置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2016年6月21日 星期二

私有化股BRACELL (01768)的一些基本資料及數據



BRACELL (01768),前稱賽得利控股,於2010年12月以每股6.6元招股上市,集資約34億元;上市後公司除了在2015年12月以每股0.81元配售100萬股之外,再沒有任何的集資紀錄,大股東也從未減持持股,直至現在仍持有約28.635億股或相當於83.69%的股權,即是市場流通量只有5.58億股或16.31%股權。

上市時的主要業務是最大的特種纖維素生產商之一,分別於巴西及中國的工廠生產溶解木漿 及黏膠短纖;上市後第一份全年業績 (2010年度) 盈利達到3.24億美元(約25億港元),其後數年的盈利摘要如下:

註: 上述盈利數據是以港元列出

按上述第一份全年業績的3.24億美元計算,當年上市時全面攤薄每股盈利約0.733港元,以招股價計算,市盈率是9倍、市帳率約1.53倍。

於2014年12月,大股東以5.91億美元作價向公司回購於中國之黏膠短纖業務,並且向全體股東派發特別息每股1.4港元。上市後數年,公司累積派發每股1.54港元的股息。

公司餘下核心業務為溶解木漿生產,包括使用產自專屬桉樹種植園的木材資源,於巴西Bahia Specialty Cellulose生產和銷售特種漿及黏膠漿,並於2015年度錄得核心盈利約7600萬美元或每股0.17港元。

於本月初,公司發佈盈喜,即將公佈的中期業績會比上年同升大幅上升100-150%,扣除林木資產的公平值收益,上半年的核心盈利應介乎5000萬-6500萬美元之間,以下限推算,全年核心盈利有望達到1億美元或每股0.22港元。

公司於上星期宣佈大股東有意以每股1.78港元提出私有化,以此作價計算,估值相當於本年預期市盈率8倍及0.7倍的市帳率。公司於2010年底上市時以招股價計算,估值是9倍市盈率及1.53倍市帳率。

如果以每股1.78港元成功私有化的話,加上公司數年來派發的每股1.54港元股息,假設由上市時持股到現在,投資者累積虧損約50%。

每股1.78港元的私有化作價是否合理?相信大家心中都有明確的答案,而私有化通告也沒有不提價聲明,即大股東是保留了提價的權利。

會否提價?難以估計,視乎大股東私有化此股的決心有多大。以1.78元的作價,我自己相信被否決的機會甚高,除非目前市場流通的股數當中,大部份是大股東暗手持有或友好人士持有的。



253 則留言:

  1. 作者已經移除這則留言。

    回覆刪除
  2. 早晨!請問偉哥會不會加注?

    回覆刪除
    回覆
    1. 主要是目前現金比重低,二來想觀察多幾天,觀察CCASS變動,看看機構投資者及春江鴨的動向。

      如果大家有留意CCASS的話,這股為何流動性如此之低,其實不難理解。

      所謂街貨5.58億股,但實際上可能有超過一半的股數從上市至現在都沒有轉過手。

      刪除
  3. 仲未公佈股東特別大會日期
    可能仲要一兩個月 ?

    回覆刪除
  4. 回覆
    1. 不知道,不過我一直覺得它估值有點高。

      刪除
  5. 今年ibond都難玩, 係貢質低個價.

    回覆刪除
    回覆
    1. 孖展客趕住食胡,今日未必見$105。

      刪除
    2. 好多人等輝立搶貨,不過琴日暗盤個成交,輝立應該買齊

      刪除
    3. 極度失望, 我2手, 昨晚諗住有1000多dd入袋食個正日本菜, 真係事與夢違

      刪除
    4. 今早開市9:32,104.2沽出2手。

      今日沽壓,我都認為是孖展客急於食胡而引致。

      刪除
    5. 通脹放緩, 合理應是104-105左右吧

      刪除
  6. 恆指在20600~20000走動,
    今早見600樓上見頂,
    現開始向下走.

    回覆刪除
    回覆
    1. 50MA及裂口底(20664)有阻力?

      刪除
    2. 反而覺得好似企穩左,跌唔落咁

      刪除

    3. 入6828220.062.
      純睇吓大户點玩,
      自己覚得杜指昨天己見阻力.

      刪除
    4. 你都幾勇,一早開二三百點即時打把無仇報喎兄弟

      刪除
    5. 星期四前再升三百點唔係咁易,
      再者我都只係買十萬股.

      刪除
  7. 個市悶到嘔電, 偉哥, 1293 點解現價可以維持到4.4 , 因為大部份貨LOCK死左沽壓吾大?

    回覆刪除
    回覆
    1. 正常的話,大部份股票都已接受了要約被鎖定了,剩下的只是很少量忘記接受要約或者是不知道有要約的股東,所以沽壓有限。

      刪除
  8. 半日不足300億成交,全日應該又不過500億成交。

    回覆刪除
    回覆
    1. 2,3線細股好少成交,反映市場都係好弱勢

      刪除
    2. 希望亞爺7.1前宣佈深港通開通,刺激番細價股的成交啦!!

      刪除
    3. 希望會這樣
      恆指站穩下,希望有資金借深通通炒下細股。細股今年比大股更差

      刪除
  9. 我平均價1.42入左幾注﹐如果唔提價﹐我會投否決票。一拍兩散

    回覆刪除
    回覆
    1. 本來呢篇文我的標題是: 散戶有勇氣say NO嗎?

      刪除
    2. 私有化價錢1.78遲左一日公布﹐有唔少人係1.78以上入貨﹐呢幫人應會投否決的。

      刪除
    3. 很難說,如果他們想輸少當贏,投贊成票也說不定。

      另外,看CCASS數據,有三間券商/銀行持股超過1.6%的,已具備一票否決私有化的能力.....不過這幾間行又很奇怪的,可以說長期都好少在市場買賣,當中最誇張的是大摩持股,由2014年11月都現在都沒有任何增減持。

      所以我其實好懷疑幾個大戶的持股是否大股東友好人士。

      刪除
    4. 偉哥認為私有化被否決的機會高,點解唔等否決後,股票回落後再買博提價?
      偉哥認為表決前會提價?或是否決當天,大股東會立刻出通告提價?
      謝謝...

      刪除
    5. 我個人的記錄是這樣的:


      2014/05/05 2016/06/16
      香港上海匯豐銀行有限公司 4.6 4.25
      JPMORGAN CHASE BANK, NATIONAL ASSOCIATION 3.46 3.430000067
      MORGAN STANLEY HONG KONG SECURITIES LTD 2.61 2.660000086

      刪除
    6. 仲有一怪事:係2015年12月17日配股集資80幾萬﹐根本唔係為集資目的

      刪除
    7. 如果投票否決後, 要等1年後才可以重提私有化。

      私有化提價的話,只可以是投票前提價,與自願要約不同的,自願要約可以在要約到期後再提價。

      刪除
    8. 現在1768的股價比私有化價折讓超過12%,是近期私有化股之最,反映了市場也認為這作價被否決的機會高,看看大股東會否順應民意,提高私有化作價。

      它保留了提價的權利,就看看會否行使這權利。基本上低於2元的作價,私有化成功的機會都不高。提價20%的話或許有機會成功。

      刪除
    9. 如果再細心看,其實jp morgan的持股是由hsbc轉過去的,不知會否是同一班人。

      以0.81元配售100萬股,如果是私有化計劃的一部份,那這些股票可能是分配給人頭持有.....

      刪除
    10. "其實jp morgan的持股是由hsbc轉過去", 請問偉哥何以見到?

      刪除
    11. 你用webb-site去分析CCASS變動,一目了然。

      12月配的100萬新股,由瑞信沽返出來,剛好東亞在同期增持了100萬股,之後東亞又再將持股於5月及6月轉去力寶、HSBC....呢批貨如此轉折咁分出去,過程似足洗黑錢咁.....我相信可能有特殊任務。

      刪除
    12. thanks! 得閑再看﹐返緊工

      刪除
    13. 請問偉哥系邊可以看到可以分析CCASS的工具﹐搵唔到係https://webb-site.com/
      可以post 出來?謝謝!

      刪除
    14. https://webb-site.com/ccass/choldings.asp?issue=6449&d=2016-06-10
      找到了﹐暫時未看得明點轉

      刪除
    15. 你肯認真花1、2小時去研究下,就知點用。

      刪除
    16. 其實我個人寫左一套程式來炒股﹐WEBB有的功能我大部分都有﹐不過冇你所講的可以看到D股票點轉﹐暫時都未明原理﹐因為D股票系不記名的。等我有空再研究下﹐如果真系得﹐對我好有用!謝謝偉哥!

      刪除
    17. 或者比個功課你做,你用webb-site研究下1768之前配售的100萬股,最後大部份去了那個券商,你搵到答案的話,代表你應該識用webb-site來研究CCASS。

      刪除
    18. 哈哈﹐我會試下。呢排我用左唔少時間想發掘下CCASS的利用價值﹐例如﹐我知道1243宏安係由幾個庄家炒起的﹐我想搵出有咩特點﹐庄家用哪幾個券商﹐到而家都未有頭緒。

      刪除
    19. 我也試過查看,查看於1月時全數轉到東亞銀行那邊,之後5月9日再轉到Lippo那邊。

      我很少用ccass,不知是否正確

      刪除
    20. 有網友已提供了準確的答案,不過我先不發佈,等其他網友可以試下自己搵答案。

      刪除
    21. 我都做下功課, 話明 money laundering 一定轉轉折折, credit suisse securities 由16年1月5-25日也沽反出去, 不過我也看到.暈.暈.地...@_@

      刪除
    22. 唔知係咪太多人做功課, CCASS個網未揾完就死左>< (只係寫住話"我不是机器人)

      刪除
    23. 你CLICK 一CLICK"我不是機器人"就可以了,應該是WEBB SITE避免其他人士以程式取其網站的資料。

      刪除
  10. 536排咗兩星期1.56今朝1.55任買,應該係有基金減持。

    回覆刪除
  11. Bracell 以安排計劃的方式私有化,是否需要數人頭!

    回覆刪除
    回覆
    1. 看公司注冊地點而定,1768要過數人頭一關。

      刪除
  12. 403業績好像不錯,但營業收入增加不多, 似乎透過減省開支及搬廠等等維持, 股東在業績前數日減持,偉哥有無睇法?

    回覆刪除
    回覆
    1. 略略看了,業績是頗為理想,但這種小型工業股,如果派息不高的話,估值也難以提升。

      20%的派息比率在工業股當中是頗低的。

      刪除
  13. 598
    3.1x
    差不多又可以考慮,個人利申,無貨

    回覆刪除
  14. 偉哥,对237業績有咩預期?

    回覆刪除
    回覆
    1. 業績都是靠租金及出售物業收入,不會有什麼驚喜。

      最重要是派特別息多少。以前有文章分析了,沒有什麼可以補充。

      刪除
  15. 伟哥,423的转型应该已经看到效果,就是不能确定在线广告和数据服务增加能否持续?您觉得如何?谢谢。

    回覆刪除
    回覆
    1. 除非股市繼續一池死水,不然423這價位應該是可攻可守的。

      刪除
    2. 数据服务部分公司有为银行,证券公司,港交所,上海交易所提供服务。接下来可能会为深交所提供服务。看来这一块业务很稳定的,随着上市公司越多业务也会有增长。所以服务收入和盈利越来越稳定。其他分部业务还是不行。

      刪除
    3. 最怕的是股市長期一池死水咁,對財經媒體、服務供應商的影響大。

      刪除
    4. 不过连续5年看,该业务是小步增长的,去年因为沪港通和股市活跃增长较快,估计今年应该只能维持去年的收入或小步增长。这么看,估值基本合理。


      刪除
  16. 365, 偉哥是否延長了?但我沒有收到信說延長了要約?

    回覆刪除
    回覆
    1. 嘗試去看看公司的通告。

      想炒股的話,一定要學識什麼事都好,第一件事是看上市公司通告。

      刪除
    2. 呢幾日無通告,但一通已經腥左份野黎話佢地以6/7做截止日期。。。

      刪除
    3. 上星期已有份通告說了要約延期,按照通告內容,應該大約延到7月中。

      刪除
    4. 偉哥,想間一間在要約期間,公司既大股東可唔可能睇到暫時幾多散戶要約

      刪除
    5. 看到,正如365你可以從CCASS推斷到現在已有多少股接受了要約。

      用webb-site分析CCASS,你會看到的,有時間花些時間研究下。

      刪除
    6. 好似冇乜人接受要約。 偉哥是嗎?

      刪除
    7. 已經見到有幾百萬股接股了要約。

      刪除
    8. 謝謝, 都有不少貨在小戶手上, UBS 算是莊既友好人仕? 有十幾%。

      刪除
    9. 哈哈, 你再花些心思研究下,UBS的持股是誰的,正常情況下你可以係1分鐘內搵到答案。

      刪除
  17. 1293 Partial G.O. Result:
    75.71%

    回覆刪除
    回覆
    1. 碎股最多就1手, 無傷大雅。

      有2500萬忘記接受要約,等復牌後股價可能直接腰斬,真係好慘。

      刪除
    2. 我是說有合共持有2500萬股的一些小股東忘記接受要約,唔係我。

      今晚睇CCASS就知有那些券商的持股沒有接受要約。

      刪除
    3. 好多人收到通知信都唔理又唔覆,過後股價回返哂之後又打黎問隻股做乜,最後就鬧話做乜唔幫佢自動接納/乜唔係default接納既咩 咁。。。。。

      刪除
    4. 2500萬股冇接受要約的股份當中, 有500幾萬股是HSBC的, 有500幾萬股是港股通國內投資者的,其餘的主要還有星展、渣打、中銀,都是散戶常用的...唉

      刪除
    5. 有無可能部份係暗手?

      刪除
    6. 當然有部份不接受要約的股份可能是買方暗手持有的。

      刪除
  18. 回覆
    1. 今次不是用金仔配股,唔知係唔係想轉莊。

      刪除
  19. 師奶長揸的藥股 路邊社說 公司拿回銷售總代理自己做。。。 半年業績可能由預期上升30%變成只有15%

    回覆刪除
    回覆
    1. 有15%增長巳經好好了,不愧insider,謝謝.^^

      刪除
  20. 深夜剛剛落街跑步,慢跑20多分鐘已經氣喘如牛,休息10多分鐘後想再跑,發覺成個人好似冷卻左咁,起動唔到,要返家休息、沖涼。

    唉,似乎身體機能退化得好緊要,係時候要定時做運動,希望可以由今日開始,保持每晚、或最少隔晚跑步30分鐘。

    之前仲打過壁球,都唔覺原來自己體能退化左咁多,腰圍也由兩三年前的28、29慢慢增至現在的31、32。

    回覆刪除
    回覆
    1. 哈哈,太夜就唔好做劇烈運動小心反效果,快步行半小時好過跑。

      刪除
    2. 晚上跑步可能會有反效果,正常身體應該在11時到休息,這樣肝才能好好休息,所以我逢星期日都係一早6點幾7點起床跑步跑1至1個半小時回家湊細路,已跑了7年,最初跑一個圈已想死,之後每次加一至二圈,現在已可接近50分鐘跑10k,目標45分鐘。偉哥努力!

      刪除
    3. 就係年紀大更加要適度操練, 吾KEEP退化得重快

      刪除
    4. 所以好多有錢人有做運動習慣, 有錢怕無機會駛~~ 偉哥要好好愛惜身體, 小朋友好需要一個精力充沛既爸爸

      刪除
    5. 深夜跑步,小心安全!偉哥:仔細老婆嫩,全家人等著你照顧!作息有序,晚上11時前就應該睡覺,通宵達旦不眠好傷身體的,賺了錢賠了健康值得嗎?錢是賺不盡的,知足常樂呀!有時間倍家人好過日日埋首股海,定時做運動,驗查身體,看有無三高好過喇!

      刪除
    6. waigor,我由2年前開始都留意到自己健康問題,呢2年都有定期落街跑下步,我自己一邊慢跑腦海一邊思考自己人生.最辛苦係初期既心魔,如堅持過到一個月就會習慣了..

      如你用runkeeper,可以add我呀, 一齊加油~~

      刪除
    7. 跑步時若停了下來好難再起步,有心想再跑多段路的話但雙腿又疲累,最好就減慢速度甚至以散步形式,不好讓自己完全停下來.等雙腿稍息後再起步.一冷卻下來再起步就十分困難了.
      加油,順祝偉哥身體健康!

      刪除
    8. 唉, 我慣了夜睡, 所以可能11點幾做下運動, 疲倦可以改善夜睡的習慣, 一步步調整生理時鐘。

      之前去看脊醫,開了一些藥給我晚上食,我以為都是止痛、放鬆肌肉的藥,原來當中有隻是輔助我睡眠的藥,讓我睡得耐些,哈哈。

      刪除
    9. 先晚上跑住先,等改變了夜睡的習慣,再和老婆早上去跑。

      刪除
    10. 睇脊醫係冶標不冶本, 一定要改變生活習慣同姿勢, 做運動. 我睇左10年有多~

      刪除
    11. 確實是,不論以前看中醫推拿、還是現在看脊醫,都說我睡得少是主要問題,令身體無法自行恢復。現在做粗重野,都會戴住腰封,以固定腰部,不過夏天真係好難頂.....

      刪除
    12. 如果太耐冇運動,腰腿肌肉衰退,有醫師教我話先每天扎馬,由一分鐘做起,漸進加至兩分鐘,每日做,好快就感覺到改善效果,打好基礎再做其他運動,偉哥不妨試下

      刪除
    13. 即係好似坐無影凳咁? 好,試試先。

      刪除
    14. 偉哥一天睡幾多小時?平日會否合眼訓鈎魚 ?

      刪除
    15. 1天平均睡5-6小時,平日都不會眼瞓,除非無野做坐下度或者坐車就會。

      刪除
    16. 身體構造是好神奇的,習慣了跑步後,它會告訴你幾時可以快點、幾時要慢點,甚至會告訴你當日精神狀態或睡眠不足而變得有心無力,要你停下來..

      記得,不要死頂, 每人身體機能是不同的. 加油呀~~



      刪除
    17. 係呀,可以好似啲武俠片咁扎馬,雙拳在腰,收腹但一定要正常咁呼吸,亦可以瑜家的方式做,雙掌合十在胸前,雙掌不用貼著胸,保持兩三寸距離,同樣是收腹但一定要正常咁呼吸,由一分鐘做起,如之前講咁做

      刪除
    18. 係,不會死頂....因為睇過太多做運動暴斃的新聞,唔知自己有沒有隱藏疾病。

      近日突然開始注重養生,除了身體已發出信號外,前排見到年輕分析員猝死,遺下剛出世兩天的BB;又或者昨日救火的消防員犧牲,留下4個月大的幼兒....忽然間想自己可以盡量長命一些,看著家中兒女成長。

      刪除
    19. 扎馬同Plank 都係所謂核心群肌運動,家父腰痛問題係做完之後有所改善。學功夫先學扎馬,腰馬合一真係有道理。
      核心群肌好,成個人平衡,行步路都穩d。
      但係 記住 記住 記住 唔好一次做得太多,要好似 Robin 咁講慢慢加上去

      刪除
    20. 係呀,千萬唔好谷,唔得就停,要漸進

      刪除
    21. 游水會唔會好D? 早上應無咩人游?

      刪除
    22. 係呀,我都係因為呢個原因而自覺要做多點運動,為的是健康... 而家每次我同家人去旅遊(日本/台灣等地) 我都會自己早點起床(6:30am),係當地跑步,一個人在異地東南西北、自由自在慢跑,很過癮的..

      刪除
    23. 哈哈, 很慚愧不會游水,所以現在趁兒女年幼,都安排了他們學游水先。

      前排看脊醫說我背脊有些S型,重心會不自覺向前,所以要我得閒就拍埋牆壁、盡量將背脊貼實牆壁不留空間,以矯正背脊問題。看來扎馬可能有同等功效。

      刪除
    24. 最近(其實痛咗大半年有多)因腰傷以至影響大腿膝部酸痛,甚至有時行行吓路會腳軟,上落樓梯更甚。奇怪打波時就沒有怎樣出現明顯痛症,朋友及老婆都笑我玩可以治病(可能是安多芬作祟),不過好景不常在最近到台灣打泥地場出事痛到唔想玩,在閒聊時有個隊員說她爸媽因腰膝痛難行朋友介紹到一肌胳科醫生睇兩次已經好番。於是去找醫生一試話我下背肌肉蹦緊蝴蝶骨移位引至疼痛,原來肌胳科與脊醫有多少分別 醫生用一枝像針灸的針刺激肌肉果然有效大大舒緩,及後睇咗幾次現在打完波再沒有以前的疼痛了。偉哥如果有興趣可以一試,醫生名係陳國維診所在荃灣詳細資料可在網上尋找。

      刪除
    25. 哈哈, 我已看了陳醫生,情況有改善,長遠還是要靠自身努力。

      刪除
    26. 先貼牆做會比較好, 只札馬你的背脊會不自覺傾前或傾後.
      初時貼牆做亦會不用對身體有太大負擔.

      刪除
    27. 偉哥好!晚上11時前睡覺其實很難做到,不如一點前啦,由一小步做起,做到已很大進步。我以往都是慣了夜睡,經常兩、三點,成日想做埋、睇埋d野先,而且愈夜愈精神。另外,"定時"好緊要,吾好今天一點,明日三點,我現在身理時鐘習慣了,一點前已有睡意

      跑步,太晚跑的話,怕愈跑愈精神,因處於hyper 狀態。另外,要問下對腰患可有影響,不建議快跑,慢跑較好

      可以記住兩、三套簡單伸展動作,如拉筋、扎馬,每個動作都是一兩分鐘,隨時在office可做。我幸好早發現,在腰患之前,注意多做拉筋,腰部緊痛改善了很多

      偉哥加油

      刪除
    28. 偉哥,你講係脊醫仲以為係另類。

      刪除
    29. 我之前肩膊和上背痛,看了跌打、物理治療、針灸和脊醫有共十年。比較有用是脊醫可以幫你舒援痛症,但時間久了,還是會痛。最後還是靠Pilates鍛煉,用了一年,一對一鍛煉,才可以搞好。現在keep住每星期上Pilates班,基本上肩膊和上背無再痛。偉哥可以試試。

      刪除
    30. 偉哥, 真係想練好身體,建議你練yoga開始, 等身體柔度提升左先再做肌肉強化, 好多時身體受傷, 係因為長期勞損,用錯力, 姿勢唔正確, 久而久之脊骨,坐骨會錯位,肌肉僵硬,筋鍵好易出事, 就算咩醫師幫你舒緩左, 但每日重複咁做都係會不停loop, 痛->睇醫生->舒緩->痛, 點解我話做瑜伽呢, 因為佢幫你深層拉筋, 係全身不同部位都拉, 增加柔軟度,而且佢透過呼吸方法令人放鬆, 做完瑜伽嗰晚既睡眠時間就算少,但質量一定高, 令身到身體復完比較快
      我利申, 我無瑜伽公司推介,講咁多,只因身體唔舒服, 有苦自己知, 咁多年睇脊醫都睇左十幾廿萬, 希望偉哥早日康復 ~

      刪除
    31. 哈哈, 我老婆都話我睇醫生的錢,不如用來學瑜伽好過,才是治本之道。

      刪除
    32. 睇醫生大大話話十幾年, 因長期行山勞損多, 搞到週身傷, 基本上若係骨骼問題痛症, 物理治療係無乜用, 針灸反而更有效; 如果係移位揾脊醫推拿更好; 當然唔可以懶做復康運動, 呢個可以幫助加速康復, 再者唔好一有事就找醫生, 要自己試試做復康先,唔得先找醫生, 因為我地身体係係自癒能力, 我都是長期睡不好而且極難深睡及易醒, 但個多月前開始睡前飲紅酒浸洋蔥, 現在每晚一到時間自己瞓著,而且好少半夜醒, 因為深睡, 現在6時多起床人也很精神, 偉哥,不防試試~

      刪除
    33. 還有有膝頭要做半蹲(腰拍牆)每天5-10分鐘, 可加強大腿四頭肌來支持膝頭, 無咁易再痛~

      刪除
    34. 偉哥跑步做運動, 買埋心跳錶, 睇住個心跳黎跑唔會過火

      刪除
    35. 做運動要循步漸進, 一下子跑步30分鐘或許太久, 減一半先, 慢慢加上去穩陣些。

      曹仁超一直都非常注重身體健康都弄成如此, 好打擊我心志>_<

      刪除
    36. 小米手環2明天香港公佈發售詳情,平平地$200樓下也是不錯的檢測心率選擇

      刪除
    37. 我膝蓋又是年青是不懂得保養,差不多20年前仲讀書時走去行黃山,行上山後第二天落山,落到山脚都仲行得跑得,然得坐火車返去上海,仲可以到好似"人民廣場"放風箏.....然後第二天起床膝蓋行路都覺得痛,返香港睇醫生已說會成為長期傷患....所以現在行山,我唔怕上山,最怕落山時膝蓋受力,行完會痛一兩天。

      刪除
    38. 小米手環2香港又要搶? 我搵人幫我係大陸買返來先。

      刪除
    39. 講開飲紅酒浸洋蔥,我老婆經常浸來飯,我也試過飲,陣味唔係太好,所以佢繼續飲但我冇飲。

      刪除
    40. 成日用手環又怕唔怕幅射問題先?
      我買左諗諗下又驚,放在喺度,on居左。

      刪除
    41. 話我過敏都好,我成日都營住小米手環係隨身監視器,擔心數據最終會去咗邊

      刪除
  21. 請問偉哥有否留意2111? 公司生產線仍在東莞,尚未搬去更低成本地方,而且又不是甚麼有護城河的生意,估值並不便宜,何以基金對佢咁睇好?

    回覆刪除
    回覆
    1. 這股我沒有詳細跟進,主要是覺得估值偏高。

      刪除
  22. 全球收入最高手機遊戲開發商Supercell,終落入騰訊(700)手中。騰訊以高達86億美元(約671億港元)作價,向軟銀、部份Supercell員工股東及前員工,收購最多約84.3%Supercell股權,是騰訊創辦以來金額最大收購。公司指自行投資30億至40億美元,其餘將由發債及引入其他投資者所得資金支付。騰訊怎樣匯可出咁多人仔?

    回覆刪除
    回覆
    1. 哈哈, 看看又是否需要分批換匯。

      刪除
  23. 36今朝再有異動,兩次大手3M成交。

    回覆刪除
    回覆
    1. 師兄會否場內交易比自己人?隻野冇情情點會有6m沽盤?

      刪除
  24. 博彩賠率準過民調

    http://hk.apple.nextmedia.com/financeestate/art/20160622/19664288

    如真要信數據分析,博彩公司盤口以金融市場定價,往往比任何專家意見更準確可靠。以英國公投為例,博彩公司的盤口一直顯示留歐機會率較高。反觀,多家傳媒及專業調查機構的民調,卻顯示民意傾向脫歐,直至留歐派議員Jo Cox遇刺身亡,民調結果才稍為貼近博彩公司的彩池預測。執筆之時,彩池紀錄顯示留歐的賠率已跌至1賠不足0.3倍,脫歐賠率則大升至近1賠2.5倍。

    儲局官員未必可靠

    假如要在民意與博彩公司彩池預測之間作取捨,我會毫不猶豫地選擇後者,作為自己投資決策的參考工具,因為我相信市場力量,遠勝任何個人的預測能力。

    現在回看,即使是遠比一般國民掌握更多重要宏觀經濟資訊的聯儲局官員,他們的預測能力,亦遠不如用真金白銀投資的利率期貨市場。

    體育界的世界紀錄是要來打破的,金融市場的世界紀錄,又何嘗不是?全球利率連番創出人類歷史新低,絕非意味利率周期將很快回歸歷史平均值。

    回覆刪除
    回覆
    1. 這個推論十分正確,民意亂講,金錢為實(千古不變定理)

      刪除
  25. 今日AH 有所起動
    啲人博71 深港通?

    回覆刪除
    回覆
    1. 呢次952再炒高些,我應該會止蝕餘下少量持股離場了。

      刪除
    2. 浙江,東北電,墨龍幾兄弟都上緊

      刪除
    3. 510@0.35 溝左貨,期望破到250MA($0.37) 就海闊天空。

      刪除
    4. 今朝見到好多港券商股成交都多左 ,唔知係咪深港通起動先兆?

      刪除
    5. 我都入左D@510 都係摶71收阿爺大禮物

      刪除
    6. 熊仔好似好集中喺20900-21100,睇吓會唔會沖一沖上去

      刪除
    7. 楊生近日差不多天天都增持717, 有什麼玄機呢?

      刪除
  26. 吹脹,原來自己唔識玩2193,只怪無細心而亂買賣。

    回覆刪除
  27. derek兄,其實隻2193份業績衰仲好,因為佢係一隻殼黎

    回覆刪除
    回覆
    1. 佢上市無耐就係無諗到送咗四個位畀莊家,哈哈。

      刪除
  28. 偉哥,

    請問東方證券抽唔抽得過, 謝謝!

    回覆刪除
  29. 今日期指收市低水52點,有冇ching 知道仲有冇藍籌未除息呢?

    回覆刪除
  30. 想問下玩開指數的兄弟,最近期指一直低水百幾二百點,相信同成份股將要除息有關,但今早開始忽然大幅收細至幾十點,今日大市只升百二點,而期指就升了二百六十幾,有何啟示呢?

    回覆刪除
    回覆
    1. 問下識炒期指 ngwai,可惜又失蹤了

      刪除
    2. 指數成份股今月只剩下3328、1088、1398未除淨股息,有沒有人得閒計下期指理論低水點數幾多?

      如果大家想知點計的話,我今晚可以簡單寫寫。

      刪除
    3. 3隻藍籌會在本月底前除淨,期指理論低水點數約75點,計算方法如下:

      以1398為例,將於6月29日除淨,股息大約0.275港元。那除淨0.275港元會對恒指有多大影響?
      可以到恒指網站 (http://www.hsi.com.hk/HSI-Net/HSI-Net),選擇"恒生指數"下的"成份股每日變動情況"這欄,然後下載今天的EXCEL (XLS) 報表,開啟檔案後搜尋 1398的"指數因子" 數據,這數字代表的是1398股價每格變動對恒指的影響,例如數字是2.2922, 即是說1398每升1仙 (股價1格的變動),恒指會升2.2922點;所以到6月29日1398除淨約0.275港元的話,對恒指的影響是63點。

      刪除
    4. 但如果要係6月頭知道實際低水點數 咪即逐隻股check派幾錢 再入表計?
      有冇其他辦法
      之前好似聽過有網站計左 但唔記得咩網

      刪除
    5. 咁炒期指果d...除淨會否計算在內?
      如買跌。。。咁除淨左係咪win..?

      刪除
    6. 其實要認真計算的話,即使一個月有10幾隻藍籌除淨,用EXCEL計算,最多半小時就搞定,沒有難度。

      至於期指....6月初大部份時間低水200點以上,不正是反映藍籌股派息除淨的因素,如果平水的話,就會出現無風險套戥。

      刪除
  31. 個市係脱歐前先升,脱歐後會否反高潮?
    相反,偉哥舊愛米蘭站卻放量跌左先, 想赢在XX前?

    回覆刪除
    回覆
    1. 呢隻好難炒,賣盤又唔做GO。

      刪除
    2. 仲想話你有機會買返

      刪除
    3. 哈哈,如果你話有堅料好大機會會升, 咁我就考慮下。

      刪除
  32. 偉哥
    請教下,有無睇開868
    見佢盈利OK,同埋主要想請教既係佢來緊會除權每8股分1股信義企業股份(遲D上市)
    咁係送?除權唔需要反影在868價身上
    THX

    回覆刪除
    回覆
    1. 沒有留意868。 新股分派是要除權的,但如果只是介紹上市的話,沒有新股作價可供參考,那其實並就沒有一個除權的標準,到時分派後就由市場來決定股價。

      刪除
  33. 想唔收貨都幾難! 全年股息每股8.5仙。

    怡邦行去年多賺19% 連特別息派7仙

    http://www.hkexnews.hk/listedco/listconews/sehk/2016/0622/LTN20160622623_C.pdf


    怡邦行控股(00599)公布截至2016年3月底止全年業績,股東應佔溢利7837.7萬元,按年增長18.92%,每股盈利13.05仙,派末期及特別股息2仙及5仙,合共派息7仙。

    另外,期內收益6.32億元,按年上升9.18%。

    回覆刪除
  34. 偉哥,有無留意2368?成交大咗。呢排都沽低收市。

    回覆刪除
    回覆
    1. 有, 仍在等候業績。

      標叔最近在專欄日日唱好2368,不知是否信心真的如此大,我自己是擔心下半年業績可能會失望,所以之前減持了一些,等出了業績再決定是否補回。

      刪除
  35. 偉哥點睇 699?
    高毛利, 增長快, 但大股東好似賺夠離場

    回覆刪除
    回覆
    1. 當初這股IPO時我是賺了不少,不過也是短炒而已。

      上市時的兩大股東都減持套現,我自己是有所保留。

      刪除
  36. 今日掃入了4字頭的股票,低風險中回報

    回覆刪除
  37. 今日坐定定睇英國呢埸賭局...

    回覆刪除
    回覆
    1. 碧咸都公開呼籲英國人投留歐,公投結果香港時間明早十點便知。

      刪除
    2. 現在市場預期是留歐,如果結果是脫歐的話,那肯定是黑天鵝事件。

      刪除
    3. https://www.skybet.com/politics/eu-referendum/event/17856059

      Result of EU Referendum
      UK to stay 2/7
      UK to leave 11/4

      刪除
    4. 睇賭博倍率留歐機會比較大啦

      刪除
    5. tkchan2016年6月14日 上午11:57
      如果咁肯定100%不脫,可大賭GBPUSD,現價1.4191;
      不過投資路上,我絕不相信有100%。


      不用等結果,現價1.48都可以食。

      刪除
  38. 各位,有一題外話請教,小兒依家15個月大,工人姐姐湊,好似發展較慢/較倚賴:

    *尚未可自己行路,一定要人扶住先行到,而且行到步履蹣跚,有冇D方法幫佢?
    *食野唔肯自己渣spoon,飲奶唔肯渣奶樽

    係我杞人憂天定正常?
    有冇咩方法train up佢?

    回覆刪除
    回覆
    1. 小朋友太依賴, 叫個姐姐少啲serve 佢,要佢自己做

      刪除
    2. 有人照顧,唔肯自己食野是正常,只是如果15個月仲要人扶先行到,發展似乎稍為落後,去母嬰健康院做測試時有沒有問下姑娘?

      我家三個都是10個月左左右可以扶住牆身行,基本上都沒有刻意幫他們;到14-15個月大可以自己行走,不用人扶。

      刪除
    3. Re MacGvyer:
      已試,不過姐姐唔敢。
      我地自己湊時,佢都係唔肯自己做。
      而且如果日頭激親佢,佢夜晚就大吵大鬧...
      唔敢話佢大脾氣,不過小脾氣依家一定有...

      Re Wai Gor:
      小兒現可以扶住牆身行,不過如果冇野扶,佢會唔行轉爬 :(

      刪除
  39. 1,之前搏留歐的LC,今朝開始分設段食糊。

    回覆刪除
  40. 36今朝再有兩次3M成交。

    回覆刪除
  41. 6128前兩日買得半注,在1.16似有棚頂住好多日都唔知有乜意圖。

    回覆刪除

注意:只有此網誌的成員可以留言。