置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年7月25日 星期四

大戶否決寶勝(03813) 私有化後終守得雲開


尤記得好像曾經在留言區提及寶勝去年4月私有化被否決,是因為有兩名大戶在寶勝公佈私有化後,以平均成本價大約2元買入2.15億股,剛好是足以否決私有化的股數,狠心地將寶勝的私有化否決!





私有化被否決後,寶勝股價曾最低跌至1.17元,兩名大戶帳面上虧損最高曾達1.78億元,那時事後檢討這宗私有化失敗的個案,結論是兩名大戶如果不是與寶勝或裕元(00551)有私怨,不惜兩敗俱傷去否決這私有化,就是非常看好寶勝的前景,認為私有化作價應該遠遠高於當時提出的作價2.03元,究竟真相是什麼,我們就無從得知。

不過值得一提的是,其中一名大戶在股價大跌之後,再增持多4500萬股,這是對寶勝具有強大的信心,究竟他們看好的是寶勝的基本因素,還是寶成會加價重提私有化寶勝?

適逢寶勝將於下月公佈中期業績,此時股價大升,是因為業績好,還是有春江鴨偷步博私有化失敗一年後,重提私有化?  不論是什麼原因,當初兩名大戶置之死地而後生,現在帳面已有不俗回報。

229 則留言:

  1. 要寫個服字給兩名去年否決3813私有化的大戶!

    回覆刪除
    回覆
    1. 他們厲害於專登在私有化公佈後, 高價買入足夠股數去否決私有化, 然後帳面承受巨額虧損, 仍繼續坐貨, 不是太多人有這種勇氣和信心!

      刪除
    2. 會不會是專做事件驅動的基金,同時對公司有深入了解,才能有這信心。

      刪除
    3. 真係好屈機
      正常有錢都唔係咁玩
      這(兩)位大戶非同一般~~

      刪除
  2. 有無人1171仲未收到股息?

    回覆刪除
    回覆
    1. 不可能未收到吧? 1個多星期前已收到。

      刪除
    2. 1171係7月24派o咼 今日應該有

      刪除
    3. 唔好意思搞錯了 啱啱check statement 15號收錢ed

      刪除
  3. 係喎 thx偉哥
    因為之前一路關燈食麵 見佢24/7派 先上去check下
    原來12/7派左

    回覆刪除
  4. 7月12號已收了,還打了税

    回覆刪除
  5. 偉哥,今天收市後應該會知道誰人接了金兵的貨。

    回覆刪除
  6. 美國歐盟中國和整個世界繼續大量印錢, 貨幣的購買力肯定只會不斷下跌! 香港股票非常便宜, 我也堅持持有低PB股票。

    我對下半年的股市依然很樂觀的,幾乎已是全面投入了。
    https://dpzblog.wordpress.com/2019/07/25/%e8%82%a1%e5%b8%82%e9%9a%a8%e7%ad%86-2211/

    回覆刪除
    回覆
    1. 單偉豹:未來十年內房地產行業沒有大危機可多元化發展但不必轉型

      博鰲21世紀房地產論壇第19屆年會在三亞舉行

      路勁地產集團主席單偉豹現場表示,路勁在做房地產時從來不考慮一線,二線或者三線四線,只要利潤符合公司要求,我們就去做。也許是我們對市場不夠敏感,無論在房地產的哪個時代,我們的銷售利潤率一直在12%左右,增長率15%左右,可以說是非常穩定的,既然能穩定就找不到轉型的理由。我們現在繼續做住宅,同時也開始做文旅和康養,文旅和康養會做的怎麼樣我們還不知道,之後我們會進行總結。

      路勁地產集團主席單偉豹現場表示,中國房地產體量這麼大,有什麼值得害怕呢我們只不過經歷了一兩年的平淡時間,併購是非常正常的我不覺得未來3 - 5年,甚至10年,房地產行業會有什麼危機,只要把控好了就能度過,有什麼必要轉型呢?我們路勁發展其他條線,比如文旅和康養,並不是因為房地產不好,只是為了更加多元化。

      刪除
  7. 3666 咩事突然咁大成交

    回覆刪除
  8. 2718最尾有冇人知邊個掃番上去?

    回覆刪除
  9. 551 跟車2000股,希望有得執。 😉👍

    回覆刪除
    回覆
    1. 你呢個大戶, 係唔係打漏左一個零?

      551大支持位在20元, 如果3813真係重提私有化, 而且框架同上次一樣並且成功私有化的話, 551應該可以每股派4-5元的特別息。

      刪除
    2. 不是呀,只是看不透,純粹想參與下,同埋不再 post 圖了,朋友話是炫富...😵 看偉哥投資手札既網友都知道偉哥既實力係深不見底的。 ☺️📯

      刪除
    3. 講勇猛, 連偉哥都唔夠你來

      刪除
  10. 順便交代一下, 之前short 1171即月7.5C估計會變廢紙, 所以最近又開了下月7.25 SC, 計及所收權金後, 平均成本剛好是7.25元左右, 即是下月結算時, 如果1171股價高於7.25元, 我的所有持股會被call走, 平手離場。如果下月收市價低於7.25元, 會繼續開9月SC 7 或7.25。

    回覆刪除
    回覆
    1. 感覺這次業績不會有驚喜, 股價會在7元左右上落。如果SC被call 走, 9月轉玩SP。

      刪除
  11. 留言數目少咗咁多,真係依家個市係牛二定熊二

    回覆刪除
    回覆
    1. 林一鳴係今期東周刊有篇文章,認為現在港股是牛二,牛三還未到。

      刪除
    2. 是牛二?????要理性分析.餘錢買少少玩.輸左唔會慶.可以.當是堅料大擧入市會傾家。各自爬上山或碌落山.自負風險。

      刪除
  12. 請問FC9 做個個RECORD 可以再PO 嗎? 我唔見左...

    回覆刪除
    回覆
    1. https://docs.google.com/spreadsheets/d/1qsekm2r7HJJ4rPjwnylIgvO_1OigZllPnqdanZTTvPY/edit#gid=725918841

      呢個file有時更新慢 亦有機會出錯 請善用Sam師兄幫偉哥做的“搜尋留言”功能 好好用!!!

      刪除
    2. fc9 師兄,
      多謝你有做excel record
      我知道Sam師兄幫偉哥做的“搜尋留言”
      但係呢個excel,可以一下sort out曬幾個股票既紀錄

      我覺得好好用,
      希望你可以keep住update, thank you very much <3

      刪除
    3. 佢係c9, 唔係師兄......雖則我未見過fc9, 無法確定佢是否c9, 哈哈。

      刪除
    4. 我都覺得佢唔係師兄

      刪除
  13. 百事以$1.8買入1837五谷磨房26%普通股,呢隻半新股又係中金做保薦人,又係一上市又大幅跳水,估唔到係好野

    回覆刪除
    回覆
    1. 萬億市值嘅國際知名企業竟然入股,真係令人遐想呀~

      刪除
    2. 我AO中了一萬股,希望唔係伏。 😁

      刪除
    3. 偉哥你估百事會唔會喺市場買貨買下買下做埋大股東呀。
      雖然冇乜可能,市場都唔夠貨源。 股權爭奪戰 😜

      刪除
    4. 要研究下百事點解要入股1837先。

      刪除
    5. 最甜最唔健康飲料買下最淡茂茂聲稱好健康既五谷食品

      刪除
    6. 春江鴨終於沽完貨了,起錨!

      刪除
    7. 每隻一上市就潛左水,上市後未點炒過既半新股第一次發 stock option,真係要格外留神。1837 如是,1729 更是經典案例。

      来源:智通财经 2019.6.12
      智通财经APP讯,五谷磨房(01837)公布,于2019年6月12日,公司已决议向合资格参与者授出合共约7401.98万份购股权以认购公司股份,每股行使价1.468港元,较当日收市价溢价约5.6%,有效期至2028年12月11日。

      其中,约1255.15万份购股权已授予公司董事及公司附属公司的董事。

      刪除
    8. 呢隻以前雪球仲有人話佢係假數, 唉.....

      刪除
    9. 有股評人這樣分析:有5名不同股東轉讓股權給百事,其中有4名是上市前股東,配股價與前收市價$1.78折讓不大,可能現有股東無心戀戰,於是小試牛刀,買了小許股權,再看看反應而定

      刪除
  14. 早晨偉哥,1133 哈電私有化失敗,跌到現價有d吸引力,今次有冇機會好似之前私有化失敗,而後期股價升破私有化作價嗎? 謝謝解答。

    回覆刪除
    回覆
    1. 以基本因素計,難!

      除非有大戶賭一年後重提私有化。

      刪除
  15. 1073暗盤同AO原來係益街坊?

    回覆刪除
  16. 多謝偉哥, 我都搵到餐buffet

    回覆刪除
  17. 我搵到個女一個月課外學費,謝謝

    回覆刪除
    回覆
    1. 哈哈, 我搵到一家大細下月日本來回機票的費用。

      刪除
    2. 嗚嗚,你地就好啦,我無佐一季早餐錢。

      刪除
    3. 我賺到粒魚蛋。。。謝謝偉哥~~

      刪除
    4. 咁我未富貴到要一家大細坐商務倉, 哈哈。

      刪除
    5. 偉哥,去日本坐商務不是很貴可以一試喎😁😁

      刪除
    6. 無謂咁細個就比佢地咁多物質享受。

      刪除
    7. 一个人做商务跟一家大细去坐银码差几倍..好重皮!

      刪除
    8. 偉哥我愛你,自己貪心尾市至沽哂幫補咗星期日機票走佬外逃😁😁

      刪除
  18. 今早0.53沽返1726出去,同要約價有10%差距了

    回覆刪除
  19. 今日止蝕了1839@均價6。

    新股而言, 感覺仍持有的兩隻教育股會比較確定, 信心大一些。

    回覆刪除
  20. 2718 有成2M貨成交,瑞銀全部食哂

    回覆刪除
  21. 會唔會瑞信收到風,就嚟發盈喜
    多多貨都要

    回覆刪除
    回覆
    1. 咁係咪對家收到風,嚟發盈警,係咁沽比瑞信...

      刪除
    2. 簡單分析
      春江鴨一般係向上買
      而家2。5跌番去2。35
      由此得知端信唔係鴨鴨。

      當然呢個分析唔代表2718唔會發盈喜。

      刪除
  22. 371,有4厘息,每年增長起碼15%以上,現價還有人大手沽?真係吹脹,唔明點解?

    回覆刪除
    回覆
    1. 371 每日開高低走...建行停哂手吾買貨

      刪除
    2. 就算建行停手吾買貨, 但都唔使係咁沽落去, 其實係咩玩法呢? 真係唔多明!

      刪除
    3. 研究下環保股既會計政策你就知點解PE唔太適用係大部份既環保股

      刪除
  23. 我忍,忍,忍,有膽沽到落4.1附近

    回覆刪除
  24. 716勝獅盈警,勁蝕26億! 派特別息都買唔過!

    回覆刪除
  25. 好彩收市前沽咗一半貨,張建宗條仆街死大市

    回覆刪除
  26. 偉哥&各位大大:
    有個問題一直想問,雖然我知應該好白痴,但真係唔明白...
    點解新股發行首日會跌市收場?以1701為例,IPO定價0.52元,買到IPO的人正常都係賺錢先會沽出吧~但在暗盤市場時或競價時段點解會有人願意以低於0.52元的價格賣比人呢?
    諗唔明....

    回覆刪除
    回覆
    1. 有樣野只值1蚊,但係我賣每件100蚊。
      搵左班fd幫我認購90%,有班傻仔見到跟住用100蚊買剩低果10%。
      跟住我班fd 50蚊平價賣出去,睇下仲有冇人買先?

      刪除
    2. 其中兩個原因:
      - 獲發國際配售股份的實質都是控股股東安插的自己人,< $0.52 暗盤沽可增加上市首日破發機會,逼公開發售抽到此股的散戶以 < $0.52 斬艦,自己人就可以用低於 IPO 定價收多點街貨,溝淡自己持貨成本
      - 配售者牌面以 $0.52 認購,實質可能只是 6-7 折甚至更低價認購,所以暗盤 < $0.52 沽都有得賺

      刪除
    3. 如果新股就一定會升的, 那認購新股是必贏?

      新股也是股票, 股票有升有跌好正常, 而大部份小型新股中長線都是會低於招股價的。

      同埋小型股國際配售好多黑暗的操作大家不知,但之前都應該聽過SFC嚴查國際配售回佣或折價配售的事, 是真實存在的。有些股票公開發售價是1元, 但實際上國際配售可能是0.8元配出街.....

      刪除
    4. 回依馬打 : 如果係自己人認購的話,不是應該兩方都已經有事前協議好一個"口頭禁售期"嗎?反則我仲乜要比個折讓價佢認購,然後一上市佢就止賺散水,仲要拖低我的股價?咁是否與新股發行方的初心有點矛盾?

      刪除
    5. 回偉哥 : 回佣或折價配售真的很難查...就正如買保險私底下回佣一樣,可以用各種方式迴避監管方。但如果新股發行者的業務係優質的,招股價是合理甚至係"低水"的,咁理論上應該不太擔憂吧?

      刪除
    6. 當然, 如果你對該新股認識夠深入, 認為估值低水, 不需太擔憂.....關鍵是你對該新股認識夠深入。

      其實這道理放諸其它股票一樣適用, 不只是新股, 關鍵是你對持有的股票有足夠深入的研究, 對其有信心, 則股價跌也不足為慮。

      刪除
    7. 完全同意偉哥這說法,所以對2136從不擔憂。

      刪除
  27. https://inews.hket.com/article/2411517/?lcc=an
    中美貿易戰談判進展緩慢,中美角力戰線則愈擴愈長,只是今次不是由美國總統特朗普政府發動,而是美國國會,令「股神」巴菲特(Warren Buffett)都可能躺着中槍。美國國會立法禁止政府採購中國品牌汽車與火車,巴菲特對比亞迪(BYD)的投資恐怕首當其衝,股神買比亞迪勁賺500%的比率或要打上折扣。


    百事以$1.8買入1837五谷磨房26%普通股會吾會被BAN ??

    回覆刪除
  28. 【明報專訊】今次港交所(0388)諮詢引來不少大型企業回應,其中一項最終即將實施的新規備受爭議,即延長對公司在控制權變動之後對主要業務的「禁售期」,由原有的24個月延長至36個月,金融界議員張華峰指出,此舉或令公司失去靈活性,難以調動資產,並非順應市場趨勢。

    https://www.hkex.com.hk/News/News-Release/2019/190726news?sc_lang=zh-HK

    https://m.mingpao.com/pns/%e7%b6%93%e6%bf%9f/article/20190727/s00004/1564166555989/%e6%98%93%e6%89%8b%e5%be%8c%e7%a6%81%e5%94%ae%e6%9c%9f%e5%bb%b6%e9%95%b7-%e5%bc%b5%e8%8f%af%e5%b3%b0-%e6%ac%a0%e9%9d%88%e6%b4%bb%e5%85%ac%e5%8f%b8%e9%9b%a3%e8%aa%bf%e5%8b%95%e8%b3%87%e7%94%a2

    回覆刪除
    回覆
    1. https://m.mingpao.com/pns/%e7%b6%93%e6%bf%9f/article/20190727/s00004/1564166554647/%e6%b8%af%e4%ba%a4%e6%89%80%e6%ae%bc%e8%82%a1%e8%ab%ae%e8%a9%a2%e3%80%8c%e8%ae%93%e6%ad%a5%e3%80%8d-%e5%88%aa%e6%a2%9d%e6%96%87%e5%85%8d%e9%98%bb%e7%99%bd%e6%ad%a6%e5%a3%ab%e7%ad%89%e8%9e%8d%e8%b3%87%e6%b4%bb%e5%8b%95-%e6%96%b0%e8%a6%8f10%e6%9c%88%e7%94%9f%e6%95%88

      ... 刪除要求陷入財困或淨負債的上市公司,在反向收購後需符合上市規則要求,以及删去部分界定殼股時「一連串交易」的活動,估計是回應市場有關影響上市公司運作,以及上市公司尋覓「白武士」門檻上升的疑慮。

      ... 瀕臨停牌的公司會尋求注入新資產挽救,希望重新達到上市要求,因此倘建議實施,如要達至上市要求,所注入資產必須要彌補之前所有虧損,令投資難度加大,最終建議於諮詢總結中被刪除。

      刪除
  29. (不是講政治因為可能8月發生) 先天下憂而憂,看來祗有解放軍入城才可平亂,到時必捉人又封報,重大壞消息恆指可以裂口跌幾多呢?嗚呼哀哉我仍有很多股票。

    回覆刪除
    回覆
    1. 要用武力警察都夠啦,唯恐天下不亂。去第二度講啦

      刪除
    2. 不可瞎眼當乜看不見.誰人想見呢.但投資者也要風險評估.這不是談政.是切身的股票風險.可以一舖清袋.為什麽不可以交流呢?掩耳盜鈴。

      刪除
    3. "嗚呼哀哉我仍有很多股票。" 唔駛擔心甘多,你既然評估了可能有一鋪清袋既風險,星期一清左倉先,睇定d, 下下年再入都未遲。

      刪除
  30. 我6月未驚過仍有買入,但是721後,開始識驚,林鄭潛水不尋常,似大風暴前夕,星期一要賣一半貨啦。

    回覆刪除
    回覆
    1. 我批死你一定唔會沽一半貨, 721後,開始識驚仲未沽貨, 你呢D人講又唔做, 到真係清倉就股市最低位清, 之後就升返, 你又高追....

      刪除
  31. 371 建銀真係好有耐性,
    偉哥,你地覺得可唔可以炒下波幅?

    回覆刪除
    回覆
    1. 之前都講過,買得太慢,對股價好難有作用,會德豐每幾個月就買1%九倉,九倉都係唔識升。建銀放慢速度,值博率就急降

      刪除
    2. 我都明白你既講法,但如果估計到長江會收集到10%,合理估計現有持貨者應該唔賣架喎?

      刪除
  32. 大家有賺嘅股票快啲走一走先,愈來愈感到不安,有可能會大瀉。 偉哥及網友們小心為上,持盈保泰。 若果贏變輸,再要想辦法追番,心理壓力好大。🥶

    回覆刪除
    回覆
    1. 星期五走左八成.上次港股大時代一早左,但睇低左政治市,太早入返場. 今次會小心,最怕係中美戰既支線.

      刪除
    2. 真係幾嚇人,但同股市未必有大關係了,係個別股份,例如酒店有影响

      刪除
    3. 好似美股咁,國家力量咁大,要自己升就升,要香港跌就跌. 政治市最怕這樣. 總之要玩唔緊要, 要有心理準備.

      刪除
  33. 今晚差佬終於認真做嘢,聽日國務院press conference相信會好tough, 大市睇怕會好chok

    回覆刪除
    回覆
    1. 我反而覺得應該係講廢話多,可以等一日先開個記者會

      刪除
    2. 又係個三樣,支持777,遣責示威者,保持一國兩制

      刪除
  34. https://news.sina.com.cn/c/zj/2019-07-28/doc-ihytcerm6893870.shtml
    近期中国企业采购美国农产品取得进展

    回覆刪除
  35. 大陸地方債雖然唔會崩盤,但局部定點爆雷都係免不了。

    China's CCB to give $291 billion in financing support to Hunan province

    https://www.reuters.com/article/us-china-economy-bank-idUSKCN1UK081

    回覆刪除
  36. 現在開始進入互相傷害階段,而所有香港人做好埋單的準備了嗎?
    都是內房和內銀股可靠!

    本地股寒冬將至
    https://news.mingpao.com/pns/%e7%b6%93%e6%bf%9f/article/20190729/s00004/1564339112251/%e8%94%a1%e9%87%91%e5%bc%b7-%e6%9c%ac%e5%9c%b0%e8%82%a1%e5%af%92%e5%86%ac%e5%b0%87%e8%87%b3

    回覆刪除
    回覆
    1. 社評:深圳成先行示範區 香港不進則退堪憂
      https://news.mingpao.com/pns/%e7%a4%be%e8%a9%95/article/20190729/s00003/1564339082330/%e7%a4%be%e8%a9%95-%e6%b7%b1%e5%9c%b3%e6%88%90%e5%85%88%e8%a1%8c%e7%a4%ba%e7%af%84%e5%8d%80-%e9%a6%99%e6%b8%af%e4%b8%8d%e9%80%b2%e5%89%87%e9%80%80%e5%a0%aa%e6%86%82

      50年不變期滿,香港并入深圳成為深港直轄市,看來已是無可避免。

      除了大多數港人知道的創科產業領頭之外;在民生方面,深圳的電子貨弊、電動公車(包括巴士和的士)等都比香港先進。醒覺吧,香港人。

      刪除
    2. 你問下自己點解留系香港唔系深圳.你就有答案啦.

      刪除
    3. 笑鳥,樓上師兄唔好咁坦白啦~

      刪除
    4. 師兄, 如果Louis留喺深圳, 佢就上唔到呢度發表偉論架啦, 原諒佢吧哈哈

      刪除
    5. 無理由架, 有翻牆, 不過比人發現唔知會唔會扣信用分, XD

      刪除
    6. 其實國際城市唔係一個國家想要就有,係要其他國家認同,當hk變做直轄市,其他國家還會理你其他野先唔先進咩,醒下啦

      刪除
    7. 投資者不要掩耳盗鈴.要面對現實.變成直轄市不無可能.美國也以香港為磨心的。

      刪除
    8. 大家不必大驚小怪,香港盛極必衰, 符合自然規律, 這是一個循序漸進的過程!

      刪除
    9. 維兄,我成日去深圳,本地人係上唔到嘅,要香港漫遊先得

      刪除
    10. blogspot係Google旗下的
      Local內地網真係好大機會上唔到

      刪除
    11. 1997年時,成個珠三角9市gdp不過香港的80%左右。到2018年,珠三角9市gdp已經達香港3倍有多,深圳、廣州已經追平香港,人均gdp從不值一提已經到香港一半。香港內耗多10年,廣州深圳人均gdp會追平香港,香港內耗20年,成個珠三角9市人均gdp會追平香港,總gdp會達到香港10倍。

      刪除
    12. 同內耗有咩關係呢?香港從80年代已經係大陸最大外資,今時今日仍然係國企最大集資地方。2千億基建投資,你認為融合得唔夠?

      刪除
    13. 內耗當然有關係,本來要20年,15年就死直。香港最大的資金來源已經係中資,香港依個金融賭場,籌碼同賭資都中國都占大半,邊日想將賭場開去第二個地方容乜易,尤其2027年中國gdp會超過美國,2030年甚至會達到美國的兩倍,人民幣想唔國際化都唔得,如果計埋世界第一大經濟體及高科技陸續追過美國對人民幣的溢價作用,可能會更快。20年後香港收小皮係大概率事件,會唔會收大皮,要睇人民幣國際化後,金融賭場會唔會俾收翻,香港內耗會係一大主因。

      刪除
    14. 2030年筆誤,應為2040年,唔使等到50年不變的2047年

      刪除
    15. 国企係香港上市,係香港提拱咗資金,not the other way around. 呢個唔重要,我想講係你所謂"內耗"從冇停止香港融入內地。金融如果大陸敢開放早開咗,唔會因為你有冇內耗改變。

      刪除
  37. 大市近期成交縮左唔少, 似乎好多投資者都係減倉觀望為主。

    局勢是非常不明朗, 本地股首當其衝。

    回覆刪除
  38. 信義能源(03868),呢隻股偉哥你點睇?

    回覆刪除
    回覆
    1. 高息引誘投資者, 主要隱憂是政府補助都是應收帳居多, 唔知幾時收得返, 上市時母公司好似話為這些應收帳包底。

      我自己興趣一般, 沒有深入研究。

      刪除
  39. 請問偉哥今日有無心水接刀?

    回覆刪除
    回覆
    1. 我諗不論大戶或散戶, 就算對香港前景幾樂觀都好, 目前環境、氣氛下都是傾向減持多於增持, 持有多些現金, 以防形勢急劇惡化。

      刪除
  40. 南方能源(01573.HK)遭Emerson Analytics狙擊指其誇大收入達五倍
    http://www.aastocks.com/tc/stocks/news/aafn-news/NOW.954761/2

    上市已開始造假!
    狙擊new target!

    回覆刪除
  41. 1132 會跌到$0.2嗎? 2136呢? 等等等加注?
    2182 走勢好差, 無貨

    回覆刪除
    回覆
    1. 1132 之前忍痛斷斬左,剩返2手睇下戲算數。
      2136繼續等。。。

      刪除
  42. 冇上一排,點解依家wai gor blog靜到咁?

    回覆刪除
    回覆
    1. 同大市成交都一樣靜左,好配合 XD

      刪除
    2. 冇意欲買賣, 也沒有心機討論。

      刪除
    3. 中央吾理,no news is bad news

      刪除
  43. 小弟淺薄一問,之後幾個月是否冇新股上市?還是尚未批復?

    回覆刪除
    回覆
    1. 已通過聆訊的新股會在下列連結見到資料:

      https://www1.hkexnews.hk/app/appindex.html?lang=zh

      刪除
  44. 呀爺冇料到?睇大公報一模樣,獨獨放心可繼續party,8月都係亂局,港股點有運行,恆指易幻發我都厭高左,好多三線股衰過2萬5時,戰戰兢兢二個月,日日D港聞沉重,血壓升高,我又時都做駝鳥不看tv不聴收音機。依道都靜晒,大家可能沒意欲,氣氛真影响心情,去看邊處機票平,玩拾幾天回來,希望明天會更好。

    回覆刪除
    回覆
    1. 見呀爺冇料到,沒殺傷言詞,個市戓暫止瀉些,遠看內外都有壞消息的,收市前沽了30%貨,明天中美談判或升市,再沽些。

      刪除
    2. 呀爺點會有料到啊! 不過是用時間磨醒港人Lor!

      刪除
  45. 偉哥 2339低位潛水應點處置?
    美國金蛋迉未注入
    你之前估算係今年完成?

    回覆刪除
  46. 賺到錢的時候,記得區分是“能力”還是“運氣”在發揮作用! !如果買入股票後能夠安心睡覺,不因短期的漲跌而悲喜,那多半是因為能力到位了。如果隨波逐流,人云亦云,一點風吹草動就惶恐不已,說明即使賺到錢了,也僅僅是因為運氣。能夠理性地區分運氣和能力,便可防守能力圈範圍,不斷總結,在動蕩的股市中鎖定確定性的收益。

    回覆刪除
    回覆
    1. Simon兄說得很好,吓吓靠運遲早出事

      刪除
    2. 記得以前舊老世向大老花匯報最大持倉升得好勁個陣,然後加句係好運因為推動股價既因素係完全unexpected,個野服左佢

      刪除
    3. 財不入快門,去年兩個半買了81收息,今年也是兩個半買了2868收息。
      來之則安,用時間慢慢磨它們十年八年!

      刪除
  47. 371今天會否炒上之後大手沽出???

    回覆刪除
  48. 3813似乎唔係重提私有化,故沽出551@22.4,輸幾格離場。

    有說法是今年業績優於預期之外,還有是百麗分拆上市,估值會遠高於3813。

    回覆刪除
  49. 敢因,大成交陽觸突破,長倉繼續坐。

    回覆刪除
  50. 幾隻教育半新股382、1935及1769一齊郁。

    好可惜止蝕了1769, 不然集齊一套3隻, 近排大幅跑贏。

    回覆刪除
  51. 回覆
    1. 我諗可能會發盈警。

      刪除
    2. wai gor, 咁佢上升既催化劑是什麼??
      我見佢陰跌左好耐

      刪除
    3. 等鐵礦石價格跌及2021年產能提升。

      https://www1.hkexnews.hk/listedco/listconews/sehk/2019/0328/ltn201903281532_c.pdf

      刪除
  52. 2182今日升, 唔知同大型同業計劃香港上市有冇關係。

    https://xueqiu.com/2854806290/130355809

    回覆刪除
    回覆
    1. 偉哥,雖然今日升,但係2182尋日跌7% 。
      尋日咁樣跌法有冇咩啟示?

      刪除
    2. 我只係諗到大跌市, 信心不足者沽貨, 唔知有乜其它啟示。

      刪除
    3. 缺乏流動性 ,2182這類細股用好小錢已經可以畫圖,股價表現與實際價值吾一定有關係

      刪除
  53. 334。。。輸左一半
    師兄們係咪都長揸緊?

    回覆刪除
  54. 1830及2138 這兩隻之前被資金追捧美容股,係咪已經失寵?

    回覆刪除
    回覆
    1. 算係本地消費股, 會受近期消費意欲低迷所影響。

      加上股價高企, 大部份投資者都獲利不菲, 似是減持獲利先。

      刪除

注意:只有此網誌的成員可以留言。