置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年11月15日 星期四

增持天津津燃公用(01265)的邏輯


相信大家有看通告的,都知道天津津燃公用的股權轉權最快要一年才可以成事:


但股價是否要等到成事那天才有反應?  或許隨著每月通告披露有進展,股價會在未來一年間逐步向轉讓最低作價 - 資產淨值價 (NAV) 邁進。現在每股資產淨值是多少?  大約1.06港元,即是說如果人民幣明年再貶值5%,資產淨值會跌至1元,而併購成功的話,按我最近兩次增持價0.7元計算,潛在回報大約43%,而時間保守一些估算可能是18個月,即年度化回報大約25%。

最壞情況是華潤燃氣不再收購天津燃氣的持股,併購告吹,那股價可以跌至多少?

自2008年金融海嘯後,天津津燃公用股價最低曾見0.58元,可以參考這價格。


公司資產淨值17.4億人民幣,當中包括淨現金大約11億人民幣或相當於每股淨現金約0.7港元,所以0.58元可以視作若併購失敗後的合理股價,即是下跌空間大約17%。

這風險與回報關係比起賭先進半導體 (03355) 或中外運航運 (00368) 私有化成功有更高的值博率。兩間國企的私有化時間上不確定之外,私有化能否獲獨立股東同意通過也是不確定,反正都是存在不確定性,我當然選擇成功機會可能相若但潛在回報更高的天津津燃公用。

162 則留言:

  1. 最近接近一日一文章, 留言眾多,氣氛熾熱,如果唔講的話, 以為身處牛市。

    夢裡不知市是熊,一餉貪歡。

    回覆刪除
    回覆
    1. 好在已諗定下星期幾個交易日有乜寫作題材,可以應付每日一文。

      刪除
    2. 哈哈! 你掛住流夢熊嗎?

      刪除
    3. 哈哈, 只係提醒自己目前只是熊市反彈, 所以一唔對路就要夢醒。

      希望這個反彈可以持續到12月, 基金也要年結前做window dressing, 所以12月有反彈的誘因。

      但明年第一季應該凶險, 尤其是3月大部份上市公佈全年業績, 可能好多眼鏡碎。

      刪除
    4. 同意偉哥所説,感覺似熊二反彈,正所謂好天收埋落雨柴,希望大家都可以靠依個反彈揾返多D黎過寒冬,手頭上盡量有某程度嘅現金,免得到時大跌彈盡糧絕,我已經唔想再重蹈2015 年嘅歷史, 戶口得番600 蚊加成手蟹貨,跌幾多都無份執,又唔忍心止蝕,個種滋味真係點滴在心頭

      刪除
    5. 學生哥,600蚊定600萬?熊2.....驚驚,你short term唔驚la

      刪除
    6. 原來偉哥已諗定下星期幾個交易日有乜寫作題材,那我唔洗再就住就住,暢所欲下言先

      刪除
    7. 我都忍住忍住好耐想爆!
      偉哥,我亦吾介意你冇題材,總之有位抒發下,同我玩下

      刪除
    8. 今日賺埋月底1426蝕筆數,希望再多幾個盈利日啦,輸得太耐了。。。等緊年底垃圾新股招股潮。。。

      刪除
    9. 年底應該有唔少新股,年頭個創仔List 有好多都未上市,印象中有一間係做殯儀

      刪除
  2. 回覆
    1. 最多5%, 但不打算高追, 最理想就0.7元以下再增持些。

      刪除
  3. 大方向真係視乎月尾G20有無料到

    回覆刪除
  4. $0.58據有参考性。我無偉哥咁樂觀,我感覺美佬今年時想製造一個黑色聖誕!

    回覆刪除
  5. 368風險高好多,3355唔過=自殺.....1265隨時要涯價兼真係等太耐.

    回覆刪除
  6. 香港越來越多上市公司好似變左社企......

    回覆刪除
    回覆
    1. 煩生,又係你呀。今日隻1729有無投訴?

      刪除
    2. 今日成批5G係咁升,1729 going down......

      刪除
    3. 哈哈, 咁好似更加應該買1729。

      1729上市不久, 市場都唔知佢有5G概念, 耐心等候, 遲D市場就會發現原來中興及華為都是公司的大客, 正正是5G發牌受惠者。

      刪除
  7. 依家呢D市況,好似all in 呢只好似仲有數圍。XD

    回覆刪除
  8. 真成事就冇所謂,等就等。但最驚系俾人放飛機,到明年年底前就話取消單野

    回覆刪除
  9. 仲有人信?其實吹左注資/併購好多年了。maybe more than 5 years :)

    回覆刪除
    回覆
    1. 私底下吹注資/併購, 同出通告公佈係兩回事。

      刪除
    2. 同意。但只怕最終出通告取消

      刪除
    3. 或者咁講, 有邊D國企之間的併購在出左正式通告後取消的? 我暫時諗唔到有邊D例子。

      刪除
    4. 偉哥,拖到取消既計唔計?例子:914收2233果單.經典.

      刪除
    5. 嚴格來說兩宗個案有些不同, 一宗是國企之間的併購, 一間是國企收購民企, 而且涉及的資金量也差很遠, 1265估計要約只涉及5億幾港元, 而當時914收購2233要約價值是幾十億港元, 適逢兩宗交易都是在嚴控外匯流失的時期。

      當時2233交易失敗, 有傳是無法取得外管局批准。

      刪除
  10. 作者已經移除這則留言。

    回覆刪除
  11. 好奇怪, 延長要約期後, 今晚又有百多萬股1426接受左要約。

    回覆刪除
    回覆
    1. ccass 14-15nov 沒有變動

      刪除
    2. 但10% 差唔多 1.3億股。。。改變唔到乜嘢。。。

      刪除
    3. 我準備實名投訴有國企背景的Long Hills Capital ,有理由相信偉哥説法,有見不得光的利益関係,黑箱作業無法無天,竟然倒自己米,習主席已經再三下令嚴打貪腐,簡直當習主席講的是癈話。

      暫時無期貨長短倉,不理升跌,不問賺蝕,閒停信步,心如飛鴻。

      刪除
    4. 3.76,有轉機有轉機

      刪除
    5. 目標明確,3.78有救有希望! 真係一額汗,以為實死無生

      刪除
  12. 今日教育股又洗倉,真係每日一洗

    回覆刪除
    回覆
    1. 見有師兄介紹,小注撈1752。呢隻IPO都跟偉哥賺過筆。

      刪除
    2. Terry兄,1752睇嚟今日都可以食埋喎

      刪除
    3. 昔日明星股1317跌得慘烈!

      刪除
  13. 回覆
    1. 入咗之後跌,嚇死寶寶
      Terry兄,你咪玩嘢呀,你唔好嚇我呀,命都冇呀,佢做股做得好小氣㗎,一話就嚟料呀

      刪除
    2. 好野,Q兄請食飯,我半島就ok

      刪除
    3. 859簡直愛恨纏綿 now @1.02

      刪除
    4. 學生哥兄,乜唔係你請我咩,我計過你今個月都有成六位數字,今次半島中心茶餐廳, 四季酒店你嘅

      刪除
    5. 嚇死寶寶呢D大陸留行用語係D嬌滴滴女仔人家先會咁講,哈哈哈哈

      刪除
    6. 凌姐,我都未講寶寶內心多恐懼,鬼咩我差唔多成屋都係女人,細個執家姐D嘢玩,玩洋娃娃煮飯仔

      刪除
    7. 青兒,你露底啦,哈哈哈哈

      刪除
    8. 凑晨兄何必揭穿?🤣

      刪除
    9. 時間就是最好的証人。

      我係呢度所有留言期貨長短倉操作全部是真實的,我post 了証據在雪球,可惜批評我老作吹水的人冇一個人肯認錯道歉。

      今日生果報財經版有一作者介紹買債券背後的精密計算,睇評級機構評分,話1813合景發的是垃圾級別。海嘨前炒賣信評級機構買入就瓜咗,我以前講過就算冥通銀行發債,比些少甜頭評級機構,肯定三條AAA。

      刪除
    10. Uncle ng, 原來我依家畀人誤會我係青兒,I am shocked!

      刪除
    11. 我信你唔係女人,不過唔知你改了多少次名。

      刪除
    12. Uncle ng,你見我雖然好鍾意玩口多多,呢個名係我第一個名,亦唔會改名用來話人,你留言教炒期我有睇的,只不過有時睇睇下有條毛夾埋落去,幾年了,心結要解開吧~

      刪除
    13. 777孖生兄弟 不過 叫張三或李四或王五或狗六又如何

      刪除
    14. Terminator兄,如果要改,我鍾意666魔鬼之子

      刪除
  14. 回覆
    1. 唔使入㗎喇,做唔返呀

      刪除
    2. 我尋日1.02入,蟹將一名

      刪除
    3. 大囗兄,如果我係你,我會今日再溝

      刪除
    4. 睇遲了睇遲了,不過我排了

      刪除
    5. 不要錯過859,觸底回升格,而且,貨入強者QwQ手

      刪除
    6. 頂點解我見到0.89買價時會遲疑架,升到0.9時又排0.9架,鳴。。。1752食左啦~

      刪除
    7. 有回就把握機會上車,後面勢力非常強

      刪除
    8. 我擺多幾日睇下可以升成點

      刪除
    9. 好,今日將個時間交番畀我,為大家報導下859最新情況,今早應該有一班蟹貨集團同一班炒家樂園沽貨,859後市其實係... 有希望嘅,你要對管理層要有信心

      刪除
    10. 升到1.6x,點估到兩日後會插返一蚊樓下...

      刪除
    11. LEE尋日有講原因,要升破1.6比下耐性。

      刪除
    12. 呢D留比Q兄大戶玩喇, 今日咁刺激高低位3x%, 我而家即食沽出算.
      散戶的我短炒走轉有賺算, 再搵机會

      刪除
    13. 基本上已經脫離基本分析,呢兩日既波幅真係唔識睇

      刪除
    14. Tin兄,我只係小戶,賺左走啦~

      刪除
    15. 中槍兄,庄家要点玩点行冇得控制,散戶只可盡量在支持位/阻力位出入買賣,減低風險

      刪除
    16. 尋日入果注仲0係手
      今朝低位入過一注已走,有大波幅既正股都幾好玩

      刪除
  15. 粒橙已經有N日停在0.41慢慢收貨,伍生你在想什麼

    回覆刪除
    回覆
    1. 伍生好心你就做下正經事,成日睇住呢度講下你又小氣,做人唔大方多多錢都無用,兩腳一伸又係乜都無,拉高佢你就名流千古,否則就臭過屎

      刪除
  16. 隻蒸丸又沽升淚,沽完先知入左MSCI。😔

    回覆刪除
  17. 今天期指應可企返上26000點之上收市.

    回覆刪除
  18. 黃國英改變態度看好地產股

    對沖國度:地產股賺到兩成收貨
    http://orientaldaily.on.cc/cnt/finance/20181116/00210_002.html

    回覆刪除
    回覆
    1. 對,佢先前唱淡地產股入貨。

      刪除

    2. 磚頭真值錢,始終有識貨的人買。

      【終極劈價】「玩具鄭」山頂屋 「鄰居」莊紹綏胞姊2.96億買入
      https://hk.finance.appledaily.com/finance/realtime/article/20181115/58915487
      有「玩具鄭」稱號的鄭躬洪,今年初以來不斷賣產,連自住的山頂種植道73號豪宅,亦早於市場放售,最終劈價達8,400萬元,以2.96億元售予「鄰居」兼前莊士國際(367.HK)莊紹綏胞姊蕭莊秀純。

      刪除
  19. 愛股1579 日日新高,今朝全部清晒

    回覆刪除
  20. 今年教育股真係多災多難!

    回覆刪除
  21. 均價約3.8元沽出了3天前均價3.9元的1426。

    目前風險仍限於已接受要約的持股。

    昨天的CCASS變動顯示昨天有110萬股接受了要約, 即是PAG延長要約期不是毫無作用, 就看看最後的12天, 會否有大戶改變主意, 接受要約。

    回覆刪除
    回覆
    1. 我想喺度作出呼籲,我自小家貧,父母開始年老,入世未深,將辛苦積蓄,受奸人所害,希望大戶可以接受要約,幫助貧苦大眾,福有攸歸, 家宅平安!謝

      刪除
    2. Q兄連苦肉計都出埋,在下甘拜下風,令我諗起唐白虎點秋香周星星入華府做下人個幕,係到鬥慘,哈哈

      刪除
    3. 難度PAG不知道延長其實無用?既然延長得,我估PAG有見到轉機,有大戶可能會改變心意

      刪除
    4. 其實呢種情況一般都係盡下人事, 反正延長要約期並不需要額外增加多少的成本, 但就奇在昨晚細摩的倉位突然有110萬股接受要約, 唔知係唔係睇到股價大跌, 回心轉意接受要約, 希望有奇蹟發生。

      股價如果在要約結束前跌到3.3元、甚至3元, 不知會否有更多大戶轉軚?可能針未扎入肉, 佢地唔知痛, 要入左肉感受到痛才認真諗諗是否要接受要約。

      刪除
  22. 昨天撈的3600及598, 今日一升一跌, 剛好互相抵銷無輸贏。

    回覆刪除
  23. 買入 HSI 牛66723 @ 0.100
    加多1張 LC 26200@ 334

    回覆刪除
    回覆
    1. 好野,快過打針.

      係咪?如果今日我要操作LC262會平你好多.

      刪除
    2. terminator兄,奇怪剛起步就沽出?

      刪除
    3. 加倉1/3 11322 石藥CALL @0.117
      搏中午業績

      刪除
    4. Derek , 因為我已有LC 26200 4張, HSI 牛只是 炒一轉 短的

      刪除
    5. Ng Wai, 今天朝早開會, 出來已11點幾, 錯失機會.
      哈哈,不過有賺就好.

      刪除
    6. 6869長飛 終於起飛, 希望可以振翅高飛

      刪除
    7. 我呢個多月炒期貨最失敗的操作,就是上月尾買入了二張細一張大的11月期指,差不多低位買入,剛好有朋友打電話比我叫出去lunch ,見有得執百幾點,平倉外出,下午已經升了三百幾點,第二天又升,第三天又升,高低位相差12萬幾。

      刪除
    8. 你個LUNCH 係貴D 既, 不過錢賺唔曬, 蔡翁失馬, 焉知非福

      刪除
    9. 大市已差不多到50天線 26300, 十分之關鍵,
      如果企穩並升穿會有很多淡倉 平倉 拉升大市.

      刪除
    10. 原來石藥 下星期一19號中午先出季度業績, 睇錯左今日

      刪除
    11. 我知道賺唔哂,如果冇出去,當日肯定唔會平,第二也有機會唔會平,第三日回就一定平倉,最少賺少一大半。

      投機炒賣好似滑浪,趁有風踏浪而去乘風而返,冇風時仲滑乜鬼。

      刪除
    12. 沽出1299 牛 61946 @ 0.045
      1299 唔郁, 但有人掃61946, 比番佢先

      刪除
    13. 加半注 長飛@22 , 帶我衝上雲霄

      刪除
    14. 謝謝Ng Wai 指正 打錯左, 係61957

      刪除
    15. 我估可能係61957主因是價位相同,如果不更正,你依家手風旺,下星期一有人想跟你操作也不能,金牌莊家詹培忠講過,去賭場賭百家樂,先跟旺家,炒牛熊同一道理,鋤弱扶強。

      我冇炒牛熊,其實操作原理同期指一様,本錢小些加上有回收制度,即莊家幫你止蝕,如果冇止蝕的話,遇上裂囗低開高開,損失會很慘重。

      劉夢熊以前出過一本書叫‘’期貨決勝108篇‘’曾經榮獲中國大陸期貨及經紀列為教學基礎篇,我曾經在深圳書局打書釘時看過,因簡體字唔識睇冇買到呢本書,書出版冇耐就打入全國優秀暢銷書,佢遊水偷渡到香港,只不過在日本仔期貨公司打工,幾年可以學習到咁多嘢,賺咁多銀両,真係叻人中的叻人,可惜發財不立品,要捱了年多鐵窗紅涙的日子。

      刪除

    16. 牛熊自動止蝕方便我計算最大損失,期指set 止蝕盤也有機會平唔到。

      刪除
    17. 啱架,我試過好多次set 好止蝕平倉盤平唔到,因為如果 set 100點止蝕,裂口5舊如何執行到呢?

      以前想寫多些期貨操作分享,希望本錢少或冇乜銀両的網友,踏上財務自由之路,講真一定要靠槓桿放大去搏,搏搵到第一桶金,我全部都是多年實戰經驗有血有汗,不是紙上談兵,好似期權按金,盲毛仲講我唔識span 計算法,根本上隨褲放屁搵來講,只有同未炒過的人吹,如果你倉位組合中有短倉有長倉有call 有put ,有些可以對冲其它倉位,有些升有些跌,按金計法唔同,每天收市後電腦幫你計算按金多少,多除少補,我以前試過沽空40多張細權,按金只要二十幾萬,因為有些倉位有賺可對冲其它倉位。

      如果不幸40多張細每張唔見三幾百點,按金最少要80萬。

      刪除
    18. 夢熊本書唔錯,網上google見有pdf版,謝謝分享

      刪除
  24. 買入1299 牛 61946 @ 0.043
    買入 175 牛 58296 @ 0.217

    回覆刪除
  25. 今日將餘下的慘慘1749止蝕@約1.445, 套現的資金換馬增持左2683@0.66。

    2683出左盈警後股價平穩, 感覺已見底。

    回覆刪除
    回覆
    1. 偉哥 其實你係點樣取捨去買細價股或中大型股份 呢D低流動性細價股如慘慘2683好似就算跌得幾殘都好都唔會有人注意到 通常你會有比每一隻股份一個時間嗎? (例如在一段時間內股份仍然無彰顯其價值就會離場)

      刪除
    2. 冇一個預設的時間, 主要看是因為什麼原因而買入, 而買入原因是否仍有效。

      刪除
  26. 回覆
    1. 3322係殘, 但核心業務冇起色, 經營虧損中, 唔知幾時先可以扭虧為盈。

      記得上年我已說過3322未來2、3年都可以唔使睇。而家股價仲頂住係0.7元, 因為有派息及David Webb渣太多貨頂住。

      刪除
    2. 傳說佢代理既champion係大陸好紅,唔知實際有幾好

      刪除
  27. 994的通告好有趣.....股價大跌, 然後停牌, 公佈大股東想賣殼.....

    究意係因為賣殼意向作價低, 引致股價大跌, 還是因為股價大跌, 所以要公佈"好"消息支持股價?

    回覆刪除
  28. 今日輪到殘股1968發力。

    回覆刪除
    回覆
    1. 上上上!!!! 希望去返0.7

      刪除
    2. 最高20%,各位大賺!!我轉去1265打持久戰!!

      刪除
    3. 均價0.67...諗過減持再低撈返。通常唔放就會跌返,放就會升...

      刪除
    4. Terry考慮放一半試試XD

      刪除
    5. 唔系幾信大口能夠閒庭信步,心如止水的去1265打持久戰!

      刪除
    6. 今日成交量是9月7日以來最高, 算是量價齊升, 希望下星期仲有力衝上0.7元以上。

      刪除
    7. 偉哥賺幾成會減持?定會等到三月業績?

      刪除
    8. 哈哈, 又係個句, 如有減持會即刻披露的。

      刪除
    9. 咁望佢衝返上IPO價啦,哈哈~

      刪除
    10. 1265穩定性高,只是轉碼把1968的錢放入去等派彩。退可守

      刪除
  29. 又有
    《投資點贊》橙天嘉禾併購計劃利憧憬

    http://www.aimpact.com/article/zho/%E6%8A%95%E8%B3%87%E9%BB%9E%E8%B4%8A-%E6%A9%99%E5%A4%A9%E5%98%89%E7%A6%BE%E4%BD%B5%E8%B3%BC%E8%A8%88%E5%8A%83%E5%88%A9%E6%86%A7%E6%86%AC-8075767031

    回覆刪除
  30. 偉哥,請問你有無興趣抽新股1761寶寶樹集團?

    回覆刪除
  31. 回覆
    1. 當然, 新上市的科網股有邊隻係估值平, 而且而家又唔當炒,完全沒有認購的誘因。

      對佢有興趣的話等上市後打折買仲得。

      刪除
    2. 明白,多謝偉哥回覆及意見

      刪除
    3. 奇怪就系半年前马云用11.88入股1.4亿股,到左今次招股仲要再自动反摊薄入货,当以中間价定价7.8....佢最终沟完货成本仲起码11.268

      用非国际準则去计招股PE为72-90倍,唔通马云日后开咗个入口(响淘宝)佢会识飞?

      刪除
    4. 哈哈, 如果係賭阿里概念, 咁不如賭微信小程序第一股的同程藝龍, 估值又低好多。

      刪除
    5. 我都係咁谂,起码ctrip响美股trade 紧over 22 倍 PE (虽然今年自高位都跌到晕)。打开微信钱包,起码火车飞,机票,酒店都系俾左同程艺龙独家。我宁愿博同程艺龙,起码安全D。

      刪除
  32. 一個好政府向前邁出了必要的一步!

    中央禁民營幼園上市 教育股急挫蒸發82億
    http://std.stheadline.com/daily/article/detail/1911025-財經-中央禁民營幼園上市+教育股急挫蒸發82億

    中國國務院前日發布新規整頓內地學前教育徵求意見稿,希望遏制過度逐利行為,要求民辦幼兒園一律不准單獨或作為一部分資產打包上市;上市公司不得通過股票市場融資投資盈利性幼兒園;社會資本不得控制國有資產或集體資產舉辦的幼兒園、非盈利性幼兒園。不過,意見稿未有提及政策的具體落實時間。

    回覆刪除
    回覆
    1. 這樣的政策最終將涵蓋所有私立小學,中學和大學。

      刪除
    2. 教育是顛覆一個國家的有效手段!!!

      刪除
  33. 股市不跌反升有因!

    只許美國放火 不許香港點燈
    http://std.stheadline.com/daily/article/detail/1910404-其他專輯-只許美國放火+不許香港點燈
    …...
    香港民族黨揚言要搞港獨,違反《基本法》,在法理及權力範圍上,中國有權處理。在外國記者會邀請陳浩天演講的風波中,中國外交部就事件回應,說明中國覺得民族黨鼓吹分裂,涉及領土完整,有權出聲。其後馬凱的簽證申請,特區政府有權決定是否批准,法理上並無不妥。相反,美國既介入香港事務,又介入中國內政,在法理上很難說得通,現時卻反過來借此拉到貿易問題,可說標準任美國訂,總之有佢講,無人講。

      經濟及安全審查委員會發表報告,暫時還見不到明顯衝擊。港股在消息後開市企穩,午後還大升四百多點。為何出現這個反應,基本上是美國在香港有巨大利益,打擊香港等同打擊自己,所以出出口術容易,真正落手就要三思。

      另一個直接原因,是中美現時焦點是貿易戰,若然在談判上雙方鬧得不可開交,美方可能借此撻伐,股市隨時因此大跌,股民就多得陳浩天不少。幸而現在美國中期選舉已完,借貿易戰拉票的動機暫告一段落,相反商務部透露正與美方高層密切接觸,期望月底習特會能有成果。在貿戰吹暖風之下,報告的殺傷力自然大減。說到底,像陳浩天或民族黨這些馬前卒,說到底都只是美國利益優先政策下的一棵棋子而已,尤其在特朗普治下,只講強權和利益的外交原則早已表露無遺,市場吃透這種功利之風,股市因此不跌反升。

      道理次要霸權至上

      香港作為中國一部分,特區政府處理內部事務,受到美國政府方面在言論上文攻不斷,其邏輯就是只許美國放火,不許香港點燈。美國打橫行,道理說不說得通不重要,最重要是金融軍事上的霸權無人能敵。

    回覆刪除
  34. 隨著中國晶片製造技術的進步, 美國晶片股的未來不會特別突出!

    【美股戰報】美股個別發展 地產股升晶片股跌
    美股個別發展,地產及公共企業股上升,晶片製造股卻疲弱。道指收市升123點,報25413點;標普500指數升6點,報2736點;納指跌11點,報7247點。

    回覆刪除

注意:只有此網誌的成員可以留言。