置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年7月26日 星期四

中、大型新股估值越來越搵笨



曾幾何時,每逢有大型新股上市,都是“執錢”的機會,印象最深刻的是自己15年前開始以孖展認購新股時,遇上了中國財險 (02328)、中人壽 (02628)、中國平安 (02318)這些我們戲稱阿爺派錢的新股,然後就是領匯 (00823)、大型內銀如建行 (00939)、工行 (01398)、AIA (01299)等,無一不是定價比較克制,預留上升空間給投資者,那時真的是大型新股的黃金年代,基本上很多都是上市後股價有不俗升幅的。

然後中、大型新股定價越來越進取,但還算是在勉強可以接受的估值範圍,只是獲利空間越來越少,直至近年,自己覺得很多打著新經濟概念的新股及大型新股,不是估值貴到難以接受,就是一上市沽慢半拍就要輸錢,但仍然有很多投資者樂此不疲,前撲後繼地參與,令到這類新股定價越來越昂貴,完全不值得參與。

或者網友會說小米 (01810) 大家都說估值貴,但股價只是在上市初期稍為跌破招股價,然後就升幅顯著,這不是說明其估值合理嗎?於我個人而言,股價升並不等同估值合理,正如美圖(01357)在上市後,股價曾從8元炒到上23元,那是否說明美圖當時的估值是合理?

最近的小米 (01810),以至正在招股的希望教育 (01765)、中國鐵塔 (00788) 等,估值高到令我提不起認購的意欲。以希望教育為例,業務與中教控股 (00839) 比較接近,而按核心盈利計算,招股價範圍相當於估值49-68倍市盈率,比較中教控股往績市盈率約50倍,並不吸引。

中國鐵塔按上市價計算的市值介乎2173億至2724億港元,以2017年度純利19.43億人民幣計算,市盈率是97-122倍之間。根據保薦人中金的預期,中國鐵塔2018及2019年純利分別是18億人民幣及24.9億人民幣,對應的預期市盈率是118倍及85.5倍 (以中間位定價計算),這估值我自己覺得難以接受。當然,大行提出以EBITDA去計算估值就相對合理,但是投資者比較看重的派息,雖則公司的派息指引是50%的派息比率,只是這50%派息比率應該是基於稅後純利去計算,而不是按EBITDA去計算的。如果是按EBITDA的50%來派息,那我就會覺得這估值很合理,可惜不是。

213 則留言:

  1. 早晨,

    結算前29200熊仔都非常危險。

    回覆刪除
    回覆
    1. 其實小米升到咁會唔會係因為佢係第一隻同股不同權既股票,唔可以太核突?

      刪除
    2. 期指突破29100及升穿29200後,
      下一個位29450~500.

      刪除
    3. 睇太淡, 下限定, 個個唱淡, 暗盤前成交16.1, 個個抽到驚,

      我自己都以為慢慢炒RANGE, 點知第二日巳飛天

      刪除
    4. 有些位又開始要記著,
      8月期指開始轉倉,
      尋日成了3萬張左右,
      價位拉平均約在28910附近,
      8月應尚有9萬張要轉,
      留意價位.

      刪除
    5. 買半注恆指認購,
      睇下點玩.

      刪除
    6. 29100熊咁都死唔去。。。

      刪除
    7. 大戶盡力壓低轉8月倉,
      如果估計正確下午收市時期指首要企回800之上,
      如能企在28850更佳,
      否則市況要重新估計.

      刪除
    8. 如果下午8月期指真係返上800之上,
      買一注牛仔博一博佢,
      否則作罷.

      刪除
    9. 熊仔翻生,同Oman兄對賭下

      刪除
    10. Terry兄,


      你唔夠我旺。(講笑)

      刪除
    11. 8月期指未平倉合約己接近八萬張,
      尚有近五萬張要轉,
      觀察價位依然係28800.

      刪除
    12. 下位支持28600,
      如跌穿又不得企返之上,
      好友先著黃燈.

      刪除
    13. 歐美共識,傳統盟友一齊對付中國,只能等睇戲了.呢場戲可能吾會一時三刻就完.
      少做少錯.

      刪除
    14. oman兄仲有888?有冇新睇法?

      刪除
    15. Jason Li 兄,

      仲有,無乜新睇法,
      又話回購,
      郁都無郁,
      今日仲整個橫手西證出嚟隊,
      真垃圾.

      刪除
  2. 港交所把關不力,容許超高估值公司上市

    回覆刪除
    回覆
    1. 轉變由李小加上任開始,爲追求上巿費,大大降低上市門檻,令市埸充斥假數同問題公司

      刪除
    2. 6869隻A股20號26.x元上市日日漲停。今日已經56.31元。新股上市跌破招股價,只會趕走投資者。 # 雙輸結局 #

      刪除
    3. 諗諗下都唔知係咪陰謀論,搞臭港股個朵,等投資者走L曬... 喎呵。

      刪除
  3. 中國鐵塔 (00788) 等,估值高到令我提不起認購的意欲 X2

    回覆刪除
    回覆
    1. 正如 Louis 等咁多位師兄講過,電訊寧願要 941

      刪除
    2. 收入同566一樣靠大股東,費事上左都停牌

      刪除
    3. 788的三大客戶又是公司的三大股東, 呢種股東架構我自己覺得太容易輸送利益; 當然如有需要時, 也可以是阿媽輸送盈利比阿仔。

      刪除
  4. 中至大型既大陸股,我肯定全部每次業績一早太子黨已知,股價走勢明顯反映,
    近日6060走勢已說明業績會係點!!某些藥股過百PE,個業績又會點???
    你估真係靠分析員可睇到???

    回覆刪除
    回覆
    1. 這是必然的.....正如最近已有兩位朋友同我講, 700第2季度業績差, 即管看看業績是否如此。

      刪除
    2. 所以wai gor買小型股😀

      刪除
  5. 我又繼續跟進859
    睇CCASS星期一聯合將25,024,337股轉去華融
    根據三盛係交銀存倉果818,571,410股推算,華融呢手貨應該都係三盛既,total 843,595,747股 (74.98%)
    聯合比你轉走,證明呢手貨真係無抵押到margin,亦解釋左點解斬倉果日聯合無沽過

    至於點解轉去華融,元大係聯合搵返黎既,可能元大斬倉後同聯合關係都唔好,所以轉走
    又或者華融肯比條margin line比三盛所以轉過去,之前停牌搵placee期間,有一日d貨都好奇怪甘去過華融,第二日又轉返轉頭
    純屬靠估

    回覆刪除
    回覆
    1. 師兄有咩策略,我都持貨中

      刪除
    2. 我無策略齋坐,等睇公司有乜野收購
      而家呢D價都無乜野可以做

      刪除
    3. 中槍兄成本價幾多 有冇溝到?

      刪除
    4. 我得兩條路股價大插再溝,股價升上均價走。就是這樣簡单。

      刪除
    5. 溝左D,而家平均成本都1.8,好慘

      刪除
    6. 佔咗我倉位1/3 均價2.22 我要溝都有啲難度...

      刪除
    7. 嗰時跟大隊3毛殺入去,我都走了😩

      刪除
    8. 佔我超過7成倉,好傷
      而家呢D位我一定唔走,好在唔係孖展,唔等錢使就鬥長命

      刪除
    9. 一隻股佔70%倉位, 實在是過高, 尤其是投機味重的股票。

      我自己應該有10多年未試過有單隻股票佔倉位超過30%的。

      刪除
    10. 今次真係好大教訓,未試過輸得咁傷

      當初買果陣都做左好多功課,又睇到1660,2183飛曬天,所以先心雄買得多
      發夢都估唔到大股東揸9成,業務正常無假數既公司,都可以輸成咁

      刪除
    11. 中槍兄,咁24/8股东大会你要否去一趟

      刪除
    12. 上次改名個SGM得我一個真股東去,我問范雪瑞點解叫中昌,距話三盛個名比2183用左所以唔用。
      中昌又解做中國昌盛,同距地A股中昌數據一樣,意思好好

      點知中曬槍,真係好Q慘

      刪除
    13. 今次一定去啦,我好多野想問
      距地都可能認得我

      刪除
    14. 吾讲得话输始终未走,坐住啫。

      刪除
    15. 如果8月24號前股價上反兩蚊你走唔走?可以唔使開會了。最好問到佢哋煩,股價反弹畀你走。

      刪除
    16. 董事都係打工對股價話唔到事
      主要想知道黎緊有乜野project搞,再決定楂幾耐
      三盛成本都$2.4,nav $2, 睇住呢兩個數真係好唔甘心輸住走

      刪除
    17. 拉埋话得事嗰個匿埋一邊,話畀佢聽你全副身家喺嗰度。😔

      刪除
    18. 呢個世界係圍威餵

      刪除
  6. 如果大公司唔搶到盡上市,邊到得住自己。

    回覆刪除
    回覆
    1. 好多大公司背後做好多野先谷到咁大,唔集多d錢邊夠找數

      刪除
  7. 我覺得市場資金仍然充裕,觀望氣氛較多。賺錢可以令到我哋嘅投資意慾提高。

    回覆刪除
  8. 大股越來越揾笨,那中丶小型股估值是否同樣?

    回覆刪除
    回覆
    1. 小型新股太多啤殼上市的, 4-5億市值合不合理? 以盈利去計算估值, 可能不合理, 但大家都知玩緊乜。有些有實質業務的小型股, 其實上市估值好合理, 例如1729、2683, 以至近期的1731、1968、2262、1758等。

      刪除
  9. 偉哥我想問1355朸濬國際,易手後要約人須按例以同價1.1152提全購.我想問個要約係依個情況係會幾時生效?我現價買入係咪最壞情況係接受要約?

    回覆刪除
    回覆
    1. 未開始要約期, 留意公司通告。

      現價買入, 在要約到期前是有要約價保底, 低於要約價的話, 可以接受要約。

      刪除
  10. 見到FB業績後咁跌法, 我都諗緊要唔要做700 LP。

    業績稍有差池, 股價跌10-15%是大概率的事。

    回覆刪除
    回覆
    1. 雖然比預期稍差, 但跌20%真係有點兒誇張吧...

      刪除
    2. fb从历史高位跌,700已经跌了很多

      刪除
  11. 我假設少數股東權益為25%, 因此估計1098路勁的2018年上半年淨利潤約為8.5億元, 每股盈利1.14元(增加兩倍), 中期股息每股0.2元(增加33.33%)。

    同時我大膽地估計2018全年每股盈利3.6~3.8元(增加38~45.6%), 末期息每股1.03元, 全年股息每股1.23元(增加32.25%)。

    回覆刪除

  12. 信不信由你!

    準備好打貿易戰 可放心買股票
    https://news.mingpao.com/pns/dailynews/web_tc/article/20180726/s00004/1532542639022

    回覆刪除
  13. 偉哥,你仲有持有彬彬?

    回覆刪除
    回覆
    1. 跌到呢D位, 止蝕好似都冇意義, 加上見到有大戶暗中收下貨, 希望有朝一日可以炒返上去。

      刪除
    2. 9千萬市值... 買個豪宅單位都唔止... 上市黎做乜?

      刪除
    3. 之前偉哥4.1暗盤都仲覺得低,冇理由依家斬,有信心希望好似3319咁

      刪除
    4. 偉哥都見有大戶收貨,我都有留意,有幾日買左幾十萬股

      刪除
  14. 1775 琼住左2日係0.88元。

    回覆刪除
  15. 真金白銀去賭博, 無有怕, 陸續有來!

    億京7.3億奪粉嶺工業地
    http://std.stheadline.com/daily/news-content.php?id=1843822&target=2
     (星島日報報道)粉嶺安樂村安全街工業項目為區內過去逾25年首幅工業地,招標結果於昨日揭盅,由億京力壓其餘6家財團,以逾7.3億元投得,每呎地價約3617元,合乎市場預期,並屬政府歷來樓面呎價最高的工業地。

    回覆刪除
    回覆
    1. 可放心買股票!

      央行QE可以走得多遠?
      https://dpzblog.wordpress.com/2018/07/26/%e8%82%a1%e5%b8%82%e9%9a%a8%e7%ad%86-2142/#comment-8537
      ......
      總之今天所謂自由經濟體系中,一隻有形的手一直存在的,而且力量越來越大。

      我們不必輕言中國債務如何如何,似乎危機迫在眉睫,其實相比之下,中國政府是財力最厚,權力最大,最不會發生結構性危機的國家。

      刪除
    2. 塵埃落定!高通收購恩智浦計劃泡湯 歷時21月被推遲30次
      https://xueqiu.com/9919963656/111098387

      智東西7月26日中午消息,剛剛,在美國紐約時間7月25日晚上11點59分(中國時間7月26日上午11點59分)的最後期限, 由於中國國家市場監督管理總局(SAMR )並沒有給出“允許”的答复,這場歷時21個月的全球第一大半導體收購案終於落下帷幕——美國高通公司正式放棄以440億美元收購荷蘭恩智浦的交易.....

      刪除
    3. 中國央​​行更值得信任!
      https://dpzblog.wordpress.com/2018/07/25/%e8%82%a1%e5%b8%82%e9%9a%a8%e7%ad%86-2141/
      比較起來中國的央行真是「小國央行的思維」(中國財政部批評央行的說法),中國央行仍在很謹慎地降存款準備金率,解凍已有銀行體系中的資金,跟日本歐盟的大膽QE根本沒法比,中國央​​行如真要放水,手段及空間還很大很大。

      刪除
  16. 偉哥, 1161 仲有冇留意, 1830 升左咁多, 而1161個海通都差唔多減持完.

    回覆刪除
    回覆
    1. 當然有, 沒有沽過, 只有增持。

      刪除
    2. 海通仲有2球貨要沽的, 最乞人憎是佢每日滲10萬、8萬股出來, 唔肯一野清貨。

      刪除
    3. 係啊, 2球, 等多半個月沽完!

      刪除
    4. 我1161@1元的買盤剛成交了, 又接了些海通的沽盤。

      而家佢細細注沽, 我都細細注接。

      刪除
    5. 同海通都幾有緣, 上次佢幫周大福沽2136沽左半年幾先沽清, 今次又係幫人沽1161, 不過應該唔使沽半年了, 可能沽多1個多星期就可以沽清。

      刪除
    6. 嗯, 見住1830不斷升...好酸

      刪除
    7. 我諗終有一日會追返1830的估值。

      刪除
    8. 呢度賣緊oasis medical廣告有冇關係㗎

      刪除
    9. 我成日google 奧思, 所以我睇的網頁只要有賣廣告的, 會自動彈好多容祖兒的廣告出來。

      刪除
    10. 其實有沒有女網友試過奧思的服務及新產品? 如果有的話, 可否分享下感受或者看法。

      好想推我太太親身去試用下佢地的服務。

      刪除
    11. 哈哈
      遲D偉哥會出篇文"奧思集團(1161) 實地調研"

      刪除
    12. 我識啲女性朋友講過話oasis spa OK.唔好浸spa怕被传染wart. 叫你太太try下個massage用H2O産品的。

      刪除
    13. 偉哥,你奧思平均價是多少?

      刪除
    14. 計及已收股息, 應該微蝕中。

      刪除
    15. 哈哈, 可能都是來抄我底的。

      今日股價升, 反而唔多見海通的沽盤, 但之前跌到1元, 反而要繼續沽, 似乎呢位大戶對1161恨之入骨, 誓要將佢股價打落去。

      好在佢只餘下百幾萬股在手, 惡唔出樣。如果佢仲渣住9000萬股, 我就真係會驚。

      刪除
    16. 偉哥你昨日買入時機都好好啊!
      好彩與你同路!

      刪除
  17. 1765的國際配售又係好熱, 但見到個估值, 我都係等上市睇下有冇機會破底先執死雞。

    見到有報告預期1765今、明兩年盈利增長好勁, 但我睇唔到詳細的數據, 只是見到收入及盈利預期會大幅增長。

    回覆刪除
    回覆
    1. 1765 PLACING好熱,無求人要貨,但真的十分貴,如果抽,真的過不到自己果關,情願星期一賭1758
      或暗入1765算

      刪除
    2. 1765國際配售好多不限價飛, 估計中上限定價機會甚高。

      刪除
  18. 1828俾花旗幾個沽盤壓住,睇唔明。。點解唔一次過,同一個經紀牌喎。。。

    回覆刪除
  19. 今日終於等到靚價買返d 98

    回覆刪除
  20. 偉哥今晚有冇興趣短炒facebook?希望今晚如果有165左右我都想試一試

    回覆刪除
    回覆
    1. 跌20%以上都有興趣撈底博反彈。

      刪除
    2. NFLX 上周初大跌, 好似即日收復不少失地, 看看FB會否也是如此。

      刪除
    3. NFLX個晚都有一開就撈,希望今晚都順順利利

      刪除
    4. 哎第一次玩美股,見盤前禁下172,以為會好似競價咁排下,點知即時成交左171.5,嗚。。。

      刪除
    5. 不貪心,177.5走左。。。多謝大戶Joshua Chan兄和偉哥。

      刪除
    6. 個人認為一夜間無左1200億美金..史上最大單日跌幅市值..雖然業績稍比預期差一點、毛利率將下降、進入中國市場被BAN,但都不至於咁誇張...所以本人認為係重新建倉好時機

      刪除
    7. 最主要係調低左未來幾年的營收,預期增長開始放緩

      刪除
  21. 偉哥有冇興趣參與吓拼多多?

    回覆刪除
  22. 32 issued profit warning. Yet Get Nice securities (the major buyer) was buying 32 in small amount near historical high everyday.
    http://www.hkexnews.hk/listedco/listconews/SEHK/2018/0725/LTN20180725282.pdf
    https://webb-site.com/ccass/chistory.asp?issue=171&part=83

    The OCF is 0.8B/yr until 2023, oligopoly/monopoly business on WHT and HKSM.
    Any futher idea on that?
    I think Mr Cheung is likely to pay special dividend in the next few years, just like 75.hk.

    回覆刪除
    回覆
    1. 結好是他們友好圈子的御用經紀。

      確實有機會派特別息。

      刪除
  23. 靜到呢...我以為偉哥開左新po, 所以呢度無晒人...

    回覆刪除
    回覆
    1. 哈哈, 我是忙碌過後, 身心俱疲, 所以要多些時間休息去恢復狀態。

      今天可以睡到10點先自然醒, 很難得。

      刪除
    2. 偉哥咁得閒, 問下你, 記唔記得你最初寫blog果陣, 個股票組合大概係幾多$?

      刪除
    3. 低7位數。這個股票組合由寫blog開始, 基本上是沒有再注入新資金, 只有抽走利潤去還樓按。還晒樓按之後, 就沒有再抽走資金了。

      刪除
    4. 沒有再注入新資金的情況下能夠達到現在的成果真的很利害

      刪除
    5. 好奇想知偉哥做邊行?

      刪除
  24. 今日HAPPY FRIDAY,路都少左車

    回覆刪除
  25. 我有一個問題, 6829 五月有幾百萬股變返做實股, 咁做有咩意思?

    回覆刪除
  26. 呢排d新股隻隻估值咁貴,某些券商會總結一份"研究報告",推薦度5分為滿分,估值貴果幾隻就不置可否咁俾2.5分……

    回覆刪除
    回覆
    1. 唔知點解, 而家好多國內投資者在雪球寫新股股評, 變相令更多國內投資者參與新股炒作, 也令新股的走勢更難預測。

      不過好多的新股股評都是照炒招股書內容, 沒有太大得著。

      刪除
  27. 份報告最緊要老老實實,唔好圍威餵就得。

    回覆刪除
  28. 現在,中國向美國大豆徵稅,美國大豆在中國賣不掉,就賣給歐盟,特朗普有了更多的籌碼與中國玩下去,相信很快的又會有徵稅決定公佈,在特朗普眼中,人民幣貶值是貨幣戰爭,是挑戰特朗普,因此,特朗普是非常有可能向所有的中國產品徵稅以免中國利用人民幣貶值增加對美國的出口,佔美國的「便宜」,向所有的中國產品徵稅是不必甚麼清單,唯一需要考慮的是徵稅會不會引發美國通脹,如果人民幣貶值10%而徵稅10%,則中國產品在美國的零售價可能不變,而美國政府就平白賺了數百億美元的稅收。

    曾淵滄

    回覆刪除
    回覆
    1. good concept

      領展(823)股東會,依然有一些搞政治的人在那裏示威,只要領展一日有人示威,領展的股票就不應該賣掉,要長期收起等收息,甚麼時候領展才沒有人示威?那得等到領展全面完成更換物業資產的時候,賣掉了所有的公屋商場、街市,換成一般的商業大廈,到了那一天,領展與其他的房托就沒有分別了,示威者也失去示威的焦點,到了那一天領展與其他的房托沒分別,也就失去了目前仍然存在的額外加租的「紅利」,目前領展加租的能力,條件依然比其他房托強。
      曾淵滄

      刪除
  29. 偉哥,3399破底會加注嗎?

    回覆刪除
    回覆
    1. 破底原因估計是因為中期業績會錄得倒退所致, 因上年賺錢的現代物流業務已剝離。

      等中期業績出左再睇睇。

      刪除
    2. 3399坐左一段時間艇,本身估回A前會做靚盤數
      假設今年業績不變 現價 PE:7 4.35厘息, 似乎市場已經預期今年唔靚仔

      刪除
    3. 除了偉哥,真是很難有人賺到3399錢

      刪除
    4. 睇來要預左坐多幾年,一係吾發市,一發市夠食幾年.好彩息率吾錯.
      當一隻有潛力既公用股.

      刪除
    5. 話唔埋最終取消入A或者入都唔炒?此前QQ合作都只係炒兩日

      刪除
    6. 回A是勢在必行, 而且以國企身份申請, 証監好少唔批的。

      刪除
    7. 不是吧, 偉哥一早已推介3399, 大把人賺大錢, 只是近一兩年不佳吧, 本人也賺了不少

      刪除
    8. 唔該偉哥
      我一直持有這票,由2015年尾到現在都是維持在4元多,中間有極短暫升幅也很快倒跌.一直持股中間沒有吐利,基本上只能是持平收息.你講大賺只會是2014年或者之前進入此票才得.

      刪除
    9. 幾年前已經跟偉哥買 財息兼收

      刪除
    10. 見雪球話31/7開會,會否表決回A?

      刪除
    11. 公告咪有寫...

      特別決議案
      1. 逐項考慮及批准關於本公司申請在境內首次公開發行人民幣普通股並在深圳證券
      交易所中小板上市方案的議案:
      1.1 建議發行的股票種類及面值;
      1.2 發行規模;
      1.3 定價方式;
      1.4 發行方式;
      1.5 發行對象;
      1.6 承銷方式;
      1.7 募集資金用途;
      1.8 發行前滾存利潤的分配方案;
      1.9 擬上市地;及
      1.10 決議案的有效期;
      – 2 –
      2. 考慮及批准關於授權本公司董事會全權辦理本公司首次公開發行股票及上市相關
      事宜的議案;

      普通決議案
      3. 考慮及批准關於本公司本次A股發行攤薄即期回報及建議的填補措施的議案;及
      4. 考慮及批准關於制定本公司股價穩定預案的議案。

      刪除
  30. 股市悶, 可以騰出時間做一些平時沒有時間做的事, 例如去睇戲。昨晚飯後去左睇mission impossible夜場, 雖則內容一般, 但2個半小時乜都唔使諗, 輕鬆下都幾寫意的。

    今晚可以睇火星大衝+月全食。

    https://ol.mingpao.com/php/hotpick3.php?nodeid=1532261989098&issue=20180723

    回覆刪除
    回覆
    1. 睇咗Skyscraper都係一般

      刪除
    2. 過兩日去睇埋超人特工隊2, 睇下有冇驚喜。

      上一集我有陪個女去睇, 都幾好笑。

      刪除
    3. 好爸爸 👨‍👩‍👧‍👧👫👪 好丈夫

      刪除
    4. 偉哥偷得閒時盡享家庭樂👍👍要珍惜呀。如果錯過咗可能要等子女懂事至再有機會喇😜剛剛女兒訂咗機票同我去旅行開心死我,等咗接近十年了🤣🤣

      刪除
    5. 上一集超人特工隊我睇到喊。印象中係超過十年,所以我都好期待今集。

      刪除
    6. LEI_O兄,10年後吾喊吖。

      刪除
    7. derek就好啦, 我等我個女有經濟能力請我去旅行, 應該最少要等多10年.....

      刪除
  31. 少人認購並不是因為息貴, 而是估值貴, 就算減到零息都作用不大。


    暫為今年集資王的新股中國鐵塔(新上市編號:00778)招股反應冷淡,鐵塔孖展今日截止,信誠證券將鐵塔孖展息率由此前的2.28%大減35%至1.48%。

    信誠證券聯席董事張智威表示,減息原因為公司現金充足,現預留約8億元資金,新舊客戶均可認購。

    鐵塔昨次日招股,據本報綜合6間券商,合共借出6.75億元孖展額,相當於公開發售集資34.06億元計,僅錄得近20%認購。輝立及耀才分別借出4.5億及約1億元,信誠指截至昨日收到3,000萬元孖展。

    回覆刪除
  32. 羅康瑞譴責燒山亂講野,睇黎唔多唔少都講中D
    BTW 偉哥是否仍然揸住瑞安?

    回覆刪除
  33. 偉哥

    1729出左FULL ANNUAL REPORT, 其中提到一段關稅影響

    另一方面,美國於二零一八年六月十五日宣佈加征25%進口關稅的對華產品徵稅清單,而我們的光纜須繳納有關關稅。運輸至美國客戶的該等產品佔二零一八財政年度收益總額約30%。惟目前難以估計對我們來自該等美國客戶的訂單的實際影響,我們將密切留意有關形勢的變動。本公司將採取一切有效措施保障公司利益。


    極端諗係咪有機會無左呢3成生意?

    回覆刪除
    回覆
    1. 冇左30%生意是非常極端的想法。

      我自己看法是公司與客戶應會共同分擔增加的關稅, 可能令毛利率受影響。我自己覺得除非google改向其它國家的供應商落單, 不然搵國內供應商的話, 一樣會面對同樣問題, 但google同1729合作左4年, 估計不只是價錢的問題, 還有貨品質量的問題, 所以對於google的訂單, 我唔會太悲觀。

      刪除
    2. 今日明報有篇報道值得參考:

      港商貿戰「中槍」 與客各付一半關稅 涉數百萬營業額 或縮公司規模
      https://www.mpfinance.com/fin/daily2.php?node=1532629728923&issue=20180727

      都要再讚一讚明報財經版, 做得幾好, 值得大家每天花時間看看。

      刪除
    3. 照計D線佔成個data centre既成本只係九牛一毛
      因為咁走去換供應商,多一個爆鑊來源照計唔值得
      不過如果長此下去唔止google,黎自美國生意機會都會細左

      刪除
    4. 唔知國內生產商在加了關稅後, 與外國同業比較, 還有沒有競爭優勢?

      有沒有熟悉此行業的網友可以分享看法。

      刪除
    5. 如果係高科技產品, 黏性可能會大D.
      但揾過1729生產的產品, 感覺唔係咩高科技野.

      刪除
    6. 唔係乜高科技野, 但能夠享有如此高毛利率, 相信其產品是有競爭力的。

      刪除
    7. 岩岩問左位舊同事,做電子零件採購經理
      佢認為仲有價格優勢的,始終這類產品最主要產地始終係中國

      刪除
    8. 不如咁樣諗,以之前Google加單既速度,即係1729同Google合作愉快。只要1729唔大幅加價,Google無誘因換Vendor。

      最壞打算係1729要自己食哂所有關稅黎留住Google。翻查招股書,數據中心毛利率係39.4%。過去3個月人仔大約跌左7%。咁即係1729要比((1 + 25%)*0.93) - 1 = 16.5%關稅。新毛利率即係約23%

      年報話Google佔上年生意30%,生意額即約3.7億,毛利少16.5%就係6000萬。當出年其他收入支出同今年持平,除稅前溢利就會由1.7億跌到1.1億,出盈利就大約係9000萬,EPS $0.0489,現價就係8倍市盈率,半科技股黎講唔算貴。

      但不要忘記,以上未計銷售額增長。另外,如果1729可以轉嫁都部分關稅,盈利都會比上面好。我覺得以上兩點出現既可能性都高。咁現價就係一個不俗既買入點,就算唔買,都不妨等埋中績,話唔定有驚喜。

      刪除
    9. google貢獻的收入是4.87億元, 而輸往美國的貨品只有3.7億元, 即係google有1.17億元的訂單是輸往美國以往地區。之前有新聞指google會在歐洲建更多的數據中心, 或許之後的訂單會有更多往歐洲。

      1729管理層對於來年業務的指引很樂觀, 講到收入及毛利率都會提升, 實在無理由因為關稅問題而係呢D價位沽出1729。

      刪除
    10. 分析完都係繼續坐貨等運到

      刪除
    11. 同意,當然唔會沽,係諗住加注姐....所以諗Worst case 心裡有個底。
      同埋我都計漏左上市開支。咁食哂關稅同無增長現價只係約6.5倍PE度.....
      下星期一買多少少放下

      刪除
  34. 回覆
    1. 是的, 已沽清。

      有傳聞中期業績會轉虧為盈。

      刪除
    2. 其實都唔奇 捷克間廠都差唔多Run左一年
      岩岩又過左賣上海公司,賺番蝕左既
      似乎下半年會有啲野睇下,不過我都只係均價1.1以下入左小注

      刪除
  35. 回覆
    1. 6816、1355連續兩單成交, 有助恢復市場對殼股的信心, 雖然殼價肯定是有所影響。

      按6816、1355的作價來計算, 殼價可能跌到5億左右。

      刪除
    2. https://news.futunn.com/stock/4968025?src=2
      但睇ccass又唔像。。。

      刪除
    3. 6816出了新通告嗎?知唔知咩價

      刪除
    4. 隻3773都由低位爬返十幾格,其實呢隻應該係堅殼股完全都無生意做咁嘅。

      刪除
    5. 6816看股權披露是已成事, 作價1.31元。

      刪除
    6. 原來可以咁睇,多謝偉哥

      刪除
  36. 偉哥會否排1355@1.11,搏佢炒上?

    回覆刪除
    回覆
    1. 坦白講, 冇研究過買方及的背景及此公司的資料, 所以不考慮了。

      刪除
  37. 589尾市掃上, 估計私有化通過機會應該頗高。

    原打算抽時間出席EGM投票, 但剛剛有事在身, 而家先得閒,要趕及投票的話就要飛的過去.....看尾市股價走勢, 似乎大局已定,可以慳返的士費。

    回覆刪除
    回覆
    1. 希望你預測正確啦偉哥...嘻嘻嘻

      刪除
    2. 看今早跌到3.8邊,差點以為否決私有化在望

      刪除
    3. 我早前响渣打,打電話去留在指示否決。但我好少股。

      刪除
    4. 偉哥。私有化通過了。
      但有一事請教。我見好多職業手每人揸10股投反對票。現埸得2x人,去地16人。點解最後都成功私有化?

      刪除
  38. 為什麼316收市股價會去到82.55??????

    回覆刪除
  39. 全國第二大的民辦高等教育集團希望教育(01765-HK)已於今日中午截止公開發售,市場消息透露,其招股價將以上限1.92元定價,集資32.01億元。其招股價範圍是1.52至1.92元。
    消息稱,希望教育要啟動回撥機制,令公開發售佔比由10%,增至佔30%。

    上限+回撥,破底可期...

    回覆刪除
    回覆
    1. 預左, 國際配售太熱, 唔上限定價對唔住自己。

      只係估唔到會回撥到30%咁多。如果只係僅僅超額15-20倍的話, 咁回撥後公開發售平均中籤率會幾高。

      唔知會唔會係競爭對手839的翻版。

      刪除
    2. 貨多,執平貨, 待1758執錢後少決定

      刪除
  40. https://warrants-hk.credit-suisse.com/ch/underlying/performance_c1.cgi

    8月份都唔見2136會供報業績

    回覆刪除
    回覆
    1. 下星期應會公佈, 估計是8月13或14日。

      刪除

注意:只有此網誌的成員可以留言。