置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年5月29日 星期五

殼股風雲再起(三) - 離奇暴跌的米蘭站(01150)



相信有留意米蘭站(01150)或炒賣殼股的朋友,一定記得米蘭站在2013-2014年曾分別與三名有意洽購控股權的買家洽商,最後一位甚至已簽訂諒解備忘錄、支付200萬按金及進行盡職審查,但都是以失敗告終,之後賣盤一事再沒有下文。

近月公司股價突然炒上,由本月初低位0.85元炒至最高2.6元,公司公佈大股東向獨立第三方出售1.12億股,相當於已發行股份的16.61%。隨後根據港交所的權益披露,有關出售詳情如下:

1. 2015年5月20日以每股2.02元出售1000萬股;
2. 2015年5月21日以每股2.4元出售1590萬股;
3. 2015年5月22日以每股2.287元出售1000萬股及每股2.184元出售7600萬股。

我們翻查5月20日-5月22的中央結算系統持股紀錄(CCASS),很容易就發現買家將購入的股份分別存於交銀國際、康宏證券及敦沛(即現在的西證)。



公司股價也就是於此期間炒至最高2.6元。理論上,大股東賣盤一事已出現曙光,加上買家肯以如此高價接貨,應有所圖,不會甘心於花費2億多元後,只是長期做第二大股東,故此股價已具備炒上的誘因。

但最離奇的是於5月27日,股價突然暴挫接近50%,跌到最低1.15元,而且成交量高達2.94億股,相當於公司股票總發行量(6.74億股)的43%,即是理論上,扣除大股東持股55.7%後的市場流通股數在當天已差不多全部轉手一次。



股價暴挫之後,相信市場最大的疑問,包括:

1. 為何股價會暴挫及如此大的成交量,會否有人乘機在低位收集貨源?

2. 估計很多市場人士都覺得這是一宗斬倉事件,但究竟是誰被斬倉? 我自己在當日有留意到不少的賣盤是源自交銀國際的,是否代表剛向大股東購入16.6%股權的買家將股票抵押以融資向大股東購入16.6%的股權,而股價突然大跌因此沒有資金補倉,所以持股被斬倉? 還是另有內情?

3. 從動機及利益問題來看,策劃人會否是大股東自己? 在高價賣出部份股權後,可以立即差不多以半價買回,即時賺取厚利。

4. 斬倉行動是否已完成,會不會還有另一波的斬倉行動?

相信上述問題在今日晚上更新了星期三當日的中央結算系統持股紀錄(CCASS)後,會比較容易猜測到答案。不過無論如何都好,相信此股在之後數天仍會有較大波幅,風險也高,已持有此股或有興趣買入的朋友都要注意風險問題。


利申: 自己於股價暴挫當日及翌日投機買入少量股份博反彈,平均成本約1.2元。


269 則留言:

  1. 以前是3天寫2篇文, 現在是2天寫3篇文....

    回覆刪除
    回覆
    1. 偉哥要練定一天寫三文…你太多粉絲

      刪除
    2. 哈哈,如果510 952 有消息可能係1日2篇

      其實中午時段開新文,簡簡單單寫兩句咪得囉,最緊要容易睇留言。

      刪除
    3. 其實唔想偉哥咁辛苦,大家都可以幫到手,
      近期有些粉絲見偉哥出完新文章,
      好似鬥快打個一字以示第一個留言,
      太無聊了,你估一般網上討論區咩,
      另外偉哥出完文,相信偉哥都不用大家再"谢谢偉哥"吧!一人一句謝謝已經佔左十幾個位,
      到偉哥D推介賺大錢先多謝,
      相信偉哥會聽得甜好多。
      費up 完。

      刪除
    4. 完全同意信徒兄的意見,請珍惜留言區的Quota.

      刪除
    5. 贊成信徒。每次F5都load左n多謝謝出黎。偉哥係分享自己的看法而已,以後羊唔夠5百蚊唔準講謝謝. TGIF :)

      刪除
  2. 還是那句, 注意風險。

    現在還是不知發生什麼事, 等今晚ccass更新後, 應該會比較明朗。

    回覆刪除
  3. 回覆
    1. 查實尋日尾市都好似呃人貨咁
      1358 今朝都有8%高低位

      刪除
  4. 昨日715高位沽完,今早唔低入番真係錯哂,睇見買盤買上,自己又想1.5下先買番

    回覆刪除
  5. 支持偉哥,我今日也入左少注搏反彈

    回覆刪除
  6. 港券又來料,我發現每個星期五都會大升,可能博WEEKEND消息。

    回覆刪除
    回覆
    1. 因為路邊社很多消息都指深港通應該在6月內公佈....即是來緊6月每逢周五都可以炒深港通消息。

      刪除
  7. 今早入唔番隻1358 1833, 睇來睇去都係11.2再入小小3399

    回覆刪除
  8. 各位高手...
    想問下如果NON-CCASS HOLDING 去到負數..而CCASS HOLDING> 100%...
    代表D咩?? 想不通

    回覆刪除
  9. 1140 已升11.1% !! 感謝偉哥既港券戰略。

    回覆刪除
    回覆
    1. Him 哥你攪乜呀!成朝係咁推港卷,
      我知你好重貨,我都係,但講一兩次都夠啦!
      BTW, 希望大家赢多D

      刪除
    2. 尋日仲有人用埋 格隆匯個名話2012今日出報告.
      真係希望呢D行為到此為止.

      刪除
    3. 得閒search 下原來吳用戶打從十幾號已經不斷post 1140又升, 待爆, 就黎爆... 對我地實在太好了。

      刪除
    4. 信徒~ 哈,俾你發現左!

      刪除
    5. 有版友買全餐
      我得隻952

      刪除
    6. 其實已經開始有幾個打手開始做嘢, 總之舊綱友心水清睇開都知突然有新名出來推博大霧, 就要執生小心, 現在好似係街邊見到執錢黨, 祈褔黨咁.有冇咁筍呀.

      刪除
    7. 唔好意思各位大佬,今日放annual f5太多。我純見到成堆港券殻齊牌呢隻升得勁分享下咋嘛。

      刪除
    8. 其實這裡的網友大部份都沒有惡意的.....

      刪除
    9. 沒錯…只係有小小敏感,因為之前有位510兄對股市有較獨特見解

      刪除
  10. 剛收到SMS,申請華泰10000股,分得600 (3手),失望。

    回覆刪除
  11. 周一突發出公告,控股股東姚君達已向獨立第三方共售1.12億股股份,佔已發行股本約16.6%,但無披露售價。交易完成後,姚君達仍持有3.755億股,相當於55.68%股本,繼續是控股股東

    會否是傾唔掂賣盤條數...

    回覆刪除
    回覆
    1. 如果傾唔掂數的話, 那為何買家還要以高價接了1.12億股?

      刪除
    2. 唔敢同姚生玩,個人覺得佢比關生更厲害。

      刪除
    3. 我想得簡單...可能大股東套現.不過還是有新ccass比較清楚

      刪除
    4. 小弟無知,接貨者無名無姓,點知係咪左手交右手?另,交銀國際持股量好似增加中,有沽貨嗎?

      刪除
    5. 其實姚生都真係好犀利,可以搵到儍佬以每股2元以上接了1.12億股,即是姚生以公司估值超過15億元來出售股權。

      我成日覺得佢參考1360的玩法,想分批出售, 越炒越高, 但就唔知點解會變左西施效顰

      刪除
    6. 股價暴跌當日, 見到不少交銀的沽盤。

      刪除
    7. 偉哥, 是東施效顰呀

      刪除
    8. 哈哈, 開始神智不清...想打東,怎知變了西.....今日都是不宜太多買賣,不然買貨變沽貨就大件事。

      刪除
  12. 剛才在外,見到殼股觀察名單裡的482有異動,平均價0.405追入了一注。

    此股以往很少網友或財經專欄介紹,但看過此股的基本情況及近期動作,我自己覺得是有賣殼的機會,因此追入了一注。

    有興趣的網友可以自行研究下。

    回覆刪除
    回覆
    1. 網友可能會問, 點解炒殼股要遍地開花,不集中買一兩隻.....

      大家不妨想想這問題,我周末才寫寫我的心得。

      刪除
    2. 同做Venture Capital的一樣,為何每一間都小注投入,可能只是一百幾十萬美金,一間成功已可抵消其他的成本,更何況其他的投入都不一定是Total loss。紅杉就是咁,一隻Google,一隻Youtube已經番本幾百倍。
      另一個原因是,偉哥有錢就是任性,燃燒吧 =p

      刪除
    3. 我也是簡單想 買10隻 1蚊.
      7隻可以頂30%即0.7止
      剩3隻賺double (應該唔止) 還有9%賺緊.

      刪除
    4. 看來很多網友都知道我的想法....

      其實炒殼股,很多時候都是在炒一堆垃圾,故此心態上要好像做VC (風投)一樣,有total loss的心理準備,但如果食得出10番糊的話,一隻賺的可以頂幾隻輸的。

      刪除
    5. 只是看有異動就跟風入....

      上次隻365就是沒有果斷在異動時就追入, 原本可以0.7元買入的,最後搞到要0.8買。

      刪除
    6. 不過有些比較高危的, 例如明知邪股789賣殼機會都不低,但我之前見股價異動都唔夠膽追,也錯過了坐順風車的機會。

      刪除
    7. 之前配了股, 目前有形資產淨值是3.7億元,加上殼價5億元的話,賣殼估值是8.7億元。

      當然大前提是賣得出的話。

      刪除
    8. 大家不要以為是我炒上......我現在每隻殼股買入的注碼只佔我組合的1%資金左右。

      以前是1.5%左右, 但今年組合膨脹得多,所以1.5%的注碼對我而言太高,減至1%就安全很多。

      刪除
    9. Thanks Wai gor, 我地要番工冇咩時間睇手上持股, 更不用說觀察名單了 XD

      刪除
    10. 請教偉哥及師兄們, 股票的有形資產淨值是如何計算出來 ?

      刪除
    11. 就是將資產負債表裡所列的資產淨值(即股東權益), 減去無形資產如商譽等,即是有形資產淨值。

      刪除
  13. 隻華泰2張飛認購15萬股, 中了2400股。

    食之無味, 棄之可惜。

    回覆刪除
    回覆
    1. 哈哈!偉哥唔好棄之呀,
      萬幾蚊對於我等小户黎講,
      已經要慶祝㗎喇,我中得3-4手,
      我就真係唔識笑喇
      好羡霧你中到12手呀!

      刪除
    2. 2400股邊有可能萬幾蚊盈利....

      刪除
    3. 我入左兩張A尾避左琴日個大跌,
      仲要有錢賺, 好彩又滿足!

      刪除
    4. 每手赚一千蚊都唔係好過份既要求啫

      刪除
    5. 二戶口共中11手,唔知各位師兄有冇目標價?

      刪除
    6. 每手賺1000蚊已經好開心!

      刪除
    7. 看這兩天華泰A股走勢,應該不樂觀。只要不虧手續費以及利息,我就滿足啦。。。。。。。。

      刪除
  14. 482追到氣咳,0.45先入到

    回覆刪除
  15. 跟了偉哥1150, 今朝1.23入

    回覆刪除
  16. 2323機會大唔大?NET ASSET約3.7億,現市值5.9億,仲要係工業股

    回覆刪除
  17. 偉哥,是否482所有原股東都在減持中?知否賣出的moment track佔資產值多少呢?

    回覆刪除
    回覆
    1. 不是所有原股東減持, 你看看通告及權益披露, 都可以找到答案。

      刪除
  18. 希望701今次真是開車!

    回覆刪除
    回覆
    1. 前幾日無耐性0.57沽出就來料。

      刪除
    2. 謝謝偉哥,我都跟左, 0.54 買, 看這星期該股,應該似有好清息

      刪除
  19. 821 異動了。信徒兄,我真是沒有惡意的 :)希望大家笑到最後!

    回覆刪除
    回覆
    1. 殼股的世界。

      請恕我近來多了殼股投機,少了價值投值,因為不想與錢鬥氣.....

      刪除
    2. Him哥仔,我同你講下笑啫

      刪除
  20. 有冇人覺得而家 money 18 好慢? 有咩網可以好似 money18 咁, 可以睇左咁多隻股票 list 既現價? http://hkstockinvestment.blogspot.com/logout?d=http://www.blogger.com/logout-redirect.g?blogID%3D3301536840960275863%26postID%3D1075906065272354608因為我在公司要用電腦上, 不能用app

    回覆刪除
    回覆
    1. 有冇人覺得而家 money 18 好慢? 有咩網可以好似 money18 咁, 可以睇左咁多隻股票 list 既現價? 因為我在公司要用電腦上, 不能用app

      刪除
    2. aastock 20 stocks at real time

      刪除
    3. 但我剛入了20 隻股落aastock, 發覺報價慢了 15 分鐘.「 根據港交所要求,以上資料需延遲最少 15 分鐘。 最後更新:2015-05-29 13:30」

      刪除
    4. 偉哥,係APP定網頁版,定係要附費版先有﹐我只係有投資組合1,2,3,同要Delay 15mins!

      刪除
    5. 自選股的APP版, 首20隻是即時報價的。

      刪除
  21. 回覆
    1. 尋日挨左一段高位冇沽隊返落去,好彩今日即時繼續升途。

      刪除
    2. 繼以前的3399後,另一悶作,悶得好,偉哥!

      JR. L

      刪除
    3. 有些低調的國企都是要悶住來贏的。

      前排才有網友說2722很悶的....

      刪除
    4. 2722 的確好悶, 4月頭買入到依家
      4月尾開始直頭日悶到無MON 佢 HAHA

      刪除
    5. 2722之前雖然悶,但一直都係入唔到

      刪除
    6. 悶住嬴啱我,多謝偉哥的477,2.02悶到而家都OK HAHA

      刪除
    7. 477我都仲等緊, 未沽....

      刪除
    8. 不過今日都減左些少 2722 過 weekend happy 下先

      刪除
    9. 之前瞓住來睇2722個價

      刪除
  22. 昨天撈3836的網友,今天有飯開了。

    回覆刪除
    回覆
    1. 格隆孖寶,下一隻係咪2039?

      刪除
    2. 今朝其實都有個好既買入位,但我又唔記得左佢…

      刪除
    3. 3836格隆有出文推嗎?

      刪除
    4. http://www.gelonghui.com/forum.php?mod=viewthread&tid=11646&page=1&extra=#pid18782

      刪除
    5. 這個只是第一上海的報告轉載,嚴格來說不是格隆匯自己的創作。

      刪除
    6. 感謝偉哥,尋日撈底3836,升幅比2333勁好多
      你打算咩位食左呢隻野.?

      刪除
    7. 管理層的認股權行使價是10.6元, 就以此為第一目標價。

      刪除
    8. 偉哥,有沒有聽說"車海淘"?

      刪除
    9. http://www.etnet.com.hk/www/tc/news/categorized_news_detail.php?newsid=ETN250520857&page=1&category=latest

      http://money.163.com/15/0528/03/AQM0JJQH00253B0H.html

      刪除
  23. 揸住952嘅弟兄唔好灰心!好快就到我地開飯!

    回覆刪除
    回覆
    1. 好肚餓😢不喜歡關燈食面😖😖😖

      刪除
    2. 1.75 成本, 肚餓可以立刻開燈食

      刪除
    3. 我2.0x,碗麵加左底,
      有排食 (>﹏<)

      刪除
    4. 溝左貨1.97now T.T 我碗面食得太耐 就黎浸到變烏冬...(☆_☆)

      刪除
    5. Mine is 1.96... 加左舊豬頭骨有排咬

      刪除
  24. 今早沽出的912,資金換馬去了同是以基本因素選股的6123@1.925。

    這隻之前網友有提供了簡短的分析,我其實也有留意此股的,不過還未下決心買入,今日騰出了資金,就買入這股。

    先簡單說說基本情況: 上年中上市,核心盈利是7千萬元,現價市盈率11.4倍,估值還不算昂貴,可以接受;街貨少,大股東及幾個基金的持股加起來持貨達84.5%,市場流通量只有15%,但難保股價升不會減持;最近間接地接了阿里巴巴菜鳥網絡的生意。

    回覆刪除
    回覆
    1. 今早見有一些大沽盤,有興趣買的話可以耐心等靚價,無需高追。

      刪除
    2. 2.05?!?!?! 妖~ 呢樹D大戶太太太多嘞

      刪除
    3. 你班大户留D水位俾我地D窮鬼都得掛,
      次次偉哥講完唔使兩分鐘就十個八個價位,
      好懷念半年前呢度既環境,
      起碼偉哥講完仲可以跟,
      而家俾大户食哂,骨都唔留,
      嬲呀!!!

      刪除
    4. 我留意到,偉哥最近買的幾隻比較少成交的股票,偉哥一買就升好多,但之後會回返D先再上,大家可以耐心D等下。

      刪除
    5. 正是如此....正如第一次品題821是1.48元左右, 之後最低1.28元都可以買到。
      又例如3398,0.75入, 低位0.67;3836昨天都見8.9元,比我買入價更低;558買完,仲要低見1.02元;2333昨日低見49.5元;188現價0.36元更低於我成本價。

      太多這些例子, 所以大家根本不用急.....當然有些是一去不回頭,但比例上不高。

      刪除
    6. 我並不是刻意要買中小型股,只是我研究的主力是中小型股,大型股大部份都有大行跟進,基本上估值不會有什麼折讓。

      所以昨日買長城汽車及之前買267,以至1833及3836是少有的大價股目標。

      刪除
    7. 請教偉哥,留意呢度2個月,你好少向下溝貨,無論188或某些跌過你的成本價,你都淡定似尊佛。除非對隻股票有九足的信心向下溝一般都唔好,對麽?

      刪除
    8. 不是, 我以前慣性溝貨的....對價值股而言,320當時是溝到成手貨,呢度網友個個都知。

      投機股除非很大信心,不然少溝貨,溝也最多溝一注、半注而已。

      刪除
    9. 哈哈....我都係咁話...
      依半年真係感覺多左好多人跟偉哥搵食.
      我由幾年前買1126開始跟偉哥搵食, 中間停左一排, 近依一兩年先再入手股巿再跟偉哥.
      都發現依幾個月真係變化好大.
      最搞笑的是有時偉哥自己都怕了自己的效應...哈哈...

      刪除
    10. 人怕出名,豬怕肥!哈哈!恭喜你,偉哥!可以出書,實好多粉絲捧你場!Y(^_^)Y

      刪除
    11. 謝偉哥。向下溝要留意是價值股OR投機股。

      刪除
    12. 谢谢謝謝偉哥賞識XP偉哥跟差好遠

      刪除
    13. 投機股,入市價位定輸贏,計過值搏先好,頭先482高過0.42 我都無追,好似偉哥咁講,要有預無哂既心理準備,同埋投機的話我點都唔會加注。 e 今日唔見cyl 兄?

      刪除
    14. 溝貨與否, 考慮的因素是對這股的信心及了解、潛在風險與回報的考慮, 簡單一些說即是值博率。

      刪除
    15. CYl兄昨晚有覆這幾天個較忙.
      by the way, 再次多謝CYl兄, 1104今早再追入, 也沽了 2x%+.

      刪除
  25. 821 再多謝偉哥, 食住一半過weekend

    回覆刪除
  26. 1359同阿里「合作」毫無反應?

    回覆刪除
  27. 據聞364 有地產asset 注入。唔知真假, 有貨

    回覆刪除
  28. 今日成績唔錯,放三隻股,賺咗十皮!

    回覆刪除
    回覆
    1. 呢度係咪個個都係大戶?我呢D魚毛仔……自慚形穢……

      刪除
    2. 你一定無睇楚揚之前既留言拿?!
      但唔駛自卑,我比你仲差

      刪除
    3. 大乜鬼戶,不過升得多,賺得多點吧!

      刪除
    4. 大有大玩 細有細玩 大戶都有細戶變成 我地一齊加油^_^ 唔好意思偉哥 浪費了一個留言位,但响度真係好warm 睇同一類股票,大家好似命運共同體咁,故按奈不住多言了 哈哈 盼諒 盼諒

      刪除
    5. 呢到不少師兄都是PI來的,高手雲集。
      哈哈真係要多謝偉哥建立了個咁好的平台

      刪除
    6. 師兄們,我地一齊加油變戶大

      刪除
    7. 楚揚兄厲害,唔理多定少,大家齊齊賺錢都HAPPY

      刪除
    8. 3隻巳執10皮 --__--'' 我放晒手頭上果D都無, 有D自卑 >.<

      刪除
    9. 跟偉哥買最多賺過40皮

      刪除
    10. 821 買十萬股都賺到三萬, 升幅高就得

      刪除
    11. 呢d辛苦錢,日日對住個mpn,重傷神過返工.

      刪除
    12. 唔計其他股票,跟偉哥買3399暫時帳面利潤過1M
      今年大家都好肥仔

      刪除
    13. 一直以為自己係魚毛,原來係塵毛 哈哈 失禮哂 我要再加把勁了!加油 加油952 Y(^_^)Y

      刪除
    14. 勁, 睇黎大家既注碼閒閒地都十幾廿萬

      刪除
    15. 952 有30萬股....希望可以破紀錄

      刪除
  29. 821@1.7跟入。今晚可以食牛腩河,加底!好高興~(唔好意思又input垃圾,今天唔再講野嘞)

    回覆刪除
    回覆
    1. 牛腩河,正,千萬唔好食牛腩麵,
      尤其是夜晚

      刪除
  30. 對比恆指同上證兩張intraday chart,簡直係神同步

    回覆刪除
  31. 呢度真係好多大戶,不禁為自己個細倉自卑。T_T

    回覆刪除
  32. 回覆
    1. 媽的好一隻股升淚............................

      刪除
    2. 1.5入,2.1走左...都要多謝偉哥!=)

      刪除
    3. 821急跌嗰日沽出換入188,
      簡直中左連環拳

      刪除
    4. 188 有d 衝動加,券倉落後有188 同952,510

      刪除
  33. 回覆
    1. 唉,有朋友之前做某公司,其老細自已用人頭炒出炒入,業績好壞也不會反映在股價上, 朋友也中了幾次伏...基本上我已睇少一隻了. 07同今年買都無運行.

      刪除
    2. 某股貨乾則升, 多街客就...

      刪除
    3. 哈哈, 可能對於某些有莊家的股仔而言,我沽貨是幫了他們, 所以要升一升來賀賀。

      咁都好啊, 我買入的有得升, 沽出的也有得升....但最好就唔好好似1866咁升法,唔係我真係會激死左。

      刪除
  34. 715都唔聲唔聲起緊革命,
    今日大手買入盤都唔少,
    下星期又大龍鳳乎?

    回覆刪除
    回覆
    1. 會唔會係有春江鴨收到料715 收購 821?
      http://www.aastocks.com/tc/stocks/news/aafn-news/NOW.671505/1

      刪除
    2. 尾市的買盤好堅.....又來春江鴨?

      刪除
    3. 如果係,我會加注188

      刪除
  35. 回覆
    1. 尾市510及188都有些異常買盤.....更不要提821,今日咁升法應該有消息跟尾。

      刪除
  36. 188,365,558加油上力

    回覆刪除
  37. dear wai gor

    821 thanks so much !!!!excellent pick

    回覆刪除
  38. 回覆
    1. 一手1000都冇..............

      刪除
    2. 平均價27.5沽了1400股,剩餘銀行的1000股等星期一沽, 埋單應該可以賺5000大元。

      以投入資金37.5萬元計算, 回報只有1.3%,只係好過無。

      刪除
    3. 雷聲大雨點小,
      故事不能重覆!

      刪除
    4. 好少抽新股.想問暗盤沽是要打電話的?我用cf

      刪除
  39. 比預期低好多,分又分得少,
    白忙一場

    回覆刪除
  40. 357尾市竟然有人搶9.93元,使唔使咁狼?

    3836就來上試10元阻力區了,升得穿應該唔止10.6元吧?

    回覆刪除

注意:只有此網誌的成員可以留言。