置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年4月27日 星期五

汰弱留強的思維


多年來,自己一向都奉行汰弱留強的做法,而每年的3、4月一般都是換馬頻繁的月份。

我自己心目中所謂的強與弱,並不是坊間泛指的股價強與弱,而是投資邏輯 (investment thesis)的強與弱,例如我是以基本因素選股的,要看看業績與估值、派息是否符合預期、有沒有更好的選擇;又或者是基於事件驅動而買入的,也要不時評估買入的thesis是否仍然有效及變化。

最簡單的例子莫過於上月27號,同是飲食股的合興集團 (00047) 及國際天食 (03666, 前稱小南國) 同日出業績,而我之前選合興集團買入主要的原因,是其估值在香港上市的小型飲食股當中相對便宜的 (以PE及PB計算),但在全年業績公佈之後,不難發現同業國際天食的估值更低,即使考慮到公司管治較差的因素,以國際天食核心盈利約1.15億港元計算,市盈率低至7倍、市帳率更低至0.85倍,估值實在是非常吸引,以“貪便宜”的心態選股的話,實在難以不選後者,故此第二天毫不猶豫進行換馬,以0.198元沽出合興,0.36元買入國際天食;而在完成換馬後,國際天食的股價表現一直比合興為強。

其它的例子包括沽出派息合乎預期、但業績差於預期的精熙國際(02788)及減持業績及派息皆不及預期的旭日企業 (00393),換入績優的天能動力 (00819);前兩者在沽出及減持後,股價都是橫行,但換入的天能動力表現強勁,股價在之後的1個月期間大升接近40%。

另外基於基本因素較佳、估值便宜的投資邏輯,買入了預期將受惠國內香煙銷售觸底回升的澳科控股 (02300),目前雖然未看到成績,主要是仍需要等中期業績去確定行業的逆轉。還有的就是增持自己覺得業績不錯兼派息大升的福田實業 (00420),以及補回在業績前減持了的興發鋁業 (00098),只因業績及派息都優於自己預期。

而事件驅動方面,原本預期會提前贖回可換股債 (CB)並大派特別息的萊蒙國際 (03688),因維持正常派息關係,估計在明年一月前提前贖回CB的機會不大,故此連番減持,套現的部份資金用作增持利福中國 (02136),尤其是在完成配股後,更加強了我對其可能私有化的猜想,故在配股後股價一度回落時,毅然增持。增持利福後,巧合地公司開始了暴力回購的動作,令市場開始注視這隻一直是“養在深閨人未識”的好股,股價連番大升。

簡略地回顧了過去一個多月的部份交易,以此作為組合持股“汰弱留強”的案例,供網友們參考。






266 則留言:

  1. 趁看歐霸比賽前,草草地回顧了過去一個月的部份交易,供大家參考何謂汰弱留強。

    當然如果精益求精的話,其實可以做得更好的,只是機會很多時是一瞬即逝,稍一猶豫已錯失最佳時機。

    回覆刪除
    回覆
    1. 暑假就應賣走山齊士同奧燒換馬啦

      刪除
    2. 還有那個廢柴沙加,一早應止蝕離場

      刪除
    3. 其實係咪教練因素呀? 利紀高普將接手時的一堆二綫球員華麗變身,個個升level...

      刪除
  2. 想請教偉哥,我見文章裏的換馬例子都是同系的換馬,例如基本因素換基本因素的,事件驅動換事件驅動的。是碰巧還是有意為之以保持持合內不同組系的比重?

    回覆刪除
    回覆
    1. 真正換馬是不一定是如此, 只是將他們歸納放在一起, 容易作邏輯上的比較。

      刪除
  3. 謝偉哥分享,在假期會再三看看手上股票組合

    回覆刪除
  4. 以飲食股1181唐宮表現出色,上面做飲食,真係要當地人先做到咁出色,
    我大膽咁講盤數全無水份,一向低調,基金大愛,股價反映一齊
    曾提及只1448都係差不多咁既股,短線一定不起眼,特別在大升市時,
    不過長線跑贏85%以上股票,基金股特質

    回覆刪除
  5. 周圍都消息人士,講一句話就扭轉成件事,各位師兄小心注碼

    彭博引述消息人士稱,俄鋁(486)主席兼大股東歐柏嘉無意放棄對俄鋁的控制權,他亦無計劃讓公司被俄羅斯政府臨時國有化,令俄鋁跟美國政府制裁行動陷入僵局。

    回覆刪除
    回覆
    1. 俄侶新聞發言人在fb說這是假新聞。
      俄侶外圍股價無乜升跌,相反香港呢兩日都無升過。風開始亂吹了,要控制注碼。

      刪除
    2. 唔明俄鋁點解唔正式澄清,只係fb上講左就算。

      刪除
    3. 我信smart money,早段跌3%, 收市跌1%吾夠.

      刪除
    4. 好失望, 唔敢加注了

      刪除
    5. https://www.facebook.com/uc.rusal/

      刪除
    6. 如果件事真係假, 那好大機會係大戶借傳媒之力壓價吸貨, 但我無膽加了

      刪除
    7. 仲諗住等毋忘以一貫作風止蝕架嘛. :(

      刪除
    8. 俄鋁新聞發言:

      In connection with the publication by the agencies of Reuters and Bloomberg of materials about RUSAL based on information received from anonymous sources of questionable quality, RUSAL press-service declares the following.



      Similar articles based on dilettant comments from anonymous sources and information that do not share reality do damage to the Company's business reputation.

      The fiction of such "sources" creates a false idea of ​​what is happening, while the Company in a difficult situation has concentrated all resources to find the best solutions in the interests of customers, employees, investors and creditors.

      RUSAL reserves the right to use all legal measures to protect its reputation.

      關於路透社和彭博社機構根據匿名來源質疑的質量來源提供的有關俄鋁的材料,俄鋁新聞服務公司宣布以下內容。

      基於來自匿名來源的愚蠢評論以及不能分享真實信息的類似文章會損害公司的商業信譽。





      這種“來源”的虛構造成了對發生的事情的錯誤認識,而公司處境艱難的情況下,集中了所有資源,為客戶,僱員,投資者和債權人的利益尋找最佳解決方案。

      俄鋁保留使用所有法律措施保護其聲譽的權利。

      刪除
    9. 其實有乜傳言都好, 未來半年486是有驚無險, 最少不用擔心業務無晒現金流而周轉不靈。

      未來半年可以發生好多事, 呢一刻即使表態唔想失去控制權, 難保下個月搵到友好接手呢? 又唔係話呢刻唔賣, 美國就即刻開始制裁, 我諗歐洲盟友是很需要俄鋁的供應。

      所以唔明點解要被呢D傳聞牽住走。

      刪除
    10. 如無估錯, 呢個肯定係裡應外合, 大戶壓價進場的套路, 突然來單咁既消息, 肯定係想震走人

      刪除
  6. 请問偉哥1888去到呢個价,估值算唔算吸引?

    回覆刪除
    回覆
    1. 冇研究1888, 比唔到意見。

      刪除
    2. 1888有貨 😅上唔到嘅話就等收息 不過5窮6絕 唔知除淨前個價會點

      刪除
    3. 我都有,估值梗係吸引,息又高,10蚊承接力不俗,唯一隱憂係手機產量。

      刪除
    4. 原來FC9 哥哥都係度, 即係咪古樂?

      刪除
  7. 偉哥請不要介意,你晚晚做功課做到深夜,日間如何保持清醒頭腦,轉數仍然如此快呢?有沒有秘訣?

    回覆刪除
    回覆
    1. 其實我自己覺得轉數已比以前慢了。

      刪除
  8. 偉哥 3688換 2136之作,簡直是神來之筆!勁!

    回覆刪除
  9. 859復牌首日配股果幾家就沽左千幾萬股出來,得頭半個鐘係可以高過配售價,真係為左賺過10%唔夠就散水?

    回覆刪除
    回覆
    1. 如果真如偉哥所估因為淡倉而唔可以壓得太低,驚唔驚佢玩出火俾人好似1536咁被斬倉?其實近期的GO股爆煲的情況有冇咩分別?

      刪除
    2. 咁當然驚....859的新主肯定做左抵押的, 所以見到2元邊會有買盤力頂。

      復牌第一日, 攞左配股的券商沽左好多出來, 搞到個價散晒。

      刪除
  10. 已再加一注的486@AO價1.94。

    等機會1.9以下加最後一注。

    回覆刪除
    回覆
    1. 之前太早買^^" 成本貴過偉哥^^"
      平均2.18~等俄佬發威!

      刪除
    2. 哈哈, 我平均成本只有1.93.....

      刪除
    3. https://www.investing.com/equities/united-company-rusal-plc%60
      俄鋁在莫斯科交易所的股價是28.96盧布,相當於3.65港元

      刪除
  11. 謝謝Lee Tin 同 tk
    好高興吖 758賺錢 我霉左太X耐

    回覆刪除
    回覆
    1. Fc9昨天有入,恭喜晒,多d操練短炒的感覺.
      我都0.70沽出

      刪除
    2. 搏反彈好似賭大細好驚 師奶只能夠偶而跟吓 輸左就唔講😅

      刪除
    3. 哈哈,為咗增強信心,睹大細前都要看看圖表走勢,RSI等,大慨睇吓隻股的故事內容,結局一日未出,都仲有幻想空間偷吓雞.

      刪除
    4. 收到 🙏
      之前有師兄教睇BB圖 人地都係炒即日 我唔識

      刪除
  12. 1173,一向成交細,今早瑞信放左果4M買盤,想點先?

    回覆刪除
  13. 偉哥昨日買的一隻都好似蓄勢待發!

    回覆刪除
    回覆
    1. 今日成交大了好多, 唔知有幾多特別息

      刪除
    2. 手痕想沽,之前都係炒上落,而家有效應推一推,都係忍住,希望派到10分以上。

      刪除
    3. 平保都算交到功課都要咁跌法~市場真令人難解

      刪除
    4. 76.5補番84.2沽既一注. 下個支持位73蚊.

      刪除
    5. 追平保前先望一望A走勢,而家H比A溢價。

      刪除
    6. 2318換下馬明哲的傳聞.....小心空穴來風, 未必無因。

      刪除
    7. 其實2318業績係幾好,如果以新華黎比好似差30%,但其實因為1336冇行ifrs 9。

      用同樣準則黎計,平保嘅保險業務增長38%同新華42%相差不遠。

      所以今日一定係跌過龍

      刪除
    8. 仲有平保今年係用新會計算法11%增長,實際其實係有33%增展,其他內險公司仍用緊舊計法,所以我都諗唔明每樣數據都唔錯,唯獨係新業務有倒退7%..但其實新業務佔比好小..

      刪除
    9. 老實講, 如果佢唔澄清董事長變更傳言, 好多人都唔知尼個傳言, 今日沽得仲狠
      好搞笑

      刪除
    10. 唉,今日連食兩棍,2318同2319冋時食左瀉藥咁--,無奈,關燈食麵算了

      刪除
  14. 回覆
    1. 冇研究, 你博賣殼? 博賣殼首先要做的是大約計算下應值多少錢, 睇下而家乜市值, 自己衡量下有沒有值博率。

      刪除
    2. 佢由係創仔到而家, 我留意呢隻好耐, 見佢業績唔錯, 最近仲派埋特別息, 管理層遂少遂少增持. 純睇走勢, 最近見佢 8 萬, 10 萬咁成交, 似遂少收. 搏賣殼係其一, 因見大股東們持貨很多, 諗緊會唔會係另一隻未賣O既 6123, 所以想請教.

      刪除
  15. 隻673用450蚊就可以推高15%

    回覆刪除
  16. 有冇師兄有留意1199? 因為反壟斷法調查令集裝箱裝卸毛利率下降, 同貿易戰拖累, 公司股價跌到3年低位。以為佢令年利潤倒退之際, 琴晚發左份通告, 2018年第一季盈利超預期升84.3%。呢幾日冇港股通, 冇北水同我地爭貨wo

    回覆刪除
  17. 1.95入些486
    睇吓有冇收穫

    回覆刪除
  18. 似乎大家都唔想俾機會細劉回購

    回覆刪除
    回覆
    1. 細劉真係好人,玩明牌俾大家睇住黎賺咁濟,每次高過最高回購價好多就賣一部分,回返D去回購價就買,不停做呢個動作呢排執唔少。有太多老板鐘意玩手段陰D散戶

      刪除
    2. 之前股價壓太低,壓左9個月,唔知仲有無機會番2.x

      刪除
    3. 不過如果我係佢而又係狗賊的話,我一定改變打法,或者突然停止回購一兩個月,咁樣大家一定縮J唔敢再買上去,而家被大家睇穿哂扯高哂上去。

      刪除
    4. 3.33 沽咗 賺5K
      等落返3.14再買

      刪除
    5. 直上6蚊, 唔好俾機會佢! ^,,^

      刪除
    6. 今日個價搶高晒
      會唔會無機會回購呢😂😂

      刪除
    7. 3.32-3.33沽晒
      多謝偉哥。

      刪除
    8. 今日收到3.33 , 下星期回購價就3.26了. 一個月後推推下就5-6蚊.實現偉哥目標了.

      刪除
    9. 2136今日咬住個高台,唔敢玩波幅😊

      刪除
    10. 今日回購唔到 細劉唔知會唔會嬲豬
      可能唔洗掛3.27都買到

      刪除
    11. 細劉宣佈投降, 今晚出私有化通告, 唔俾再買 ^,,^

      刪除
  19. 隻3666冇成交!
    偉哥股最小成交都係呢隻。

    回覆刪除
    回覆
    1. 冇成交對我來講唔係問題, 日後如果股價肯升就會有成交。

      刪除
    2. 呢隻走勢好鬼,供股後揸一年,波幅細,好悶,舊年平走左

      刪除
  20. 1298尋日收市前入, 剛又走一轉, 又要多謝偉哥推介!

    回覆刪除
  21. 回覆
    1. 多謝偉哥隻1298, 幫補下8148, 真係命苦

      刪除
  22. 港中小型股市場是偉哥的世界

    回覆刪除
  23. 3389個管理層真係廢到無倫, 人回購佢又回購, 又唔係無現金, 成間公司都係現金, 只係回購得50萬股.....唔怪得大劉、細劉呢D被人視作梟雄, 張生呢D完全不入流!!

    回覆刪除
    回覆
    1. 偉哥好少咁勞氣...

      刪除
    2. 回帶睇番2136 , 細劉把握時機時間捉得幾準, 由上年升3.58, 出全年業績無息, 迫到基金沽貨.

      第三方接基金一半貨 1.85億 3月28日完成, 同日回購上限1.6億股, 4月11日開始回購, 至今回購大約0.285億股

      真係成套功夫

      刪除
    3. 完全明白偉哥的感受

      刪除
    4. 哈哈, 只係講下事實。之前仲叫佢月經股(每月一升), 而家可能停左經, 每月一升都消失埋。

      好心佢同595一係唔好學人玩回購, 仲無咁嬲; 要學就學到足,唔好搞到好似邯鄲學步咁。

      刪除
    5. 呢D咪就係狗賊囉,佢磨你豆腐,令你鬥志全失,跟住先做野,同2136剛好相反。

      刪除
    6. 回購會唔會出現有心冇力呢
      上年聽某細公司話回購準備了6千萬係業績前的時間仲話股價要去到幾多幾多 結果只係用左3千幾萬 股價與預期仲掙天共地 佢地解釋話一托上去就被沽返落黎 交投太疏落時間又唔夠...

      刪除
    7. 多謝偉哥對595定向回購的提示,如果唔係就中伏了

      刪除
    8. 但張生之前隻860都食咗舖大茶飯喎

      刪除
    9. 回果500000股散戶都不如, 都唔知佢回黎做乜。講出黎比人笑

      刪除
    10. 有兩位張生....張金兵我諗而家對公司應該未有決策力。

      刪除
    11. 回購要有效果的話, 要用暴力, 即係好似之前的橙天、恒大及現在的利福咁, 擠牙膏式的回購對股價影響有限。

      刪除
    12. 又學到嘢啦!謝謝。

      刪除
  24. 回覆
    1. 我尋晚仆街, literally! 今日脖頭對上係豬頭 可能經已卸左D霉氣
      你唔好驚

      刪除
    2. 咁大劑, 小心行啦. 另今年好多交通事故, 行馬路都要留神. 呢兩隻我都有貨, 所以一直mon住, 好彩兩隻都係神級師父買了, 所以都算定. 最多再跌就加下注

      刪除
    3. 點解毋忘會先過FC9出post知道佢出事? :O

      刪除
  25. 2136 究竟一個月後會係咩環境呢?

    回覆刪除
    回覆
    1. 我估佢用$5左右私有化

      刪除
    2. 哈哈, 5元的話其實係兩難, 要到時睇睇情況決定是贊成還是否決。低過5元的話,基本上都是否決。

      刪除
    3. 要睇佢時間...我覺得愈拖得長,對私有化愈不利

      刪除
    4. 如果我是細劉,我就不會私有化
      我會回購到自己75%,再炒高到接近資產值
      把好友的貨放出街,相信好友加上他的巳多過九成

      刪除
    5. 估計資產值大約10左右

      刪除
    6. 5蚊私有化,入面啲野自己食哂,食埋本身公眾持股果25%喎。
      2136做百貨但係好多物業都係自己名,入帳可以用cost model,book value同market value應該都有差距。私有化,想拆件賣又得,想繼續做又得。

      刪除
    7. 除左錢還有很多野是他想要的
      多十億八億對他來說不算什麽

      刪除
    8. 如果我是他,我會用2136來建立
      在中國的王國

      刪除
    9. ...其實私有化...佢都可以繼續做中國既生意...

      刪除
  26. 近排唔見我buddy青兒, 咩料! 係咪發左達唔識我地?

    回覆刪除
    回覆
    1. 請問777你見過有D乜嘢人擺地攤係發得到達嘅?
      現在剩下的全是負債,你可以尽情咁挖苦我啦!

      刪除
  27. 今朝2198,4.5沽咗,幫補到354蝕咗嗰D,多謝徫哥 ! ,伊利業績差過預期消費股跌得幾甘,尋日12.5沽1579,今日又買得返

    回覆刪除
  28. 意氣風發都唔好響人家嘅痛上踩多幾腳

    回覆刪除
  29. 今天首次買了2868首創置業3萬股@4.2玩玩,PB 0.5,稅後股息收益率5.6%, 用來保持關注。

    【年報點評02】首創置業:2019年沖千億值得期待
    作者:CricBigData
    鏈接:https://xueqiu.com/9893569462/106145376
    年報系列點評之二首創置業2017年合約銷售表現一般,業績會上提出三年銷售目標3200億,三大城市圈將為重點貢獻區域。2017年拿地態度積極,一級土地業務增長迅速,但企業短期債務面臨壓力。

    首創置業以住宅開發、奧特萊斯綜合體、城市核心綜合體和土地一級開發為核心業務線。通過綜合營運及各業務線的互相協同,打造核心競爭力,實現差異化競爭和規模提升。在2月27日業績會上,企業提出未來三年銷售目標3200億,在2019年達到千億房企的願景,並且劃分以三大城市圈為重點的未來土地投資方向,但土地儲備不足和債務壓力會是影響首創達標的阻力。
    ......

    回覆刪除
  30. 1132今日又收哂D盤咁濟,似乎黎緊有排悶

    回覆刪除
    回覆
    1. 睇怕至少悶到股東大會。

      刪除
    2. 股東大會應該都唔關事,純粹等運到
      個價又處於好微妙狀態,不高不低,應該會慢慢磨走一班小股東。
      應該要等到伍生簽約收訂放風先有啲睇頭

      刪除
  31. 偉哥,你要睇諒佢可能唔小心有咗而停經,仲要唔記經手人的痛苦。

    回覆刪除
  32. 大市弱時 偉哥威力盡現

    回覆刪除
  33. 好PK的595, 又來定向回購。

    回覆刪除
    回覆
    1. 595 好難玩!我1蚊都冇賺過~

      刪除
    2. 我好少少,賺了$0.01

      (◔.̮◔)呵呵

      刪除
    3. 呢隻我一早Blacklist左

      刪除
    4. 呢隻唔旺我,都睇緊位止蝕

      刪除
    5. 止蝕追2136好过,人回购他回购,越买越跌

      刪除
  34. 隻2136企得都幾硬下 真係唔比細劉回購?

    回覆刪除
    回覆
    1. 放早咗
      睇下有冇機會入返

      刪除
    2. 如果跟劇本,細劉要一直回購到目標然後就提出私有化。好鬼怕佢回購唔到發脾氣

      刪除
    3. 唔識停
      橙兄放果陣我都以為今日見頂...

      刪除
    4. 仲有得上 咁今日咪冇得再回購

      刪除
    5. 今日咁升法會唔會係有鴨?

      刪除
    6. 😩我今年真係好燈 賣乜都沽升淚 買乜都輸到趴街

      刪除
    7. 大家咁話啦橙兄 我成個倉得2136係賺緊錢

      刪除
    8. 咁可唔可以試吓幫幫忙沽一手橙,hehe

      刪除
    9. 橙係非賣品
      上次我沽一手橙買臨完GO嘅859
      859即刻插水 橙就爆升🤪

      刪除
    10. 😂睇下星期一點先 今日收3.4嘅話就3.27入返

      刪除
  35. 747 控股權易手,炒到上0.61跌返落黎,買左注等運到。

    回覆刪除
    回覆
    1. @0.38有一注貨,同船人 Hello~~

      刪除
    2. 同船,@405買入、唔對路@0.415沽出,之後@0.37又追回。

      刪除
    3. 0.385買入一注跟大隊

      刪除



  36. 港交所:券商5月7日起不能協助美籍客戶買賣俄鋁股份
    12:50
    Infocast
    美國財政部外國資產管理辦公室(OFAC)早前宣布,將全球第二大鋁生產商俄鋁(00486)列入制裁名單,港交所(00388)向券商發出通告,在5月7日後,不能協助美籍客戶買賣俄鋁股份。

    港交所指,OFAC發出的第13號一般許可證,准許美籍人士出售或將俄鋁股份轉讓予非美籍人士,而該許可證將在於美國東部夏令時間5月7日凌晨12時01分期滿。在許可證期滿後,不應容許或協助任何美籍人士,違反OFAC制裁買賣俄鋁股份。

    港交所呼籲交易所參與者,應繼續實施合適的盡職審查,及採取必要措施以確保遵守OFAC制裁,以及不應運用交易所系統或設備,進行一些可幫助美籍人士違反OFAC制裁的直接或間接交易活動。 (ST

    回覆刪除
    回覆
    1. 可能就是今日跌的原因。美籍股東要在限期前清貨。

      刪除
    2. 佢地有秩序地沽,咁就6/4再睇位買

      刪除
  37. 是,花旗,麥格理狂沽

    回覆刪除
  38. 陸陸續續, 今天終於沽清了393@0.87。

    套現資金,等候機會。

    回覆刪除
  39. 請問偉哥有否留意874? 管理層往績麻麻,但旗下產品真係好得

    回覆刪除
  40. 偉哥D偉哥股,呢期日日都食左偉哥

    回覆刪除
  41. 如果羅馬主場再無奇蹟, 看來決賽會係利記 VS 皇馬...
    除非利記踢出超水準, 否則皇馬好大機會三連霸...

    回覆刪除
    回覆
    1. 皇馬作客祖記win3球,都差D要加時
      宜家只係 lead 一球

      刪除
  42. 今日冇回購,邊個大戶入場

    回覆刪除
  43. 2136銀河開始出來壓盤,看來劉生開始嬲嬲豬了

    回覆刪除
  44. 我都坐不落去了,1557@1.87食,謝謝偉哥介紹.

    回覆刪除
  45. 偉哥隻819今日又食春藥, 無跟到真慘...

    回覆刪除
  46. 近日個倉不斷有新高股出現,昨天有8431,今日就178、2136、2877;
    反而指數就十分弱,暫時5月是睇淡。

    回覆刪除
  47. 2319,完全找不到利淡消息,冇厘頭倒下,今早接左一刀。

    回覆刪除
  48. 突然有個疑問,偉哥個倉有無咩股係專門FOR平穩收息? 3399?

    回覆刪除
    回覆
    1. now: 420
      future: 880
      reit依家唔敢買住 驚加息呀

      刪除

注意:只有此網誌的成員可以留言。