置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年1月20日 星期二

近期套利交易進展


近期參與的套利交易進展如下:

1. 俊和發展(00711):已成功沽清持股@1.1元,另外獲贈送的私人公司也已同意以每股0.181元賣給原大股東;以買入平均成本1.18元計算,扣除手續費後的回報率是8%,歷時3個月,年度化回報是32%;

2. 豪特保健(06880):現金要約將於本周末到期,如果股價仍沒有變動的話,將會同意以每股2.09元賣給大股東;以買入平均成本2.04元計算,扣除扣除手續費後的回報率是2%,歷時1個月,年度化回報是24%;

3. 西南環保(01908):此股上月底買入,平均成本3.1元;今天剛開始現金要約期,要約期將於2月10日截止。如果到2月8日仍未炒上,則自己很大機會在市場沽出或者賣給大股東,看何者價格為高。新大股東是福建國企廈門建發集團有限公司,主要業務包括供應鏈運營、房地產開發、酒店及會展服務等,總資產超過人民幣970億元,年收益超過人民幣1,040億元,實力雄厚,不知股價在現金要約到期前會否出現炒作?密切留意。

4. 林麥集團(00915):大股東已與廣東道和投資產業集團訂立買賣協議,以每股1.1776元出售其所持有的69.88%股權,只等某些條件達成就可以落實買賣協議,到時買家將按規定向全體股東以每股1.1776元提出現金現約。自己於上星期以1.11元買入,只等交易落實及新股東提出現金要約,則扣除成本後,兩個月內保証回報率約5.5%,相當於年度化回報率33%;

5. 湖南有色(02626):大股東於上年10月底提出以每股4.2元私有化公司,當日復牌後已炒了一轉波幅,另於前日再以每股3.76元買入,並打算繼續增持,怎料日前突然宣佈已達成提出私有化的條件,並於今日正式刊登私有化文件,股價也隨即升上3.9元以上,錯失再增持的機會。所有目前已持有此股或打算買入的網友,可以看看這份通告就知道私有化進程及你要如何配合去爭取私有化成功。如果一切順利的話,私有化將於3月底完成,以自己買入價計算,屆時3個月回報率約11%,相當於年度化回報率44%。

市場上近期其實還有一隻權智國際(00601)也存在套利機會,以近日低位0.435元計,扣除交易成本,潛在回報約5%,但自己衡量過風險及時間之後,放棄這個套利交易機會,大家知道原因嗎?

這篇是交待近日套利交易的進展,下篇會談談近期有參與買賣或有興趣的潛在殼股。

274 則留言:

  1. 由上年底開始進行的套利交易,不但提供了可預見的回報,而且也令部份資金避開了上月的洗倉潮,一來一回其實是為組合提升了購買力,是自己近月最明智的決定。

    回覆刪除
  2. 你的計算很有趣,即日鮮賺1%的話, 年度化計算將是賺365%,十年度計算是賺3650%,跟你搵食還要買ibond (一年只有4%)? 但是反之蝕1%的話就很不幸了, 投資10000, 十年後唔見365,000, 佩服佩服。

    回覆刪除
    回覆
    1. 作者已經移除這則留言。

      刪除
    2. magician6030 你的理解能力是否有少許問題?!

      刪除
    3. magician6030;您好,我好言相勸,寄語足下,股場上能同舟共濟、無私分享的人已經少之又少... ...偉哥的投資圈旨在互相交流討論,集思廣益、或者互通消息,同舟共濟。而並非冷嘲熱諷;足下如有更好投資/ 投機策略,能否不吝賜教?等我地一齊學下野

      唔同人唔同專業,偉哥投資圈裡面,各弟兄有各本領,有的擅長搜羅消息確認真偽,有的人脈圈子交遊廣闊,有的精通該行業前線,有的國內經商的... ...眾多不能盡錄;例如我則專責投資信託,予弟兄唔同類型零風險Investment Trust 選擇。每一個投資工具、投資策略都有唔同取向,但同一個目的都係資本增值,股場上獲利;

      冷嘲熱諷、無謂晦氣說話絕對無正面作用,懇請勿打擊任何投資弟兄士氣,期望大家一齊笑到最後,共勉之。

      刪除
    4. magician6030, 你系米輸得多,要搵人發難渣? 偉哥投資成績,各BLOG 友有目共睹.難得偉哥肯無私分享.你就出走黎講D戾横折曲說話,完全沒建設性,破壞這BLOG 的氣氛

      刪除
    5. Magic的思路是對的,偉哥假設三個月賺3%,而一年有4次連續的機會,就會賺12%,反之亦然。
      而近來一個月已經有4次這樣的機會,所以回報應該更高。

      刪除
    6. 我肯定偉哥計錯數,連複利都無考慮,中一都有教,計少左好多

      刪除
    7. 所以套利交易的複合回報其實可以相當厲害,前提係有足夠機會,而且最重要係接近零風險,近乎無風險先係套利交易的核心

      刪除
    8. 我自問功力有限,只識賺取呢D薄利......如果有人識得每日"穩賺"1%大法,咁即使要交幾十萬元學費,我都願意比錢學。

      刪除
    9. 我都想學!每日1%,大約250個交易日,即一年複合12倍!我願意俾一球學費!

      刪除
    10. 唉,偉哥我呢排日日蝕,就係衰在跟你唔足。如果每個交易日都穩賺一個巴仙願意以身相許呀,哈哈。

      刪除
    11. 年度化計算在經濟及金融統計上是有其意義, 如美國經濟的數據 (GDP, jobless claim, retail sales 等). 但完全未聽過有十年的年度化計算

      刪除
  3. 我都沒機會買入2626, 就升上3.9元以上啊>_<

    回覆刪除
  4. magician6030;您好,我好言相勸,寄語足下,股場上能同舟共濟、無私分享的人已經少之又少... ...偉哥的投資圈旨在互相交流討論,集思廣益、或者互通消息,同舟共濟。而並非冷嘲熱諷;足下如有更好投資/ 投機策略,能否不吝賜教?等我地一齊學下野

    唔同人唔同專業,偉哥投資圈裡面,向人有向本領有其他弟兄擅長搜羅消息確認真偽,有弟兄人脈圈子廣闊精通行業前線,眾多不能盡錄;例如我則專責投資信託,予弟兄零風險投資信託工具選擇。每一個投資工具、投資策略都有唔同取向,目的都係股場上獲利;

    冷嘲熱諷、無謂晦氣說話無正面作用,懇請勿打擊任何投資弟兄士氣,期望大家一齊笑到最後,共勉之。

    回覆刪除
  5. 以優質殼股計,以426最佳,我計到,無理由D殼股買家計不到,
    大股東持75%,財務乾淨易計數,市值得2億多,雖然不是最平,
    但比其他市值低既通通條件吾夠好,如79,個勢想供股,567淨債,
    37大股東點會益人,三股大股東持股量都不高,
    市值略高有1386,1211,都有機會賣,但等待時間風險比較大,(可能未等到已要止蝕)

    回覆刪除
    回覆
    1. 如果864唔係有某d阻滯導致極難賣盤,佢可能係比426更優質的地產殼,只係現價太高,我有朋友0.6x買番來,如果賣盤賺死佢

      不過我認同426睇黎係相當優質的殼

      刪除
    2. 567是持有淨現金約1.4億元(計及保險賠償)。另外近期佢有些舉動似有想賣殼的跡象,故此先買些少貨底。

      大家不妨一齊研究下。

      刪除
    3. Hi Faistock, 見你曾多次吹(催?)426賣殼, 想同你分享呢篇報道, 睇下解唔解答到你的疑惑? 我的理解是, 大股東以私人名義控426, 685, 曾被敲門, 但皆不會賣盤, 自然沒有憧憬將殼價計算在內. 如果把憧憬賣盤作為價值投資的一種, 愚以為應該先否決那些表明不會賣盤的股票.

      "張曉卿在中國的投資,由兩年前起變得活躍,目前在中國總投資額近廿億港元。而張曉卿旗下的《明報》品牌報業王國,輿論影響力亦成為他跟中共在商業上談判的最佳籌碼。

      去年,有資深傳媒人聽聞,曾有中方水喉洽購《明報》,但張曉卿為建造其「世界華文傳媒王國」而未有賣盤,希望「有嘢揸手」在大陸好辦事。"

      (原文: http://hittt.blogspot.hk/2014/01/1244-m1_6200.html?p=1)

      至於864, 自己曾0.75買進1.5放晒, 但對於自己曾經以為這種股會賣殼, 深表遺憾. 原因是這種資產折讓股比比皆是, 有股友很喜歡儲這種股票, 覺得"好穩陣", 但其實從動機, 財技而言, 其實這隻股票是沒有任何蛛絲馬跡會在短期內賣盤...及後, 醒覺自己買這種細價資產折讓股是"一雞三味", 可以搏賣盤, 盈利反彈, 歸邊炒起......以前覺得咁樣投資好SO, 但後來醒覺其實好無目標. cy l兄, 你說的"某d阻滯", 又係咩呢?

      刪除
    4. Hi Faistock, 見你曾多次吹(催?)426賣殼, 想同你分享呢篇報道, 睇下解唔解答到你的疑惑? 我的理解是, 大股東以私人名義控426, 685, 曾被敲門, 但皆不會賣盤, 自然沒有憧憬將殼價計算在內. 如果把憧憬賣盤作為價值投資的一種, 愚以為應該先否決那些表明不會賣盤的股票.

      "張曉卿在中國的投資,由兩年前起變得活躍,目前在中國總投資額近廿億港元。而張曉卿旗下的《明報》品牌報業王國,輿論影響力亦成為他跟中共在商業上談判的最佳籌碼。

      去年,有資深傳媒人聽聞,曾有中方水喉洽購《明報》,但張曉卿為建造其「世界華文傳媒王國」而未有賣盤,希望「有嘢揸手」在大陸好辦事。"

      (原文: http://hittt.blogspot.hk/2014/01/1244-m1_6200.html?p=1)

      刪除

    5. 至於864, 自己曾0.75買進1.5放晒, 但對於自己曾經以為這種股會賣殼, 深表遺憾. 原因是這種資產折讓股比比皆是, 有股友很喜歡儲這種股票, 覺得"好穩陣", 但其實從動機, 財技而言, 其實這隻股票是沒有任何蛛絲馬跡會在短期內賣盤...及後, 醒覺自己買這種細價資產折讓股是"一雞三味", 可以搏賣盤, 盈利反彈, 歸邊炒起......以前覺得咁樣投資好SO, 但後來醒覺其實好無目標. cy l兄, 你說的"某d阻滯", 又係咩呢?

      刪除
    6. 浩然兄可以睇睇RF864的港股專區

      刪除
  6. 426在0.6以下風險同回報不成正比,仲有等待間有股息派(以往有)
    不過只適合想悶聲發大財朋友,要TRADE既就不適合

    回覆刪除
    回覆
    1. 作者已經移除這則留言。

      刪除
    2. 426大股東暫時未有某d賣盤前常有的動作,有冇意願賣盤比較難講

      不過faistock2002兄係異動股達人,可能今次隻殼又會一講就中(笑)

      刪除
    3. cy I : 第二段 ,同一想法。 空穴來風,哈 。

      刪除
    4. To fai兄:426在0.6以下風險同回報不成正比,仲有等待間有股息派(以往有)

      0.6以下可考慮乎?

      刪除
  7. 偉哥近期講唔少套利股,既然偉哥無私分享,我都講一下套利,其實除咗現金要約呢類之外,仲有一種常見套利:趁高沽空一d派多息即將除淨的股票,除淨後買返

    以之前的194為例,194於2014年2月26日公佈分派特別股息$2.8+股息$0.18,於2014/05/02除淨,如果在4月尾股價大概$12時沽空,到5月初所有除淨完成後就可以以大概$9的股價進行回補,從而賺取大概$3的回報

    沽空的股票除淨,分派雖然歸貨主所有,但沽空者可以賺取除淨造成的差價

    回覆刪除
    回覆
    1. 呢種方法嚴格講唔屬於套利,而應該歸於類套戥之列

      好處係最快可以今日除淨前沽空,聽日除淨後回補,用極短時間賺取差價
      壞處係如果除淨扣價唔多,未必可以有利潤,甚至可能有虧蝕機會,但除淨扣價最起碼會係開市造成一個有利差價

      由於特別息之類的較大額分派其實唔少,所以其實有唔少機會可以做呢種類套戥而同時有較多的利潤

      刪除
    2. 唔知有冇記錯,如果真係好嚴格黎講(即係教科書識講唔識炒果d) ,一定要係risk-free 先可以叫套戥,呢類似乎係speculation 多d, 請指教

      刪除
    3. 謝謝cy l 分享,有興趣的網友要先去IB開個戶口,方便做沽空。

      這種交易方式肯定不能算是套利或套戥 (arbitrage),因為套戥講求的是尋找無風險的獲利機會。大家有興趣的話可以參考我以往曾經做過的一單交易(http://hkstockinvestment.blogspot.hk/2010/09/blog-post_19.html),買入人民幣做定期,與此同時沽出1年期人民幣遠期不交收合約(NDF),鎖定人民幣1年後的匯率,從中賺取無風險的10%回報。

      刪除
    4. 所以話係類套戥(笑)
      如果唔計買賣造成的波動,先可以有固定水位,所以除淨扣價多的對象先穩妥,唔係分分鐘隻股除淨後升得勁沽空倒蝕

      不過最大的問題反而係除淨前借唔借到貨,呢個先係最大問題

      刪除
    5. 作者已經移除這則留言。

      刪除
    6. 估到了。雪球有時太多私信,我看的時候有空就即時回答了,不然一拖久了就忘記左。

      刪除
    7. 雪球太多古靈精怪的人.............

      刪除
    8. 唔計買賣造成的波動,先可以有固定水位,所以除淨扣價多的對象先穩妥,唔係分分鐘隻股除淨後升得勁沽空倒蝕

      "所以除淨扣價多的對象先穩妥",不明白是什麼邏輯

      刪除
    9. cy兄我唔係好明呢種方法點樣賺錢。係ex-dividend前沽出,再係ex-dividend後立即買入,咁差額理論上會係dividend。
      但如果沽空,正如你所講,dividend要比番貨主,咁姐係沽空嘅profit=dividend=比番貨主,咁邊到可以有錢賺?

      請指教

      刪除
    10. 我估佢assume一啲派息高或者有特別息既股,除淨後股價會易跌,所以在除淨前沽空然後除淨後平倉嘗試獲利。

      這個現象是否經常發生,見人見智。這個不算套戥交易,始終要持短倉過夜,萬一明天裂口高開雞犬皆升,都唔知平唔平倉好。

      睇番偉哥多年前用RMB NDF 溢價做套戥,真係佩服,獲取10% return 而接近零風險。 (除了美元脫勾或銀行倒閉等黑天鵝事件的風險)

      刪除
    11. DL:以194為例,扣價足足有$2.98,除非除淨後一開市由$9升到$11.98,唔係都唔會蝕,水位有$2.98,就算升10%咁瘋狂都唔駛驚,回補沽空仍然可以賺唔少,係咪?
      但如果水位少,不單利潤少,更容易因股價升穿扣價而倒蝕

      Jason Li:我指借貨沽空

      刪除
    12. Jumpman:沽空冇分派收,但由於除淨有扣價,所以可以達成高賣低買

      如果仍然有人唔明,建議再睇睇我之前的分享,尤其留意細節部分,如果有疑問再提出

      刪除
    13. 你借人貨沽空,收到成$3息你估唔使比返人?

      刪除
    14. 作者已經移除這則留言。

      刪除
    15. 要,不過嗰$3來自分派,唔駛自己淘腰包

      刪除
    16. 正如之前所講"沽空的股票除淨,分派雖然歸貨主所有,但沽空者可以賺取除淨造成的差價"

      刪除
    17. 閣下借入股份並於除淨日前出售該股份,閣下則須要向借出股票者支付該次股息

      我理解係咁

      刪除
    18. 另外,194其實係以實物分派創興銀行股份形式派特別息,不過對沽空黎講呢次情況同派現金冇分別

      刪除
    19. 其實除淨前沽空了,那股息就收不到,何來$3的股息落袋?

      刪除
    20. 哦,我明白了............

      刪除
    21. 無論如何,cyl只是在對賭除淨後的股價變動,同套戥二字完全無關係

      刪除
    22. 偉哥講得岩。

      假設A向B 借2000 股194,A 將借番黎既2000股賣比C @ $12.00

      除淨後,這2000股的股息$2.98會歸於C。假設股價=理論價$9.02,你再向D買回2000股還比B。

      B 雖然最後都有2000股,但卻收不到股息,所以一般做法就是A 要向借貨者B 支付$2.98 的股息。

      刪除
    23. 哎,我想漏了最重要一點,正正式式的一子錯滿盤皆落索,傻了傻了...........
      這次糗大了,算啦,人生總有糗的時候........

      照咁諗,除非某d情況的實物分派,唔係只有股價波動的利潤

      刪除
    24. 今次上述各位諗啱,我諗錯,沽空點會有息收,只有掏腰包俾息貨主..............
      剛剛查返,人地的做法係咁...................
      http://hk.apple.nextmedia.com/financeestate/art/20130413/18226591

      刪除
    25. 我一看就知問題在哪裡......因為我以前同樣有這想法,然後付諸實行,最後當然撞板。

      所以鄧小平說:"實踐是檢驗真理的唯一標準",確實是不能同意更多。

      刪除
    26. 多謝偉哥指正,今次真係唔知點解,明明d網友都指出問題所在,但係個頭好似撞咗牆咁,就係察覺唔到問題所在,最尾都係偉哥一語中的

      多得偉哥同班網友,我唔駛撞板

      刪除
    27. 睇番成個討論, 大家以事論事, 無私分享, 沒有人身攻擊/單單打打, 我受益了. 謝謝!

      刪除
  8. 首先多謝偉哥分享.
    其他人若自問不是全心玩野, 那請在文字上尊重主人家來個討論而不是挑釁,否則唔該過主

    回覆刪除
  9. 其實應付D白痴撩交唉之徒,最佳方法係唔Q理佢,當佢無到,冇人同佢唉交自然夾尾而逃。

    回覆刪除
  10. 偉哥 想請教下320 佢一半營收來自歐洲 歐羅咁跌都幾傷 會否調低目標價?

    回覆刪除
    回覆
    1. 根據其中期報告:

      本集團大部分買賣以美元及港元計值,另有較小部分以歐元區貨幣計值。由於
      港元與美元掛鈎,故本集團在此方面面對的外匯風險較低。本集團於中國大陸
      生產設施的若干製造及營運經常費用以人民幣計值。於二零一四年九月三十
      日,本集團並無就對沖訂立的未動用金融工具。儘管如此,本集團將密切監控
      其整體外匯風險及利率風險,並採納積極審慎的措施,以於需要時將有關風險
      減至最低。

      由於主要以美元及港元計值,故此歐羅的貶值對320會有影響,但影響應該不會太大。

      刪除
  11. 510@0.33&0.325 Hope to reload it again!

    回覆刪除
    回覆
    1. 哈哈,我又要黑心一些,希望你買唔返。

      刪除
    2. no way! i just set 0.35 to sell 1/3 of present holding. once sold i will then set 0.335 to buy back some.

      i am such a small tea rice eater.

      刪除
    3. 我也要加入黑心俱樂部,老套的那一句........510 gogogo!

      刪除
    4. 你的Baby嫌你對佢成日苦即若離,唔夠專一,所以要捨你而去,投奔高大富的懷抱。

      刪除
    5. 我搭左你地隔離隻船,行先一步喇 , 呼~xddd

      刪除
    6. 510會不會中午停牌呢? 看到1049甘強。

      刪除
    7. 1049完全是春江鴨格局。

      刪除
    8. 510個款好死,0.335無人沽,0.345無人買,維持咗好耐。

      刪除
    9. 510終於突破0.345框框,好事!

      刪除
    10. 希望可在$0.335再入。

      刪除
  12. 偉哥要特別注意2626為可沽空的股票之一,近期有幾筆對2626沽空的單子,可能會在獨立股東投票時進行非預期的襲擊,須提防。

    回覆刪除
    回覆
    1. 那些沽空金額要對公司H股市值是微不足道,無法否決私有化的。

      以前對沖基金可以藉數人頭否決私有化,但湖南有色是國企,私有化不需數人頭,冇左呢招對沖基金是難以藉沽空及否決私有化圖利的。

      刪除
    2. 根據豁免權,如果要約方有心私有化,襲擊冇可能成功

      刪除
    3. 10.要約條件中85%的接納率達成是否有難度,要約人是否會豁免此條件?

      根據收購守則30.2條,對於自願要約,要約人可以設置一個高於50%的要約接納水準作為條件,比乃很多自願要約的正常操作。
      本次要約的其中一項條件包含「要約人及湖南有色集團(直接或間接)持有本公司已發行股本(連同要約之前或期間已經擁有或同意將收購的股份)總計不少於85%」。要約人認為本次要約符合股東的利益,85%的接納條件亦為可行,故要約人有信心接納條件可獲達成。
      誠如該公告中所述,要約人對85%接納水準的條件享有豁免權,可以較低水準接納,但這並不代表要約人一定會豁免此條件。
      同時,我們也建議投資者仔細考慮退市生效後H股流通性將降低,並認為股東應儘早接納要約。

      刪除
  13. 歐洲又唔掂. 思捷死多兩錢重, 有排跌,避開歐洲相關股:

    思捷(00330.HK)預警中期純利跌47%-58%

    思捷環球(00330.HK) -0.300 (-3.452%) 沽空 $1.72千萬; 比率 70.672% 公布2014年止六個月期間,預計錄得純利4000-5000萬元,相比2013年同期約9500萬元,跌幅即介乎47%-58%。原因是︰歐洲持續出現不尋常的和暖天氣導致集團秋冬季產品銷售較預期低,以及就解決內地批發渠道陳舊存貨之特別退貨協議雖已完結,但對營業收入亦有所影響,導致整體營業額跌幅較預期大。(de/d)(報價延遲最少十五分鐘。沽空資料截至 2015-01-20 16:25。)

    回覆刪除
  14. 有人從9點幾開始,每隔2分幾鐘,以現價買入1千股3399。

    回覆刪除
    回覆
    1. HEHE 遊戲開始了?!
      YEAH~~ 3399 GO GO GO

      Uncle 7

      刪除
    2. 係,佢緊係諗住慢慢吸,以為有人會$6.2或以下放俾佢。

      刪除
    3. 好多自動盤買入,一千,一千買

      刪除
    4. 等到不只花兒謝了,連草都謝埋!

      刪除
    5. 等多一兩天....希望有好消息。

      刪除
    6. 大家咁話,但呢個月沒消息,會否減持?

      刪除
    7. 偉哥真對3399有信心,佢近排上上落落,真係幾消磨意志。

      刪除
    8. 上上落落,都好過上個月無數股票被人洗倉洗到暈。

      我堅信會有好消息出。

      刪除
    9. 我信,所以昨日以$6.2入多兩注。

      油價大跌也有利業績。

      刪除
  15. 各位有無留意開 232? 李嘉誠上月大手入左股

    回覆刪除
  16. 1049賬面賺了近20%,開始set止賺

    回覆刪除
  17. 532慢慢地回升中,看似又會來一轉

    回覆刪除
    回覆
    1. 看來532真的來一轉,上到0.73,又機會等高位食一轉

      刪除
    2. 532會不會又是一年炒兩轉?

      等緊。

      刪除
  18. 1171咁嘅格局可否炒下波幅?

    回覆刪除
    回覆
    1. 炒波幅的股一定要自己長期跟進,留意走勢及盤路,其他人未必幫到手。

      刪除
  19. 今年第二隻食糊1685沽一半開心吓先。

    回覆刪除
    回覆
    1. 恭喜恭喜,今年我都唔知係好運定唔好運,一連兩隻重磅股停牌等收購消息,想跟大家都冇錢跟…

      刪除
  20. 2626一去無回頭,完全無位加倉

    回覆刪除
    回覆
    1. 今日有幸喺3.95同3.93上左車,我都要黑心啲,希望佢個價一上無回頭。哈哈

      刪除
    2. 3.91同3.94都有入貨,如果升到4.x,可能會先沽出,跌低d再買返,不過一上無回頭都唔錯,嘿嘿

      刪除
  21. 另外,675之前一直炒賣殼,然後消息冷却、股價回落,兼且出埋盈警,差不多自高位跌了一半,小注買入@0.77,博日後翻炒賣盤。

    以往一直維持派高息,不過目前帳面上現金已不多,應該難以再派高息,不知會否催化大股東賣盤套現?

    回覆刪除
  22. 6880如果唔想接受要約, 最遲要幾時放?
    小弟用一通的,之前收到電郵
    "為了令閣下參與是次現金要約,閣下需於到期日或之前持有已結算的相關證券,閣下如符合以下條件便會持有已結算證券
    1. 於2015年1月22日或之前買入相關證券,或
    2. 於2015年1月23日或之前成功存入實物股票,或
    3. 於截止時間之前以經紀交收指示或投資者戶口交收指示成功存入相關證券

    接受要約截止時間 26 January, 2015 中午12:00 noon"

    thx

    回覆刪除
    回覆
    1. 按一通的電郵來看,最後限期應是1月26日中午,即是說你要1月26日中午前沽出或者選擇接受要約,不然之後要承受股價波動的風險。

      刪除
  23. 回覆
    1. 1.13減持1/3 #361,睇下有冇再靚啲嘅位出餘下的2/3

      刪除
    2. 你攞位攞到好盡。

      明天貼近1.2元我應該會沽清食糊。

      刪除
  24. 減持一半6880@平均價2.13。

    另一半再等等,看看有沒有好價。

    回覆刪除
    回覆
    1. 減持一半361@1.08
      減持一半510@0.345
      6880排緊.

      謝謝偉哥

      刪除
    2. 今日大家玩套戥玩得好開心呀!

      刪除
    3. 6880最遲明天要覆,唔會咁短癮,只係炒一陣間就收工吧?

      刪除
    4. 小弟貪心想搏升高過2.14,跟住升唔到想2.13放時又手腳慢,結果放唔切,轉眼間就跌番落2.09
      請問偉哥明天係咪最後一日放? 唔放就要接受要約?
      thx

      刪除
    5. 致富是明天最後接受要約的期限,其它券商不知是否明天是最後限期。

      刪除
    6. 6880我係耀才完全冇通知!

      刪除
  25. 未炒起的只剩下...
    還看明日

    回覆刪除
  26. 排緊510@0.34
    差一格就可加入la ^^

    回覆刪除
  27. 回覆
    1. 我有排,始終差少少先到我的目標買入價。

      刪除
  28. 原本只剩下40%的361,再減持一半@1.07,並以同樣價錢及股數買入1037,分散風險。

    回覆刪除
    回覆
    1. 換衰左。

      361挨下挨下,呢轉由大蝕到賺唔少,真係我的福將。

      刪除
  29. 回覆
    1. 都算,殻股個阿媽,都講過賣得到會値6億,派1/4都有現價一半,點解唔分少少510既注碼落1049?

      刪除
    2. 今日咁收法,是不是今晚出公告攪掂呢?

      刪除
    3. dayhigh 收, 兼且阿媽也大升,應該是有料到,希望明天停牌。

      至於1049,我個人認為關生絕對唔會益小股東,如果真係落實賣得出510,有貨在手的應該趁好消息出貨。

      刪除
    4. 憑關生既往績,你既估計相當可靠,我覺得投資者無CHECK過關生既履歷。

      刪除
    5. 講真,如果510唔係炒賣殼,而且成事機會極高的話,任何情況下都不應該沾手510及1049呢對極品。

      刪除
    6. 差D漏左多謝偉哥,唔係你俾信心我,我唔會買得比較多,雖然現時自己已減持至只有不足三分一,但炒過兩轉,又在今日高減持大部份,暫時回報幾好,減磅後壓力也當堂細左好多。

      多謝你!

      刪除
    7. 雖有抽水記錄,但如果水浸就唔怕了,比市値高兩倍的cash,又不算康健系,應該比1225吸引,所以我下了兩注1049

      刪除
    8. 你真的以為在上市公司的現金等同股東的現金???

      刪除
    9. 理論上係,只要夠分散,不怕中地雷。無論如何,已穩坐釣魚船,set好止賺。

      刪除
    10. 關生同康健系可能係半斤八兩。

      刪除
  30. 上証今日反彈力勁,A股又黎過。

    回覆刪除
  31. 510昨天set左0.355賣,剛成左,剩下一半等结果,琴日$0.59减左3份1的1225換左2626@2.96,餘下1225佔倉6%,一定同佢死過,最多預輸一大半來玩,同佢鬥长命:)

    回覆刪除
    回覆
    1. 哈哈,千祈唔好比佢激到要去睇曹醫生。

      刪除
  32. 請教各位,在ib 的order 有效時間 'at the opening' 係咩意思? 是否AO 盤?

    回覆刪除
  33. 請問3708呢兩日點解咁大升幅.....請賜教

    回覆刪除
  34. 原來紅猴也有分析金寶通(320) , 要好好看看先.

    回覆刪除
    回覆
    1. 可否撮要他的看法或結論?

      刪除
    2. http://redmonkeyblog.blogspot.hk/2015/01/20-jan-2015-diy-5320.html

      刪除
  35. 金寶寶要爆啦,要約公佈咗,每股要約價$3.734,以收市價$9.5計,聽日入跌幅榜第一都有份

    回覆刪除
  36. 偉哥
    888,725回到低位,如0.8的888及1.11的725可會考慮

    回覆刪除
    回覆
    1. 錢到用時方恨少。

      近排不斷的出出入入,現金水平一直維持在5%以下,沒有太多資金買舊愛。

      刪除
  37. 证券代码:000046
    证券简称:泛海控股
    公告编号:2015-007
    泛海控股股份有限公司
    关于筹划重大事项停牌公告
    本公司及董事会全体成员保证公告内容的真实、准确和完整,没有虚假记
    载、误导性陈述或重大遗漏。本公司正在筹划非公开发行股票事项。鉴于该事项尚存在不确定性,为保护广大投资者利益,避免对公司股价造成重大影响,
    根据深圳证券交易所《股票上市规则》及相关规定,经公司申请,公司股票
    自2015年1月22日上午开市起停牌,待公司确定并披露相关事项后复
    牌。停牌期间,公司将根据相关事项进展情况,严格按照有关法律法
    规的规定和要求及时履行信息披露义务。

    籌錢買510 ?

    回覆刪除
    回覆
    1. 買510的銀碼對佢來講是小兒科,應該唔會係因為買510。

      刪除
    2. 睇來510 後市絕對吾係睇0.37咁簡單.

      刪除
  38. 510都仲係未成,但今日轉目標,攻擊1239。

    510@$0.355-0.360會俾晒想要貨的人。

    回覆刪除
    回覆
    1. 照舊,3.52、3.49、3.45、3.43...

      由6.X%至9.X%不等,唔知佢會乜料。

      刪除
    2. 1239開市係咪有問題?

      刪除
    3. 除左乾之外,都搵唔到其他理由解釋到點解1239會有咁情況。

      刪除
  39. 回覆
    1. 而家先黎咁升法,好可惡

      刪除
    2. 雖然明天才是限期,但點解在證券商的截止限期過晒後才炒上?

      刪除
    3. 我係輝立星期二(deadline)接受左要約啦
      真係頂佢...
      真係唔會夠佢玩

      刪除
    4. 我的證券商 deadline 是今日中午12:00,還有兩小時玩。

      刪除
    5. 1.18-1.2沽貨獲利,好彩坐埋最後兩日

      刪除
    6. 各位師兄你地用咩劵商..
      真係要考慮下轉會

      刪除
    7. 唉~尋晚set 價1.1 沽左.... 真係俾佢玩死, 唔明點解呢刻先炒上?

      刪除
    8. 可能是大部份人已回覆,貨源歸邊,容易炒上。

      刪除
    9. 1.25 再沽1/4,留1/4等多一會。

      刪除
    10. 你似乎要到最後一秒先肯欽制。

      刪除
    11. 厲害,我 1.18-1.21獲利了結

      刪除
    12. 禁唔禁都無所謂,可能零成本了

      刪除
  40. waigor 點睇532? 呢2日睇郁動大左... 謝.

    回覆刪除
  41. 3399沽家惜貨,似乎頂價做上係就行快啲啦,喂。

    回覆刪除
  42. 有閒錢無目標買入915@1.13

    回覆刪除
    回覆
    1. 立即放在@1.14,睇睇即日食唔食到1格。

      刪除
    2. 每日成交太細,好難每日食1格!

      刪除
    3. 哈哈,今日食唔到咪等聽日囉,有時D野都唔係一定要一日過做野既。

      再唔係等佢以1.1776收亦得!

      刪除
    4. 一格唔夠一個%,扣除手續費仲有賺嗎?

      刪除
  43. 1049 破頂,連升3日,推高止賺

    回覆刪除

注意:只有此網誌的成員可以留言。