置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年7月28日 星期六

小型股低流動性的可怕


相信大家都知道很多機構投資者不會買小型股,主要原因是大部份小型股的成交量太少,流動性太低所致,正是買入時難沽亦難,所以在跌市時,只需要少量的沽盤已可以太幅推低小型股的股價,例如近日被某大戶沽個不停的奧思集團(01161)。該大戶在6月25日至7月20日期間,合共沽出約300萬股,已足以令奧思集團股價從1.16元跌到1元,跌幅達到14%。



大家或許會覺得近期大市下跌,奧思集團的跌幅也不是太過份,但如果有留意這板塊的其它股份,包括必瘦站 (01830)及醫思醫療 (02138) ,前者股價勢如破竹,就快挑戰歷史高位;後者股價仍在高位徘徊,那好像奧思集團般從近月高位大跌30%。是奧思的估值貴嗎?肯定不是的,相反奧思的估值是這板塊當中最便宜的,目前預期市盈率只有6倍多,估值遠低於必瘦站及醫思醫療。今年因為要約回購股份關係,奧思的派息比率將會下調,只是如果沒有回購事件,按平常的90%派息比率及預期1.2億純利計算,奧思目前的股息率是多少?是14%!

奧思近日下跌的主因是有大戶要沽貨,但因為流動性低,所以只要有稍多的沽盤,已足以令其股價大跌。為何這大戶要低價沽貨? 如果他連每股0.8元的要約回購都接受,那1元對他來說已是好價! 值得慶幸的是個大沽盤沽到今天,估計只餘下1百萬股左右,再也惡不出樣。

奧思僅是冰山一角。大市下跌,缺乏流動性的小型股跌得更慘,那管部份的估值已很便宜,所以才有年賺7千萬元的華新手袋(02683)於月初跌到2.9億市值,又或者公佈佳績後跌到5倍市盈率的匯聚科技 (01729) 。這些情況可能會持續,直至大市穩定下來後,才有稍多的資金敢於撈底,有助推升股價、估值。

259 則留言:

  1. 寫完文章後, 可以落街看火星及月全食了。

    回覆刪除
    回覆
    1. 我都有去睇~
      月亮好似有層霧唔清楚,但火星就好光~

      刪除
    2. https://stevensir.blogspot.com/2018/07/blog-post_27.html?m=1
      星象隨想: 幾回見 烈火如歌。

      刪除
    3. 相反地睇 可見小型股被偉哥點名後 眾網友的威力 哈哈

      刪除
  2. 難得一見,希望不會帶來衰運

    回覆刪除
  3. 報章 > 金融
    28/07/2018 01:00
    歌禮中籤率4成 申購10手始穩獲1手



    歌禮將於下周掛牌,公開發售部分錄8倍超購,凍資約33億元。(資料圖片)

    首家未錄盈利生物科技新股歌禮(新上市編號:01672)下周三(8月1日)掛牌,市場消息指其一手(1,000股)中籤率約4成,申請10手(相當於斥資逾16萬元認購)才穩獲1手。

    歌禮入場費歷來最高,但公開發售部分超購8倍,凍資約33億元,獲1.6萬人入票。大手認購方面,歌禮共收到5張頭錘票(即上限認購,涉資逾1.8億元),以中籤率一成計,即認購逾1,120萬股獲分112萬股。


    上次條友可放下手頭大石, 不用補錢

    回覆刪除
    回覆
    1. 大戶csysimon兄,想請問你覺得抽中與否,同券商有無關係?因為我發覺,用輝立往往抽唔中,試過80-90%都唔中,50%之下近乎全軍盡墨。而一通,50%+幾乎全中,30-40%都中過唔少。有無可能係按比例派俾券商,券商再自行分配?而輝立多人入,所以攤薄左。。。

      刪除
    2. 其實有d網話葉生食左你果一手, 聽左當笑話啦, 券商幫客抽ipo係電子化, 佢地可能內部做自行編排no. 咁客多自然需時入機會較長, 因為佢地人手入機

      但你可能會問, 一通點解咁快知, 我估佢地用program自動入,

      券商真係食客一手, 到時比人知, 貪果小小, 事後好大件事, 同埋如我所講, 佢地係入機前有曬個list, 不過內部負責果個先知,

      輝立抽二十萬錢以下一定用id no.(唔中係因運氣)

      我自已都試過明明七成中, 但見d客抽比例都只悖得3成, 原因我個size唔夠大, 反映唔到, 即係無運

      刪除
    3. 謝謝csysimon兄。食一手就當然得啖笑,只是我見輝立往往難中過一通,所以好奇是否並非由中央分派,而係由中央分俾券商、券商再按比例分。不過諗諗下,咁做太複雜。。。唯有信輝立往往無運啦,哈。。。一通王道也。

      刪除
    4. Worked in broker firm before..they apply the subscription in one go and then allocate base on the company announced ratio....
      i.e. 10 lot must at least 1 lot ... they must follow explicitly...but if there are extra 1 lot left... they should "basically" treat all customer equally and allocate by chance...
      but you cannot know there are some customer more "equal" than others...

      刪除
    5. 以股代息亦如是,如滙豐
      假如10個客揀股,派剩一股時,情況類似

      刪除
  4. 小型股跌市時的上落真係好大...

    回覆刪除
  5. 唔好意思,我想問316會幾時收到錢,我11號係劵商接受左要約,316係13號變成無條件~我見公告話7個工作天內會收到錢,但我今日都未有~
    定係我理解錯左要等佢截左要約(27/7)先開始計7日呢

    回覆刪除
    回覆
    1. 問題應該出係券商到, 你11號接受要約, 但券商一般會等埋其他客戶回應, 等到限期前1-2天才一批過接受要約, 所以你要等8月7日才會收到錢。

      刪除
  6. 偉哥,都想請教一下2686亞美能源要約通告,利明要約部份50.5%已成無條件,但复星要約就中止,意思係只是复星唔再參與同亞美能源既要約,我地仲可以係31/7 (T-2 2/8) 前用1.75接受利明既要約?

    多謝

    回覆刪除
    回覆
    1. 復星原本想競購2686, 但現在已退出, 即是你目前只能考慮是否接受50.5%的部份要約。

      刪除
  7. Thx 偉哥,咁我先接受果一半要約
    Btw, 呢個新主都精,避開強制全面要約,最怕第日好多買殼既有樣學樣

    回覆刪除
    回覆
    1. 所謂的50.5%要約, 是你有1萬股接受要約的話, 佢保証最少收你5050股。你千萬不要自作聰明, 以為50.5%部份要約關係, 所以就指示券商只將5050股接受要約, 這樣做的話, 結果是什麼?

      刪除
    2. 係波,碎股,一個唔小心就中伏,好在今日星期六日,仲有得請教下偉哥,thx

      刪除
    3. 你唔明我意思。

      出現碎股是必然的, 你無得避, 因為你唔會知道最終的接受比率是多少。

      刪除
    4. 哦,即係佢既50.5%係按照你登記股數,如果10000股登記就最少收你5050股,但如果唔小心登記左5050股,就只會收你2550股

      所以同證券行講,應該係全部持倉既2686都登記接受要約

      刪除
  8. 偉哥,百濟神州下週招股,可以考慮下。

    回覆刪除
    回覆
    1. 研究下。

      不過呢D第二上市的新股, 一般都冇得炒。以百濟神州為例, 股價應該跟住美股行。

      刪除
    2. 以上限定價計,成184美元,仲貴過美股現價....

      刪除
    3. 相信定價當日會參考美股的價格去定價。

      刪除
  9. 隻2203泰邦咁耐都唔復牌!!!

    回覆刪除
    回覆
    1. 唔知係唔係想拖到市好才復牌。

      刪除
  10. 仍持有2262的要留意, 穩定價格期已過, 明天開始不會再有保母護盤, 而且星期五收市價已跌破招股價。

    回覆刪除
  11. 長生生物又係山海關以北(長春),真係買股不能買過山海關?

    回覆刪除
    回覆
    1. 除非你有能力分辨真假, 不能就不要挑戰難度了。

      同樣地適用於福建民企。

      刪除
  12. 之前搞過chrome的設定,令小弟多日留唔到言,今日終於搞掂。余以為下半年最易搵銀係沽小米,沽到得十二蚊,哈哈

    回覆刪除
    回覆
    1. 難怪咁耐唔見你。

      咁有信心小米見12元?

      刪除
    2. 有信心,但可能要2019年才見

      刪除
  13. 小型股這個情況只有愈來愈嚴重,可能係客觀條件吧,70年化一塊長黑板已顯示所有上市公司,
    當時只只股份都大把人參與,到2008年前,都可以話每只股份都有輪到既時間(炒),
    今日我可以講,有30%股份,未來10年都吾洗炒,有10%更成世都不會有人理會,
    其實個缾係大了好多,錢增長係追到股份數目的,不過資金卻側哂一邊,

    回覆刪除
  14. 1758搏盡,上限定。一手80%,除左乙組653人之外,甲組即係抽500萬樓下全部最多一手。

    回覆刪除
    回覆
    1. 一手黨有80%中簽 而又上限定價 都幾難部署

      刪除
    2. 抽左1m股都有機會唔中 真pk
      佢咩動機 玩先低後高 呃貨?

      刪除
    3. 偉哥, 1758 個派法真係為你度身訂做.

      刪除
    4. 抽1M比較抽兩M,結果差天共地。

      刪除
    5. 咁派法真係好玩野。

      好彩落左兩張都係B組。

      刪除
    6. 偉哥,若暗盤穿招,會否補多注?

      刪除
    7. 派比一手黨(散戶),一上市升幾%,就比返大戶。
      派比炒家(抽幾十萬股),要升幾十%,先可以集齊。

      刪除
    8. 如果唔係預錢抽1672
      抽3B

      刪除
  15. 1161持有咁多現金,需要減派息去回購嗎?令人有界心
    唔似1830幾乎賺幾多都盡派

    回覆刪除
    回覆
    1. 你留意要約回購的期限及業績公佈期。

      我估計全年業績有機會補派返減少了的派息。

      刪除
  16. 今日期指結算,
    8月期指支持600,
    阻力800,
    如能企750可看好些,
    跌穿600返不回之上下試300.
    自己覺得大戶現時並未顯露大戶,
    反而在外圉美股下跌及人民幣下跌下,
    港股意行遍強.

    回覆刪除
    回覆
    1. 好友要最後發力了,
      否刞會太遲.

      刪除
    2. Oman兄,點睇下午恆指走勢?

      刪除
    3. Terry,

      8月起碼要企返上600樓上,
      否則轉弱.

      刪除
    4. Terry兄,

      好友算成功了一半.
      如果8月期貨企在700樓上,
      會考慮買一注牛過夜.

      刪除
    5. 謝謝Oman兄。我朝早隻64466岩岩0.054走左,賺六格都唔錯。

      刪除
    6. Terry兄,

      大家互相交流,不用言謝。

      刪除
    7. 据經濟通報出現貨月未平倉合約只有接近11萬張,
      與上月的13萬張尚有距離,
      即尋日的即曰成交十幾萬張只是即市?
      有些奇怪.

      刪除
    8. 會不舍尚有一手貨未轉倉?

      刪除
    9. 買半注認購(加埋之前半注有一注)
      買半注牛.

      刪除
    10. 700認購? 大勢不利IT股喎...

      刪除
  17. 睇返近來大隻的新股,真係無一隻抽得落手,繼續等

    回覆刪除
  18. 今日睇4份報紙, 報導百濟神州招股, 都有提到是港美雙重上市, 但奇怪在沒有一份報紙會比較招股價和美股股價, 更不會講美股1股ADS = 13股這重要資訊, 真係好奇怪。

    回覆刪除
    回覆
    1. 近年新股都好識係財經版做marketing

      刪除
    2. 財演吃了飯.或收了見面禮.有些有頭有面的更有下文.是適當時候在地盆開工啦.如果你有留意到.財演特别着力推銷ipo。

      刪除
    3. 有時好難講, 前排陸叔、猩猩力推某新股, 搞到我唔敢認購, 打算等上市破底先買, 點知幾日後就升左上去。

      刪除
  19. 冰冰涼了,還要割褲子嗎?

    大陸近幾日傳緊冰冰經紀人被抓,兩姐弟被限制出境。咁耐都未見冰冰現身,睇怕公安已經立口左案,件事已經冇彎轉,冰冰睇怕會步劉曉慶後塵。

    現在件事搞成咁,恐怕是小崔當初沒有想到的,最初只是想搞褲子,但當災的卻是冰冰鳥。

    回覆刪除
    回覆
    1. 未立案而已,冰冰要進去,「親密戰友」褲子又點可能置身事外。

      刪除
  20. 回覆
    1. 近日新股成交越少跌得越急。

      刪除
    2. 要等個大市炒返上去先有得番生

      刪除
    3. 要等個庄收夠貨話抄先會行

      刪除
    4. 首先要等大市轉好氣氛,先炒上大價股都未輪到細價股,再睇下莊家面色幾時炒上,真考耐性

      刪除
    5. 小型股低流動性的確可怕, 1749今天再次乾跌!

      刪除
  21. 偉哥响杉杉hi左幾多錢?
    我hi左成10雞😓

    回覆刪除
    回覆
    1. 以現價計, 比你稍多。

      刪除
    2. 請問偉哥是否繼續按兵不動?請問你認為是否要等到業績出了才有機會反彈
      持有一手但也輸成千,真離譜

      刪除
    3. 有信心可以打和嗎?

      刪除
    4. 巿值跌到呢個位始終低,估計最壞情況應該都只會係係而家呢個位左右浮沉

      刪除
    5. 偉哥對於杉杉現價有冇咩策略?定係純等價值回歸?

      刪除
    6. 可以考慮的只是止蝕, 還是繼續等, 現階段我就等下先。

      刪除
  22. 美歐日聯手圍中。。。聽落真係好得人驚。。。

    回覆刪除
    回覆
    1. 八國聯軍揮兵到北京掠奪國寶已經捱過,美歐日聯手圍中是碎料,輸人不輸陣,我認我是中國人不做走狗。

      刪除
    2. 今時今日八國聯軍再次入城, 中國只派出城管已經卓卓有餘...^^

      刪除
    3. 說得好, 碎料,不怕那麼多!
      https://dpzblog.wordpress.com/2018/07/30/%e9%9b%9c%e8%ab%87-313/
      從此中美拉破了臉,將來的衝突可能會更多。

      以後北韓問題,伊朗問題,中國還會聽美國那支笛嗎?中俄金磚五國和上合組織會走得更近,中國會拉攏歐盟,日本,東南亞,中美對抗開始成型。

      刪除
    4. 貿易戰方面,近期憂慮上升至歐美日聯手圍堵中國,報道更指「中國老朋友」基辛格也建議特朗普聯俄制華,下半年港口吞吐量很可能進一步放緩。但作為一隻非常明顯的貿易戰受害股,這些利淡因素其實很早已充分反映,今年預測市盈率只有9倍,過去10年,就只有2008年金融海嘯,以及2016年中國崩盤時處於這個水平,現價抗跌力頗強。

      [張兆聰 還看今朝]

      刪除
    5. 以ㄧ間公司睇中國,管理層執行力高於同行,有遠見。例如加強軍力備戰。 好像ㄧ早已經預見八國聯軍會再來多次!

      刪除
  23. 依排好似靜左好多,
    某D股坐到屎忽都痛,準備忍痛揮一揮

    回覆刪除
  24. 回覆
    1. 仲有好多水位插吧,應該可以見0.2X
      唔太值博

      刪除
    2. 見0.2都可以考慮下。

      刪除
    3. 可能看到淨資產值0.136?

      刪除
    4. 當日3隻股1079,886,1630,
      揀了1079.

      刪除
    5. 炒上去既玩法都似係金仔經典手法

      刪除
    6. 1630最後上車點一蚊附近,
      金仔係咁沽,
      唔知乜人係咁掃,
      但係隻1079同時都想郁,
      結果無轉全揸1079.

      刪除
    7. 典型升10倍跌9成派貨大法?

      刪除
    8. 諗起微信女之前問我買乜股, 我話買左2136, 佢同我講要買D穩定的股份, 例如1660這些穩步上揚的股份....當時9元。

      刪除
    9. 真係穩步上揚, 而家$11 哈

      刪除
    10. 哈哈,偉哥當時你跟佢買都有1 蚊賺

      刪除
    11. 要沽左落袋先算真係賺。:)

      刪除
    12. 4百幾倍市盈率,點買得落手????

      刪除
    13. 有咁好呃咩?其實都唔明D人乜心態,一隻股炒到咁唔合理都可以衝入去,之前係雪球睇過,某幾隻出名ga 老千創仔炒到十幾萬一手都竟然有人接,係因為錢太多?中左伏之後就話香港全部都係老千股,專揾大陸人笨,其實炒股做少少功課有咁難咩?

      刪除
  25. 1630還有下跌空間,不用急於撈底。

    回覆刪除
  26. 1758 竟然10% 升幅都無
    偉哥有無加注

    回覆刪除
  27. 868 又改係今日公報中期? 改黎改去? 希望業績靚仔

    回覆刪除
  28. 很緊張的暗盤市場, 1758 IPO兩張B組飛中了15萬股, 再於暗盤市場以均價2.55加了10萬股。

    剛才太緊張, 2.4X的時候還在考慮要不要加, 時機一瞬即逝。

    博駿, 博盡!

    回覆刪除
    回覆
    1. 輝立暗盤竟然有2.4X,耀才2.5咋!

      刪除
    2. 偉哥或各師兄今次有冇用致富買暗盤?我頭先想買但唔知點解有大滯後。想取消改價時要等幾分鐘先取消到。

      刪除
    3. 係, 致富剛才落盤勁慢, 遲成分鐘先出到街

      刪除
    4. 希望最少30%以上升幅。

      刪除
    5. 致富個system 係咪有問題?搞到我完全買唔到貨,取消又取消唔到,system 好垃圾!

      刪除
    6. 學生哥兄,我都係。唔知點解。上次幾隻新股同日上市都冇事。但次得一隻反而咁。

      刪除
    7. 我富途版本有問題,要更新才可以下盤,錯失良機,只好縮注高追

      刪除
    8. 頭先2.42果下本身排左2.45 縮左排2.4

      唉.....

      刪除
    9. 本身2.5 入到變左做2.6 先追入到,唉! 勁想打去致富小佢

      刪除
    10. 仲有D未沽
      抽左N注

      事後先知偉哥再入,如知你入,我都等明天先沽

      刪除
    11. 自從經歷完衫衫, 現在對IPO有點兒戒心

      刪除
    12. 學生哥兄,你2.6追到已經比我好....

      刪除
    13. 我依D老散加埋先得20000 股,希望有餐lunch 食下

      刪除
    14. 後勁好像很不錯!!

      刪除
    15. 呢隻算係咁
      明天三蚊見

      刪除
    16. 2.66追入,睇下2.99出唔出到先

      刪除
    17. 暗盤放左,開市@2.77入返...上上落落無咩力@@

      刪除
    18. 2.8放左,執少少,再等其他機會

      刪除
  29. 唉....之前幾次都有事。今次仲等我重兵係致富,諗住唔使睇住兩邊。慘...

    回覆刪除
  30. http://www.hkexnews.hk/listedco/listconews/sehk/2018/0730/LTN20180730721_C.pdf

    光線傳媒唔買198, 唔通買橙, 哈

    回覆刪除
    回覆
    1. 融資70億,要食大茶飯?
      http://capital.people.com.cn/BIG5/n1/2018/0730/c405954-30177156.html

      刪除
  31. 利福中國集團有限公司(「本公司」)董事會(「董事會」)公佈,
    本公司將於二零一八年八月十三日(星期一)舉行董事會會議,藉以(其
    中包括)批准刊發本公司及其附屬公司截至二零一八年六月三十日止
    六個月之中期業績及考慮派發中期股息(如有)。

    回覆刪除
  32. 萊蒙國際(03688)發盈警,預期截至2018年6月30日止6個月錄得淨虧損,去年同期則錄得盈利。虧損主要由於期內無錄得去年同期的兩項一次過收益,包括出售若干附屬公司及一間合營企業所得的其他收入淨額;及投資物業的估值收益。

    回覆刪除
    回覆
    1. 印象中偉哥提過可能發盈喜?

      刪除
    2. 3688今年股價低迷.原來有原因的.我沒有持貨。

      刪除
    3. 只要對3688有認識的, 都知道上半年的收入只是少量出租物業的租金, 虧損是必然的。

      賣點仍是現金比重高及香港的地產業務。

      刪除
    4. 重諗住會有平貨執,股價無乜反應

      刪除
    5. 記憶出錯,偉哥唔好意思!

      刪除
  33. 智通财经APP讯,信义玻璃(00868)发布2018年上半年业绩,公司实现收益77.47亿港元(单位下同),同比增长16.0%;净利润20.07亿元,同比增长22.7%;基本每股收益50.0港仙;拟每股派现25.0港仙。

    回覆刪除
  34. 1030 盈喜 純利不少200%

    http://www.hkexnews.hk/listedco/listconews/SEHK/2018/0731/LTN20180731082_C.pdf

    除賣樓外, 期待管理商場收租倍增. 複製萬達模式

    回覆刪除
    回覆
    1. 不過記得上年半年績為了私有化而壓住. 發盈喜應該符合預期

      刪除
  35. 157擬賣盤, 潛在買家是東森國際, 每股作價0.9元。

    潛在空間太少, 暫且觀望。

    回覆刪除
    回覆
    1. 仲記得2016年買過這隻,都賺了一點兒

      刪除
    2. 作價17倍PE, 2.76倍PB, 比大股東當年GO價0.86元都有溢價, 作價唔算低。

      刪除
    3. 潛在空間太少? 係因為不確定性較高?

      刪除
    4. 兩個不確定: 1. 賣盤會否落實; 2. 時間要幾耐。

      刪除
    5. 以往股壇台灣佬風評一般, 唔係今次肯唔肯炒

      刪除
  36. 有無師兄用耀才登入唔到?

    回覆刪除
    回覆
    1. 我剛試過, 登入唔到。

      刪除
    2. 剛打左去問,要電話落盤

      刪除
    3. 頭先要用電腦先登入到,而家APPS 都入到了

      刪除
  37. 回覆
    1. 睇圖2支大陰, 唔似係底, 最多博下反彈

      刪除
    2. 唔好玩新股搏反彈,好危險的

      刪除
    3. 跌到心都寒,惟有從監察表移除,眼不見為淨

      刪除
    4. IPO價3.78, 在2.74 買入, 以為好醒

      現在潛水中

      刪除
    5. 現價市值連8千萬都無, 主板咁玩法?

      刪除
    6. 流通市值不到8千萬, 總市值不到3億

      刪除
    7. 杉杉日日都有人話似見底。。。

      刪除
    8. 1451 2億tim ja.殼價都5億啦

      刪除
    9. 現市況博反彈大家都只會買大價股,細價股真係不知等到何時才價值回歸

      刪除
    10. 慘慘係A+H 結構, 正常都唔可以當佢係殼, 唔可以計殼價

      刪除
  38. 恆指日日跌不算多,但是有千隻跌,望吓三四線已不開胃,今年新股更是大股災,大平賣!咁平也不敢接,700下跌空間好大,拖住恆指邊有運行,8月9月壞消息又一蘿,港股隨時可借一大跌添,2年前恆指易幻起步,如是時候要補大裂口,豈重要起碼再跌幾千點嗎?勉強要自已入市博反彈,那蠅頭小利,我已大幅降低持股比例,間中做即日鮮吃鷄糊,早前隻晶丸食鷄做快閃黨,否則又出沖二番糊,遊戲規則又變了。

    回覆刪除
    回覆
    1. "恆指日日跌不算多,但是有千隻跌,望吓三四線已不開胃,今年新股更是大股災,大平賣!"

      我想低四到五個價位買216和385,但很可惜買唔到!

      刪除
    2. 好在過去的幾天1.66 & 1.67買到一些296!

      刪除
  39. 回覆
    1. 中小型股要避開這些市值炒到癲的, 昨天的1630就是一例。

      刪除
  40. 偉哥中唔中1672?有無打算暗盤入?

    回覆刪除
  41. 五窮六絕七沒有翻新,整個7月甚小買賣,處於冬眠狀態,權倉月初時十分驚嚇(如SP左27@60),到最後都能安全過關。

    回覆刪除
  42. 請問偉哥對868業績有何評價? 管理層似乎對下半年業績審慎樂觀,亦提及貿易戰對毛利暫影響不大。

    小弟擔心的是下半年人仔再眨值會否影響868估值。

    回覆刪除

注意:只有此網誌的成員可以留言。