置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年5月22日 星期五

中港基金互認



中港兩地證監剛宣佈,合資格的內地與香港基金,將可以簡化程序,在雙方市場銷售。

這對兩地基金業應是好事,尤其是香港的基金,有機會多了國內的資金來購買;但要留意的是這"中港基金互認" 是指在雙方市場銷售,並不是指基金可以直接、不受限制地投資國內或香港股市,大家不要理解錯誤。

如果我的理解沒有錯的話,這對香港股市有間接的利好,很大機會多了國內的資金購買港股基金,而這些流入港股基金的資金,最終還是會流入香港股市。

中證監與證監會宣布 中港基金互認
香港證監會公布,香港證監會與中國證監會已簽署《關於內地與香港基金互認安排的監管合作備忘錄》,允許合資格的內地與香港基金,透過簡化程序,在雙方市場銷售。有關計劃將於2015年7月1日實施。
http://invest.hket.com/article/606469/%E4%B8%AD%E8%AD%89%E7%9B%A3%E8%88%87%E8%AD%89%E7%9B%A3%E6%9C%83%E5%AE%A3%E5%B8%83%20%E4%B8%AD%E6%B8%AF%E5%9F%BA%E9%87%91%E4%BA%92%E8%AA%8D?

164 則留言:

  1. 806最得益, 已連升數天.....

    難怪中環資產近一年也常在雪球亮相,打響知名度。

    回覆刪除
    回覆
    1. 仲有冇得上...感覺見$20

      刪除
    2. 如果20蚊 下星期買冇乜水位食

      刪除
    3. 已經連升四日有30%利潤,下星期有可能好消息出貨...

      刪除
  2. 回覆
    1. 將受惠於成交的增加.....隨著越來越多國內投資者有意於 也可能引來更多國內的大券商、銀行來香港買本地券商,從而直接參與香港的資本市場。

      刪除
  3. 但國內A股升到咁癲, 仲有冇外來資金敢高追A股的基金?

    如果公募基金可以直接南下買港股的話,我相信部份國內投資者仍是會傾向買國內的公募基金,故我最大的期望仍是國內公募基金南下掃貨。

    回覆刪除
    回覆
    1. 只要港股持续上涨加上购买方便,内地大妈积极南下不会有疑问的

      刪除
    2. 寫了一篇文關於中港基金互認的看法及受惠股,明天登於橙新聞, 大家可以參考下。

      刪除
  4. 對咩類型港股有利?星期二會大升?

    回覆刪除
  5. 明白! 一定要經滬港通,下一步就深港通。

    回覆刪除
  6. 偉哥:想請問CCASS的問題,若大家有留意755在 20 May 的就知該日高位為0.36 收市價 0.305 而總成交量約1046M (根據港交所資料) 但何解我在CCASS 只看到 40M左右的轉變? 其實1000M去左邊?難道個別劵商也進出甚頻引致?

    回覆刪除
    回覆
    1. 假設有間券商A在當日買入了1億股,同時賣出了6000萬股,那CCASS會如何顯示?

      刪除
    2. 應該是40M ,那即是60M 反影唔到

      謝謝,偉哥回覆

      刪除
  7. 市場好似冇反應,IG 跌小小
    http://www.ig.com/sg/home

    回覆刪除
  8. 唔怪得806呢幾日升得咁甘,原來又係春江鴨

    回覆刪除
  9. 剛再加多小小國期淡倉, 博市場過度反應。

    回覆刪除
  10. 806 D 基金應該買番D 806,最直接受惠。

    回覆刪除
  11. 楚揚兄,你都係考慮下咪再用渣打啦,而家渣打真係有好多問題,我的朋友用渣打曾經有過不愉快經歷,要講咩事的話成匹布咁長,總之係一d有欠道德的事,只能講渣打現時經營得咁差係咎由自取

    回覆刪除
    回覆
    1. 我都係用渣打, 我都覺得佢經營得咁差係咎由自取,個SYSTEM真的差到無朋友...
      想轉走又鬼咁麻煩....

      刪除
    2. 我好重倉呀,同埋佢又幾平
      轉一轉,應該要使好多錢

      刪除
    3. 其他銀行有無好介紹?

      刪除
    4. 證券行佣金會平d,渣打的唯一賣點係冇最低佣金,不過當交易金額大,其實佣金收費同其他銀行差唔多

      刪除
    5. 長倉放銀行,短倉放証卷行。

      刪除
    6. 銀行的佣金一定高,不過如果講服務,中國銀行自己用過都覺得ok,因為佢的網上銀行抽新股、沽碎股都方便,而且用免費的有限次數即時報價,可以睇到十格的買賣盤,不過比較麻煩係開市時段落盤只可以落上下二十格,而且想改低買價/改高沽價,要取消重新再落

      刪除
    7. 不過都算係銀行當中好用,而且基本上一定唔會死機,連反應遲滯都幾乎唔會

      刪除
    8. CY兄,你重倉都放係銀行?

      刪除
    9. 中銀我之前有月供股票,ok好用。

      刪除
    10. 重倉都係放證券行,不過分開唔同帳戶

      刪除
    11. 係呀,我都有用boc, 復活節果排logon 只比正常慢d

      不過鍾意撈底就煩d, 交易時段想撈320呢d 波幅大嘅股就要成日望住

      刪除
    12. 重倉長揸穩陣d就係卷行買,射倉去銀行。

      刪除
    13. 耀才輝立呢d大行應該唔會執笠啩.........我又有d好奇喇,偉哥的重倉股又係放證券行定銀行?

      刪除
    14. 可唔可以叫銀行攞實物然後入証卷行
      如果咁,大約要幾時?

      刪除
    15. 上題本來問實物轉倉幾錢同幾耐, 不過我應該搵銀行同證券行問,sorry

      刪除
    16. 我除了抽新股間日在銀行做孖展外,基本上不會在銀行買賣.

      全部股票放在幾間券商。

      刪除
    17. 只要持貨量大,證劵行都會肯幫新客戶找銀行提貨時條數的,可以試下問呢個安排。
      Can

      刪除
    18. 咁真係要諗下
      如果大跌市網上hang哂 後果好嚴重

      刪除
  12. 突然之間有股衝動,想寄封掛號信畀關生詛咒佢..........
    唔知用今日賺510的錢去鵝頸橋請班阿婆打關生同5 10小人好冇呢XD

    回覆刪除
    回覆
    1. 唔好搵錢咁嘥啦
      pk 唔值得喎

      刪除
    2. hkex news 全部都係510 既人減持。唔怪得CSASS 係時富證券減持,交晒去D細行仔,完全係收貨格局,呃散戶D貨,震倉,用低成本買番。 關生D 財技真係了得。 唔係有偉哥既分析同洞察佢D手影,我完全唔會知佢做緊乜。

      刪除
    3. 坦白講, 我而家都唔知關生玩乜;泛海又冇再更新情況,也唔知究竟係唔係同監管機構申請緊更改併購模式。

      刪除
    4. 既然又震倉,又咁多春江鴨收貨,撇除一切擾亂人的煙幕,從關生的口袋設想,相信最終都係要賣510,如果唔係的話,收咁多貨根本冇意思

      刪除
    5. 諗諗下其實泛海未必需要增加收購成本,只係改用952模式,用差不多價,就同關公雙贏。一定成事,可能同證監deal 緊。

      刪除
    6. 關生D股票真係好難玩; 除左關生,醫生,朱太,仲有邊個老闆係財技高手?

      刪除
    7. 好多好多,例如華匯莊生、殼王陳生、中國星向生手下的高人、醫生的兩大啟蒙老師宏安鄧生同劉生、高銀潘生、蒙古魯生、大凌張生,前排376的高生,仲有福建幫、火車系的人等等,如果連唔算好高招的掠水官生、金至尊黃生呢類都計埋,數都數唔哂............

      刪除
    8. 一街都係老千, 唔比心機做好盤生意, 成日掛住CAP 水. 證監真係廢.

      刪除
    9. CY兄,當日鄧生與醫生食晚飯,我都同桌一齊食:
      鄧生:醫生你幫病人睇病搵得幾多?不如同我炒股票仲好啦。
      醫生回應只是靦腆一笑,估不到幾年後.............

      刪除
    10. 楚揚兄,我之前都有印象你好似曾經係沙田康健返工?

      刪除
    11. 康健做Sales,後來去宏安............

      刪除
    12. 咁你兜兜轉轉都係打老千的工喎,不過我姐夫以前都係做897內部的會計,佢同我講,每次開會的時候,鄧生都好鍾意小小事就對下屬爆粗,好好火,而且公司內部好黑暗,人事關係好複雜,佢本身都唔係太識財技,不過佢都話鄧生好衰

      刪除
    13. 呢間野姨媽姑姐一家親,,管理層好多自己人,加多一個光頭佬做軍師.我而家無做啦,提早半退休,得閒攪吓丁屋重建,攪完都應該可財務自由了!

      刪除
    14. 咁真係恭喜哂,丁屋重建仲好賺過股票,賺股票呢d叫辛苦錢XD

      刪除
  13. 26萬人申請.....應該做唔到一人一手。
    不過中籤率都不會高,尤其是A尾、B組飛。

    --------------------------------------------------------------------------------------------------------------------------------------------

    據接近承銷團消息指,今日截止認購的新股華泰証券(6886) ,公開發售共錄得逾26萬人申請,超額認購倍數逾277倍,凍資金額為4878億,凍資紀錄為自2010年起的歷史新高。

    回覆刪除
    回覆
    1. 嘩...之前廣發都係9萬幾

      刪除
    2. 真係一市好,個個就衝去參與市場活動

      刪除
    3. 我都估廣發咁好執, 今次應該都好多人抽,估多一倍人申請.....點知係多左差唔多兩倍認購者。

      刪除
  14. 第一次拎實物股票,請問轉手紙張數同證書張數應該點揀?

    回覆刪除
    回覆
    1. 做一張轉手紙啦, 慳d手續費. 我第一次做其他股票時唔識, 以為要計佢@手幾多去寫幾多張轉手紙.原來唔洗甘. 去到合和個度佢都會再問你做唔做一張過.

      刪除
  15. 偉哥估計抽一兩萬股大约可中幾多巴仙?

    回覆刪除
    回覆
    1. 很大機會低於10%,我估可能有6-8%左右。

      回撥後,A組可能超25倍,平均中籤率4%;但由於認購者眾,而且集中在細飛,故此A組中的中籤率有幾高真的要視乎保母如何分配。

      刪除
    2. 偉哥,預期A尾中簽率如何?

      刪除
  16. 回覆
    1. 最受惠應該係806惠理 應該會多左人買到佢既fund

      當然卷商, 388等都會受惠

      偉哥1776都有自己既fund, 應該都直接受惠?

      刪除
    2. 1776個FUND係國內的....我自己估計國內基金不會太過受惠於兩地基金互認。

      刪除
    3. 唔少港券有資產管理業務

      刪除
  17. <<<>>>

    小弟發現一樣嘢,出消息時 IG 冇反應 --跌40點左右(當時香港夜期未開),而家跟夜期
    Hong Kong HS50
    28222.4
    28232.4
    10:51:31
    +233--請問點解呢?商機?當時買而家沽,差不多300點

    回覆刪除
  18. 看今日3399成交紀錄11,11.1,11.2也超過10萬股,應該也是PoPe基金沽盤,那今天又在市場沽出最少30萬股

    回覆刪除
    回覆
    1. 應該都係pope 沽盤, 日日30萬沽到幾時先沽完.....
      另外我睇ccass見15號 BOCI SECURITIES LTD change-300萬股, 邊個咁大手放貨....

      刪除
    2. 是有投資者為了豁免股息稅,提了實貨等轉名。

      刪除
    3. 唔通係偉哥@@

      pope係用citibank, 對吧偉哥?

      刪除
    4. 我有300萬股就發達囉.

      POPE的持股是存倉在CITIBANK

      刪除
    5. 我估.....偉哥有十分一, 300,000股

      刪除
    6. 100萬股偉哥應該有啦,最重倉喎

      刪除
    7. 吾好開囗估喇,心裡自己计算吓好D,低调D,哈哈!

      刪除
  19. 806於5月12日授出44,500,000股認股權.行使價13.6元.

    股市真係有春江鴨.哈!哈!

    回覆刪除
    回覆
    1. 中港基金互認7月起啟動,而被視為受惠股之一的惠理集團(806),主席謝清海即時配售舊股套現。

      據銷售文件顯示,謝清海將以每股15.82至16.34元,配售9,600萬股舊股,佔已發行股本5.2%。集資介乎1.96億至2.02億美元(折合15.3億至15.8億港元),配售價較今日收市折讓5%至8%。

      惠理今日收報17.2元,升5.4%,成交4.14億元。最新市值317.07億元。

      刪除
  20. 國企 低PE 資產管理 或者1359 中國信逹資產管理是一隻黑馬?

    回覆刪除
    回覆
    1. 1359所謂的資產管理是管理壞資產為主。

      刪除
  21. 今日沽出一半839組合新高再新高,沽吓沽吓現金去到50%. 又要度吓個購物表喇。

    回覆刪除
    回覆
    1. 伱真利害,今日我又坐艇

      刪除
    2. 呢度相信只有偉哥佩用利害兩字咋,我只係坐偉哥順風車。不過暫時有樣叻過偉哥係隻美股及債券基金進賬創新高,嘻。

      刪除
    3. 師兄你走哂油砂未?我重持有,又話孫生加碼,股價平平,星期二會否大升,我揸住952,188

      刪除
    4. 2012, 952, 188都無持有,我係選擇性上車架。

      刪除
    5. 839我還在等.

      50%現金咁高? 不看好後市?

      刪除
    6. 怕咗五窮六絕魔咒,同埋政策市無實質經濟好轉支持唔敢太過放鬆,而且已經退休少咗一個收入靠山。翻睇自己過去投資紀錄差不多都係此時期輸多贏少,決定呢次要且戰且走情願賺少都要保住勝果。不過睇嚟難敵現時市況引誘會高追某啲股。

      刪除
    7. 偉哥,想請問你買入2788和839,目的是為近年的高穩定派息嗎?
      本人一向有部份持股作收息之用,如405,1382。2788和839息率真的吸引,但想不通的是高息背後盈利不高,如此高的派息比率,總有坐食山崩的一天,那對公司和股東是好事嗎?
      作為小股東持有這類股票,是否可一直持有至公司淨現金水平低無可低先走?
      始終想不通董事局目的為何?求解🙏🏼

      刪除
    8. 其實你可以對比下2788及839今年的年報和前兩年的年報,看看不斷派高息後的現金是否大減。

      刪除
    9. 用current cash flow 派?

      刪除
    10. 謝謝偉哥回覆,兩股派息後現金水平沒有明顯下跌,但不明白的是...
      每股盈利應該是未減派息的,派息高於盈利,理應現金水平會下降,但不跌原因為何呢?
      是大股東放棄收息?還是大股東不停注資?
      仍是想不通...

      刪除
    11. ken兄, 可留意2788每年經營業務現金淨流入遠遠超過其純利, 當中最大原因是折舊, 要知道派息其實是現金支出, 只要現金流充沛豐裕, 根本無需動用公司本身現金
      我自己則會用派息/現金流作為衡量標準, 最近2年都是91%左右, 相信2788可以繼續維持下去

      刪除
    12. 多謝chun yeung 嘅講解。

      刪除
    13. 其實盈利與經營現金流是兩個概念.....如果不理解的網友,要進修下會計,學會一些基本概念。

      基本上2788及839現在每年都沒有太大的資本開支,故擁有強勁的現金流,得以支持遠超盈利的派息。

      刪除
  22. 作者已經移除這則留言。

    回覆刪除
  23. 謝謝偉哥之前推介的豬船!

    回覆刪除
  24. 偉哥,854有基金在18/5增持50萬股,平時隻股死死吓交易唔多。今日突然趁勢大成交又殺上應該仲有後著,你點睇呢?(以沽出獲利侯低再玩)

    回覆刪除
  25. 偉哥, #1446會不會又是另一隻啤殼股? 上市就快1年了

    回覆刪除
    回覆
    1. 上市時應該不是為啤殼, 但現在業務差, 會否賣殼就不知道了。

      刪除
  26. 最終都係$24.8最高位定價...

    回覆刪除
  27. 偉哥,請問290同1140是否齊牌劵商?

    回覆刪除
  28. 717供完股又嚟集資,對個價有正面定負面影響呢?

    回覆刪除
    回覆
    1. 只是修改時間表, 並沒有再額外集資。

      刪除
  29. 偉哥,想請問86是否中港基金互認受惠股之一?

    回覆刪除
    回覆
    1. 是, 但要留意86的70%証券及金融業務已賣了給光大証券。

      刪除
    2. 86會否又反口唔賣呢?
      好似仲未通過, 二月話賣要六個月內完成
      即係八月左右要完成

      刪除
    3. 其實睇番份通告(http://www.hkexnews.hk/listedco/listconews/SEHK/2015/0226/LTN20150226197_C.pdf)

      1. 由於大股東無需投棄權票,所以86已取得其控股股東書面同意,所以唔存在反口唔賣既可能性。

      2. 反而我留意到份通告寫明交易作價係可予調整,「幅度將根據於完成日期香港公司股東應佔之綜合權益釐定」,呢期個市咁旺,交投多左,SHKF佣金賺多左,NAV高左,個作價應該可以上調DD

      刪除
    4. 雖然明知是賤賣, 但86而家好難像510一樣悔婚。

      雖然作價可以調整, 但只是根據NAV調整,數目唔會差太多。

      刪除
  30. 咁64,687都算係比教落後嘅基金互認受惠股。

    回覆刪除
    回覆
    1. 券商/港券商應該會受惠,大部份都有資產管理業務或牌照。

      刪除
    2. 687星期五的上升,可能因為標叔叔出文讚好
      http://blogcity.me/blog/list_blog_express.asp?f=JQM108L3BM221152

      刪除
    3. 687的大股東雖是黑石基金, 但要搞清楚687本身並沒有任何基金業務。

      刪除
  31. 偉哥,想請教一下1522 城市軌道,覺得幾有實力,而且有國家隊入場,星期四高位回落的時候3.64追入左,你覺得有前景嗎?

    回覆刪除
  32. 看偉哥一段時間都沒留言今天第一次!偉哥及各位師兄好~

    近排見到好多問number唔做功課的人留言,自己先交功課吧~

    先達國際物流(06123.HK)

    本身做零售行業,所以對內地零售同香港極度看淡,所以零售百貨股我一股不買.內地網購發展比香港快好多,地方大,人類消費模式變左,傳統零售搞唔掂,網購只會demand 越來越大,所以物流業尤其是做網購服務potential 不小。本身接觸順豐多,如果上市一定重注,可惜無得買。唯有留意其他物流股,6123算半新股,不過對上兩年增長不錯,今年應該都唔錯。PE10倍,有decent profit growth, 同一板塊找不到。不過隻6123成交小得可憐是缺點。
    “先達國際物流(06123.HK) +0.020 (+1.111%) 公布,間接全資附屬先達香港與獨立第三方Posti訂立分包協議。Posti已委任先達香港為其分包商,向於浙江菜鳥物流信息服務平台下達訂單的全球網上零售商平台賣家提供倉儲、國際中轉、清關及產品交付服務。”

    唔知間接有馬生射住會不會多人留意,偉哥有沒有留意過6123?

    利申:有2注

    回覆刪除
    回覆
    1. 其實posti 與菜鳥網絡應該只是簽了服務協議,然後posti再將部份生意分包給6123。

      不過即使無這單協議,6123的估值還算可以,不是太貴。

      刪除
    2. 順風傳上市都傳左好耐,如果上我都一定會支持

      刪除
  33. 各位師兄,你地估吓星期二一開波会全部大升或只是基金股升?

    回覆刪除
  34. 偉哥…而家大時代
    分分鐘真係盲毛求其點隻股票,都可能大升…
    但到市況逆轉,甚至黑天鵝,一下插10-20%
    到時應該點決定?
    偉哥係07-08既操作可以分享下嗎

    回覆刪除
    回覆
    1. 偉哥之前有寫過類近逆境時的操作,和心態调節等標題,花些時間找找。
      黑天鹅事件,可參考510股票事例,偉哥和各綱友這星期怎様操作,從中可找到你想要的答案

      刪除
    2. 翻看舊文, 有一些檢討的文章.

      刪除
  35. 偉哥 想分享1101,成交1億,
    傳重組.
    內地股民都有留意此股.

    回覆刪除
    回覆
    1. 這股我不敢沾手,基本因素太差,而且這行業我自己並不樂觀。

      刪除
    2. 我都有朋友叫我買,佢識人係入面做haha
      不過個時係4月

      刪除
  36. 伟哥,我今次认购300k 6886 不知大概可以获派几多? 谢了

    回覆刪除
    回覆
    1. 你問既問題真的很白痴 偉哥唔係燈神

      刪除
    2. Michael, 偉哥上面的留言已估算可能约派多少%作參考,请多爬文。

      刪除
    3. 其實之前有教過大家點樣計大概的中籤率.....

      如超額277倍,公開認購分配的股數由5%增至20%,則實際超額倍數是多少?

      然後,如果AB組的認購股數比例是2:8,則B組實際超額多少倍,平均中籤率多少?

      刪除
    4. http://hkstockinvestment.blogspot.hk/2015/03/blog-post_29.html
      http://hkstockinvestment.blogspot.hk/2010/10/blog-post_27.html

      刪除
  37. 伟哥,今日有个朋友叫我入340 话有料到,唔知伟哥觉得点?再谢

    回覆刪除
  38. 其實都好多師兄/師姐留言提醒,唔好只系留言問Number,多d討論下.但問Number者越黎越多,好似完全睇唔到提示咁. 仲有右手邊有個搜尋功能,發問前可以search 下先,咁可以減少偉哥回覆的時間...

    回覆刪除
  39. 剛發覺中証網看中國新聞不錯 香港就看信報網

    回覆刪除
  40. 中港基金互認,不知內地近期表現出色易方達基金有否得益,易方達中国小型基金重倉3399..................

    回覆刪除
    回覆
    1. 如果有更多資金流入易方達基金,那它有可能再加倉3399。

      刪除
  41. 作者已經移除這則留言。

    回覆刪除
  42. 呢幾日研究緊皓天財經1260,原來偉哥好耐之前都有留意,但因為哥陣少左IPO偉哥好似最後無入到?

    公司特點是淨現金狀態,上星期配股引入星級股東包括中人壽富蘭克林、GAM 、方圓投資以及PAG等重磅長線基金成為股東。公司還賣了信達票據,一下子現金多六億。
    老闆說會找併購機會 (或者己經有)
    老闆劉天倪跟大陸關係良好,多間公司董事/非執菙;
    公司股權簡單,只是第一次配股後老闆/妻子共同持有公司股權六成四,不用太害怕是510關生之流。
    皓天在公關公司有領導地位,現時PE 20 3厘幾息,估計PE可以落到15。

    公司正籌建“皓天云”,有”o2o金融平臺概念。公司有領導地位,未來或者會引入BAT。
    公司食正深港通,滬港通及大陸放水,A股重啟IPO。
    中港基金互認,公司亦有計劃為中港公司打進世界市場。

    偉哥,現在好像己不用擔用唔夠生意,會否是下一隻倍升股?

    利申: 入左

    回覆刪除
    回覆
    1. 會否再倍升就不知,但市況熾熱,佢係另類受惠股。

      刪除
  43. (轉貼)漢能股價疑因大鱷沽空而暴跌,令李河君失去中國首富的寶座,漢能無端急挫,由7.37元暴跌至3.91元停牌,約半個鐘直插冇水花,至今仍未復牌。背後成因是兩間來自美國的Dialectic Capital(辯證資本)和Lakewood Capital(伍德資本)沽空所致。沽空選擇漢能召開股東會的期間進攻,令護盤資金猝不及防。
    同期間,亦有市值以千億計的股票出現暴跌。5月21日,同在香港上市的高銀金融(530)和高銀地產(283),當日收市分別跌40.9%和43.3%,兩間同系公司合共蒸發1,288億元,兩間公司的大股東、獲彭博指出是亞洲第四大的富豪潘蘇通,當日身家少了884億元。巧合的是,高銀金融的子公司高銀融資是漢能的財務顧問。一場外資大鱷連環狙擊中國富豪的大戰,可能仍未落幕。

    回覆刪除
    回覆
    1. 睇番股權披露,18號的時候李河君先啱啱增持566同增加淡倉(果然係回購+明面小量增持的做法),加上20號的跌法完全唔似長線向上炒的散貨,雖然目前仍未可以肯定當日暴跌的主因為何,不過可以相信一定唔係莊家散貨,如果真係外資的大戶進攻566,除非佢地捉到李河君的痛腳,知道一d重要的內幕消息,唔係的話相信佢地最尾都會係大蝕收場

      刪除
  44. 小弟與福耀玻璃主席是同鄉, 曹德旺先生熱心公益 行善無數。他的企業也有很好的企業文化
    曹生對他的員工也有很多讓人感動的关懷故事。小弟初涉股市 遺憾未識分析公司盤數 不過曹生的口碑和多年行善的事迹讓我覺得3606是值得長揸的股票. 如果各位師兄覺得在下幼稚肤淺。請莫見笑
    肯請偉哥若有空分享對3606 的看法。不勝感激
    利申 冇揸住3606

    回覆刪除
    回覆
    1. http://hkstockinvestment.blogspot.hk/2015/03/03606.html?m=1
      偉哥在3月尾有寫過3606,有空請多看舊文標题和內容,很多股票知識可學到,多做CD rom, 谢谢!

      刪除
  45. 偉哥對於《中國製造2025》受惠的股有咩心水?

    回覆刪除
    回覆
    1. 相信已有頗多相關討論,敬請利用“搜尋此網誌”功能,謝謝。

      刪除
    2. 之前已買入558及前一篇寫的重慶機電(2722),不正是中國製造2025的概念股。

      還有做智能家居的320都是,不過現價值博率一般。

      刪除

注意:只有此網誌的成員可以留言。