置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2020年4月29日 星期三

BB生命科技(01035) 私有化短評



今天有網友問起我的BB生命科技如何處理,是否等私有化表決結果?

我簡單說說這宗私有化,在通函公佈後,確定性其實是頗高,大家可以看看通函內容披露的一則重要訊息:


而開曼注冊的公司採用協議安排方式私有化,條件和之前分析的利豐 (00494) 一樣:

1. 數人頭關, 即是親身參與投票 (持有實股)的小股東當中,贊成的人數需要多於反對人數;

2. 參與投票的獨立股東持股中,需要75%以上贊成私有化;

3. 反對私有化的股數不得高於獨立股東持股的10%。

要約人持有公司56.16%股權,即是獨立股東持股約43.84%,當中已有17.74%的機構投資者事先承諾投贊成票,故這宗私有化理論上第2及第3關應該會容易通過,剩下的最大不確定性是第1關的數人頭關,但基於目前市況,加上應該沒有太多散戶持有這股,故此似乎也不會有太多的散戶會持有實股去投票否決這宗私有化。

此股私有化估值其實也是偏低的,只是沒有聯合地產 (00056) 那麼離譜而已。大家可以看看獨立財顧提供的同業估值比較:


上圖中的Genscript 其實就是香港上市的金斯瑞 (01548),而因為金斯瑞在上年度是虧損,所以沒有列出市盈率 (PE),只列出市淨率 (PB)。而對於美國及國內上市的公司,獨立財顧應該這兩個交易所的估值普遍高於港股,所以加上一個調整系數,經調整後的同業市盈率及市淨率,就會相對接近BB生命科技的私有化估值,這做法非常新穎,我好像是第一次見到,以此合理化BB生命科技的低估值私有化。即使按調整後的估值,BB生命科技也差不多是眾多同業中估值最便宜的!

我們可以再看看BB生命科技的往績:


基本上盈利是年年遞增,加上所處行業發展空間大,而且公司應該是步入收成期,所以這估值成功私有化的話,實在是便宜了大股東。

最後不得不提的是其實在是疫情的直接受惠股,可惜市場沒有留意,也因為正進行私有化的關係,股價也難以炒作。
作為核酸診斷試劑盒原料的重要上游供應商,本集團敏銳捕捉到眾多分子診斷 公司對此類產品的需求,根據已公佈的 2019-nCoV 檢測用引物及探針、基因的序列資訊迅速調整 DNA 合成 和基因合成的生產,確保產品供應。截至 2 月 10 日,已累計生產檢測用探針、引物共約 790 萬人份,這些 診斷原料被迅速發送給國內外大小診斷試劑盒公司,組裝出 2019-nCoV 診斷試劑盒被迅速送往各地醫院和 相關檢測診斷機構。

我個人其實是希望這宗私有化被否決,長期的得益會比目前做私有化套利更高,就看看會否有機構投資者有勇氣去否決這宗私有化。


159 則留言:

  1. 剛寫了1035的簡單分析, 供仍持股的網友參考。

    回覆刪除
  2. 下午買了一注1765@2.1。

    剛快速看了看中午公佈的業績, 似乎不錯, 當然還要再仔細看看。

    回覆刪除
    回覆
    1. 2.15入跟
      呢排教育股行運

      刪除
    2. 重返上市價,加上利好消息,跟一注
      不過2.2有大賣盤頂住

      刪除
    3. 剛才2.12都有百幾萬股沽, 但被人食晒。

      刪除
  3. 6826公佈季績前股價跌, 希望不是業績太差, 更希望回購可以恢復。

    回覆刪除
    回覆
    1. 6826 始終低位計起升幅唔細;
      短暫回一回調,對公司來講,回購成本下降,算正面影響吧?

      刪除
    2. 當然, 最重要是恢復回購, 恢復市場信心。

      刪除
    3. https://www1.hkexnews.hk/listedco/listconews/sehk/2020/0429/2020042903300_c.pdf

      6826 出左 Q1 成績表,請慢用。

      刪除
    4. 比預期更差..唯有寄望回購

      刪除
    5. 轉盈為虧, 但冇發盈警, 比較奇怪。

      唯有寄望下周重啟回購。

      刪除
    6. 除左4月業績有好轉外, 首季業績真係麻麻...
      星期一最高回購價應該係39.55, 如果無回購盤就要考慮止賺。
      多謝偉哥推介, 俾小弟係跌市入面賺到錢。

      刪除
    7. 不得不講,大陸市場雖然唔係100%健全
      但真係某啲位係做得好過港交所多多聲

      大陸有明文規定,比如上交所,假如盈利變動正負50%,一定要出announcement ;偏偏香港無呢條rule,就算出盈喜盈警都可以係語言偽術。

      另外睇返佢Q1雖然係盈轉虧,但佢早前已經拎左4745萬補貼,除開一季千一萬;Q1條紅色數,可以夠冚有突喎。

      刪除
  4. 請教偉哥同大家,仍傾向大市會再度大幅向下的預期嗎? 感覺疫情的影響已大致反映,全球步向回復經濟,似乎上次大跌已是底部

    回覆刪除
    回覆
    1. 疫情已過高峰, 但股市似乎未完全反映將面對的經濟衰退。

      刪除
    2. 央行印钱put还怕什么?

      刪除
    3. 我總是問自己簡單的問題:
      1. 如果一家公司的利潤下降一半,其股價需要下跌50%嗎?
      2. 如果一個公司的利潤下降到零,其股價需要下跌100%嗎?
      3. 如果一家公司遭受虧損,其股價也需要下跌到零甚至負數嗎?
      4. 如果一家公司的利潤增長一倍,其股價也需要上漲一倍嗎?

      我確實不知道正確的答案。

      刪除
  5. 可能大家都未知會有幾大程度嘅衰退 等重啟先算

    回覆刪除
  6. 以我公司的非必要,快銷品計算,歐美需求面大概跌4成, 而家供應面的影響反而睇唔清, 因為有些大供應商直情係關點, 以往有四五個供貨來源地, 而家係整個國家的供貨點撤銷, 得番兩,三個國家運作....但各廠家關掉的地點不一, 不像跟疫情直接掛勾, 又或者我們見到的數字是國家級別, 可能當地十分嚴重。

    可以想像東南亞又要面臨另一次強美元的收割活動....

    回覆刪除
    回覆
    1. 而家主要的生產國, 好似得返中國, 東南亞好多國家仲係封城、停工當中。

      刪除
    2. 覆工後趕訂單航運需求必定大增,由於各路運輸仲未全面覆航,應該利好供應面,航運板塊應該可以追落後,尤其空運

      刪除
    3. 希望真係有咁多單可以趕啦

      刪除
  7. 希望係度可以睇到多啲呢類型留言

    回覆刪除
  8. 沛嘉醫療,下月中來料

    我經紀已經開始問定,要收集定孖展額數
    睇來又係hit爆機,唔預先留額留飛又係好快揸爆。

    回覆刪除
  9. 144今早的通告幾tricky:

    1. 冇正面否認私有化;
    2. 只是基於144的董事會所知的情況, 冇問母公司是否有其事。

    可以比較下272當時的通告:

    https://www1.hkexnews.hk/listedco/listconews/sehk/2018/0131/ltn20180131234_c.pdf

    回覆刪除
    回覆
    1. 剛剛9.99買入一注144,以搏將來會重提私有化的事宜。

      刪除
    2. https://di.hkex.com.hk/di/NSForm2.aspx?fn=CS20200423E00089&sa2=an&sid=241&corpn=%e6%8b%9b%e5%95%86%e5%b1%80%e6%b8%af%e5%8f%a3%e6%8e%a7%e8%82%a1%e6%9c%89%e9%99%90%e5%85%ac%e5%8f%b8&sd=29%2f04%2f2019&ed=29%2f04%2f2020&cid=0&sa1=cl&scsd=29%2f04%2f2019&sced=29%2f04%2f2020&sc=144&src=MAIN&lang=ZH&

      大股東在4月20日以均價 9.0713 增持 5,794,000股144,請問會否對將來私有化起了正面的影響? 感謝有心人回覆!

      刪除
    3. 會唔會下星期一又突然轉口風話剛收到母企正式考慮對其私有化咁古惑。心淡無買返,但最黑仔往往就係咁情況出現。

      刪除
    4. 只知 ...

      - 母公司無任何關於 144 私有化的澄清通告 https://xueqiu.com/S/SZ001872

      - 瑞銀潑冷水,不過自己有少少貨,10 蚊樓上,照坐。

      15:07:03

      【瑞银:维持招商局港口(00144.HK)“买入”评级 目标价14.3港元】智通财经APP获悉,瑞银发布报告称,招商局集团目前对招商局港口进行私有化的机会非常低,虽然招商局港口目前估值低廉。

      瑞银尝试从不同情境的假设,了解招商局港口(00144.HK)潜在获私有化的方法及可能性。第一个情境假设是招商局集团主导私有化,假设招商局集团收购香港上市的招商局港口的所有资产,资产包括深圳西部码头、上港集团等,预计收购会对在A股上市招商港口(招商港口也持有香港上市的招商局港口40.91%股权)带来同业竞争,若私有化同时包括在A股上市招商港口、及香港上市的招商局港口,相信会令招商局集团失去相关业务的上市平台,未来或难以扩展及收购海外港口。

      第二个情境假设是A股上市的招商港口对香港上市的招商局港口进行私有化,由于招商港口目前估值相当2019年账面值0.7倍,相信难以通过股本融资向招商局港口以进行私有化,因内地政府要求私有化交易作价需达账面值最少1倍。瑞银维持对香港上市的招商局港口“买入”评级及目标价14.3港元。

      刪除
    5. 瑞銀的理由好牽強, 第2點亦唔成立。

      央企要私有化, 為何要用股本集資? 央企開到聲, 大把銀行借錢, 想當年中遠也是用貸款去鯨吞316。

      其次,"内地政府要求私有化交易作价需达账面值最少1倍" 呢句肯定錯, 如果係就好啦。

      刪除
    6. 我都係懷疑會私有化,所以之前問偉哥,呢種大股東在20號場內買股,是否可以立馬提私有化要約。我覺得如果沒有靜默期,大股東有內幕交易之嫌,在大陸A股應該會被中證監查詢。

      刪除
    7. 『其次,"内地政府要求私有化交易作价需达账面值最少1倍" 呢句肯定錯, 如果係就好啦。』
      其實唔係好明國企賣資產不低於1倍NAV到底係幾時先適用?
      上次1133私有化都係出0.4倍

      刪除
    8. "内地政府要求私有化交易作价需达账面值最少1倍" 呢句肯定錯, 应该是曲解了政策的原意,应该是相反,为避免利益输送和贪污,国企卖资产、上市、国企参股公司被私有化,作价不能低于1倍NAV,防止国有资产流失,包括国企的股权激励计划也有这样的要求。

      刪除
  10. 剛才睇到一篇文章, 講TSLA的期權:

    根据此前薪酬方案显示,当特斯拉6个月的平均市值达到1000亿美元时,将会触发马斯克12份期权中的第一笔,授予马斯克以每股350.02美元的价格购买特斯拉169万份股票,按照周二股价换算,如果马斯克直接套现,将获益超7亿美元。
    https://finance.sina.com.cn/stock/relnews/us/2020-04-29/doc-iircuyvi0488999.shtml


    呢個市值的條款似乎比用ROE或業績增長作為績效指標更加理想, 哈哈。

    回覆刪除
    回覆
    1. 係呀,對股東、員工,個個都好

      刪除
    2. 講真, 只是目標市值的7%, 唔算非常離譜。

      如果517的認股權條款改為半年平均市值達到70億元, 如果做到的話, 送幾億比管理層當獎金, 我相信小股東都會非常樂意。

      刪除
    3. 但這些條款對公司價值其實沒有什麼正影響, 像炒高股價配股同理, 當然, 以6個月平均價計算,如果正常情況下, 管理層也很難把股價保持6個月不合理地高.

      刪除
    4. 講估值, 不講價值, 好似以前利豐咁, 經常拋個3年計劃出來, 次次都將個餅劃到好大, 然後又有好多資金湧入去, 那管估值其實好貴。

      刪除
  11. 今日全靠581同1212保住個倉

    回覆刪除
    回覆
    1. 見到1212係咁升, 我有D擔心2136...

      刪除
    2. 細劉聲東擊西,引d人去1212然後私有化2136😁

      刪除
    3. 利申,我都有2136,月經每月都有,好準時,唔好太開心 XDD

      刪除
    4. 要吹奏下,佢先至識升😆

      刪除
    5. 無閒, 你確定佢經期準時? 我覺得好似唔係好準, 有時幾個月先來一次。

      刪除
    6. 2136 係季經, 不是月經

      刪除
    7. 停经is good news.. 停经=停牌=sy化

      刪除
    8. 停經好似唔等同停牌喎.....

      刪除
    9. 真係希望細劉靚價私有化2136, 但更加要學偉哥分散投資, 努力尋找下一個機會。

      刪除
  12. 581睇2.7可以嗎??💪💪

    回覆刪除
    回覆
    1. 没什么不可以
      270都得😄

      刪除
    2. 全世界得番大陸生產鋼,所以要爆咁💪💪

      刪除
  13. 補返之前37.85沽的6826@36.55, 希望下星期有好結果。

    回覆刪除
  14. 今年終於差不多收復失地了, 希望下個月可以取得正回報。

    回覆刪除
    回覆
    1. 恭喜偉哥

      反觀我自己仍然要幫忙補老人家堆匯豐救倉...
      剛剛成功追回微利,蟹貨匯豐平手甩走兩手咁大把,資金鬆綁聊勝於無...

      唯有寄望借下月IPO,幾隻大熱
      希望能夠好好把握

      刪除
    2. 恭喜偉哥,經過左呢個月,今年我都錄得差不多1成既正回報,當然,對比咁多位,我既本少得很,而且呢兩個月都比較小心翼翼,硬係覺得無咁順利
      希望大家都賺多d

      刪除
    3. 單計今年。我現在回報只有1%。主要原因係之前蝕太多。回歸正數後只有1%

      刪除
    4. 我現在回報只有1%。 << 偉哥岩岩講緊收復失地,你係度串咀咁 XDDD

      刪除
    5. 我現在現金仲係66%.存倉只有3分之1
      你見到都就快25000啦.我之後回報都一定唔會高得去邊
      加上收息,最多2%總回報.如果日後唔跌
      我基本2020就一定會跑輸比全部人
      LUL

      刪除
    6. 實掂啦,黎緊又3隻熱門IPO,偉哥又扔1,2千個去抽爆佢,隻隻執幾十個己經賺突。

      刪除
    7. 1. 想串人之前先去研究下3隻所謂的熱門IPO係唔係都可以ALL IN;
      2. 如果有必賺的錢, 你有本錢的話去唔去賺?

      講真, 我都唔知什麼時候得罪人。睇返早期的留言, 大部份都係認真的討論....而家呢, 基本上留言係句句有骨, 一係就冷嘲熱諷, 其實介唔介意講下為何現在180度轉變?

      刪除
    8. 偉哥,我都實在係睇你唔過眼啦🤣見親你都贏得多多,而我哋想贏都贏唔到,當然係羨慕妒忌愛恨啦😂1525.382.6826.9926.1846.仲有好多好多......不過,我都係要講句,真心謝謝你!

      刪除
    9. 呢排小上黎,無睇對話,都係望下標題就走

      太多人廢UP,無謂動氣,

      話時話

      黎緊果三隻IPO有二隻估值應該好貴, 如果ALL IN 真係似PK死FEEL



      刪除
    10. 偉哥不必動氣,小弟一向拜服偉哥選股策略,近來也有跟2136,1035,934,382等,成績不錯

      IPO方面想問問偉哥,自2019 Q4起一眾焦點醫藥股 1501/2500/9966/3759/9969/9926等,當中不少偉哥也有大手認購/大手喑盤,如無記錯,偉哥大部份上市後頭幾日就沽清,雖然都食唔少,但係之後升幅更巨,反映市場對呢啲板塊十分認同。我明白偉哥對IPO尤其未有盈利的B股可能有較高介心,但上述咁多隻都大受市場青睞,會唔會令偉哥對例如黎緊沛嘉給予更高估值?IPO認購後會揸耐啲呢/唔全清呢?

      定係偉哥始終不太認同市場給予呢啲股的高估值呢?

      刪除
    11. 有時男人講嘅嘢就唔係咁認真嘅,似係講下笑啫,女人角度,我講我,偉哥又唔多覺你講嗰d

      刪除
    12. 作者已經移除這則留言。

      刪除
    13. 要長持一隻IPO,真係要睇自己有幾多認識,我第一隻生化B股1672輸死我,後尾我認真看看,再問多D國內同胞

      1501 醫療機械係A股拆出黎,果時配售傳熱爆,管理層講明個業績呢幾年係大大GROWTH,比埋數你返去計 ,炒到30-32元 估值應該真係好高,咁有大戶再入,睇你賭唔賭

      2500同沛嘉+微創係做同一樣野,而外國係滲透唔到中國個市場,而高瓴玩法係大包圍,佢隻隻都入股,所以邊隻成功,邊隻失敗佢都唔CARE。

      9966同9926 係做同一樣野,9926一開升五成,點解唔食? 估值180億,當然有人心頭高想食多D,睇自己賭唔賭。

      9969你當係同百濟神洲咁睇,而再睇遠D就美國果隻再生元,
      9969 SELLING PT 係施一公,你當佢係中國一個有名生化學家,百濟和再生元都係外國人科學家,

      9969 4年講明做9 隻新藥,其實好誇張下,1177和中國市值最大果間恆瑞4400億市值都係呢D貨仔,加上當時個個抽飛,我有朋友大戶抽二億情願比罰息都唔想抽,果排美熔斷到好得人驚,暗盤升10%,AO升4% 其實巳好有交待,當然佢連升七日,我有D朋友個個揸幾日先沽,都係睇你賭唔賭,我有朋友長持,佢話9969係中國版再生元

      有時隻股好,但外來因素太差,同埋你見偉哥隻382 跌到3.5元,其實買佢,現在都5元二角,都唔算差回報,始終生科B股不確定性大,

      9969 好多分析員都覺得佢賽道唔夠濶,但奈何大陸大戶尻炒,自己唔係大戶,唯有買返自己熟的東西

      3759 一開都唔係升好多,如果你等佢,LOCK左D錢,不如抽其它股,偉哥IPO玩法傾向即食


      補充多小小 4年9隻新藥,不確定性好大的,佢話,無人包生仔,中國人最叻係乜? 如果佢做到9隻藥,咁1177,同恆瑞真係要自我檢討,

      刪除
    14. 偉哥會唔會太敏感?
      如果係講benyip果句,再睇埋佢之前留這紀錄,又真心睇唔出佢係冷嘲熱諷
      (當然可能有其他我睇唔到既留言出現過)

      刪除
    15. 佢講野串過馬撚

      我係偉哥晨早小爆佢

      刪除
    16. 最衰都係你lo 笑我O_O
      搞到比人有位入

      刪除
    17. 正如csysimon所說, 生科B其實不確定非常大, 間間都係研發新藥中, 好彩的就2、3年後成功研發新藥推出市場, 唔好彩的可能幾年都冇一隻藥出來, 所以好多醫藥基金的策略是大包圍, 先篩選一些研發能力較好的出來, 然後每隻都下注, 博10隻入面有2、3隻跑出來, 回報已經可觀。但作為散戶, 我們沒有能力去判斷那些生科可以成功跑出來, 又或者那隻藥可以大賺, 所以我只係賺IPO初段最易賺的錢, 之後的就留返比膽更大或者對行業有更深認識的投資者。

      至於好似1501咁, 有晒盈利的, 其實當時已講左係對標1789、1858的估值, 所以當1501升近30元, 其實估值已追上1789、1858, 故當時止賺並沒有錯。如果當時仍看好國產替代及行業估值可以提升, 那追入1789、1858會是更佳的選擇, 而不是繼續持有往績短的1501。

      我投資理念係買自己睇得明的公司, 所以生科股只是我跟風炒作的選擇, 我自己唔識分析這類公司, 所以冇信心長期持有,而382又或者2168這些我睇得明的業務、公司, 我從IPO後都一直在買買賣賣, 沒有離開。

      刪除
    18. csysimon 感謝你分析 !!

      刪除
    19. 大家真係一團和氣,和氣先會生財。

      我係好欣賞偉哥當年有理念想建構香港雪球,集大家大成,各行各業都有師兄聚頭,唔同範疇又有專精,慢慢聚埋一齊,有請益討論去維持健康生態。

      曾經發生過唔愉快事件,有份經歷過偉哥封筆日子,真係好可惜;

      難得偉哥出山,任個人都好,希望大家真係要一齊努力維持健康討論心態,我真心唔想再有同類事件又攪到偉哥心淡封筆。

      和氣就生財,個市旺,有錢咪家齊齊執;
      市唔就,咪大家齊齊守;如果心地唔好要單單打打的話,一啲都唔可取。

      刪除
    20. 其實好早對某啲人語調覺得不怎順眼,只不過年紀大時常執筆忘字費時駁斥也見偉哥能忍受到就算了吧😜賺少少扮代表,兜偉哥底就大大聲此等小人就如井底之蛙不知網絡中高手難測,偉哥用95抽新股就嘩聲叫真不知天高地厚😁😁我都係用返自己常用字(偉哥我愛你)費時浪費腦汁😉😉

      刪除
    21. 偉哥,不用上心~
      其實對方只係葡萄偉哥既財力同實力~
      正面睇有機多人有能力可以咁樣俾人"串”

      刪除
    22. 算啦,正所謂講者無心,聽者有意,疫情開始完結之時,生物及藥股要抖抖,死咗咁多人,是時候生返D人出來,1951留一留意,現在低水,街上多咗雙雙對對,人類滅亡後開始啤工

      刪除
  15. 幾隻大熱, 我又留意下,希望能夠好好把握

    回覆刪除
  16. 今日微信女出動,隻1433 有人一個lunch 無左架車錢XD 原來富途咁多人中伏,今日好多半新股都回吐,依D股見好就收啦

    回覆刪除
  17. 財險 (02328.HK) 首季多賺22%至63.56億人幣
    https://www.aastocks.com/share/news/aafn/NOW.1011926/?lang=Chi
    中國財險(02328.HK)公布,截至3月底止首季錄純利63.56億元人民幣(下同),按年升22%。綜合成本率錄97.1%。

    期內原保險保費收入1,276.43億元,按年升1.7%;營業收入錄994.61億元,按年升8%。

    回覆刪除
    回覆
    1. 業績唔差, 希望股價可以重上8元。

      刪除
    2. 均價7.9左右 希望佢keep到除淨俾我收息有得執d就足夠

      刪除
  18. 偉哥我愛你😘上午沽出一半1525食糊😁久違了組合有接近3%升幅多得三隻倉底低位貨反彈581、1105及2136🤣🤣

    回覆刪除
    回覆
    1. 恭喜晒, 睇你密密執, 雖然每次可能係3、4番, 但加加埋埋應該都執唔少。

      刪除
  19. 1765又有新收購, 今次用1.4億美元收購馬來西亞的高教,收購的估值高達30倍PE。

    https://www1.hkexnews.hk/listedco/listconews/sehk/2020/0429/2020042902373_c.pdf

    回覆刪除
  20. 有收購就有得炒好彩跟咗少少

    回覆刪除
  21. 1035好似以前1768
    一樣係世界上數一數二佔有率
    但係1768加左兩次價。出手滿分
    1035就完全唔願意加
    事實上1035長期無人炒。我以前都玩過
    佢係我放左之後。竟然唔升的一隻神奇股
    我燈都燈唔升。今年竟然私有化LUL
    真想可以否決佢。因為佢絕對唔只e個價
    可惜今日已經3.4顯示市場已經十拿九穩。。。唉

    回覆刪除
    回覆
    1. 哈哈, 我又要用返3813及161的例子, 股價折讓細並不是代表私有化必過, 同樣股價折讓大也不代表私有化會失敗, 所以做私有化套利最好是限定注碼去參與。

      當然, 1035通過的機會肯定是遠高於失敗, 而且即使失敗也不是壞事, 可能不需一年半載股價已超越私有化作價。

      刪除
    2. 想問偉哥如持有1035沒有去投票,如私有化通過可在12/5沽出?如不沽出仍會收到錢嗎?

      刪除
    3. 不沽出也會強制回收, 遲些收到錢。

      刪除
  22. 我想查上市公司公告及通告裡面嘅財務資料,睇下所有公司嘅業績,只需要簡單數字,是賺咗還是虧錢。依家需要係港交所search,跟住每個report打開呢睇。 其實有冇網站有最update嘅data,我想做下filter,睇下有乜野公司值得留意

    回覆刪除
    回覆
    1. 雪球 xueqiu.com 對中港上市公司業績算 update 得較快的一個網。

      港股的篩選器,信報有一個,但遠遠不及內地的 (要比錢入會,而且得 A 股) 精細。你上雪球查看所有關於 "ROE" 的討論,不時會遇到一些大大推銷自己的股票篩選系統 :

      https://stock360.hkej.com/stockScreener

      HK 做得最炒家 friendly 的要數 "disclosure tracker",要比年費,但完全從方便炒賣殼炒財技炒私有化目標的角度設計,會幫你追縱成交 / CCASS 異動股,睇每間公司既通告亦比上 hkex 官網方便好多

      https://www.disclosuretracker.com/rt_alert_introduction

      刪除
    2. 可以考慮這個網站:

      https://secure.fundsupermart.com.hk/fsm/stocks/screener

      不過我見佢的數據有時會同我自己計算有些少出入。

      刪除
  23. 最大問題始終係內地對新經濟及未有盈利公司的上市門檻自深圳創業板及上海科創板皆轉用註冊制後低左,真係有質素既未來行業龍頭,見 1035 等上市後慘被冷落,未必再黎 HK 上。"第二隻騰訊" 響 A 股多的是,而且不少係內地股民日常生活接觸到的飲品、食品和日用品,但幾難再在 HK 出現。

    上市科大執位 港交所上市審批復「雙軌制」

    https://m.mingpao.com/pns/%e7%b6%93%e6%bf%9f/article/20200430/s00004/1588184880448/%e4%b8%8a%e5%b8%82%e7%a7%91%e5%a4%a7%e5%9f%b7%e4%bd%8d-%e6%b8%af%e4%ba%a4%e6%89%80%e4%b8%8a%e5%b8%82%e5%af%a9%e6%89%b9%e5%be%a9%e3%80%8c%e9%9b%99%e8%bb%8c%e5%88%b6%e3%80%8d-%e5%8a%89%e7%a9%8e%e4%bb%bb%e8%81%af%e5%b8%ad%e4%b8%bb%e7%ae%a1-%e5%89%8d%e4%bb%bb%e6%a5%8a%e9%87%91%e9%9a%86%e6%b6%89%e8%b2%aa%e6%ad%a3%e5%8f%97%e6%9f%a5

    回覆刪除
    回覆
    1. 言猶在耳,農夫山泉就上載了初步招股書。

      刪除
    2. 即是將上市前三年的淨利潤盡派。

      https://xueqiu.com/5124430882/148338659

      【农夫山泉上市前的三个财年派息超100亿】招股书显示,农夫山泉对股东十分慷慨。在上市前的三个财年,共给原有股东派息103亿元,其中2017年派息3.67亿元,2018年派息3.67亿元,而计划上市前的2019年则派息96.0亿元。

      ... 2017-2019 净利润则分别为33.86亿元、36.12亿元和49.54亿元

      刪除
    3. 第一感覺:呢位鍾生好等錢用

      万泰生物 https://xueqiu.com/S/SH603392

      https://xueqiu.com/5124430882/148337736

      【农夫山泉与刚上市新股万泰生物的董事长为同一人】4月29日早上,北京万泰生物药业股份有限公司正式在上海证券交易所挂牌上市,发行价为每股8.75元。截至昨日下午收盘,万泰生物报于每股12.60元,较发行价上涨44%,市值约为43.63亿元。

      而万泰生物的董事长,正是农夫山泉的创始人兼董事长钟睒睒,即两家企业的母公司均为养生堂;而旗下两家企业在同一天分别以不同形式向两地的资本市场发起冲击,实属罕见。

      刪除
    4. 以農夫山泉的市值及盈利能力, 基本上上市後必定是基金愛股。

      刪除
    5. 保賤人包括大家暖喜愛的中金。。。

      刪除
    6. 亦有往績彪炳的大摩。

      刪除
    7. 小弟我唔明白,是說呢兩家券商會做假數?

      刪除
    8. 你一定是新來的。中金出名破底王,有中金保薦就9O%破發,無一倖免。至於大摩好難講,唔敢肯定,多數正正常常比骨頭你吮下,做假數?係講上巿日要走貨阿老細

      刪除
    9. 最近兩隻中金及大摩聯手的IPO是2500及1797。

      刪除
    10. WoW~~兩三倍升幅,學偉哥密食當三番或是有耐性砌副靚牌食舖爆棚,等我同啲8婆富婆傾下先。

      刪除
    11. 2500應該是高盛及中金聯手? 過去2年中金及大摩聯手只有1797

      刪除
    12. 謝謝更正, 我睇錯左。

      刪除
  24. 如果中概股回歸香港上市,股價炒作都很好嘅,那可以吸引更加多嘅股票回歸香港市場。大陸科創板和創業板所謂的註冊制,不知道是否可以推行不走樣,畢竟太大的利益糾葛。

    還想問一問偉哥,最近內地高速公路開始收費,不知道對高速公路股價是否可以提昇到疫情發生前,抑或應該等交通部公佈補貼細則才可以預見未來?

    回覆刪除
    回覆
    1. 就當之前幾個月的免收費及日後可能的補貼是一次性事件, 你覺得疫情後, 國內的商業活動及個人出遊會否迅速回到疫情之前? 收費公路是否收入可以回到疫情之前?

      刪除
  25. 1089 搵到新買家,世紀華通 002602
    買家己付8000萬美元誠意金(可退款)

    https://pdf.dfcfw.com/pdf/H2_AN202004301379075602_1.pdf

    回覆刪除
    回覆
    1. 好事。市值大過創夢十幾倍,成事機會大好多。不過又要重新做過盡職,睇怕都要等多幾個月。
      而家再睇多次郁生個新玩具2003果份通告,郁生第一期付款要比6.6億,9月30日前要比33億。
      8000萬美金又咁岩同6.6億呢個數差唔多,可以預期1089會係9月底前賣盤成功?

      刪除
    2. 希望減價後可以盡快賣出

      刪除
  26. 上次突然殺上24800。一次性殺左1000張熊證
    今次長假期。熊證25000至25100極重貨
    我睇應該又會殺一波
    再倒跌再V型彈。
    我睇好後市升多跌少。我會一步步入貨至30%現金比率

    回覆刪除
    回覆
    1. 我利害不利害
      你們自己看道指。我不言而喻了
      燈光1000%

      刪除
  27. 雪球新規定,綁定國內手機號:
    根據國家關於帳號實名制法規要求,請更換綁定國內手機號。

    回覆刪除
    回覆
    1. 是嗎? 我用電郵登記, 還沒有收到訊息。

      即是以後沒有國內手機號碼, 就再無法登入雪球?

      刪除
    2. 作者已經移除這則留言。

      刪除
    3. 我仍然可以進入雪球, 但不能發表任何東西,因為我沒有國內手機號碼。
      你可以試一試。

      刪除
    4. 嗯, 剛去試了, 真的要綁定國內手機號碼才可以發言, 即是日後沒有國內手機號碼, 只能旁觀, 不可以參與討論了。

      刪除
    5. 用手機APP, 唔好用WIFI, 可以留言。

      刪除
    6. 唔得喎,重覆試咗好多次都唔得

      刪除
  28. 佢講既紅籌是否包括教育股、手遊股個種 VIE 結構?如果包埋內地就更明顯想挖走港交所和美股所有當炒的板塊。

    https://www.zhitongcaijing.com/content/detail/297922.html

    智通财经APP获悉,周四,经国务院批准,中国证监会公布《关于创新试点红筹企业在境内上市相关安排的公告》,自公布之日起施行。

    其中,已境外上市红筹企业的市值要求调整为符合下列标准之一:(一)市值不低于2000亿元人民币;(二)市值200亿元人民币以上,且拥有自主研发、国际领先技术,科技创新能力较强,同行业竞争中处于相对优势地位。

    回覆刪除
  29. 偉哥 不好意思 之前你答了公開集資金額不超過一千萬就不分A B組 請問在哪裏可以看到這個資訊,我看了上市規則只提了用5百萬分 AB. Thx

    回覆刪除
    回覆
    1. 這是邏輯問題。

      當公開集資額800萬元, 分AB組各一半的話, 那B組最多可以分配到多少錢及投資者最多可以認購多少?

      又以9926為例, 公開發售1.59億股, B組最多可以認購幾多股?

      你只要細心諗下就知原因。

      刪除
  30. 沛嘉係咪如無意外就會B組

    回覆刪除
    回覆
    1. 如果是傳聞的集資3億美元, 那應該會B組。

      刪除
    2. 唉,臨門加價...

      有傳沛嘉醫療IPO上市的集資額高達6億美元(約46.8億港元)

      刪除
    3. 抵制唔抽,使嘆氣,呢個氣候仲掠人水就冇人性,記住錢財帶不走

      刪除
  31. 偉哥,農夫山泉你會入飛嗎?

    回覆刪除
    回覆
    1. 而家先入紙申請, 最快都要3個月後先上市, 什麼估值也不清楚, 到時乜市況亦唔知, 邊可能現在做到決定。

      刪除
    2. 大哥可以講來聽聽,為何你那麼重視農夫山泉?收到乜風

      刪除
    3. 一句講晒, 年盈利達到50億的消費類新股, 基金必買。

      當然, 基金必買唔等同散戶都一定要買, 所以還是看估值是否合理再作決定。

      刪除
  32. 多謝偉哥!我都係睇到偉哥話基金愛股,所以我請教一下!多謝!

    回覆刪除
  33. 回覆
    1. 唉!咁跌法咪即係個市場唔buy佢捽中國囉,推疫情責任累佢輸連任,又加關税當懲罰,9唔搭8,佢今次連任輸硬都得!邊個同我輸賭?

      刪除
    2. Come on ! Who want a bet ?

      刪除
    3. 侵侵被美人將軍,已瘋了將箭頭週圍射,望減少自己的壓力,金仔施施然才出場,中國會賠有加關稅嗎?世界紛亂隨時擦槍走火,香港一波未停,黑暴又起點會肯停呢?港人人自求多福,世界末日不想有生之年看到。

      刪除
    4. 你估計週一港股將會怎樣?

      特朗普想不還中國1萬億美債,馬斯克“做空”自家股票!
      https://xueqiu.com/7855829967/148493644

      刪除
    5. 港人最好為未來極其艱難的日子做好準備!

      靠一件商品坑了中國數万億之後,這個國家又來要求索賠、割地了!印度要的不少啊(20萬億人民幣)!
      https://xueqiu.com/4396581118/148497098

      陵墟l
      哈哈,關鍵是洋大人還在中國作威作福,你說該怎麼辦!?

      琪和瀟的爸爸
      幸好先輩們留下了以理服人的利器-核彈!

      君子好球113
      事情到了這一步,還能說什麼,賠償是不可能的,戰爭又是不可能的,看來到最後還是百姓苦。

      楊瑞
      還是那句話,已經成熟了的大象,想躲在貓後面“韜光養晦“是不可能的!今天的中國不懼怕任何國家挑釁和欺凌!犯我中華者,雖遠必誅!

      刪除
  34. 搞笑, 話自己公司股價過高。

    https://twitter.com/elonmusk/status/1256239815256797184

    回覆刪除
    回覆
    1. 咁樣操控股價都得, 得罪晒D 股東

      刪除
    2. 哈哈,唔係第一次了。CNBC統計過,每次佢講完後股價後續表現不一:
      https://twitter.com/YunLi626/status/1256293259288227840

      刪除
  35. 偉哥,用雪球app唔用wifi用數據都留唔到言,可能真係要實名有大陸電話卡

    回覆刪除

注意:只有此網誌的成員可以留言。