置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年7月23日 星期一

接飛刀的心法



港股間中會出現單日急跌50%的個股,當遇到這種情況時,你是選擇在場邊做觀眾,還是入場接飛刀?

我最近一年,印象中就參與了兩宗接飛刀,包括上年6月底在粉爆事件時在低位買了中國錢包(00802) 及日前中昌國際 (00859) 大跌時,也是鼓起勇氣在大跌時買了一些,貫徹人棄我取的策略,而這兩次接飛刀都取得滿意的成績,即日賺取超過50%的回報。

我接飛刀的心法很簡單,首先是判斷股價大跌是因為公司本身的原因,例如帳目造假或者負債過高無力償還所致,還是屬於股東層次的原因,例如股票抵押後無力補倉,因而被斬倉所致。以中國錢包為例,很明顯地當時股價大跌因是為該系莊家出現問題,導致大家爭相走避,也因此令到該系股票的股價同時暴跌,有不少以孖展持股的大戶被斬倉。當時雖然不能100%肯定中國錢包本身沒有任何問題,但基於當時市值已跌到1億多,而其主要是現金及金融資產為主的淨資產高達8億多元,跌到1億多元的市值是極具吸引力,再加上當時的急跌明顯是屬於股東層次的問題,故此我是參與了撈底博反彈。

再到最近的中昌國際(00859),情況更加明顯。中昌國際之前的賣盤我有參與,所以對此股的基本因素算是很清楚,公司持有的物業及淨現金明顯是真實的,不可能造假,故此股價急跌肯定不是公司本身的問題,而是主要股東出現問題,例如可能是之前接了配股的大戶,以孖展持有此股,故近期股價持續下跌,大戶可能無力補倉,故此持股被斬倉所致。因為對該股有足夠的認識,故此跌到3億多的市值,對於一間持有約20億物業及2億淨現金的公司而言,撈底的值博率是非常之高。在當時電光火石之間,要決定的並不是是否撈底,而是什麼價格買入、買入多少注碼而已,事關這種因股東斬倉而導致的股價急跌,跌幅可能遠超想像,當日均價0.36元買入第一注後,其實已準備後在股價跌破0.25元後再入第二注,可惜市場已不給予我這機會。

說了兩個參與撈底的例子,又簡單說說為何近日浩沙國際 (02200) 及五洲國際 (01369) 股價急跌,我只是作為旁觀者,沒有任何行動。

浩沙國際我以前一直對其帳目有所懷疑,也曾經試過小注沽空此股,但無功而退,故此對其股價的急跌,我自己是肯定不會參與撈底,因這很大機會是屬於公司本身的問題所致。

至於五洲國際 (01369),我以前沒有跟蹤此股,故在其股價急跌時,迅速看看其最近的財務報表。當看到資產淨值只有32.5億人民幣,但有息淨負債高達94億人民幣,雖則市值跌到只有2.3億元,市帳率只有0.06倍,貌似頗為吸引,我還時毅然放棄任何的撈底動作,只因這種高負債股,萬一真的因無法償還債務而要清算的話,總共248億的資產總值可能清算後只剩下150億元,根本無法償還高達200億元的總負債,作為小股東最後可能只能拿回一張牆紙留念。

接飛刀的心法是首要判斷股價的下跌是因為公司本身出現問題,還是股東層次的問題。如參與撈底的話,要考慮什麼價格開始買入、買入注碼多少;其次是是否持股過夜?會否有停牌的風險?如停牌的話,最壞情況可能是total loss,自己能否承受得起這損失。

要考慮的問題大致如此。

258 則留言:

  1. 早晨,

    或者講一點自己接刀的心得,
    就是在這種恐慌的市況中,
    掛入較直掃貨更容易買到貨,
    隨時掛底十個八個價位都有不問價斬倉盤䧘你。

    回覆刪除
    回覆
    1. 昨天星期日無聊上網睇下野,
      有不少網站(如D100?)言之誓誓,
      又話幾位前領導人上書四千字將習近平軍,
      又話習總地位不保,
      智囊王滬寧落馬,
      這主要衝著中美貿易戰應對不好而來,
      首先我相信胡溫不會聯同活死人老江,
      因為他倆都受過江澤民不在其位依依在背後指指點點之苦.
      另外一點觀察習是否失勢可睇軍隊動向,
      中國共產黨信甚麼?
      "槍桿子裹面出政權",
      你看習一上場就立即整頓軍隊,
      清洗江派軍頭,
      重整軍區,
      習手握軍權下邊個可以郁到佢?
      現在中美正進行貿易戰中,
      各類人馬如法輪功,藏獨,台獨及至香港有些人必然會放出不少似是而非的消息,
      大家看來都要細心分析,
      否則容易對投資作錯誤決定.

      刪除
    2. 日本沒有中國的國運,中國今有習總抵禦美國TRUMP.

      刪除
    3. oman5242018年7月21日 上午6:12
      下週期指進入轉倉及結算階段,
      估計市況在週初會先趨於窄幅上落,
      28050~28350.


      重溫一下*****

      刪除
    4. 沽21893#$0.091(上週五買),
      有低價會補回.

      刪除
    5. 做完一套62709(入0.038出0.052),
      可以專心做下其他野。

      刪除
    6. 遇著斬倉盤, 有時真係排低20格, 轉眼間就成交了.....

      刪除
    7. 偉哥,

      仲有一樣野就是如差價太寬,
      而沽家的價格又閃的很快,
      做盤上未能立即掃到沽家,
      索性掛低些往往很容易成交到。

      刪除
    8. 沽1132#$0.49,
      但相信$0.48~0.485是短期底位.

      刪除
    9. 短期形勢似出現市可以看淡,
      但極不宜造淡。

      刪除
    10. 基建股(e.g. 1800)今日跟A股大波幅反彈
      水泥股11:30左右整體都有大資金流入,睇下會唔會類似基建咁郁

      刪除
    11. thanks Oman, 你真係好勁

      刪除
    12. Oman 操盤有點奇怪, 上星期五$0.485入, 既然相信$0.48~0.485是短期底位, 何苦$0.49沽? 除非不是短期底位或$0.49 是ceiling. 現在市差, 1132只可以曬太陽, 不是短炒之首, 你又不喜歡1132, 好難把握它的pulse.

      刪除
    13. C姐,Oman兄目的係試盤來。

      刪除
    14. 其實我只係當練習下者,
      無乜其他目的.

      刪除
    15. D100後台是大班, 大班鬧人就勁, management 就…唉!
      近日有傳習總有麻煩, 江澤民總肯退下來, 但習總改了憲法, 可以不退下來違犯了鄧伯伯的意願. 更有能力的人也有老的―天, 現在習總是盛世, 去到盡頭是什麼? 培育人オ丶接班人是皇道.中國領導人太短視.

      我唔相Oman係試盤因他不喜歡1132, 試來做乜?
      當練習下身手就明白.

      刪除
    16. oman兄似乎你係常客😂😂😂,恒指低位步步向上5/10分鐘會見到,而日圖保力加已發揮作用,劍指28950了,我近幾日投機八卦就去睇下我嘅牛熊記錄。

      刪除
    17. 依,卡達都黎左依度,成日係雪球見到你

      刪除
    18. 估計今日期指波幅28150~28380.

      刪除
    19. 今早開市會先沽出尋日的21893及12274.

      刪除
    20. 8月份期指完全未轉過倉,
      咁急夾上28600殺牛,
      咁急?

      刪除
    21. Oman兄,入左注63983,要唔要走佬先?

      刪除
    22. terry兄,
      熊仔真係唔知29000到唔到卦,
      所以我都只買認沽,
      但如今天收市恆指可以企在550及至600之上,
      熊仔就有些危險.

      刪除

    23. oman5242018年7月20日 上午9:21
      人民幣匯價下挫,
      ***港股沽空半月最高(這個自巳不算是利淡消息)***,
      期指未平倉合約增三千多張,
      咁多利淡消息下期指依然險守在28000附近,
      有些問題.

      有一點大家可留意,
      沽空大了市未必會跌,
      尤其是當跌市巳行了一段時間更要小心,
      當然沽空大了市可跌,
      但更多時是一個轉角訊號.

      刪除
    24. 咁急㚒死淡友反而有機伏下指數會回至28300左右轉倉.

      刪除
    25. 夾死啦。
      的認沽都注定無運行。

      刪除
  2. 偉哥你好, 有無抽歌禮製藥?

    回覆刪除
    回覆
    1. 看看這兩天市況及孖展情況, 明天中午決定。

      刪除
    2. 1758 完左招股會分享下嗎?

      刪除
    3. 呢幾日製藥股都插水, 又有負面消息政府又高調打壓, 應該都無咩運行唔睇好..

      刪除
    4. 對歌德沒有信心,最後只是現金認購兩手,當做個實驗。

      重注了博駿,落了兩張b組飛。

      刪除
    5. 博駿 有咩亮點?
      我都有諗過抽 但最終都無落飛

      刪除
    6. ray’s capital & 新校。

      刪除
    7. 有幾間新學校, 有想像空間

      刪除
    8. 同時仲有隻1765,又係教育IPO

      刪除
    9. 偉哥及各師兄...想請問新股網上交左申請表係咪已經無彎轉..琴日孖左1672 10000股,而家仲未扣數(上面寫扣數係今日10點)

      打去卷行態度強硬話無得改為現金抽1手...愈諗愈無信心..唔想抽咁多..

      我知我衰無諗清楚
      可唔可以銀行抽多一次等佢雙重申請兩邊都reject..

      刪除
    10. 同券商講,肯照比利息,問佢得唔得。

      唔得的話,係度開佢名,比網友有所警惕。

      我最差的經驗是一生人有一次更改的quota, 會有比呢間更差的?

      刪除
    11. 致富應該可以的,我以前都試過改認購額。

      同佢講你肯付利息,睇下得唔得。

      刪除
    12. 好多人話1758 PE高,但睇完招股書就知乜事,我都訓左身.

      刪除
    13. 已經打去問左,佢地客服覆話一般散戶唔可以咁做,但應該係有一次機會,不過佢話歌德今早10點截數所以無可能cancel了...
      唯有試下中銀都同時申請博佢reject

      刪除
    14. 唯有試下中銀都同時申請博佢reject<--唔好咁傻,到時中曬,又跌的話,咪重唔開心

      用銀行抽,好少捉雙重申請的

      刪除
    15. 同埋雙重申請好似會惹官非
      師兄勿因小失大

      刪除
    16. 張票晤入錢,彈去票. 去耐你晤何

      刪除
    17. 嚴格講,雙重申請係犯法,無謂因小失大。
      今朝10點截數? 有無搞錯...師兄都係換第二間啦。
      事到如今,唯有照抽。照睇都超額又唔到15倍既,10手應該都係中1-2手,唔使擔心。

      刪除
    18. 我都問過了,銀碼太細,戶口無錢佢地會照過,收埋我果一成按金既利息,而且下次會唔比我網上抽,講到尾自己唔岩多d,唯有希望唔好中到成手都係

      刪除
    19. 歌德孖展抽飛,估計超額不多,10手有機會中4-5手。

      即使boc認購多一張,也不確保會被取消認購,反而大機會兩邊都中。

      刪除
    20. 其實不用BOC再抽

      下次自己醒水

      BTW 又唔洗睇太差

      刪除
    21. 多謝偉哥&各位師兄
      我都想樂觀d..但我係地獄黑仔王...
      好野唔會到我中,唔好既一手都係,
      當初見佢藥股又咁大隻,保薦人推藥股反應又唔錯,未孖一孖博佢有兩手,
      我mark錯日子以為琴日dealine手快快孖展申請左,唔記得等埋24號睇下大家點講先,諗住10000股應該中極都係一手度..跟住而家藥股跌到咁應該都無咩人抽,再加埋偉哥講起碼中4-5手,偉哥預計好少錯..同我希望中既多左成倍...根本就係瀨野了的前奏..

      刪除
    22. 呢隻如果有能力CASH接就揸下
      如果真係中多左, 無CASH接, 相信平手比你走機會一定有, 最多輸1%加洗費

      刪除

    23. 估架JAR
      你個組最多中5手
      我估2手

      刪除
  3. 多謝偉哥及oman兄心法,受用菲淺!

    回覆刪除
  4. 多謝偉哥,Oman兄分享心得

    回覆刪除
  5. 回覆
    1. 請問俄鋁有咩新消息,謝謝

      刪除
    2. 升上阻力位, 暫時不打算補回了。

      雪球有更新的消息, 可以去看看。

      刪除
  6. 有些私有化失敗後大跌的飛刀, 也值得接, 例如 917, 825, 3813.

    回覆刪除
  7. 今日486升得不錯,AO追了6889,睇下短炒是否成功

    回覆刪除
    回覆
    1. 睇住486 AO有7m買盤推高到2.44, AO最後1秒取消買盤,之後0930開市開始派貨,所有有M的價位都射穿直派到落2.31先停。

      刪除
    2. 原來仲派緊, 只是節奏减慢左

      刪除
    3. 推高到2.44, 之後低過2.44派貨? 那似乎是派錢吧?

      刪除
    4. ao最後1秒取消左7m嘅買盤

      刪除
    5. 6889升唔上,止蝕算數,保留實力

      刪除
  8. 多謝偉哥同 Oman 分享。

    即事要返工好多時睇唔到。

    回覆刪除
  9. 買親都跌,唯有耐心持有

    回覆刪除
  10. 沽出1587@0.77 @0.8, 終於獲利離場, 謝偉哥!

    回覆刪除
    回覆
    1. 睇0.9up, 庄家未散貨都渣耐d

      刪除
    2. 呢隻上次沽出後, 工作太忙, 忘記買回。

      配售集團始終都要炒返上去散貨。

      刪除
    3. 黑仔,彬彬同1587 2選1 留一隻股,結果放棄選左彬彬...應該選隻上市未炒上過的1587

      刪除
    4. 我都係😑,接859飛刀果日2選一,放咗1587@0.62,第二日即升,黑,黑

      刪除
    5. 偉哥, 咁你覺得今日散貨完未?

      刪除
  11. 想請教呢類大跌咩情況會停牌?

    回覆刪除
    回覆
    1. 如果是公司本身問題,例如財困或帳目造假,就有機會停牌。

      刪除
    2. 管理層或大股東失聯,被帶走,呢類停完多數話屬個人行為同本業無關。

      刪除
    3. 有時未必夠時間睇資料,以致錯失最佳買入機會。

      刪除
  12. 謝謝偉哥,Oman兄分享寶貴心得

    回覆刪除
  13. 偉哥,想請問1828的持股邏輯是?等待價值回歸?
    利申:剛於3.69入左一注。

    回覆刪除
    回覆
    1. 之前有文章寫過,可以翻看。

      最近見cfo增持,希望中期業績有驚喜。

      刪除
  14. 偉哥,6100猎聘好似想起動

    回覆刪除
    回覆
    1. 似係,但都唔會追了。

      呢d市況都費事手多多。

      刪除
  15. 多謝偉哥和oman兄教導,呢篇係我的珍藏。呢個實戰技巧坊間吾會揾到。要貼近呢個平台,等待偉哥下次吹🐥。

    回覆刪除
  16. 散戶無法接收第一手訊息,有時跌落黎果下真唔知咩事,即使有資產估值平唔係假數,跌完可以唔彈,搏唔搏可能係電光火石之間嘅決定,最近633估計同279有關,但至目前為止兩股都冇起色,另一隻1458世界盃前有一次忽然從7一直被大手沽落到6.5,冇原因,冇幾耐又上番去7,而家市差自然接連穿底。

    自問手腳慢,寧可錯過不可中招。

    回覆刪除
  17. 感覺D股大插完都元氣大傷, 回唔返之前個價, 所以有反彈就要走

    回覆刪除
  18. 點先睇到一隻潛水新股會炒返上去散貨?

    回覆刪除
    回覆
    1. 唔容易睇到, 只得靠觀察CCASS倉位+經驗、直覺去判斷。

      刪除
  19. 請問一下如何知喺股東被人斬倉所致?

    回覆刪除
  20. 1985 同隻878 1樣
    keep 住增持,股價keep住跌

    回覆刪除
  21. 橘仔排0.485,收得少少又企係到....

    回覆刪除
  22. 某股3.14個價位感覺有點指標性.....

    回覆刪除
    回覆
    1. 咩指標?每日仍有沽空,我就話低處未見低啦

      刪除
  23. 接刀係高難度動作... 高手!...

    回覆刪除
  24. 沽左 581 至出盈喜。。。。

    回覆刪除
  25. 市淡好多師兄都少左上水留言

    回覆刪除
  26. 偉哥認為3368將會發盈喜嗎? 這價位可作短期投資?

    回覆刪除
    回覆
    1. 理論上應該要發盈喜, 但實際上會否發是不得而知。

      刪除
  27. 859

    B01858 YUANTA SECURITIES (HONG KONG) CO LTD -12,892,000.00
    B01948 CAITONG INTERNATIONAL SECURITIES CO LTD -8,666,000.00
    B01929 CHINA GALAXY INTERNATIONAL SECURITIES -8,212,000.00
    B01826 GF SECURITIES (HONG KONG) BROKERAGE LTD -7,814,000.00
    B01264 KIM ENG SECURITIES (HONG KONG) LTD -7,186,000.00
    B01937 CHANGJIANG SECURITIES BROKERAGE (HK) LTD -4,506,000.00
    B01445 VICTORY SECURITIES CO LTD -3,186,000.00


    B01610 KGI ASIA LTD 3,530,000.00
    C00019 THE HONGKONG AND SHANGHAI BANKING 3,664,000.00
    B01148 CHINA MERCHANTS SECURITIES (HK) CO LTD 3,680,000.00
    B01353 UOB KAY HIAN (HONG KONG) LTD 5,058,000.00
    C00033 BANK OF CHINA (HONG KONG) LTD 10,504,000.00

    回覆刪除
  28. 呢隻肯定係最on9的股票之一,由前場左右交波交到後場仲要交甩入自己龍,
    的貨散到周街都係,成個董事局花靚keng咁好引咎辭職啦。
    依家咁情況急急腳出來話要動議加返新董事、回購/配股權,
    老實以揸住75%去供返乾,到頭來又要配返俾的廢柴莊又跣自己一鑊?
    定係早有預謀去先隊冧自己,平返淡倉,再重新收過的平貨?
    GO兩年後的CB已經可有可無... 總之就係on9

    回覆刪除
    回覆
    1. 調返轉諗呢個都算係一個契機
      依家短線搏炒上嘅人少咗
      市值只有NAV一半 可以買入等價值回歸

      刪除
    2. 我之前最大擔心係大股東俾人斬倉而唔係接配果的廢柴,
      我而且明手都仲有八成貨淨低,斬到0.28應該乜都斬完,

      刪除
    3. 我都估唔到係射嚟射去嗰班一齊沽
      最壞情況係佢地沽多次 散到周街都係貨
      依家留錢等待時機

      刪除
    4. 見佢年報做得都企理.用詞用衷心感謝和欣然
      冇咁驚吖!元大見佢翌日都有買入

      刪除
    5. 而家睇返半年既ccass變化,我估成件事既原因係咁:
      三盛Go完之後爆左75%,先搵左聯合配股,之後再搵匯能
      但係都未批曬,最後搵元大

      元大接貨呢個唔知係三盛人頭定系真placcee,但肯定係用孖展$2.42接貨
      元大孖展要求股票維持有一定成交量,所以元大條友就同廣發銀河財通長江呢D日日交波,但永遠唔會用錢買左其他人既貨

      交左幾個月都無人炒,越交越低,跌過一半($1.2)就比人斬,結果呢幾間行就一齊爆倉

      但三盛既交銀聯合匯能既倉都無沽過,證明唔係孖展倉,股價對距無影響

      而家元大剛好沽左一半,應該cover返孖展,唔知呢條友幾時再沽過

      有無人識人做元大,想知呢條友係咪真placee

      刪除
    6. 際兄,公衆平台!下下篤爆事敗閃人

      刪除
    7. 琴日睇年報,公司3月31日有7.5億現金,加埋6月18日借多2.8億,大概10億
      貸款人係銀行,估計係交通銀行,抵押曬香港所有物業

      3月31日打左8000幾萬人民幣去間WOFE 浙江自貿區鑫盛海洋產業投資有限公司,主要業務:海洋工程投資,開發、房地產投資;設旅遊項目投資;及建設房地產經紀服;及開發物業管理及物業租賃

      黎緊應該等公司系大陸用呢間wofe搞project,而家唯有疊埋心水坐貨等消息
      希望經過股價大插後,公司會加快項目進度

      刪除
    8. QwQ兄,我都只系睇ccass自己估,唔知中唔中
      而家記返當初復牌第一日2.6果陣,就系元大開始沽,可能系想平返D孖展

      刪除
  29. 作者已經移除這則留言。

    回覆刪除
    回覆
    1. 6.董事目前不擬行使購回授權,以致股份之公眾持股量下跌至低於25%。
      是否現階段没空間回購?

      刪除
  30. 每日AO都有人好無聊Mark隻1132

    回覆刪除
  31. 390好強,中字基建股中,隻隻低位咁濟,佢差唔多到52週新高

    回覆刪除
  32. 覺得最好都是買內房股和內銀股, 放心D!
    1098 & 998 gogogo [大笑]

    回覆刪除
    回覆
    1. 當今世界真的是好亂, 買內房股和內銀股都是在賭博中國的國家命運!

      刪除
    2. 北非特就係賭美國國運的...

      刪除
  33. 868好神勇,希望持續到31/8中績...

    回覆刪除
    回覆
    1. @8.32入,@9.24走左先,好耐無試過正股賺10%+,嗚...多謝偉哥!希望中績前回落俾我入返啦...

      刪除
  34. 偉哥 1030 主席算唔算暴力增持? 近幾日大手掃 穏定小股民信心.

    http://www.hkexnews.hk/listedco/listconews/SEHK/2018/0724/LTN20180724062_C.pdf

    一個月低位6.1 現價7.26

    加上龍頭內房開始發盈喜, 股價快速反彈
    但仍受政策, 人民幣滙率, 資金鏈問題等影響, 下半年亦不過份樂觀.

    1030 3883 幾好勢頭

    回覆刪除
  35. 睇留言量,個市應該要同留言數見底反彈吧

    回覆刪除
    回覆
    1. 我都係咁睇,短期見底反彈
      今朝人仔跌左浸都唔驚

      刪除
    2. 現在上升些少, 下月還有股災嗎?

      刪除
    3. 感覺可以挨一下,十月再來吧

      刪除
    4. 齋睇算啦,師兄賺多D

      刪除
    5. 1 BLOG 一天留言<100 市場氣氛向淡
      2 BLOG 一天留言 100-150 市場氣氛正常
      3 BLOG 一天留言 >150 市場氣氛向好 ?

      1 & 3 都是搵錢機會? 1 能夠win 而不出聲, 買淡所以不出聲

      刪除
  36. 回覆
    1. auditor走佬,可以接吗?

      刪除
    2. 之前炒過一次,覺得盤數有問題

      刪除
    3. 我見佢5月中配個次股,都成15億,都大過依家個市值,搏下

      刪除
    4. 咁大市值,多數唔博好
      跌落黎都仲有10億

      刪除
    5. 0.53 接左, 0.6 沽左,依D股都唔敢大注博,始終市值太大同盤數有問題

      刪除
    6. 均價0.45, set左0.52止賺~

      刪除
    7. 5月配股但好似未成事喎!

      刪除
    8. 係未成事,加上呢隻一向盤數不可信,所以我見大跌都完全不考慮撈底。

      刪除
    9. auditor走佬 係一個強烈訊號, 唔係換auditor.

      刪除
  37. 小注,預左all or nothing~都出左通告一個星期了

    回覆刪除
  38. 2136真係日日有沽空 好鬼

    回覆刪除
  39. 718請問咩事呢?暫停買賣,係因為發盈警嗎?

    回覆刪除
  40. 尋人啟事
    一名失蹤男子,名字叫777
    之前以為係燈神,結果中興一波成股神後消聲匿跡
    再無出現

    回覆刪除
    回覆
    1. 股海中的漣漪衹灑下幾陣雨,777身經百戰,沒咁易覆舟,可能去了遠游,鳥倦知還的。

      刪除
    2. 少左777的歡笑聲,吾習慣

      刪除
    3. 好奇怪,佢兩個通常一齊出現一齊失蹤,哈哈

      刪除
  41. 相信磚頭,今天已經再買了一些367。

    橫眉冷看:中美貿易戰會否觸發香港樓災?
    http://orientaldaily.on.cc/cnt/news/20180724/00184_006.html

    等待看看即將到來6個月政府出售土地的價格

    回覆刪除
    回覆
    1. LOUIS 兄, 你問左1132 未?

      刪除
    2. 問什麼?
      堅持繼續持有!

      刪除
    3. 問下點解之前一直都說1132有問題, 現在又說有另類價值, 又話有貨, 佢想點

      刪除
    4. 我覺得1132物有所值, 不需要問任何人(包括佢)。

      刪除
  42. 黎緊啲新股似乎唔差
    1765希望教育係第二大民辦教育
    但集資額似乎都偏大
    而788中國鐵塔就國內龍頭黎

    想請教偉哥有咩睇法?

    回覆刪除
    回覆
    1. 兩隻都興趣不大。

      希望教育感覺好貴,同埋太大隻。

      刪除
    2. 大陸公用股托塔,人人有份機會大,抽孖展必還你心願,常事咁大隻上市初期升有限,要水底游吓水,真想買可以有平D執。如買托塔我寧願買941。

      刪除
    3. 788應該唔差,好耐冇咁大隻野上市

      刪除
  43. 回覆
    1. 我都覺, 三格加埋都無咁多貨

      刪除
    2. 似又係約埋市場交收
      隻橙本身都乾哂,如果真係收貨,依個成交應該會再推高D個價

      刪除
    3. 呢種交收都玩左7個月,其實攪緊乜

      刪除
    4. 之前偉哥推測話其中一個可能係某個倉位要埋單計數,所以有其他倉位係市場幫忙接收貨先。

      刪除
    5. 好似係oman兄既睇法黎 不過都非常合理

      刪除
    6. 橙農兄,


      當伱係這個圈子打滚過,
      這些操作都不算是估計,
      實際也是這運作。

      刪除
  44. 想發達, 炒股不行, 必須轉行!

    冒用國家名義 自稱曾與庫克馬雲對談 川漢借「共享經濟」行騙百億元被捕
    https://news.mingpao.com/ins/instantnews/web_tc/article/20180724/s00004/1532406685767

    回覆刪除
  45. 偉哥,博駿同歌禮最後有無認購到?

    回覆刪除

注意:只有此網誌的成員可以留言。