. 唔係, 可能係因為有心人知道已經冇可能係GO到期前, 將股價壓唔返落去0.55元, 博有儍佬接受GO。

      刪除
    14. 都幾難搵到儍佬接受GO,現價沽仲著數

      刪除
    15. 281,我的長期收息股,上次彈上0.85,游咗一次水,如果呢隻都算妖氣冲天,九成港股都不用買了。

      刪除
    16. 見呢到有網友問,問得的話接唔接受的機率我覺得真係50 50.
      如果無人答佢的話

      刪除
  23. 口水標過去曾多次吹過利基240, 吹啊吹,繼續吹:

    利基發盈喜前景佳
    http://hd.stheadline.com/news/columns/176/20190222/742828/

    昨天剛做了52週新高, 今天又再做了52週新高! 應該沒人敢追!!!

    回覆刪除
  24. 我覺得呢啲半新股起碼要等到出業績先走

    回覆刪除
  25. 1712 突然開左逃生門..估唔到可以平手走佬~.~

    回覆刪除
  26. 貿易戰談判,一定唔會咁快傾好,侵應該要加o的o野出黎,節外生枝再玩一排,股市有回調壓力

    回覆刪除
  27. 今早均價4.52買了一注的354, 博炒落後。

    以低位價, 354只是回升30%左右, 比其它熱門科網股低甚多, 看看能否追落後。其次, 上半年盈利增長4成多,全年估計增幅相若, 看看會否有機會提升估值。

    回覆刪除
    回覆
    1. 雪球有篇文章寫得很好,值得參考:
      https://xueqiu.com/3497027186/120512586

      似乎2018全年純利增長不會有40%, 而是20%多而已, 核心盈利增長可能只有10%。

      純粹博未來一個月市場氣氛好, 追落後再升一些, 看看能否上試5元的阻力區。

      刪除
    2. 相對763,354算升得較少了,要知道354有華為概念。

      刪除
    3. 現在市場已開始有人預期中美達成貿易和解後, 太子女會被釋放, 看看會否如此。

      刪除
    4. 我覺得通常咁多好事逐一兌現,都係回調,甚至派貨既先兆

      刪除
    5. 睇bloomberg數據, 大行盈利預期是2018年每股0.28元人民幣, 2019年0.34元人民幣。

      刪除
    6. 354报表现金流向看不懂,所以从来没碰。

      刪除
    7. 354現金流一向差, 只是背靠華為, 帳目應該問題不大吧。

      刪除
    8. 但差到一直都是负数,可能就是跟华为做事代价吧
      报告中的同业如infosys等现金流很正常

      刪除
    9. 遲左,4.64追入!! 763升了10%,354快上!!!

      刪除
    10. 上半年是負數, 但一般下半年就會收返錢變返正數。

      刪除
    11. 4.8先沽一半,多謝偉哥

      刪除
    12. 唉,無跟到,呢隻驚驚地

      刪除
    13. 無跟到+1
      跟blog跟唔貼………

      刪除
  28. 1968+2339+2683。。。市場是咪忘鳥他們,嗚。。。

    回覆刪除
  29. 偉哥 想請問一下關於1755 的
    我尚未詳細去望相關資料
    不過昨日看了些相關的報道
    感覺這間公司的潛力頗大
    當然以偉哥一貫穩妥的作風加上早前沽清,股價亦已翻了翻
    短時間未必會再考慮
    但是以該公司目前的增速似乎可以再看好多更長的時間
    當然再之後的預期可能就是期望巿場給予更高的估值
    但為什麼偉哥當初不留一些倉底看更長遠的發展?當中的考量有哪些隱憂?
    (或許週末我會再詳細看一下)

    回覆刪除
    回覆
    1. 我自己以2018年盈利約20倍PE作為合理估值。之前樂觀估計1755 2018年核心盈利升1倍至1.7億港元, 冇諗過實際盈利增長會如此之高。

      刪除
  30. 3666掃完後就擺d沽盤係度

    回覆刪除
  31. 回覆
    1. 現在市場預期1755、1995今、明兩年增長高於3319, 所以3319 以往績計算的估值反而比1755、1995有折讓了。

      刪除
    2. 1995 1755 成交唔大 D貨好乾下
      物管股 睇好

      刪除
    3. 1995、1755目前估值已過高了, 但街貨少, 所以可能炒到業績期後配股。

      只要看看公開發售的數據, 就知貨源極度歸邊的兩隻半新股。

      刪除
    4. 好驚偉哥PUT 6098
      通常一PUT
      全線都.....

      刪除
    5. 今次全部升晒, 諗唔到配對交易的機會。之前是因為1755、1995的明顯低估, 所以shor 6098, long 1755, 但而家1755都升晒, 冇得做配對交易。

      或者等出埋業績後, 睇係6098有冇機會創新高, 再考慮是否沽空6098。

      刪除
  32. 回覆
    1. 偉哥,除了2382 2018都好強勢

      刪除
    2. 如果星期一升穿100元, 可能買些即月100或97.5P 博2日內調整。

      刪除
  33. 回覆
    1. 目前沒有, 2018年下半年恢復盈利, 今年應該有不俗增長。

      全年收入其實大致可以從格隆匯之前的路演文章中推測到。

      https://www.gelonghui.com/news/157739

      公司没有公布三季度的业绩,截至六月底,由于产能使用率偏低,毛利率只有1.9%,去年同期因为面板价格比较好,毛利率达到9.5%,相对比较高。华显光电最近的毛利率大概在6-7%,全年整体毛利率预计是4.5-5.5%。

      假設全年平均毛利率5%, 上半年收入12.6億元, 毛利率1.9%, 而下半年平均毛利率6%, 那全年收入是呼之欲出。

      刪除
    2. 按推算下半年營收應該大約39億,全年會係51.6億。 2018下半年(推算39億)比2017下半年(21.8億),增長有78.9%。
      不知道小米9的表現會否影響334的營收?

      刪除
    3. 根據334第三季業務的通告:

      二零一八年九月,本集團已通過一間全球領先的智能手機製造商的資格要
      求,並合資格為該智能手機製造商之終端產品生產模組產品,故本集團九月單月及第
      三季度之整體銷量分別錄得同比上升57.3%及19.0%。

      留意格隆匯的文章裡已有暗示這大量落單的大客是那間, 並不是我們所以為的小米。

      刪除
    4. 第三季12.9亿

      预测第四季13亿

      +半年13亿

      全年可望40亿

      4-5% 盈利预测 1.6-2亿

      刪除
    5. 哈哈, 第4季唔止13億的。

      純利率也不可能有4-5%咁高, 看看2017年好景時是多少%。

      刪除
    6. 好似約3%,偉哥,對嗎?

      刪除
    7. https://news.futunn.com/stock/5886937
      据东英金融报告,该新增客户为韩国最大的智能手机品牌厂商。
      __________
      應該係Samsung 吧

      刪除
    8. 其實我星期一買左334後, 之後3天大家都仍可以0.63買到, 但好似冇乜網友有花時間去研究下這股, 所以錯過左0.63買334的機會。

      如果我周末寫埋詳細的分析, 可能大家會後悔沒有提前做下功課。好多股票我買完之後都不會即時寫詳細的分析, 其實是想讓大家有機會可以自己做下功課先, 然後決定是否要買入。

      刪除
  34. 下午沽了1/3的2722@0.65食糊先。

    今年以來都升了26%, 算係跑贏大市。

    回覆刪除
  35. 買左注HSI熊仔@0.011賭兩手

    回覆刪除
  36. 今日又減下貨,放返一半1728

    回覆刪除
    回覆
    1. 可惜371呢幾日冇跟住上返高位

      刪除
    2. 371如果我估計無錯的話, 最快3月7日後會有強大買盤入市吸納。

      刪除
    3. 點解吖我'仲未買 (ಥ_ಥ)妈蛋

      刪除
    4. 7/3, 股東大會議決認購,通過左就可以隨時開始在市場買貨?

      刪除
    5. 中國長電國際理論上不屬於內線人士, 和北控大股東也不屬於一致行動人士, 所以理應不受限於blackout period, 可以隨時增持。

      當然, 如果要避嫌的話, 可能等公佈完全年業績才入市增持。

      刪除
  37. 0.49入埋2182,不過依家0.485頂!

    回覆刪除
  38. 創新高之後股價呆滯不再與他談戀愛沽出一半1848,另一半等業績後決定。再沽出一注在$10買入的3380繼續且戰且走的戰術,跟偉哥話齋為咗要走更遠的路😆😆

    回覆刪除
  39. 沽了一半2885@均價0.655止蝕。

    今年新股1995賺的, 剛好全部補貼2885的虧損。

    點解低位止蝕? 一來大家都好似想止蝕, 但要等我止蝕先跟, 咁我止蝕一半先。另外原因是原本期望佢會收貨後炒返上去, 但睇左成個月CCASS, 都唔覺有收貨跡象, 只有最初一批貨紋風不動而已, 或許短期都冇乜期望。

    而家持股佔倉位只餘下0.3%多些。

    回覆刪除
    回覆
    1. SORRY TO HEAR
      好少跟体哥買野

      刪除
    2. 唉... 所以大家唔好比咁大壓力偉哥,自己倉位自己控制,每個人承受能力都唔同,麻煩大家唔好再問目標價,幾錢止蝕依D問題,相信係依個blog 嘅網民實力應該會比出面一般散戶高,做買賣不始自己做番D功課,唔好淨係拾人牙慧,飯來張開

      刪除
    3. 大家想止蝕就自己止蝕,唔洗等偉哥止蝕先跟架,買賣既野明明係大家獨立既……而家攪到偉哥好似有壓力咁好無謂囉

      香港人就係又要跟風驚蝕底又怕做小眾

      仲有等偉哥公佈止左再先去止,個價可能仲衰

      刪除
    4. 係時候入返一注先@0.64

      刪除
    5. 0.64也返兜了一些 系用買6合彩的錢買的

      刪除
    6. 2885無計的,大市升但睇住手上細股唔升仲跌好氣餒的.沽咗買其他仲追得快

      刪除
  40. 2119突然有人掃貨掃到上1.56,偉哥威力又爆發了!

    回覆刪除
    回覆
    1. 好似已經賣左好耐🤔

      刪除
    2. 我冇見偉哥有講賣噃,睇漏左?
      BTW我覺得捷榮係有得KEEP住上,只要佢乖乖地唔好玩下三流才技就得

      刪除
    3. 係想等調整買返, 等唔到。

      刪除
    4. 3月5日開董事會,跟據佢之前公報盈利預喜,希望有息派之餘,最希望佢地可以公佈多D公司方針,等我地可以期望佢成為第二隻維他奶,會唔會大貪D? HAHA

      刪除
    5. 2119在1.0橫行多月收貨,我買入了也曾在此貼文推介,升佐40%又橫行震獲利貨,今午突然再炒迎接3月5日宣佈業積,2119巳在中國華南擴大批發網,我認為假以時日必可倍升的,我極看好的繼續持貨不賣。

      刪除
  41. 追落後唔考慮3888?
    Game 3月開始公測...BTW市場炒268 596..好唔唔記得3888都有個WPS 同埋Cloud

    回覆刪除
    回覆
    1. 我選追落後的計算方式是從52周低位計, 今朝354股價只比52周低位反彈30%, 而268已是60%, 即使3888,也已從低位反彈接近60%, 所以唔算太落後, 只有354明顯是大落後各熱門股。

      刪除
  42. 偉哥我愛你!再沽出一半1651食啲糊先,偉哥呢隻唔會走住啦?

    回覆刪除
    回覆
    1. 計埋股息, 剛返家鄉, 會再等等。

      刪除
  43. 好想入D熊仔,個市好似唔會調整咁嘅款

    回覆刪除
  44. 104如果0.41冇止蝕的話, 現在應該是獲利甚豐了, 而不是止蝕離場, 一來一回已是6位數的銀碼!

    所以大家買賣要獨立思考, 跟我買唔一定贏, 跟我沽亦唔一定好。

    回覆刪除
  45. 787被剔出港股通,A字頭有賣冇買。

    回覆刪除
  46. 香港零售業確是不景氣,今天日落明天有日出,我的心水股1929周大福是也,就是暫未大收成,收股息也不差,我6.x巳開始逐注儲貨,放中線必也,2019年我心股是2119和1929。我買股喜歡在低處收集。

    回覆刪除
  47. 偉哥今晚有興趣撈KHC嗎 ?好像有點誇張

    回覆刪除
  48. 大家好,可以請教大家3686祈福同3303巨濤前景及投價值嗎?

    回覆刪除
    回覆
    1. 抱歉, 兩隻都唔熟, 或者你可以分享一下你的看法。

      刪除
  49. https://www.pcmarket.com.hk/2019/02/22/3-%E9%A6%99%E6%B8%AF%EF%BC%9A%E4%B8%8D%E7%94%B3%E8%AB%8B-5g-26%E5%8F%8A28hz-%E9%A0%BB%E5%B8%B6%E9%A0%BB%E8%AD%9C/

    回覆刪除

注意:只有此網誌的成員可以留言。