置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年5月9日 星期六

再談時富金融 (00510) 黑天鵝事件


關於時富金融(00510) 昨天的黑天鵝事件,昨天到晚上我們已有大量的討論,但留言太多,相信很多網友都沒有逐一細毛,故此在此總結一下我自己及網友們的看法,讓還持貨的網友參考。

昨日中午當大家見到時富兩間公司的通告,基本上都覺得時富金融賣盤給泛海一事應該告吹,故此股價在下午開市不久就急瀉,曾低見0.5元,反映小股東們已對賣盤給泛海一事不再有期望,其後股價反彈,相信不少是博時富金融會再與其他買家洽商賣盤,始終目前市況券商股仍是香餑餑的。

那為何到了晚上大家談論的焦點又回到泛海身上? 主要原因是泛海就時富金融股東大會否決賣盤一事,發了一個通告,通告內容最重要的一句話是:
 "鉴于出售事项及特别交易将不会进行,公司将与 Celestial Investment Group Limited 及时富投资进一步就收购建议进行磋商。"
相信這句話已引起了無數遐想,也代表時富金融賣盤與泛海並不是已完全絕望,似乎還有商量餘地,會加價還是改變賣盤模式?

雪球球友"順叔" 在今早也就時富金融之後的發展寫了四個可能性,基本上和我們昨晚討論的結果相若,大家可以先去看一看,恕我不覆述:  http://xueqiu.com/3253364031/43302267

這次的黑天鵝事件很詭異,時富金融(00510)及母公司時富投資(01049)的獨立股東同時否決賣盤,相信在背後策劃的肯定離不開大股東本人,但賣盤失敗是否對其最有利? 大家還要考慮一些怪異情況:

1. 大股東關百豪在4月初還在市場增持時富金融母公司時富投資 (01049);

2. 有一神秘買家王瑞明在4月期間買入時富投資的股權至6%;這買家身份目前無法確定,但其姓名英文拼音顯示其應該是香港人,有可能是大南製衣集團董事王瑞明;

3. 在時富金融的賣盤被否決後,時富金融的股價一度暴挫至0.5元,但母公司時富投資的股價則先跌後倒升,是否反映時富金融賣盤一事還有後著?

看到時富投資有大股東增持、也有神秘買家買入,而股價在4月21日之後又大幅上漲,我在想是否在時富金融賣盤一事上有更好的買家、還是更好的方案,會令時富金融母公司時富投資更為得益,也因此有春江鴨吸納時富投資?

時富金融在2010年底也曾因賣盤憧憬、重組、分拆實惠上市等原因而炒上,其後所有憧憬無一落實,也因此股價大跌,而其母公司當時股價也是跟隨大跌,與這次股價表現迴異有所不同,是否反映一些未公開的利好消息在蘊釀?

時富金融下星期股價走勢,取決於就賣盤事件的進一步公佈:如果出通告確認賣盤予泛海一事告吹,則即使之後可能會有新的買家出現,股價也會先行下試0.5元或以下;如果星期一、星期二都沒有出通告確認與泛海的交易告吹,則証明雙方仍在洽商中,股價應該可以企穩現價、甚至略為反彈也說不定,有持貨的網友要密切注視港交所的披露易網站,留意公司出通告交待賣盤的消息。

最後,有關泛海有機會參考華富國際賣盤一事,更改入主時富金融的模式,可能只是我們在自作多情、自我幻想也說不定,大家目前不要當真。我們會繼續跟進事件,如有新的消息或公司通告,也會盡快在這裡作出分析,希望可以幫到仍持貨的網友。

178 則留言:

  1. 偉哥多謝你的勞心勞力先,我之前食過一波大的510,今次把3份之2的資金也押在0.84的股價上,仍未放棄過,可能是直覺吧,完全未驚過,總是覺得到最後買家還是泛海,希望跟順叔說的最後一句那樣,希望結果不會是第四。至少泛海是真正有誠意的。我會留意最新通告作止蝕作用,希望持有的也照偉哥意思作風險管理,情況若然去到最差,也只能將傷害減到最低了,結論,時富金融的大股東們,我願意用金錢同時間黎睇你地依鋪底牌,開底牌見我!依戈係我信念。

    回覆刪除
  2. 偉哥,有冇可能是泛海直接買1049,一次過拿下兩個殻?

    回覆刪除
    回覆
    1. 不能排除這可能性....但這樣做會複雜很多。

      我傾向相信會有更有利於1049的賣盤方案出現。

      刪除
  3. 至怕財技pk關出多個壞消息收埋最後一批貨才炒上......

    回覆刪除
  4. 偉哥. 我們一定會永遠支持您

    回覆刪除
  5. 510同1480呢兩場大龍鳳同日上映,真係令老散睇到目定口呆

    偉哥多次提過睇CCASS紀錄好重要,今次又學到野
    http://hk.apple.nextmedia.com/realtime/finance/20150509/53721650

    回覆刪除
  6. 睇返先知,510關生財技驚人,絕對"有可能"係借賣盤炒高價,因為睇返如果以當時2,3毫股價炒到1蚊,關生已入賬不少
    我個人覺得而家最大風險係唔知關生係唔係真正想賣盤

    回覆刪除
    回覆
    1. 當然,星期五消息傳出時股價又跌返落6蚊, 關生見到又有利可途可能又會諗返賣盤(以偉哥估計照952咁現股俾泛海)而又不失同泛海之間誠信

      刪除
    2. 誠信對於某人來說賤過地底泥

      刪除
    3. 關生呢類邪人,真係要按佢地的利益用邪路諗,基本上點玩係對自己最有利,佢地就會點玩,而且仲會玩得好奸

      刪除
  7. 個人認為510現時既市值係反映市場認為510同泛海既交易告吹, 510仍然有賣盤既意欲, 星期五賣出股份既投資者應該要認為510短期內唔會再有賣盤計劃
    而網友指出當日有大量買盤接貨而解讀為有人知道反對賣盤另有內情我又唔認同, 我覺得買入只係反映投資者對510繼續會成功搵到出更高價既買家既憧憬(當然可能真係泛海), 另外出左貨既人想知邊D人收貨, 除左等睇CCASS之外更快既方法係未可以直接打去問証券行既settlement?

    另外唔係好明既係大家既然認為呢單賣盤係有後著, 點解係出貨而唔係入貨呢? 係未我諗少左d野?

    利申-無持有以上股票

    回覆刪除
    回覆
    1. 一見到投票唔通過, 個人已經慌左, 事後諗返, 事前個個等開香檳, 到表決時, 竟然可以去到99%反對, 咁既比數, 一定唔係散戶可以做到。(叫得散戶, 點可能齊心到99% 反對而事前無風聲?)
      而且最詭異係當日接盤俠湧現, (其實見到有買盤咁勁, 當時應該要諗只要關生仲係想賣, 510就值錢(即順叔的1,2,3), 一係賣更高, 一係賣新主(正路只會更高價), 一係變方式(配股不一定利好, 始終攤薄晒, 但成功機會更高, 市場更安心), 當日應該要留番一半貨),


      收市泛海又有個咁既通告, 真係惹人遐想, 不過幻想歸幻想, 皇帝女唔憂嫁, 但到最後嫁定唔嫁, 都係得關生先知
      大家千萬要注意小心風險...

      利申, 無貨, 星期五食完飯, 見到個咁既通告, 一時驚青, 0.6 清晒, 上左寶貴一課, 希望日後能從此得益, 有更好的操作

      刪除
    2. fovas, 我同你情況一樣,心理質素非常緊要,係個刻自已真係咩都諗唔到,我覺得呢一次學費交得好,學到野

      刪除
    3. 其實星期五沽貨不可以說是錯誤的決定,因為當時形勢是賣盤給泛海應該是告吹,而且即使關生會再找買家都好,股價在此期間回落至0.5元是合理的....

      但星期五晚泛海的通告很關鍵,差不多說明雙方之間仍有商量。

      刪除
  8. 510的黑天鵝事件,很少投票通過不到這類出售,其實只要50%,就算失敗,亦很少去到99%反對這樣絕大比率,這反映一點,關生由始至終都沒變是一個財技高手,竟用到這一絕招,我們其實今次輸比佢設下這一局,510如再參與,最大問題是關生還想玩甚麼財技。

    回覆刪除
  9. 本人唔太明白賣殻原理,請偉哥指教!
    在股東表決大會上,現有股東有何誘因在“市價”高放“收購價”情況下,投票贊成將自已手上的股票以“收購價”賣給收購者呢 !

    回覆刪除
    回覆
    1. 你試試回答3個問題:

      1. 510因何從0.3元升到最多1.1元?
      2. 如果否決了賣盤給泛海, 510股價會升還是跌? 為什麼?
      3. 小股東投票贊成賣盤給泛海, 是否代表小股東要將股份賣給泛海?

      刪除
    2. 謝謝偉哥回覆 !
      第1,2點,完全明白 !
      第3點,我想弄清楚,如果小股東“支持泛海用0.3收購”,唔代表小股東要將自己手
      上的510以0.3 賣給泛海 (即“投票”與“要約賣股”是無直接關連 ) ?

      刪除
    3. 投票支持賣盤, 並不代表小股東要將手上的股價以低價沽給泛海的,兩者並無關係的。

      刪除
    4. 終於明白了 !
      謝謝偉哥 !

      刪除
  10. 感謝偉哥的分析,很有見地,我現在心情定許多了 ! 順叔也非常'勵害,真高手 !

    回覆刪除
  11. 剛看完一篇09年有關先生的專訪,真不知他想什麼?

    回覆刪除
  12. Dear wai gor

    Good analysis , thanks a lot

    回覆刪除
  13. 怕就怕關生太入戲,壞人做到底,宣告泛海失敗,之後再低位入貨,隔一排先再講新動作.

    回覆刪除
  14. 個泛海通告,會否只是按証監程序出通知,即係有可能只是個例行通知?如果中午結果事出突然,泛海或需要時間再作討論,投票通過,再出通告等等等……

    如果買入510既誘因已經改變左,之後既發展又係一個大變數,現時又沒有得到更多資料, 如果無貨在手或已沽出的,現時買入所存在風險不少!!

    利申:手上無貨。

    回覆刪除
    回覆
    1. 我同意,本來心思思星期一想再追入 (利申 星期五0.75 放曬,之前好早候買過,0.8-0.9又加碼,最後平均價約0.59),但考慮過後聽日應該好大機會再夾上去,而即使可以係0.68/0.69 呢d 位入風險也不少,所以我諗都會等0.6樓下先會再重新考慮

      刪除
    2. 我會睇價入,如果 below $0.6 考慮,因為 $0.85 已經有貨,反而現在 2012 可能明天有機破$0.8

      刪除
    3. 我們覺得明天大市大升,另外睇星期五盤路可以有春江鴨

      刪除
  15. 其實staying away from this stock 會唔會係更好選擇, 市場仲有其他選擇。。。好過送錢俾條友, 利申: 無貨

    回覆刪除
    回覆
    1. 同意,市場上仲有好多有潛力大升股,無謂因為輸左一次而同k生鬥氣,星期一用沽出510 d 錢轉戰紙業

      刪除
    2. 呢隻而家似買大細,無謂因今次中招而一定要買番。

      刪除
    3. 輸比佢唔一定要係佢身上追番,如果仲有下文,個價都唔會落比你買,星期一插又未必敢買,又估唔到佢想點,真係搏。但又唔知值搏率有幾高…玩過第二隻算

      刪除
  16. 510星期一大跌等我0.5入番先

    回覆刪除
    回覆
    1. 咁理想? 除非星期一早上出通告說泛海拒絕再傾, 賣盤失敗。

      刪除
  17. 感謝偉哥分析,客觀事實是泛海的通告表明未放棄,加上510暴跌,對1049的股東是無得益,股東一致性反對, 相信有後着吧(關百豪先生不會不知吧)!

    6年前一篇有關關百豪先生訪問提到 :
    http://www.orientaldaily.on.cc/cnt/finance/20091104/00269_001.html
    「國務院最近通過批文,要在二○二○年打造上海成為國際金融中心,所以時富一定要走向中國。中國市場很大,商機無限,能容納很多Key player(主要參與商)。」關百豪侃侃而談公司的發展方向,同時也對香港未來金融角色的定位別有一番見解。
    ..............
    直至今天,他仍然記得爸爸教過的道理:人無信而不立。「爸爸當年做生意,堅持答應過對方的就一定要辦到。即使買家沒有錢付,也一定要先墊支給另一方。慢慢你就能建立起個人的誠信,得到朋友的信任。」

    人家泛海實力雄厚,今次又這麼有誠意及雄心,關生係生意人,就算財技再高, 都唔會同錢過唔去,要知道今次大牛市,機會錯失了,可能要等下一個十年先有好價。

    當然價錢可以再傾,賣盤的形式可俢改 ,泛海也提到 "鉴于出售事项及特别交易将不会进行,公司将与 Celestial Investment Group Limited 及时富投资进一步就收购建议进行磋商。" 而不是 "鉴于出售事项及特别交易将不会进行,公司与 Celestial Investment Group Limited 及时富投资的收购建议宣布告吹"。

    希望關生緊記關爸爸的教訓 “人無信而不立” , 讓持貨者,買家,各股東可以三贏。

    母親親快樂!

    回覆刪除
    回覆
    1. 人家泛海實力雄厚,今次又這麼有誠意及雄心,關生係生意人,就算財技再高, 都唔會同錢過唔去...x2

      刪除
  18. 回覆
    1. 係lo我個mail收到,上到黎無左你留言- -

      刪除
    2. 長文慣性會被系統視為垃圾留言而隱蔽了。

      刪除
  19. 偉哥,請問人行減息釋放資金,有利證券股嗎?

    回覆刪除
  20. 回覆
    1. 基本上減息是預料中事.....

      誠如我之前一再強調,在經濟下滑時,中央釋放流動性是必然的事,而且繼續增加流動性的空間間也多。

      刪除
    2. 偉哥怕唔怕聽日高開低走

      刪除
    3. 縱使高開低走又如何.....最重要是認清大方向,不要左搖右擺。

      刪除
    4. 最重要是認清大方向,不要左搖右擺...x2

      刪除
  21. 我自己覺得510有機會星期一停牌或者出通告交待賣盤與泛海的最新發展。

    回覆刪除
  22. 偉哥 請問你牛熊發佈在哪看? 我看http://www.etnet.com.hk/www/tc/warrants/realtime/index.php 的 table 但好像只是一家發行商

    回覆刪除
    回覆
    1. 我沒有留意牛熊証數據。

      刪除
    2. 我自己也沒多留意,但知各輪商網頁都提供

      刪除
  23. 唔會高開低收, 人行再度出手減息0.25個百分點

    回覆刪除
  24. 「金融機構1年期貸款基準利率下調0.25個百分點至5.1%;1年期存款基準利率下調0.25個百分點至2.25%,同時結合推進利率市場化改革,將金融機構存款利率浮動區間的上限由存款基準利率的1.3倍調整為1.5倍」

    雖然由2.5%減至2.25%,但係浮動區調整到1.5倍,即係上限其實由3.25升至3.375,其實即係變相加息?

    回覆刪除
    回覆
    1. 主調都是減息....上限提高, 只是容許銀行有更大彈性, 並不代表是加息。

      刪除
    2. 上限提高只是存款利率

      刪除
  25. 其實點解510投票結果可以咁快半日就急急腳出公告?如果收市後才公佈,星期一開市結果可能不一様。聽日走勢睇下係咪真係收貨震倉局或是好心比半日逃生門你走貨。哈哈!

    回覆刪除
  26. 如果明天 510 停牌九成九是好事,一定是泛海加碼,另外涼粉兄,我估牛市一定到年底,因為這隻是慢牛

    回覆刪除
  27. 希望2012 明天生生性性,我上星期入重貨^^

    回覆刪除
  28. 忽然想起毛澤東主席的話:“天要下雨,娘要嫁人,時富金融510賣盤被股東大會大比數否決,由他去吧!"

    回覆刪除
    回覆
    1. 2280又買嘢, 睇市場like 唔like , 明天就知...

      「一直自稱「小阿里巴巴」的慧聰網(2280),確認用15億元(人民幣.下同)收購以經營「中關村在線」為主的公司Orange Beijing,其中七成收購價將以1.56億股8.5元的慧聰網股票支付,較上周五收市價折讓23.8%,新股佔經擴大已發行股本約18.9%,其餘三 成以現金支付。賣方保證未來三年稅後利潤至少達1億元、1.3億元及1.7億元。

      慧聰網指出,目前中關村在線有超過4000萬名註冊用戶,每日訪客達1.5億名左右,佔中國資訊科技用戶70%以上。不過公司2013年及2014年的稅後利潤,僅分別錄得840萬元及1683萬元。」

      刪除
    2. 隻股由15元插到10.6, 難道要壓價配股? 861 都係呢D位增持,應該DOWNSIDE有限

      刪除
    3. 呢單收購在3月尾時已出左,不過而家是最後成事,大發新股找數,變相互控對方

      刪除
    4. 吓, 佢由$23-24插到$5-6啊. 炒高配股聽得多, 壓價配股就末聽過?

      乜861 都係呢D位增持? 861買2280 買到$14.23 , 前收市價$11.16, 你買仲平過861。

      刪除
    5. 紀錄上861有3日增持, 有2日場內價約11元, 壓價配股你都未聽過?對方想接手平貨,就要啦,一陣上到20元,但配俾人就8元,股東大會都未必過到

      刪除
    6. 但861買2280 買到$14.23也有record. 可check check.

      「一陣上到20元,但配俾人就8元」~~~咁又係, 小股東就嬲嬲豬囉.

      這兩天會冇得跟貼個市, 希望生生性性)))))

      刪除
  29. http://hk.apple.nextmedia.com/realtime/finance/20150509/53721650

    Good to read!

    回覆刪除
  30. 泛海000046 公告【事件简述】:
    2015年5月11日公告,经2015年5月8日召开的公司第八届董事会第三十一次临时会议审议通过,公司将出资约18.5亿元人民币追加认购民生证券其他老股东放弃的648,915,402股股份数量。

    這意味著什麼?

    回覆刪除
    回覆
    1. 增持民生証券股權.....與510暫時沒有關係。

      刪除
  31. 我覺得有人大手買入510母公司1049, 是要協助關生能拿到足夠票數於股東特別大會上投反對票?

    回覆刪除
    回覆
    1. 留意並不只是1049的投票被否決, 還有直接切身關係的510小股東也否決賣盤,故此這說法講不通。

      刪除
  32. 8261出咗第一季度業績,似好實衰,希望股價可以跌低,唔求跌穿兩蚊,只求自己手頭上2.5的貨可以帳面上虧損!

    回覆刪除
  33. 之前錯失咗另一隻貨極乾的莊家股8315,之前$2左右已經開始留意呢隻,奈何冇趁低買,而家估計呢隻股最大機會係再大炒一輪,然後就會玩散貨
    原本對呢隻最有把握,貨乾程度匪夷所思,但係就係冇買到.........

    回覆刪除
    回覆
    1. 請問去邊度睇到貨源歸晒邊?

      刪除
    2. 通過披露易的CCASS分析持股量分怖

      刪除
    3. cy 我想請教下實質上係點睇, 我注意到原來12月個時 top 10差唔多有 98%
      2014-12-16 86.29%(top 5) 97.54%(top10)

      刪除
    4. 之後2月就開始向下插由4蚊去到2個幾
      2015-02-09 63.10%(top5) 83.85%(top10)

      3月開始就一路拉上由3蚊到一直向上
      2015-03-09 73.93% 90.29%
      到依家
      2015-05-08 89.91% 97.57%

      刪除
    5. 主要想請教下個基本logic:
      12月個時貨源歸邊, 之後佢地就出d街貨等佢流動性高番,最後又買番夾高個價等d人入場?

      刪除
    6. 或者今晚詳細答,而家要睇住個市,不過我相信8261的玩法係長線向上炒,類似566,同8315、8018、1480都唔同,至於莊家的短線操作,或者今晚詳細睇下先

      刪除
    7. take your time :)
      得閒先慢慢答,多謝賜教!

      刪除
    8. LeslieK,你應該係講緊8315,有d奇怪的係所講的%,因為我從披露易網頁睇到的持股分怖,於上述的任何日期都係大部分持股處於場外,只有少部分處於CCASS之內(例如16/12/2014 的24.21%、 08/05/2015 的17.40%)
      你之前留言所提供的比率數字,係咪經一d披露易網頁之外的網頁或者程式所得來?

      刪除
    9. 哦,我知啦,LeslieK應該係睇webb-site:https://webb-site.com/ccass/cconchist.asp?issue=12707
      我基本上唔識英文,Google Chrome的翻譯功能對專業字眼又翻譯得好差,所以自己幾乎都冇用webb-site

      驟眼睇,由2014年12月開始至2015年3月,曾經有一段時間似乎CCASS當中貨源歸邊的程度減少,但如果留意場內股權百分比的變動,結合市場中介者的持股分怖睇,唔難睇出其實根本一直都係貨乾,只不過係有d調換動作(呢段時間內市場的成交亦明顯較少)

      2月的大跌,相信係莊家借當時發出的盈警、差業績,連同用少少貨壓價震倉(似乎係通過人頭之間左手交右手,a交b、b交c、c交d..........一班人頭將少少貨拋來拋去壓低股價),從而進一步將貨源收乾,從圖表可見,當2月尾3月頭股價終於由1月尾開始的大跌變為大升的時候,成交有一下變得好多,相信就係莊家大手吸納被震走散戶的貨所致

      有d細節我都唔知點講,只能話睇CCASS集中度的同時要留意場內股權百分比的變動、市場中介者的持股分怖、市場的成交,仲有公司的公告黎推斷真相

      刪除
    10. 額外講多少少,參考圖表當中1月尾至3月頭的部分(尤其留意股價同成交量),加上當時公司的公告,淨係呢兩部分已經顯示出莊家收貨之心明顯,直頭話到明畀人知係想散戶沽貨,然後一震完倉,收貨收乾到極點,股價就一升冇回頭

      刪除
    11. hi cy, 我係webb site 個concentration個到找到的:
      http://webb-site.com/ccass/cconchist.asp?issue=12707

      刪除
    12. 估唔到咁少字都歸為垃圾留言,麻煩偉哥將我的主要分析撈番上黎,thank you!

      刪除
    13. LeslieK,我的主要分析部分由於太長,畀系統歸為垃圾留言,所以你要等偉哥處理完先睇到了

      刪除
    14. 嗯嗯,之後我都發覺係webb site,篇分析的內容都有提,呵呵

      刪除
    15. 麻煩哂你先:D,
      btw其實我睇concentration of top 5/10 去分析佢乾唔乾合唔合理呢?

      刪除
    16. 哈哈! webb.site 依一點真係好好用

      刪除
    17. 當然有參考價值,不過一定要加上參考其他資訊,例如同一時段市場的成交量、市場中介者的持股分佈(睇下係咪黎黎去去某幾間券商,以8315為例,2-3月顯然係拋波仔,另外散戶常用的券商,例如致富、耀才、輝立......的持股量亦可以特別留意)、公司的公告之類,綜合各方面因素考量

      刪除
  34.   《經濟通通訊社11日專訊》中國心連心化肥(01866)宣布,主席劉興旭於上周四(
    7日)在市場認購共129﹒2萬股公司股份,總值415﹒6萬元,平均每股股價為
    3﹒217元。認購股份佔公司已發行股本0﹒13%。
      增持後,他於公司持股為35﹒31%。(ff)

    回覆刪除
  35. 細細注買返510@0.72,就考考自己的判斷有沒有錯。

    這次是很高風險的投機,各位網友在買賣前要三思。

    回覆刪除
    回覆
    1. 唔忿氣下, 買左少少510 @0.72, 非理性投機

      刪除
    2. 現在基本上就是等消息.....如果泛海話唔再傾, 即使關生已搵到第二個買家, 可能股價都要回試0.5元先。

      但今早見母公司1049股價又升,似乎是有後著,故此再次投機買入,就看看自己的判斷有沒有錯。

      刪除
    3. 510@0.7入,忍唔住@0.77放左,回返上星期跌果D

      刪除
  36. 1198,坟圾傢俬,@0.37沽出1半。

    回覆刪除
  37. 受唔住壓力 走左:-/ 0.7

    回覆刪除
  38. 1173公佈盈喜,將於6月公佈的全年業績盈利應介9600萬-1.05億元之間,或每股盈利0.04元-0.044元之間,如果去到上限的話將和上年11月時我所測的預測相若。

    以中位數每股盈利0.042元計,現價預期市盈率約9倍,估值還算可以。

    回覆刪除
  39. 510 應該消化左股東大會的消息

    回覆刪除
  40. 510 快升多少少然後停牌吧 T.T

    回覆刪除
  41. 偉哥果然係股神,#510勁升

    回覆刪除
    回覆
    1. 今日偉哥效應遲左成十分鐘先出現,
      大家仲係有D驚,K先生太可怕了。

      刪除
    2. 偉哥一如自述, 只是散戶一名;
      他也有看錯的時候, 買賣風險自負~~

      刪除
    3. 睇完偉哥分析,0.7入番少少同佢搏搏,哈哈。。。多謝偉哥!

      刪除
  42. 510,上星期0.75斬,0.65又買回,後來0.74又沽出,今朝0.7又買回。

    回覆刪除
  43. 0.295買少少755,既然雪球順叔咁睇好佢,一於買番d

    回覆刪除
  44. 376也可以視作券商股,上星期五公佈賣盤給雲鋒基金,背後有阿里的影子.....看來復牌後又可能帶動券商股的炒作。

    國內朋友即時問我有留意那些本地券商股......

    回覆刪除
  45. 排咗幾日,估不到今日升市才買入822@0.95。

    回覆刪除
  46. 某匯真係要向陸叔進發.............
    自佢講完320,320走勢就開始差,今日終於破2,大市上升之下跌到最低1.93

    回覆刪除
    回覆
    1. 所以朋友問我有沒有興趣在某匯發文,我推辭了。

      刪除
    2. 不明白是什麼原因, 壓低收貨?

      刪除
    3. 唱好,然後趁高..............

      刪除
    4. 個人覺得某匯有財演的感覺, 但其資訊以至分析內容是有心之作的

      刪除
  47. 點解2314岩先係大單買入既情況下急跌?咩原因造成?

    回覆刪除
    回覆
    1. 我睇未收夠貨。或者資金仲未到呢隻。

      刪除
  48. 今朝好多股都高開,急回,又反彈。

    回覆刪除
    回覆
    1. 壓價殺牛?定上星期太多人壓住太多蟹貨

      刪除
    2. 太多人上星期四五買入博周末出好消息,所以高開後有很多獲利沽盤。

      刪除
  49. 頭先一時唔記得,講8261講得太直接..............

    8261@2.63增持,基本買夠貨,終於唔駛驚佢升,睇怕之後都難跌囉,如果莊家震倉,唔排除再加貨

    回覆刪除
    回覆
    1. 冇機會啦,已經升到2.86,仲要冇人沽畀佢............
      提醒一下,買呢類妖股始終有風險,而且完全唔符合價值投資,買的話風險自負,小心、小心!

      刪除
  50. 其實 320 現在好值搏,$1.95
    tkchan , 伱有冇入?你炒波幅技巧好好

    回覆刪除
    回覆
    1. 我都放埋剩番既心連心,趁陸大師效應入320,望高D放埋上周五入既510減到5注以下,其實近來不知不覺入咗952,969 等等高風險股,潛在利潤大但風險都開始大,要提高警覺

      刪除
    2. 952 郁都唔郁下,睇黎係其他公佈前只會係1.8-2 上落~.~~

      刪除
  51. 1480,如所料再派,估1路派到$5以下,可惜不能沽空。

    回覆刪除
    回覆
    1. 佢D貨值$1,放$5都仲有賺

      刪除
    2. 如果有得沽空,恐怕佢就唔會咁玩法,而會變成個價升完吊係度,等淡友回補又死唔回補又死.......

      刪除
  52. 睇見今日D價位,沽價唔知應唔應該進取D

    回覆刪除
  53. 426睇錯市,估吾到肯升穿0.9個可換股個位,0.8邊已走哂,

    回覆刪除
  54. 偉哥點睇1289,pe低,貨少,半新股,最重要係佢係H股

    回覆刪除
  55. 之前0.62入左731,今日0.52再入左拉番低平均價。想問偉哥仲有無持有?

    回覆刪除
    回覆
    1. 我今早都0.52入左731, 偉哥有一大注

      刪除
    2. 作者已經移除這則留言。

      刪除
  56. 依幾日建銀國際係咁沽隻122

    回覆刪除
  57. 566這個浪首穿20日線,明顯出貨訊號!有貨既點都要沽一沽避一避,

    回覆刪除
  58. 作者已經移除這則留言。

    回覆刪除

注意:只有此網誌的成員可以留言。