置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2015年5月20日 星期三

新股攻略 - 華泰證券 (06886)



以總資產值計算,內地券商排名第四的華泰證券(06886) H股昨日開始公開招股,集資規模高達接近300億元,以今年來最大型的IPO。

這次招股的賣點有四點: 

1. 引入騰訊主席馬化騰、網易創辦人丁磊及中外知名基金等共13名基石投資者,佔發售股份的42.43% (以上限定價計算),令其餘機構投資者可獲分配的股數大減;

2. 藉騰訊、網易的入股,推銷互聯網+金融概念;

3. 以上限定價計算,2015年預期市帳率(PB) 約1.8倍,比已上市內地券商的平均2倍市帳率有折讓;

4. 因A股昨日漲停板,將AH折讓拉闊;以A股昨日收市價計算,即使H股以上限定價,折讓也拉闊至33%,開始具值博率。

風險方面,與三月時候的廣發証券(01776)一樣,由現在到6月1日上市,仍有10多天,期間A股股價的波動是最大風險;其次,也要考慮資金的機會成本問題,因這次招股反應甚佳,故此中籤率(尤以B組而言) 可能不會高,如果股價升幅有限的話,則潛在回報未必及得上在二級市場炒作的回報。

自己有打算以孖展認購,但仍未決定認購額。由於大部份券商的孖展已用盡,故此可能需要循銀行提供的孖展來認購。

246 則留言:

  1. 看了昨天的留言,我自己覺得大家不要受某些可能別有用心的留言所影響或動怒,太無謂。

    回覆刪除
    回覆
    1. 510的行為又太過令人動怒

      刪除
    2. 世上無知gei人何其多
      佢無品何必隨風起舞
      希望大家珍惜呢個平台
      不如慳番留言等偉哥唔使咁快開新post

      刪除
    3. 他話供股也不可不防,恐怕他們用供股再震一次收貨

      刪除
    4. 老老實實,其實佢既post釣魚成份極重,嘈番佢咪正中下懷
      再者大家都係大人,因何故要鬧人呢?
      影響氣氛又自降身價,無謂
      我認為無視佢係最好既方法

      刪除
    5. 無視佢的確係最好....今次之所以嘈,同我咒無謂人都有關,真係唔好意思
      當時見文章留言一早超200,又見佢好得戚咁發一堆別有用心的留言,510呢隻股之前已經跣唔少網友一鑊(唔係偉哥的責任),佢仲要不停老點人,好似嫌網友蝕得唔夠多,所以先會咒佢早日慘死

      刪除
  2. 昨晚去了醫院探望因糖尿病入院的外父,看到他躺在床上吊鹽水及胰島素,動彈不得的慘況,是悲從中來。

    不想他日老了好像外父這樣,看看自己也要開始保重身體了。

    回覆刪除
    回覆
    1. 我家兩老之前先後患重病,看到他們痛苦亦令我更注意健康。偉哥辛苦你咁夜出文,保重身體

      刪除
    2. 偉哥,要睇多啲養生書籍了。

      刪除
    3. 偉哥可能要戒掉一日一汽水的習慣, 同埋早D訓教

      刪除
    4. 幾忙都抽點時間做運動,健康最重要!

      刪除
    5. 自己身體才是最大財富。要小心管理

      刪除
    6. 我再現在一日半罐zero,係街一路行邊飲,見到垃圾筒就掉左佢。係室內會好易忍吾到手飲哂成罐,

      刪除
    7. 偉哥及各位,保重身子。

      刪除
    8. 偉哥要保重身體,捱夜到4點真唔喺好習慣

      刪除
    9. 偉哥,好明顯係畀咗一個警告你,身體健康真的是不能眼見的財富,好好用你的價值投資處理吓啦。祝願你家人一切平安。

      刪除
    10. 注重飲食, 多做運動, 一定要堅持.

      刪除
    11. 以前都有小小酒引,自多了小朋友後,只在間中朋友聚時喝。

      刪除
  3. 關於188,暫時無暇寫太多。至於有網友說觀察到之前配股後的貨持續沽出中,這是正確的觀察,但與此同時,有些券商也是源源不絕買入,因此不能排除這是左手交右手的把戲。

    回覆刪除
  4. 另外,網友問會否提升3399目標價.....其實細心的網友會看看我是有兩個目標價的...一個是正常的目標價, 一個是樂觀情況下的目標價。

    現在無緣無故上調目標價,無疑是鼓勵網友高追,為避免這誤會,所以除非是有確實的利好消息,包括盈喜、股權激勵或引入策略股東方面有進展,不然我暫時不會調升目標價了。

    回覆刪除
    回覆
    1. 希望下期業績有驚喜,令偉哥再調升目標價,再配合牛三,希望創出二十,甚至二十五元的瘋狂價。

      刪除
  5. 至於510內幕人士日前在市場集體減持一事,正是我18號所觀察到的不少有大手沽盤出貨,也因此寫了篇"風險提示"。

    估計510股價會因此受壓,股價再度下跌,但比較正面的是泛海仍未確認不再洽購510與及股價再跌的話,510的估值就會與其它潛在券商殼的估值接近。

    自己已於昨日沽清最後一注510止蝕,目前沒有持有510,不過如果股價下跌至一個很吸引的水平,不排除再買返。

    回覆刪除
    回覆
    1. 我都0.7放了,現看看會不會突然一挫再吸,但如果泛海出通告不買,又令一回事,之後如再出通吿有第二個金主想買,注碼都不會太進取,怕了關生不停製造黑天鵝。

      刪除
    2. 最近唔得閒,因為股市贃咗些錢,計劃七月去斯里蘭卡自由行二個星期,買機票酒店簽証,行程安排等,聯絡斯里蘭卡的朋友,極花時間,所以冇乜上來睇,尋晚只追睇番一些,其中有幾篇講510,有網友輸錢,埋怨偉哥,都覺得十分無奈,跟炒買入時間唔啱,講良心話,偉哥㨂股能力都唔知叻過幾多股評人,好似尋日我聽商業電台的財經節目,人生交义盤,女主持人陳慧儀小姐話510講賣盤講咗十年,陸叔仲話今次由0.5起步,會跌回0.5唔出奇,唉呢二位極不專業,隔離台新城亦是一樣。

      我從冇炒賣過510,不過510有冇講咗賣盤10年咁耐?偉哥介紹時起步價也不是0.5罷,見跌唱跌,若果跌回0.5師奶盲毛重傷啦,今個牛市返鄕無望。

      刪除
    3. 姚浩然沽得哥幾萬蚊,可能交場戲而已。不過關生的確很神,佩服得五體投地,最再注意所有可能性。

      刪除
  6. 華泰已備了錢分二注入,再參考了偉哥意見,今天出撃,謝謝!

    回覆刪除
    回覆
    1. 請問師兄分二注入是否即是股票行孖展認購和黃表親自遞交銀行認購一齊抽?

      刪除
    2. 不是,我用二個人名

      刪除
  7. 偉哥,如果糖尿病控制得好可以同正常人分別不大,希望外父早曰出院

    回覆刪除
  8. 687在3蚊邊企注,圖表走勢唔錯,但成交細,想問黑石幾時可以注資?

    回覆刪除
  9. 多謝偉哥3399,11元了會與網友聚聚吗?感恩網主開了这個平台,亦继續向偉哥各方面學习,謝謝!

    回覆刪除
  10. 偉哥早晨, 剛剛看到一則關於 1225 隆成集团 的新聞, 唔知堅唔堅, 節錄如下:

    "2015年5月17日下午,“隆成集团战略投资平台—钱内助与各合作方签约仪式”新闻发布会在杭州顺利召开。
      杭州钱内助金融信息服务有限公司战略投资互联网金融平台——钱内助,与香港两家上市企业隆成集团(股票代码:01225.HK)和康宏集团(股票代码:01019.HK)及各合作方汇聚杭州,圆满完成了一场庄严的签约仪式:钱内助与隆成集团就“入股钱内助在线理财平台”正式签约;钱内助与康宏集团就“达成战略合作伙伴关系”正式签约。"

    似乎隆成又買野了, 網上搵唔到太多關於钱内助的資料, 應該唔係咩有名O既公司或平台, 可能想食返最近互聯網 + 金融的水.

    回覆刪除
    回覆
    1. 他們已穩奪控股權....現在想怎麼玩都可以了。

      刪除
  11. 祝偉哥外父早日出院, 大家都保重身體啦

    回覆刪除
    回覆
    1. 祝偉哥外父早日出院x3,聽母親說苦瓜和海參均對後天糖尿病患者的病情有幫助,而適當控制體重亦有效降低血糖。

      刪除
    2. 祝偉哥外父早日出院x4, 早期糖尿病節飲節食即可, 看幾十年前窮苦人家哪有這種病呢.

      刪除
    3. 祝偉哥外父早日出院,偉哥也小心注意飲食!
      減少長期飲可樂喇,
      我同事糖尿無節制,越黎越差......

      刪除
    4. 已改了最多隔日一罐汽水......冬天會再減少。

      刪除
    5. 偉哥...查實隔日一罐汽水都好....><!
      我老婆一見我飲, 就疲勞轟炸我...
      我而家好耐先飲一罐汽水

      刪除
    6. 聽講巴菲特每日飲五罐可樂, 唔知是咪幫可樂宣傳~

      刪除
    7. 問題不是飲幾多汽水而是有入無出去消化你多餘嘅能量呀。

      刪除
    8. 其實汽水除了糖份,仲有是冷凍的,會好傷脾胃.少飲D好

      刪除
  12. 祝愿偉哥親人身體安康!

    回覆刪除
  13. 早晨
    祝偉哥外父早日出院
    各位同偉哥都健健康康

    回覆刪除
  14. 請問大家還有人今天試耀才孖展6886成功嗎?有沒有機再開,嘗試中

    回覆刪除
  15. 希望偉哥外父早日出院,健康好重要,有人話健康係1,而錢頂多係1之後0的一部分,就算錢多,都要有健康去享受呢

    回覆刪除
  16. 今日383果然大升,唔知莊女士想炒到幾高呢?多謝另一位Louis兄,令我$2的時候知道咗呢隻股票

    回覆刪除
    回覆
    1. 原來你就係市場先生那兒留言的CYL

      刪除
  17. 昨日生果報報導598的股東DHL配股套現。

    昨日6.1元減持了一注, 今早5.87買回,賺了波幅。

    回覆刪除
    回覆
    1. 我昨天也是差不多價沽出,今朝排5.8買回,偉哥一出post,突然冇晒沽盤,立即改5.93掃入。

      刪除
    2. 我排5.85 時突然比人掃左..原來是tkchan 兄

      刪除
    3. 請問為什麼DHL減持會是好消息?

      刪除
  18. 889,@1.75買入的,2.0先食一半。

    回覆刪除
  19. pope asset今早掛了一個200K的沽盤沽3399@10.9。

    之前是100K一個沽盤, 今早加碼沽。

    回覆刪除
  20. 偉哥,早晨
    孖展認購華泰證券, A組尾分%會多d嗎? 謝

    回覆刪除
    回覆
    1. 想請教HK Leung A組尾需申請多少股份??

      刪除
  21. 偉哥 之前跟你的分析係3.22入左1866
    現價值得再追注嘛 我已沽左一半食左糊先
    而家心大心細

    回覆刪除
    回覆
    1. 大家知道我不會提供投資或買賣建議的....所以要自行決定了。

      刪除
  22. 以平均價2.15元減持多一注889....

    只餘下最後一注。

    回覆刪除
    回覆
    1. Will this be flying to the previous high...i am high high now!

      刪除
    2. 2.3 lar...hope at least 3.0 dollar today...but is a dream

      刪除
    3. Old Siu show me that you are better than Chinese trader

      刪除
  23. 1866 昨日今日4.08平均價清倉了. 多謝偉哥. 呢隻由2.3 ,3.1加碼. 回報吾錯.

    回覆刪除
  24. 沽出一注1225學偉哥將成本拉低至大約0.5同佢戰鬥到底。

    回覆刪除
    回覆
    1. 也減持了1注的1225@0.68,平手離場。

      仲有兩注,看看有沒有機會反敗為勝。

      刪除
    2. steal money from tiger mouth 0.63IN 0.68OUT

      刪除
  25. 耀才仍未孖展6886,如今早仍無,要調錢去bank抽

    回覆刪除
  26. 作者已經移除這則留言。

    回覆刪除
    回覆
    1. 我覺得偉哥有時間休息多d會好d.

      刪除
    2. 我覺得偉哥有時間休息多d會好d. x2

      刪除
    3. 師兄你去到連留言都懶得睇?

      刪除
    4. 咁對我地不停禁F5既人唔多公平咁 XD

      刪除
    5. 其實偉哥的買賣都係作參考之用,咁樣做會增加偉哥的工作量。
      而且我覺得咁做,咪即係派number,大家都無咩得著。

      刪除
    6. 我覺得偉哥有時間休息多d會好d. x3

      家下偉哥免費教我地野同埋分享自己既買賣仲唔夠, 仲要加埋即日買賣總結!? 加左係咪你贏錢分番比偉哥, 係既話我就覺得合理

      刪除
    7. 為何迫大家出手,浪費留言。我都覺得偉哥有時間休息多d會好d!另祝偉哥外父早日出院

      刪除
  27. 3399再創新高,恭喜大家,謝謝偉哥,組合又新高

    回覆刪除
  28. 755的買盤終於突破外資的重壓

    回覆刪除
    回覆
    1. 好多隻股都係,內地資金要掃上去,外資就不斷沽貨壓住個價,香港的定價權係呢班外資手上,難怪估值長期咁折墮

      刪除
    2. 遲D香港股大陸人話晒事

      刪除
  29. 死喇,見到五個零3399我心動了。

    回覆刪除
  30. 應英皇證券集團有限公司 (「本公司」) 之要求,本公司之股份自2015年5月20 日(星期三)上午九時正起在香港聯合交易所有限公司短暫停止買賣,以待本 公司刊發一份有關擬進行集資活動之公告,而此集資活動構成本公司之內幕消 息。

    回覆刪除
  31. 566果然不出所料,正如我之前留言所講,終於散貨啦

    回覆刪除
    回覆
    1. 初步的散貨,之後有可能會回升番d引人追,不過總之都係要散貨,另外亦可能會有一d特別的消息?

      刪除
    2. 大家都預左佢會散貨,差在幾時,估得到去沽空佢真係和味。

      刪除
    3. 我之前有話要沽空,不過結果冇沽到,估唔到佢咁快整到跌咁多

      刪除
    4. 我係HKEX搵唔到份停牌公售。有冇師兄可以指點?

      刪除
    5. 有喇
      http://www.hkexnews.hk/listedco/listconews/sehk/2015/0520/LTN20150520131_C.HTM

      刪除
  32. 566股仔王大跌,一髮動全身,高市值垃圾股,要全沽出

    回覆刪除
    回覆
    1. 平均價2.935沽出一半8261,避一避566的大跌先

      刪除
    2. 另一半8261都沽清,平均價大概2.89

      刪除
  33. 3399 11.5了 短短兩個月升左一倍

    回覆刪除
  34. 耀才已開6886孖展,快~~~~

    回覆刪除
  35. 請教各位
    859派完特別息後,殼價大概值價錢,感謝

    回覆刪除
    回覆
    1. FROM 偉哥:
      即如果真的落實賣盤的話,公司最少值1.8元以上,相對當時股價有極大的值博率,值得投機買入。

      刪除
  36. 755 GG 尋日炒左轉波幅一直入唔返

    回覆刪除
  37. 717... 想玩啲乜? 又集資, 又唔講俾貨俾邊個

    回覆刪除
  38. 2012,1.02沽清的,剛於0.83買回,又搏過。

    回覆刪除
  39. 偉哥 and Paan Chan:

    上網查左一查錢內助呢間公司, 原來係今年4月30日先成立, 注册資本得5千萬人仔.....
    http://gsxt.zjaic.gov.cn/appbasicinfo/doViewAppBasicInfo.do?corpid=0B83F22DA6B2A1BCFAFF796F4E7BB8B2B51C4B8DFB0EADE299B9AE470E367B72

    回覆刪除
  40. 多謝偉哥提示10.88加碼3399

    回覆刪除
  41. 8261走得叫及時,總平均價2.925在右,而家跌到最低2.72,既然係566概念股,肯定會受波及,d人反應好似有d遲鈍?

    回覆刪除
    回覆
    1. cy l兄真心佩服,雖然我無貨,但替你開心

      刪除
    2. 走錯左走鬼王, 哈哈

      刪除
    3. 多謝,8261係我財技股當中最重倉,所以當然要盯實566,566一旦有風吹草動就要立即避險
      應該唔會走錯,566唔係散貨,就係有大事發生,恐怕都係唔會咁快完

      刪除
    4. cy l 兄可否指教下點發掘財技股

      刪除
    5. 另一邊有專家團,阿湯嗰邊呢
      另外,755@0.350沽清,順叔雖然有點兒那個,不過的確有好推介

      刪除
    6. 嘩,CY兄肥過肥仔 !!

      刪除
    7. 755咁快沽清,今日至第一日升

      刪除
    8. 755我有三分二炒波幅,三分一長揸,所以佢無論波幅定升幅我都唔驚食唔到

      刪除
    9. 755我驚咗UBS,唔知佢要沽到幾時

      刪除
  42. 回覆
    1. 乾升交通,Pope好似都唔敢再沽貨........

      刪除
    2. 佢每日出300K
      今日200K,100K咁出左

      刪除
    3. 呢到有網友大戶入貨,Pope都嚇到即刻縮沙:( ^_^)

      刪除
  43. 入住 20000 股先,下午再入

    回覆刪除
  44. 我之前問 broker ,買出買入 11.4---11.5, 要現價攞

    回覆刪除
  45. 3399 之前pope 出貨都呆一輪,今次勒唔住,唔通復牌有好消息

    回覆刪除
    回覆
    1. 截止本公告日,公司及相关各方正积极商讨并推进相关工作。按
      照相关要求已履行部分报批和审议程序,独立财务顾问、审计、评估
      等中介机构已进场工作,并收集整理相关调职调查资料,公司正有序
      推进发行股份购买资产事宜。

      刪除
  46. 睇完755決定952連波幅都唔炒,未到目標價唔放

    回覆刪除
    回覆
    1. 正確, 今日見510跌到0.64佢都唔係點跌, 仲想入貨tim

      刪除
    2. 之前炒波幅每次執兩格以為好醒,點知都不及坐貨好! (>_<)

      刪除
    3. 我755本身目標價係0.355
      不過尋日見有機落返0.29諗住炒多轉先

      刪除
  47. 偉哥,師兄們!想請問8019同1359有潛力嗎?🙏

    回覆刪除
    回覆
    1. 其實牛市真係隻隻都有潛力, 你睇大邪王1225今日都姣婆守唔到寡就知

      刪除
  48. 3399pope基金出貨之前没人接,一沽即跌,今時唔同往曰,有易方達在,多多也吃掉,pope如沽到5%以下,就不用公布,到時3399可以飛天了。

    回覆刪除
  49. 收 $11.74 , 我下午要入多5萬股壓下倉先,起碼升都有肉食

    回覆刪除
    回覆
    1. 早買早享受, 遲買亦唔差在幾球

      刪除
    2. 涼兄,好多謝你支持我

      刪除
    3. 呢度大家都係好buddy, 除左不安好心攪事份子

      刪除
  50. 其實510係咪重回正軌了, 今日低位升返上來, 又見行家集資消息都無借勢再跌, 連至愛952都企穩, 又見755爆上.....

    回覆刪除
  51. 睇來玻璃始終係基金愛股

    回覆刪除

注意:只有此網誌的成員可以留言。