置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年6月15日 星期五

世界華文媒體 (00685) 的業績簡評及潛在催化劑


世界華文媒體的全年業績錄得虧損約1149萬美元或9000萬港元,但撇除一次性的盈虧,實際上核心盈利約1億港元或每股5.9港仙,全年派息3.365港仙,現價相當於12倍市盈率及4.8%股息率,估值上是合理。

資產負債表方面,實際上是比上年為佳,目前帳面持有淨現金約4億港元,而上年同期是淨現金2.9億港元。

純粹看基本因素的話,我覺得世界華文媒體目前估值算是合理,沒有高估或低估,但我們要考慮兩個潛在的催化劑:

1. 持有73%股權的萬華媒體(00426)如成功賣殼, 套現所得估計大約5億元,因世界華文媒體資金需求不大,兼且目前持有大量淨現金,故此估計套現所得大部份應會用作派特別息。

2. 大股東年事已高(82歲),之前由原本擔任主席兼執行董事,調任非執行董事,改由弟弟接任主席,而巧合的是大股東上年傳過大病一場,背後傳遞的訊息似乎很明確,大股東已預先安排好接班問題。這個說得難聽一些,以往有一些老牌公司年邁大股東一旦仙遊,股價可能都會有短線的炒作。

說完利好,說一些利淡的。最近不時有實股轉入CCASS,然後沽售,其實是馬來西亞的小股東在做套戥,因為同時在馬來西亞上市的世界華文媒體,在當地的股價及成交量都遜於香港,所以有些馬來西亞小股東將持股轉來香港沽售,令香港的股價承受沽壓,當然要轉來香港沽貨也要辦手續及需時數星期,不是想轉就立刻可以轉過來的,最起碼應該在香港也要有股票帳戶吧。

276 則留言:

  1. 最近常大手沽685的寶盛, 貨源就是源自馬來西亞轉股過來沽。

    回覆刪除
  2. 486 偉哥有無打算轉去俄羅斯沽?

    回覆刪除
    回覆
    1. 相信難你唔到的,係要飛去俄羅斯開個證卷戶口》,《

      刪除
    2. 俄羅斯既朋友揮下手,呢度有大茶飯呀。。。

      刪除
  3. 前日錯手買的最後都是keep住左,除左俾寶盛壓住個價外,其實啲買盤都幾積極咁慢慢買。

    回覆刪除
    回覆
    1. 係, 而且426現在的股價, 同合理賣殼作價只有大約15%折讓,反映了賣殼預期極高。

      刪除
  4. 想請教偉哥撇除的一次性盈虧是商譽減值撥備嗎?但我找不到詳細解釋為甚麼要做這麼大額的撥備,偉哥可否指點一二?
    另外亦有點不明為何約有5千多萬的非流動負債轉成流動負債,是跟還款年期有關嗎?

    回覆刪除
    回覆
    1. 商譽減值、廠房、物業減值。

      商譽減值在什麼情況下要做, 可以google一下, 網上找到詳細解釋的。

      刪除
    2. 流動負債及非流動負債的區別, 網上也是可以找到詳細解釋的。

      因為我的會計知識只是來自大學期間僅有的入門級course, 所以我自己看得懂會計報表, 但要我詳細解釋就有點吃力。

      刪除
    3. 之前好似有提過偉哥係CFA?定係我記錯?

      刪除
    4. 偉哥唔係, 佢老婆係

      刪除
    5. 係, 考完後好似得物無所用, 現在做左家庭主婦.....

      刪除
    6. CFA都無用..................

      刪除
    7. 謝謝偉哥,我先再了解一下。

      刪除
    8. 叫老婆幫手睇報表 自己un un腳睇波!

      刪除
    9. 哈哈, 假手於人, 自己不放心, 驚有甩漏。

      刪除
    10. Regarding the impairment of goodwill, you may refer to notes to the financial statements under the heading of intangible assets. For year ended 31-3-2017, please see note 17(b)

      For impairment loss on other items, you may obtain some information in note "Profit/(loss) before taxation - other items", see note 8

      刪除
    11. 商譽減值撥備<-這個item比較subjective, 基本係公司每年都需要做impairment testing on goodwill,compare 返個recoverable amount 同carrying amount,當個receoverable amount below carrying amount, 甘就要做impairment.我相信佢既substantial provision 應該係因為其下既cash generating item持續下跌而產生,實際就要公司自己先知佢點解可以甘做.或者可以係股東會問下
      至於由非流動負債轉成流動負債,應該係因為債項年期問題,非流動負債是指負債大於1年的債項.
      小弟不才,希望解答到你

      刪除
  5. 2136陰的陰的下跌,唔通真係收夠貨。

    回覆刪除
    回覆
    1. 是不是差不多到業績期要暫停回購?

      刪除
  6. 偉哥 2136會否買回4蚊附近沽那注嗎?

    回覆刪除
  7. 回覆
    1. 昨日已為跌定入貨嘅散戶瀨晒嘢,呢只都係睇定d先.觀察為上

      刪除
    2. 763 中興通訊已廢了武功,是可以不理有排醫!咁多正正常常股票跌得多可以揀,為何撈763個低博彈呢?

      刪除
    3. 中興通訊還有變數的, 並不確保可以獲取消制裁。

      刪除
    4. 我尋日同今日入的股票全跌! 763, 729, 113, 2136

      刪除
    5. 因為sz 000063 每日都跌停

      刪除
    6. 七兄效應....試下放一兩手,睇下有無改善?

      刪除
    7. 係眾議院想叫停個取消禁令

      刪除
    8. 七兄,撈㡳難度好高,不如買番大少少既股或熱門板塊,戒賭呀……

      刪除
    9. 有無好選擇?輸到怕

      刪除
    10. 毋忘唔係post出來話止蝕763咩? 何以仲有貨?

      刪除
    11. 醫藥板塊有好多 choice (1548除外), 或到世界杯去到中期,睇下較落後的賭業股,因為八月 summer 放假賭業股會好番D。如果跟偉哥買也 ok,但你要留心偉哥是以事件驅動為投資策略,要常留意個别股票的最新消息及發展,亦要了解偉哥買入的 rationale, 如果你跟進得唔夠貼,錯失止賺或止蝕的時機,就做成損失。

      刪除
    12. 現在中美貿易都未傾掂,七兄真係小心,有咩事,又擺中興上台,唔係簡單罰下錢就算

      刪除
    13. 尋日又買返😭
      谢謝各位提點

      刪除
    14. 我懷疑呢度有大戶追擊緊7gor你

      刪除
    15. 嘩咁好陰濕啫, 會否攪到有些以「毋忘驅動」做行動的人因咁而入事蒙受損失架,
      但好在sofar都只係你嗌763PK而未發現其他人咁講.

      刪除
    16. 我其實28蚊買過763 24.9止蝕咗。算係比較好嘅股東了。

      至於7兄明明尋日先話賣咗又買番就😚

      刪除
    17. 729都撈真係.....................

      7兄咁買法不如直接過澳門賭大細

      刪除
    18. 大戶追擊的話, 何以毋忘無post出來都可以追擊得正確? 這顯示效應是以「行為驅動」而不是「留言驅動」! :O

      刪除
    19. 麻煩7兄strong hold 763,我等緊10蚊,謝謝!

      刪除
  8. 杉杉今日截止認購, 超額過百倍是必然的。

    我入了兩張飛, 一張150萬股, 一張70萬股, 估計70萬股的不會派得多, B組那張希望有機會派到5%左右。

    以後呢D集資3億元以下的小型IPO, 我就不打算提前披露認購意向了。講真,小型IPO只要係呢度提下,超額過百倍係好容易的事, 所以以後小型IPO一概不提前講了。

    不過大家又唔使失望, 我之前睇好的幾隻, 包括1752,1598, 以至今日的8357, 隻隻都係暗盤被人壓價, 大家冇認購的話, 在暗盤掃貨其實也沒有蝕底, 例如1752甚至跌破招股價、8357、1598都可以以孖展成本價買入, 有冇認購的分別都不大。

    回覆刪除
    回覆
    1. 不知道是否過往都如此,但自從輝立往往第三日出十孖之後,好多小型股都最後一日先落飛過百倍,搞到要回撥50%,得益者係借孖展既輝立。。。

      刪除
    2. 佢D細飛唔多
      唔會影響太大
      不過就比左好多人補飛

      刪除
  9. 8357走多轉0.77-0.82,多謝偉哥!

    回覆刪除
    回覆
    1. Lee Tin兄走位好快,帶協下小弟。。。

      刪除
    2. 已再走多2轉共3格.見今日大成交多買賣博吓懵.
      其實都係跟tkchan兄學的,當日當炒股炒吓波幅冇壞.

      刪除
    3. Terry兄,有冇跟入?0.77/78大把机會入,又送短炒密食.

      刪除
    4. 無呀,我入親都係一兩手幾千蚊,炒幾格無肉食。。。同埋之前試過太多次高追新股中左急跌,所以一路都係玩IPO一轉only。。。下下幾十%都過癮架,哈哈~頭先走左轉1806,不過炒唔起僅僅全身而退。。。

      刪除
  10. 3322點解無世界盃效應架?

    回覆刪除
  11. 8373乾到幾十萬推高over15%,唔知會唔會又割多次

    回覆刪除
  12. 我開始慢慢補返之前2136減持的貨。

    今日才第一天停回購,估計下星期仲有沉重沽壓, 會分段補貨,希望有機會最低在3元以下補足。

    回覆刪除
    回覆
    1. 偉哥一留言 即刻肚痾
      咁都有偉哥效應!

      刪除
    2. ㄧ定有機會啦。宜家最低3。15

      刪除
    3. 跌到3蚊到,靜一排,再溢價6成私有化,唔知係咪咁呢

      刪除
    4. 仲有-注等3蚊了。應該不會今日收市提私有化吧?算了

      刪除
    5. 7兄係時候入貨啦
      入左大家可以一齊低位買貨

      刪除
    6. 作為持貨者,2136停止回購是好是壞呢?

      刪除
    7. 回購總會有停止的一日, 呢點我之前一直強調, 相信網友們應該有心理準備。

      來緊睇睇冇左回購後, 係乜價位會有支持。

      刪除
    8. 會唔會去返我之前入價位:2.55

      刪除
  13. 1475 日清 急跌純粹炒過龍還是有其他原因?

    回覆刪除
  14. Oman兄,我均價约1.41沽清了,因冇酎性+冇大志,同埋今日走勢好醜様。保住止賺算了。

    回覆刪除
    回覆
    1. Lee兄,

      我見到一通掛出,
      可能係你,
      今早我都沽了尋日買的短短炒貨,
      這幾天會很忙,
      無乜時間又無乜心機睇市.

      刪除
  15. 回覆
    1. 哈哈, 耐到我諗冇乜網友記得, 我自己冇記錯的話, 應該是2.4左右買入的, 所以參考我成本價沒有意思。

      刪除
    2. 2016年5月6日:
      偉哥: 上星期網友提及的113,研究後覺得最近確實是動作多多,感覺在業績後可能有後著,故今天2.2接了一注貨。
      ****
      中間仲有0.28股息.偉哥成本價低於$2
      可惜我手多多4月時2.8x走哂

      刪除
    3. 咁就持有了兩年,在組合持股裡是老臣子了....原來我是低至2.2買入的。

      刪除
  16. 無留意開呢隻股,多謝分享,放入LIST研究一下先

    回覆刪除
  17. 在昨天上午,在考慮的是杉杉超額咁少, 如果抽B組的話, 要預留多少資金補倉?
    結果而家係擔心B組平均中籤率有冇3%?


    《新股情報》杉杉(01749)公開發售初步超購141倍

    內地第五大男士商務正裝品牌 FIRS 營運商杉杉品牌運營(01749)將於中午截止公開發售,市場消息透露,其初步已錄得141倍超額認購。 (BC)

    回覆刪除
  18. 哈哈,偉哥,而家又到到刨波時間喇。
    刚睇到文尼有成125倍超冷門,買$100都不得了,
    如果中到真係型到爆。同你打氣。

    回覆刪除
    回覆
    1. 我好少賭波, 只係好多年前間中賭下歐國杯、世界杯, 加埋只賭過兩屆, 但被我買中2004年的神射手。當年效力紅軍的巴路士做左神射手, 好似都差不多20倍賠率。

      所以今屆打算買返紅軍的球員或前球員做神射手, 睇下會否再中一次。

      刪除
    2. 巴路士係80倍,因為我都有中😂

      刪除
    3. 講講下好似係, 當年第一次買波, 只係買左20元

      刪除
    4. 埃及頂到尾先輸,真係盡晒力了
      反而烏拉圭咬咬就真係回塘得緊要,把握力差到呢

      刪除
    5. 哈哈, 昨晚7:58分去到投注站想買神射手, 但開賽前剛截止落注.....見到C朗及哥斯達狀態大勇, 來緊的對手摩洛哥及伊朗都係弱旅, 睇來可以慳返200元。

      如果西班牙教練調動得好D, 呢隊西班牙估計是4強之選, 今屆的哥斯達感覺好屈機。

      刪除
    6. 原本諗住買亞蘇做神射手,因有弱隊沙地對賽,估計可入幾球。但以尋日對埃及表現ㄧ般,真係要諗清楚先下注

      刪除
    7. 偉哥,摩洛哥同伊朗都守得下嫁,防守力比俄羅斯之流更好,至少紀律性強好多
      俾人單打屈機入波就另計啦,估計雙牙要出力先可以3分落袋
      其實再留意番,上屆伊朗明守阿根廷,都差D拎到一分,而上屆領隊同今屆係同一個人黎
      領隊對球員認識,而球員對陣式打法亦都理解,可惜籤運欠奉,如非身處呢組,有力爭出線。

      刪除
    8. 唉首名入球普巴爭左兩球。。。

      刪除
    9. 買到第九場,終於中到首名入球高拉洛夫。19倍好分~

      刪除
    10. 尋晚買3場win曬,so happy

      刪除
  19. 特朗普宣布對3900億港元中國商品徵關稅,兩國早前談判達成的一切經貿成果,將不會生效,中國誓不低頭會還手,根本早已不期望美國會放棄貿易戰,極力壓低中國強大,談和是不切實際的想法,港股下星期必來大調整,今天我已將50%股票賣掉,希望將損失減少。

    回覆刪除
    回覆
    1. Lau兄利害。我也在前日止賺了一半
      策略上現金為王,
      暫時收益上升而14%

      刪除
    2. 30300點已經把消息預計了的消化了
      29300應該可以一守
      因為上股災也是29300停止

      刪除
    3. 港股ADR收市大致持平
      相信市場跌千多點已反映

      刪除
    4. 咁就唔知樓股會平成點?
      呎價一蚊? 一仙買匯豐?

      刪除
    5. 理性討論,其實侵侵一早已堅決預告關稅必言落實。恒指昨天跌了多少?如大調整,沽了期指咪沒窮人。

      Ps “可惜我沒有沽期指” 哈哈

      刪除
    6. 貿易戰再來,港股終有負面,不止賺衹是紙上富貴,並不是離場,同時執吓個倉,揀強勢股有調整了,再行買入,但現金增加,這麼是我習慣。

      刪除
    7. waising lau 兄, 你個倉執左幾個月啦.....

      刪除
    8. 恒指現時横行走勢明顯可見,介乎30000-31500上落,你錯過了31500的執倉位而選擇在橫行底部減持是令我不解!

      刪除
    9. 對個倉執不斷調整,暫只留下近期波幅窄的,215、825,1132,486 仍是贏錢未賣。
      ipo 1598、2119、8371、8357、吃到甜頭。
      2628、17、941、早前下了車執少少,17遲些買返。
      953、882、買了給半年沒表現蝕少少走人。
      2338賺了1.20元早走了。
      1737趁平0.30買了,快公佈業績前會走。
      1357執身彩8.52買了、蝕0.15走,昨7.18。
      179是我愛股,星期2見24.25買入,見26.2走了,昨天25.40,幾天裡大上大落。
      買入6、511轉長線已轉名。
      仍持重注1359,每年是我密執最多次數股票。
      2888、144、17、2119、293、303除息後如見88.0 是近日常留意見好價買入。
      以上是我個倉情況。
      快半年結了,個倉微增4%,勉勉強強啦。

      刪除
    10. 只係出出入入, 唔叫執倉

      刪除
    11. 依果是短炒倉,出出入入是正常,佔30%,長線收息轉晒名佔70%。

      刪除
    12. 轉名意思是提取實物股票嗎?如是,哪减特的50%股票是如何計算出來?

      刪除
    13. 數學題:呢條數點計有冇人話到我知?

      刪除
    14. 今次波幅在31500已開始減持,不是指數股跌幅更大,暫不趁低吸納看得淡些,3萬已破已成日後頂牆。

      刪除
  20. 這兩天沽空了美國上市的愛奇藝 (IQ), 看看泡沫可以支持到幾耐。

    回覆刪除
    回覆
    1. 偉哥,同在美國上市的搜狗 SOGO,會和 IQ 一樣是泡沫嗎?

      刪除
    2. SOGO不清楚, 但IQ、HUYA這些肯定是泡沫。

      刪除
    3. 愛奇藝本來是一個視頻網站,而家變收費播正版。
      佢唔似LeTV 踩過界。
      不過呢種服務競爭真係好大。
      雖然年年燒錢,但後台好似係百度,似乎無咁易死?

      刪除
    4. 不是說IQ會執笠, 而是說這估值貴到離晒譜。

      刪除
    5. 我都同意貴到離哂譜,肯定係泡沫。近期內地啲科網股隻隻都包裝好似前景無限好咁不斷cap 水,但大家都唔知佢地可以點樣獲得盈利。
      但真係唔知幾時爆喎⋯⋯
      雖然唔會參與,但都想知係點樣沽空美股個別股份(應該無得參與美股期權?),另外亦想知偉哥點樣睇沽空嘅風險同回報。希望偉哥可以講多啲,謝謝!

      刪除
    6. 冇記錯的話, IQ的流通股權只有15%, 而上星期五單日轉手率8.76%, 睇成交量已是極為瘋狂, 個人覺得離爆煲可能不遠。

      沽空的風險當然是預期中的回落沒有出現, 一直挾空倉。我自己一向以倉位控制風險。期權都有的, 不過IV極高, LP 不值。

      我唔係專長做沽空, 所以冇乜太多心得可以分享, 也是在摸索中。

      刪除
  21. 好大隻蛤乸呀!
    樓價僅是香港十分一 大灣區買樓 教你賺租兼賺價
    https://forum.hkgolden.com/view.aspx?type=FN&message=6917078

    回覆刪除
  22. http://www1.hkej.com/dailynews/property/article/1867930/%E6%81%92%E5%8A%9B150%E5%84%84%E8%B2%B7%E5%A4%AA%E5%8F%A4%E5%9F%8E%E4%B8%AD%E5%BF%83%E5%85%A9%E5%BA%A7
    太古地產(01972)上月宣布洽售旗下鰂魚涌太古城中心第3及第4座商廈,終落實以150億元售予內地投資者恒力投資控股主席陳長偉,平均呎價不足2萬元。太古地產公布,以公司轉讓形式出售太古城中心第3及第4座予恒力隆投資有限公司,作價150億元,陳長偉為買方的100%最終實益擁有人,有關交易於明年4月11日前完成。

    太古城中心第3及第4座分別樓高21及24層,現時售出的總樓面合共76.9636萬方呎,以成交價計算,呎價約19490元。

    回覆刪除
  23. 星期四去朱晉x搞嘅投資廣座;見佢免費又得閒咪去下,藉間佢狂show自己期權交易紀錄賺好多,又話管理緊35億美元資產,前摩通首席操盤員,仲話港交所都因為佢而增加股票期貨數目,新城,imoney專欄作者,成立皓x投資學院等。好似好勁,咁勁點解仲要賺人果一兩萬蚊學費,又秏時間,唔通真係濟世為懷,想將佢所謂嘅投行3絕技巧普渡衆生!

    回覆刪除
    回覆
    1. 唔係幫佢講說話,但做400人咁計,每人2萬就8球袋袋平安, 又可以提高下知名度(帶黎緊多搵錢機會), 炒賣始終有風險 , 咁樣有名又有利

      刪除
    2. 咁講真, 每人2萬, 有400人報名的話, 這8M真的不賺白不賺。

      最近FB有流傳財棍騙人事跡, 收取昂貴費用加入炒賣群組, 然後可以將會員踢走, 受騙的投訴無門, 如果有意付昂貴費用去上投資班或加入炒賣群組的網友, 宜三思!!

      刪除
    3. 偉哥不賺自不賺係咩意思?
      佢咁勁資歷都搞間咁嘅所謂學院,真不知什麼原因!

      刪除
    4. 即是既然有咁多水魚自願比昂貴費用去上堂, 佢為何不賺?

      刪除
  24. 上年世界盃冠亞軍德國及阿根庭都出師不利, 兩隊踢來都毫無霸氣可言, 隊友之間都看不到默契, 各有各踢。

    回覆刪除
    回覆
    1. 今屆所有強隊都踢唔出水準...
      西班牙出錯右閘,唔講輸12碼,拿祖位置感差,多次企錯位俾人打穿,早段既失利亦令到西班牙部署亂左,踢得好心急。雖然憑質素本應可以食到葡萄牙,不過迪基亞咁樣送禮,葡萄牙又打出水準以上,1分抵拎。
      法國又係其實咬唔入澳洲,多次放直線都係得個跑字,有運入完12碼,轉頭Umtiti又白白痴痴咁跳高搵手拍粒波送番球俾人。然後法國又係冇咩板斧咬唔入澳洲,中場創造力不足問題始終解決唔到,右閘柏華特守強攻弱,成場係右路冇威脅。最後如果普巴果球唔係省到人先入,法國都係和波收場。
      巴西上半場係踢得幾行雲流水,控制到戰局。但下半場早段俾人追和之後就開始心急,完全判若2隊。一味剩係得plan B -- 尼馬,尼馬同尼馬。瑞士之前對西班牙既友賽已經show到佢地同以前既瑞士一樣防守好有紀律,對所有強隊都有力一守,巴西唔係冇得贏,不過呢班人心理上仲係承受唔到壓力,一失波就亂,亂就急,贏唔到都係怪自己啦。

      刪除
    2. 可以考慮吓強隊以外的球隊,冠軍賠率應該都幾好分。

      刪除
    3. 我個人覺得強隊中, 西班牙暫時最似樣, 中前場配合及創作性都好, 如果不是迪基亞出錯, 或者教練調動差, 一早換出DC, 理應旗開得勝。

      刪除
    4. 1)拿祖亂出腳
      2)迪基亞派膠
      3)碧基亂出手推人(其實緊迫已經夠,出手推人呢下真係好無謂)
      希亞路做救火隊暫時冇咩料睇,希望佢汲取教訓啦,如果唔係西班牙最多應該8強就止步

      刪除
  25. 徳國進攻節奏太慢.只知横傳去不到就傳回中場.沒爽朗快攻.墨西哥已回防密集.德的短傳中間推進只死路一條.心急時又浪射門或撞到密密人.全埸悦目傳送射很少.判若二隊。我也有疑問.今年强隊全部走樣.賭波公司肥仔啦.有否假的成份或高身價球員踢國家隊都未盡全力。

    回覆刪除
    回覆
    1. 奧燒打中中 仲要無快翼前插比佢放直線 基本上廢咗一半
      有選辛尼應該好好多
      其次德國啲人腳默契奇差 窄位one two次次都甩
      左路戴斯拿無建樹 kimmich成條右路打晒咁濟都無用

      刪除
    2. 今晚心水想有分頭,韓國勝瑞典,突尼西亞和英格蘭。

      刪除
    3. 到今場為止24隊已出場,瑞典已踢不是好,韓國只上半場頭15分鐘稍可,跟著踢來球員心不在焉,心荒意亂,是最差劣的一隊,我想像中最落差。

      刪除
    4. 南韓係外圍賽已經踢到好辛苦,冇攻力,我諗你好少睇南韓踢外圍賽,對佢地既印象仲停留係4-8年前。同埋今次中堅位後備果3個係新丁,所以正選果2個有咩事,後防就進一步玩完。
      BTW,基本上出晒場果D隊,最差一定係沙地,巴拿馬雖然都唔係好好,但因為本身質數差冇咩好講,但起碼踢到隊形,有鬥志。

      刪除
  26. http://www.poems.com.hk/zh-hk/product-and-service/bonds/price/
    好多內房債已經去到10厘,債券通常點買?去邊間銀行或者證券行買比較好?

    回覆刪除
    回覆
    1. IB啦師兄,內房債唔多但我都見到有碧桂園等等內房債券。不過開左IB你就發現美股債券更吸引。。。

      刪除
  27. 最簡單的,輝立己經有了, 恒大個D,7.5%都己經唔錯了

    回覆刪除
    回覆
    1. 唔係要800萬CASH,成為專業投資者,先可以買??

      刪除
  28. 美國官員稱,繼對上述500億美元中國商品加徵關稅後,目前已接近完成制定第二輪向總值1000億美元的中國商品徵稅,擬在公眾諮詢後實施。

    回覆刪除
  29. 世界盃各隊實力比以往接近,無咩魚賄部隊,現代足球直接入波好困難,
    死球技術(角球,罰球,12碼)先係主流,練好D有著數,前峰好多博AND ONE學NBA咁,CR7個球明顯係,
    新技術VAR一頭霧水,球員不可要求睇的,話事都係球証,
    下屆卡塔爾11弓舉行,撞歐洲聯賽點搞???

    回覆刪除
    回覆
    1. 首名入球搏12碼射手好。。。瑞典果場估唔到係隊長射,都有20倍。。。但其實做下資料搜集就會知。。。

      刪除
    2. 如果下下球員都話要睇VAR,咁球證威嚴就少左,有咩吹罰球員就唔會服,成日兇球證。
      同埋VAR果間房有團隊係度睇住,所以宜家好多時球證同旁證就算見到foul都唔會吹住,等VAR房仔通知佢地先吹番轉頭。

      其實如果平時有睇下波,要知D球隊打法,戰術,同埋邊個係處理死球既人,其實唔難。我琴晚買格蘭基斯果陣得16倍。瑞典呢隊波我太熟,基本上前面果2個唔使點理,全隊入到波既得2,3個人...

      刪除
    3. 哈哈,希望Diego兄吾好咁熟我今年捧嘅愛隊,好似暫時係強隊之中唯一開上盤的一隊.

      刪除
    4. 暫時無論初盤定最後盤都贏到既應該得比利時一隊。莫非.......

      刪除
  30. 偉哥, 請問有留意隻碧貴園服務(6098)嗎? 有諗過買嗎?

    回覆刪除
    回覆
    1. 有諗過, 但呢D價買唔落手。

      我目標價都只是8元左右, 即最少要低於7元才會考慮買。

      刪除
    2. 計過除淨價應該是7.3。我都係排8蚊但入唔到。。。

      刪除
    3. 現價吸引力一般
      只知市值計做左龍頭大佬

      刪除
  31. 回覆
    1. 中興10元都買唔過。

      刪除
    2. 真不明白中與復牌後,咁多人要買,「跌佐咁多好底買博反彈」就是中興7元都買唔過。

      刪除
    3. 咁幾多元先買得過? XD

      刪除
    4. 唔買....隨時又再停牌。

      刪除
    5. 唔係幾錢就買得過,係睇下美國玩完佢未,成日彈出彈入,點夠佢黎

      刪除
  32. 1.02 入番1265, 賺左6格.
    仲有注1.01入吾到.

    回覆刪除
  33. 輸到high high, 講過平手後, 以後都唔買股票, 呃人的!

    回覆刪除
    回覆
    1. 唉7兄,我都講左幾百次唔買正股(偉哥股除外),但今朝見694急跌又忍唔住撈,10分鐘輸左1400蚊走,嗚。。。我今次真係戒正股啦,嗚嗚。。。

      刪除
    2. Terry兄, 我真係好傷心呀, 追返些又勁跌返, 咁點樣返家鄉呀, 老美侵侵一句話就跌到狗屎, 仲叫乜野大國呀

      刪除
    3. 7兄,玩短炒博反彈冇問題(如有癮),但好多股(如763)見即日吾彈就要即止蝕(狠心D),千祈吾好短炒變長揸.有排煩呀.
      我呢排短炒過的1548,758,888等,如果見吾對路即沽出,賺幾多只新股都吾夠補貼,三思吖

      刪除
    4. 呢排真係好勞氣,買乜衰乜, 隻763放係度算了, 依家放都輸勁

      刪除
    5. 694陣返,本來想追,算啦,都係係斬手指認輸算,好在都只係輸千幾。以後新股+偉哥股。。。

      刪除
    6. 侵侵周圍樹敵, 佢真係唔驚俾人謀殺? 條友仔其實都幾夠薑

      刪除
    7. 不能與大氣候博奕,順流逆流要隨勢。

      刪除
    8. 7兄,輸少同輸清係兩回事,調整心情,重有好長的路呀

      刪除
    9. 無閒兄, 我只想平手走人, 以後不賭股票

      刪除
    10. 10蚊啦,現在升去15,要50%呀,邊有咁易

      刪除
  34. 694跌得真誇張.....

    完全唔知個消息對盈利影響有幾大。

    回覆刪除
    回覆
    1. 個補貼佔稅前盈利約28%

      刪除
    2. 357一樣中招

      其實一路唔知有呢個收入,以為係3號樓個租金收入同全國最大機場嘅收入勁先令到股價咁高

      刪除
    3. 政策嘢好難估同完全唔理性。。。。

      刪除
  35. 本來想溝486同1161, 算了, 乜L都唔買!

    回覆刪除
  36. 今日牛仔被殺的場面慘不忍睹

    回覆刪除
  37. 763今天會跌到十以下嗎?
    7.63蚊開始買好嗎?

    回覆刪除
    回覆
    1. 問777啦!佢有貨就賣,佢冇貨就買

      刪除
    2. 763真聽話, 這麼快跌到十蚊以下!
      7兄有什麼評論?

      刪除
  38. 以4個字形容今日市況: 血流成河!

    大中細股齊齊跌。

    回覆刪除
  39. 補番少少2136先. 希望仲有再低d位買.

    回覆刪除
  40. 312,今朝炒左1轉,好彩走得快,馬生都唔掂。

    回覆刪除

注意:只有此網誌的成員可以留言。