置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年11月17日 星期六

“我不是藥神” 看後感


電影“我不是藥神” 暑假期間在國內上映,引起很大迴響,我一直沒有機會看,直至日前在網上觀賞了,除了感慨,就是感動,是一部好電影,一部渲染力很強的電影,誠意推薦給大家看。

這是一部好電影,除了因為演得好、拍得好,更因為劇情能引起觀眾共鳴,反映社會實況,甚至影響、帶動社會輿論,從而進一步影響到高層決策者,故此大眾給予極高的評價。

電影上半部份笑點不少,或許會令大家覺得此劇走的是徐崢以前“人在囧途”的搞笑路線,看得很輕鬆,只是下半部劇情隨著主要配角的逝世及主角的醒悟,處處見到人性的光輝,令觀眾的淚水一發不可收拾,所以溫馨提示大家,觀看這電影之前最好先準備幾包紙巾,或者等到半夜才自己一個人看。

如果要選今年度國內最佳電影的話,“我不是藥神”是不二之選。

------------------------------------------------------------------------------------------------------------------

拆局:《我不是藥神》加快醫藥改革

與醫藥風暴同步的,是內地電影《我不是藥神》大熱。該片在7月5日上畫,至今累計票房已達30億元(人民幣.下同)。業界估計以目前熱度,該片極可能打破《戰狼2》去年創下的56.8億元票房紀錄,成為國產片收入冠軍。總理李克強罕見地在7月18日就該片作出批示,要求加快落實抗癌藥降價和保證供應。

政府清查行業弊端

《我不是藥神》故事基於真人真事,其原型是被稱為「藥俠」的江蘇人陸勇,因罹患白血病,在無法負擔內地天價抗癌藥下自行到印度買平價藥,並代其他病友購買。雖然該片以喜劇方式拍攝,劇中人物為救貧苦病患者與公安鬥智鬥力,但實際上痛陳醫療體制弊端、無錢只能等死的苦況,引起民眾共鳴。加上7月以來的多宗醫藥醜聞,令藥品問題成全民關注焦點。
荷蘭國際集團大中華經濟師彭藹嬈指,在輿論壓力下,內地會加快醫藥改革,特別是增加更多貴價抗癌藥、特效藥進入公費醫保範圍,並加快新藥審批速度,推出更多新藥應市,這些措施中長期對藥股有利。
不過,與此同時社會關注度提高,亦將令政府加大力度清查現時的行業弊端,醫藥股在短期內勢必迎來震盪,現時並非投資良機。
https://hk.finance.appledaily.com/finance/daily/article/20180727/20461647
延伸閱讀:影評:一些影片中的小细节”

181 則留言:

  1. 第1!!!
    有运行了!!!

    回覆刪除
  2. 偉哥,你是一個人晚上睇?有冇喊?
    我記得睇孤星淚都喊到死!

    回覆刪除
    回覆
    1. 我算是感情豐富之人, 係日頭睇, 忍淚忍得好辛苦, 睇齣戲要斷斷續續咁睇, 每當忍唔住淚水的時候, 就暫時停一停唔睇, 等情緒平伏先繼續睇。

      刪除
    2. 如果早幾年我會不信男人老狗睇套戲而感觸到流淚,年紀大了自己也做了😥

      刪除



  3. ktc2018年10月18日 下午7:32

    下個星期我又開個期指期權倉玩下
    回覆

    ng Wai2018年10月18日 下午7:54

    開期指期權倉,首先你要有即時串流報價,月費300幾,期指按金同期權金可以一齊共用,如果你沽了期權,再沽期指,按金就相應減少,如果揸期指,按金就不同,不是你有按金就可以沽幾多,會審查你,批准你最大持倉量

    期指期權倉開了未呀?


    ktc 我一直等你跟我道歉,可惜你冇,就算你再改名都冇用,你可以騙到別人,但騙唔到自已良心,你同幾條盲毛老屈我不停抽我水,我多次原諒你,其實我一早就知道你冇炒過期货,一睇留言就知,我不忍心拆穿你,你忘記了我同盲毛勤請過,同聰明的人或記性好的人,千萬不要吹水,你同我的對話我已 copy 左,你自己睇下.

    回覆刪除
    回覆
    1. 容我講幾句說話。作為旁觀者, 我可以肯定咁講ng wai或者Ktc都係玩開衍生工具的, 亦都係高手, 但因為一D誤會, 就勢成水火, 將呢度當作戰場。

      我已經盡力容忍, 不干預網友的言論自由, 但當情況失控, 而且網友亦都唔想再睇到呢D好似小朋友的爭吵不休, 我只能刪除留言。大家如果想繼續吵鬧, 就請另行開闢戰場, 反正blogspot開blog 是免費的, 大可以開個blog來繼續這些意氣之爭。

      刪除
    2. 請問你講的是真嘢,每次都有人屈你,又話你小學雞,豬,盲毛,你感覺如何?

      刪除
    3. 我答:但求無愧於心!

      刪除
    4. 盲毛這個詞你如果唔係失憶的話, 肯定是ng wai你第一個講, 經常左一句盲毛、右一句盲毛話網友, 我都同你講過這是很侮辱的字眼, 但你有冇聽我勸?

      我最後講一次, 誰再用盲毛這字眼, 我會完全封殺,言盡於此。

      刪除
    5. 這個網誌我多年來很不容易建立的和諧氣氛, 我不想再因為幾個人的無聊爭執而搞到日日充滿矛盾、戾氣, 如果任何人對我的決定不滿, 可以不再來, 恕我不留人。

      刪除
    6. 連偉哥都頂你唔順, 過主啦

      刪除
    7. 原本諗住睇吓套戲點樣賺人熱淚點知睇咗第二套(我不是期神)主演者真的令人涕淚交流,不是感觸而是笑到呢一個點😂😂

      刪除
    8. 都容我講一句,吳生明顯一直冇講大話,亦係好人,只係網友一開始寸佢幾句馬後炮老作,佢份人又小器,係咁啄住某幾位唔放,口講原諒左佢地但得閒又出來叫人道歉,不如都係一人少句啦,尤其是吳生同時生兩位。吳生,之前tkchan俾人寸佢一定最低位入最高位放,你都有幫手維護佢,tkchan亦冇好似你咁叫人道歉,所以你都學下佢咁收下火啦

      刪除
    9. ng wai 好明顯呢度無人歡迎你
      你係男人就唔好再係度留言
      阻住大家討論

      刪除
    10. Kay ,我承認自己是過火,盲毛亦是我叫他們先,因為忍唔住,眼見好多人吹水老作,而我寫的所有全是真話,隨時可以攞証據出來,反而次次老屈我,佛都有火。

      刪除
    11. ng wai, 不如你开自己blog分享你的战绩。有兴趣跟你交流的可以去你blog。
      你很有实力,但你现在真的很奇怪。自己家有很豪华舒适的洗手间不用,硬着每小时去邻居家方便。

      刪除
    12. Ng Wai, 既然偉哥出了聲. 就尊重別人主塲. 我支持你.

      STEP:
      你把口唔好得幾多, 引起罵戰? 口賤? 就是你撩人者賤

      刪除
    13. 其實放過人等於放過自己…
      大家都一人少句啦

      刪除
    14. ng wai唔會自己開blog
      因為就算開只會有一位blog友
      就係時兄(日日去小佢)

      刪除
    15. 70後, 何苦呢? 已經一沈百踩, 有云: 針唔拮到肉唔知痛. 就算不明白, 可以嘗試理解.

      叧外,
      我不是無放過別人, 而是別人無放過我.

      刪除
    16. 1. 一沉百踩? 曾經起過麽
      2. 針唔拮到肉前面果句係 點解針要拮我唔拮其他人 先反省自己再要求別人

      刪除
    17. 閣下無明, 何謂無明? 自己search下. 更有道理, 也可以給別人下台楷.簡簡單單留言就可以傷害別人, 何苦作孽?

      言盡於此.

      刪除
    18. 我諗我一年前都留過言:

      大家黎呢度應該係同坐一條船,係向著同一方向,網上世界一人少句就是了.(如果係為左嘈交而來,我係萬分支持waigor做野的)

      大家都係成年人應該放開D,唔使將仇恨記掛太耐,傷害唔到人地只會傷到自己身體呀.共勉之.

      刪除
  4. 有時候真係忍住笑,笑你太無知又要面,只能存活在自己的世界!老實講,你在現實世界裏係咪真係無乜知己,所以要在網路世界上尋找一份“自豪感”?

    回覆刪除
    回覆
    1. 你又何嘗不是活在自己世界,咁多人下下張住他,又何必呢!

      刪除
    2. 喂呀!你最好搞清楚先,這是新題,沒有指名道姓架。唔好又引起罵戰,不然又會俾人話口賤!

      刪除
    3. 咁多人下下張住他 << 宜家好似次次d 新post,第一時間出黎引罵戰既都係某君,唔好係唔係都撐唔睇事實

      刪除
    4. 尊重從來都是自己贏返來的(我講修養呀),你睇呀伍生就知

      刪除
    5. ng wai 呢d人值得人尊重嗎?

      刪除
  5. 大家來這裡, 都是為了真誠的交流, 那些不必要的意氣之爭, 只是浪費自己時間、浪費其他網友時間, 希望大家發言前三思。

    大家如果希望有一個發泄不滿、可以單挑的戰場, 我可以將另一個BLOG "生活興趣誌" 改為"私人恩怨區", 那裡的留言我就不干涉了,如果有人有需要的話, 可以提出。

    回覆刪除
    回覆
    1. 請問有冇"尋歡作樂區",嘻嘻

      刪除
    2. 我比較想要‘精靈狩獵區‘ , 最近係到喪打Pokemon ,毒留在家中

      刪除
    3. 咁岩既我都係喎學生哥!

      刪除
    4. 星期六日掛住打機,乜功課都未做XD 可惜無得同野生精靈對戰,不過都係玩回憶

      刪除
    5. 我都狂打 POKEMON, 好宅~ :)

      刪除
    6. 依D"私人恩怨"莫非係"生活興趣"? XD
      又今年利記情況不錯,希望可染指英超冠軍

      刪除
  6. 孟子曰:「夫人必自侮,然後人侮之;家必自毀,而後人毀之;國必自伐,而後人伐之。」

    既然主場偉哥再三勸說,大家化干戈為玉帛。

    回覆刪除
    回覆
    1. 再"三"勸說 - 冇失憶的話,可止三次?係有D人厚面皮

      刪除
  7. 我是半年前左右睇的。
    見盡既得利益者的嘴臉。
    覺得無錢,真係無資格病。

    回覆刪除
  8. 多謝偉哥推介好戲,等陣有時間揾來睇睇。

    回覆刪除
  9. 男人老狗,睇戲流馬尿(容許我粗濁少少,都好正常。 自從結婚後生咗小朋友後,情況重更加嚴重。 有時連睇卡通片都出事。 ¯\_(ツ)_/¯

    回覆刪除
    回覆
    1. 講起卡通片個套叫做"再見營火蟲"都好大件事

      刪除
    2. 記得嗰次入戲院,陪仔女睇反斗奇兵3先勁出事! (◔.̮◔)呵呵

      刪除
    3. 再見營火蟲我睇咗三次

      刪除
    4. 再見營火蟲我唔敢再睇了…

      刪除
    5. 細個唔識,現在有細路,睇再見螢火虫,即喊出黎,怕怕

      五個小孩的校長一樣催淚

      刪除
    6. 講開電影,海上鋼琴師,鋼琴戰曲,麥迪遜之橋,等等都係好感人,每部我都睇過好幾次百看不懨

      刪除
    7. 海上鋼琴師 The legend of 1900係我最愛的電影之一!

      刪除
    8. 你地講嘅都好大路
      我睇火影都哭
      阿斯瑪死 喊左成晚
      Itachi死 喊到去火星來回
      睇銀魂知道大猩猩嘅配音千葉大大就系以前配棋靈王嘅Sai 直頭 喊到暈左

      刪除
    9. 每次睇番四代目死都忍不住喊
      每次睇番自來也死都忍不住喊
      每次睇番艾斯死都忍不住喊
      要喊既實在太多了

      刪除
  10. 就快又一年 回想起自己呢一年投資上做錯好多決定
    發現自己投資心態同風險管理都好差
    希望下一年自己能夠有所進步

    回覆刪除
  11. 死都要走出來沽貨,著草定啦! 明天參與逃犯股! 
    https://hk.news.appledaily.com/breaking/realtime/article/20181118/58928308

    回覆刪除
  12. 我都覺得藥股係好野黎,只不過之前炒得太貴,希望1093星期一交到好成績,同埋搏創新藥企好過仿制藥企

    回覆刪除
  13. Na wai ,坦白講,我一開始都有質疑過你。但隨住時間推移,我都開始信你真係高手。呢點我諗唔少網友都同我一樣。你倒不如襯今次放低成見,以後分享多一些心得同經驗吧,我相信大家都好樂意去睇。

    回覆刪除
    回覆
    1. 其實最需要質疑既就係質疑本身。

      刪除
  14. 〈我〉片好早已經睇咗,最近睇嘅小偷家族都好感人

    回覆刪除
    回覆
    1. 股票組合有劣股驅逐好股,這𥚃也有劣人驅逐好人。

      刪除
  15. 1426 今日可買賣的話,話唔定有 free fall~

    回覆刪除
    回覆
    1. 即日申請解鎖d股票即日就可以放?

      刪除
    2. already wait for so long, why wait until the final result ?

      刪除
    3. 如果今日申請的話, 預大約1星期可以取回股票。

      刪除
    4. 要那麼久,單獨處理應該可以早一點吧?本星期內應該可以?

      刪除
    5. 如果無記錯的話, 之前網友經歷過825的例子好像是7日左右的。

      刪除
    6. 謝謝偉哥,其實算一下,差不多要到公佈結果果日才可以取回股票

      刪除
    7. 嗯, 順利的話, 應該可以早要約期完之前1、2天取回股票的。

      刪除
  16. 今朝係到睇賊略王專欄,一句𥚃面竟然已經有幾個錯別字,究竟出稿前有無人會核對下

    回覆刪除
    回覆
    1. 入左注646, 火中取粟 (偉哥教嘅)

      刪除
    2. 0.04 入, 0.048 出左,執4000 走人

      刪除
    3. 錯別字? 有無人會核對? Cut budget 呀, 大報紙都N年前無 proof-reading 喇

      刪除
    4. 幾個錯別字算係咩, 報紙都成日錯

      刪除
    5. 學生哥早晨,你五分鐘就搞掂,你越嚟越快翠呀

      刪除
    6. 9:48睇到已經V彈到$0.048,已經跟唔切。
      報紙錯別字成日都有,FB有個page叫"新聞噏乜9"專門cap低報紙既錯處,都幾好笑。

      刪除
    7. 哈哈,我多謝無閒兄糾正"螢"火蟲,偉哥呢度好好,學到好多四字真言,又學到做人的道理,真係獲益良多!

      刪除
    8. 646又沽升淚,不過有錢執就算,最近港股好悶,浮浮沉沉唔知想點,希望快D有突破,話知佢向上定向落,雖然個人認為向升機會大D

      刪除
    9. 買左注1587 等運到,炒下冷飯

      刪除
    10. 1587我之前都炒過幾轉, 之後冇再留意, 唔知IPO時的國際配售貨已散左未。

      刪除
    11. 偉哥你可以compare 下1587 同1725 , 最近2 隻野都轉左去同一個倉
      另外手痕入左注8451

      刪除
  17. 回覆
    1. Terminator好野,你睇內房板塊再牛? 
      之前已跟3883,磨了很久終見突破,今日再跟1918

      刪除
    2. 今浪應該都是由內房先起

      刪除
    3. 只是炒人仔升番都夠. 另銀行銀根放鬆, 內房又容易借番錢.
      大市 現在升幅全面, 車股選錯了175, 應該選1211 .不過已失先機

      刪除
    4. 賺少些沒問題,我正在埋怨自己沒跟你的石藥,0.117真的好位,上星期5任買

      刪除
    5. 2007要发可转债,不怕有大沽压吗

      刪除
    6. 2007 發唔到債你先要驚. 發可換債不等於會大沽壓

      刪除
    7. 沽清1093 CALL 11322 @0.140
      中午食飯沒空, 不搏業績了.

      刪除
    8. 加多半注 2007 牛 58109 @0.217

      刪除
    9. 連本地地產股都集體起動 , 看來 HSI 想弱都難.

      刪除
    10. 買少少 12 CALL 13800 @0.242 參與下

      刪除
    11. 但今日交金唔高,後市會無力?

      刪除
    12. 先減下倉.
      沽出 1918 @25.05, 3883 @ 4.9
      沽出一半2007 牛 58109 @0.226
      沽出 3968 牛 61957 @ 0.042

      刪除
    13. 有時升市成交唔太高先好
      早輪3日挾到26400,千幾億成交,轉下眼又落去25100

      刪除
    14. 如果係大成交反而係見頂

      刪除
    15. 50天線通常不會一次衝破企穩

      刪除
  18. 1968又玩餘震,幸好轉了1265

    回覆刪除
  19. 我聽他的話, 買收租股216和367, 作為長期投資。

    黃國英﹕巿况轉穩 留意收租股 收租業務帶動發展業務獲重估
    https://news.mingpao.com/pns/dailynews/web_tc/article/20181119/s00004/1542565763032
    現在市場中較佳的選擇,是那些由地產發展轉向收租的一類型股票。因為地產發展的前景不佳,但如果其中的收租部分已經有相當的實力,那發展的一部分就有機會資產重估,就會變成一個上升的動力依據。當然那些房託早已經不可能跌下來給投資者參與了,那投資者就要退而求其次,去考慮其他以收租業務為主的大型地產公司,作為未來一段時間的投資目標,才有較大的勝算。雖然美國未來仍會加息,但市場早已預計在內,這些消息早已被消化,對這些大型地產收租業務的公司的影響,其實十分輕微。投資者切勿被市場一些看似實質、但已經是過時的因素影響了自己的投資決定。

    投資者必須明白,如果大市出現壓力下跌,就必須投資盈利基礎出現很大實質改變,才會推動市場作出反應。回顧今年的兩次大跌市,一次是由人民幣瘋狂貶值引發;另一次就是中央政策風險構成。撇除這些因素,其實整體盈利基礎本身並沒有什麼實質改變,因此現階段的市况,已經悄悄地出現可以一博的空間了。

    回覆刪除
    回覆
    1. 林少陽﹕美股最美好時光成過去 中港股市開始對負面消息「免疫」
      https://news.mingpao.com/pns/dailynews/web_tc/article/20181119/s00004/1542565764732

      不過,美股作為全球金融市場的火車頭,一旦證實當地市場由牛入熊,恐怕即使先跌打了底的中港股市,亦很難有逆市急升的能耐。除非中美關係真的能重拾舊歡,否則的話,港股或將於11月底之後,再次受制於搖擺不定的中國政策,以及來自國際地緣政治的風險。然而,與美股位高勢危的情况不同,先行轉弱的中港股市,或有望早於美股見底。早前因應港股表現欠佳而大舉走資美國的投資者,今次未必能夠嘗到任何甜頭。

      刪除
    2. 81和817已經有一些小的利潤, 754仍然遭受一些損失(稀釋後約6%)!

      刪除
    3. 我很欣賞用他堅定的信念管理業務!

      路勁單偉彪:明年分段推售兩項目
      路勁單偉彪表示,元朗凹頭項目最快明年上半年推出,力吸換樓客源。
      http://std.stheadline.com/daily/article/detail/1912084-地產-路勁單偉彪:明年分段推售兩項目

      積極投地增土儲 冀拓本港業務比例
      http://std.stheadline.com/daily/article/detail/1912087-地產-積極投地增土儲+冀拓本港業務比例

      刪除
    4. 作者已經移除這則留言。

      刪除
    5. 我很欣賞他用堅定的信念管理業務!

      路勁基建單偉彪:十年內完成填海
      http://std.stheadline.com/daily/article/detail/1857259-地產-路勁基建單偉彪:十年內完成填海

      現時市場對填海的意見,單偉彪提出兩大反駁,首先就現時填海造地需時長達15年,單偉彪指,其實不用10年便可完成整區的填海工程,甚至在較短時間內,如6至7年左右,就可有首幅地皮供應。

        他以東涌填海區為例,於今年初才開展填海工程,2020年便須向政府交出首幅地皮,他指:「我唔敢說填海一定更快,但一定唔會慢過其他方式。」就外間批評利用填海方式造地成本較貴,單偉彪指,東涌填海區雖然規模較少,料每方呎造價較高,但其實每方呎地皮的造價僅逾800元,認為價錢不算太貴。

      刪除
  20. 剛剛已指示富途投下1132 反對票

    回覆刪除
  21. 今早減持多10%的1132@0.41。

    假設主要買家是伍生暗手或友好, 買股是為了關連交易護航, 那理應只是買埋呢幾日。如果到關連交易表決後, 這些買盤仍繼續收集的話, 那証明我們的推測錯誤。

    回覆刪除
    回覆
    1. 減持後目前餘下大約40%持股差不多零成本了, 已處於不敗之地。

      刪除
    2. 我仍帳面輸緊10%
      如果推測錯誤 不是為了護航 敢問偉哥那會是什麼原因?

      刪除
    3. 1132,

      這市況,
      大股東這布局,
      不值四毫.

      刪除
    4. 如果大手買貨不是為關連交易護航, 那就是有潛在的利好消息, 又或者借闗連交易這壞消息去收集散戶的貨。目前我自己是傾向前者居多。

      刪除
    5. hope for the best, prepare for the worst
      不宜過份樂觀 但我已經沒有退路
      自己買入價位太差 只能繼續坐落去靜觀其變

      刪除
    6. 傾向前者居多? 是否指「為關連交易護航」?

      刪除
    7. 這種諗法我覺得是錯誤。

      買入價格不應是繼續持有或沽出某隻股票要考慮的因素, 雖然我也經常都會咁做。

      刪除
    8. 或者我真係無投機者應有嗰種決斷力
      當自己買入嘅股票原因不再成立時
      能夠直認自己判斷錯誤而沽出
      今年錯咗好多次 唔知今次會唔會一錯再錯

      刪除
    9. 同意偉哥,唔通明知間公司就執都唔放?

      刪除
    10. “止蝕”是在股市長遠生存要學識及面對的決定, 正如你不可能買每隻股都賺錢, 能夠做到買10隻贏6隻已很理想。

      呢幾年我都經常止蝕的, 今日都狠心沽左些3688, 並不會因為我成本高而唔捨得沽。

      刪除
    11. 我今年學得最多都係止蝕,哈哈,因為年頭蝕好多,但學識放低真係好緊要,散戶心理係好難止蝕,想死坐爛坐等返家鄕,但可能成件事已經唔同左,所以當天氣不似預期,就要走總要飛,唔好講感情,如果做到起碼都叫有翻身機會,好多人犯嘅錯就係不斷溝貨,最終永不翻身,然後斬在最低點,一沽完就開始反彈。依種情況係散戶中極為常見,歷史會不斷循環,所以緊記留得青山在,那怕無柴燒,有現金就唔駛擔心無股買,幾時都係揸cash 最好

      刪除
    12. 偉哥嘅投資心法同kostolany好相似
      投機者就係輸49次 贏51次
      然後係呢個difference度賺錢
      可惜我輸多過贏

      刪除
    13. 我而家努力學習(能夠做到買10隻贏6隻已很理想),多謝大家扶持著,陪伴著

      刪除
    14. 佩服自己,幾拾萬股分開幾次都沽在0.4,原因係愈看這裡留言愈心寒,無信心。
      說服自己橙已由0.25升上來,伍生算有交待,好多小股票仍在52周底部。
      我餘6萬股看結局。

      刪除
    15. 因句子有punctuation mark分開又有「或者」,意義有點含糊, 我オ看問清楚. 同一條船, 希望大家賺錢, 開心^_^

      刪除
  22. 前日有單新聞,大陸有個女作家因為寫BL小說,就判口左10年監,同口的異見人士差唔多。

    大陸網絡黃色資訊泛濫,但係捉到的話,都會判得好重,係大陸眼中,黃色小說同反動刊物差唔多。

    大陸網絡文化產業固然商機不少,但風險亦同樣大。

    回覆刪除
    回覆
    1. 殺人都係坐四年.............女作家賣左7000本就10年

      刪除
    2. 殺人只殺一兩個人等等。
      黃色小說危害整個國家, 更具殺傷作用!

      刪除
    3. 邊個女作家?我系晉江看了很多BL 唔明BL黃在何處
      女作家priest的BL作品“震魂”之前就被改編成電視劇(BL向淡化都冇)

      刪除
    4. 7000本可能危害整個國家,紙扎的國哈哈哈

      刪除
    5. 唔好話係我作出來,係大陸各大入門網站都有報導件事。大陸好多網站都有色情小說,有得睇唔代表合法,就好似大陸好多報紙檔都有口的無書號既小說賣。雖然唔可以完全禁絕,但大陸間唔中會搵一口的來開刀。

      刘某某编写男男性行为淫秽小说《攻占》销售 获刑十年
      http://news.ifeng.com/a/20181117/60164470_0.shtml

      刪除
    6. 放縱寫色情小說的作家就會危害整個國家, 不是出售了多少本色情小說這麼簡單的問題, 你不明白嗎?

      刪除
    7. 嘩,本來我都唔想出聲,如果一個色情小說作家就危害國家,咁個國家都幾強喎

      刪除
    8. 連色情小說也可以關係到國家安全?!
      有需求就會有讀者, 沒需求你送也沒人看.
      想看的人不會禁左就不看, 中國不能看就去會看日本出的.
      我建議把看過色情小說或AV的都拉去勞改, 思考要再改造一下.
      這樣國家才安全.

      刪除
    9. 各位無謂再講,大家都知呂生咩立場,近排算收歛。

      刪除
    10. 建議先發兵打倒最大色情產業輸出國小日本,把一眾女優進行思想教育,男優切JJ示眾

      刪除
    11. 曾幾何時,廟街檔口的色情小說才精彩呢!

      刪除
    12. https://www.ptt.cc/bbs/Gossiping/M.1542474923.A.1CA.html
      以上鏈接有關於作者和作品的介紹

      原來我睇過佢另一作品 高H肉文 好多類似作品
      18禁的作品唔經審批就出版 被判刑唔出奇 但是判10.5年太重了吧唉
      量刑標準何在 早前冰冰的事 再之前一個賣水貨的逃稅女仔 許多標準唔透明唔公開 難怪老百姓會揣測會不滿

      刪除
    13. 如果用這標準, 可能黃易的書大部份都要列作禁書。

      刪除
    14. 佢所謂既立場似係建基於投資收益上既愛國情操

      刪除
  23. 另外均價約2.2元減持了手上一半多的3688。而家內房資金緊張, 頗擔心佢出售資產的30多億尾數有排拖, 呢筆尾數一日未收得返, 特別息就冇機。見佢明年1月贖回CB的資金都要向第三大股東貸款, 似乎短期內都收唔返條尾數。

    套現的資金換入舊愛819@均價6.93。之前被國內質疑過業績造假, 但之後不了了之, 而股價自高位腰斬, 如果盤數沒有太多水份的話, 目前估值吸引。近期公佈擬分拆附屬公司上A股, 是潛在催化劑。

    回覆刪除
    回覆
    1. 3688 本身派息都吸引,我都係拿住收下息算了,一靜不如一動.

      刪除
    2. 都傷傷地...2.2呢個位打麻麻地喎.

      刪除
  24. 年年粉飾窗厨.港股12月也會好景.我都坐吓顺風車過聖誕.但奇怪.我今年很悲觀.沒有買.最近竟減持10%股票。前後較牛三時減了55%.

    回覆刪除
    回覆
    1. 牛市辛苦得來.不想熊市仍未見底時就嘔突.所以不斷地減.就是我看錯了.起碼保箸不失。如果看對.大把現金執平貨.何樂而不為.今天的港股频密買賣.好易得不償失。

      刪除
    2. 講講下又一年, 今年年頭仲講緊會唔會破頂.............

      刪除
  25. 用一通買左隻牛68870, 買完就死機, 嚇死, 岩岩先入到, 沽左隻牛之後, 睇返全部記錄突然顯示我同一個操作按左十幾次.

    回覆刪除
    回覆
    1. 講過好多次, 唔好用一通買牛熊, 你賴過就知

      刪除
  26. 1211,

    短期目標$63~65,
    到時會沽21301.

    回覆刪除
  27. 张松声出售胜狮货柜(00716) 中远海发或成接盘者
    https://www.zhitongcaijing.com/content/detail/153978.html

    Any comment?

    回覆刪除
    回覆
    1. 這傳聞在上年已聽到,但無從得知真假。

      刪除
  28. 香港都有人食印度標靶藥,印度仿藥係平,但無視專利權,不利創新藥物發展。

    回覆刪除
    回覆
    1. 確實是, 我文章未提供的影評就有提到這觀點給大家思考。

      刪除
  29. 回覆
    1. 暫時不考慮純賣殼概念股了, 而家買的最好是估值平、派息不錯的股, 咁先有得守。

      刪除
  30. 回覆
    1. 明天是投票前最後的買進機會, 看看會否掃上0.41-0.42的沽盤。

      刪除
    2. 波叔, 我排定0.5比你, 剛好25%

      刪除
  31. 第一次買了20,000股517(16,000股 @ $ 2.68和4,000股 @ $ 2.7)用來保持關注。

    回覆刪除
  32. 難得420升一升, 1.08減了少少, 等候換馬殘股。

    回覆刪除
    回覆
    1. 非常奇怪,這麼多年來,收極都不乾!

      好處
      1. PB低;
      2.承諾派息比率約為90%;
      3.公司中期報告稱貿易戰的影響不大。

      刪除
  33. 1729快公佈半年業績, 估計沒有盈喜了, 但股價拾級而上, 自低位反彈30%。我的持股經過多番溝淡之後, 已經返家鄉, 而且隨著股價上揚, 佔組合比重也一直提升中。

    希望中期業績盈利超過7000萬元, 即是上半核心盈利的一半。

    回覆刪除
  34. 話粗理不粗,政治不正確卻是老實話。黑暗的人才瞭解真正的黑暗。結合俞敏洪早年的經歷,也不難理解佢為何對卑鄙和暗黑特別敏銳。

    中國因女性墮落致國家墮落
    https://china.hket.com/article/2211163

    回覆刪除
  35. 呢套數月前巳看了, 好睇,非常反映社會現況; 另最近一套"我的破嗝Miss"也不錯, 印度片好多都好有水準; 另有一套較冷門唔記得是法國片定印度片"一個快樂的傳說"也好睇.

    回覆刪除
  36. 連偉哥呢種咁寬容既人都迫到要再三開口,而仲要咁厚面皮喺度講佢既戰績,ng wai都算係奇人。睇呢個blog睇得耐既人,都會知道呢位ng兄有幾咁騎呢。佢令人討厭既係,好多時買既時候又唔講,到買中咗就講。佢成日以為個個都指責佢講大話,因此滿腔怒氣話人地屈佢,仲話可以比單據作証,天不怕地不怕,然後不斷再啄番所謂針對佢既人。但其實作最令人討厭的,係呢種不斷事後報喜訊買中的行為,本質上係冇咩互相切磋和交流的養份。佢以前更經常在一些私有化失敗之後,或偉哥估計有機會私有化但最後沒有成事的股票暴跌後,就走出黎講自己一早就預計到呢個結果,所以成日比人話佢馬後炮。此乃補充點解有咁多同佢素未謀面的網友會咁討厭佢。講古完畢。

    回覆刪除
    回覆
    1. 希望大家就到此為止, 以前的是與不是都已過去, 最重要是將來如何。

      如果繼續糾纏下去, 紛爭永無止境。

      刪除
    2. 伟哥平时吃什么eq会如此高

      刪除
    3. 哈哈, 咁都比你估中....除了BBQ外, 我平時都真是食菜、水果, 遠多於食肉。

      講真, 人生在世, 就是要快樂, 何必要經常記住唔開心事?

      刪除
    4. 🤘🍷🍷🤘飲杯,勝嘅!

      刪除
    5. 是的,人经歷多咗,快樂真是好重要。
      用錢都買吾到嘅快樂,更重要,更珍惜。

      刪除
  37. 到咗節目尾聲,送首歌比大家,陳奕迅~我的快樂時代
    長路漫漫是如何走過
    寧願讓樂極忘形的我
    離時代遠遠 沒人間煙火
    毫無代價唱最幸福的歌
    (願我可)...

    回覆刪除
  38. 作者已經移除這則留言。

    回覆刪除

注意:只有此網誌的成員可以留言。