置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年12月17日 星期一

奧思集團(01161) 令人失望的全年業績


奧思的全年業績令滿懷希望的小股東失望,縱使今年度的盈利已創了2002年上市以來的新高。

上半年盈利6000萬元,而下半年盈利只有約3500萬元,比上半年減少約2500萬元,相信主要原因有二:

1. 下半年收入比上半年收入減少接近2500萬元,而其營運開支其實比較穩定,而且毛利率高達90%,故此收入一減少會對盈利有比較顯著影響;

2. 下半年的其它開支比上半年增加約1300萬元,有可能是下半年廣告開支增加及在6月進行要約回購股份所涉及的專業開支所致。

現價市盈率約9.4倍、股息率約6.5%,惟今年因為在6月份進行股份要約回購關係,所以上半年派息大減,而下半年就恢復正常。自己估計明年的整體派息比率最少會恢復到90%或以上,如果明年業績維持不變的話,股息率會提升至接近10%。

周末趁放假在家,做了一個簡單的半年度業績分析,大家可以參考一下:


從上圖可以看到近年業績整體都是向上,而預收款項 (美容套票) 也是每年遞增,由2014年的3.29億元遞增至今年度的5.16億元,但同業不論是必瘦站 (01830)、香港醫思醫療 (02138)、甚至正在申請上市的英格蜜兒,都沒有出現這種情況,惟獨是奧思有這怪異的情況。而且和另外三間同業不同的是,奧思從來沒有公佈每年有多少的過期套票確認為收入。

根據年報所述:
出售禮券及飲品禮券所得款項乃列作負債。該等所得款項乃於兌現禮券以換領產品時或於禮券到期日時確認 為收入。 
提供服務所得收入乃於提供服務時予以確認。預付組合所收取之費用乃列作負債,並按所提用之服務作有系 統確認。於預付組合到期時,相關之預收款項會悉數確認為收入。
即是說預付的美容套票如果在到期未使用時,相關之預收款項會確認為收入,只是我們從來沒有見過奧思在年報中披露過相關的款項數目,而預收款項及淨現金水平就年年遞升,實在令我們懷疑奧思的美容套票是否沒有期限的,又或者當套票到期時會自動延期?

如果有網友是奧思的客戶的話,希望可以分享一下實際的情況,因為根據我們親自去試做服務所接收到的資訊是套票有一年期限,而到期前職員會提醒客戶使用套票,但並沒有確實說明會否或如何延續套票期限。

最後參考一下過去三年的股價走勢圖:


不知是否巧合,從2015年開始,每年都是在6月份股價見全年高位。

227 則留言:

  1. 伟哥抽唔抽03978 卓越教育?我自己小注博下。

    同业K12校外培训机构(补习社),龙头几隻系新东方,好未来同埋精锐教育,3隻都响美国上市,PE trade 紧32-67倍之间。毛利率同纯利率都好过卓越教育,但我相信唔可以同普通K12股去比较。招股价下限应该机会好大,对应历史PE 为23.47倍

    回覆刪除
    回覆
    1. 教育股政策風險太高, 沒有興趣。

      補習社現在好像也是政策打擊的目標之一。

      刪除
  2. 回覆
    1. 市道唔好.抽新股九死一生.上市即跌破没期望.即時計數止蝕。

      刪除
  3. 令人失望, 恆指不跟隨道指下跌!

    回覆刪除
    回覆
    1. 中国前景无限,年底恒指升50%

      刪除
    2. 的確令人失望, 但亦是預期當中, 本週應該波幅收窄

      刪除
    3. 是誰掃了1098? 同時掃了兩手,6K @ $ 13.86和26K @ $ 13.88。
      阻礙別人低位買貨, 罪大惡極!

      刪除
    4. 掃路勁的衰人可能是"耀才證券"?

      刪除
    5. 想問下點解睇好路勁呢?

      刪除
    6. 路勁的董事作風積極和正派!

      刪除
    7. 今天1098的上升肯定與我的唱工無關!

      刪除
  4. 回覆
    1. 我也加了。我很好息

      刪除
    2. 同價跟。俾牛牛分我三次成交收左三次平台費,可惡~

      刪除
    3. CRAZY! 1.01與偉哥同在!

      刪除
    4. 1.0 already in 與偉哥同在!

      刪除
    5. 我頂!我第2注未入到就上??? 真的crazy,有成7利都跌成這

      刪除
    6. 這個世界真的本多終勝,有錢幾時都有機會

      刪除
    7. 大口,现价有10利了

      刪除
    8. 還有1注低於1元恭迎

      刪除
    9. 等FC9出來,她應會說人多的地方不要去

      刪除
    10. 開始有人知價了~剛才低價沽的呆呆的

      刪除
    11. Hello,加入同船,個價吾好意思講呀…

      刪除
    12. Terry 兄隻新股走左未?

      刪除
    13. 邊隻。。。五谷走左蝕左,嗚。。佳兆業未走,華康未,永升未。

      刪除
    14. 偉哥,增持後三哥有否升位?

      刪除
    15. 未,我暗入1.72。雖然保母海通一分鐘就走左,但見又唔跌得多,望學1755咁升返兩成

      刪除
    16. 1161隻死嘢跌返落去我唔好意思個價位度

      刪除
    17. 1161今朝炒下波幅。。。有早知就,哈哈~1.01都合理價既,今日只係早排炒高左跌返啫,上返1.1無難度。

      刪除
    18. Terry哥,我第2注在95

      刪除
  5. 近排鐡塔如其名穩步向上,此塔可以有幾高呢?!

    回覆刪除
  6. 大市開始頂唔住,
    要向下了.

    回覆刪除
    回覆
    1. 700今天會下試$300位,
      外圍市咁弱穿的機會大,
      下一個較大支持在$290~2.

      刪除
    2. 1044,

      大市唔就,
      出到回購,
      快頂唔住先幾日低位.

      刪除
    3. 華為5G發展世界領先,
      美國佬及西方為何要卡死你,
      主要是如5G技術應用到中國軍事上,
      西方就敗家伙,
      佢唔係驚你華為電話有后門,
      這只是一個借口.

      刪除
    4. 1044,

      無晒勢,
      下較大支持在$50.

      刪除
  7. 我隻吉車沒放又見財化水

    回覆刪除
  8. 1161 1.26重注買了重傷,請問偉哥覺得1161可以反彈回什麼位置。。現在市道差,現價是否反映下年業績會倒退

    回覆刪除
    回覆
    1. unknown這戶名, 大跌股例必高位買了重注, 盡顯傷痛, 和失憶老伯可謂各有千秋.

      刪除
    2. 下年上半年業績應該難好,佢用家是高端客,現時經濟不景氣,好難好。 加上2018年上半年基數高,下年首半年要增長都困難

      刪除
    3. unknown業績前走了俾人串
      unknown高位買了又俾人串
      結論 你們不要理會unknown任何留言啦

      p.s. 點樣可以unknown留言架 我每次留言都一定要登入嘅(ಥ_ಥ)妈蛋

      刪除
    4. fc9我都正想咁講,高位放左同冇放後果都係一樣,總之唱淡就會俾人寸

      刪除
    5. FC9 , unknown 其實就係佢個account名, HAHA

      刪除
    6. 其實點樣可以用其它名,我用google mail 個身份但他發表出來是unknown

      刪除
    7. https://www.blogger.com/edit-profile.g
      試下係profile改名

      刪除
    8. 希望現價有大約10-15%的反彈。

      刪除
  9. 汽車股被大行大肆唱淡.明年無運行.但隻隻跌了很多很低.不是盈虧祗是赚少左.也應有價值投機呢.偉哥很少提汽車股.也想知偉哥對汽車股的策略。

    回覆刪除
    回覆
    1. 我也想請教。
      偉哥都係得京西一間車股?

      刪除
    2. 京西正確來說不是車股, 只是提供零件的公司。

      我對汽車股沒有研究, 亦感覺唔到汽車銷售明年會復甦。

      刪除
    3. 如果819是的話, 咁1651及2722都係。

      刪除
    4. 參考 AASTOCK, ETNET & IMONEY 18

      819 都歸類為汽車及零部相關板塊, 相關同業如 175 1114 2333做比較

      所以先覺得奇怪.

      刪除
  10. 唔知偉哥家的噪音搞掂未?

    回覆刪除
  11. 回覆
    1. 這隻有什麼隠憂嗎?
      表面看來很便宜啊

      刪除
    2. 周期股很多時候都是買在沒有盈利時, 沽在低PE時。

      沒有盈利, 即時代表周期處於低潮; PE很低, 即是盈利處於頂部, 所以周期股玩法是買在行業低潮時, 沽在行業景氣頂部。

      現在鋼鐵價格已開始回落, 明年的業績會有所反映, 所以以往績來計算, 現在很便宜, 但用明年的盈利預期來計算, 現在估值可能很昂貴。

      最近1個多月, 股價已跌去1/3, 絕對是大戶沽貨所致, 不可能是散戶沽落來。我如果買回581的話, 也會是做pair trade, 沽空另一隻質素較差的鋼鐵股對沖行業風險。

      刪除
    3. 偉哥,睇完你所講嘅周期股想請教2338是否也一樣呢?

      刪除
    4. 2338我冇留意, 你可以參考下這篇文章:
      https://www.zhitongcaijing.com/content/detail/103470.html

      刪除
    5. 189 都係一隻週期股嘅好例子,PE 最低反而係見頂,你懂得規律其實週期股都幾好炒

      刪除
    6. 2338應該也算是周期股。

      刪除
    7. 這篇文章無記錯當時應該睇過,上年買入後搜集資料時看到的。後期也因為再睇咗其他大行報告話佢嘅周期已過而沽清獲利。近期見佢又試回落到低位再次持有了。

      刪除
  12. 回覆
    1. 沒有,今早只是補回今日跌去的比重。

      刪除
  13. 今日北上,留言晚上才覆。

    回覆刪除
  14. 回覆
    1. 真的, 不過1161壞消息都出盡玩在PE 只有8,比1830低很多

      刪除
    2. 我覺得理應可以彈回至起碼10倍PE左右,但可能要等到聖誕後,現在大市成交太少

      刪除
    3. 之前有半年業績參考都上不了10,還有機會嗎

      刪除
  15. 子龍:

    大戶兄:如老美停止加息;貿易戰現大和解;大英順利脫歐;阿爺暫停去槓桿。 嘩....不得了....

    回覆刪除
    回覆
    1. 老美不加息可能跌得重金,即係經濟有問題

      刪除
  16. 偉哥,1651今日旱有大成交🙌

    回覆刪除
  17. 其實私有化講左唔加價可唔可以反口? 54出呢口價真係侮辱股東...

    回覆刪除
    回覆
    1. 唔可以反口, 事實上好多54的小股東都好"欣慰" 胡生出個"好價" 比佢地離場, 完全唔覺得係侮辱。

      刪除
  18. 預收款不記帳入損益表代表會計手法保守,好事黎。

    回覆刪除
    回覆
    1. 但如果套票過期而不入profit,代表net profit being underestimated

      刪除
    2. 我正有此意。
      相信偉哥還有其他考慮。

      刪除
    3. 好奇問一句,點解會計手法保守係好事?

      刪除
    4. 即是隱藏了盈利。預收款項每年都在遞增, 按這趨勢, 2019/20財政年度的預收款項甚大機會上望6億元。

      刪除
    5. 但係依種無上限遞增的預收款項,會唔會話到咩時間一定要去披露?

      刪除
    6. 唔清楚, 我希望佢披露一下目前高達5億幾預售套票的到期明細, 現在來睇應該唔似係1年有效期的。

      刪除
    7. 如果是無限期的是如何入賬?

      刪除
    8. 因為現在有些叫一世療程

      刪除
    9. 無限期的話, 就是要客戶使用服務才可以入帳, 不然雖然現金已在帳上, 但不會入帳為收入, 而是作為預收款項一直掛在資產負債表。

      刪除
  19. 英超4隊得曼城好籌
    其他都好惡打

    回覆刪除
    回覆
    1. 利物浦近況對拜仁有得打

      刪除
    2. 今年既拜仁...利物浦應該穩陣既

      刪除
    3. 哈哈, 今年既拜仁抽中利記, 係佢地不幸。

      刪除
    4. 仲要領隊係熟晒拜仁路既高普
      16強咁多隊最唔怕拜仁既,我覺得係利記

      刪除
    5. Manchester United have sacked Jose Mourinho

      刪除
    6. 哈哈, 真係每逢第3年被炒, 唔知下一隊執教的會否又是3年"摩"咒?

      刪除
    7. 下年施丹會否入魔呢哈哈
      對 利記應該輕鬆晉級

      刪除
  20. http://stevensir.blogspot.com/2018/12/blog-post.html?m=1
    騙子天堂

    回覆刪除
  21. 伟哥分享下北上经历
    有人说你去了曳曳

    回覆刪除
    回覆
    1. 曳曳既人唔會話自己係去曳曳

      刪除
    2. 偉哥之前講過已經心如止水,上次朱太除哂衫偉哥都唔上,何況一眾北方佳麗呢

      刪除
    3. 每次北上, 很多時候就是為了了解更多自己的持股。

      刪除
    4. 偉哥,咁你啲持股有冇畀人欺騙感情

      刪除
    5. “很多時候”
      其他时候就是为了曳曳

      刪除
    6. 我以為偉哥講緊佢去實地考察佢持有的股票的公司,原來我那麼純真呢

      刪除
  22. 今早沽清左113@3.87, 與迪生說再見。

    可能是今年組合持股中表現最好的一隻, 可惜剛公佈10億元的拓展新零售業務計劃, 實在令我擔憂這筆錢會付之一炬, 而且將其現金值遠高於市值的優點抹掉, 所以縱使不捨, 也要分手說再見。

    回覆刪除
  23. 回覆
    1. 2018唔知會否以2018新低完成2018年?

      刪除
    2. 由170 蚊插到40 無水花,年頭D專家重話見300, 其實跌到落120 蚊個陣已經成日有散戶打上電台問160 蚊接左點算,所謂‘專家’只係叫佢地耐心持有,唔知班散戶重有無咁聽話持有呢?其實作為老散,買一隻股票最重要知道買入係乜原因,切勿道聽途說,諗都諗到邊有咁好死益你地,有錢點會唔賺到盡

      刪除
    3. 一年內跌咁多.. 恐怖.. 散戶冇得走

      刪除
    4. 各位當一隻股第一和第二次炒出炒入都可以為你帶來盈利時,就要收手了。有人好似嬲到推冧D牌咁。唯有化悲憤為食量,FF下年再下年有春天

      刪除
  24. 1212唔知係咪主席又黎增持,SHK排隊中

    回覆刪除
  25. 903是否快有好消息要公佈? 一直有大戶在默默收集, 最近買得越來越急.....

    可惜0.8減持了一半, 餘下的一半成本拉高左, 現在應該差不多返家鄉。

    回覆刪除
  26. 估唔到組合因為1161而晚節不保。

    之前數月在正負區多番上落後, 接近年結還是要再跌入負區, 除非最後的7個交易日, 有特大利好消息刺激, 不然以全年計, 估計將會是繼2008年後,組合相隔10年後再次錄得負回報。

    回覆刪除
    回覆
    1. 記得上年偉哥折聖誕大禮物,今年重未完,希望得!

      刪除
    2. 可能1729或2136送份聖誕禮物比偉哥你!

      刪除
    3. 最有可能有驚喜的只有903, 可惜佔我組合比重不高, 所以即使有驚喜也是幫助不大。

      刪除
  27. 回覆
    1. 0.255出,有得食返個聖誕大餐

      刪除
    2. 我0.218 入左D,0.265 全走,執返幾千

      刪除
    3. 我頂,又沽升淚,有無咁黑仔

      刪除
    4. 我都係死左佢。。見0。31心急連招股價都未睇,就係一通禁左即買,成交價0.355!!!!!然後0.224止左@@...用返有串流既牛牛係0.23入返,先追返大部分失地..我唔死都無用@@

      刪除
    5. 我起碼都要見-80%以上既,先會諗入唔入

      刪除
    6. 我撈底要睇幾樣野,招股價係其次,主要係睇街貨量同成交量,另外要見好就收,唔好太貪,我成日同自己講夠用就算

      刪除
    7. 我覺得terry 兄要調整下自己心理,我都明克服心魔係好難,人本性係貪小便宜,但都要計算下值博率,同埋膽大心細都好緊要,好多人蝕幾格就驚到走到走唔切,一反彈就追,結果就左一巴右一巴

      刪除
    8. 如果睇到即市排盤會方便D,望住佢落果下既 pattern,會估計到佢係唔係想再隊落去

      刪除
    9. Yes,用牛牛會睇到買賣盤。但由於牛牛無晒現金,所以諗住一通算數,咁就中左招@@

      Tks學生兄哥。係呀,驚無得執呢個心理累我輸唔少,唔貪既話睇定再入贏面大好多。其實無得執慘過輸呢個真係心理盲點...

      刪除
    10. 我都貪心呀去咗富途開戶呀,送一股嘅騰訊一股嘅匯豐呀!個Apps都ok喎

      刪除
    11. 開完會出黎,又見到大家執錢。
      這些機會不是我的...

      刪除
    12. 臨尾5分鐘再沖到一轉

      刪除
    13. 8210 算幾好人,起碼敢撈底嘅人都唔會蝕,算有良心

      刪除
    14. q兄,牛牛收息一次收最少30蚊費用喎,你一股匯豐咪即係搵自己笨...

      刪除
    15. 東方財富第一下仲以為落錯盤

      刪除
    16. 講真的,港資上市的有保證有口碑有信譽,請投港資企業信心ㄧ票

      刪除
    17. Terry兄,睇下牛牛幫吾幫到手,吾係用返獅子算

      刪除
  28. 1995好似升唔起,保母仲係度沽...海通保薦無下次~

    回覆刪除
    回覆
    1. 呢輪新股上市普遍係跌仲要陰跌,我隻3668蝕走了,諗住比次機會大魔信佢係好人,點知!我吾會再比機會佢,祝佢開工大吉

      刪除
    2. 想請問偉哥,1995是咪會睇多幾日?

      刪除
    3. 我自己會中線持有, 短期內除非急升, 否則不打算沽出。

      1995及1755應該是板塊裡比較低估的兩隻。

      刪除
  29. 請問偉哥1161均價係幾多?其實揸係手等息都和味

    回覆刪除
    回覆
    1. 扣除之前已收股息, 估計大約1.0X, 現價微蝕。

      刪除
    2. 咁都ok拉,最尾一星期反彈到上去都可以有正回報

      刪除
    3. 不是指1161, 而是指組合, 昨天1161一跌, 拉低了組合1%多,令組合又由微正變負數。

      臨近年結, 市場氣氛轉差, 組合持股除了903外, 大都軟弱無力,除非最後7日大市高收或者有粉飾櫥窗活動, 不然估計組合唔容易轉返做正數。

      刪除
    4. 偉哥你有3355幫手應該得

      刪除
    5. 原來偉哥的三哥也只是佔整個倉的5%

      刪除
    6. 跌22%, 影響組合1%多些.....

      刪除
  30. 華為奪25份5G合同 規模冠全球

    華為輪值首席執行官胡厚崑在深圳總部新聞發布會上表示,已獲得逾25份第五代流動通訊(5G)商業合同,規模排名全球首位,並已出貨超過1萬個5G基站。

    胡厚崑並預計,華為今年的營收將超過1000億美元。該公司2017年營收為920億美元。

    https://www2.hkej.com/instantnews/china/article/2018179/%E8%8F%AF%E7%82%BA%E5%A5%AA25%E4%BB%BD5G%E5%90%88%E5%90%8C+%E8%A6%8F%E6%A8%A1%E5%86%A0%E5%85%A8%E7%90%83

    回覆刪除
    回覆
    1. 1729有無機會受惠於此消息?

      刪除
    2. 華為現在比唔比攪5G都成問題,已成為談判條件之一

      刪除
    3. 依加公佈左,會唔會變左更加比人針對?

      刪除
    4. 公唔公佈, 結果都係會比美國及盟友針對。

      刪除
  31. 除了華為的好消息“奪25份5G合同 規模冠全球”,另一個好消息也來了, 咁都無咁驚!

    凱滙次輪383伙即日沽清

    信置(00083)旗下觀塘凱滙第一期今日次輪發售383伙,發展商公布,全數383伙已被揀選。

    凱滙第一期首輪488伙上周即日沽清後,即晚加推280伙,折實平均呎價18488元;於上周五晚再加推103伙,實用面積452至1092方呎,全屬標準戶,折實平均呎價19688元,較上一批單位加價6.5%。

    回覆刪除
  32. 303 跌到咁.. 有冇人知咩事?

    回覆刪除
  33. 回覆
    1. 到底2018 2018到底未?XD

      刪除
    2. You took my heart away
      When my whole world was grey
      You gave me everything and a little bit more
      And when its cold at night
      And you sleep by my side
      You become the meaning of my life . . .😢

      刪除
    3. 到底2018在2018年底前到2018底未

      刪除
    4. 早前炒過了籠, 段估二十蚊有大支持!

      刪除
    5. 2018仲係2018個面未到2018個底
      Louis兄,我估高少少20.18有強大支持

      刪除
  34. 連續幾日咁買,1212細劉就黎增持到上限了

    回覆刪除
    回覆
    1. 回購都進行左幾個月 2136 1212究竟有咩搞作
      各位師兄點睇兩隻利福前景?

      刪除
    2. 為何心灰,價值總有一日會浮現,耐性同信心

      刪除
  35. 回覆
    1. 兩三日食左轉3.05-3.19,多謝偉哥!可惜食唔到上3.3呢轉

      刪除
    2. 哈哈, 我剛減持了一半598@3.32。

      等候機會再買回。

      刪除
  36. 偉哥,有無留意887主席增持股價在0.25有支持,今日突然畀人沽低。

    回覆刪除
    回覆
    1. 奢侈股短期不用看了, 明年無法維持到業績。

      刪除
  37. 8078真的看到一仙, 應該不會在以後合併股票吧!?

    回覆刪除

注意:只有此網誌的成員可以留言。