置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年5月16日 星期二

大日子



5月17日對我而言,是大日子。

組合重倉股冠捷科技(00903) 將會公佈2017年首季業績。今年首份業績比較重要,將會印証我之前的看法及預期是否正確。

擬私有化的興發鋁業(00098) 將於早上召開法院會議及股東大會表決,結果很可能是下午收市後才知道。這股我因為想反對私有化而買到重倉,也多番呼籲小股東投票反對私有化,不知散戶的力量是否有能力左右大局?緊張的不只是私有化的結果,還有的是私有化如失敗後的股價波動。

同日,我女兒名義上正式脫離小學雞行列。

288 則留言:

  1. 明天我要見證女兒脫離小學雞行列,以無法親身出席興發鋁業的股東大會,不過已於上星期將填好的表格交到過戶處。

    回覆刪除
    回覆
    1. 恭喜令千金脫離小學雞行列!

      刪除
    2. 恭喜偉哥千金!! 再祝903及98成功, 來個三喜臨門!

      刪除
    3. 恭喜偉哥,為人父母最開心係見到自己孩子成長。

      刪除
    4. 昨日還在牙牙學語 今日經已亭亭玉立
      陪伴成長 轉眼即逝 點點滴滴 盡在心頭

      刪除
    5. 小女就讀一條龍學校,沒有經歷升中階段,中2學生某方面還像小朋友一樣。

      刪除
    6. 真係女大十八變,未上中學已快1.7米高,也是令我擔憂。

      刪除
    7. 哈哈,想當年也有同感,不過只是你的擔憂開始。

      刪除
    8. 女孩子一發育身高發展就慢下來,不過1.7確實很高

      刪除
    9. 恭喜偉哥女兒小學畢業!
      98如私有化失敗,再提私有化應要等一段時間?

      刪除
    10. 再提私有化要一年後的事。

      刪除
    11. 真係女大十八變,未上中學已快1.7米高,也是令我擔憂。。。我記得偉哥的擔憂, 我真係記得. 1.7米高可以做 model

      在這裡大家一齊成長, 見證好多事情. 好感恩^_^

      刪除
  2. 其實大市升左咁多,就算私有化失敗,股價應該唔會跌太多🤔

    回覆刪除
    回覆
    1. 理論上是的, 跌得多我都會再買。

      刪除
  3. 偉哥, 恭喜你女兒脫離小學雞行列! 另, 投資成績繼續步步高升。加油!

    回覆刪除
    回覆
    1. 哈哈, 我仲有個小學雞及幼稚班的努力、奮鬥中。

      刪除
    2. 我都同小學雞苦戰中......

      刪除
    3. 同喜,大的夏季升中,小的半程中,長途馬拉松,望投資多幫補。

      刪除
    4. 哈哈,波牛會早過我上岸。

      刪除
    5. 是因為老過你,時間是投資最好的朋友,從明天估計會碰上的Louis偷師。

      刪除
  4. 我只想问一句伟哥,你累吗?今天我的钱包被一个熟悉的顾客偷了,真心话,心碎了一地。就不明白了,股票怎输都那么有精神。

    回覆刪除
    回覆
    1. 講真, 唔好讓炒股影響你的生活、心情, 盡量做到平常心。1998、2007、2008年呢幾年我經歷太多,時常因為股票而通宵不眠, 現在已睇開左好多, 輸又好、贏又好,時常提醒自己股票並不是自己人生的全部。

      刪除
    2. 我試過在小巴跌手機, 再係深圳比人界衫偷手機, 在廁所跌鎖匙, 以為破財擋災, 一切會轉好. 結果最近股市失利, 昨天又輸2340成皮野. 所以人總要有希望, 樂觀.

      刪除
    3. 進擊兄,其實七到盡頭一定係八,樂觀相信一定幫到你。

      刪除
    4. 七到盡頭一定係八....即時黎明前的夜晚是最深暗的, 冇得再黑。

      刪除
    5. 講開2340, 點解咁多機會都唔走? 唔係真係信左會炒到3、4元吧?

      刪除
    6. "時常提醒自己股票並不是自己人生的全部"
      呢句真,錢真係唔係人生既全部,錢買到補品但買唔到健康,買到屋但買唔到家,買到娛樂但買唔到快樂。有些人可能因追尋錢財反而失去人生更重要的東西。

      衷心祝願偉哥身體健健康康、夫妻恩恩愛愛、子女生生性性、生活快快樂樂。

      刪除
    7. 有些人是典型的賭仔 有些人是專注短炒 有些人是善於長揸 認清自己再調整策略啦唯有
      今日很殘酷 明天更殘酷 後天很美好,但是絕大部分人死在明天晚上。just to play the devil's advocate~

      刪除
    8. 有說活著就是幸福.也說活著要幸福,最緊要大腦仲識郁.能轉圜的東西并不可怕.

      刪除
    9. 多謝Derek兄鼓勵, 我從輸錢初期的自暴自棄但今日學識樂觀處事, 處之泰然, 算係用錢買了EQ
      偉哥: 我真係當了係價值股咁炒, 以為真係會到3元, 真係吹漲

      刪除
    10. 其實從第一天買入2340已定論為投機操作,當時有寫過照計殻價,最盡值兩元多,而這股最多也升破兩元,但我都不是沽在最高位。

      刪除
  5. 回覆
    1. 應該用'預祝'才是,而且興發私有化化如失敗的話,長線看好,短線禍福難料,不知能否說喜。

      刪除
  6. 以前我仔女還是讀小學的時候,每年帶他們去旅行都是㨂暑假,其實小學一/二/三年級可以請假在淡季去,不必等暑假,但我怕他們功課追不上,澳洲的暑假是12月加上又有聖誕節,飛番香港的機票已經巧貴,到了香港又跟圑再去其他國家一樣巧貴,我有位朋友話過我幾次,點解唔將炒股炒期賺和收取的股息,打工收入存下來,可以買間地間,第日再去旅行?佢已經有兩間地舗,他無皃無女不會明白,既不用交學費校服補習費雜費,加上兩公婆後生時從不去旅行,所以我都不用解釋,世界上有些事情好難解釋,每人選擇取向不同,如果時光倒流譲我再揀一次,我都揀帶我老婆仔女去旅行,而不要存錢買地舖。

    睇呢兩日興發股價下跌,私有化成功機會又高咗,莊家大戶或者想吸引多些短視搵快錢的基佬投讚成票通過。

    回覆刪除
    回覆
    1. Terminator, 已經破頂了,是不是?
      自己一定要服從市場的走勢,市場不會服從你自己的意願。

      刪除
    2. Ng Wai Sir, 係呀, 之前講話行三角形尖走勢會有一棍, 今日果然破頂啦
      你有無入番d 呀?

      刪除
    3. 尋日留言都有講早上入番些少,舊年講股佬何車推介時股價才三元幾,不過唔信佢,升到成十元才追,所以只敢入小量,都炒咗幾轉加埋執些咗少,十月返香港我請你啦。
      炒期指期權日日都有得執,不過都係執唔多,因為依家膽色豪情不再,求祈有得執就算啦。

      刪除
    4. 自己一定要服從市場的走勢,市場不會服從你自己的意願…x2

      話時話, 知唔知320 落到$1 嘅, 有暗病??!!

      刪除
    5. 320 我從來冇炒過冇認識喎,呢 d 三/四/五缐股仔,荘家大戶唔炒就有排坐,所以只能小注投機炒賣,班友計過數幾多街貨在外面,又不是想散貨,無啦啦推高做乜?

      呢排我都好少炒股,間中炒下股過下癮,專炒期貨,尋晚花旗佬大跌三舊幾,港股今日免不了要捱插,不過我會冇事架,不是有神功護體,而是呢幾日我日日食完就走,冇膽色食大茶飯所以不過夜,炒期貨不是靠把囗講的。

      刪除
  7. 777与你真是同病相怜哦!8109.136.8411.我输又何止是几皮野?
    自从来到这里看伟哥的分亨,才平安地过了数月。真是要感谢辛苦而勤劳的伟哥哦!

    回覆刪除
    回覆
    1. 在這裡,輸了有人同悲;贏了有人共喜。

      刪除
  8. 恭喜偉哥!
    不過離開小學雞就到中二病。
    生仔一百歲,長憂九十九。做人父母好艱難。
    更值得恭喜的係偉哥的仔女有個好爸爸,真係嬴在起跑線。

    回覆刪除
    回覆
    1. 哈哈,人生是一場馬拉松,我從不相信贏在起跑線的說法,因為我自己兄弟姐妹,無一不是輸在起跑線的,可以讀上大學的也只有我,但現在都算是安居樂業,有自己的事業,比上不足、比下有餘。

      刪除
    2. 知足常樂
      我只希望自己的小朋友高EQ
      健健康康

      刪除
  9. 恭喜偉哥。偉哥應該算係早婚早生小朋友一族。
    以前單身寡仔買股票想發達,而家心態賺到夠俾姐姐出糧夠俾直資學費就算。降低目標有以前咁大壓力。

    回覆刪除
    回覆
    1. 以我朋友圈而言,我應該是第一個結婚、生小孩的。

      刪除
  10. 恭喜waigor由其係第三項~~

    回覆刪除
  11. 恭喜偉哥.好快仔大女大,就可以甩身做個自由爸爸.
    也祝令千金校園生活愉快!

    回覆刪除
    回覆
    1. 仲有排,最細的仲讀緊k2。

      刪除
    2. 其實都係好事,睇住仔女大,有時都會諗可唔可慢啲呀.你哋大得咁快即係爸媽都老得快!哈.
      我兩個仔一個小學雞,一個唔夠一歲.但太太已話,細佬可唔可唔好大得咁快呀,已經唔BB啦.哈!

      刪除
    3. 哈哈唔BB 相片系細佬?仲系好BB~
      師奶系型男+暖男宋一國同佢果3胞胎嘅死粉 睇住佢地由BB到唔BB都好。。哎唔想佢地大吖吖吖

      刪除
    4. C9, 我也是3胞胎嘅粉絲,大韓、民國、萬歲!他們真的帶給我很多快樂和體會

      刪除
    5. 3胞胎眾多粉絲除了因為天生的性格與外表 父母的教育功不可沒 宋一國的親子與教育方式深得我心~~

      刪除
  12. 2789值博吗?早前扭亏为盈,现在差不多一年低位。

    回覆刪除
  13. 成日催眠自己忍同等好重要,之前598插到2.8,2136插到1.8,2339都好,都係先輸後贏。心情唔好正常,要同自己講睇開d。總之大家加油啦

    回覆刪除
  14. 320落到一蚊奇怪自己無衝動買入,反而見365到低位1.7有想買入,有好多次反彈都係在呢個位。

    回覆刪除
  15. 恭喜晒偉哥
    照咁計,偉哥應該最多都係3x歲?

    回覆刪除
    回覆
    1. 我的心境確實仍停留在30歲左右。

      刪除
  16. 恭喜偉哥 2015跟你賺左d.希望遲d抄番細股可再跟你賺。跟你長揸3399同598.多謝分享。

    回覆刪除
  17. 圓通速遞:收購先達為香港平台走向國際,冀三年後成全球首五大
    http://www.etnet.com.hk/www/tc/news/categorized_news_detail.php?category=latest&newsid=ETN270516417

    圓通速遞:入主先達國際物流 屬國際化部署
    http://hk.on.cc/hk/bkn/cnt/finance/20170516/bkn-20170516163757264-0516_00842_001.html

    回覆刪除
    回覆
    1. "圓通速遞亦可以善用先達國際的香港上市平台,以獲得更多資本去促進公司國際業務發展。"

      即係GO 後佢會抄高再配股

      刪除
    2. 先睇要約,現價有10%回報

      刪除
    3. 如果6123最終要約失效,至少跌一半。

      刪除
  18. http://hk.apple.nextmedia.com/financeestate/art/20170517/20023491

    睇周大千篇文,覺得香港金融中心嘅成功,老千股真係功不可沒,簡直睇到我淚流夾涕....
    看來朱太之流大紫荊章一定走唔甩!

    回覆刪除
    回覆
    1. 香港金融中心嘅成功,老千股一定功不可沒!
      香港作為國際金融中心,就係因為有殼、老千股先吸引咁多公司黎上市集資!
      沒有咁多公司黎上市集資,人為操控股價,市場有咁興旺? 投機者可以有新股抽,有殼股炒,有斬倉執,有私有化/賣殼買,唔好咩? 投資者啦喎,係香港既都死晒啦,駛理佢地?
      唔通好似星加坡咁一潭死水好?

      PS:我有渣幾隻星加坡REIT,有subscribe佢地既news,原來SGX似有睇每間公司既announcement,SGX自己有疑問,會出query問公司,而公司會答番SGX.
      例子:REIT收購大股東既物業,物業有master lease至2018,咁SGX就問若果冇左master lease咁個業績會點呢? 咁當然係走樣啦...但REIT係收購通函係冇寫既!

      刪除
    2. 周大C既評論簡直不知所謂,金融敗類。

      水清係咪一定無魚?一個興旺既股市係咪一定要攪到好似賭場咁就最好呢?拎Delist一樣出黎就話美國既股市更不濟。佢唔解釋點解人地唔會好似香港咁有咁Q多老千股、財技股,人地既市場亦無嚴如賭大細既牛熊証工具買賣,但仍然係全球最大成交量既股市。又點解越黎越多優質既大公司也選擇美國上市而不在亞洲(尤其是香港)上市呢?

      稍為對港股投資有一定資歷既人都知,老千股在港股肆虐地步已接近氾濫地步,老千既一條龍工業已發展到極為專業化,由保薦人、包銷商、配售代理、財技設計、項目安排、估值師至板面及人頭操作,應有盡有。如果呢D都仍然可以話港股無問題既話,我無話可說。好簡單,你在全世界任何一個股市,你可以找到一間上市公司其原始一股既價值可以是過萬港元嗎?(註: 是一股不是一手)

      刪除
    3. 好耐以前有支股叫廣生行,股價超過一萬元一股

      刪除
    4. Known,周大千既意思係港股根本就太多老千,既然香港既吸引力就係鬥千,依家黎管根本太遲!
      既然係咁,就由佢千落去 ^.^

      其實香港以前大部份既華資企業,都有或多或少既搵笨歷史,而家市道唔好,唔似以前咁每3年一個牛市高峰俾莊出貨...所以先咁多老千

      又因太多老千(ie 藍籌老千 =.=),散戶輸到怕,所以先全部湧晒去買樓;或曰老千賺太多錢,多到去買地買樓...
      樓市先咁高 =.=

      刪除
    5. 周大千條木咀,佢既利益根本同佢地班友千絲萬縷,佢講既野極之不可信。

      港股越攪越差既原因我就唔多說了,但你話股市太多古惑老千而令港人湧去買樓,我雖未有實証數字,但覺得機會率甚高。

      刪除
    6. 你問多幾個收租佬,謙D既話自己唔識,白D既會reveal自己買內銀,HSBC賺唔到錢 =.=
      大陸設立股市既目的係抽水養班權貴,之前一開始時04-10年由於經濟向上(兼冇人信),所以權貴拎完之後,會有D餘錢打賞股民。依家經濟麻麻,而權貴太多,自己人都要鬼打鬼爭飯食,小股民更加冇啖好食 =.=

      所以現屆之前我對天朝係看好既,原因係感覺大陸似會越黎越向香港果套靠壟(ie 市場化)
      不過現屆似乎係朝住日韓果套,並要香港向大陸果套靠...
      日韓好差咩? 唔差既,不過唔係國際級一線市場囉,好多做法都有自己一套...

      周大先生代表老千利益集團,佢講既係代表眾老千既心聲,冇乜問題,屁股決定腦袋

      刪除
    7. 港股真係有幾百隻老千股共聚一爐,港交所把關不力,尤其是幾年前的IPO,揀值濫批令老千們胡作非為,胡天胡帝!香港是IPO領頭羊又如何?可看近幾年新股造假翻艇數不盡!散户如果中了招變為牆紙,10年盈餘1招可清袋,就是今天港股裡仍有很多活潑老千集團。只看看財演們,可以大膽推理,是代表老千利益集團做喉舌、發功。看看最近最活躍那位,在電台、雜誌、網上有地盤發功,接二連三繼四地吹奏,全是細價無市盈率細價股,跟風股友接連輸到焦頭爛額,當然有班〝妹〞來打完場,總結...買港股要做好功課才入市,否則咎由自取,我也想偉哥給我們一些意見,可以避開誤中老千股。

      刪除
    8. 學黃國英講,股市係乜,都係散戶養成,除左監管不力,都要怪散戶,大把人樂此不疲,就係想千人,散戶買入垃圾股,目的係高位出俾另一散戶。

      刪除
    9. Re Waising:
      散戶係要交下學費,亦有D本身係賭徒。
      IPO投資者一般都唔會買黎渣,老手教落要等間公司上市10年先有足夠往績去睇...
      我係支持IPO不斷上市,話唔定10後20間中可能有一間值得投資...
      避老千股我只信長期高派息千唔晒...

      刪除
  19. 回覆
    1. 11:50 已投完,但公司明显誤导,有11:30和12:00不同時間,入酒店要安檢,國企民企不可同富貴,獨立財務顧問公平性成疑。

      刪除
    2. 相信有基金已事先投了反對票,應該大局已定,無需理會數人頭。

      刪除
  20. 1132 係咪等7月定9月? 南海股東大會先成事?

    回覆刪除
  21. 回覆
    1. 沒有研究這股, 感覺不是太可信,所以不花時間研究。

      刪除
  22. 唔知聽日會唔會已經無得係更低位入番98

    回覆刪除
    回覆
    1. 失敗反而是喜事,隨時升穿3.7贈慶賀一賀

      刪除
    2. 沽盤應該要消化1、2日。

      刪除
    3. 估計短期股價向下 不過師奶經常估計同事實南轅北轍┗( ▔, ▔ )┛

      刪除
  23. 903咁升法,業績應不會差,睇來要升穿52周高位,23号除淨,財息兼收

    回覆刪除
  24. 偉哥,恭喜你女兒進入另一階段,祝她有個愉快嘅中學,有时看著小朋友長大,更覺时间飞逝,又喜又悲啊!903都等緊😄😄

    回覆刪除
    回覆
    1. 她選了一間以"快樂學習"為本的中學, 希望可以開開心心渡過中學生活。

      刪除
    2. 其實中學都好小學雞,少女心最難受被人排斥,杯葛,你bb这麽高(这也是有機杯葛理由),都有D担心,但偉哥EQ高,点都遗傳到,我作为父親,子女健康快樂已無價!

      刪除
  25. 有師兄留意321嗎, 剛及盈警, 股價連跌兩天

    回覆刪除
    回覆
    1. 我之前個篇420短評都寫了, 行業下行壓力大, 所以420下半年業績都倒退了。

      同業321難獨善其身, 表現比420更差。

      刪除
  26. 回覆
    1. 恕我無法提供買賣建議, 要自己決定。

      刪除
  27. 回覆
    1. 恭喜偉哥,各位網友!

      Oh no,我又中多一伏

      刪除
    2. 看今早的盤路, 應該未投票前已知被否決了。

      刪除
    3. 今日我排二萬股股@3.38@3.4都中咗,都唔知是好彩還是不好彩,照道理說私有化投票應該停牌等有結果後才復牌就公道些。
      香港交易所班友全是垃圾管理,也不能寄望他們能做些甚麼。

      刪除
    4. 我記得物美、經緯、天大都係表決日停牌,為何98今次不需停牌?

      刪除
    5. 這方面沒有硬性規定, 正如1968, 477在表決日都沒有停牌。

      刪除
    6. 否決左聽日升唔升都係55波,恒盛當年否決都係話唔止值呢個價,結果公司越整越爛..希望98唔會咁

      刪除
    7. 恒盛當年的否決是有人主導的, 基金是投贊成票的, 只是有人以數人頭方式否決了私有化;而且劇本一早是寫好了私有化失敗, 然後股價"必須"大跌。

      不要問我為何後來知道這事。

      刪除
    8. 所以為何我最後的一篇文章說希望是以股數否決私有化, 而不是以人頭否決。以股數否決的話, 即是說機構投資者都認同這股的估值過低, 那私有化失敗後所承受的沽壓主要只是來自做套利的基金, 而這些套利的基金在最近3日其實已沽了不少貨出來。

      刪除
    9. 恆盛私有化之前我都有留言講,大股東劣績斑斑PK 一名,可惜冇人理,我只買一些845,賭一下我自己的估計,估計完全正確。

      98同845完全不同,好似國企持有98 一些股,反正大家都投反對票求仁得仁,諒他們也不敢攪甚麼花樣,有些講股佬話,只要大陸有小股民一嘈,共產黨就會出來維持跌序做下嘢喎,不過我都唔知真定假。

      刪除
    10. 恒盛當年人頭只輸很少

      刪除
    11. 2千3百多萬否決,超過偉哥說要約1千2百萬否決成倍

      刪除
    12. 雖然話98同845完全唔同,但另一角度諗,98大股東有人性就唔會開D咁既價出黎呃小股東,各有各奸啦.

      刪除
    13. 好嘢,咁多股否决成功,基佬今早預咗投反對票,趁投票時掟貨,稍後時間班友又再補番貨,雖然股價跌咗,但股數多番,所以投票表决之前停牌最好最公道,今次冇停牌跌咗在先,已經反映咗。

      南太電子/華潤微電子都是第一次私有化失敗後,第二次加價才成。

      刪除
    14. 其實主要係擔心corporate governance的問題啫,耍詐一次驚佢之後再出其他陰招,不得不防呀.提價係好理想,有人性的大股東先會做。

      刪除
    15. 不枉偉哥下了一番心血為98行文

      刪除
    16. Ng wai兄講得啱,845大股東正PK,你睇佢另外一隻造船股就知

      刪除
  28. 網上有財技派KOL估8366可炒上$10億,因為背後係英皇發功,單看此股近日既動力,炒上$10億真係唔出奇(利申:無貨,也不打算買入)。

    回覆刪除
  29. 869刚刚在$1.29沽出了,我终于赢钱了

    回覆刪除
  30. 2339點都唔肯穿$1.4咁喎 ^^

    回覆刪除
  31. 唔知8182場大龍鳯玩到幾時

    回覆刪除
  32. 3322 近日矮仔爬樓梯緩升,可能有大戶慢慢吸貨都唔奇?!

    回覆刪除
    回覆
    1. 你有沒有查CCASS? 大戶是否DAVID WEBB?

      現在DAVID WEBB買貨好像是和幾個友好一起買的, 像一個團隊一樣。

      刪除
    2. 永嘉(03322):將縮減香港店舖網絡 年內國內再開逾20分店
      17年5月16日

      永嘉(03322)首席財務官王志強指出,集團旗下品牌在香港設有58間零售店舖,雖然近月零售業數據見起色,但王志強認為,仍有關閉分店的壓力。他稱,整體人流及同店銷售跌勢未止,而舖租未有相應跌幅,與商場管理公司商議續租租金時有困難,因此,撇除新簽品牌,店舖數量在今年底將跌至約50間,受影響的包括體育用品店舖。

      以時裝品牌而言,集團內地零售收入佔比約45%,而包括香港在內的海外部分則佔55%。王志強透露,年內將於國內再開逾20間分店,其銷售收入佔比亦會逐步提升。值得留意的是,據王志強透露,增長最強的店舖位處杭州及成都,而非一線城市。

      生產業務方面,他透露,集團搬遷生產線的進度理想,目前越南及東埔寨廠房產能佔比達七成,內地佔比約三成,預計在2018年,透過關閉內地廠房,將其產能降至約2成水平。他表示,由於遷移廠房乃行業大勢所趨,以越南為例,工資水平約為內地八成,但生產效率卻高於內地,為目前遷廠選址首選。

      刪除
  33. 偉哥唔洗為左雪球個個人而動氣喎
    btw,偉哥會係咩水平左右選擇增持98?

    回覆刪除
    回覆
    1. 沒有, 只是要他舉例以往有沒有如此低估值的股份被否決的例子, 他又舉不出例子來.....

      刪除
    2. 看了98的投票公告,恭喜伟哥反对私有化成功。但是公告奇怪的是:邀约方(offeror)本身持有72.56%的股份,但投赞成票的只有52.43%,难道邀约方自己都不投票给自己?

      a total number of 41 Scheme Shareholders (representing approximately 77.36% of the total number of Scheme Shareholders who attended and voted either in person or by proxy at the Court Meeting) representing 25,395,000 Scheme Shares (representing approximately 52.43% in value of the Scheme Shares held by the Scheme Shareholders who were present and voting either in person or by proxy at the Court Meeting) voted in favour of the resolution to approve the Scheme

      As at 22 September 2016 (the Offer Period Commencement Date), the total number of Shares held, controlled or directed by the Joint Offerors and Joint Offerors Concert Party was 303,302,000 Shares, representing 72.56% of the total number of Shares in issue at that time.

      刪除
    3. 邀約方好像是不能投票的

      刪除
    4. 是, 要約一方不能參與投票, 只有獨立股東才可以。

      刪除
  34. 903 出了業績,始終面板價上升,對佢都有幾大影響。

    回覆刪除
    回覆
    1. 明早有電話會議, 看看有什麼說。

      刪除

  35. 冠捷科技(00903)公布截至2017年第一季度业绩,实现收入约21.23亿美元,同比下跌5.9%;公司所有者应占利润约989.2万美元,去年同期亏损1030.8万美元;基本每股盈利0.42美仙,不派息。

    公告称,扭亏为盈主要是营运费用较2016年同期减少3400万美元的直接结果,而其时该集团花费2610万美元于重组项目上。

    期内,面板价格上涨及热门大屏幕尺寸如50及65寸型号的供应短缺。面板价格于去年下半年飙升后继续上扬,尽管增幅温和,却与年度第一季度一般为淡季而导致面板价格下跌的正常行业季节性模式相反。

    因上述面板供应短缺及中国需求显著放缓,该季度的电视付运量达360万台,按年下跌14%。

    回覆刪除
  36. 98的結果令人振奮之餘,也有點令人發笑,笑點就是估不到要約方的實力會如此薄弱,還是有人錯估形勢?

    在三項條件中要約方只贏人頭(41 Vs 12),我極之懷疑有心人在人頭上是有下功夫的。

    而撇開反對者只須約0.12億股反對票就可否決計劃的這項較容易達致的條件不提,要約方竟連出席投票總票數計的75%也達不到,結果只有約52%,差點連50%也不夠,要約方似乎對成功私有化也太過老定了。

    不知道這樣的一個結果,財務顧問會否在收取服務費上須要打大折扣?

    在個人情感上,我本來對這次否決私有化是亳無信心的,原因是本港散戶車在太過一盤散沙,而基金則過於勢利,視短利為一切,但這個結果卻叫我鼓舞,也証明大股東想"襟住搶"的意圖在香港也可能會受到教訓的。

    在這裡想告誡98的大股東一句話......做人不要太過欺人太甚,否則自討沒趣。

    回覆刪除
    回覆
    1. 現在是取得了上半場的勝利, 下半場明天開始,如果股價迅速企穩、消化了套利資金的沽盤後, 股價可以在未來1、2個月上破私有化作價, 那才是圓滿的勝利。

      刪除
    2. 尋日出席咗股東會投票,簡直系佢興發員工聚會。坐系我隔離一個攞住一千股,一個攞住二千股都投贊成票。攞住二千嘅仲代表另一個攞5萬幾股投贊成票。會后有一餐飯食,都幾豐富,有4枱預留俾興發職員,其它股東預兩枱,食完有位興發大佬仲叫一位香港員工帶啲人去名店購物。第一次出席股東會都幾過癮,亦見識唔少。

      刪除
    3. 原來支持98私有化的人這麼少,枉偉哥之前分段掃貨和呼籲網友數人頭投反對票。

      刪除
    4. 班興發員工依家肯定Wannacry

      刪除
    5. Always use Proxy to assign staff of the Company to attend AGM/EGM

      刪除
    6. 得兩枱...咁要鬥快跑埋位先有得食??
      諗緊第時退休都去玩下食下..哈哈

      刪除
  37. 減持了1/5的903@1.91, 部份用以增持98@均價3.06

    回覆刪除
    回覆
    1. 903上到2.3都沒有減持些, 現在真的是前功盡廢。

      刪除
    2. 經今日一跌, 組合今年正式跑輸大市。

      刪除
    3. 903係2.34曾經清倉,但同日2.25又買番,今日1.91接了偉哥部份持股。
      另98今日3.03又入了一注,昨日3.41都入半注。現平均價3.39。

      刪除
  38. 回覆
    1. 同價買入等收成,完全同意及支持偉哥想法。

      刪除
    2. 黑氣盡除了吧?果然柳暗花明又一村,我都7盡8來,不過都高你1格

      刪除
  39. 903業績真係咁差咩? 跌得咁利害

    回覆刪除
  40. 買98@3.1 家陣有98 581 903 2339 2317 ╮(╯﹏╰)╭

    回覆刪除
  41. 903,其實業績唔算太差,唉,我的第一重倉股!

    回覆刪除
    回覆
    1. 可能有人借今日個市跌借機洗倉,可惜資金被綁死,唔係要買番d903

      刪除
  42. 98,均價@3.04買入摶反彈。

    回覆刪除
  43. 903昨天一班春鴨路過說聲hi

    回覆刪除
  44. 襯跌市再加多注1829,2339可以收埋唔再睇。

    回覆刪除
  45. 個市强到得人驚,真係上26000?

    回覆刪除
    回覆
    1. 自己有個奇想就係似07年挾到上三萬二,現時都未有群鴉亂舞現象。

      刪除
  46. 股王係咪咁瘋狂....逆市沖上270,假設全倉只投資700,回報已經相當好

    回覆刪除
  47. 89而家入
    係咪要等一年後先再提價私有化?

    回覆刪除
  48. 偉哥2208現價7.0值博吗?
    你之前有trade 過的

    回覆刪除
  49. 之前留言是2280慧聰網$7 不是2208

    回覆刪除
  50. 嘩咩事全人類跟買98,以前瀨過野,跌落黎嘅刀真係唔係好敢接,望下321,今日先喘穩

    回覆刪除
  51. 434真係我今年愛股,超級好炒,尋日出左季績對辦,另一邊廂IGG又新高,兩者估值係天與地@@

    回覆刪除
  52. 777你应该绕道走才是正路,直觉你黑过包青天。

    回覆刪除

注意:只有此網誌的成員可以留言。