置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2020年3月9日 星期一

中航國際(00161)私有化完滿落幕, 彩蛋可有?



中航國際的私有化歷時5個月,終於順利通過。

這宗私有化要過2關,第一關是股東特別大會上投票通過,第二關是私有化要約要取得超過90%的接納度。當初參與這宗私有化,原本預期是3-4個可以完成,而且當時股價折讓稍高於10%,市場似乎非常不看好這宗私有化可以通過,而我當時的想法是第一關應該會順利通過,而且通過第一關之後,股價折讓會縮窄至5%左右,即時這時離場,也可以獲得5-6%的低風險回報,甚至乎可以博第二關也可以通過,因為第一次要約期即使無法取得90%的接納度,也會延長要約期,所以私有化不會突然死亡,值博率甚高,也因此大注參與這宗私有化套利。

勢估不到的是:1. 私有化進展緩慢,最終拖長至5個月,比原本預期的長了1-2個月; 2. 在通過第一關後,股價折讓並沒有大幅縮窄,仍是長時期維持在10%左右,令我無法提前退出,被迫繼續參與,直至有最終的結果,而5個月時間取得大約13%的回報,也算可以。

這宗私有化背後的團隊是做得非常出色,可以說是我10多年來參與私有化套利所見過做得最好、最盡責的,是100%的付出,他們的付出終於獲得相應的回報,尤其是中航國際持有69%股權的深南電路 (SZ002916) 在私有化要約期內,股價顯著上升,令到中航國際的私有化估值相對上不吸引,而對他們有利的是港股因肺炎而顯著下挫,促使機構投資者同意這宗私有化。

私有化已是完滿落幕,但會有彩蛋嗎?


截至2020年2月28日的淡倉披露,有最少885.4萬股的中航國際淡倉尚未平倉。



於私有化要約期到期前數天,沽空仍然頗為活躍,似乎不少投機者以沽空賭其私有化失敗。



要約結果顯示有高達3.032億股H股已接受要約。


H股目前在CCASS裡只有大約2900萬股,而且有部份估計已接受要約,即是說實際流通量會少於2900萬股,但目前未平倉的淡倉估計有超過1000萬股,而且中航國際最後交易日期是3月11日,即是淡倉要最遲星期三就平倉,目前所餘時間無多。

當數新世界中國(00917) 就是在要約通過後,因為市場流通量大減及大約沽空盤爭相平倉的關係,出現股價大升至遠高於私有化作價的奇景,而上月完成私有化的華能新能源 (00958),也在要約通過後,曾經出現股價大升至3.8元,遠高於私有化作價3.17元的怪事,估計也是沽空盤平倉所致。



中航國際星期三是最後一個交易日,未平倉的淡倉會否因為急於要平倉而推高股價至遠高於私有化作價的9元?  拭目以待。

234 則留言:

  1. 之前說了161留30%貨沒有接受要約, 然後上周五沽了15%, 當有15%看看會否有驚喜。

    回覆刪除
    回覆
    1. 開市後加了些少@9元。

      刪除
    2. 偉哥,如果有貨的,星期三前都賣唔出,就除牌等收九蚊?

      刪除
    3. 要再通知券商接受要約, 不然你會拿著退左市的161, 謹記。

      刪除
    4. 偉哥,是否最遲3月尾通知券商已可以?

      H股股東(包括獨立H股股東)務須注意,接納H股要約的最後日期及時間為2020年4 月3 日(星期五)下午四時正。

      刪除
    5. 係, 基本上3月11日是最後交易日, 如果那天都未沽出, 咁已經可以通知券商接受要約, 除非你想繼續持有已退市的161 H股。

      刪除
    6. 唔明! 「上周五沽了15%」今早「開市後加了些少@9元」~~~即是點呢?

      之前161@8 任買

      刪除
    7. 上周冇9蚊保底,沽甘D(@8.95)穩坐釣魚船
      今日有9蚊保底,可以搏夾淡倉,係9蚊以上沽,冇就9蚊要約

      刪除
    8. 請教,如果沽空的星期三補唔足,T + 3 早上force buy in點開價

      刪除
    9. 我唔知淡倉如果星期三唔補齊的話, 會如何處理。

      刪除
    10. 早前已接受左要約, 今日$9加少注睇下有冇運

      刪除
  2. 沽清左1989@1.64, 唔等要約了, 先套現等執平貨。

    回覆刪除
  3. 大時代的財富大轉移的,來臨了,我經驗勿仆入市買股票,不知潭幾深不可測,有錢定才起筷。

    回覆刪除
  4. 沽出埋之前買入的少量595@0.35, 套現資金等買平貨。

    要約都就快完成, SFC仍沒有任何動戶, 我相信SFC已不會就大股東以前的增持及沒有披露、作出相應要約而作出糾正及懲罰。

    回覆刪除
    回覆
    1. 595相信SFC有跟進,聆訊,但時間點預一年後,對小股東意義不大,罰錢+冷淡對待令.要約,講真,有冇合資格小股東民事?嘥氣.

      刪除
  5. 上得山多終遇虎,投降輸突

    回覆刪除
    回覆
    1. 細h師兄跌1千點先輸突已經好強, 大H師兄呢一個月報嘅盤應該輸咗幾十萬,不過網上嘅嘢聽下就算,不要認真.

      刪除
  6. 朝早掛住望自己的持股, 看看有什麼交易機會, 錯過了AO大跌883。

    回覆刪除
    回覆
    1. 偉哥~ 恆指如果唔穿25000, 係咪D正股仲可以留低~ 我隻1846 8.48$買~ 諗緊唔穿係咪繼續坐><

      刪除
    2. 自己決定吧, 我比唔到意見。

      如果我自己有什麼買賣, 會同大家分享。

      刪除
    3. Eric,坐下,好野黎架。

      刪除
  7. 今日重新介入 302, 賺下大陸人錢先,希望得。

    回覆刪除
    回覆
    1. 同路 盈喜遇上大跌市 反而有特價貨買

      刪除
    2. 岩岩幾個試盤深港通不露面掃的。。。

      刪除
  8. 302,1089恆強,手游下個重點主題之一

    回覆刪除
  9. 點解油價大跌會令到全球股災的

    回覆刪除
    回覆
    1. 同問,點解油價對股市有咁大影響力?見到今天日圓狠狠地升,各種原因,似乎有力上8算。

      刪除
  10. 今日真係重傷~特別係857😫😫

    回覆刪除
    回覆
    1. 唔係883 咩~ 其實想撈 883 , 但係佢插兩成接唔到~ 啊爺叫佢搞整口罩机

      刪除
    2. 之前重倉 857博反彈,估唔到.....吐血🤮🤮

      刪除
    3. 早排都入左博反彈,後尾輸幾格走了😖

      刪除
  11. 回覆
    1. 如果今晚美股重挫, 聽日港股應該仲有得跌。

      美股就好似一把懸在港股頭上的刀。

      刪除
    2. 真係好睇美股今晚尾段有無得反彈下
      一開就一定比人殺落去

      刪除
    3. 偉哥想請問:三桶油極度恐慌,我需要暫時止蝕定再加注?

      刪除
    4. 其實講左好多次, 我無法提供買賣意見。

      刪除
    5. Sorry~偉哥,忘記了偉哥格言!(真係有時心亂, 就會作出錯誤決定)

      刪除
    6. 今年有三次 "水星逆行",第一次 2020.2.17-3.10,而美股多個指數見頂剛好在 2020.2.17-19。

      https://udn.com/news/story/7268/4269242

      睇落美股跟今次逆行周期跌跟得幾足,而這周期明日就完。睇美股識唔識彈睇埋今晚 RCL (乜乜物物公主號的母公司) 股價識唔識彈,如果連呢隻肺疫箭靶股今晚兩晚識大成交彈既話,美股三大股指就好大機會待這水星逆行周期完就彈,如果唔係恕我學藝未精唔識睇。

      中資股指/恆指:暫時只知每年廿四個節氣中,中資股指一向對春分點 (今年是 2020.3.20) 出現 U turn 最敏感,而每年的春分點亦剛巧與騰訊公佈全年業績同一日/頂多隔一日。

      刪除
    7. 偉哥都身體力行好耐揸約4成現金等買貨,MPF又答咗幾次恆指25000点先轉進取,如果係要聽嘅一早跟咗好耐, 係吾聽嘅点講都係吾會聽

      刪除
    8. 今朝清晒1989, 595, 等埋161要約的錢返來, 其實淨現金係超過45%, 有大量子彈等冧市。

      就睇下9988會否大跌, 令今個月的SP接到貨。

      刪除
    9. 偉哥好勁,預言恆指見2萬5。。。

      刪除
    10. 但睇個勢, 2萬5未必係底。

      美股今晚如果恐慌的話, 明天港股有機下試24500。

      刪除
    11. 係,
      杜指甩埋24700,
      可以再跌多好多下,
      不竟以前也升了很多.

      刪除
    12. 邊有可能油價長時間到$30,今晚系美股買d shale gas, 估計有破產價

      刪除
    13. 我自己會等24000先諗mpf
      好彩早排28000時轉走左去債券
      依家避過晒個跌市

      刪除
    14. 偉哥:

      請教一下美股停板制度如何?
      第一次停板後跟著怎操作?

      刪除
    15. 我都不清楚細節, 在網上找到的資料, 應該是真實的:

      10、美股熔斷機制是什麼?
      熔斷機制(Circuit Breaker),也叫自動停盤機制,是指當股指波幅達到規定的熔斷點時,交易所為控制風險採取的暫停交易措施。

      大盤熔斷:

      美股實行三級熔斷機制,以標普500指數為例,當指數下跌5%時,將暫時停盤15分鐘;當股指下跌10%時,將會停盤1小時;當股指出現20%的暴跌時,將會關閉股市1天。

      個股熔斷:

      根據美國證交會(SEC)的最新規定,熔斷機制除針對股市大盤的熔斷機制外,還設有“限制價格波動上下限”的機制。如果某隻個股的交易價格在5分鐘內漲跌幅超過10%,則需暫停交易。如果該個股交易價格在15秒鐘內仍未回到規定的“價格波動區間”內,將暫停交易5分鐘。

      對於標普500指數和羅素1000指數成分股以及430只交易所交易產品中價格超過3美元的個股,SEC規定的“價格波動區間”為漲跌幅5%,其他交易價格在3美元以下的流動性較弱的個股“價格波動區間”放寬至10%。

      刪除
    16. https://www.cmegroup.com/trading/equity-index/faq-sp-500-price-limits.html

      https://www.cmegroup.com/trading/equity-index/faq-us-based-equity-index-price-limits.html

      刪除
    17. 唔通中國篤爆左美債?哈哈,中國每日陰D陰D咁賣美債,策略成功。今晚美股應該好好睇。

      刪除
    18. 第一次見識美股熔斷 而A股又有跌停 港股點解唔搞返個

      刪除
    19. 大時代丁蟹d仔ifc free falling 個幕就係3月9日,真巧合。

      刪除
    20. 誰能迫我屈我辱我 早慣面對災禍 窮途坎坷慷慨高歌 打開黑暗封鎖 強權高壓想折服我 堅決而對不怯懦 為何蒼天繼續降禍 可會是有心想來考考我 面對那厄運未退後 今天的夥伴是拳頭 每段人生亦戰鬥 歡笑每是前奏 私捨的恩惠未接受 未報以笑面做小丑 時運作弄仍然苦門 甘心承受困擾不為玩偶

      刪除
    21. 蛋治ching
      呢首好似係誓不低頭嘅主題曲, 唔係大時代嘅主題曲。
      今晚好旺場,唔知係咪因為美股熔斷。

      刪除
    22. 作者已經移除這則留言。

      刪除
    23. 杜指短期較大支持位在2018年尾的21800~22000附近

      刪除
  12. 我仲諗住偉哥今朝會撈9916

    回覆刪除
    回覆
    1. 呢隻算啦, 冇任何基本因素可言, 如果有貨的話, 基本上上周五暗盤已沽清, 唔會再睇。

      刪除
  13. 大部分股票走勢都還沒有見底的訊號,繼續等

    回覆刪除
  14. 1729不尋常的強勢。

    今日仲諗住低位補返上周高位減持的貨, 但個價企得好硬。

    回覆刪除
    回覆
    1. 咁快炒定業績 ? or 惠州間廠已全面開工?

      刪除
    2. 奇怪地強,重排左0.35,尾燈都見唔到

      刪除
    3. 1729成交好低。不過,上星期我只可以系0.355買d,一多就上左去。2020上半年估計一般,停左成個月工,我聽講好多工廠都系5-7成開工量。政府唔比太多人一起開工。

      刪除
  15. 偉哥,想請教一下如果12號之後接納161要約,大概資金會幾時返黎呢?如果係上星期接納的,係咪大概一星期呢?

    回覆刪除
    回覆
    1. 要習慣睇通告, 通告比晒時間表你。

      刪除
    2. 明白,謝謝偉哥。如果161未有驚喜,偉哥你果筆錢咪要hold到4月中先返黎

      刪除
    3. 我主倉位已接受左要約, 未接受要約的算是較小的一部份, 所以4月中先收返錢都冇問題, 再唔係就星期三收市前沽出也可以。

      刪除
  16. 完全唔明今日跌1000 亦唔明之前升500又跌600...
    所以都系跌就買 升就沽
    今日溝些552 1171 1525 1846 2722 3883... 撈左788...

    回覆刪除
  17. 其實低油價唔係有利工業國咩? 當下需求少咗,但油平咗而成本低咗,對大部分嘅工業唔係利好?

    回覆刪除
    回覆
    1. 對工業股是利好的, 而航空股如果沒有做油價對沖的話, 也是非常利好。

      我係航空公司管理層的話, 現在應該開始做些對沖, 將燃油成本鎖定在這價格。

      刪除
    2. 好奇一問
      點樣可以做到??
      學國泰同銀行對賭?

      刪除
    3. 除左大陸航空公司不設防,不對沖,其他公司應該一早係高位對了,睇怕呢次會輸唔少

      刪除
  18. 唔算恐慌, 沽D 9928新高食下糊換馬。

    回覆刪除
  19. 將9988 的185SP, 搬埋去180SP, 同時沽左220 SC, 呢個轉倉基本上唔使點比錢。

    感覺今晚美股可能會恐慌, 可能做BABA的期權IV會高好多。

    回覆刪除
  20. No panic selling or no panic buying

    買了9988

    回覆刪除
    回覆
    1. 呢種市最見真章 連IB 都server, 真係失望

      刪除
  21. 國際油價大跌下的另類炒作:

    11:37:41
    【子公司熔喷布专用料目前日产能最高达8吨 上海石油化工股份(00338)A股涨停H股升逾7%】智通财经APP获悉,上海石油化工股份(00338)A股涨停,H股跟涨逾7%。截至11时25分,涨7.84%,报价2.2港元,成交额1.302亿。

    据央视财经报道称,2月23日,上海石化紧急研发转产的熔喷料也试产成功,日产达到6吨,这些原材料,可以用来生产普通一次性医用口罩约600万只。随着石化企业转产熔喷料的成功,很多口罩生产企业将会逐步摆脱等料开工的窘境。

    此外,近期上海石化回答投资者提问时表示,公司不生产熔喷布。公司的子公司上海金昌工程塑料有限公司于2020年2月23日紧急研发转产的熔喷布专用料试产成功,目前日产能最高为8吨。

    11:26:03
    【港股异动 | 国际油价暴跌有利航运成本下降 中远海能(01138)现涨逾9%】智通财经APP获悉,市场人士分析,OPEC掀起石油价格战,油价暴跌将有利航运成本下降。中远海能(01138)早盘一度急升超13%,截至发稿,涨9.62%,报3.42港元,成交额9940.9万港元。

    回覆刪除
  22. 598唔會受惠油價下跌乜?點解1138升而598仲跌

    回覆刪除
  23. 回覆
    1. 都講左呢期業績, 好多公司會暫停派息或減派息, 保留子彈過寒冬。

      看看長期高息的709, 也已跌到2009年後的最低位。

      刪除
  24. 我由5止蝕轉投581以為可以一守,點知加快大家沉船

    回覆刪除
  25. 港女無咩恐慌。但唔知點解已住無晒撈既意欲,有倉位都睇今晚美市好過,優質選擇更多。

    回覆刪除
  26. 回覆
    1. 而家2519X, 破埋25000,都係講緊200點,有咩咁出奇.....

      刪除
    2. 如無猜錯,今晚美股再大跌引致港股明天迫近24000

      刪除
    3. 最低位25025 都係講緊25 點, 落埋有咩咁出奇。。。 結果就上返2519x 及更上。其實升同跌都無話出唔出奇既,那怕只有1 點,唔落就係唔落。也沒有出奇與否之分。你誤解了我的意思了。我只係話應該。。。各人有各人解讀吧

      刪除
  27. 偉哥我想問, 以前新中同華能的案例, 大戶明知已通過私有化, 為何不趁早平倉, 而要等到最後一日先被迫追貨?

    回覆刪除
    回覆
    1. 不是最後一日才平倉,新世界中國是公佈要約成功後第二日就炒高, 而958好奇怪, 無端端在期間某一天炒高20%。

      刪除
  28. 均價3.375沽出左之前買的半注1035, 只保留一手, 打算EGM投反對票。

    再套現資金多些資金等運到。

    回覆刪除
  29. WAI GOR ,1525 有無打算入多少少... 都回返好多

    回覆刪除
    回覆
    1. 希望明天再低些.....每天跌多你一些。

      刪除
    2. 而每過一天每一天再跌些,便要再溝些再溝些至無錢, 那懼明天得番二萬四。

      刪除
  30. 我覺得開始出現恐慌。尤其石油公司或依賴石油收入國家會否債務違約造成金融問題。
    唉,現金比例無偉哥咁高。

    回覆刪除
    回覆
    1. 我今年真係好保守, 連埋要約股, 45%以上的現金等運到。

      刪除
  31. 恆指波幅指數,已升穿16年高位;
    JPY/HKD亦屢創新高,之前有不小blogger還教人用IB借平錢。

    回覆刪除
    回覆
    1. 等於沽期權一樣, 平時風平浪靜就好似收租一樣, 一個大浪掩過來就渣都冇得剩。

      刪除
  32. 美期一日跌停兩次,第一見,感受到美股今晚會喪跌二千點

    回覆刪除
  33. 3點後,好似出現左少少恐慌
    本來跌1-4%既股,再大力跌多3%
    係咪見美期再跌停
    同埋外圍期貨有d插成8,9%
    聽日恒指都兇多吉少

    回覆刪除
  34. 英.法.德.瑞.西
    都跌超過9% 厲害

    回覆刪除
    回覆
    1. 小金人蔡金強覺得亞洲和美國應該都可以控得住,真正的軟肋在歐洲和中東,伊朗真實確診應該在兩三萬人,周邊國家也不少,中東防不住,歐洲也就危險了,加上意大利、西班牙這兩個熱情如火的南歐國家,而歐盟沒有國界,各國防疫卻無法統一步伐,歐洲被疫情重創機會很高,最後歐洲的確診不會少過2萬,屆時歐盟會陷入極度困難境地。

      刪除
  35. 尾巿D細價股沽貨力大左。。Panic sell feel

    回覆刪除
  36. 組合裡有超過45%是現金及要約股, 估唔到單日都要跌2.5%, 個市已經出現恐慌。

    今晚如果美國再大跌, 明天港股破底, 直撲2萬4, 估計會有好多平貨執, 就睇你有冇膽量及現金。

    回覆刪除
    回覆
    1. 跟住偉哥個膽大少少。。密切關注留言。。哈哈

      刪除
    2. 但感覺有D難,今日港股跌覆好似預左跌外圍5%,除非最後真係趺10%,聽日先會港股先會恐慌,有D想做SP+SC,守聽日唔急趺,等縮IV平..不過最後唔敢博..haha

      刪除
    3. 已經輸到無感覺,我堆垃圾股放哂入雪櫃唔睇啦,得閒先攞番出黎瞻仰遺容。依D時候打機好過,本身plan 左三月尾去日本都取消埋,好彩下個月有正game出,無咁悶。

      刪除
    4. 雖然爆倉風險唔大,但睇住倉位日日大跌,個心都好慌。除左有無錢掃貨,原來坐貨心理都好緊要。

      刪除
    5. 小弟勒束組合下面打和點係24000,但賬面輸梗廿幾三十萬,沒有應對IV急升經驗的朋友只宜小注

      刪除
    6. 今次大跌係侵侵默許既,想知幾時跌完,睇侵侵幾時出聲就知。

      刪除
    7. 今晚偉哥可能有些早前沽落的美股 short put option 被行使和接貨了。

      刪除
    8. 今晚應該難些, 因為大部份SP的行使價都是價外超過10%以上的, 有些甚至是20%, 應該唔容易一晚到價。 而且一定唔會係今晚被行使, 因為大都是3月27日到期的, 有時間值, 唔會被提前行使。

      刪除
  37. 我已轉mpf,感覺港股已經反映今晚美股大跌的可能性所以明天只會升

    回覆刪除
  38. 大家唔駛急住,大佬仲未俾signal

    等多陣先

    回覆刪除
  39. 睇161今日的股權披露, 大股東已收左3.1億股, 市場流通量只有2300萬股, 而未平倉沽空可能有1千萬股左右。

    今日只成交2百萬股, 即係仲有大約8百萬股淡倉未平倉, 即管睇下星期三最後交易日之前邊個急D, 我大不了等星期三之後接受要約, 4月先收返錢。

    回覆刪除
  40. 1811這種公佈左意欲私有化、但未有作價的, 要小心, 隨時可能因為股災而將私有化價壓得好低, 又或者最壞情況下是取消私有化, 不能排除這可能性。

    係公佈落實私有化及披露作價之前, 想做套利的要審慎。

    回覆刪除
    回覆
    1. 偉哥收到,Calling各位手足,小心行事,請注意慎防老千出沒

      刪除
  41. 我觉得现在基本面只係有几差嘅问题,要见底可能需要呢扎强势5g股都被人抛售先係,大多個股走势暂时未见有明显见底的信号,虽然估值不贵,但仲系跌

    回覆刪除
    回覆
    1. 世界資金鍊亂哂龍,5G自欺欺人,只係有d人手中有貨唔知點沽好就真.如果美國某些城市一旦好似意大利封城,乜板塊都死了.Michael,舊估值冇意義,當PMI得30,根本生意吊鹽水,PE=0,PB over1既野一定跌到PK.舉個例:賭股,如果今年餘下時間都冇咩客,理論上,現價跌一半la.那些2020安踏之類,東奧delay或唔搞,goto hell la.仲60蚊,持貨者搏傻.

      刪除
    2. 不如分享下大跌之下, 如果你們撈貨的話會撈什麼, 相信這是網友們現在糾結的問題。

      刪除
    3. 要敬畏市場,空倉或手上現金多都不能自滿滿,今晚好恐怖呀。。。😅

      刪除
    4. 見阿肥侵咁耐冇乜聲氣咪上去Twitter裝下,佢好似傻很咗不停鬧人又怨氣重,三句五埋就話fake news,點名炮轟傳媒,你知啦得罪傳媒冇運行㗎啦,會集體杯葛,所以而家肥侵都冇乜消息出來講下嘢對道指進行推升,跌咗千八點,明天港股勢鐵定跌,睇升指數朋友小心,執平貨朋友是時候。我毫無疑問會留意藥股!

      刪除
    5. 我會慢慢累積航空股

      刪除
    6. 唔使驚,驚就分段入後,投入工作,待賺咪賣,呢啲位唔怕啦,不過梗係要買有名氣啦

      刪除
    7. 撈貨選股真係好糾結
      今日3年低,52周低多的是,都唔知點揀好
      大家有無心水, 問問師兄們對下面幾隻意見
      富力 2777
      洛鉬 3993
      德昌 179

      刪除
    8. 你呢3隻比我揀,我只揀2777

      刪除
  42. 想請教下偉哥,883依家估值算唔算平?

    回覆刪除
    回覆
    1. 如果油價長期呢D位就唔平, 就睇你覺得油價會否長期係呢D位。

      刪除
  43. 一個假設,如果紐約市搞到要像意大利般封城,個世界會發生咩事呢?

    回覆刪除
  44. 想問偉哥諾誠健華點睇 抽唔抽得過?有冇9966咁店?

    回覆刪除
    回覆
    1. 睇下到時個市如何, 質素肯定不如9966, 賣點係創辦人施一公。

      刪除
  45. 偉哥係咪仲未轉mpf? 今晚轉定,到生效個日應該到兩萬四。定係依家會再低d 先考慮?

    回覆刪除
    回覆
    1. 我會轉定一半, 冇記錯好似都要2-3工作天才生效。

      刪除
    2. 剩低個一半打算幾多點再轉?

      刪除
    3. 偉哥你好 根據我係保險/強積金公司做既經驗 工作天即日4點前轉=用個日既市價買入
      但係交收因為T+2既原因 帳戶要兩日後先會反映條數 所以唔一定要早D轉定

      刪除
    4. 好, 謝謝。剛login到系統, 準備改一半去港股基金, 一半再等等, 可能23000-24000才轉埋另一半。

      刪除
    5. 唉,我用永明以今日收市價轉了。。。

      刪除
    6. 寧願徒勞無功兄, 想請教如選國際基金(多個市場不同比例.e.g.美,歐,港), 工作天即日4點前轉,買入價係點?

      刪除
    7. 唉,我用宏利login唔倒(可能太多人login轉換緊),轉唔倒....

      刪除
    8. 你咁講又好似係, 我用永明都用左好長時間先login到及轉換組合, 完全慢動作咁。

      刪除
  46. 竟然可以看到美股熔斷

    回覆刪除
  47. 全好倉仍信心不減。明天二萬五雙底反彈機會大,反彈先望26,500。
    始終內地經濟基調向好不變,好友主導股樓市佔優勢。

    回覆刪除
    回覆
    1. 今日點操作,甘都頂到? 犀利。

      刪除
    2. 不如你講下呢個月帳面輸咗幾多十萬? 輸緊幾多千點先? 如果真係揸咗貨, 美股跌2000點 心理質素都可以咁高?好難相信

      刪除
  48. 美股彈得都快,開市前set得太低撈唔到跳樓貨。

    回覆刪除
  49. 富途買賣唔到, 死晒ser 咁, 錯過了撈低機會

    回覆刪除
    回覆
    1. 好失望。做左廿個盤跟勢抄,一個都做唔到

      刪除
    2. IB都係, 乜盤都落唔到。

      刪除
    3. 頭先溶斷,實死server啦

      刪除
    4. 用富途入左PTY,NSS,收息野。。。IB只能買賣現有組合,開唔到新貨。。。

      刪除
    5. 富途乜都唔得,對佢失望

      刪除
    6. 剛剛仲要俾我買到野
      但而家完全放唔到

      呢啲巿無得抄波幅好過而家唔知幾時先trade到
      富途背後都係用ib
      我打左去嘈

      刪除
    7. 富途一個鐘前掛單。到而家都未得
      大家的富途戶口可以用了嗎

      大家用開邊間買賣美股

      刪除
  50. 咁快撈貨,果然係勇者!

    回覆刪除
    回覆
    1. 未經證實消息,特朗普助手會於今日內同特朗普商討刺激經濟措施。

      刪除
  51. 佢講啲野已無乜人信!

    https://twitter.com/realDonaldTrump/status/1237024551294382081?s=19

    回覆刪除
  52. IGOV

    可能有人一秒發達,或破產。

    回覆刪除
  53. 之前做左的SP, 正股都比較強, JD, ZM, BABA, MSFT強, 只有SE弱些少。

    回覆刪除
  54. 債市好多隻出現比人洗倉 提款

    回覆刪除
    回覆
    1. 買債券的通常都會做槓桿吧, 通常遇著恐慌市, 都係有你冇你拆倉先。

      刪除
    2. 作者已經移除這則留言。

      刪除
    3. 你求其搵都好多隻
      優先股同債券 好多你中段入市 收市前沽出最少執10% 有啲15%
      見到好多優先股好抵
      要泵水入ib 呢兩日大跌市 跌晒啲buying power

      刪除
    4. 勁喎。。。我果D優先股無上返過,我都想知邊幾隻入完即晚升返一成咁勁

      刪除
  55. 偉哥, 700,9988,1299,2318,現价可買?

    回覆刪除
  56. 油價真係有排下跌!?

    社評:石油戰爭掀環球股災 普京「趁美病索其命」

    https://news.mingpao.com/pns/%e7%a4%be%e8%a9%95/article/20200310/s00003/1583779928599/%e7%a4%be%e8%a9%95-%e7%9f%b3%e6%b2%b9%e6%88%b0%e7%88%ad%e6%8e%80%e7%92%b0%e7%90%83%e8%82%a1%e7%81%bd-%e6%99%ae%e4%ba%ac%e3%80%8c%e8%b6%81%e7%be%8e%e7%97%85%e7%b4%a2%e5%85%b6%e5%91%bd%e3%80%8d

    油價戰曾搞垮蘇聯 疫情下俄國大報復
    疫症肆虐,本是國際社會同心協力之時,可是政治現實往往是另一回事,疫情反而成了報仇雪恨的「曬冷」(show hand)時機。美歐支持烏克蘭變天遏制俄國,美俄關係持續緊張,早前華府打壓俄羅斯石油公司Rosneft與委內瑞拉的合作,又利用制裁措施阻止俄德天然氣管道合作,俄美新仇舊恨又添一筆。近年俄國與油組協議限產支持石油價格,美國油企未有參與其中,莫斯科早已不滿美國坐享其成,今次減價戰可說是一次大反擊。

    1980年代初,全球經濟不景,國際油價走勢向下,1986年沙特大舉增產,更將國際油價壓至每桶10美元(相當於現今大約30美元)的水平,重挫蘇聯石油收入,甚至被視為蘇聯經濟崩潰走向滅亡的推手。這段歷史,普京肯定知之甚詳。今次俄國沙特爆發石油戰爭,事態發展難料,美國最想見到的,當然是俄國沙特盡快達成協議,結束減價戰,然而普京會否輕易罷手,實是一大疑問。

    回覆刪除
    回覆
    1. Benny Leung
      產油國引起石油減價以戰, 明評認為是俄方對美手段, 不錯, 油價底於40元的確有碍頁岩油生產, 但另一方面, 美國及其他石油進口國, 都可以降低成本, 航運業更可以期貨合約, 鞏固未來交易, 有利世界貿易及價格, 沙特俄國耍'七傷拳', 看那一方先敗, 美國有廉油可用, 就是停產頁岩油, 其他得益可以幫補. 再者, 世界原油終有枯竭一天, 把頁岩油留下作戰略儲備, 也有好處.


      Wing Tak Wong
      明報語無倫次 美國不是靠石油出口作收入

      刪除

注意:只有此網誌的成員可以留言。