置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2019年3月21日 星期四

業績短評 (三)



亨得利 (03389)

亨得利的業績可以說平平穩穩,沒有什麼驚喜,如果要說小驚喜的話,那就是派發每股1.2分人民幣的末期股息,派息比率81%。

2018年上、下半年的盈利接近一致,而6800萬人民幣的盈利當中,有3000萬是屬於利息收入,只因帳面有約24億港元或每股0.51元的淨現金,如果這24億港元的現金好像旭日 (00393) 買債券收息,保守估計每年已可以收息1億元,只是看目前的利息收入,似乎主要是活期及定期存款,年息率只有1.3%左右。

自2014年後首次恢復派發正常股息,以現價計算股息率約3.5%,與上市同業比較不算高,但總算肯維持派發正常股息。有某大戶之前長期收集此股,今日見其沽盤不絕,不知是不滿意這份業績及派息,還是趁好消息沽貨獲利,基本上今日上午見到的大手主動沽盤,都是源自同一大戶。


重慶機電 (02722)

重慶機電2018年業績肯定比2017年為佳,但2018年下半年核心盈利是比2018年上半年倒退不少。

2018年上半年核心盈利每股4.87分人民幣



而2018年全年的核心盈利是每股6分人民幣,即是說下半年核心盈利只有每股1.13分人民幣。


對比2017年,重慶機電2018年的盈利、資產負債表及經營現金流都有改善,只是見2018年下半年業績已開始倒退,不知今年能否維持到2018年的業績,加上以核心盈利的每股6分人民幣計算,往績市盈率已超過10倍,所以今早趁高先行沽出獲利。

其實同日公佈業績的葉氏化工 (00408) 也有類似情況,2018年下半年核心盈利比2018年上半年有所倒退,所以今早股價都是倒跌。

81 則留言:

  1. 最近幾天的內房股就好像抽水機一樣,將市場資金吸乾, 正是一將功成百骨枯!

    回覆刪除
    回覆
    1. 內房其實已反彈許多,今天報紙仍然有報導叫人追落後買內房,偉哥點睇依個版塊?

      刪除
    2. 大家一向都知我不是太好內房股, 而組合持有的也只有兩隻假內房, 即是不會跟內房板塊升的內房股。

      刪除
    3. 目前的走勢只是略為平反內房股多年來的冤屈, 還有很長的路要走!

      例如81和817的股價會在5年內翻倍, 包括股息在內,以目前的價格計算, 平均每年有25%~30%的回報是非常合理和符合邏輯的期望! 一點也不算貪心!!!

      刪除
  2. 新股康希諾公開發售基本上肯定超額50倍以上, 就看看能否超額100倍以上。如果冇記錯, 好似自上年5月的平安好醫生後, 已經沒有集資超過10億元的新股, 公開發售錄得100倍以上超額。

    看看康希諾能否打破接近10個月的凍資及超額紀錄。

    回覆刪除
  3. 下午看合和股價就知私有化能否過關。

    【合和私有化】小股東大嗌反對!「有咩理由食咗我哋60蚊嘅嘢」
    記者訪問多位小股東均支持私有化提案,當中周先生期望套現後再作其他投資,認為胡應湘「做嘢非常好,不過係差少少運氣」。近數年購入合和股份的張先生同樣支持提案,形容「好耐都無見過呢個價錢」。

    不過,有股東在登記處大嗌反對,「有咩理由$38.8就食咗我哋60約蚊嘅嘢(每股資產淨值)」。合和開市後企穩,暫報36.7元,升0.8%,與私有化作價差距半成。

    https://hk.finance.appledaily.com/finance/realtime/article/20190321/59393303

    回覆刪除
    回覆
    1. 當然不會了, 我之前都話連獨立投票顧問都支持佢地, 私有化過關機會已大增, 加上下午開市後似是鴨仔出動, 估計已過關。

      刪除
    2. 基本上中央證券登記及合和管理層現在已知道私有化結果, 所以如果股份冇停牌的話, 鴨仔已出動。

      刪除
    3. 明白,謝偉哥回答!獨立投票顧問份工真係好易做,隨意用些PE,PB對比一下就話贊成。

      刪除
    4. 不過咁大單o野,感覺都係要停牌後先有最終結果

      刪除
    5. 胡應湘:私有化成不成事都努力為股東做事
      https://www2.hkej.com/instantnews/stock/article/2087639/%E8%83%A1%E6%87%89%E6%B9%98%3A%E7%A7%81%E6%9C%89%E5%8C%96%E6%88%90%E4%B8%8D%E6%88%90%E4%BA%8B%E9%83%BD%E5%8A%AA%E5%8A%9B%E7%82%BA%E8%82%A1%E6%9D%B1%E5%81%9A%E4%BA%8B
      ......此前,在法院會議上有股東不滿要約價與資產淨值折讓,要求會上的法律顧問代表反對的股東打官司,並質疑取消數人頭的做法不公平。他於法院會議後報警,於股東特別大會開始前有兩名警員進場陪同他離開。

      刪除
    6. 結果今晚先出通告,但實際上內線人士已知結果, 而睇股價就是鴨仔先行。

      刪除
    7. 都說了下午開市鴨仔已出動, 當時內部應該已有私有化投票結果了。

      刪除
  4. 回覆
    1. 我都睇定D, 唔敢溝貨。

      等星期五晚睇下昨天誰沽貨先, 或者是消息公佈前的春江鴨出貨獲利。

      等佢下星期公佈業績, 應該有多D詳情披露。

      刪除
    2. 睇返Webb-site ,似係DBS 沽

      刪除
  5. 回覆
    1. D股仔呢兩日都好靜、好弱。

      刪除
    2. 今日手多, 2168小注8.7買番昨日8.96出! 另一只371希望快D加油啦.

      刪除
  6. 阿爺一句降費提速,股價就跌到一僕一碌,一句5G雲概念,又炒上創52週新高,中午出咗個不算太差的業績,即時又見光死。

    回覆刪除
    回覆
    1. 呢隻我主力做期權短倉,認真好玩。

      刪除
    2. 之前用垃圾價平咗SP,以為SC85一定被行使,剛剛又補回SP了。

      刪除
  7. 想問下大家點解885大股東可以業績期買賣?
    http://www.etnet.com.hk/www/tc/stocks/realtime/quote_ca_sdi.php?code=885

    回覆刪除
    回覆
    1. 885 同 996 應該係衰同一樣野,都係同一班人。

      刪除
    2. 同一系。

      賴小民出事後, 豬朋狗友的資金鏈斷左, 冇好日子過, 唔只景生, 季生都係, 睇下607、2098呢幾隻。

      好想沽空2098。

      刪除
    3. 可以睇下華融持重倉的股份, 都冇邊隻有好日子過。

      https://webb-site.com/ccass/cholder.asp?part=221&d=2019-03-20

      刪除
    4. 所以被動式買賣(斬倉),算唔算犯規,港交所會點要求?

      刪除
    5. 隻996 停左牌,想睇下佢點講,琴日港股通成交左1 億,但全日先係1.43 億成交

      刪除
    6. 應該咁講,如果大股東係‘被動式’ 沽貨,證監會未必會追究。好多時候依D case都係隻眼開隻眼閉

      刪除
    7. 按道理就算唔追究,都應該出公告,講明重有幾多貨有抵押,抵押價系幾多。 唔系d規定型同虛設。

      刪除
  8. 371收市競價時段成交了差不多一千萬股, 不知是否長江電力開始入市買貨。

    回覆刪除
    回覆
    1. 但實際上自1月20日公佈配股予長江電力後, 市場上的累積沽空數一直在減。

      https://webb-site.com/dbpub/short.asp?i=827

      刪除
    2. 睇番3月19號 有四億幾股由non ccass轉落ccb個倉
      呢個倉應該係長江電力?
      但配左股係咪一定要轉番入ccass?
      長江電力會唔會另有所圖?

      刪除
  9. 前幾日已經被人幾棍幾棍打落去,為左靚價位入貨。

    回覆刪除
  10. 見佢兩日都企喺4.7, 今日胆粗粗加左.

    回覆刪除
  11. 想問下大家,著唔著重睇即市買賣盤去買或沽一隻股票,有無得分享心得,有時真係唔知係沽緊定買緊貨,偉哥會唔會寫下呢方面,當年你成日去金魚缸睇

    回覆刪除
    回覆
    1. 如果一隻即市有動態嘅股票沽盤異常大過買盤通常都係會升,相反如果買盤特別大而即市走勢向下都係會跌

      刪除
    2. 通常如果買盤異常大,每個價都係幾M,大部份都係假盤,莊家常用技倆,散戶成日中伏。相反,如果賣盤勁多反而係收貨格,因為咁多沽盤一般散戶根本食唔到,所以我先成日話要從莊家角度出發。

      刪除
    3. 好多股隻在爆升飛天前的一天交易日,無離頭被插到暈,係一插連質低幾個價位,老散或會雞飛狗走,跌勢幾恐佈,但翌日一開市就裂口大升,會令人摸不着邊際,最近例子,2232 晶苑國際。

      刪除
    4. 原來2232又打回原形了, 也不奇怪, 1234都回吐了差不多一半的升幅。

      刪除
    5. 学生哥可否分享點解買8430 博乜
      你講左我就留意吓 原來跌左好幾日了仲未識停

      刪除
    6. 其實我係純粹覺得隻野好搞笑,買少少博下,因為隻野似出貨格但又好古怪,輸左咪當去左過旅行,我承認依隻野我都無乜信心,好高風險。

      刪除
    7. 謝謝解惑 這些都是庄股吧 股價舞高弄低大多數越炒越低 唔系藝高都冇膽玩

      刪除
    8. 其實大部分股都係莊股,只不過係計大莊定小莊,莊都有分好人定衰人,好D都有肉食下,好似8430 依D就屎都無得你食。所以依家炒垃圾股都要小心為上,好易中伏。

      刪除
    9. 請教一下, 昨天636由開市高位14.02一路打落去最低13.44, 但資金是買入, 是不是大戶買貨?另外1240差不多日日都係資金流入,但股價長期向下,真係好唔明呀

      刪除
  12. 學生兄,
    我自己都想學多d。
    唔知可唔可以分享多少少,點樣由莊家角度出發呢?

    感謝

    回覆刪除
    回覆
    1. 其實都唔係D乜特別野,依種技倆叫搭棚,即係係買盤或賣盤中出現一大堆盤,例如係買盤最上有超多球,比散戶覺得係支持位,就係不問價直掃ask 個邊嘅沽盤,到成交得差唔多,所有買盤會突然消失,散戶個刻先知中伏,收貨mode 就同以上操作調轉就得。

      刪除
    2. 學生哥兄通常會點樣決定等一隻股票幾耐?有時明知莊家收貨跟住入,但佢唔炒高散貨,搞到唔知放唔放好

      刪除
    3. 多謝學生哥指導,我想知8482係係度收緊貨定放緊貨?佢成日沽個價落黎,好似今日咁突然由2.55升到2.90,收市時又跌返落去,佢沽盤成日都好多,買盤就好少,d證券行大部分都係越秀證券,照你既教導佢地係收緊貨?

      刪除
    4. jason兄,

      自已覺得越秀的盤冇乜指導性,
      不必重視.

      刪除
  13. 學生哥兄,如果好似今日1765咁樣?似係沽定買?因為post唔到相上黎,原本唔想開no.

    回覆刪除
    回覆
    1. san san,

      睇返1765大利事晝面及最後半小時成交,
      不是買緊,
      最多只是想頂住個價.

      刪除
  14. Cheers!
    54合和實業
    法院會議及股東特別大會之結果
    http://www3.hkexnews.hk/listedco/listconews/sehk/2019/0321/LTN20190321628_C.pdf
    於二零一九年三月二十一日(星期四),批准該計劃的決議案於法院會議上獲無利害關係股東通過。
    於二零一九年三月二十一日(星期四),批准及落實該計劃(包括減少本公司股本)的特別決議案於股東特別大會上獲股東通過。

    回覆刪除
    回覆
    1. 賤價私有化都可以大比數通過, 其實係好可悲的事。

      私有化估值一間比一間低, 不斷測試小股東的底線, 如果仍有底線的話。

      刪除
    2. 同意......之前賣野已經派得少息
      仲要出個咁既賤價.....

      刪除
    3. 大部份股東都好短線

      刪除
  15. 334 母公司 TCL 集團業績發佈記者會 Q&A 節錄,幾多篇幅講關於柔屏量產製造的進度:

    https://xueqiu.com/6571616571/123486768

    回覆刪除
  16. 2136比蘋果唱完就無運行到而家
    嗰日有位師兄話做沽空,唔知最終有冇做到

    回覆刪除
    回覆
    1. 2136 應該唔會私有化, 預佢等2年啦

      刪除
  17. 今日大家在網上見拖住隻巨型 KAWS 公仔在維港 "暢泳" 的拖船就是屬於近日話題新股,罕有一成配售,九成公開發售的 "潤利海事" (2682)。

    回覆刪除
  18. 偉哥, 想請教下你o係邊度睇到葉氏化工既核心盈利倒退? 應該睇業績邊部份?

    回覆刪除
    回覆
    1. P29/40 溶劑塗料油墨同潤滑油都跌?
      偉哥話上下半年,要睇埋上半年那份 p. 24/34.

      刪除

注意:只有此網誌的成員可以留言。