置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年2月26日 星期四

考你記性 (已更新)


最近漢能(00566)財務董事林博士不知為何雅興大發,寫了本新書叫“財技風雲”,聽聞賣得幾好,其中一個原因是其將第一章的內容放上社交媒體,引起了讀者的興趣,大家有興趣的話可以到其FACEBOOK看看,連結如下:

小說內容是杜撰的,但相信網友們都會覺得可能是在影射某些人物及公司,尤其是涉事的券商是呼之欲出。另外,相信很多網友都會有興趣知道究竟第一章的故事是完全虛構,還是按真人真事改編?

我自己覺得有機會是後者。雖然實際情況可能與該書第一章所描述的有所出入,但情節是有些相似的,不知有沒有網友估到是那幾間上市公司?

如果無人估到的話,我明晚給一個提示,一講相信大家就知是那幾間公司。

---------------------------------------------------------------------------------------------------------------------

股壇事件簿:

2010年11月5日:  群星紙業宣佈2股供1股,供股價0.66元,由金利豐負責包銷;

2011年1月21日: 王瑞云披露持有2.06億股群星紙業,但沒有披露買入作價;當日群星紙業收市價2.54元;

2011年3月15日: 群星紙業宣佈延遲發表業績報告;

2011年3月30日: 因核數師KPMG拒絕對群星紙業該年度業績報告發表意見,故公司停牌,並一直停牌至今;

2011年11月22日: 當時王瑞云擔任大股東的國煤層氣(00578) 股價單日暴挫8成,市場盛傳其抵押予金利豐12億股持股因無力還債而遭金利豐斬倉,不過這說法遭到金利豐否認;有關新聞請看當時報導:
http://news.singtao.ca/toronto/2011-11-24/finance1322112136d3558925.html

其後該股的股權變動請自行翻查港交所的股權披露。

我相信上述事件與林博士所寫的小說劇情只是有些少相似而已,並不代表什麼,所以大家請勿亂加猜測,也不要對號入座。



185 則留言:

  1. 大家估還估,最好不要太直接開名。

    回覆刪除
  2. 估計應該係姓莊或姓朱等食人唔lur骨的金主吧!(偉哥你股齡都好耐下喎!)故事寫得幾精彩,不過我好質疑林博士的財技水平,他舉的例頗Out-dated。

    http://www.hket.com/eti/article/60f02859-95d3-45b0-a22e-75aca5a1a6cc-029731?query=%E5%91%A8%E9%A1%AF%E6%89%8B%E8%A8%98,P

    回覆刪除
    回覆
    1. 第一章的情節應該是真人真事改編的。

      刪除
    2. 係都唔奇,不過那些財技已很舊。今日的財技專呃D專業會計師、大學生。

      刪除
    3. 都係因為寫的財技已很舊,先可以唔驚寫嘛,有d太新的,寫出來會損害某d金主的利益

      刪除
  3. 回覆
    1. 不妨從故事中的主人翁被昆買了一隻停牌股這情節來對號入座。

      這隻股目前仍停牌當中,可能面臨清盤的命運。

      刪除
  4. 6X6東X都有類似情況,市值過百億,搵成班黑社會在開市時間上證券行搞事

    回覆刪除
  5. 下月初匯豐150周年紀念鈔.......雖然大家都知不會象中銀咁勁,
    不過聽聞上面都有大批人來收,

    回覆刪除
    回覆
    1. 之前中過 中銀三十連.... 希望今次再中多次

      刪除
    2. 上次經驗:
      如果一心炒賣,中左就即放賣左佢好喇,特別是有4有7。
      唔好以為 香港人人口講開的所謂靚number , 例如1638,1338....
      紙幣要 獅子號 豹子號 先係好野黎,如尾數 aaaa、aaa、順蛇逆蛇、abccba 呢d 先係少機會率。

      我中銀中銀 的三十連6866
      其中有666866、886866、686866 都唔係咩值錢no.
      當初玩到同北京幾間錢幣公司交收...8-9萬人仔....
      不過全部要我上北京交收..... 我話我出機票叫佢黎香港又唔制....
      最後都係賣左比friend. xdd

      刪除
    3. 講開紙幣,今年我唱利是錢,其中匯豐姐姐仔俾左2疊直版$20, 我番到屋企一睇,正: 有49pairs 相同no. , 例如 NF747218, NH747218

      真係咁都有...49 對.. 而家唱左唔用得。 頂。

      刪除
    4. 我衣十都仲keep住d鏡子號同豹子号,三十連抽吾中,希望今次有我份3

      刪除
    5. 咩叫豹子號???咩叫三十連???想學下嘢。

      刪除
    6. 豹子號系最後三個no.同樣 eg. 888,30連系連板鈔,即三十張鈔未切开

      刪除
    7. 未切開???是在意外下鈔票沒有被切開嗎?

      刪除
    8. 中銀2012年3月出的紀念鈔
      http://www.inv168.com/phpBB3/viewtopic.php?f=5&t=67062

      豹子號=尾3號相同
      獅子號=尾4號相同

      中間相同、頭相同..都不是豹子號/或獅子號


      試想,鏡子號/ 豹子號可以有幾多張, 你就會知邊隻值錢

      刪除
    9. 未切開咪系一張過,當然吾系意外

      刪除
    10. 恕我無知,為何鈔票沒有被切開?有人(工人)特登唔切開?

      刪除
    11. 中銀100周年紀念活動.

      為慶祝中國銀行成立100周年,中銀香港將發行200萬張面值100港元的紀念鈔。紀念鈔分單鈔、3連張和30連張3款,由於只作紀念用途,不能流通使用。

      單鈔發行110萬張,每張售150元,本月13起至20日在香港50間指定分行出售,每人限購2張。3連張發行10萬套、30連張發行2萬套,訂價分別為600元和6000元,只接受認購申請,每人限購各一套。

      刪除
    12. icic. Thanks 留山兄及3仔兄.

      刪除
    13. 作者已經移除這則留言。

      刪除
    14. 作者已經移除這則留言。

      刪除
    15. 許兄, 我有幸中過渣打30連, 無4,7, 尾68唔知值幾多.

      刪除
  6. 尋日睇左網上版果部份, 的確係幾有趣

    回覆刪除
  7. 偉哥, 多謝!
    上星期1049換馬510, 符轆跟車。

    回覆刪除
    回覆
    1. 你人逢喜事,當旺,可能是你帶比我們幸運。

      刪除
    2. 都要多謝偉哥無私分享的

      刪除
  8. 2626已放+8%!多謝偉哥分析

    回覆刪除
    回覆
    1. 好彩琴日用左510套現的錢@$4.06入番大部分之前$4.04賣出既2626,睇下有冇得同價再入多d,122今日又有d起色

      刪除
    2. 講下都小氣,又打回原形

      刪除
  9. 請問各位有無留意1048?佢出通告話有人想買盤。唔知有無值博率?

    回覆刪除
    回覆
    1. 我覺得有,今日睇下有無靚位入。

      刪除
    2. 之前大股東賣左20%股份,好似真係想賣盤。當殼價值3.5億,自己亂計估賣盤可達$3!?請偉哥及各位師兄指正!

      刪除
    3. 大家再細心研究下通告內容,然後再對比其它殻股的賣盤通告,看看有何不同。

      我自己就肯定不會博。

      刪除
    4. 通告寫有意投資集團資產及業務?並不是買股份?

      刪除
    5. 沈大師前排先連續幾日狂推呢隻,就知唔洗睇啦

      刪除
    6. 若干獨立第三方正向本公司查詢有關認購本公司的股份以及有意投資於本集團資產及/或業務的事宜。上述查詢以及磋商尚屬初步階段,於本公告日尚未就所述查詢以及磋商訂立任何正式具法律約束力的協議及/或合約。

      我也留意到這句.....認購本公司的股份以及有意投資於本集團資產及/或業務的事宜

      我反而被這句話吸引,因為有無限憧憬。

      刪除
    7. 關於1048的通告,我的理解是:

      1. 買家應該是認購公司的新股,而不是從現有股東取得股份;
      2. 即使買家真的入股,似乎不會取得超過30%的股權,即是說不需向小股東提出現金要約;
      3. 可能只是買資產或業務,不會涉及股權交易。

      總括而言,值博率不高。

      刪除
    8. 關於1048,我的理解是

      1. 要用到先買20%作第一次交易的方式去做,明顯買家身份想暫時保密,有機會是大戶或有名氣的人物,令人有所憧憬;
      2. 公告內容其實任何可能也可以發生,即賣盤又得、入股又得、單買公司業務又得;
      3. 公司現時的業務明顯氣數已盡,借貸水平也超高,大股東已沒價講,若果有人要佢賣佢連條底褲都要賣,即與新主的交易近幾已可確定;
      4. 新主第一次交易肯以$1去接貨,斷估不會炒高20-30%呱。

      結論 : $1.30幾值得買入博下

      刪除
    9. 多謝偉哥及known兄既分享!
      都係等另一次機會。

      刪除
    10. 買1048之前,先看看權益申報。

      之前接了大股東貨的主要買家,已趁股價炒高一直在市場沽貨套現,相信現在已沽清持貨,這形勢完全不似是要賣盤。

      刪除
    11. 多謝偉哥提點,今晚我再review一下先,今晚再傾1048。

      刪除
    12. 似流流地喎, 啲貨派到散哂, 之前炒上嗰陣啲貨好集中的.. 有人真心買又點會不將貨留回自用吖 (我估炸 @@)

      刪除
    13. 在新加坡上市的民企已是高危一族,仲要大師多番推介,總之網友要博的話也最好小注怡情。

      刪除
    14. 檢視CCASS後,發現大股東批出的20%股份,似已散開,大部份由散戶接了。

      1048大股東批出的20%股份,分別由CNI過給3個戶口,SHK、KGI及GET NICE。三戶口不約而同地在5/2-11/2在$1以上沽出絕大部份。從這方向看賣殼的可能性減低,而3個接貨戶口似短炒獲利居多。另外,由於現時大股的股權減少至53.42%,加上公司負債情況嚴重,難以成為一個理想的殼,炒殼的投資者要小心。

      大股東批股的意圖是什麼暫時難以確定,既然不是賣殼,那我猜可能是大股東個人財政上的需要。但有一點很特別,就是該20%股份是早於最新的公告(有買家洽購股份或業務的公告)被承配人沽出,為什麼承配人不等最新公告後才沽出呢?他們的利潤不是更大嗎?況且,這份公告不是也給散戶獲利離場的機會嗎?

      暫時自己也難以確定最新公告代表什麼,它是否真實,或者公告最終會導致公司有什麼改變,但就不太似賣殼。公司現實在實須要一個白武士般的人去打救,是參股或是什麼就不知道了。

      如果想投機的話,或者可以考慮等其回落至$1的配股價,但由於太多不確定性,自己頂多小注投機。

      刪除
  10. Known兄,今朝D怨氣平息左未?

    回覆刪除
  11. fai兄,在下有一事請教。
    請問你是如何判斷異動股的入貨時機?
    比如677,昨天成交量突然上升,同創52週新高。
    請問如何判斷是入市機會而不是出貨機會?

    回覆刪除
    回覆
    1. 大家討論一下啦,不用請教,如淨係短炒,炒幾格咁,成交由少變多係一個因素,
      開市價都好重要,因大多冷門股,不會無啦啦高開的,就算係高一格都好有啟示(u盤成交少另計)好似677咁昨日u盤成60萬股高開一格,之後就有盤到,

      刪除
    2. 謝fai兄,又學到野。

      刪除
  12. 雖然今日677都高開一格,因隻股昨日已成熱門股,今早有散戶推高開市不出奇,
    但冷門時又高開就一定係大戶動作,

    回覆刪除
    回覆
    1. 仲要有生果報推,今早已擺左係0.56沽,可惜差一格才沽到。

      希望消化完獲利貨仲有得去。

      刪除
    2. 生果報班友推買、揸住個心都涼了半截!九死一生。

      財演唱衰依隻廢架,莊主去撈底儲夠貨,幾條友又在不同地盆唱好,金主即推波助瀾,這個遊戲都吃硬無黏牙!一年玩‧幾次成班人都好和味。

      近年資訊傳遞多、班友已無咁離譜、昔日D老千股玩合拆供財技,夠膽叫人買。

      刪除
    3. 偉哥你都好進取……0.51買,0.56賣……
      賺五格而已……真係要密食當三番?

      刪除
    4. 因為經驗話比我知,當生果報加入唱好,通常股價都是在其唱好當日短期見頂,故今天應是獲利良機,只是估不到生果報的威力如此低,開市連2格都升唔到,高估左佢。

      刪除
  13. 1037走勢唔係太好,今日已以平均價1.25元沽清,微賺一格離場。

    回覆刪除
    回覆
    1. 呢隻野同122同日出通告,都是簽左諒解備忘錄,又是買家付3000萬按金,又會如此巧合,不知會否巧合地兩者的買家是同一人?

      如是的話,則兩個只能活一個,而睇走勢122比1037為佳。

      刪除
    2. 俾$6,000萬訂,唔係呱!

      刪除
    3. 1037@1.21入左,個人對1037賣盤成功頗有信心

      刪除
    4. 希望你博到,我還是對122信心大些,加上持貨接近零成本,心理上沒有壓力,接受得到震盪。

      刪除
    5. 1037@1.21我都入左,set左$1.27賣,希望成到

      刪除
    6. 雖然我兩隻都有入,但對122其實心大心細,正如上一篇我有講,122有令林生賣盤的誘因,但衰在林生太有錢,D有錢人唸野好難講。

      1037的信心,來至公司根本乜野都賣晒派晒,得個殼,就算今次唔成下次都會賣。況且大股攪左年幾去清殼,一清完就宣布洽商賣殼,似是已一直物色了新主或新主已一早相中1037,加上$3,000萬的誠意,我看高一線。

      點都好,投機賣殼怎也是高風險的東西,大家討論還討論,點都要量成而為。

      刪除
    7. Known兄大戰偉哥,高手過招

      刪除
    8. 唔好咁講,我跟偉哥學左好多嘢係事實。

      刪除
    9. 想請教偉哥及各高手, 點判定一隻股貨乾係會炒起? 之前啲1462, 今日又有2277呢啲全部都炒起, 但687, 1285呢啲都乾, 但係就唔係點郁.

      又好似361, 今早競價時段升過12%, 開市即打回原形, 又有無啟示?

      又例如盈喜股, 有啲一出盈喜就爆升, 有啲出左又倒跌, 點判定?

      我實在有好多野要學, 多謝大家肯教我

      刪除
    10. 很多問題是一言難盡,主要還是似乎大戶的意願。

      361競價時段是假盤來的,可以在9:15前隨時取消買盤的。

      至於盈喜股,還要自己分析盈喜的內容及市場的預期。

      如果真的想學,先養成每日看所有港交所通告的習慣,看得多再加上跟進相關股票的股價表現,你會有得著。

      刪除
    11. 其實林大少不似是有錢人家,似是一個空心老倌。

      林伯過身,林家就由林建岳話事,林大少只是靠邊站。

      刪除
    12. 嘩!偉哥你連呢D都知呀!利害利害!

      刪除
  14. 謝謝偉哥分享對這兩股最新看法,已沽1037。

    回覆刪除
  15. 2662 出左業績,繼續蝕錢,但係表示會考慮出售業務:
    鑒於本集團現有業務連續四年未能賺取盈利,加上越南社會及政局不穩,董事會銳意拓展業務範疇,並將考慮任何投資機遇,包括但不限於性質及技術要求相近的業務,藉以讓本集團日後產生盈利及提升股東價值。董事會亦將審視現行暗淡的營商環境及本集團現有業務的未來盈利能力,並會考慮出售營運業績不斷倒退的任何業務。

    股價今日跌一下就上返d

    回覆刪除
    回覆
    1. 目前感覺公司只是想沽出蝕錢的業務,唔似想賣殼住。

      刪除
  16. 唉!701上月懶懶閒在0.42可以任取、只識天天掛買盤等運到、升到0.465啦、即買又不甘心。散户死穴心態不能克服、炒股票學到老遠未能合格、隻3399又是5.88排到又取消!而家高6格又不甘心。

    回覆刪除
    回覆
    1. 有時有信心的股要考慮掃貨,不能被動地等人沽落來。

      刪除
    2. 3399入第2注,尾市排買5.9元6000股、豈料比得2000股。

      刪除
  17. 167十分顛,買中肯定唔係167。

    回覆刪除
  18. 唔知1225聽日有無可能俾我買到呢?

    回覆刪除
    回覆
    1. 我日日排0.56都未入到,你0.53慢慢等下先。

      刪除
    2. 今日1225真奇怪!近半月成交水靜河飛、波幅窄、今下午1m插0.56、但跟著有1m排買0.56、今日總成交有2m股。是兩軍對弈或是做戲呢。

      刪除
    3. 我只想講我排左幾日的0.56買盤,日日一開市就排入的,但一直都入唔到。

      今日只是排0.56頭位的單一買盤已是過百萬股。

      不過還是個句,如果現在沒1225在手的,也無謂去渾這趟水了。

      刪除
  19. 1225 出左認購證,仲以為會向上抄一抄. 點知繼續向下,下午仲有成M成交.

    回覆刪除
  20. 回覆
    1. 賣得成的走勢應當如此,不應似1037咁頹勢。

      刪除
    2. 唔知呀!由於2080個老闆葉生成個古惑佬咁,所以我唔係好敢買,自己訂的超低買入價$1.20也未有觸及過。

      1037好快知個結果架啦!公告寫明,一DD完成,得唔得都會知,唔試諗太多。就算1037唔成我也不會沽出。

      刪除
    3. 其實不論關生或葉生,邊個唔似古惑佬? 不過相比起坑散戶,我相信高價賣殼可以令他們得到最大利益,也因此不會特登為了坑散戶而搞到自己賺唔到橫財。

      刪除
    4. 你這個推論十分正確。正如我常看一些財技的書,當中其中一個最重要的道理是,若一間公司有明顯大股東及他的持股量比重越高,大股東的利益才會與散戶較為一致,不是大股東仁慈,這是人性的常理。

      刪除
    5. 2080 $1.2X已追入等運到, 剛夠一年即話賣都是上來賣吧? 意慾夠強就好~~ 1037 一直也沒什麼興趣, 而且感覺它走勢就不是太爽

      刪除
    6. 2080我也是1.2X追入,但食早左;1037之前已賺左兩轉,這次沒有趁高止賺是失策。

      刪除
    7. 偉哥短線操作也很厲害, 公喜! 有賺就好 :) 高位止賺我覺好難我沒有一次成功過哈哈

      刪除
  21. 相信網友們都放棄估小說中的公司是那幾間,因此我轉頭就更新我的猜測。

    回覆刪除
    回覆
    1. 我估係三個數字,其中兩個有重覆,名稱同內地有關,對嗎?

      刪除
    2. 我已更新了一些股壇往事,讓大家回味。

      刪除
    3. http://news.singtao.ca/toronto/2011-10-11/finance1318311495d3473754.html

      刪除
    4. 作者已經移除這則留言。

      刪除
    5. 王瑞云本身都係玩財技的人,好難俾人陰到
      如果真係王瑞云,只能話係黑吃黑

      刪除
    6. 不知道內情如何,但事實是:

      1. 王瑞云買了群星紙業, 之後群星紙業就因為造假而停牌至今;
      2. 王瑞云任大股東的上市公司因為股票抵押了並無力還債而被斬倉,並且令他失去了該公司的控制權。

      刪除
  22. 偉哥,我最近想由0開始,學基本分析,想問下你有沒有什麼好書可以推介一下.
    謝謝.

    回覆刪除
    回覆
    1. 我的基本分析全部從股市實戰中學返來的,並沒有看太多的書,故此比唔到乜建議你。

      不過你要學基本分析,最基本的要求是你要懂得解讀上市公司的會計報表,即是要具備基本的會計知識。

      刪除
    2. 原來偉哥係打仔, 一路劈上黎, 實戰經驗勁過理論多多聲啦...
      無師自通, 回饋散戶, 更令人肅然起敬~~

      但我又想, 呢個社會需要包裝, 偉哥或者比較輸蝕.

      刪除
    3. 理論我在讀書年代都有學一些,但一落到場就拋諸腦後。

      而家連最基本的CAPM MODEL都唔記晒。

      刪除
    4. 管他媽的教條, 理論留給象牙塔的學者們吧~~

      刪除
    5. 基本分析, 我自己睇過依兩本:
      James O'Shaughnessy - What Works on Wall Street
      Lowell Miller - The Single Best Investment

      刪除
  23. 想問問你點睇915?本人1.24持有,有冇機會再爆一爆?

    回覆刪除
    回覆
    1. 坦白說這問題你除了問大股東,相信沒有人答到你。

      新股東入主,有什麼計劃外人不知道,故此想炒上還是炒落還看大股東意願。

      刪除
    2. 謝謝,其實915走勢近來大上大落,但又從未有跌穿保底價1.177

      1908我也3.3持有,現價比保底價低⋯ 應否止蝕?

      刪除
    3. 很抱歉,我一向不會提供買賣意見的,是否止蝕要自行決定。

      基本上新股東入主後,短期內難以有大動作,股價升跌比較難測。

      刪除
  24. 偉哥,剛看到1390計劃私有化,唔知會唔會好似2626咁有套利機會呢?

    小弟新手,請各位指教指教!

    回覆刪除
    回覆
    1. 有機會的,看看明天開什麼價。

      刪除
    2. 上市一年就私有化,3.59上市, 4.09 私有化
      上錯市?

      刪除
    3. 有一成或以上折讓,便值博;少於一成,便自行衡量風險?是否這樣,偉哥?

      刪除
    4. 1390須要數人頭通過私有化嗎?
      另外,以$4.09的價錢私有化,即上年3月前買入而一直未沽的人,都有可能會反對是次私有化。當然,也有部份人可能覺得執留身彩而接受現實。

      刪除
    5. 應該要過數人頭呢關。。。

      刪除
    6. 香港已修改了公司法,私有化應該不要過數人頭一關。

      2626復牌首日股價折讓都有接近15%,,如果明日1390的折讓低於10%的話,值博率不算高。

      刪除
    7. 係喎!第10頁寫,根據舊的《公司條例》(香港法例第32章)已廢除的第166條,計劃安排必須得到親身出席法院會議、親身投票或委任代表投票的股東人數的大多數批准(即俗稱的「人數測試」)。根據現行於二零一四年三月三日生效的《公司條例》,涉及收購要約的計劃安排不適用人數測試。

      根據《公司條例》第674(2)條,對於涉及收購要約的計劃安排,會議上反對計劃安排的票數,不得超過所有無利害關係的公司股份所附投票權的10%。這是《公司條例》規定計劃安排在法院會議上,得到出席會議且有投票的股東中,佔當中至少75%的表決權的股東同意該計劃安排外,以及《收購守則》類似的投票限額規定以外的規定。

      上述所提的不多於10%反對及至少75%贊成,是按總發行股本扣除要約人及其一致行動人士的股數,是嗎?

      刪除
    8. 應該冇錯
      即係 「獨立股東擁有合共214,275,002股公司股份的權益,佔已發行的公司
      股份約41.3%」不多於10%反對及至少75%贊成

      刪除
    9. 謝謝CYRUS。唔知道高於$4.09買入到依家仍然持有既人,其股數量有多少呢?話晒都上市唔係好耐,頭4個幾月既成交全部都超過私有化作價,不多於10%反對好似有點危。說到值博率,我睇番2626宣佈私有化後,第一天的股價即當然大升,但仍然記得3.65附近任買,即超過15%水位。如呢隻如偉哥所言成功機會低於2626,水位要再多啲才值博喎!

      刪除
    10. 那看來起碼3.5或以下才值博,小弟受教了謝謝各位!

      但真不明白為何上市1年就想私有化

      刪除
    11. 作者已經移除這則留言。

      刪除
    12. 謝謝,你們的討論分享!

      刪除
    13. 我估有唔少人高於$4.09買入後到依家仍然持有,所以應該會有比較多人投反對票,個人認為一成折讓都唔係咁值博,3.4之下就差唔多
      當然啦,只係炒消息,而唔係真揸到投票的話就高d買都得

      刪除
    14. 1390呢類情況炒消息最穩陣,只要唔好高位買,一般執幾轉波幅風險都唔大

      刪除
    15. 一開始已經排繄3.970

      刪除
    16. 我估散戶高位接貨,很多人也未走。故反對的人也不少

      刪除
    17. 然後開市之後就愈跌愈低............
      通常都係咁的情況,不過現價暫時仲係太高

      刪除
    18. 今日開市價竟然高到3.9,d人太進取啦,可能係受到競價時段的假盤影響

      刪除
    19. 再等下,呢個折讓唔吸引。

      刪除
    20. 估唔到咁高,唯有繼續等......

      刪除
    21. 作者已經移除這則留言。

      刪除
  25. 各位2626同船的網友,2015年3月6日將會開股東特別大會。我問過耀才,客戶可以委任他們做代表通過有關私有化的決議案。現有三個特別大會有待通過:

    1)股東特別大會:於股東特別大會上親身或透過委任代表以投票方式,按股東所持不少於三分之二的表決權來通過特別決議案
    (http://www.hkexnews.hk/listedco/listconews/SEHK/2015/0119/LTN20150119981_C.pdf)

    2)獨立股東特別大會:於獨立股東特別大會上親身或透過委任代表以投票方式,按獨立股東所持股份所附帶不少於75%的票數,審議並酌情通過決議案,而於獨立股東特別大會上以投票方式表決反對決議案的票數不得多於獨立股東所持全部股份的10%
    (http://www.hkexnews.hk/listedco/listconews/SEHK/2015/0119/LTN20150119985_C.pdf)

    3)H股類別大會:H股類別大會上親身或透過委任代表以投票方式,按獨立H股股東所持H股所附帶不少於75%的票數,審議並酌情通過決議案,而於H股類別大會上以投票方式表決反對決議案的票數不得多於獨立H股股東所持全部H股的10%
    (http://www.hkexnews.hk/listedco/listconews/SEHK/2015/0119/LTN20150119989_C.pdf)

    我們是否也有權(或透過委任代表)參與上述3個會議?大家認為那些決議案特別有暗湧,以至我們更加要參與來護航?

    回覆刪除
  26. 1390四蚊樓上都有兩三個月時間,小心

    回覆刪除
    回覆
    1. 呢隻私有化成功的信心稍低於2626,但如果折讓夠大的話,都博得過的。

      刪除
    2. 是否因為作價不吸引,還有不少人上年上市初期買入仲坐緊艇而反對私有化?

      刪除
    3. 照睇CCASS街貨應該唔多,而且2隻基金都係2013/12持有至今,即係如果私有化佢地實有show,機會應該都大,唔知咁睇啱唔啱呢?有錯請各位指正

      刪除
    4. 1390 有兩個基金. 一個持有7.x% 一個持有5.x%
      偉哥覺得被基金否決機會大嗎? 因為10%反對就失敗.

      刪除
    5. 兩個基金都是IPO時買入的,帳面有盈利,而三井住友同聲同氣,應該唔會阻撓,係美國基金反對的機會大些少。

      刪除
    6. 我同意, 1390 融資銀行都係三井住友.應該吾會反對. 香港註冊又吾駛數人頭.
      但估吾到折讓咁少. 你覺得15%係吾係好既入貨目標呢?

      刪除
    7. 可能最多只會去到12%、13%左右的折讓。

      刪除
  27. 歐羅8.7都穿埋可以去到幾低呢?美元強到完全無朋友,其他貨幣真係低低都有,去旅行駛費真係平咗,唔去好似對佢唔住,哈哈。

    回覆刪除
    回覆
    1. 你隻愛股877升唔少,應該執唔少,去邊到旅行都無問題啦。

      刪除
    2. 早前買咗隻美股及債券平衡基金都有唔錯回報,可以慳番唔少腦汁不過就要畀1.5%認購費.

      刪除
  28. 呢排都無心向股無玩到,反而隻1685暫時財息兼收。最期待1322同3399還我盈喜,哈哈。

    回覆刪除
  29. 作者已經移除這則留言。

    回覆刪除
  30. 偉哥及各位高手想請問一個入門問題
    在計算殼價經常會用到每股資產淨值作參考
    但每股資產淨值是否(總資產-總負債)/總發行股數就可得出?

    789
    每股淨資產值 (港元) 0.048 元
    我的計算方法: 59,403,000 / 2,474,640,644 = 0.024
    http://www.etnet.com.hk/www/tc/stocks/realtime/quote_ci_brief.php?code=789

    262
    每股淨資產值 (港元) 1.766 元
    我的計算方法: 1,023,006,000 / 653,210,267 = 1.56
    http://www.etnet.com.hk/www/tc/stocks/realtime/quote_ci_brief.php?code=262

    我用上面公式去計算789,262,和其他股票的每股淨值都計不到跟etnet經濟通一樣的答案,而且很多時看到偉哥計算殼股股價潛在升幅時(包括6-7成資產折讓及4-5億殼價), 自己怎樣也計不出答案, 懷疑自己連根本的算式都錯了...網上也沒有教學,很懊惱,請各位賜教..

    回覆刪除
    回覆
    1. 請留意全年業績前後的股數有變。
      因為我唔係殼價高手,其他留給偉哥回答吧。

      刪除
    2. 總資產-總負債-無形資產

      刪除
    3. 789截至2014年9月的資產淨值是2342萬.....但佢供股集資1.85億元是未在2014年9月的資產負債表上顯示出來的, 故目前資產淨值是2.08億元。

      262截至2014年9月的資產淨值是1,016,503,000 (本公司股東應佔權益),但之後又有批股及分拆上市,所以要自己慢慢拆條數。

      刪除
  31. 偉哥, 想問下只1281 是1月26日除淨現金分派, 為何1月26日那天並沒有除淨,但通告巳講完成實物分派呢~謝謝~如果巳經完成實物分派, 是否代表現价1.9巳經比買家的0.85多一倍幾呢~謝謝~

    回覆刪除
    回覆
    1. 看AASTOCK顯示是1月20日除淨的。

      關於此股,我寫了一篇簡短的文,稍後才刊登。

      刪除
  32. 垃圾倉,最近有兩隻股不約而同供股,一隻166供股價0.17,另一隻1191供股價0.10,昨天166爆上已食,今日到1191復牌,所以有時供股是好消息。

    回覆刪除
    回覆
    1. 今日1191 升好多
      可恨自己供完股無咩耐性走左

      刪除
  33. 645安域亞洲,這隻去年害過很多兄弟白等的衰股。平時買賣兩閑,今日突然好多買盤排緊,可留意。
    635近排也慢慢地上升,密密起革命?

    回覆刪除
    回覆
    1. 近排有資金炒作大資產折讓股....635目前股價相對資產淨值折讓很大,慢慢回升是合理。

      如果全年業績維持較佳的派息比率,則股價會更吸引。

      刪除
  34. 細細注買左8077@1.57,看看炒唔炒到波幅。

    回覆刪除
    回覆
    1. haha,偉哥好似執錢咁執@@

      andersen

      刪除
    2. 偉哥食完我先1.54入到
      好彩1.58 執到餐飯仔

      多謝偉哥
      各位新年快樂!

      刪除
    3. 動作慢些少,走遲半步而家就變左CUT LOSS.

      刪除
    4. Me cut loss ......

      1.6 follow Wai gor.... sold at 1.55..

      Uncle 7

      刪除
    5. 我E 幾個月D TRADE 冇人個有錢搵....

      心理質素愈來愈差..
      uncle 7

      刪除
    6. 我1.65高追左衰心急@@ 好在之前有啲平貨

      刪除
  35. 偉哥呢度啲廣告都幾sensitive, 昨天用過booking.com查惠州酒店即刻有反應。

    回覆刪除
  36. 偉哥請問你點睇1148?呢排唔知搞乜。。
    謝謝你無私的分享

    回覆刪除
    回覆
    1. 近排都是橫行格局,可能是等業績。

      刪除
  37. 2789,好像笑話一樣的新春寄語,節錄第三段

    香港上市的遠大中國,雖然股價較低.........一定溶進我們的生命去工作。



    回覆刪除
  38. 偉哥,今期4隻新股,你對邊隻有興趣?我自己睇好春立正達!

    回覆刪除
    回覆
    1. 未詳細睇。

      而家D新股越來越冇心機沾手。4隻新股當中,有一隻是全舊股, 一隻招股價3至5元,上下差66%,既係大股東玩晒,開字我贏,開公你輸。

      刪除

注意:只有此網誌的成員可以留言。