置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年4月22日 星期三

簡析陽光油砂 (02012) 投機價值



陽光油砂,名為"陽光",實際上以前買入了的股東,心情可能會陰暗到不得了......

公司於2012年3月以每股4.86元上市,主要業務是在加拿大阿爾伯塔省阿薩巴斯卡油砂地區生產油砂重油,但多年來仍未開始出油,業績也連年虧損,故此股價自上市後是長期下跌。



股價在上月底曾低見0.3元的歷史新低,主要原因是油價的下跌及前大股東在市場減持持股。但踏入4月份,股價開始大成交見底回升,於4月16日的成交額更高達6.23億股,相當於發行總股數的16%;該星期的總成交股數更高達17.44億股,是總發行股數的44.7%,反映有大量的股權在此期間轉了手,相信其中的主要沽家包括前大股東,而主要買家則於昨日浮出水面,原來是身兼上市公司順風國際清潔能源有限公司主要股東之一及挪寶新能源集團董事長的孫國平,其於2015年4月17日以每股平均成本0.59元買入了2.31億股陽光油砂,並於2015年4月20日再以每股平均成本0.51元增持了約1100萬股,目前持股2.42億股或公司6.2%的股權,是公司第四大股東。



孫先生表面持股只有2.42億股,但上星期成交股數高達17.44億股,誰是買家呢? 我相信可能孫先生的友好人士應該買了不少吧。現在可能孫先生及其友好人士的持股加起來,已成為公司第一大股東,當然這些純屬個人猜測,沒有任何証據的。那為何孫先生要暴露自己的持股呢? 原因可能有二: 

1. 有意繼續在市場增持,最終達至控股的目的;或
2. 友好人士在低位已買了大量股票,繼而令自己的持股曝光,引來市場資金的炒作,從而將股價炒上及方便友好人士的持股可以在高位沽出獲利。

不論是那種可能性都好,股價在短期都應該最少維持在相對高位一段時間,再之後的走勢要視乎:

1. 有沒有股東大量沽出在低位買入的股票獲利;

2. 公司會否成功產油;

3. 市場一直有傳聞"國家隊"會增持此股,最終是否確實;

4. 孫先生會否繼續增持。

自己評估過情況,包括:

1. 上星期的大成交非比尋常,應該是有人在市場大量收集,似有所圖;

2. 一直有傳聞"國家隊"會增持此股;

3. 公司目前帳面資產淨值約60億港元,而今早買入時的市值只有22億元,對比資產淨值有頗大的折讓,在此價位買入可能有一定的抗跌力;

4. 孫國平如此高調買入,可能有後著。

基於上述情況,自己今早是趁股價稍為回落時"投機"買入,博土豪已在此股完成佈局,將會有大型的炒作。


276 則留言:

  1. 以上分析純屬一派胡言,請有興趣的網友在參考完之後要深思熟慮,不要輕舉妄動。

    還有就是一篇30分鐘內寫好的分析,也沒有什麼深度的分析,只是想到什麼寫什麼。

    回覆刪除
  2. 今日提早更新了網誌,今晚終於唔使捱夜。

    回覆刪除
    回覆
    1. 唔好成日捱夜,早D瞓,長命錢長命搵。

      刪除
    2. 哈哈,可能半夜夢醒又寫過呢。

      刪除
    3. 咁早出文,聽朝一早又爆啦!
      又要辛苦偉哥準備第二篇文章了。

      刪除
  3. 回覆
    1. 如果輸咗錢,高登仔會唔會人肉搜尋偉哥?

      刪除
    2. 我地其實都想人肉搜尋偉哥出黎。。。。。。。

      請佢食飯。

      刪除
  4. 如陽光伴我 清新笑迎面 願照遍我心 自視每天快樂過

    回覆刪除
  5. 隆成又出通告回應我們....

    隔空對話咁麻煩, 不如管理層約個時間見見我們小股東。

    http://www.hkexnews.hk/listedco/listconews/sehk/2015/0422/LTN201504221395_C.pdf

    回覆刪除
    回覆
    1. 我估係港交所或証監收到太多我們的投訴信,迫令1225做番少少o野及解釋,老實個句,佢做戲好過乜都唔做。

      刪除
    2. (4) 本公司配發及發行代價股份可確保本公司財務狀況之穩定及健康,並可使本集團之現金流更有彈性。

      那我提議公司不如以租代購,可公司的現金流更有彈性。

      刪除
    3. (2)
      賣家是一家於聯交所主板上市之公司,並主要經營證券買賣及投資控股。於該收購
      洽商期間,賣家要求配發及發行代價股份作為該收購條款之一;

      即係唔買就無嘅筍盤囉。

      刪除
    4. 叫佢慳D啦,荀盤! 個區D盤供應不知幾Q多呀! 叫佢班財技佬收皮啦。

      刪除
    5. 1225呢班正人渣!
      而個個成日扮正義既死鬼佬不如改名叫 Dog West 仲直接代表佢自己

      刪除
    6. 我想知係咪無辦法知道該物業實際位置?

      刪除
    7. (3) 本公司配發及發行代價股份使公司股東基礎有可擴闊之機遇;
      反問一句:一仙配股,配完再供,一樣可以使公司股東基礎有可擴闊之機遇架
      原有股東仲會問候你呀

      刪除
    8. 該物業地址是:中國廣東省州 開發區科匯四街 11 號1-4層, 總面積2200平方米

      刪除
    9. 发布日期:2014年10月20日
      受法院委托,在广州产权交易所公开拍卖如下标的:
      标的1:广州开发区科学城科汇四街11号501房。建筑面积:639.07平方米;起拍价:7,939,808元,保证金:397,000元。
      标的2:广州开发区科学城科汇四街11号601房。建筑面积:639.07平方米;起拍价:7,980,704元,保证金:400,000元。
      标的3:广州开发区科学城科汇四街11号701房。建筑面积:639.07平方米;起拍价:8,021,608元,保证金:402,000元。
      标的4:广州开发区科学城科汇四街11号801房。建筑面积:639.07平方米;起拍价:8,057,392元,保证金:403,000元。

      刪除
    10. 先合後供 掠水百億 揭大股東連環殺大股民3招
      http://eastweek.my-magazine.me/index.php?aid=11023

      原來有個 保障投資者協會

      刪除
  6. 呢篇野有可能令2012聽日被推高。

    回覆刪除
    回覆
    1. 我自己覺得現價都升左D, 高追的風險存在, 始終這股是投機味重, 目前沒有基本因素支持

      刪除
  7. 話雖國家隊傳聞會增持,但中投又會咁奇怪係一年來不斷減持既?

    回覆刪除
  8. 2014年最后两月,公司连续任命了新的CEO,COO,并调整了董事会,之前也有不断的调整董事会成员。新任命的董事会主席刘延安为中国人寿保险(海外)股份有限公司副董事长及总裁,算是人寿海外的一把手。新任命的CEO原为中石化加拿大公司常务副总经理。新的COO蒋琪则是我国海外高层次人才引进计划“千人计划”中的一员。公司的主要股东有四家国企(中投公司、中石化、中国人寿、中银集团投资)和三个主要的中方投资人,他们的总股份占公司总发行股份的54%。可以说中资方基本上控制了公司,使它变成了一家中国企业,现在不论管理层水平还是董事背景都要明显强于过去,都是在当地石油界有头有脸的人物,而且都具有中资背景,各位中资股东从后台走向前台.

    回覆刪除
  9. 中投公司低位減持左,未必短時間買番

    回覆刪除
    回覆
    1. 傳聞的並不是中投增持, 而是另外三間中資其中一間....金融機構。

      刪除
  10. 舊股東是否因為缺錢才要撤退? 順風那班人無寶不落,而且收風甚準,有可能不是短炒

    回覆刪除
    回覆
    1. 打聽過消息是有班人佈局了一段時間,所以我想看看有沒有順風車坐。

      刪除
  11. 如果真係國家隊入場,此類細價股好易炒到升天

    回覆刪除
  12. 偉哥及各位,
    早前跟大家分享過一個資訊:私人配售 - 中國銀河證券 (6881)

    現在有更明確資料及資訊:
    中國銀河證券(6881)將向不超過十名獨立基礎投資者,私人配售H股。
    同時,該次配售行動,中國銀河證券(6881)初步意向為選擇大型企業及極具聲望之機構作為該十位配售對象。 及此,對於是次配售之過程,將會安排透過十位基礎配售對象之其中一位參與是次配售(該基礎投資者為中國內地保險企業),另外,在保證獲配發機制下,投資者能參與該配售行動,並以折讓獲配發中國銀河證券(6881)。

    回覆刪除
    回覆
    1. 補充一點,上次於偉哥網誌跟大家分享過後,同時發出初步的Draft及消息,引起極多人的迴響,當中包括corporate及individual。留意一點,若然參與的話,需要為PI 身份。

      已經有配售日程表及詳細 fact-sheet,歡迎email向我索取。
      包括offer 50% margin, 5% p.a. 之細節。

      是次配售,跟剛剛中州證券(1375)私人配售頗為類同;
      而且中國銀河證券(6881)於一月份都同作過類似行動,配售條款亦相若,今次discount 7%,無禁售期。

      我並預期來緊會有更多的內券股會作配售行動,可能大家會有興趣參與。
      詳細待公佈,亦先在此多謝偉哥。

      刪除
    2. 咁樣第一日咪爭相出貨?有可能配售完成後個日跌多過7%

      刪除
    3. CHAN B

      當然每一隻股份作出集資行動,例如配股、批股等等;往後股價走勢表現,不能一概而論,亦無絕對的答案。

      以內券版塊來講,根據內券股的AH 折讓、及再加上現時的再折讓7%,有一定叫座力及吸引力。(折讓7%,是發行價依其定價日前五日收市價之平均價折讓7%)
      特別是hedge fund 及內券股版塊基金,或者早前未能獲配發廣發證券(1776) 的投資者或者機構,是次配售是變相一個增持內券的機會。

      認購的投資者有短線、有中長線,
      不諱言透露,短線投機的,甚至已經部署沽空,直接lock 7%;而中長線的投資者,則以折讓視作safety margin,上望內券版塊平均AH折讓收窄至不足20%。

      我早前提過,意向偏向公司戶或者機構式認購,因為佢地一lot貨認購及持有,有權再新擬定條款分配予旗下證券客戶。

      一億美元額度,如果單開PI的話,真係開到出年都未開得夠一億美元。

      刪除
    4. 但照睇呢到得PI 多。

      刪除
  13. 呢兩日手上股持股都有出有入,整體而言現金水平降低了...below 10%
    見偉哥主要倉位好似無乜點變,主要短線(二至五個交易日左右)炒賣為主,想請問一下偉哥是否仍保持高現金水平around 15%?

    回覆刪除
    回覆
    1. 仍然維持在約15%的現金水平。

      其次我主要倉位並不是短線炒賣為主的, 最大倉位3399就是長期持有,而320在收回全部投資成本後,仍是第二大重倉股,現在也是中長線持有等運到。

      刪除
    2. E兩日賣左吾少貨,現金回到20%,好想佢调整下搵貨入:)

      刪除
  14. 記得偉哥之前有留意殼王的現金牛 1189 hk 今天成交量大 上漲,請教一下最近怎麽看?

    回覆刪除
    回覆
    1. 1189點計一定係抵買, 就係唔知莊家玩乜,成日壓住個價唔比升.....可能佢地未收夠貨吧。

      刪除
  15. 希望聽日中午前買到
    3399 @ 9.7
    2012 @ 0.6
    已入1776 @ 25.5

    回覆刪除
    回覆
    1. 師兄吾入 1866 心連心? 今日跌左少少

      刪除
  16. 想請教偉哥及各位師兄者, 小弟有400k,
    可以無心理壓力地接受到50%損失, 咁樣分個組合得唔得?

    50% 200k 長線 唔過2隻股票
    30% 120K 中線 唔過4隻股票
    20% 80K 短線 唔過4隻股票

    成個組合每蝕多過10%就將整個原投資額減半

    分呢個組合原因因為自己好鐘意一注獨贏, 有時聽到消息又細細注買D, 買到廿幾隻,
    搞到太多股票管理唔到, 有D又太細注升左都唔夠比手續費, 遲早都輸獲甘
    而且見好多師兄都話會hold住某個%既cash...
    想知道各位點樣去分自己個組合.. 我知問題好膚淺sorry..

    回覆刪除
    回覆
    1. 補充一下我個長線係指6個月 / 以上, 中線3個月以下, 短線見靚價就走
      因為而家呢D市除非收番本如果唔係唔想放股票長hold咁耐....

      刪除
    2. 其實冇話得唔得, 最重要是最適合自己、令自己每晚可以安寢的投資方式。

      很多時候適合我的,不等於適合你,所以適合你的投資方式要由你自己去摸索出來。

      刪除
  17. 我留意了2012這垃圾股新聞很久,不斷引資不斷虧,一個無低洞,今次如不是順風入股,價值是零,看看今轉順風車可行得多遠,除非真的出產到油但次次都吹就出次次都延遲。或引到國家隊入股有一輪炒作,之後看位走不且長期持有。

    回覆刪除
  18. Agree this stock should be just for speculation

    回覆刪除
  19. 陳永陸今日推605, 偉哥有沒有興趣? Derek兄早前有提及,我在0.69時亦買了2注

    #部份大價股業績其實理想只是當市場氣氛不旺時,較少人參與,二、三線股更易被遺忘,但當大市暢旺時不少二、三線股卻被發掘及炒上,其中中金投(605)就是一例。


    集團是中國北方最大的民營綜合中小企業金融服務供應商,一般投資者可能不太留意,但中金投早獲內地四大資產公司東方資產持有5%股權,而英國保誠集團旗下的長線基金M&G,繼早前買入公司股權後,近日再增持約1.5%,至約2.5%水平,可見中金投之價值正被發掘,加上中金投是亞洲第一個發行由協力廠商作擔保的上市債券,同時亦與互聯網金融供應商找銀子和鳳凰金融合作,為公司提供穩定的融資管道,加上現價市盈率仍不足8倍,估值偏低,值得留意。#

    回覆刪除
    回覆
    1. 佢推就等走人啦, 出名叫神6

      刪除
    2. 今次好似吾似,我0.78走哂少量貨,一個星期有十幾%

      刪除
  20. 早前在雪球高手BLOG 看到有關 510 文章:

    言歸正轉,先前泛海已表明,民生證券將會循IPO在國內A上市。

    但據聞盧先生他們口風有所鬆動,或會考慮將來注入510,以逆向收購(reversetakeover,)形式上市。眾所鳩知,新收購未滿兩年,如注入資產超過上市規則的五項測試基測之任意一條,就是reversetakeover會被港交所視作新IPO重新審批無異.而泛海之所以還考慮這方案,是因為:雖然目前A股上市已加快開閘,最近每次都有批量廿幾三十間上市,而下半年又會推註冊制,上市進程可望加快。但是原本已有六、七百間公司在排隊,註冊制一實行,排隊者必蜂擁而至。國家隊一定會有優先權,然後才到民企。雖然實力雄原的民企都可望排得不後,但是,排隊者眾,要等幾耐誰也說不上。以前「有辦法」的人總可以打個尖,但近年在打貪雷厲風行下,那些「有辦法」的人也會收一收不會出辦法了.

    據聞,促成泛海重新考慮reversetakeover之原因,是見阿里健康被注入天貓醫藥,也讓他們再考慮一下是不是接受IPO審批更能把握時机?另外,為甚麼不注入旗艦泛海,境外上市很多好處境內沒有的.例如不把雞蛋放在同一個籃已是,你懂的.

    請教偉哥, 這種逆向收購發生的可能性及結果?
    加上最新公告(有股東大會的日期), 五月南下基金, 深港通, 是否可把它定位作中長線, THANKS

    回覆刪除
    回覆
    1. 逆向收購的機會存在的,始終等兩年先可以大搞一場的話,到時都唔知乜光景。

      現在首要是股東大會通過左,然後泛海正式入主,才憧憬會否有進一步動作。

      市旺, 這類有概念的券商股可以繼續持有,但市況一逆轉,呢D目前無盈利支持的概念股,必然是跌得最多的,所以要自己衡量風險。

      刪除
    2. 謝偉哥,早前跟你0.34上車, 0.4X 加注, 由0.7-0.9分段放了1/4,高位太貪心只放了1/4, 還有1/2,希望靠市旺同泛海正式入主可上多段

      刪除
    3. 請教偉哥,
      687泰昇, 真的等兩年先可以大搞, 有貨已經放倉半年, 會否追落后? 是否黑石入左1年半時間?

      刪除
    4. 黑石入主後,雖然仍沒有任何大動作,但都在清理一些資產,希望等到2年會有大作為.

      刪除
  21. 268我上星期提過, 會同一間美國互聯網公司合作, 就係阿馬遜,呢個消息國內好多投資者一早就知道,但之前股價一路跌,好多人都覺得呢單消息可能無乜刺激作用.......點知到今日消息公佈,原來都係對股價有刺激作用。

    回覆刪除
    回覆
    1. 可能有啲人唔識咩係AWS, 簡單啲講係阿馬遜雲, 呢舊雲係全球性, 因為係美國貨, 所以直至兩年前先打到入去北京。我諗金碟係想抄考人地既技術, 從而改善自己不足之處。佢係做財務系統, 呢啲系統必定由傳統層面升級到雲端, 金碟其中一個里程碑係令到自己系統無論地球任何角落有得上網就用到, 兼且提供埋財仔服務。亮點其實係財仔既服務會透過自身系統計算公司盤數而令借錢風險大大降低。

      刪除
    2. 原來如此,謝謝解讀。

      刪除
    3. 可以參考中國智能, 佢同RUCKUS, ALIBABA有戰略合作
      不過AWS係PUBLIC CLOUD, 財仔野上去會有SECURITY問題

      刪除
    4. Marco 兄有誤解, 第一, 客人可以租AWS服務變成 Private Cloud, Security 問題係AWS孭飛, 如有; 第二, 金碟應該係想抄人地, 所以就算擺喺AWS, 都唔會長久, 金碟必定會用番自己金碟雲, 最起碼我起左舊雲除左自己用, 亦可以租出去俾人。

      刪除
    5. 呢度各行各業的專才多, 下次聽到乜消息返來,可以係度請網友解讀.....不過大家就唔好藉消息買賣,唔係的話可能形成內幕交易。

      刪除
    6. O..Gary 兄, 我未用過AWS, 唔知佢可以設定PRIVATE CLOUD.
      不過大陸好多OPEN-STACK LIKE服務商, 金碟咁遲入黎, 唔知MKT搶唔搶到
      GOOGLE上一季就有講佢GCE 個價跌緊

      刪除
  22. 598距離新高一步之遙了,今日可能有機會創新高。

    回覆刪除
    回覆
    1. 早晨,598升得巧勁,6.47放咗,剩一注睇火箭升幾高,多謝偉哥。

      刪除
    2. 當日入左3注, 而家雖然已沽左2注,但仍保留一注在手等佢破新高。

      回報已經遠超預期。

      刪除
    3. 598 真係派錢, 好彩跟左偉哥買

      刪除
    4. 我也有跟偉哥買, 真想不到有這麼大升幅. 雖然我一早放晒, 都已經很好了. 謝謝.

      刪除
  23. Good morning ~ Wai gor

    thank you! :D

    回覆刪除
  24. 今早沽出了1249@7.39,加埋0.25息,成功賺多轉波幅。

    候低再買返。

    回覆刪除
  25. 今朝比IA玩死,AO落不到511,d盤出不到街但顯示掛牌!

    回覆刪除
    回覆
    1. I Access? I got the same problem too.

      刪除
    2. Same here, will quit asap...

      刪除
    3. 最奇怪顯示掛牌但又冇出街,更奇怪9:15-9:30又可以取消那些盤!

      刪除
    4. 哈哈.....模擬買賣?

      旺市真係一定要用可靠的券商,隨時一單買賣出事已令你節省的佣金付諸流水, 仲要嘔突。

      刪除
    5. 如果AO成交,我好大機會51.9沽出,咁就冇咗$6K。

      刪除
    6. 前幾日都出現tk兄一樣既情況,今日冇落盤就吾知

      刪除
    7. Same here, will quit asap...

      刪除
  26. 700,前日$153買入,放d SC lock住利潤先。

    回覆刪除
  27. 1299Call,我0.4買入,啱啱0.85沽出一半。

    回覆刪除
    回覆
    1. 我通常升1倍就沽一半,明天有數據出。

      刪除
    2. 我買得太小call, 但係仲有實股在手!

      刪除
    3. 昨日買21093 上到0.305 走左
      換 19656
      覺得 21093 偏離左正股走勢
      隻野新上市輪商好似做靚條數咁

      刪除
    4. 呢兩日IV漲得好快。

      刪除
  28. 尋晚研究左D細市值股,睇下仲有邊D有潛質炒作殼股概念而估值仍勉強可以接受的,搵到之前有不少網友、球友推介過的403,今早膽粗粗0.61買了一注。

    這類尋寶遊戲,有時真係唔知要等幾耐,甚至會唔會賣殼都無得估,唯有寄望大部份潛在殼股都炒晒上去,到時市場會找落後的來炒作,所以又係先潛伏等下,睇下有冇運。

    回覆刪除
    回覆
    1. 我覺得0.6元邊買來等下無妨,高追就不要了。

      始終都是等市場炒佢落後。

      刪除
    2. haha.當偉哥一講我留意個交易笑出來.PS .我没買對細股有陰影没信心不買 XD

      刪除
    3. 偉哥效應厲害,0.62>0.66全主動買盤,只有2K主動沽盤。

      刪除
    4. 這幾天的20大升幅,很多都炒殼股概念....連一些很垃圾的都炒到了。

      刪除
    5. 1173唔升仲要跌:s 可能要等出業績

      刪除
  29. 偉哥477你目標價會唔會睇佢穿52周高位?

    回覆刪除
    回覆
    1. 唔知, 不過覺得估值仍相對偏低。

      幾時有資金炒過後炒到佢先沽。

      刪除
  30. 1788偉哥仍持有嗎?目標價看多小? THX

    回覆刪除
    回覆
    1. 好多時跟偉哥沽,今次例外,因為其他同行升到儍,所以hold到今天創52週高沽11.74,謝謝偉哥

      刪除
  31. 403賺了1格走了,2012一注贏一注輸,平手走埋,thank!!

    回覆刪除
    回覆
    1. 賺1格?

      2012我未沽,昨晚去打聽下,聽到係有人搞緊呢隻股。其實消息早於個幾、兩個月前已聽到,當時的故事是國家隊會進場,0.3X元可以買一些等时機到,但那時見隻野仲係死氣沉沉,心想無謂浪費資金係度儍等,所以日日留意幾時有異動就追入.....剛好上星期三、四唔係香港冇留意,咁就升左上去。

      不過唔知點解國家隊進場變左孫國平買入。

      刪除
    2. 唔知關唔關我呢個近期既黑仔之霸事,
      尋日0,63 買左些少 😩

      刪除
  32. 偉哥請問 859 如果5月15日除息前去返1.7高位會吾會沽貨?

    回覆刪除
    回覆
    1. 都未必....52周高位係1.8元, 到時就考慮減持一些。

      859的效率咁快,似乎急住做野,所以我係有些期待。

      刪除
    2. 呢兩日見到成交keep住有主動買盤買上.
      多謝偉哥.

      刪除
  33. cy1兄, 隻8261都有你效應, 厲害!

    回覆刪除
  34. 回覆
    1. 佢塊地重建項目應該是賣殼的最大障礙。

      刪除
    2. 家公司傳賣盤好多年了,但感覺老闆不想賣

      刪除
  35. 回覆
    1. 市值幾億的都有殼股概念....但呢隻應該上市未夠一年.

      刪除
  36. 手上部分貨...個市未倒跌已經變左紅色 XDD

    回覆刪除
  37. 睇黎28000點阻力真係幾大。好多股都掉頭向下咁

    回覆刪除
  38. 好多股倒跌,2012興奮過後都歸於‘平淡。

    回覆刪除
  39. 偉哥,1148@3.5入唔入番之前套現個注?

    回覆刪除
  40. 近幾日分別買了3399, 560, 8077, 2012, 1358,
    無一隻弹得起,死未!

    回覆刪除
    回覆
    1. 嘩。。。靠害咩,你有既大家大部份都有wor...haha

      刪除
    2. 哈哈!使唔使我放哂佢先

      刪除
    3. 幫忙、放減d……x2 (中左四隻=.=)
      之但係我都好燈..haha

      刪除
    4. 好彩你無買510。。。哈哈 :)
      只鍾情510,。我太專一了 哈。。。。

      刪除
    5. hehe, 都有D,不過唔係呢幾日買啫

      刪除
  41. 沽出一半605鎖定利潤先,費事諗咁多。

    回覆刪除
    回覆
    1. 多謝derek,今早沽清@0.83。

      刪除
    2. 恭喜,原來你都有買,哈哈。

      刪除
    3. 多謝derek x 2,, 0.81 沽了一半

      餘下的希望1蚊沽清

      刪除
  42. 1285 貨應該好乾,如果真係升可能會好似 1626 咁走法
    (不過唔岩我玩 XD )

    回覆刪除
    回覆
    1. 係極度昏迷不醒既病人...一睡不起, 希望一起一嗚驚人....但願!!

      刪除
    2. This is a very rubbish stock.....No transactions, up and down within range of 3.3 to 3.8...will never go really up or down...locking my cash again!!!

      刪除
  43. 889 extremely slow...in the bull market...so patient!!!

    回覆刪除
    回覆
    1. 繼續等下, 希望遲D輪到佢炒落後

      刪除
    2. opportunity cost...as locking my cash in this stock...if turn to 510 or others..already double....Old Siu pls do something ~~~~~

      刪除
    3. Even 1189 also rises....aiya.....

      刪除
    4. 蕭老唔知係唔係真係老了.....冇晒當年4個月內由1.3起步炒到5.8的那種魄力

      刪除
    5. Wa...5.8? Actually 2 dollars...I already very happy...

      刪除
  44. 高位再沽1/3 阿里健康241

    「並銀行卡清算市場6月起開放 銀聯壟斷12年局面終結」~~~搵吓下隻銀聯仲好^_^

    回覆刪除
  45. 原來又中了122@1.55,希望這是第10轉。

    回覆刪除
  46. 396 @0.52
    今日終於肯開車 等左好耐 唔知偉哥點睇依隻

    回覆刪除
    回覆
    1. 沒有留意, 而家幾億市值的股仔, 隻隻開車都係炒殼股概念。

      刪除
    2. 謝謝! 好多隻都想跟你 不過你既效應太強 不敢高追
      勤力D追POST先

      刪除
  47. 偉哥,114賺蝕都有息派,有無炒嘅慨念呢?

    回覆刪除
  48. 近日見361囘勇,不過留意到之前於0.8x 撈貨既Interactive Brokers呢幾日都有出貨
    再加上有8000000張購股權於近日被行駛

    唔知係有消息定係普通低買高賣動作

    回覆刪除
  49. 859@1.7沽出1.51的加注,1.4x買的再等一等,又要多謝偉哥。

    回覆刪除
  50. 昨天0.9入的510, 剛剛1.04食左。

    仲有一注貨在手等新高。

    回覆刪除
    回覆
    1. 510真係幾好炒, 我諗呢度的網友們今年只係炒呢隻都賺左唔少。

      刪除
    2. 1.07食左,都系剩一注,吾計3399(賬面),510系今年赚最多既個股,多謝偉哥^3^

      刪除
    3. 係我有史以來....都係唔好講,
      小氣的,費事又累街坊

      刪除
    4. 謝謝偉哥, 1.1沽 剩2注

      刪除
  51. 952今早大升完, 510追落後又開車, 希望破高位52 :p

    回覆刪除
  52. 而家先睇到今早排的701@0.52的買盤成交了,應該同上次減持的價位一樣,但當時指數是低2千點。

    買701, 除了追落後之後, 還有希望佢分拆有機會落實。

    不過此股還是要等, 所以各位如果要跟買的話, 先考慮清楚如果股價唔升的話, 有沒有耐性等。

    仲有呢類追落後的, 如果股價升返15-20%,我應該會考慮食糊先。

    回覆刪除
    回覆
    1. 效應又來了,上唔切車已開走了

      刪除
    2. 希望大家理性一些,多些自己分析....我買的股不是一定會升的。

      刪除
    3. 今早我也落了盤, 基於現炒細價盤及基本因素唔差,比連達好. 選這股因比市場上好多細價股便安心持有

      刪除
  53. 8077無反應,人為的?哈哈!

    回覆刪除
  54. 请教伟哥,港股中有没有“全息概念”的股票?
    这个概念,在A股中炒的很火热,呵呵

    回覆刪除
  55. 偉哥, 通常你講既一注, 係總資金既幾多%?

    回覆刪除
    回覆
    1. 平均大約總資金的1.5%左右,信心一般的就1-1.5%;信心比較大的就1.5%-2%。

      刪除
    2. 原來係咁。不過如果咁計,
      我地D雞仔一注都未必買到一手,haha!

      刪除
  56. 沽出一半長途機票1848,期待更長途。

    回覆刪除
  57. 2012 d沽盤可以用排山倒海黎形容

    回覆刪除

注意:只有此網誌的成員可以留言。