置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年12月5日 星期三

沽空中外運航運 (00368) 的交易邏輯


沽空中外運航運,是受到今年兩宗意料之外的私有化失敗個案 (國浩集團 (00053)、寶勝國際 (03813)) 所啟發。

近年私有化失敗個案越來越多,從去年中興發鋁業 (00098)私有化失敗起計,其後還有新世界中國百貨 (00825)、新城發展 (01030)、寶勝國際 (03813)及上月初的國浩集團 (00053),當中我自己有參與的包括興發鋁業、新世界百貨及新城發展,而寶勝國際及國浩的值博率一般,所以當時沒有參與。

上述5間公司私有化失敗後,僅得新城發展可於翌日上升,主要是因為在表決前,股價已高於私有化作價,市場已一致預期私有化會失敗,但其餘4間公司翌日股價都是下跌的,當中跌得最多的是寶勝,翌日股價一度大跌37%,收市跌31%,其次就是上月初私有化失敗的國浩,股價收市大跌約24%,其餘2間公司的跌幅就相對輕微。

為什麼寶勝國際及國浩集團的跌幅會如此大? 我相信最大的原因是市場對於這兩宗私有化表決前基本上是一致預期會成功的,這預期主要反映在表決前股價的折讓幅度,寶勝私有化作價2.03元, 表決前一天的收市價是2元,折讓僅1.5%;國浩私有化作價135元,表決前一天收市價132元,折讓僅2.2%,當這種折讓低於2-3%的,我們一般的預期都是私有化“極大”機會通過的,也因此一旦私有化失敗的話,股價通常以大跌來回應。

因應這兩宗私有化失敗個案,我自己有個構思是在私有化表決前,先行沽空一些股價折讓很小的擬私有化股,博一旦私有化失敗的話,股價會大跌;而萬一私有化成功的話,潛在虧損也有限。當然這構思只限於以協議計劃方式 (Scheme of Arrangement) 私有化的股票;如果是要約形式私有化,例如當年的新世界中國 (00917) 及後來的新世界中國百貨 (00825),則要約到期前沽空的風險極高,我自己絕對不會冒此風險。

中外運航運將於12月13日表決私有化決議,私有化作價是每股2.7元,我自己早前以每股2.61元沽空,比私有化作價有3.3%的折讓,即是說萬一私有化成功的話,我最多每股輸9仙或3.45%;而私有化失敗的話,我相信股價回落到2元的機會頗高,潛在回報約23%。


中外運航運私有化估值相當於0.75倍市帳率,也比消息公佈前的股價1.8元有50%溢價。坦白說這作價並不算吸引,尤其是公司帳面有高達每股1.3港元的淨現金,如果母公司可以以2.7元作價私有化的話,是撿了大便宜。大家可以看看私有化通函中,財顧提供的參考數據:


目前上市同業的平均市帳率是1.03倍,中位數是0.83倍,但中外運航運的私有化作價只有0.75倍市帳率,遠遠低於上市同業平均值,更何況中外運航運的資產中有高達每股1.3元的淨現金,財務狀況是上市同行中最佳的,所以這個估值是極低的!

在9月底公佈私有化時,我自己覺得私有化作價並不吸引,但當時市場氣氛很差,所以我仍覺得通過機會頗高;現在市況已穩定下來,這作價被否決的機會不低。當然,中外運航運作為國企,或許已暗中聯絡了友好投票支持通過也說不定,所以我只是以有限注碼去博,不會重注。

和我有同樣想法的投資者相信不少。我第一次沽空是11月23日,然後11月26日第二次沽空及同日下午在網誌分享,而剛好那兩天的沽空比率大幅上升,但事先我沒有與任何人分享我的操作,所以這兩天的沽空比率突然大幅提高,估計是很多投機者和我想法一樣,都是因為11月20日才公佈私有化通函,有了確實的表決日期,不需要無了期的等待,沽空的借貨成本也確定,故此大家都加入做這個事件驅動的沽空交易。



中外運航運目前股價已稍為回落至2.55元,即是現在才加入沽空的話,潛在最大虧損大約6%,而潛在回報只有大約21%,值博率比之前已稍為下降。


引伸閱讀:

中外运航运复牌12天股价回原点 私有化溢价近五成分歧仍存



208 則留言:

  1. 今日大市雖然跌440點, 但市場整體氣氛不是太差, 我的組合中竟然有8隻持股是上升的。

    回覆刪除
    回覆
    1. 增持左小小1968+2683+1729,繼續等待價值回歸...可惜頭兩大持倉2339+2136都跌...

      刪除
    2. 最近買左8611+8133+8218
      8611比人洗倉之後潮商又買番,另外6 倍PE買多左少少博反彈
      8133 大股東0.08 增持左1 億股,現價0.04 博彈上0.05-0.06
      8218 最近轉倉活動同最近一隻爆升創仔好似,加上市值6 千萬,買左少注玩下,最多total loss

      刪除
    3. 學生哥講得好瀟灑......買左少注玩下,最多total loss.

      刪除
    4. 買依D垃圾股當然要有total loss 嘅準備,所以控制注碼好緊要。炒股要好清楚目的,要知道自己係投資定投機,最怕係買左D垃圾重要同佢過人世就死得人多

      刪除
    5. 可惜我有心臟病,唔玩得垃圾股.

      刪除
  2. 今日3隻新股的暗盤市場也沒有太受大跌市影響, 升跌幅度不大。

    暗盤撈了注2168@平均價9.21, 看看明天保母會否出來護盤, 又或者會否複製1755的走勢....雖則2168的街貨遠多於1755。

    回覆刪除
    回覆
    1. 偉哥對1119無興趣?參照新城悅走勢,2168可能要揸多一段時間。。。

      刪除
    2. 偉哥不嬲都安全過安全套,唔太鐘意D遊戲或電莖系嘅股票

      刪除
    3. 都唔係架, 之前的3319就試過暗盤跌些少接左貨, 然後第二日上市跌到儍左, 好彩之後都升得返上招股價比我獲利離場。

      刪除
    4. 我覺得3隻新股,我比較喜歡3668,雖然最貴,招股書影左個煤礦場好似西片咁,架車車牌28,堅正!1119定價咁進取㗎!2168近排地產回升,帶升物管啩。哈哈~

      刪除
    5. 02168暗盘收对应yr17 PE 15.9....而截至30/6/18经营溢利已超30/6/17对比↑10%


      对比同业现价PE(ttx)
      01755 27倍
      03319 27倍
      06098 69倍
      02869 38倍
      01778 11.6倍

      而且我认为佳兆业物业收好多管理费系出自非住宅,响大陆,住宅嘅管理费好多时受政府指导,业主立案法团会阿支阿咗...而非住宅(酒店式公寓,商务公寓)无呢D限制

      最惨系回拨30%...加上佳兆业股东有D优先配售,要D时间先可以消化呢部份货。

      刪除
    6. 2168估值算平的, 但街貨比較多, 明天的沽壓應該不小, 如果保母唔護盤的話, 股價甚大機會再低於暗盤價。

      刪除
    7. 佳兆業基本因素而言,於同業中算係頗差,差勁程度同彩生活有得比,街貨又多,唔睇好

      刪除
    8. 真係咁差? 咁唯有希望保母有5百幾萬股的護盤資金可以頂一頂。

      刪除
    9. 8.88撈了偉哥底

      刪除
    10. 2168班兄弟博晒老命護盤,另外2隻都晨咁早喺度

      刪除
    11. 基本因素當然差!其他隻隻多賺起碼30-40%,分分鐘逾100%,佢只係多賺10%,阿媽佳兆業賣樓又唔係好高增長,又多散戶持貨,除非有強莊刻意炒上,否則批死佢第日一定跑輸其他同業

      刪除
    12. 我入左DD3668@23.35,入3.5泉泉溝下

      刪除
  3. 協議計劃方式系咪解冇得提價

    回覆刪除
    回覆
    1. 唔關提唔提價事, 係協議計劃方式不需要事先鎖定股票, 但要約方式會以接納要約方式表達你的意願, 會完全鎖定已接納要約的股份, 令市場流通量大幅減少, 所以一旦私有化通過的話, 如果沽空盤太多, 在市場流通量大幅減少的情況下, 沽空盤平倉就會很危險, 可能出現當年917的情況。

      刪除
  4. 剛留意到原來368的私有化財顧又是UBS, 春泉先同佢地同一陣線, 而家大家又要站在相反立場了。

    上次我要求提價但最終私有化失敗的825, 財顧也是UBS, 希望今次368結果也一樣。

    回覆刪除
    回覆
    1. 咁UBS係咪好笨實㗎,收人錢財應替人消災噃

      刪除
  5. 大跌市下成交只有800億少些:)

    回覆刪除
    回覆
    1. 昨晚美國d程式盤又出事,所以唔算好跟沽.年尾,其實冇咩好買.

      刪除
  6. 即使只是一塊小的地皮,總算高價成交, 還不錯!

    信置(00083.HK)近2.04億元奪嶼南道住宅地 樓面呎價1.76萬元遠高預期
    2018年12月5日 06:39:07 p.m. HKT, AAFN

    地政總署今日(5日)公布,一幅位於新界大嶼山長沙嶼南道的丈量約份第332約地段第765號的用地,以約2.0389億元批予信和置業(00083.HK)。該地皮上周五(11月30日)截標,共收到12份標書。

    該地地盤面積約28,977平方呎,最高可建樓面約11,582平方呎,指定作私宅用途。以最高可建樓面計,成交樓面呎價約17,604元。市場估值介乎9,000萬元至1.16億元。(da/a)~

    阿思達克財經新聞

    回覆刪除
  7. 可惜自己工作問題,唔可以開IB戶口沽空368...

    3355偉哥覺得私有化機會大嗎? 不過呢隻無得沽空..

    回覆刪除
    回覆
    1. 我自己覺得3355的作價比368合理得多, 但亦要留意呢隻萬一又係意料之外的私有化失敗的話, 股價極大機會會裂口大跌35%, 所以要小心衡量自己能否承受這風險。

      刪除
    2. 我渣住隻903, 一直盼望中國電子會好似當年私有化長城電子咁私有化佢, 點佢佢走去私有化3355, 真係好傷心。

      刪除
  8. 想問下大家如果樓上住戶經常開大喇叭不斷播同一首歌, 而且極度傳聲, 搞到好似係我屋企播一樣,但係走廊或其它位置聽唔到的,係唔係用左共震喇叭? 我可以點應對?

    有冇人用過震樓神器?

    回覆刪除
    回覆
    1. 偉哥,你去得淘寶太多,正常管理處出面,真係搞唔店,你自己上門同佢deal(但唔建議你上去)

      刪除
    2. 已經投訴過幾次, 但管理處可以做的有限, 最多就貼張通告叫住戶自律。

      佢好醒目, 每晚11點前就熄機, 就算報警都冇用。

      最慘的全晚或者周末全日播同一首歌, 我問過管理處, 佢話我樓上住戶的樓上住戶都有同管理處投訴, 但管理處可以做的用限, 只能勸喻。

      而且係走廊又聽唔到大聲, 似乎只係我同埋佢樓上的住戶聽到。

      刪除
    3. https://forum.hkgolden.com/view.aspx?message=4891631&page=1

      刪除
    4. 剛同管理處投訴, 原來一早已有其它樓層住戶投訴, 有保安在各層樓走廊巡視, 看看是那一層的單位發噪音出來, 但我同另一層住戶之間相隔3層樓, 保安在這3層巡視都找不到噪音源, 是否因為用左共震喇叭的緣故, 所以只是上、下層單位內聽到, 走廊反而聽唔到?

      刪除
    5. 偉哥, 如果太煩絶對可以報警, 日日噪你可以日日報警, 又或者去環保署投訴, 管理處做唔到D乜
      https://www.gov.hk/tc/residents/environment/noise/airneighcomindnoise.htm

      仲有, 噪音投訴係24小時通用, 條例寫明:
      https://www.elegislation.gov.hk/hk/cap400!zh-Hant-HK?xpid=ID_1438403155815_001

      24小時任何時間都適用,任何人在住所或公眾地方因進行以下活動,發出擾人的噪音,即屬犯罪,一經定罪,最高可判罰款10,000元。但是,這條在時間上的廣泛條文,只適用於下列的處境(香港法例《噪音管制條例》 第5(1)及(2)條 :

      奏玩或操作任何樂器或其他器具,包括唱機、錄音機、收音機或電視機

      刪除
    6. 好, 謝謝,來緊會先同保安合作找出噪音源頭。真係好痴線, 我同樓上住戶中間隔左3層樓, 但大家都一齊投訴, 佢個共震喇叭都好勁。明晚再播的話, 我逐層去拍門, 睇下邊層是噪音源。

      有時真係忍無可忍, 唔做D野佢以為好好玩, 搞到小孩到11點都被吵到無得瞓, 我搵到噪音源再想辦法對付佢。

      刪除
    7. 如有任何噪音滋擾的投訴,可聯絡環保署或警方:環保署的顧客服務中心 (2838 3111) 及轄下4 個區域辦事處,負責處理工商業處所及建築地盤噪音的投訴。各區警署亦負責處理鄰里噪音、防盜警鐘和建築噪音的投訴。但在投訴之前,市民可先嘗試自行解決問題,例如先跟鄰居就噪音問題進行溝通、或向屋邨管理處尋求協助。

      刪除
    8. 偉哥,你要逼管理處做嘢,吾應該你去揾源頭,揾個管理處阿頭出來跟進事件,寫埋意見或投訴信,要覆返电話比你跟成點,如果係租戶管理處咪通知業主勸告佢囉!

      刪除
    9. 以前投訴完, 成日出個通告勸喻了事, 今次實在忍無可忍, 我要自己去搵出源頭, 然後搵其它同樣受影響的住戶開會傾傾如何解決問題。

      刪除
    10. 我自己都係hifi友,以前成日爆歌到一兩點,不過無人投訴過,都好驚嘈到人,問過隔離屋嘈唔嘈,佢地話無乜聲

      除非係勁重低音,否則好難傳三層樓的,唔知偉哥聽到咩歌?

      刪除
    11. 小鳳姐金曲之一......

      刪除
    12. 小鳳姐啲歌,無咩勁低音,正常好難傳聲幾層樓,唔知邊户出聲
      偉哥如果找到源頭,我都想八卦下佢用乜喇叭

      刪除
    13. 呢條友年紀有返咁上下加埋佢本身撞聾先咁玩

      刪除
    14. 熱烈地彈琴熱烈地唱!?

      刪除
    15. 震樓神器唔好玩啦,間屋係自己的話,上門好聲氣同佢傾傾,唔得先再算啦

      刪除
    16. 我曾經試過以為係上下層播音樂,點知原來係出面單車仔高播
      又一次係有人打開窗戶播
      結果係對面摟。
      但每一次都播到好大聲,同埋domdomdom 果種震音

      刪除
    17. 找警察同環保署冇大用,因為冇SEARCH WARRANT,佢唔開門都冇計。要用大廈公契行使權力,必要時民事告佢,公契一般都有條文control nuisance

      刪除
    18. 可能要串聯其他受影響的鄰居, 繼續通過管理處施壓。

      已經有好多鄰居投訴過, 但管理處次次都係貼張通告勸喻了事, 今次要持續施壓。

      刪除
    19. 偉哥,最直接方法係搵上門,當面對質,同管理處攪浪費時間,而且管理公司最叻係瀉博.
      我之前樓上每星期有兩晚都係劈酒,猜梅,好似有人打摔角咁,天花地震咁.玩到2-3點都吾識靜.叫管理處去睇,管理處話無乜聲.擺明無做野.
      有次忍無可忍上去拍佢門,同佢傾完,佢話吾知嘈到人.吹漲,自此佢有收歛左.但大廈隔音差.無計,我拿埋佢電話,每次一嘈,我都打佢手機叫佢靜d.

      刪除
    20. 哈哈, 我要先做金田一, 搵出邊個單位係噪音源。我昨晚行過幾層, 都搵唔到噪音源, 真係好離奇。但上幾層同一單位好多住戶都投訴, 即係噪音肯定存在。

      刪除
    21. 偉哥帶杯水行,放在可疑門口出面看看水有沒有震.

      刪除
    22. 哦, 我以為叫我帶埋紅油到時淋佢大門, 哈哈。

      刪除
    23. 我都試過聽到好嘈剁豬肉聲,以為係樓上, 搵搵下點知 原來係樓下

      刪除
    24. 嘩,刺激又好玩呀,如果我都係你偉哥到住,ㄧ定好玩

      刪除
    25. 金田偉哥,應問下管理處樓上是否新搬來先?正常大家樓上樓下住開咁多年,冇理由突然樓上有d咁古怪舉動發出聲音? 越聽你講越覺得未必係樓上發出這小鳳姐聲音.

      刪除
    26. 嗯, 今晚再播歌, 我要去樓下巡下, 睇下係唔係我一直以來的錯覺, 因為成日覺得聲音源自天花板。

      同埋唔係第一日, 而係已經一年幾, 以前都會自覺在10點就熄機, 但昨晚嘈到11點先熄, 所以同時有幾戶投訴, 保安要逐層巡樓找噪音源。

      刪除
    27. 聲音向上傳,如住中高層可能仲應聲過住中低層, 有机會聲音係下面傳上來

      刪除
    28. 咁都好誇張, 我住中層, 然後昨晚高我5層的住戶都要投訴, 而且只係室內聽到, 室外、窗門位置完全聽唔到, 所以全層樓只有我住的那個單位好幾個住戶不斷投訴, 但旁邊的單位冇人投訴。

      刪除
    29. 作者已經移除這則留言。

      刪除
    30. 偉哥棟大廈會唔會鬧鬼?🤐

      刪除
    31. 我諗諗下偉哥你吾係住XX山?如果係有机係我識嘅人

      刪除
    32. 哈~唔知係寶馬山、渣甸山定禮頓山~~~???

      刪除
    33. 哈哈, 我住的地方勉強可以望到座山, 但我唔係住係山上。

      刪除
    34. 我肯定偉哥吾係住在慈雲山,大嶼山,獅子山,哈哈!

      刪除
  9. 1426返左貨,偉哥有無咩打算?

    回覆刪除
    回覆
    1. 睇下明早開乜價先。過往例子例如825、98、3813咁, 明天可能會是最低價, 所以如果價太殘, 寧願等多幾日先沽。

      刪除
    2. 我排左3.1元博大霧的, 但市場好理智。

      刪除
    3. 偉哥排位買返呢隻股其實動機係咩?

      刪除
    4. 動機咪博大霧,好難明嗎?再見亦是朋友呀

      刪除
    5. 1426買盤很不尋常的, 很大機會有後著。

      比多小小資料, 招商的倉位前幾天買左好多, 而招商的倉位基本上只有一個大戶的存倉, 邊個大戶就大家自己對比下資料, 我之前文章都有寫過。

      刪除
    6. 好,明白,我會睇睇,謝偉哥

      刪除
  10. 合和實業

    根據該計劃,計劃股份將予註銷,而作為此事項的代價,各計劃股東將有權以 現金收取每股計劃股份的註銷
    價格港幣 38.80 元。

    回覆刪除
    回覆
    1. http://www3.hkexnews.hk/listedco/listconews/sehk/2018/1205/LTN201812051393_C.pdf

      刪除
    2. 作價較於二零一八年九月三十日每股股份未經審核綜合資產淨值約港幣 60.21元折讓約 35.6%。

      同等估值, 53私有化被否決了, 看看連號的54這次能否成功?

      刪除
    3. 連續兩個股票號的宣佈私有化, 好似歷史上未試過? 如果兩個同时被否決的話, 肯定是一個紀錄。

      刪除
    4. 近呢一年, 基金完全不懼怕否決作價過低的私有化建議, 私有化難度高左好多, 所以我都覺得合和唔容易過到關。

      刪除
    5. 註銷價格將不會提高及要約人不保留此項權利,基金完全不懼怕否決作價過低的私有化建議, 那麼今早應該出售?

      刪除
  11. 搞完中興搞華為,
    貿易戰咁易搞定?!

    回覆刪除
    回覆
    1. 07:43
      针对外媒报道华为首席财务官被加拿大政府逮捕一事,华为方面回应称:不实报道。(新浪科技)

      (华尔街见闻7x24直播 不止是快) https://wallstreetcn.com/live/global

      刪除
    2. 連華為都攪,之後一定罷買蘋果,應該要沽空AAPL

      刪除
    3. 已確認被加拿大政府逮捕。

      刪除
    4. 與其他國家經濟往來,關你美國乜春事,竟要罰錢又坐牢,沒有國家正義發言,窮凶極惡的美國。

      刪除
    5. 今天恆指有機跌一千點.

      刪除
    6. 作者已經移除這則留言。

      刪除
  12. 我發現我係邪神,買我相反都賺到笑
    我仲發現我自己後尾買自己對家都中
    真係無眼睇。。。777O_O

    回覆刪除
  13. 1426前兩日的升勢只係因為平沽空盤?

    回覆刪除
    回覆
    1. 肯定唔係, 累積沽空其實好少, 要平倉的話1日已平完。

      刪除
  14. 回覆
    1. 一開硬食 62766 被打
      清68835 @0.082

      刪除
    2. 今朝諗住LP26400對沖,衰孤寒排低兩格,一野插落26200...救命呀@@

      刪除
    3. 呢個月開局有D運,尋日本身有張hsi lp想放,今朝睇返先發現原來click錯左變long多左一張

      刪除
    4. 以前 愛股IGG 出新遊戲, 支持下
      買入799 @9.8

      刪除
    5. 清2202 @26.85, 1918 @ 25.55 ,175 @14.56
      提早年結

      刪除
    6. 華為被搞, 中國很可能令人仔弱番 應對
      加上下星期英國 脫歐議會, 美匯很大機會再抽番上.

      刪除
    7. 食飯前 成左 27 熊 61256 @0.096

      刪除
  15. AO價沽左80%的1426止蝕了,暫時虧損低於我自己原先預期。

    回覆刪除
    回覆
    1. 以平均價3.48元沽清持股。

      我自己原本預期交易失敗可以3.3元止蝕, 今日開價算係比自己預期稍佳, 可惜沽高左的, 剛好抵銷之前沽空被人夾倉的虧損。

      刪除
    2. 不過唔明點解有心人前幾日要托起個價

      刪除
    3. 買盤仍源源不絕, 唔知有乜後著。

      刪除
    4. 偉哥 假設有pag友好再出一次要約 咁樣會唔會違規?

      刪除
    5. 不違規, 甚至大股東自己出要約增持或私有化也可以。

      刪除
  16. 排26.55點知開價仲低26.4買了2202

    回覆刪除
  17. 偉哥有留意為何420強勢嗎?

    回覆刪除
    回覆
    1. 完全不知為何, 最近有1間中資券商買得比較多, 唔知原因.

      刪除
    2. 沒有其他,PB低和承諾派息比率為90%。

      刪除
    3. 非常奇怪,420收極都不乾!

      刪除
    4. 想減又怕似迪生...Thanks wai gor!

      刪除
  18. 0.485入埋偉哥科技!!! 哈

    回覆刪除
    回覆
    1. 大L樂,開始動搖 

      刪除
    2. 明知華為對1729都大影響今朝AO我都孤寒左排0.51結果走唔到...頂@@

      刪除
    3. 我都傻左,仲走去入,頂!!

      刪除
    4. 福街了,忘了取消,0.465的入埋

      刪除
    5. 0.445都有可能會到,呢注就唔取消了

      刪除
    6. 睇股價來推算,偉哥高層應該好快被捕

      刪除
    7. 我已0.455酌量支持下。

      刪除
    8. 偉哥又抄返我底。每次有壞消息,都跌得急勁,0.5樓上蟹貨唔知多了幾多

      刪除
  19. 今日1、2哥又轉位, 好似音樂椅咁。

    曾經的一哥今日竟然冇人沽, 有得逆市升一格。

    回覆刪除
  20. 偉哥,我觀看你的BLOG啱啱開始,已知二哥,當然有買,要搵你的一哥,再分析一下公司的價值。

    回覆刪除
  21. 偉哥, 恆生每日入倉半球未停過

    回覆刪除
    回覆
    1. 哈哈, 唔知玩乜。如果重倉恒生的話, 其實應該去過戶處查股東名冊, 看看是誰不斷轉貨入CCASS。

      刪除
  22. 我重新看一次偉哥之前對1729的文章, 想問一問偉哥覺得今次華為高層被捕對1729影響大不大?

    回覆刪除
    回覆
    1. 華為如果出事,影響一定大,如果美國敢制裁華為,我覺得全國都會針對蘋果等美國產品,呢步棋應該唔會行得咁快

      刪除
    2. 擺明造下勢 for 談判啦

      刪除
    3. 影響應該有, 但唔識評估有幾大影響, 市場就是情緒驅動, 大家都先沽貨避險, 冇關係的都跌到一仆一碌, 有關係的更要跌到D, 正如354、2382呢D都跌左先講, 數都唔知點計。

      刪除
    4. 我今朝散水了,不敢造次.搞到華為,可大可小,不吃眼前虧......唉,中美貿易戰,咁搞唔睇好.

      刪除
  23. 如果中國唔俾中興死的話, 我相信更加唔會比華為死.
    不過華為如果要拓展歐美巿場應該會比以前難, 可能會更加落力去其他新興國家埋手.
    我只是怕殃及池魚.

    回覆刪除
  24. 回覆
    1. 呀爺快救市,先救內房2202!!

      刪除
  25. 今日組合跌左10% 好傷...暫時現金持股比例係70:30
    但渣住現金都唔敢/唔知有咩撈

    回覆刪除
    回覆
    1. 組合跌10%?? 現金持股比例係70:30的話, 你渣好多牛証?

      刪除
    2. 希望你組合只是高位跌左10% ,仲係有賺.
      由25200一路買上黎, 如果今日已經要倒輸, 那証明注碼控制有問題.

      刪除
    3. 應該係話持股組合跌10%至岩~ (果30%持股入面今日帳面跌10%)

      刪除
    4. 加埋1426,我跌返去十月位,十一月盈利蒸發晒鳥...

      刪除
    5. 我死揸REIT頂硬上,今年仲頂到唔駛輸住

      刪除
  26. 12月頭幾天已行大波幅,期權短倉亦已完成 278SCx1, 246SPx1, 244SPx1,242SPx1,240SPx1, 共收700點,希望袋袋平安過年

    回覆刪除
  27. 微信群組見到, 實在太好笑, 要引用。

    “他姓任的针扎不进水泼不进,简直软硬不吃,不过听说他有个女儿,是他唯一的牵挂。不如我们把他女儿绑来,做个人质岂不美哉。” ——金庸《笑傲江湖》

    回覆刪除
  28. 交銀國際董事總經理洪灝表示,不能預測中美貿易戰「停戰」90後會發生甚麼狀況,但如要做一個中長期的經濟預測,應該將中美貿易戰作為一個基本情況(base case scenario)來看待。因為回看1980年代,美國與日本也打貿易戰,一打便是10年。

    那90天商討,不似預期般咁樂觀

    回覆刪除
    回覆
    1. 富士康郭台銘都警告中美貿易戰可能打10年。

      刪除
    2. 但日本那10年是一個大升特升的升市😁

      刪除
    3. 如果中國升市, 美國跌市 (昨天債息倒掛, 預示陷入衰退)

      到時情況更為複雜, 做慣大佬點會比人騎住?

      刪除
  29. 今日藥股、華為供應商重災區。

    回覆刪除
  30. 請問有網友用過一通做沽空嗎?。容不容易借到貨?
    同埋一通可以借貨比人沽。有網友試過成功借出嗎?

    回覆刪除
  31. 唔聲唔聲隻54提出私有化....
    不過睇牌面偉哥應該要沽空埋呢隻啦
    胡家自己都只係得3成到既貨,友好唔知有幾多
    但純計個價值,間公司起碼值60蚊,宜家呢個私有價.........

    回覆刪除
    回覆
    1. 如果重估所有資產的話,過百也不稀奇。

      刪除
    2. 等出埋時間表先考慮沽空。

      有時等個IFA報告, 要等2、3個月, 所以太早沽空會蝕息。

      刪除
  32. 留意2136迫緊人打靶自己車自己...

    回覆刪除
  33. 現價可輕易以低於偉哥買入價買入819, 確認市況未轉牛 :P

    回覆刪除
    回覆
    1. 唉, 之前升到接近7.5元, 覺得未到價唔走, 而家掉轉頭變蝕錢, 慘!

      刪除
  34. 今日跌7百幾點, 組合仲有兩隻升的, 都算係咁。

    組合裡面, 有幾隻股強勢到離奇, 不知為何。

    回覆刪除
  35. 1729 192K@.465 沽出, 零成本既貨, 仍感到壓力。 :"/

    回覆刪除
    回覆
    1. 沽哂先真係冇壓力,可以等個市咩了......

      刪除
  36. 唉!中興翻板,可是華為更不能倒。這次大獲了。

    回覆刪除
  37. 1426收市可能倒升, 肯定有後著的.....可惜今早已止蝕沽出。

    拭目以待。

    回覆刪除
    回覆
    1. 主力買家京華山一是日資券商, 而最近其中一個大買方是招商, 但招商倉位主要持股都是屬於Long hills capital.....

      大股東陣營大力接貨, 想玩乜?

      刪除
    2. 請偉哥冷靜,我今早@3.5入😬

      刪除
    3. 最近比人洗倉洗到儍左

      刪除
    4. 驚沽穿3蚊比PAG/敵對勢力掃貨同埋想穩固自己的勢力,等之後交易可以更順利通過?

      刪除
  38. 今天3.5 沽清1426, 真係估佢唔到買盤甘勁, @.@宜家 3.7

    回覆刪除
    回覆
    1. 唉, 有耐性的話, 可以完全唔使輸離場的....雖然而家都只係輸少少, 比當初預期為佳。

      刪除
    2. 我未走, 係咪可以睇多陣先XD

      刪除
    3. 我早上已經走了。

      不後悔,這個是discipline, 買入的原因已經不存在。沒有discipline,就算這次好彩無事,之後都會輸得更多的。

      刪除
    4. 點解會咁強勢呢
      公司做壞決定臨近
      二股東反抗又失敗

      刪除
  39. 0.44買回小注垃圾創仔8611博博

    回覆刪除
  40. 尾市9.28元沽清了2168, 剛好可以扣埋洗費後, 平手離場。

    回覆刪除
  41. 數番日子,秘密拉人是5日前既事(上週六),Trump Trump一邊笑住同習皇食飯,一邊心諗睇你今次點死.再搞多個90日,拖都拖死你中國......真係冇眼睇,真係要揾番隻貿易戰受益股又或者同經濟冇直接關係既股先得.

    回覆刪除
  42. 組合艱苦經營追返正數以為可以穩陣過度2018年,誰不知又飛出一隻被綁架嘅黑天鵝睇嚟都係衰收尾。原本諗住穩打穩扎見好就沽出點知稍一放鬆又蟹過,霉國佬越做越狼也可想像對手嘅威脅,上星期也放棄哎瘋改用華為真估不到會有此發展😆😆

    回覆刪除

注意:只有此網誌的成員可以留言。