置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年7月3日 星期一

新世界百貨中國(00825) - 私有化提價達至雙贏 (下)


第一次要約期限屆滿的可能結果

新世界百貨作價2元的私有化要約由2017年6月27日起,至2017年7月18日屆滿,屆時可能結果如下:

1. 要約接納水平 > 90%

如有超過420,419,700 股獨立股東持股接受要約, 相當於獨立股東持股的90%接受要約,其私有化要約成為無條件,屆時要約人會強行收購餘下不接受2元要約的股權,然後退市。

2. 要約接納水平 < 90%

如要約接納水平低於90%, 大股東可以:

I. 直接宣佈私有化要約失敗;或

II. 不提價,但延長要約接受期,讓獨立股東再考慮; 或

III. 提價, 並延長要約接受期,讓獨立股東重新考慮。

對於上述4種情況,對於小股東而言,結果最好的當然是提價並延長要約,最壞的結果是直接宣佈要約失敗,那大股東會有何選擇?

說到這裡,我們又要再重提舊事,說說同系新世界中國(00917) 私有化的歷史。新世界中國先於2014年6月以每股6.8元作價 (總作價183億元)私有化失敗,然後再於2016年1月再以每股7.8元作價重提私有化,最終總作價是213億元,比第一次私有化花多了20億元。由此可見大股東有把握可以在私有化失敗後,等多1、2年再以更低價格成功私有化嗎?答案是否定的,或者可能以更低作價成功私有化,又或者可能要以更高作價去重提私有化,大家都不知道將來經濟及行業如何變化,但大家 (包括大股東)要考慮的兩點是:

1. 目前出價之低廉是有目共睹, 即使提價去完成私有化,大股東也是獲利豐厚的,而一旦這次私有化失敗,將來能否以更低價去完成私有化是未知之數,而且損失了1、2年的時間去推進內部的重組、佈局,對大股東而言會否是更大的損失?

2. 同業包括物美商業及銀泰商業紛紛私有化,甚至其它零售股包括百麗國際也提出私有化,是否意味著這行業、以至整個零售業已觸底,目前已是行業最差的時候?如果不能把握行業最壞的時候進行私有化,再等1、2年會否反而要以更高作價去進行私有化?

作為小股東的,常常首要考慮的是如果私有化失敗的話,股價打回原形,我們會蒙失多少的損失,但如果從另一角度去思考,其實大股東沒有損失嗎?或許大家會說,大股東是億萬富豪,私有化失敗了,最多就是私有化成功帶來的潛在的利益沒有了,但這不正是大股東的損失嗎?  所以說到最後,請大股東不要以私有化失敗所引致的潛在股價大跌去威脅小股東接受要約,如果這次私有化失敗,大、小股東一樣都是蒙受損失的,並不是單方面蒙受損失的。

獨立股東的選擇權

作為獨立股東,你目前有三個選擇:

1. 如對這私有化可以順利完成並沒有信心的話 (不論是否提價),或許先行沽出持股是最佳的選擇,無謂承受多餘的風險;

2. 如果滿足於2元的要約價,也認為這作價可以順利完成要約的話,那可以選擇接受要約,但要注意的是這個私有化要約即使你接受了,而最終結果是少於90%的獨立股東持股接受要約,並且大股東決定不提價、讓要約失敗告終的話,你即使選擇接受了要約也沒有用,已過戶的股份是會退還給你。所以緊記這種私有化要約是ALL OR NOTHING, 即是要約成功 (超過90%獨立持股接受要約) 的話, 大股東會強制性收購全部持股;如果要約失敗,大股東是一股都不收,最終會將已接受要約的股份退回給小股東;

3. 如果不滿足於2元的要約價,也願意承受風險去爭取大股東提價的話,則什麼也不要做,即是代表你不接受要約; 如果有超過10%的獨立股東持股不接受要約,則大股東要決定加價、延期、還是宣告私有化要約失敗。

現在距離第一次要約到期尚有14天,作為小股東的你,或許要作出你的決定了。

我們要求的目標作價

大股東在私有化要約通函裡多次提及一項數據:經調整每股有形資產淨值,只因撇除了無形資產後,每股有形資產淨值大幅低於帳面每股資產淨值,讓他們以此資產淨值計算出來的市帳率稍為提高,看上去私有化作價沒有那麼“難看”。

我們先重看同業的私有化作價比較:


比較經調整每股有形資產淨值,新世界百貨的私有化估值雖然與其它兩間公司拉近了,但那距離仍是遙不可及的。我們的要求很簡單,就按經調整每股有形資產淨值計算的市帳率約1倍來進行私有化,即是每股2.6元的作價,也相當於目前的2元要約作價提價30%。

以潛在要約股份總數467,245,000股計算,每股提價0.6元,代表大股東需就此多付2.8億元。從另一角度來看,先前兩間同業的私有化平均估值是1.58倍市帳率 (按經調整每股有形資產淨值計算) ,即是說如果大股東可以以1倍市帳率成功私有化,他其實比同業先前的私有化估值節省了每股1.51元或總作價節省了7億元之多。

再其次,按當年上市價每股5.8元計算,即使期間派發了總股息每股1.353元,再加上以每股2.6元私有化的話,大股東在這10年間仍然賺了小股東每股1.847元之巨。

我們要求提升作價,其實只是要求大股東分些少的利益給小股東,實際上如果以每股2.6元的作價成功私有化,大股東毫問疑問仍是私有化成功的最大得益者!

總結


私有化對於小股東而言,永遠都是相對被動的一方。以現在2元的作價而言,我自己認為小股東是難以接受、也不可能接受的,沒有商量餘地。現在能否順利完成私有化,基本上取決於大股東的態度,不提價的話這私有化就拉倒,等1、2年後再重來,到時也不能確保可以順利以2元的作價去完成私有化,結果好可能還是好像新世界中國一樣,浪費了一年半的時候,兼且要提價去完成私有化,完全是得不償失。

提價30%的結果將是各取所需,達至共贏;堅持原價,則是一拍兩散,兩敗俱傷的結局。現在決定這私有化何去何從的是鄭先生,希望鄭先生具備良好的視野、大局觀,作出明智的決定去達成對雙方都有利的結果。

231 則留言:

  1. 為免勝出的網友看不到, 再重新張貼多次:

    根據FC9的資料, 是次選股比賽勝出的分別是網友pw wong, terminator, keith wong, kay, dicky yick, 益力多。另外網友嘉毓挑選的吉利汽車其實僅輸3%, 但如此大市值的股票有如此升幅, 實在是無可爭議的價值之選,所以我特別邀請網友嘉毓也出席這次的聚會。

    除此之外, 我也要順道邀請10年來一直默默支持我的derek出席我們的聚會, 因我之前已承諾有機會一定要請derek見面飲杯野。最後, 我還想邀請為這次股票比賽做義務文書的FC9也出席這次聚會, 有了她的幫忙, 我基本上什麼都不用做, 希望FC9可以賞面。

    如果大家方便的話, 可以電郵給我, 我遲些與大家夾一夾時間。

    回覆刪除
    回覆
    1. 恭喜大家,我都好想出席親身多謝偉哥,唯有下次努力去贏比賽,Detek兄都等了10年,我都會比耐性看看幾時有緣見偉哥。

      刪除
    2. 恭喜各位,順道多謝偉哥隻581同98。第一次比賽就揀中隻停牌股,相信下次只要唔係除牌股咁都算有進步,期待下半年的比賽。

      刪除
    3. Wow, FC9 正了, 得你1個女的(應該是吧?) 如入無人之境, 探嚢取物....

      刪除
    4. 可喜可賀!
      我雖然輸了比賽但贏了大量錢, 所以和大家齊齊開心 :)

      刪除
    5. 777連FC9都唔放過,睇黎好飢渴XD想問下偉哥1079 有乜部署?

      刪除
    6. kay應該是女仕吧,pw wong就中性,不知是男或女。

      刪除
    7. 係喎, Kay應該都係. 每個爐放1個就唔洗爭啦, kakkakaka

      刪除
    8. 恭喜大家, 我上年12月時外遊而錯過了報名,不過就算有報名亦不會贏出...大家玩得開心D

      刪除
    9. 謝偉哥~ 師奶自願的 不言謝
      順便說 咳咳 我係男淫黎架 777係嫩模 tk係名媛 derek係老司機 pcwong 係神仙姐姐 Kay係小鮮肉 益力多係洗米華嘅至愛 嗯哼








      講笑 請不要介意

      刪除
    10. 估唔到我有份參考, 深感榮幸.
      想像中的偉哥是高而瘦,戴上黑框眼鏡, 書卷味比較濃.
      真係好奇偉哥真面目是如何~
      今年上半年成績非常不錯,增長60% 主要是重倉799 大升超過1倍
      希望下半年可以繼續有好表現.

      刪除
    11. 已走799,還是搏佢破頂?不過而家科技股好似唔就

      刪除
    12. 唉豬豬我一股不賣, 最好回落到10蚊等我有錢再入.
      不是"搏"破頂, 是"一定會"破頂, 因為13.X 根本不是頂
      其他科技股就唔就 我不清楚, 反正只集中研究這隻
      8月出中期業績, 半年盈利會已超上年全年盈利.

      刪除
    13. 作者已經移除這則留言。

      刪除
    14. 恭喜,我都好想出席親身多謝偉哥,希望下半年可以跟下各位買靚股

      刪除
    15. 我都想佢破頂,12.5追入

      刪除
    16. 8月的選股比賽, 會有一些賽例上的調整, 包括不同市值區間會在最終的回報上 X 不同的調整系數, 例如500億以上市值的, 最終回報率會 X 1.2, 反而低市值的例如10億以下的, 最終回報率會 X 0.8的調整系數, 這樣的話才能恰當地反映實際情況。

      刪除
    17. 所以到時選騰訊、匯豐呢D巨無霸參賽的網友, 勝出的機率會大幅提升。

      刪除
    18. 加入調整因子的確夠創新!

      刪除
  2. 94,
    批股給"大陸佬",向著正面方向.
    只是批股價$0.85略低少少.

    回覆刪除
  3. 另一篇私有化鉅鑄,短期內會買入825去支持否決$2的行動,請等我報數。

    回覆刪除
  4. 多謝偉哥這篇文章,更多謝你的無私情神!感激!

    回覆刪除
  5. 我昨日1.93 入左,否決票,抗議鄭家低價私有化

    回覆刪除
  6. 已買入了825@1.94!今天會再買多些,博提價!打算買夠一百萬港銀!

    回覆刪除
    回覆
    1. 注意注碼的分配。

      這種賭私有化提價而自己沒有興趣中長線持有的股份,一般比重不會超過組合的5%。

      刪除
  7. 偉哥,如私有化失敗,估計會回落多少?Thanks!

    回覆刪除
    回覆
    1. 如失敗, 估計短期先見1.4-1.5元。

      刪除
  8. 呢隻我都好有興趣, 早兩星期我都請教過偉哥。但最怕失敗後唔提價, 唔知跌到咩位。
    但睇完偉哥文章, 了解多了, 明白私有失敗, 對大股東原來也有影響。

    但想請教偉哥, 大股東有可能於7月18日前提價嗎?

    回覆刪除
    回覆
    1. 不會, 估計最快都要7月18日, 第一次要約有了結果才會考慮提價。

      刪除
  9. 偉哥半年結反敗為勝, 是做足功課, 知風險.

    [橙天嘉禾(01132) ]…見網上名嘴也叫人放棄, 唯偉哥…冇.囉.

    回覆刪除
    回覆
    1. 等這交易完成了, 我嘗試花些時間詳細寫寫這宗交易,我和朋友都覺得這個案可以成為教科書式案例。

      市場忽略了很多對這宗交易正面的因素。

      刪除
    2. 等偉哥文章⋯⋯持貨

      刪除
  10. 今朝有關私有化嘅股份都向上,影響力之大確犀利。

    回覆刪除
  11. 謝謝偉哥825的分析,呢兩篇文可納入教材,深入淺出,我覺得連一些本地基金經理都未必明白,國內的更如獲至寶.

    98亦要再次謝謝,成為今年賺幅最大的股票.其實如果有偉哥收集股數統計,我都未必會加倉.當然,冇偉哥介紹,更不會買入.

    自從開放留言後,慶幸"好似"仲未有牛鬼蛇神,但留言方便後數量亦大增,大大加重偉哥的負擔.所以,未來的文章,就算冇咩topic,我相信網友們都冇所謂,以免偉哥又OT,又夜瞓.

    回覆刪除
  12. 170私有化通告;於二零一六年十二月三十一日每股經審核綜合資產淨值約 1.9 美元(相等於約 14.725 港元)折讓約 53.8%

    但私有化價格為6.8,當投資者是傻的嗎?

    回覆刪除
    回覆
    1. 唉, 這公司的大股東我覺得比鄭家更差。

      刪除
    2. 這大股東太差, 作價之賤無出其右....

      情理上應該反對這私有化, 但面對這種大股東, 有機會可以甩身可能也是好事。

      刪除
    3. 老實講,大部份港股既玩法係賤!
      市好高價上市,錢集左番去之後大股東亂用,又一家大細都食公司;
      到股價太低,大股東就低價私有化,過多幾年又再上市 [讚]

      所以在我而言,只有隻股出世時(IPO)同過身時(收購/私有化),可以介入下
      其它時候要睇派息 =.=

      刪除
    4. 假設反對私自化,這類型的大股東應該會想盡辦法淘盡公司資源,股價更加無運行,好似893一樣。

      (伸報一下,我唔係打手,只是憶起893的慘痛經歷- 13年1.7大大注買入,失敗後並持有到今,不要問為何不止蝕,只怪當年太天真太傻,相信內在價值不止於1.85)

      刪除
  13. 825偉哥就只有一小注及增持過一注嗎?

    回覆刪除
  14. 偉哥...好似有啲奇怪...商務部出左第二季案件名單..好似少左啲野

    回覆刪除
    回覆
    1. 我也找不到對大地收購橙天的批准, 但今早股價反而炒上去, 奇怪。

      刪除
    2. 有啲鬼 非常耐人尋味
      商務部份公告8點出但係一開市有人掃左成千萬貨 究竟發生咩事

      刪除
    3. http://fldj.mofcom.gov.cn/article/zcfb/201707/20170702603665.shtml


      2017年第二季度无条件批准经营者集中案件列表 2017-07-04 08:43

      刪除
    4. 按2月10日的通告, 是否有可能不需要審批?

      (v) 就出售事項取得主管中國機關之反壟斷審批( 如需要 )

      刪除
    5. 咁即係隨時可以出通告宣佈賣左??!!!

      刪除
    6. 審批就一定要, 而且在6月中的時候聽聞已通過商務部審批, 但到今天都沒有出正式批准, 比較奇怪。

      最奇怪的是今天的大手買上。

      刪除
    7. 偉哥知唔知邊間買入?

      刪除
    8. data.tsci.com.cn/stock/01132.htm

      刪除
    9. 都幾散下 唔知係唔係就快有消息

      刪除
    10. 好奇怪 跌番落去昨日收市價 究竟咩料

      刪除
    11. 係「经营者集中简易案件公示」唔見有橙天嘉禾同南海控股既審批申請,會否在另一地方公佈?

      刪除
    12. 似乎中午收市打回原狀,半日1500萬成交,但係股價同昨收無變動。希望早日出公告,唔經唔覺已經揸左成季

      刪除
    13. 反壟斷審批一季公怖一次, 如果今次唔公怖是否要等到10月?

      刪除
    14. 等1132公佈內幕消息應該快過下一轉商務部公佈

      刪除
    15. 以1432為例, 交易在4月13日已批准, 但商務部今天才公佈, 是否代表如果交易繼續進行的話, 要等到今天正式公佈才可以完成?

      刪除
    16. 咁睇法只係單野未審姐, 時間上應該差多要審, 1432 由公怖日計都用左5月個月先審, 咁1132可能7月先審, 咁應該今個月有結果.

      刪除
    17. 呢個係唯一解釋,即係話正式確應可能真係要等到10月。

      刪除
    18. 但奇就奇在個價似乎對「沒有好消息」無乜反應。

      刪除
    19. 唔需要等到10月, 應該今個月就會審, 到時1132就會公怖.

      刪除
    20. 1132回到開市價.680反而動了.

      刪除
  15. 新股愈來愈怪雞, 同去賭場賭一舖冇分別, 唔怪得偉哥宜家唔多玩新股啦:

    新海連(08276)宣布,公司主席韋鏵配偶兼公司執行董事
    謝碧蕊,被連雲港公安局指定居所監視居住,公司認為現時進行全球發售乃屬不明智,因此決定
    終止首次公開發售(IPO)

    呢隻新股係最強保薦人國泰君安做保薦人,

    回覆刪除
    回覆
    1. 唔關事,係太多隻一齊上,根本冇咁多生錢去買。
      勁投已退了,有多幾隻退場唔出奇 =.=
      班人又唔早D上,係要迫埋deadline一齊上

      刪除
    2. 新股而家差不多9成是賭大小。

      刪除
    3. 新股絕對不是賭大小,不過係分析無用

      刪除
    4. 之前數年的新股你見我都會寫下文分析, 你有時間可以翻看, 可以說命中率極高,絕對不是賭大小....但現在根本無得分析,因為上市的大部份都是啤殼、垃圾、假數股, 升唔升睇莊家意願, 又睇係唔係圍到飛。多人認購的十居其九好快就穿底, 反而無人認購的就大升。

      刪除
    5. 連有真正賺錢能力的半新股1556也不外如是, 近11厘股息, 無得炒!
      希望3毫可以買到它!

      相反,無賺錢能力無股息的半新股3708好好炒! 可惜,我無膽炒! 我真的需要好好學習!!!

      刪除
  16. 偉哥舊愛,Known兄寵愛都好似不甘寂寞!!!

    回覆刪除
    回覆
    1. Mon. 同 Display card一齊郁郁貢...

      刪除
    2. 我唸都無乜人好似我咁長情,成本$2以上買入,曾最多跌近40%,變倒贏5%都未沽貨。不過呢度太少人對呢隻股有研究了。

      刪除
    3. KNOW兄值得佩服,特別果種心理質素,記得你呢隻都好重倉下,正常人插到40%都已心灰或者離場,見證住你-40%至+5%都替你開心(雖然無持有此股)

      刪除
    4. 我都算陪住你走
      早前重回兩蚊先決定沽出平手離場
      不過如非Bitcoin 熱潮恐怕都一沉不起

      刪除
    5. 剛睇雪球話同比特幣都有關, 有些R頭, 但走勢就好明顯

      刪除
    6. 熊仔兄: 請問點解同Bitcoin有關?

      刪除
    7. known抵讚 一直主動跟進同分享 自己的買賣亦豪冇保留地更新俾大家 不過師奶一早止蝕了=_=

      刪除
    8. 777: 最主要係bitcoin 生產工具(所謂掘礦)係用顯示卡,而且除左bitcoin 外其他虛擬幣都有炒作,無貨到連顯卡都要食炒價,amd 同nvidia 都受惠股價急升,所以栢能都有幸搭轉順風車

      順便當趣聞講下
      如果有留意Bitcoin 熱潮,四川直情有人係個山頭度整左個bitcoin 礦場。好似話果度係掘礦聖地連鬼佬都想去玩埋一份,礦場負責人話果邊風涼水冷可以幫助散熱,電費又平咁講(該礦場好似生產左現時流通量兩三成左右bitcoin)

      趣聞係憑記憶講,可能有誤

      刪除
    9. 係唔同季節在不同地區開礦場, 半年係四川, 半年係內蒙, 冇記錯的話。

      刪除
    10. 有同朋友傾開,本來虛擬貨幣熱應只能對1263股價作出短線影響,因為該些挖礦卡其實毛利比Game卡低好多,但可能因為內地人太熱情,影響可能由短線變中線。^^

      刪除
    11. 現在都是流行大型雲掘礦, 伺機器都設在冰島, 無論溫度,網路穩定度,電力供給穩定度都完勝
      我也研究過, 在雲掘礦上投入掘礦的成本,以理論回報計算, 需要半年才回本
      掘礦的產業鏈其實最好賺就是賣顯示卡和專業掘礦電腦的供應商.
      看好虛擬幣, 其實直接在市場買就會好過掘礦
      正如你看好紅豆價格將會上升, 會直接買紅豆期貨, 而不是去找塊田去種紅豆

      刪除
    12. Known兄,小弟同路中,由2.3入,到1.7 再到1.4入,都係HOLD 到今天,呢幾2個星期留意到瑞銀收唔少貨,1.9X又震倉,今朝再入少少@2.08。 今日大跌都上,似乎有D野,盈喜乎? 共勉之!!

      刪除
    13. 真有同路人喎,1H的確有機會發盈喜架,不過由於Q1銷售只能持平,單靠Q2能否扭轉局面難講,但前排為AMD所出的卡上半年應已出貨及入帳,情況又好似樂觀番D。

      UBS由前排掛大買盤到依家直接掃貨真係令人想入非非,可以咁講升穿$2某程度都係靠佢,希望會有好消息公布。今年對1263是好年,挖礦卡大賣、e-Gaming賽事又在香港攪、Razor又部署上市...但港股唯一一間公司係得1263食正條水,市場唔炒佢炒邊隻?我首個目標是PB追番1已到,再升可能會開始沽貨。

      刪除
    14. Known 兄,遇到同路人堅開心! 正如你所講"今年對1263是好年,挖礦卡大賣、e-Gaming賽事又在香港攪、Razor又部署上市...但港股唯一一間公司係得1263食正條水" ,我亦係睇到其中幾點先HOLD到而家,咁有概念,又係暫既唯一,加上一點係老散9成己沽清,貨入強手,加上本身呢隻都係貨少,有冇機爆炒呢? 唯一擔心既係市場氣氛轉差... 但今日佢都逆市升...的確令人七上八落,哈哈...

      刪除
    15. 除UBS,你要留意埋京華山一、一通、耀才,佢地似乎好齊心吓。今朝全部排$1.9X,突然掃上去就排滿哂$2.0X,佢地究竟做緊乜你同我就可能要心照了。

      刪除
    16. 京華山一、一通堅齊心,中銀都有不排盤托價,但唔知係大戶定老散

      刪除
  17. 今日油股有少少反彈...

    回覆刪除
  18. 98昨天大升咁多,一份通告都不用出,就算無消息,不是要出不知道股價為何大升的通知

    回覆刪除
    回覆
    1. 可能知道,但說不得,所以冇通告;又或者升3成好小兒科

      刪除
  19. 今天回歸平靜,冇咩好做,唯有工作啦

    回覆刪除
  20. 偉哥,834可以嗎?想入,麻煩你幫手分析下,謝謝!

    回覆刪除
    回覆
    1. 恕我無能為力, 一沒有時間,二沒有能力分析這類股。

      不如你說說為何想買這股, 看看有沒有網友可以提供意見比你,總好過什麼原因都不說, 只希望別人幫手分析。

      刪除
    2. 呢隻我有朋友比料我, 話會上5蚊, 我3.7買, 跟著3.3止蝕左. 純碎聽消息. 不過比料我個朋友仲HOLD著, 佢係公司入面做會計. 所以諗著堅料, 點不知....

      刪除
    3. 偉哥,我都係收到內部料,話834會繼續上去至5蚊,所以我都睇不到理由,所以請教左你,睇到回復,我已明白你意思,非常感謝!

      刪除
    4. 咁講, 834開始做要約時, 股價低於2元我已聽到目標價5、6元......所以有時聽消息的話, 要判斷你的消息是第幾手消息、多唔多人知,然後才決定是否下注。

      刪除
    5. insider, 除非你好有錢或者真係識倒D權貴, 如果唔係呢類有目標價既消息都係算把啦
      我有個外家親戚做某大投行(而家註新加玻), 佢都俾過幾次料我, 我得出既結論係佢都係聽返黎
      唔好話好消息唔可信, 我以前買過一隻內地傳話間公司做假, 我放左之後佢升左5倍, 壞消息都一樣可以做假, 信人不如信自己

      刪除
    6. 仲有止蝕好緊要, 參與無問題, 但唔止蝕就好大鑊.

      刪除
    7. 834明顯係孫粗洪概念股,因為佢同天元錳業呢間公司千絲萬縷,而後者剛入主834。炒財技股一定要追踪莊家散貨未,不過有時股價大跌又未必代表莊家散貨,所以相當專業,我看你不如勇敢D訂個止蝕位,一穿就即走好了。

      刪除
  21. 青兒推介的672到今天已倍升了
    實在非常利害👍

    回覆刪除
    回覆
    1. 哈哈!
      我不久前擦青兒的鞋, 話如有大成交額672看到兩蚊,今天對現。

      刪除
    2. 作者已經移除這則留言。

      刪除
  22. 偉哥想問一問權益披露
    之前Hkex 個網更新前我都仲睇到羅老先生增持的資料
    現在再查看好像甚麼也查不到
    http://sdinotice.hkex.com.hk/di/NSSrchMethod.aspx?src=MAIN&lang=ZH&in=1&

    回覆刪除
    回覆
    1. http://www.hkexnews.hk/di/di_c.htm
      簡返岩日子

      《證券及期貨條例》第XV 部 - 披露權益

      搜尋設施

      1.
      披露權益(就2017年7月3日起的期間所提交存檔的通知)

      2.
      披露權益(就2003年4月1日至2017年7月2日期間所提交存檔的通知)

      刪除
    2. 哦係喎
      唔好意思
      低級錯誤

      刪除
    3. 我早兩日都查唔到先知

      刪除
  23. 98好似食左瀉藥咁...再減持1/3鎖定利潤先,剩低D就由佢自生自滅啦, 多謝偉哥.

    回覆刪除
    回覆
    1. 今早見幾個買家反手沽, 也以均價約5.15將3.05元增持的貨沽出止賺了。

      刪除
    2. 跌破我後悔賣出價4.91後即彈, 足以證明我昨天賣出是傻仔位

      刪除
    3. @777,無話傻唔傻仔,有得賺就總比蝕好。

      刪除
    4. 都未必,而家都未企穏。會否買返?

      刪除
    5. 5.2 全走 獲利甚豐 謝謝偉哥!

      刪除
    6. 98好有趣 冇停牌冇公告 唔知今日係著條落到肚池嘅deepV 抑或係條吊帶斷左一邊 所以都係睇戲算了~

      刪除
    7. 如果真係跌到約4.5我會溝貨

      刪除
    8. 溝貨?777你之前幾錢入?

      刪除
    9. 唔係串你777,不過你同我入3399一樣,4蚊唔入,5蚊唔入,6.5先入,坐艇坐到而家一個餅印

      刪除
    10. 不是,我是3.06入4.91出,再5.5入博通告😂

      刪除
    11. 是的,今注仲買少左

      刪除
  24. 恭喜偉哥同勝出比賽嘅ching,組合新高又新高,我上半年幾乎食白果,因為相中嘅股冇表現,又冇跟買偉哥概念股,因為我跟買嘅往績幾差下,買左可能禍國殃民,所以825,大家贏多D

    阿Q咁諗,上年上半年直頭負數,都係靠下半年追番,今年應該唔例外^^

    回覆刪除
    回覆
    1. 上半年真係好差,同埋注碼同出入都控制唔好,唉

      刪除
  25. 多謝偉哥,先沽出581,睇有冇機會低位買返。

    回覆刪除
  26. 有冇人有8008? 諗緊減唔持D... =.=
    但林少陽又話唔好放,兩難中

    回覆刪除
    回覆
    1. 如果要換馬就放囉,無就繼續持有。

      刪除
    2. 年頭有聽到有被收購可能, 跟著就睇著佢由3蚊頭一直上無回過.
      但最近話買方唔行動, 個勢即刻唔多靚仔. 4.77算係大支持位, 守唔到會再跌.

      刪除
    3. 我也開始有點想先放一放, 候低再入.

      刪除
    4. 冇野好買,現金仲係較高

      刪除
    5. 加注買入英國藍籌imperial brand

      刪除
    6. C兄你都視野好濶吓喎,英國股都識。

      刪除
  27. 今日輸番尋日賺個啲啦,突然跌2百幾點

    回覆刪除
  28. 偉哥, 唔好意思, 又係我的奇怪問題。
    假設一隻股現價$5蚊, 賣資產賺左好多錢, 現打算派$10特別息。是否沒有可能, 因沒法派突, 即最多都係派$4.99? 謝謝!

    回覆刪除
    回覆
    1. 由佢公佈派10蚊果一刻 佢已經唔係值5蚊....

      刪除
    2. 哈哈, 當某隻股公佈派息10元, 但股價低於10元的話, 你估你仲有機會可以係10元以下買入?

      刪除
    3. 有...之前的243...其他正經股好難

      刪除
    4. 又係喎, 又問埋D白痴問題 @_@!

      刪除
  29. 市場氣氛轉差左喎⋯⋯

    回覆刪除
  30. 其實今日咩事?趺穿25500係咪要走佬?

    回覆刪除
    回覆
    1. 騰訊的王者榮耀被打壓。

      刪除
    2. 應該係自己壓制自己

      刪除
    3. http://forum.hkgolden.com/view.aspx?type=CA&message=6747341
      騰訊(700)被《人民網》狙擊,中午開市後急跌近半成。《人民網》發文批評,《王者榮耀》釋放負能量,對兒童有不良影響,認為如果以各種方式施加於未成年的孩子身上,就該儘早遏制,更質疑「到底是遊戲娛樂了大眾,還是『陷害』了人生」。

      全文如下:

      一款遊戲成為全民性、現象級,足見其魅力;又被稱為「毒藥」、「農藥」,可見其後果。最近,當《王者榮耀》在一波波圈粉,又一波波被質疑時,該如何解《遊戲之毒》令人深思。
      ......

      刪除
    4. 又有機會入返啲700

      刪除
    5. Joshua前幾日先提出過關於(王者榮耀)論點,直覺認為佢係700既大戶。

      刪除


    6. 高燈仔的潮文"

      哎吔!騰訊拉停左呀!
      http://forum.hkgolden.com/view.aspx?type=FN&message=6729366

      熊軍會戰勝歸來
      http://forum.hkgolden.com/view.aspx?type=FN&message=6738166

      刪除
    7. 高燈仔話騰訊有能力做到美國做唔到嘅野, 最終會把中國幹掉, 即係摧毀所有中國兒童!!!

      人民網批王者榮耀 騰訊市值蒸發1100億
      http://finance.ce.cn/rolling/201707/04/t20170704_24021857.shtml

      刪除
  31. 想問下點解1079 會跌穿要約價0.65?? 謝謝

    回覆刪除
  32. 關於825有個技術問題,若第一次要約$2截止前,有人接納要約,但$2大股東收不夠90%後提價(假設提價至$2.6),那第一次已接納了要約的人,是否不可以在第二次要約選擇接受或不接受?因我有印象在一般的GO,如果有股東在首次要約期接受了要約,無論之後是提價或延期也好,已在第一次接納了要約的人已不可以再選擇不接受第二或以後的要約。Right?

    回覆刪除
    回覆
    1. 無論是什麼時候接受要約、接受要約時是什麼作價, 都一概以最終要約成為無條件的作價為準, 即是你2元接受了, 但最終提價至2.6元, 先頭接受了的一樣可以收到2.6元的作價。

      刪除
    2. 這個我明,我係指,先頭接受了$2的,可否在第二次不接受$2.6?我想應該是不可以的,因為第二次他已不可以作出任何指示。

      刪除
    3. 我相信是不可以, 因為小股東持股如接受要約的話, 會轉移至中央結算, 無法再下第二次指示。

      刪除
    4. 我問這個問題,其實也帶出鄭家有更大誘因先等第一次要約有結果後才決定提多少價,因為若果夠多人已接受$2,佢應該會加得少D。

      刪除
    5. 係架, 佢睇住結果來判斷加幾多。如果第一次要約已有8成接受左, 咁佢象徵式加10-15%可能已搞掂; 如果結果只有6、7成接受要約, 咁肯定要加20-30%先有機會過關。

      刪除
    6. 作者已經移除這則留言。

      刪除
  33. 排左半日先入到825,小注only

    回覆刪除
  34. 恆指大跌係幻覺黎既姐,嚇我唔到既!

    回覆刪除
  35. 回覆
    1. 呢隻嘢好大機會靠圍飛先上到市

      刪除
    2. 上市後炒左4轉,今日高位沽清,看收市前做乜價,而決定補回。

      刪除
  36. 上周公開招股的勁投國際(3682)被母公司路勁基建(1098)擱置其上市計劃,成為今年首隻招股中夭折的主板新股。路勁基建管理層接受本報查詢時表示,由於在勁投進行國際路演最後一日時,對投資者出價不感滿意,而路勁又財務穩健,毋須急於一時以低價分拆上市,故暫時擱署計劃,但不排除日後另覓合適時機再尋求上市。

    路勁基建昨宣佈,由於售股股東及勁投未能與聯席全球協調人訂立定價協議,故分拆勁投上市將不會按原定計劃進行,因此黃偉豪為該公司獨立非執董的辭任將不會生效。該公司強調,其業務將不會受擱置分拆上市計劃影響,在將來市況改善後,仍將密切留意市場情況,以評估進行建議分拆的適合時機。

    回覆刪除
  37. 偉哥,以下一段是取自825的私有化公告(6/6),佢意思是不是當大股東收齊90%後,仍要給予14天時間讓未接受要約的去接受?但我記得你好似講過如果收齊90%,餘下10%就硬性要接受要約,所以我就不太明白那14天有什麼作用。

    //

    根據收購守則規則15.3,要約人須於要約接納成為無條件且要約在各方面均為無條件時刊發公告。要約亦須於要約在各方面成為無條件後至少十四(14)日的期間可供接納。務請新世界百貨中國股東注意,超過該14日期間後要約人並無任何責任維持要約可供接納。

    回覆刪除
    回覆
    1. Known 兄,我才疏學淺,分享下睇法: 收購守則規則15係講"要約時間性",佢係針對一般情況而言的,因為唔係次次做GO 都一定要做到私有化 (i.e. 收90%或以上),更多情況底下只係想收夠控股權,並同時保留上市地位,所以留14日係想俾於呢種情況下,股東有合理時間考慮接唔接受要約,而且要約文件會有獨立意見,可供股東參考,當然係咪"獨立"見人見智。哈哈

      刪除
    2. yau: 謝謝你! 如果照你咁講,咁果段嘢豈不是與是次要約收購的私有化無關(Irrelevant)?同時,那段嘢也不應出現在綜合文件之內。

      刪除
    3. Known 兄,可能按規定,所有要約入面一定要咁寫出黎?

      偉哥及各師兄,有錯請指正。大家交流並互相學習。

      刪除
    4. 正如煙商賣完廣告一定要講:吸煙危害健康一樣?哈哈 ...

      刪除
    5. 哈哈!但依家興...借錢梗要還,咪俾錢中介。

      刪除
    6. 按規定, 所有有條件的要約一旦成為無條件後, 最少要給予額外14天讓小股東考慮是否接受要約。以825為例, 是否延長當然結果沒有分別, 但大家可以考慮一下1025及917的個案, 為何私有化要約成為無條件後, 不是直接停止交易、退市, 而還需要這14天的額外接受要約期....

      刪除
    7. 謝謝偉哥,剛看過917的個案,的確成為了無條件後會依例多給14天接受要約期,雖然結果都無分別。可以咁講,果段嘢的確無寫錯,但對於此等要約私有化中明顯就是多餘。

      另外,你預計大股東延長要約期會延長多久,10天、14天?

      刪除
    8. 你再詳細理解下點解917、1025係好迫切需要有14天的額外接受要約期, 但這14天額外接受要約期對825係可有可無, 但因應併購條例規定, 所以點都要有呢個安排。

      如延期的話, 一般不是14天, 就是21天。

      刪除
    9. 咁我就再看看,試吓搵下個原因先。^^

      刪除
    10. 我唔肯定啱唔啱,但姑且俾我估吓。(錯唔好笑咁大聲)

      917我估可能是關於購股權的問題,因為那14天就是用來行使及換股,否則購股權將變成無價值。

      1025我則更是盲估,可能H股及內資股根本就不會有強制被大股東收取的做法,小股東若不接受要約,根本無法套現。

      求偉哥指正。

      刪除
    11. 我估計917第一次私有化要約失敗根本上是幕後人有意安排,目的是為要約失敗後,能夠低位買入,再提價私有化,再賺多一次大筆錢。

      希望825不會重複917的路。

      刪除
  38. 1132今日走勢好怪, 明明冇起個list 都高開...

    回覆刪除
    回覆
    1. 同埋今日應該有唔少散户走左...

      刪除
  39. 持股既巴打發啦!

    冠君產業研售朗豪坊寫字樓
    http://www.hkexnews.hk/listedco/listconews/sehk/2017/0704/LTN201707041586_C.pdf

    鷹君(00041)公布,獲冠君產業信託(02778)管理人知會,鑑於目前利好的香港商用房地產市況,其已委任第一太平戴維斯(香港)代表冠君產業信託,探討出售其位於旺角亞皆老街8號的朗豪坊辦公大樓物業全部權益的可能性。

    回覆刪除
  40. 今日跟偉哥入了小小420@0.98。想請問偉哥,目標價仍是1.2嗎?

    回覆刪除
    回覆
    1. 之前係.....而家當然睇埋業績再講。

      不過呢隻我應該會以中長線心態持有。

      刪除
  41. 華人置業(00127.HK)上半年證券投資獲利
    2017年7月4日 04:51:18 p.m. HKT, AAFN

    華人置業(00127.HK)公布,截至今年6月底的上半年,集團完成出售一間持有盛京銀行(02066.HK)股份之附屬公司,錄得來自盛京銀行股份之收益淨額約為23億元。期內集團亦購入約5.8億股中國恆大(03333.HK),代價總額約69億元,以6月30日中國恆大收市價估計,預期其公平值變動之未變現收益約為12億元。

    另外,除盛京銀行股份外,集團出售若干上市證券投資及財資產品,料帶來已變現收益約2.08億港元。

    阿思達克財經新聞

    回覆刪除
  42. 一念天堂,一念地狱。
    看着伟哥邀请函的名单,原来BBQ不是谁人都有资格参加,突感到痛彻心扉的惆怅,听到心在爆裂的巨响,陷入了深不见底的悲伤
    再见了98.再见美丽的疼痛
    再见581.再见灿烂的忧伤
    再见672.再见永恒的迷惘……

    回覆刪除
    回覆
    1. 如果出偉哥閃咭,青小姐妳肯定儲齊一套。

      刪除
  43. 我持有重貨17, 216(160的母公司),298和367。
    367最近連續三天積極買入298。

    筆者仍然認為大折讓本地地產股最具估值防守性,樓市大跌的可能性比股市大跌更低,大價股仍選新地(16)及新世界(17)。細股方面,漢國置業(160)今日升逾4%,連升三日;泛海(129)之前升得急,5月9日至6月19日已累漲四成六,業績公佈後見光死,最近三日已反彈超過9%,重返主要平均線。莊士系兩股亦是業績公佈後回落,基本面對辦,今次均派特別息,PE極低,NAV折讓又大,過去12個月有回購紀錄。若怕大市未來一個月會反覆調整,莊士機構(367)及莊士中國(298)都可現價趁低買,總之地產股買得舒服,悶股發大財之選。
    羅崇博(杜比)

    回覆刪除
  44. 聯合集團373最多還可以回購輕微超過11萬股, 很可能此后不會有回購行動!

    回覆刪除

注意:只有此網誌的成員可以留言。