置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年2月9日 星期一

健康運動前哨戰 - 康宏金融(01019)供股


康宏金融(01019)於過去一年已在資本市場集資超過9.4億元,但上周五收市後再宣佈以狠毒的供股方式集資5億:

1. 每持有一股供三股,供股價0.25元;

2. 供股不設供股權買賣,即是小股東只可以選擇供股或不供股;不供股的話目前持股權益將被大幅攤薄;

3. 不供股的小股東,將一概由包銷商包銷其供股股份,其餘小股東不得申請額外供股。

公司及其管理層以往經常營造關懷社會、參與慈善活動的形象,這次供股可以讓小股東、投資者以至社會人士認識其如何剝削公司小股東,赤裸裸撕開其偽善的外表。

如果你是小股東的話,你目前可以作的選擇是:

1. 認清此股的真面目,下定決心沽出此股,發誓從此不再做其股東、客戶,並以苦主身份在社交媒體(包括FACEBOOK)、論壇向其他不知情人士宣掦,以免更多人受害。

2. 決定反抗到底,聯合所有小股東否決此供股計劃。目前此股主要股東及董事等表面上持股總共只有3成多,如果所有小股東團結起來的話,雖然成功機會甚微,但數字上是有機會在股東大會上推反此供股計劃的。

如果你的選擇是不甘被無良大股東魚肉,誓要反抗到底的話,則現在要起動,透過設立小股東FACEBOOK專頁及在全港所有的投資論壇、財經博客串連全體小股東一致行動,除了動員小股東投反對票之外,也盡可能動員小股東及其親朋戚友一起出席將舉行的股東大會,以行動表達不滿,並破壞他們以往苦心經營的形象。


233 則留言:

  1. 1225今天暫且頂住,沒有受1019供股的影響.

    回覆刪除
  2. 深信下一坡輪到1225玩野

    回覆刪除
    回覆
    1. 就看他掌握了幾多1225股權。

      如果只是3成多,那想玩野也不容易。

      刪除
  3. 503再破52周低,但已冇錢買。

    剩餘的小量資金等3399.

    回覆刪除
    回覆
    1. 而家吹緊藥物降價風,包括獨家專利藥喎

      刪除
  4. 上星期五,匯豐在0.87至0.89買盤頭位買了很多1019,康宏証卷掛沽也賣了不少,當時全沒跡象,哈哈!康宏証卷賣了不少0.8以上,今天0.5買番。黑金買賣無皇管。

    回覆刪除
  5. 想問問waigor睇分析近日A股市埸, 我留意緊A50, 想摶佢反彈, 但睇近日市況對佢好不明朗....謝.

    回覆刪除
    回覆
    1. A股太多政策左右,我都看不清。

      刪除
    2. 我認為A股牛市已成形,不只是摶反彈,今朝已小試牛刀,買入3月A50SP。

      刪除
  6. 康宏的苦主,認住呢班管理層及相關決策人士:

    http://www.convoy.com.hk/zh_TW/board-of-directors
    http://www.convoy.com.hk/zh_TW/about-us/management
    http://www.townhealth.com/aboutus51.asp

    回覆刪除
  7. 對1019主席印象吾錯,但一次求職經驗, 感覺神棍無疑~

    回覆刪除
  8. 這是王主席在立場新聞的簡介:

    從事金融行業逾20年,現任康宏理財控股有限公司(1019)暨康宏金融集團主席,深信管理應該無所不容;做人卻要有所不為。自認感恩擁有六十後生命;七十後精神;八十後體能;九十後情懷。謝絕駕照,安步當車,最新「喪舉」在七日時限內完成撒哈拉沙漠250公里超級馬拉松賽事。

    -------------------------------------------------------------------------------------------------------------------------

    好一句"做人卻要有所不為"......敢問王生什麼事不可為?什麼事可為? 不知其有沒有開FACEBOOK帳戶? 有的話不妨問問他。

    這次應該讓全香港人看清楚其真面目。

    回覆刪除
    回覆
    1. 一個如此殘害自己公司小股東的管理層,試問大家還有沒有信心將資金交給其管理? 現在不只是康宏的小股東要考慮是否與康宏一刀兩斷.....還是的是目前作為其客戶的網友,也要考慮這間公司是否值得信賴,是長期合作的對象。

      刪除
    2. 佛口蛇心、好似隻1166在97前是工業股,踏實討好。後來玩財技不差過官生,今日又宣佈玩野,掛「蒙古礦業」招牌但全沒有蒙古礦業的業務。可能做工業股賺不多,做老千好過做皇帝!

      刪除
    3. 唔少人借長跑、毅行者、或寫專欄黎沽名釣譽。蘋果日報個財金版有一堆。

      刪除
    4. 蘋果日報個財金版唐牛今日叫買533 金利來集團,果然一貫放煙花效應,金利來升4.5%見52週新高。又會咁巧合是老散信唐牛買起或是莊家炒高等老散來買。我信後者,莊主無一堆嘍囉點玩,老散也要瞪眼消化才好入市。

      刪除
    5. 我對金利來的管理層有d認識,佢地暮氣沉沉,唔似會搞d咁的野
      可能純粹蘋果的唱好效應?

      刪除
    6. 呢個世界永遠是偽君子比真小人更為可怕。

      刪除
    7. 正常85 & 90後 fresh grad都知道康宏係一間pk公司!

      刪除
    8. David Webb 都已經睇穿佢

      The SFC should investigate Convoy and its directors for making this false and misleading statement. By our reckoning, the Finsoft stake accounted for 73% of the "diversified portfolio" at the period end. That is not diversified at all. We pause to state the obvious irony here: Convoy group is one of HK's largest peddlers of "independent financial advice" to individuals. You know, helping them to balance their financial risks, that sort of thing.

      刪除
    9. https://www.facebook.com/quincy.wong.5243

      刪除
    10. 小股東們記得到王生的facebook,宣揚下他的好事,順便問候下他。

      刪除
    11. Can somebody tell me what David Webb said about Finsoft stake? Who is Finsoft?

      刪除
    12. 剛剛在王生的FB中寫了幾句,以下為百分百的真實留言 (PG): -

      「仆街!咁撚等錢使不如去搶啦!
      再唔係你快撚d死我燒多d俾你。
      我X柒你條仆街同你間仆街公司。」

      我平生都X憎d又要錢又要面既仆X。

      刪除
    13. 已經搵唔到呢段留言。

      刪除
    14. 有關 Finsoft,可看David Webb嗰篇"Some bubbles for New Year 31st December 2014"

      刪除
    15. 我係用instant message佢的。

      刪除
    16. 鬧得好
      呢班1019管理層正仆街

      刪除
    17. 鬧得好
      呢班1019管理層正仆街

      刪除
    18. 佢好似有份host 個咩D100嘅電台節目?打電話上去問候下

      刪除
    19. Thanks, TY. 睇完篇野發現原來1019盤數都係造做黎既。股東會時應讓問埋佢哩個問題。

      刪除
  9. 賺錢都要講下良心架, 唔係第時D報應落係自己仔女身上丫, 咁樣剝削小股東....真係仆X!!

    回覆刪除
    回覆
    1. 主要原因是香港證監會多年來無所作為, 長期容許如此惡行!

      刪除
  10. http://realforum.zkiz.com/thread.php?page=5&tid=5927

    湯財提出咗一個做法,一人要一股碎股入場

    回覆刪除
    回覆
    1. 就買一手豪比佢....到時我有時間的話,都要買一手出席股東會觀摩下。

      刪除
    2. 1019在0.7賣盤屯兵,憑散家很難襲取,今知今日康宏個盤在那一方呢!相信今日會0.7樓下收。

      刪除
    3. 近排港股無得玩,睇恆指不錯架,睇內容不是影響指數的股隻,跌到四腳朝天,破52週或1個月底的不少。如果不看恆指股掩蓋恆指數目,而家21000點我都話多!點解?

      刪除
    4. 買一手太豪啦
      如果我得閒,可能都會用一通買一股,然後去股東大會狂食佢d野
      反正成本幾蚊雞,食一次賺一次,一定冇得輸

      刪除
    5. 其實股東會都唔一定有嘢食!

      刪除
    6. 陣間得支水你就蝕車錢xd

      刪除
    7. 如果大家去到股東會記得連成一線攪禍個場,除質問其瘋狂配股、大比例公開發售之外,記得大肆叫釀、衝上台霸佔管理層的枱櫈。最好攪到有警察、傳媒,讓全同業及全世界都知發生緊咩事。咁先處理先叫合理。

      刪除
    8. 不如有時間的話一齊出席股東大會,支援下1019的小股東。

      刪除
    9. 但我無買1019喎!(連1225都無)你私人拆兩股俾我請假都一定出席!

      刪除
    10. 聯合小股東投票,以爭取話語權係有建設性,係股東會攪事好無謂

      刪除
    11. 此言差矣,吸引傳媒眼球,亦是一個辦法,
      如果唔係,長毛大舊佢地唔使成日做醜人啦(雖然每月有出糧)

      刪除
    12. 不一定要在股東會搞事,但最少要爭取到最多的小股東出席....而且小股東們可以的話,再找親朋戚友聲援。現在經一通可以買碎股,即使買不到碎股,那就豪一手股票比佢,等出席完股東大會再沽返出去,輸極有限。

      成大班股東拉埋橫額入場,應該會吸引到很多傳媒報道的興趣。

      那些財演們與這些公司關係千絲萬縷,不要期望他們會為小股東發聲,小股東只能自救。

      刪除
    13. 吸引傳媒眼球的確有用
      就算d老千自己唔要面,我唔信佢地的屋企人個個都唔要面,唔通佢地的父母兄弟姊妹仔女個個都咁無恥?

      我之前已經將偉哥揭發老千的文章轉載咗去其他地方,亦呼籲受害者留意偉哥的blog,對我黎講,只不過係舉手之勞

      刪除
    14. 最起碼不要再讓無知婦孺受騙。

      一隻披著羊皮的狼,可能比一隻老虎有更大的殺傷力。小股東們的行動失敗是很大概率的事,但最少可以通過行動揭穿某些人假仁假義的真面目。

      刪除
    15. 而家康健系的觸角愈伸愈長,其實網上有dblog主都同康健有關,甚至有blog主冇耐之前先同康宏一齊搞活動(我唔講得太明)
      所以我之前轉載文章都要諗清諗楚

      刪除
    16. 直頭搞吧~不用想咁多了, MY COIN都幾十億了, 一於係呢段時候搞大佢吧, 香港D股票一只又係咁二只又係咁, 有幾大搞幾大啦~唔襯今次咁齊心搞一舖,咁以后又係再來架了, 雖然以后都會係再來, 但今次唔比全世界知都對唔住自己啦~行動起來吧, 組織起來`

      刪除
  11. 1225頂唔住了,
    上星期辛辛苦苦升嗰十個八個價位好快使哂

    回覆刪除
    回覆
    1. 1225之前冇向下炒,可能係因為班人忙住搞1019屠殺式供股;而大升主要係因為生果唱好,其次係webb佢地收貨

      刪除
  12. 635@7.8一真有morgan4千股買盤放系到,減持两注,換做3399@5.88,減底資金成本

    回覆刪除
  13. 偉哥你好

    我已經1蚊以上有貨, 持有一年 ! 1019同生共死
    想問下幾時持貨先有供股權 ?
    我看我現階段都要供過十萬股了=.="

    回覆刪除
    回覆
    1. 師兄,比我就忍痛算了

      刪除
    2. 同病相憐,我持貨是1.0,早前賺過0.2,而家賣衹是輸0.1算好彩,我諗會留翻1手去轉名兼供股,去股東會質詢!其他賣掉,當買次教訓,買到老學到老。

      刪除
    3. Bill Chau:代答一下,1019根本不設供股權買賣,正如偉哥文中所講

      刪除
    4. CY 兄你好:
      我看我現在要不要入貨來換取供股權 溝貨

      請問大家: 幾時持貨先有供股權 ?
      我用一通 , 到時會寄表格給我填,之後再寄去比邊

      小弟第一次供權, 之前是朋友介紹我買這股, 好頭暈

      刪除
    5. Bill Chau師兄
      不設供股權買賣,做1019股東就要局供!絕招賤招,要供十萬股就打死都唔做,越陷越深死路一條,睇莊路徑上次質到0.6再秋返上30%又質見今天0.55。是走路散貨格難見近排高位啦,炒上都無老襯跟,都是睇位走為上策。

      刪除
    6. 唔需要,如果想供股,而家的貨只要持有至除淨日就有權供股,依照以往經驗,咁的情況一到除淨日就要立刻沽貨,因為股價會再有大跌,而供股得來的部分就之後再睇點處理

      不過其實我個人建議最好今日趁高走水

      刪除
    7. 不過要留意的是一旦除淨後炒上,有貨在手等供股的話,也不要沽出.......因為一旦股東大會上否決供股計劃,沽了貨的就啞子吃黃蓮......

      刪除
    8. 除淨之後恐怕好難炒上,因為到時的情況係:供股權已到手,但供股的貨未到手,同時已經可以肯定將會有極多成本價$0.25的貨即將推出市面(除非股東大會否決到),到時股價肯定會向$0.25靠攏,咁的情況之下,除淨之後股價好難炒上

      刪除
    9. 除淨後到新股出來,有一段時間1019的市值只有2億左右,容易炒作。過往幾隻供股的財技股都是在新股出來之前有一段炒作,也試過有一間除淨後供股計劃在股東大會上被否決。

      刪除
    10. 健康要世紀大騙財,可以除淨後股價直插底過0.25少少是0.24,玩到盡?街貨邊有人去供股呢?包銷商康健系全食晒。哈哈大笑啦!高價出了大部份而0.25買番控股權。財技超班有無可能

      刪除
    11. 唉,如果除淨之後炒上,又係賤招之一

      刪除
    12. 跟本是隨心所欲:
      1. 你現在棄船,即時收你的平貨;
      2. 你唔肯認輸供股,供完又可以再供;
      3. 你持貨不供,佢接收曬你的供股貨,收夠炒上又可以再供。

      刪除
  14. 偉哥好,

    想問下607有咩睇法,我持有左幾個月

    回覆刪除
    回覆
    1. 很抱歉607我沒有跟進,無法評論。

      刪除
  15. 偉哥good踢爆隻向下炒既股,不過吾明點解同1225有關???
    請問偉兄Pandora 有無機會上市??近日見佢賣行廣告,店鋪逼到爆,
    如上市真係好飛身買入!!

    回覆刪除
    回覆
    1. 關於隆成,請看這篇: http://www.hkstockinvestment.blogspot.hk/2014/12/01225.html

      至於PANDORA,應該是已在外國上市,再於香港第二上市的機會很微。

      刪除
    2. https://www.google.com/finance?q=CPH%3APNDORA&ei=F2HYVLGTHsqejAKiv4CAAw

      Pandora is listed in Denmark

      刪除
  16. 1638選擇在中午復牌,並且公佈了一份內容很長的通告,有些離譜。

    回覆刪除
    回覆
    1. 1.8搶不到貨,錯失機會。

      刪除
    2. 已經提高了幾個價位都買唔到。

      刪除
    3. 作者已經移除這則留言。

      刪除
    4. 我最初跟1.8著set到1.88都買不到

      刪除
    5. 要約價1.8,偉哥你呢個價入,豈不沒有水位?

      刪除
    6. 本身佳兆業在停牌前股價已是大減價促銷,加上有融創保底,實在不能寄望可以1.8元以下買到。

      現在如果1.8元買到,有融創保底,博的是佳兆業的估值去返比較合理的水平。

      刪除
    7. 偉哥認為現時去到合理的估值大概系幾多???

      刪除
    8. 我未認真計算1638的合理價幾多,只是之前因大股東問題及鎖盤一事令股價跌左一半,如果這兩個問題解決,中線而言應該最少可以升返跌左的一半。

      刪除
  17. 作者已經移除這則留言。

    回覆刪除
  18. 一飛衝天.....個裂口修補到嗎...

    回覆刪除
  19. 均價5.9補返3399,偉哥低位再增持必有佢嘅理由

    回覆刪除
  20. 偉哥,我想在FACEBOOK SHARE 此頁,可以嗎?

    回覆刪除
  21. 偉哥,我想問吓按照而家時間表嚟睇,1019供股進程係咪應該係咁?

    發盈喜(呢個應該無咩疑問)->股東大會表決 -> (若果通過)除權日 ->(若果有息派)除息日

    回覆刪除
    回覆
    1. 供股會先除權,再經股東大會表決的。

      刪除
    2. 咁樣,如果股東大會否決ge話,股價係咪會變返做除權前ge價?

      刪除
    3. 股價會升返些,不過應該不會變返除權前的價,但至少:

      1. 你不用再增資這些公司;
      2. 你的權益也不會被攤薄。

      刪除
  22. 新手报到,跟踪伟哥学习投资港股。

    回覆刪除
    回覆
    1. 歡迎,大家互相分享、交流。

      刪除
    2. 来自国内,悄悄的来悄悄的走。
      看了好久的博客了,一直不知道怎么注册,今天才搞定。
      可惜名称又给注册成“重名”了,真丢人。见笑见笑

      刪除
  23. 其實大家有無諗過浪費咁多時間搞這些妖股,不如用多D時間研究好股票,大家都明知香港有幾個系的股是臭名遠播,但總係有散戶受唔住引誘,人地又無犯法,你又唔知邊個係人邊個係鬼,你又知唔知DAVIAD WEB 係幫邊個,你唔比佢係唱雙簧,一路扮正義一路引人入局,不要再浪費時間了兄弟們

    回覆刪除
  24. 香港又無集体訴訟法,大家又無錢無牙力,有無人見過有散戶打敗過妖股,我玩股20年,係無發生過,你只能避,唔好浪費時間金錢,我只係旁觀者清,不是落井下石,原同各兄弟們共勉之

    回覆刪除
    回覆
    1. 20年來從沒有散戶打敗過妖股,是因為從來無人去嘗試。20年來有幾何有人會發動反老千股行動? 大把人指出那些是老千股,但做法是迴避,而不是嘗試做些少工夫去反抗。

      刪除
    2. 20年來,香港的股市是越來越濁,以前有沒有這麼多老千股、財技股?

      屈指一數,康健系幾年間膨脹了幾多倍,現在系內股票有幾多? 華匯系? 金利豐系? 永義? 還有的是國內做假不斷的民企、貪污的國企,如果散戶仍然做一盤散沙,只管掃自家門前雪,香港的股市只會越來越趨向老千化、財技化,到時可能你想正正經經想一兩隻股票投資也擔心不知何時會玩財技、被老千蠶食。

      如果大家不想繼續任人魚肉的話,應該要以行動趕絕這些公司。如何趕絕這些公司? 你沒有買入這股票、沒空去出席股東大會也不緊要,但最起碼下次有這公司搵你買理財產品、搵你聽講座游說你開戶,你也不要多想,即刻say no! 現在用他們那間証券公司買股票的要如何做? 即刻轉貨走,close a/c。 只要大家齊心杯葛這些公司,才可以讓他們感受到切膚之痛。

      刪除
    3. 我係認同Blue既,如果連基金都攪唔掂佢地
      散戶更加冇可能

      刪除
    4. 除左WEBB,唔覺有基金搞呢D財技股。

      刪除
  25. 我絕對預料到大家再死死地氣搞下去的結果,就係大家浪費了大量時間,錯過很多機會,到頭來都係吹佢唔脹

    回覆刪除
    回覆
    1. 同意大家不浪費時間,免錯過很多機會。但個d仆街同佢地既惡行就好值得大家宣揚,最X憎d人行騙之餘又在其他地方話自己有企業良心。

      刪除
    2. 認同blue師兄所說。

      不過港交所同莊家就係知道散戶這弱點,所以明刀窗睇住你來食。

      說實在,如果沒有偉哥及其他師兄,我一早止蝕左1225,現在只是轉寄文章,出席股東大會,實在用上不多時間,何樂而不為。

      星星之火,可以燎原。

      刪除
    3. 最憎王利民呢條契弟。滿口仁義道德支持真理真普選,上山同個黃色Banner selfie 就一大班人高呼王主席萬歲,假仁假義,愈睇愈嘔心。

      刪除
    4. 其實我不知道浪費了什麼時間? 對我而言,只是浪費了些少時間寫寫此股的惡行,對大家而言,也只是浪費了些少時間看看,又或者click 幾click轉發給其他人知,又不是要大家大舉買入此股。

      現在不是股東的,也就是知道這公司、這系股份和這些管理層的劣行,有機會轉告身邊的朋友,等少些人中招;甚至乎真的有時間的話,就出席股東大會聲援受害的網友;

      現在已是股東的,不管是否要止蝕也好,肯定要將身受其害在網絡上大肆宣揚,也讓人們認清楚一些偽君子的真面目。不止蝕的話,更加要串連其餘小股東,一起反對公司供股的行動,雖然成功機會可能不大,但不做的機會就肯定連些微的成功機會也沒有。

      刪除
    5. 100% agreed & support Wai gor.

      刪除
    6. 3886 就狗到冇朋友,之前合股供完而家泊到個大碼頭就扮正當大企業。

      刪除
    7. 佢地越發越大,就系因為沒人出聲,遲早越踩越過。轉發下Blog文,出席下股東大會,唔會用好多時間

      刪除
    8. 同意. (1)買碎股, 出席股東大會, (2)發動身邊親朋罷買老千旗下產品

      刪除
    9. 3886就算是豬、狗朋友都冇所謂, 只要有錢埋位炒, 幫我升到冇朋友…

      刪除
  26. 時代唔同喇,而家由於資訊科技的發達,散戶之間的連結容易咗好多,仲有令事情引起大眾關注的渠道亦有所增加
    而家呢個年代,群眾的力量要化為行動、發揮功用變得相對容易

    回覆刪除
    回覆
    1. 我十分同意時代不同了!! 正如當日佔中一事以前, 做夢都想不到, 原來群眾的力量 可以發揮出乎意料!!! (雖然我不同意佔中份子)

      刪除
  27. http://www.aastocks.com/tc/stocks/news/aafn-news/NOW.652521/1

    偉哥,看了這裏個多月,獲益良多。你認為1638 會唔會賣唔出?如果賣唔到又會點?

    回覆刪除
    回覆
    1. 今日5.35億成交應該大致上都偏向正面結果吧

      刪除
  28. 941,今日又收差不多day low,LP仍然未放,目標只差1步。

    回覆刪除
    回覆
    1. 1285,呢隻好攪笑,上午買家冇晒影,質到3.38,下午買家瞓醒,掃上3.65,今日又偷到雞。

      刪除
    2. ching好勁!!!! 我有密切留意住941表現 (利申:無貨)

      刪除
  29. http://www.hkexnews.hk/listedco/listconews/sehk/2015/0209/LTN20150209300_C.pdf

    280 最終都係賣盤失敗

    回覆刪除
  30. 偉哥會否出post再研究下還有什麼potential既殼股大家一齊討論嗎? thanks :)

    回覆刪除
    回覆
    1. 我都算講左好多隻潛在殼股。

      另外報紙日日都講好多殼股,有興趣炒賣殼股的可以參考報紙的財經專欄。

      刪除
  31. 280終於證實春江鴨的存在。要沽貨的相信也走得七七八八,明日反而有生機?

    回覆刪除
  32. 我從來冇炒過華滙系的股票,同埋金利豐和永義,因為我認為炒期指期權仲好過炒呢堆垃圾,最起碼公平一些,都冇貨本來唔關我事,不過睇到佢地咁樣做法,都忍唔住講幾句,時代不同,唔出聲只有助長班友,澳洲政府成日叫人講唔滿意的嘢,Have your say

    以前我在168留過言,叫人唔好買永義,我仲作咗一首打油詩依家比大家重溫一下,''永無義氣官主席,信佢遅早要乞食,來來去去一板斧,又供又合股東苦'' 最後官永義淪為階下囚,就是因為多人出聲,咪迫証監做下嘢咯,香港証監班食濕米,人工是全世界最高,做的事是全世界最少,又唔去修改法例,學人家花旗佬可以集體訴訟,咁樣大股東咪冇咁容易魚肉小股東。

    回覆刪除
  33. David 上星期減持幾十萬1225,似乎唔睇好?
    買1638好過1225,持貨一年,相信1638上$3以上,1225似$0.3。

    回覆刪除
    回覆
    1. Webb都係普通人,低位買左貨,高位食番轉,人之常情。

      刪除
    2. 其實從361的買賣都可以睇到WEBB也是鍾意炒波幅的,佢買左咁多貨,沽返些少出來並不代表什麼,如果佢大舉減持先算。

      刪除
  34. 總之不要想, 行動起來, 有組織行動起來咁先可以成事, 如果只係淨係得個講字無乜用, 現在香港D老千股越來越多, 實在忍無可忍了.

    回覆刪除
    回覆
    1. 如果真係要做,就要搵傳媒幫手,他們一隻字,勝過我地十把口,也只有佢地有能力傳播開去

      刪除
    2. 傳媒唔會無端端幫你之餘,仲要得罪呢D上市公司,始終佢地都有唔少廣告比呢D媒體......除非佢地覺得事件有報導的價值。

      小股東如果個個坐係到,乜都唔做,傳媒又點會覺得有需要去報導呢D事?

      刪除
  35. 今天陸羽仁都有提到1019

    股仔抽水玩殘小股東

    唔少股仔出招抽水。蒙古礦業(1166)股價及相關新聞建議股本重組,之後將以一比五比例供股,股價應聲急瀉,為表現最差港股,收報0.038元,狂瀉42%;康宏金融(1019)股價及相關新聞建議一供三方式,供股作價0.25元,比上日收市價大幅折讓71.3%,全日大跌20%,收0.7元。

    回覆刪除
  36. 回覆
    1. 買了@1.81,以1格博20格。

      刪除
    2. 融創已接收富德生命(佔佳兆業已發行總股份當中約29.94%的1,537,696,106
      股股份之法定與實益擁有人)之不可撤銷承諾,(i)其將不接納就不接納股份之
      要約;(ii)將不向要約方或其他第三方出售、轉讓或處置任何不接納要約,或
      於要約截止前於任何不接納股份上設置產權負擔。股份要約因此將不會延伸
      至不接納股份。該不可撤銷承諾於任何條件下均具有約束力。

      各位師兄師姐,我研究緊份要約,但係呢段睇唔明,其實佢既意思係點?謝謝

      刪除
    3. 好似仲有D股份買賣協議的先決條件要過

      刪除
    4. 1.8set 極入不到,1.81入了

      刪除
    5. 但其實未必成事
      偉哥睇好?
      美銀美林:佳兆業交易有多項條件 融創主席料成事機會五成
      http://www.aastocks.com/tc/stocks/news/aafn-news/NOW.652521/1

      刪除
    6. 呢單交易是未必成事的,但如果成事的話股價應該會有較大的上升空間,有些值博率。

      刪除
    7. 如果唔成事無1.8保底,而且唔成事即係債權搞唔掂,股票比較危險

      刪除
    8. 止蝕了@1.8元,下午看了一些資料,今晚說說看法。

      最主要原因是這個債權人與新股東之間的博奕有機會出現雙輸局面。

      刪除
    9. 601相對1638都抵博d,條件都少幾個

      刪除
  37. 正一西股為左平息民怨又隊反上0.78. 尋日收左成7千萬股...

    回覆刪除
    回覆
    1. 可能是請君供股吧! 但始終炒高好過炒低。

      如果我手持1019,我會在現水平止賺或止蝕,無謂夜長夢多。以後也不會再點這系的股票。

      刪除
  38. http://iis.quamnet.com/media/IRAnnouncement/1638/ZH_TW/002117066-0.PDF

    個人見到重要的有幾個條件,有不正確的請糾正:

    轉債要約要大意重整債務包括可換股債券持有人要同意把債券以2.64/1.8 既差價即68%蝕讓接受公司回購。

    期權要約就是佳兆業期權持有人接受收購守則內提出的現金保償以注銷所有在外流通的股份期權。

    另外的要約條件就當然要先解決「樓盤不正常」的情況,即解決被鎖盤的問題。

    回覆刪除
    回覆
    1. 最重要的條件是股份買賣協議落實。

      股份買賣協議的先決條件:

      交割應當取決於下列條件的滿足(或豁免(如適用)):
      (a) 以下事宜將通過令要約方滿意的方法解決或執行:(i)債務違約已經通過債
      權人同意或豁免;(ii)部分或全部現有債務已經進行重組及再融資,並在現
      有債務下沒有違約事件及可能違約事件的發生;
      (b) 因出售股份而導致的現有債務條款下的所有違約已被現有債務的相關債權
      人豁免,從而使交易的交割不會違反或可能違反現有債務下的任何條款;
      (c) 所有現有糾紛、法院申請通過和解及其他方式解決,並該解決令要約方滿
      意;
      (d) 佳兆業集團的所有業務運營非正常經營狀態通過令要約方滿意的方式解
      決;及
      (e) 融創的股東已在股東大會上批准關於股份購買及要約的相關決議案及與股
      份購買及要約相關的其他決議案。
      除上文條件(e)外,要約方可就股份買賣協議豁免任何先决條件。

      刪除
  39. 糾正,應該1.8/2.64,另外生命人壽仲有三成2.8均價股份。若是成事而佳兆業之前售樓情況不錯的話,可以玩下,所以1.81入咗小小。

    回覆刪除
    回覆
    1. 不需理會轉債要約或期權要約的,因為那是自願要約,並不代表持有的人士一定要接受的。

      刪除
  40. 今日無野開心得過呢單News...女僱主虐打Erwiana罪成。

    回覆刪除
    回覆
    1. 呢單野好難唔入罪,就睇判幾多年而已。

      刪除
    2. :p 對啊! 什麼是天怒人怨?此單正是。

      刪除
  41. 雖然冇持有,見到1225出咗份公告,係咪買賣雙方傾唔掂數?

    本公告乃由隆成集團(控股)有限公司依據香港聯合交易所有限公司證券上市規則(「上市規則」)第
    13.09(2)(a)條(定義見上市規則)而作出的。
    茲提述本公司於二零一四年八月二十八日發出之通函(「該通函」)和於二零一四年十一月三日及二零
    一四年十一月二十八日發出之公告,內容有關於出售事項。除另有界定者外,本公司所採用之詞彙與
    該通函所界定者有相同涵義。
    按該通函所披露,該出售事項之代價須根據完成賬目內的參考資產淨值及實際資產淨值之間的差額作
    出調整。根據由買方草擬的完成賬目,買方要求對該出售事項之代價作出重大下調。賣方不同意該由
    買方草擬的完成賬目。
    根據該協議,買方及賣方經討論後惟於本公告日期仍未能對所有於草擬的完成賬目內的質疑項目達成
    共識。按照該協議,買方或賣方可提交該等於草擬的完成賬目內的不同意的項目予獨立會計師,並由
    其決定該草擬的完成賬目須作出哪些調整(如有)。該獨立會計師會以專家身份作出最終決定,該決
    定對訂約方均有約束力,且不容質疑。
    如於完成賬目內的實際資產總值是﹕
    (a) 高於參考資產淨值之正數,則買方將向賣方支付相等於有關差額之金額;
    (b) 低於參考資產淨值之正數,則賣方將向買方支付相等於有關差額之金額;
    (c) 負數,則賣方將向買方支付相等於參考資產淨值及實際資產淨值低於零之金額兩者總和之金額;

    (d) 相等於參考資產淨值,則買方或賣方概無結欠任何款項。
    本公司股東及有意投資者於買賣本公司股份及其他證券時務請審慎行事。

    回覆刪除
    回覆
    1. 但係息就派咗俾股東,咁係咪袋袋平安冇影響呢?

      刪除
    2. 交由獨立的會計師評估,到時雙方一定要接受結果。

      出售的資產當中,有很大比重是物業,相信有爭拗的應是物業的估值。

      刪除
    3. 明白了,偉哥。
      買方要求對該出售事項之代價作出重大下調,即係買方估價偏低,如果獨立的會計師評估後結果偏向買方,而雙方一定要接受結果,咁原本1225估計售賣資產既收入就要重要估算,公司持有既現金價值都要重新再考慮過。
      其實呢種買賣雙方爭論係咪常見呢?

      刪除
  42. may be that's why Webb sold his shares

    回覆刪除
    回覆
    1. 如果係就唔會沽咁少啦!

      刪除
    2. 確實,在除息後WEBB增持了660萬股,只是減持了40萬股。

      刪除
    3. Those 400k shares may or may not be his (I don't think all the shares under unnamed participants are his).

      刪除
    4. how about u wait for another 2 days to see if they're his.

      刪除
    5. 確實那40萬股未必是WEBB減持的,而且過兩日後也未必知道,因為WEBB在申報持股9%後,再增持了1百萬股,即使那40萬股是他減持的也不要作出申報的。

      刪除
    6. 跨越1個完整%就要披露,不過原來披露仲有好多豁免,例如好似話減持少過0.5%又唔使申報,我其實都唔係好明呀!

      唔知偉哥明唔明白我想講咩呢?

      刪除
    7. 未聽過減持少過0.5%不要申報,很多時候都是一過整數%就要披露,那管你只是買1萬幾千股。

      刪除
  43. 似乎滬港通吸資千億元對港股影響逐漸浮現,二三線股恍如一池死水。

    回覆刪除
    回覆
    1. 320 靜止不動
      話說偉哥同其他師兄有興趣既1638有機會了

      刪除
    2. 政府之前講話滬港通對雙方都有利。照偉哥所言並非如此。

      刪除
    3. 換你是來港的大陸資金, 會選擇無皇管的二三線, 還是AH大差價股?

      刪除
    4. 剛才寫得不清晰,滬股通(北上)吸資過千億港元,但港股通(南下)吸資200多億元,即資金淨流出港股7百多億元。

      刪除
  44. 回覆
    1. 近排二線內房都是坡幅窄而又在底位徘徊

      刪除
  45. 另一隻健康股3886係咁爆

    回覆刪除
    回覆
    1. 可能佢地想學河童君,整d好消息出黎然後狂炒上

      刪除
    2. 向下炒是天怒人怨,向上炒是皆大歡喜,希望醫生開竅。

      刪除
    3. 向上向下炒都唔敢掂,蝕一次嬴幾次都補唔番

      刪除
  46. 就出席1019股東大會聲援、我問過了、你可致電經紀行登記出席股東會, 但要事先通知, 最少48小時前、不收費用, 你在會場需要出示你的身份證、就可以了好方便。

    回覆刪除
  47. 510再次成功減磅一半@0.35,食其2.9%,降低心理壓力。感覺似有人突然買上,留心。

    回覆刪除
    回覆
    1. 臨尾我的另一半放$0.355差d被佢食埋,我也想跟大家開香檳。

      我亦買了少許1049,作為510的期權,若我的510被食光,也有1049作為二線攻擊。

      刪除
    2. 多未減下磅囉,我份人怕死下嘛!

      刪除
  48. 另外也沽出1037@平均價1.21元止賺。

    回覆刪除
  49. 361又有凶多吉少的感覺。

    今早原本掛了0.99沽出小量貨尾,後來又改低幾個價位都沽唔出,聽天命了。

    回覆刪除
    回覆
    1. 好在當初同價將部份361轉左去1037,之後1隻升1隻跌,拉勻都冇蝕底。

      刪除
    2. 偉哥留意多隻殼股,8112,我準備入貨。

      刪除
    3. 請教一下,我對創業版殼價冇概念,一般行業值多少?

      刪除
    4. 還有2注361 聽天命 X 2

      刪除
    5. 創業版殼價以前一般大概1億左右,近期升咗d,但都好少超過2億,一般1億幾千萬左右

      刪除
    6. 殼股有退潮的感覺。

      創業板殼價一般都是1-2億左右吧。

      刪除
  50. 1813啱啱出咗1月未經審核營運數據,相比之前都幾差

    回覆刪除
    回覆
    1. 睇怕今年內房都要過嚴冬.....又迫央行放水。

      刪除

注意:只有此網誌的成員可以留言。