置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2010年11月17日 星期三

世上沒有長勝不敗的股神

首先想說自己不是股神,只是想借此說明,即使股神也不是百戰百勝,更何況自己不是股神,只是一個比普遍散戶“識多少少”的業餘投資者。

無可否認,也不會否認,以此時股價來說,推介雅士利(01230)肯定是慘遭滑鐵盧。自己最錯的不是入飛認購此股,因為認購時已有心理準備此股會跌穿招股價,所以一早說明只會小注認購,結果只獲分配6000股而已;最錯的是對此股信心過大,太早加碼,以致雖然多番溝淡,目前總持股4萬股,但平均成本也要3.7元,帳面總虧損1.8萬元左右。如果在上市後可以等候3.6以下才開始分段加碼,現時的帳面虧損一定大為減少。

我估計大部份有跟我入貨的網友,主要入貨價位應該介乎3.5-3.65之間,以現價計應有帳面虧損10%左右。這虧損幅度說多不多,說少也不少,如果大家對此股缺乏信心的話,我會建議趁現時虧損幅度有限,盡早止蝕,因為短期市況不就,此股也難有作為,應會與大市同步。自己預計要持貨一段時間才有機會重返家鄉,最大的可能性是明年三月公佈比預期為佳的業績,帶動股價上升。

自己會繼續持有此股,並打算在接近3元(如有機會)時再加碼買入,持股上限是5萬股,目標是將平均成本拉低至3.6以下。根據招股書資料,1230本年度預測每股盈利是0.164港元,比09年上升22%左右;而保薦人之一的中信証券則預測1230下年度每股盈利約為0.2港元,比2010年上升22%,自己覺得此預期合理。以一隻毛利率高達6成的內需股,大家覺得合理估值是多少?以目前下跌的市況而言,自己覺得合理估值可以看20倍市盈率,保守估值是15倍市盈率左右,而進取市盈率是25倍市盈率。大家或者擔心1230招股書內的2010年盈利預測會否無法達到?自己覺得招股書內的盈利預期是基於已知的9個多月營運數據而作出的,出錯的機會應該微乎其微,唯一要擔心的是止蝕沽盤可能於短期內形成骨牌效應,令股價越沽越低,越低越多人爭相止蝕。

自己自4月以來開始正式寫網誌,這半年多以來推介的股票為數不少,幸運地大部份先前推介的股票都有不俗回報或最多只是微蝕而已,表現最差的要數2368,但相信當時此網誌不是太多朋友認識,故跟我買入的朋友不會太多,而相關的留言或意見也廖廖可數。其實在網誌推介股票,已預料到終有一日會出現目前情況,只是出現的時間比自己預期的晚了很多,誠如開頭所說,沒有人是長勝不敗的,今日即使沒有1230,難保明天不會有2456、3678,始終會有一日因為錯誤的判斷令朋友蒙受損失,只差遲與早。

其實這樣也好,讓大家以後再跟從我的推介之前,會三思而後行,自行去研究、思考,對自己、對大家都有好處。而自己以後再作股票推介的話,會更小心、審慎,沒有一定把握、值博率的寧願不作推介。

最後,如果因自己的推介而令大家蒙受損失的話,在此致以萬二分歉意。

122 則留言:

  1. 我諗戰友要考慮 1230 佔組合的比重. 由於佢只係我 2.2% 所以壓力不大. 若果網友大注就要減磅.


    Edric

    回覆刪除
  2. 買股票邊有包生仔?十隻有3隻中,cut loss, run profit,都可贏錢。更何況偉哥命中率一直甚高。呢D野自己執生。

    早排偉哥一直提要風險管理,增加現金,甚至撰文指出惠理買貨太勇,風水佬arc你十年八年,偉哥就幾日應險。

    大市風高浪急,大家各自執生。

    回覆刪除
  3. 偉哥有火啦,其實大家都好似實贏噤去買一隻股票結果當然會成為有心入點心,但有心人亦會在更低位時做返強烈返彈再引股民入市,這個世界不可能永遠只有贏無輸的股票,止蝕的做法好蠢,但有時會好清明,如1230下試到2.5我會訓身買入,等佢上返招股價

    回覆刪除
  4. 短期真係有d壓力
    而家美國仆緊2xx
    聽日都唔知會洗成點

    回覆刪除
  5. 諗下你當初買入的原因,如果基本因素冇變,股價遲早會昇返。

    Presariohk

    回覆刪除
  6. 偉哥,你根本唔洗道歉啦~買股票邊有實贏.你之前個POST都有講,輸錢都未必唔係好事,最緊要係每次買賣都有得著,而唔係盲目單單睇個價升跌.

    支持你,偉哥!

    回覆刪除
  7. no need to 致歉。繼續寫啦,老友。

    回覆刪除
  8. 支持偉哥,雖然1230蝕緊錢,都一樣支持!

    回覆刪除
  9. 支持偉哥,無需say sorry, 你是好心才推介,買貨最終與否是自己的決定;香港散戶似乎仍未學懂為自己的行為負責任,出事後就找人揹鑊,那有如斯道理~

    仲有提醒大家及自己,偉哥的財力唔等於自己的財力, 在跌市時你的身家也是你能承受風險的一項指標。買股票第一項不是贏錢,而是不要輸掉你的本金。呢個亦係個人在海嘯後學懂的功課;共勉之。

    1230也想它跌多一點(不是黑心的說),我還未入貨...so,到時就....

    回覆刪除
  10. 投資可升可跌,
    偉哥只係分享個人分析,
    又冇鼓吹讀者跟住買.
    所以冇需道歉.

    賢~~

    回覆刪除
  11. Don't put too much burden on your own.
    100% support "WaiGor" as usual..

    回覆刪除
  12. 美匯升穿78.5, 偉哥認為是否其中一個美國大跌原因?
    當然之前一直存在的壞消息如愛爾蘭債務等依家好像先出效果...
    我估計今次或者會跌番晒之前0的升幅~

    回覆刪除
  13. 偉哥 ,無需介意 , 市況難測 ,我對你分析好欣想 , 你嘅無償分析大市及個股 , 多謝+多謝.

    回覆刪除
  14. 跌10%算係乜丫!我自己買果D都跌十幾廿個%!不過1230我喺3.6平手走咗,因覺得自從毒奶粉事件後,大陸製嘅奶粉始終令人有陰影。除呢隻外,448,350都跟偉哥買而賺到錢!
    偉哥,繼續努力,喺邊度跌低,就喺邊度企翻起身!

    回覆刪除
  15. Hi,偉哥!最近在你blog裏獲益良多,十分多謝你對大家無私分享你既投資心得!

    可能大家身処香港,對雅士利呢個牌子認識不太多。小妹係内地廣東省長大,細細個已有聼聞及購買雅士利既產品,一路以黎口碑都唔錯(去到超市,不時聼見sales阿姐同人介紹話係廣東老牌子,信得過),價格ok,去到二三綫城市亦多見,所以我對其品牌係内地既銷售係有信心既。


    之不過同台食飯,各自修行。目前變動既市況下,我們確實要冷靜反思自己既投資計劃。

    自己系覺得此股值得我耐心等候咯,所以我都會繼續一天一天等下去......



    阿Vi

    回覆刪除
  16. 偉哥, 請不要給自己太大壓力,
    一齊支持1230坐火箭, 多謝偉哥!

    hung

    回覆刪除
  17. 我都覺得偉哥無需道歉阿!

    偉哥係描述自己投資理念時第一句已經講明自己係做價值投資!!!吾係短綫炒作喔......

    e只股到目前只係上市兩三個禮拜,甘快蓋棺定論是否爲時尚早?偉哥同我地一樣都係老散,吾係天氣先生啊!勢比人強,但有價值既股票遲早會升,風物長宜放眼量。偉哥我支持你!!!



    阿Vi

    回覆刪除
  18. 偉哥,之前升市時你答我話你留有4成現金,我就知道你係我見過的眾多Blogger之中最有料的幾個了.暫時蝕價對價值投資根本算不了什麼,你是好心才推介,而買貨與否最終是自己的決定,偉哥無需自責.

    1230我冇買到,因為你說過炒新股是投機行為,我冇這個擔量...抽新股倒無妨.不過真係多得你介紹才認識872,我$1.14入了少量.如果佢跌到$0.82我就發了 :)

    回覆刪除
  19. 偉哥,之前升市時你答我話你留有4成現金,我就知道你係我見過的眾多Blogger之中最有料的幾個了.暫時蝕價對價值投資根本算不了什麼,你是好心才推介,而買貨與否最終是自己的決定,偉哥無需自責.

    1230我冇買到,因為你說過炒新股是投機行為,我冇這個擔量...抽新股倒無妨.不過真係多得你介紹才認識872,我$1.14入了少量.如果佢跌到$0.82我就發了 :)
    GC

    回覆刪除
  20. 哦, 兄台別介懷
    誰人會是長勝不敗,贏多輸少已是很不錯
    會到此留言的,應該都是對閣下的分析感興趣

    閣下能把推介的理據無償分享已經是辛苦了
    若然虧損,而理據沒變、或只是注碼問題,便持有放著等吧
    別介懷,繼續尋找其他被低估的。

    回覆刪除
  21. CNF :
    多謝偉哥漏夜派定心药。老實講股票一日未賣出就不代表賺或蝕,紙上富貴而己。
    股市跌,雅士利依舊賣奶粉,嬰兒依舊食奶粉。唯一改變,只是股民心態。
    如果對1230有興趣者,請等見底回升才購入,寧買貴少少。
    呢次跌市可考驗大家,未尚壞事。

    回覆刪除
  22. 偉哥真是無需歉意。買賣終須是自己的決定。而對偉哥blog一貫如是誠意,我覺得更多是感激。
    就1230本身而言,雖然虧蝕十幾個percent,也不是太是擔心,因為覺得基本因素不算差(就目前已知信息看來),相信第一次業績公佈之後,回本定不是問題,坐火箭也未可知。而且持有時間尚短,價值投資,不怕等得久,就怕股票素質差。

    繼續支持偉哥:)

    fish

    回覆刪除
  23. 愚见供伟哥参考:

    1.the year of tiger 之后,结婚生BB的多了。
    2.奶粉海外代购管制,据知很严厉。
    3.雅士利品牌在内地无人不晓。

    回覆刪除
  24. Don't worry the loss in 1230 was offset by the gain in 2300 1038. And not counting 1038 already. Don't need to say sorry! Thanks. Bill

    回覆刪除
  25. 偉哥,不必SAY SORRY,

    每個人都應該諗下你當初買入的原因,與人無憂,偉哥的BLOG都是自己的分析與見解外加無私的分享,所袋落袋的甚多。多謝偉哥!

    支持你!

    CAT

    回覆刪除
  26. 偉哥推介過國際泰豐,友佳,漢登,難道就冇人賺過錢?早排海豐跌到巴巴聲,今日又點?

    宜家跌市,1230 跟跌係可以理解o既,希望大家唔好輸打羸要,同埋要知偉哥選股理念,唔係知個 num 就算,咁樣會買得更安心。其實大家都係怨 1230 跌好多,但又講唔講到 1230 基本因素有乜問題?如果冇,股價下跌又代表乜?不妨諗下……

    好似偉哥D咁有料O既 Blogger 應該多加保護同支持。

    回覆刪除
  27. 各位如果你因為買入1230而輸左錢的話,而又怪責偉哥,那麼請你以後吾好睇偉哥個blog。若果以後比偉哥太大壓力話,相信偉哥的文章分析會變得好保守,或者吾再講股,損失你以為是誰呢?若要大家想嬴錢的話就一定要大譫進取一點。上落10%其實好平常的尺度,你能接受嗎?若果接受吾到,請不要買股票吧!

    偉哥我非常支持你繼續以往的雄風。

    回覆刪除
  28. 支持偉哥, 我覺得最重要是你教曉我們的知識和所分享的經驗, 而不是一個NO., 你推介的都是好股, 1230也不例外, 用投資眼光看, 佢越跌, 俾個機會我地低價買入, 日後回報就越多

    各位如果在買每一隻股前做到足夠的準備, 研究和計算, 股價下跌時都會有應對的措施, 就不會如此害怕的
    fung

    回覆刪除
  29. 多谢伟哥分享,是输是赢未定呢。
    倒是大盘确实还要跌一些,原先以为到23200就差不多了,看完牛熊分布估计要到23000了,买牛的太多了没办法啊~
    snoopy

    回覆刪除
  30. Hi偉哥,

    作為投資者, 我地每人應該為自己投資的決定負責, 你無私的分析, 已經非常好!! 唔好自責, 繼續努力, 支持你!!

    加油!!

    回覆刪除
  31. 偉哥支持你. 股票市場是投資及投機, 參與了不是loss 就是profit. buy or sell which is everyone design by themselves. You are very kind. you tell us some information about stock that we don't know.
    So for me only can say " Thank you for sharing information."

    回覆刪除
  32. 個人認為1230表現無咩問題

    呢幾日恆指都跌緊,琴日2618,2899呢D股都要跌得重多過1230

    行業表現同樣係甘,唔係1230問題

    睇番招股書資料,1230毛利率同每股盈利升幅唔錯

    基本因素應該無問題

    而家只係受大市&結石寶寶影響

    yan

    回覆刪除
  33. 支持偉哥,無需say sorry, 你是好心才推介,買貨最終與否是自己的決定 x2

    一定會昇番上去既,要信自己的信念,經得起考驗。 :)

    Take it easy...

    回覆刪除
  34. 買股票要坐艇系好正常的事!
    支持偉哥!

    回覆刪除
  35. 我跟偉哥投資仲耐過呢個blog, 在我所跟隨的股票中未為我帶來損失, 全因在偉哥推介時都要自己嘗試了解所投資的股票是否適合自己投資理念或未來發展, 絕不是只求no.的人.

    今日有幸俾你睇到偉哥所寫,只跟no.買, 他日偉哥唔再寫時, 你又去找其他財演跟no., 你又點會進步? 點識發掘好股票呢?

    我有買1230平均價3.63. 我慶幸今次下跌, 希望此blog因此而趕走一D只問no.或想食免費午餐的人.

    偉哥我支持你,不要俾那些人影響.

    KEN

    回覆刪除
  36. 1230 today falls again. We are not blaming you lar... Pls keep it on!

    回覆刪除
  37. 真的假不了
    偉哥無需自責,大家再努力啊!
    比起那些什麼~博士,~叔,~姐,~大師等股評推介
    你嘅真誠和尃業贏佢地九條街
    多謝

    回覆刪除
  38. 偉哥,看得出你是一個有責任的人,我在1230上都在蝕錢,但是是自己決定買入,可以責備誰?你自己不要自責,買股票一定有win,有lose,你比起報紙的評論,都不知好幾多個巴仙.

    回覆刪除
  39. 哈哈, 過慮喇偉哥. 你個網誌太多人睇啦, 借呢次大調整過濾吓啲朋友可能令你個網誌更加好. 期望睇到無壓力的你寫更多好分析......盡在感激中, 哈哈.

    回覆刪除
  40. 偉哥:

    所有買賣股票都是要自己負責 , 偉哥無需自責

    JEF

    回覆刪除
  41. 買賣係自己決定...自己責任....偉哥無需自責.

    Kenith

    回覆刪除
  42. 偉哥, 不如把1230放在一旁吧! 你已做了最好的, 不需在為此而有恚外!
    今天應根全世界大跌, 希望可以有靚位儲返之前沽出的2398和647.

    回覆刪除
  43. 偉哥確實是一個很了不起的人,你對人,對事態度的認真細微,已注定你會是一個成功的人!
    我支持你!
    S.L.

    回覆刪除
  44. 偉哥根本無需自責,
    反而是那些看了no想也不想就撲入買股的人要自責.
    老土一句, 先求知, 再投資.

    從來無一間公司上市目的係派錢比散戶.
    上市目的係cap水, 你比人cap左水, 完全正常合理.

    回覆刪除
  45. 448好勁, 後悔1.5時無追入....
    fung

    回覆刪除
  46. 647, 448就可以覆蓋好多隻1230, 哈哈.

    回覆刪除
  47. 要講既大家都講左. 偉哥你跟返你想做既做法就可以. 支持!!

    回覆刪除
  48. 支持偉哥
    支持大家注重基本面
    支持大家利用市場先生作我們奴僕
    支持margin of safety
    支持大家繼續做功課, 從交流中互相學習,齊齊進步, 齊齊賺錢!~

    Kurtis

    回覆刪除
  49. 偉哥, 等緊再睇你撈貨功力.....

    回覆刪除
  50. 偉哥你太言重啦!

    從過往及今天留言記錄看,我連一個〝埋怨你〞及說你〝累街坊〞的留言也找不到。我想,有一段時間拜讀過你BLOG的網友也必清楚你的為人,這亦從這裡每天的留言數量及內容可知一二,我也敢說你是網上小股民最受歡迎的其中一位網主。(個人對你更是萬二分欣賞,你是我的投資學習對象。)

    其實你一向的推介也頗有水準的,我雖無作過很詳細的統計,也不是每次跟買,但卻總有留意其股價表現。你所羅列的十大持股,其股價至今的表現更是有目共睹。至於因你的推介而輸錢的人,其實也應更視此次為一次學習機會,提升投資功力。

    我今天更特別推介1230給我的一個好朋友,我只簡介此股背景、最近表現、簡略的估值水平,他聽後也即時入了10手@3.21,並謂若今天再下跌多5%會再低吸多10手。我雖未知此股之後的表現會如何,也深知一切盈虧也是由他負責,但我不會對他有什麼愧疚之心。因我清楚只要就我所知的向他直說,縱有不完美之處, 但也是我的誠實之言。我們一直也是好朋友,他贏錢會請我食飯,輸錢則不會跟我絕交…說著說著1230好似剛有些回升。


    所以,請你也不要因為一次半次的〝暫時性〞股價表現未如理想就氣餒起來,更千萬不要有避嫌之感而減少推介和〝說少些話〞。因為還有很多很支持你的朋友對你每天的網誌抱有期待的。

    Ty

    回覆刪除
  51. 偉哥:

    1230最錯的是對此股信心過大,太早加碼…x2

    買賣係自己決定...自己責任....偉哥無需自責….x2

    回覆刪除
  52. 其實大家有無想過當偉哥買入一隻股票時,和我們大家詳細分析利弊,其實我們應借每次去學習分析,從而學習去判斷了解更多,期望日後自己去選股,而是盲目跟風,連最基本資料也不看就不停問升定跌,你估偉哥係神先咩,坦白講,偉哥無條件教我們,已經係好好,可知道其實佢可以出書去賣,而不是免費在這裏教大家,請好好珍惜,我覺得自己每天跟偉哥學習真是非常可貴,在此多謝偉哥,希望快些學懂自己有信心地捉魚吃,而不是等吃.
    MC

    回覆刪除
  53. hi Mraz

    買股無如果和最啱和最錯,量力而為。

    回覆刪除
  54. 中國東方實業(00009)停牌涉非常重大收購

    《經濟通通訊社17日專訊》中國東方實業(00009)停牌涉非常重大收購。

    回覆刪除
  55. 剛參加完女兒幼稚園的親子活動回來,見到這麼的留言支持、鼓勵,非常感謝。

    回覆刪除
  56. 今早按之前的部署,以37.65加碼買入511,目前手上持貨的平均成本拉低至38.8左右。

    今日信報有篇文分析大師復職的原因,當中提及不及511面對的困境,不知是否因為這樣,今日511跌幅顯著。

    回覆刪除
  57. hi 匿名者,9號仔終於要玩注資。

    hi kan,非常好的出貨價位。

    回覆刪除
  58. wai 哥你好,一直以尼我都有留意你個blog ,而且會將自己有興趣的股分析一番。好以1230(3.35入少少),448(不過我1.5x就放左),3322(1.19入)我都有跟wai 哥買,但當時個心態吾係想短期搵到錢,而係想投資,吾係投機。好似買基金甘,係咪一定win,係咪一定短期內有錢反?吾係。如果因為d股價跌而自己承受吾到刺激,不如將份錢放定期算啦。坐艇又吾想輸錢,又吾等錢洗,甘咪由佢坐lo。你對隻股有信心,佢一定早日反家鄉。係咪?好似隻1638,我2.8入,坐到而家先升少少,咪又係甘過日子。吾通學d師奶怒天尤人咩?(我屋企有個,所以覺得佢好煩)wai 哥無須say sorry ga~等收成啦~^^

    回覆刪除
  59. 各位我想請問之前有BLOG友.曾POST過未來短期會出業績的股票LIST. 此LIST幾實用.可否各大大再POST 此LINK.

    謝謝.

    文仔

    回覆刪除
  60. re文仔
    http://www.hkexnews.hk/reports/bmn/ebmn_c.htm

    fung

    回覆刪除
  61. All blogmates,

    買賣係自己決定...自己責任....

    os

    回覆刪除
  62. THX~ FUNG ~
    搵左好耐都搵唔到~ 真係唔該晒.!!

    文仔

    回覆刪除
  63. 偉哥, 1997入咗第一注, 多得你提醒無吼321輸少啲, 哈哈.

    回覆刪除
  64. hi derek,1997現價自己都有興趣,會留意。

    回覆刪除
  65. 暫時HSI都算跌得少,好多股都可以買返,睇你夠唔夠膽?

    回覆刪除
  66. 只凌峙都幾蝦人嘅股票,胡孟青都試過大力推介,
    不過表現都一般,肯定跑輸大市
    加埋走勢都成個衰到暈三頂圖

    回覆刪除
  67. 今日入左3隻股:

    #517@4.22
    #511@37.45
    #1968@5.45

    希望係撈底而唔係接火棒啦~哈哈

    回覆刪除
  68. 本人好少抽新股
    不過今次對中金有d興趣
    睇反市盈率 對比已上市金礦股都貴
    偉哥你的評價 又係點呢

    wait

    回覆刪除
  69. 我見解不是撈底而是博反彈,
    一定要鬥快食胡
    KK

    回覆刪除
  70. hi wait,中金香港是第二上市,加拿大才是第一上市,此類股過往經驗是難以大升。

    hi kk,最怕是彈也彈不起。國內還沒有公佈價格管制措施,我覺得在政策明朗前,難以有似樣的反彈。

    回覆刪除
  71. HI偉哥,想問358現貨ok嗎?

    回覆刪除
  72. I agree that 1230 has potential, but I disagree with 溝淡, just keep your shares and move on to other stocks, in case 1230 actually has some hidden issues.

    回覆刪除
  73. 如買中金, 你可能先參考俄鋁, 第二上版

    回覆刪除
  74. hi 匿名者,股市與商品價格的相關系數很高,即股市升,商品價格也是上升居多,相反亦然。而商品價格是影響資源股升跌的重要因素,故資源股與大市的走勢大致同步。如果你覺得目前大市再下跌空間不多,可以考慮買358博反彈;但如果你覺得大市尚未見底,則最好忍手觀望。

    回覆刪除
  75. 而家買江銅,大戶會多謝你嘅
    KK

    回覆刪除
  76. 今日沽出剩餘的一注912@2.33。

    先套利,等候低吸機會。

    回覆刪除
  77. 0535 4838 4409 3125
    6086 4039 -4s -6s
    8199 -2s 0690 -7s
    6439 6438 0690 -8s
    6439 6104 -5s -9s
    -1s 8914 4409 3125
    6319 4409 4636
    0690 9065 9428
    9057 -3s 7078

    各位師兄,請問如上的股票買入排號,-4s,-6s,-2s...是代表什麼,謝謝!

    回覆刪除
  78. -4s, -6s 呢0的唔係買入編號, 4個數字個0的先係, 呢0的係代表價位,-4s (即係減4個價位), 有錯請指正~

    發覺由last Friday開始, 個市都係都下什就跌更多~

    偉哥, 511唔係傳聞話有上海財團有興趣收購?

    回覆刪除
  79. -4s,-6s,-2s
    下4個價位,下6個,下2價
    "+"則相反
    有錯請糾正
    wait

    回覆刪除
  80. 偉哥,

    你千其千其唔好咁講呀,睇你寫既野賞心悅目,睇你既心得分享超過癮,講得投資既野就自然離不開股票同No.,有賺有蝕實屬平常,click mouse 落注既永遠係自己,所以偉哥以後寫文時千其唔好就住就住,因為會冇咁過癮 :D

    還記得小弟問過你 623既意見,你話廣告合約既野好大風險,果然!

    到近期你日日勱大家小心大調整,感恩!

    偉哥你千其唔好走呀,呢度只有人會愛你,冇人會怪你,因你太可愛太好分享了

    多謝你!

    Dream

    回覆刪除
  81. 謝謝樓上兩位師兄解答.例如個股價而家係:$4,-4s 是否就變成$3.6,-6s 就變成$3.4 是這樣嗎?

    回覆刪除
  82. 下午將減持912的資金,用作增持1038@33.2。

    回覆刪除
  83. 匿名 大概是這樣 而準確的要看該股定的價差

    wait

    回覆刪除
  84. 偉哥,

    請問2128聯塑跌到呢個水平,值搏率如何? 你對呢間公司既前境可看好?

    Thanks

    Dream

    回覆刪除
  85. 想問若果明天11/18公佈業績, 係咪會係明天收市後先公佈的?
    定係要視乎間公司的做法?

    回覆刪除
  86. 758真係得一棍,哈,歲寶以致同類的百貨股都甚唔掂,睇位離場入第二隻。

    回覆刪除
  87. 今次個跌浪真係快且急
    心血小一啲都死

    今日望左1230成日
    大市沽壓沉重
    佢今日算硬淨了
    沽壓愈來愈細
    有小小見底的跡象
    但要望多二日先可以確定
    現價10pe=19.7
    11pe =16.15

    偉哥來緊既日子會否考慮留意
    會計sir提出既十二五概念股
    如水利 新彊類股份尼

    Jb

    回覆刪除
  88. 通常一間公佈業績一係午間休市/收市後,甚至晏到第二朝開市前

    好少公司係開緊市公佈業績

    回覆刪除
  89. hi 伟哥
    不知道你看不看牛熊分布的
    http://warrants-hk.credit-suisse.com/ch/summary/summary_cbbc_delta_c.cgi
    最近发现这个挺好用的一般哪边人多哪边就输

    snoopy

    回覆刪除
  90. hi dream,2128自己覺得現價值博率不算高,跌到3.5左右就可以考慮。

    hi snoopy,我不看牛熊分佈的,主要看期指的大戶持倉數據。

    hi jb,今日自己都排了1230買盤@3.1左右,可惜無法成交。至於我選股是由下而上,首重業績,故對政策受惠股興趣不大,除非其估值便宜。

    hi mimer,自己反而覺得758似乎上升動力仍在。

    回覆刪除
  91. 偉哥,

    偉易達(303)中期業績不過不失. 81元買,好唔好take profit先,侯低再買.

    David

    回覆刪除
  92. 想知303除淨日到底係12/9定係12/17?
    見aastock就寫12/9,但係港交所份業績公告就寫12/17, 邊個先啱?

    回覆刪除
  93. 118超弱, 仲諗住佢可以頂到.....

    回覆刪除
  94. 見啱啱第100個留言,就留一句,祝偉哥同家人身心健康,股票錢長搵長有...Ty

    回覆刪除
  95. 哈哈,支持偉哥對758的看法,雖不認同。758在這升浪無佢份,所以才博大霧睇下短期肯唔肯炒(歲寶上市),現在炒得一棍但無走都會按原定計劃睇位離場,或考慮轉落跌得頗甘的1230,當然我唔趕,最好如你講仲識升就最好。

    回覆刪除
  96. 118超弱, 仲諗住佢可以頂到.....

    --------------------------
    係囉,不過下一次業績前,應該唔會失望啦!

    回覆刪除
  97. thanks for share your thoughts here. your information is very valuable.

    do u mind to share yr view on the holding of big players in future mkt?

    回覆刪除
  98. 今次大跌市理解是花旗佬射個炸弹給中國接.中國怎化解大通漲.温總在澳門時已表明重點處理抑制.股市代价鷄飞狗走.點解我唔醒目先行一步 shing

    (轉貼)二次定量寬鬆能否解決困擾美國多年的經濟問題是存在疑問的。但不存在任何疑問的是,該政策正在加劇新興市場的通脹和資產泡沫。

    美聯儲定量寬鬆政策實施得越久,中國面對的通脹壓力就越大,中國的政策制定者就越有可能被迫進行補償性加息。

    那麼,接下來該怎麼辦?應該回吐,明年春節前不要入市。

    回覆刪除
  99. 原來有人和我一樣留意2128。
    這個股票其實不錯,只是負債高,但負債高會帶來高增長,我是瞭解過其實際情況才這樣說的

    回覆刪除
  100. 2300同只1038都算硬淨,好在早前將mpf泊入避風塘,
    否則就慘啦,對我來講佢都好大坎投資在股票上,
    KK

    回覆刪除
  101. 其實偉哥唔使因推介暫時不好而係推介時太過謹慎. 咁會減少好多討論機會;)
    加油!

    回覆刪除
  102. hi ming, 大市不明朗因素增加,即使沒有1230此事,自己來緊的推介也會漸趨保守......其實你看我最近的推介1038及511,都應該感覺到。

    hi kk,時機掌握到很好。

    hi 技術投資者,我相信沒有一個網誌好像我一樣當初推介認購2128,亦於跌穿招股價後多番增持,只是後來想不到會藉業績及國策炒到上5蚊,而早於2.8時已沽清。其實其於上市後,資產負債表已大為改善,目前持有淨現金約5億元。自己覺得現在2128合理估值應是10-11倍市盈率左右,所以如果等到股價跌到預期市盈率8倍時才買入,會安全很多。跌到預期市盈率8倍,即相當於股價約3.1左右。

    回覆刪除
  103. hi andre,關於期指大戶的持倉數據,可以參考港交所的網頁:http://www.hkex.com.hk/chi/stat/dmstat/sharedata_c.htm

    從這些數據,可以看到期指大戶的持倉變化。至於這些數據有沒有用、有什麼參考價值就非常主觀,因為每個人對這些數據都可以有不同的演繹。

    回覆刪除
  104. hi derek & 匿名者,不明為何118今日股價跌幅如此大,如果跌到0.7左右,自己會增持。

    回覆刪除
  105. 偉哥,

    1230 ,可能係我黑妹, 連累你及大家, sorry !

    我買入後d股, 通常到係向下跌跌...,跌到我心灰, 止蝕後佢就升.

    你教我買股要睇基本因素,所以今次我耐心等待...

    回覆刪除
  106. 偉哥, 唔洗自責, 投資向來都係自己決定GE事, 輸錢與人無尤....

    我向來都唔參與新股或半新股, 所以新股潮無得無失....不過我可以從偉哥日誌中學習許多分析, 真係獲益非淺....

    雖然而家有20%現金, 但市況咁差, 真係搵唔到理由差隻腳落市....搏反彈贏面低...希望大家都係保留實力, 等D負面消息消化下先!

    回覆刪除
  107. hi ty, 謝謝。

    hi david,自己覺得303的中期業績不算好,最少買入炒作業績的短線炒家應該不會滿意,明天應有較大沽壓。如果股價不是跌太多的話,我會建議先行止賺。

    hi 匿名者,303股息除淨日是12月15日才對,即你最遲要於12月12日買入才可以享有股息。

    回覆刪除
  108. hi ling,我買股從來不相信運氣,所以肯定與你無關。如果財政鬆動的話,支持你與我齊齊等1230翻身之日。

    hi 明叔,如果只有20%現金,我都支持你先等等,等跌定才考慮是否入市吸納。

    回覆刪除
  109. hi 匿名者,我剛才看錯,303除息日期應是12月9日才對。

    回覆刪除
  110. 真係覺得搭沉船下次通知聲,你買小小,我沽多多,然後大家飲茶

    :}

    回覆刪除
  111. 今日班基佬眞係喪沽,依家睇番幾只基佬愛股2333、2338、358嘅跌幅都算恐怖,睇离彈完又沽過居多,
    冇李連杰今身手都博唔過

    回覆刪除
  112. 如果博主略微了解内地奶粉market share就不会去抽雅士利(包括之前的环球)。内地第一大伊利的份额在10%,雅士利<1%,内地厂商中前5名都排不进,内地民众连国资身份历史悠久的大牌子伊利蒙牛光明都不信任,怎么会买广州一家民营的奶粉小品牌,而且当年也受氰胺污染。雅士利的一个子牌施恩被曝冒充进口品,信用已经破产,内地报纸早就揭发。个人认为奶粉市场小牌子将无生存空间。(雅士利招股书有明显误导,只说高档奶粉的份额,高档如何区分?按照价格区分?)

    回覆刪除
  113. google keyword:"施恩 雅士利"

    回覆刪除
  114. http://big5.citygf.com/news/News_001011/200906/t20090615_66230.html

    “假洋鬼子”施恩涉嫌欺詐

    回覆刪除
  115. http://biz.cn.yahoo.com/10-09-/178/y89p.html

    追踪雅士利:工人透露劣质奶粉回溶

    回覆刪除

注意:只有此網誌的成員可以留言。