置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2010年11月30日 星期二

今日(29/11)業績簡評 (下)

其它公司業績簡評:

冠忠巴士集團(00306):之前四年業績都穩步上揚,這次公佈的半年盈利雖然只微增13%,但很大機會可以做到盈利連續5年有增長,並不容易。派中期息5仙,預期全年派息將比上年的10仙為高,以現價計,預期股息率應該不少於6%。如果股價有機會回落至1.5元的話,自己有興趣買入作中長線投資。

慕詩國際(00130):半年盈利大幅增長1.45倍至1700萬元,相當於每股盈利6仙,派息4仙。自己覺得上半年業績大幅度增長的主要原因是上年同期的基數明顯偏低所致,以全年計難以再實現此大幅度增長。如果有20%的增長已算理想。以現價計,預期市盈率不低於16倍,屬偏高水平,股價在業績後出現好消息出貨的機會較大,有貨在手的要小心。

寶光實業(00084):半年盈利大幅增長接近10倍至5056萬元,相當於每股盈利5.31仙。由於公司事前沒有發出盈喜,故此業績是有驚喜,相信股價還有上升空間。管理層兼且預告下半年可以維持佳績,故保守估計下半年盈利應該不少於上半年。假設下半年盈利與上半年相若,則全年每股盈利可達10.6仙,現價預期市盈率只得9倍左右,估值較其它零售股為低。自己給予的半年目標價是1.16元,相當於預期市盈率11倍左右。各位可能會覺得此估值太保守,但自己覺得此股負債比率偏高,故估值也應較其它零售股有折讓才合理。

79 則留言:

  1. 一陣間想看西甲大戰,今日又沒有時間寫3818。

    或者整定要等我買完最後一注的3818才可以寫好我的看法。

    回覆刪除
  2. 偉哥對寶光實業(00084)的確保守了點.
    由於84下半年盈利一向比上半年多超過0.5倍(1年金融風暴年除外),個人認為目標價$1.46元的估值應該都不會太過份呱.

    回覆刪除
  3. 偉哥點睇3998業績, 睇黎唔錯, 男裝業務亦開始賺錢, 睇黎仲有位上wow

    回覆刪除
  4. 今日很期待低位再加碼買511,請不要升。

    回覆刪除
  5. hi 件件,如果純粹以炒的角度來看,84應該是今日眾多業績股當中的升幅之首。

    回覆刪除
  6. 511競價時段(未最終開價)好似升7%喎!...Ty

    回覆刪除
  7. 84競價時段對價$1.26...睇來冇行了

    回覆刪除
  8. hi mimer,其實如果想買來做中長線投資的話,自己覺得無需要今日去搶貴價貨。

    如果有心買的話,等遲些大市回落,而且業績的光環漸被人遺忘的時候才去買平貨,再等下次業績期。

    我已經將這次業績期的績優股紀錄下來,作為跌市時的購物清單。

    回覆刪除
  9. 494 50蚊
    又係時候玩佢了

    回覆刪除
  10. 84巳經升穿偉哥半年目標價~
    偉哥,到底你係點計算估計的升幅呢?
    點解可以咁準?

    回覆刪除
  11. hi 匿名者,84的目標價是不準確才對,因為現價已遠高於我的保守目標價。

    回覆刪除
  12. 偉哥,點解2300近排一直跌落?現價是否買入良機?

    fish

    回覆刪除
  13. 哈哈,我都有記底偉哥你d目標價,因為自問個市怪怪地,84我見尋日大家炒647不亦悅乎,想參予下.

    回覆刪除
  14. 1170同684一開市狂瀉, 好後悔尋日無走貨~

    回覆刪除
  15. 偉哥我都想知2300現價6$是否值得入

    回覆刪除
  16. 1170洗唔洗好似倒水咁啊?

    回覆刪除
  17. 684我想買,我會靜靜等待

    回覆刪除
  18. 1170我覺得v返上黎機會好大, 684就應該短期之內要捱沽了

    回覆刪除
  19. 想不到開市10分鐘,84已到我的$1.46了...真瘋狂......

    回覆刪除
  20. 今日很多人因高息而追入450,但忽略了最重要的盈利能力。

    450的現金是否無窮無盡,可以一直維持此高息?此盈利能力又能否維持此高息?上半年是旺季還是淡季?下半年能否維持上半年的盈利能力?

    回覆刪除
  21. hi Wing, 小事代答,2300偉哥目標(半年,唔係聽日)7蚊,其他自己想。

    回覆刪除
  22. 如果手上無貨的話,我覺得2300現價有值博率。

    回覆刪除
  23. 偉哥, 請問波司登上半年的業績算好嗎??

    回覆刪除
  24. hi 匿名者,3998的盈利主要源自下半年,因其主要盈利是依靠賣羽絨,而賣羽絨又要看天氣,所以此股上半年的業績除非很突出,否則自己覺得對股價的影響不會太大,還是要看下半年。

    當然,如果單單看上半年,業績肯定是不錯,起碼男裝業務已轉虧為盈,過多幾年可能可以提供較顯著的盈利貢獻,減少盈利受天氣的影響。

    回覆刪除
  25. 咁早入了110K股84@$1.28,雖未有在高位減持,但$1.28似乎又已經封了蝕本門.希望下什午可以再有一次高潮...Ty

    回覆刪除
  26. hi 偉哥, 684 有冇中線投資價值?

    回覆刪除
  27. 1170, 684 都下跌近10%
    會否先入返D

    回覆刪除
  28. hi oni,自己覺得有中線投資價值,並打算在3.4左右加碼。

    回覆刪除
  29. 多謝偉哥3998指導!
    都會學偉哥整個買餸籃,等候大市調整後將績優股趁低吸納等半年後既業績期 !

    回覆刪除
  30. 684升咁耐,沽盤一日未必完到,靜靜等待...

    回覆刪除
  31. 偉哥早, 130咩事插甘多, 業績不好嗎?

    回覆刪除
  32. 偉哥, 647, 444, 448呢期都係業績很不錯的,但巳升得太高,在在市回調後, 你認為咩價位俱值博率?

    回覆刪除
  33. 反而638業績較差,但股價只是微跌而已。可能638很少人預先買入炒業績,所以無期望、無失望;但1170、684近兩日都有較顯著升幅,反映不少短線投機客買入博業績,但業績未乎預期,所以沽壓龐大。

    如果1170跌到1.65左右,自己會買回。

    回覆刪除
  34. 684的確不錯,增長快,負債低,派息比率超過40%.
    這樣好的股,為什麼市場連續5年給它低於同業的估值? 實在想不明白...

    回覆刪除
  35. hi gc,你留意看看業績報告,管理層差不多年年“例牌”會唱淡前景,很多時候是重點放大利淡因素,利好因素只會簡單略過,很多人都會相信他們的言論,所以對其前景抱有“戒心”。

    hi derek,希望臨收市前會有基金大手沽貨,我已在37元邊排了買盤。

    回覆刪除
  36. 1170業績OK,只不過係炒友出貨啫。

    回覆刪除
  37. 個市尋日唔跌留番今日先跌咁...

    回覆刪除
  38. 照偉哥咁講,相反獲納入MSCI指數嘅股票,今日應該會被基金買入,我記得有一次都係咁,最後10分鐘好多細價股被掃,升咗10幾20個巴先。

    回覆刪除
  39. 路易,請問今日新加入MSCI 既股有邊幾隻?

    THanks :)

    回覆刪除
  40. hi 路易,有很大機會如此,但凡事都有例外,之前也試過一兩次新加入指數的股在加入前夕有顯著跌幅,令無數投機客損手。

    回覆刪除
  41. MSCI公布半年度檢討結果。MSCI新興市場指數最大三隻新增成分股分別為Diagnosticos America On、Spar Group,以及保利協鑫<03800.HK>。

    MSCI Asia Pacific納入波司登<03998.HK>、華晨<01114.HK>、中國燃氣<00384.HK>、中材<01893.HK>、華潤水泥<01313.HK>、山水水泥<00691.HK>、南航<01055.HK>、恆大<03333.HK>、保利協鑫、長城汽車<02333.HK>、亨得利<03389.HK>、龍工<03339.HK>、越秀地產<00123.HK>、招金<01818.HK>、南車時代<03898.HK>、工銀亞洲<00349.HK>、澳博<00880.HK>;剔出電視廣播<00511.HK>。

    有關變動於本月30日收市後生效。

    回覆刪除
  42. 好多嘅喎,唔一定隻隻升,可以參考一下:
    http://www.etnet.com.hk/www/tc/stocks/realtime/quote_news_detail.php?section=related&code=738&newsid=ETN201111176

    回覆刪除
  43. hi 偉哥
    請問38.55吸引嗎
    琴日37.8都想買..又衰心大心細
    你有set買入位嗎?
    個市趺緊我又想佢趺多D

    RE 琴日回復
    我跟你買個D都好保守既股票..
    有幾隻大升的我都冇買..
    似乎我心態同年齡不乎比例
    希望下次可調整注碼博殺

    另外3322 目標價是..?
    現價預測pe好低-o-"

    回覆刪除
  44. 偉哥,A股因咩事跌呢?...Ty

    回覆刪除
  45. hi 偉哥,

    隻684咩事跌咁多? 點睇?! thx

    yt

    回覆刪除
  46. 阿爺 11月通脹新高
    即係要打壓啦
    所以 A跌跌跌
    milk

    回覆刪除
  47. 家陣香港股市跟大陸多過美國...政策市仲難玩~

    回覆刪除
  48. 647 升返穿個頂, 見到1蚊喇!

    回覆刪除
  49. 647 d成交邊度黎.??

    n

    回覆刪除
  50. 有持貨118的師兄,有否留意今日成交宗數同金額都比上一個交易日多很多,不過股價就沒咩睇頭,知唔知玩咩呢?

    回覆刪除
  51. 唔知偉哥有無興趣寫返個專題, 講下你認為各版塊既合理巿盈率係幾多咁呢? 我諗咁樣會對各股壇新手好有幫助.

    回覆刪除
  52. 呢度其實係咪有blog友係雜誌記者,點解成日有人問偉哥有無興趣寫專欄...哈哈~
    呢個問題偉哥之前答過了~

    回覆刪除
  53. 香港股市跟大陸多過美國...政策市仲難玩.做看台觀眾好過落場參予者...shing

    回覆刪除
  54. 千祈咪寫專欄啊, 被人招安, 咁我地就無得係blog度暢所欲言ga la

    回覆刪除
  55. 448真係日日升, 做左第二隻999
    有邊個仲未放就真係恭喜
    fung

    回覆刪除
  56. 個市好陰濕,尋日期指結算唔跌, 今日先來跌,阿爺又跌四百多點~

    回覆刪除
  57. hi 匿名者,647、444、448此3股會等零售股炒作爆煲後才買回,相信還要一段時間,到價可以買回時我會在這裡告訴大家。

    hi leon,這問題之前有答過,即使同一行業的股份,合理估值也可以差天共地,正如539的估值長期只得5倍市盈率左右,但業務有些類似的1382、2678等估值會高出許多。所以列一個表出來只會害了新手,不會對新手有幫助。

    hi 匿名者,118今日經濟日報有專欄唱好,可能因為這樣而逆市升。

    hi ty,A股大跌可能與國務院進一步落實價格管制及加息預期有關。

    hi 小新,511自己平均成本都是38.4左右,現價是否值得追入就要自行考慮。至於3322,自己覺得中長線可以看1.5,能否升到此價還要看全年業績是否理想。

    回覆刪除
  58. hi 偉哥
    我想問一個比較白痴既問題..
    點解我見有D公司借貸年利率低至0.7-5厘..?
    我地市民借貸又要比較高息.. 6-9%
    究竟有咩方法可以借到平錢?
    開公司/用資產抵押/有其它方法..
    這個問題想問很久了..
    有空的話請幫幫忙*

    回覆刪除
  59. HI偉哥
    威高中期增長91%唔知點看這隻

    回覆刪除
  60. 偉哥睇來今日好難係$37以下入到511了~

    回覆刪除
  61. 想請問下次業績期係咪由3月開始?

    回覆刪除
  62. hi 匿名者,下次業績期最早的2月尾已經開始公佈業績,但大部份都是3月才公佈。

    hi 小新,你借按揭有H PLAN,可以以低於1厘的利率供樓,但如果同業拆息升的話,利率也會跟著升。

    回覆刪除
  63. 癲股繼續癲, 弱股就無起色......越貴越多人買, 哈哈.

    回覆刪除
  64. hi 匿名者,1173的中期業績之前有看過,是不錯,但估值也不便宜,所以沒有深入研究。

    hi derek,大部份人的心態就是這樣,越貴越去追,越平反而不敢買。

    回覆刪除
  65. 偉哥,
    118 is it right price to buy now? It seems the stock price is in upward trend? Any target price for it?
    Thanks.

    回覆刪除
  66. 偉哥,

    Sorry, one more question. If I would like to choose a stock to buy between 529 and 118 which one is more worth to buy it now. thanks.

    回覆刪除
  67. 果然MSCI指數股最尾果D買盤真係勁!

    回覆刪除
  68. MSCI stragtegy is working!!!!!!!!!

    thx so much for bros who reply me

    thxthxthx

    880 & 3998 is just real good rise , and i'm lucky to have them both

    回覆刪除
  69. 路易 , thx so much to answer me

    880 i hold it for long time , didn't realize MSCI or not , and just know when u guys mentioned it

    and 3998 and buy in after result announced :D

    回覆刪除
  70. oh , the 880 price is "mark high"

    the real price is just $12.2 , but it's still good :D

    回覆刪除
  71. 880, I sold at @4.5 and earned a little money only. How stupid!

    回覆刪除
  72. 偉哥, 想問下點解有0的股公佈業績其實都係唔錯, 但係升幅就無咁厲害呢?
    如647,444呢0的都升得好勁~
    但係如1170, 84呢0的又唔係升好多喎~
    到底點衡量?

    回覆刪除
  73. hi 匿名者,因為647、444這些股的業績是超出投資者/投機者預期甚多,所以升幅厲害,令估值追上同業水平;至於1170,盈利其實是預期之內,沒有驚喜,兼且業績公佈前已炒高,所以估值已不便宜,短線投機者計算過,上升空間不多,故今日沽貨離場。至於84,今日的表現不算差,而且我有解釋過為何會給予較為保守的估值。

    hi william,我自己不會現價追118,反而升到1元以上,我會分段沽貨。至於529,我昨日的留言裡都有分析過為何股價會跌,是否買入此股或買118,你要自己決定,因為風險與回報都是由你承擔。

    回覆刪除

注意:只有此網誌的成員可以留言。