置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年5月28日 星期一

人生、股場總會遇上黑天鵝


上周六深夜,捱夜看歐聯決賽直播,看到愛隊利記先是皇牌受傷退下火線,鋒線突然啞火;然後龍門先犯了一個難以致信的失誤,並於尾段時間再犯一個低級失誤,令球隊直接輸掉整場比賽。對於利記而言,幾件事巧合地在一場球隊過去11年來最重要的比賽中發生,如果事前告訴大家,相信沒有人會相信,但事實上這貌似不可能發生的黑天鵝事件却是發生了,只能說天意弄人。而對於利記前鋒殺手沙拿而言, 在如此重要的賽事中受傷退下,已是很難受的事情,但更難受的是可能因傷關係,要缺席下月在俄羅斯舉行的世界盃。大家可能不知道這是其所屬國家埃及自1990年以來,首次殺入決賽周,作為球隊的絕對核心,沙拿缺席世界盃的話,對沙拿自己及埃及都是不能承受的痛。意外受傷,對沙拿、對埃及國家隊,都是一件黑天鵝事件。

人生如此,股場又何嘗不是。

最近數月不少個股出現黑天鵝事件,例如被美國制裁的中興通訊 (00763),雖然事件有轉機,但公司面臨巨額的罰款,肯定元氣大傷,復牌後股價大跌是大概率的事;又例如同樣被美國制裁的俄鋁 (00486),股價曾於兩個星期內跌去70%,現在雖然有所反彈,但仍比制裁公佈前的股價下挫50%。俄鋁在商品股當中,估值一向是比較便宜的,也因此不少價投及機構投資者都會持有,那想到美國會突然公佈制裁,基本上這種事先沒有什麼徵兆的黑天鵝事件是難以迴避的。又例如上星期被沽空機構唱淡的新秀麗 (01910),雖然沽空機構事先已預告將於月底公佈沽空目標,但又有誰會想到目標是新秀麗?

當然,有些暴跌股雖然也是貌似黑天鵝事件,但實際上是可以回避的,例如股價在最近3個月暴跌94%的民眾金融科技 (00279),又或者受到拖累在數天內下挫65%的中國全通 (00633)。我並不是說我事先猜到這兩股股價會暴跌,而時基於往績、估值等,理智的投資者應該不會買入即使已暴挫的民眾金融,又或者早早買入貌似便宜的中國全通。

純粹有感而發,借文章抒發一下愛隊輸波的悶氣。

258 則留言:

  1. 1357話計劃用1億美元回購, 第一日就用左9265萬港元回購1100萬股。

    可能用晒1億美元, 股價都係累升10%左右。

    回覆刪除
  2. 作為皇迷,都覺得場波冇左沙拿失色不少。

    回覆刪除
  3. 雖然偉哥blog係二三線股及event driven討論區
    但有時有d股 真係碰不得 蝕錢易 賺錢難

    過去交了不少學費得出的體會 ...

    回覆刪除
  4. 利物浦補充幾個頂級應該可以挑戰番聯賽錦標
    沙拿好可惜,一定要自慰的話,沙拿一直是皇馬監視目標,比拉莫斯搞一搞,相信佢至少留多2至3季

    回覆刪除
  5. 卡利奧斯完場walk alone謝罪sosad

    回覆刪除
    回覆
    1. 超心痛,唔抵幫但怪佢都無用。。。。

      刪除
    2. karius先得24歲 大把前途既 希望佢唔好一沉不起啦

      刪除
  6. 前晚聽完歐聯,今明兩日睇東西岸Game 7...球迷之福

    回覆刪除
  7. 見到沙拿比拉莫斯咁撻法而受傷離場,個一下個心真係好噏,同時間好唔忿氣,點解唔可以堂堂正正一決高下?反正皇馬實力都遠高於利物浦,就係呢一下,原本一場好精采既決賽就因為咁可以放入雪櫃。

    回覆刪除
    回覆
    1. 個晚係酒吧睇, 全場球迷小爆拉莫斯. 落吧睇係好玩好多. 哈哈

      拉莫斯踢後衛一定陰陰濕濕嫁啦, 正常跌低落地一定用手落地先, 佢明知沙拿係下邊咪順勢搵佢做擋箭牌囉, 但應該冇諗過咁嚴重既, 佢只想佢跌低姐.

      刪除
    2. 有踢開波都係咁拉手拉腳,只怨落地個下唔好彩囉...

      刪除
    3. 睇番慢鏡,沙拿個波彈離左個身,所以想"得"身位,繼而同拉莫斯手勾手。拉莫斯不嬲都奸奸地,既然你勾我,我當然唔會俾你走得咁易嫁啦。踢開波都知,"得"身位,一定係推下又拉下咁嫁啦。唔好話邊個勾邊個先,兩個都有動作,一個勇,一個奸,邊個會傷?
      再者,有睇場波既人就知,利物浦有沙拿就係龍,冇沙拿就一條蟲。你怪人整傷你既主力,咁你其餘10件就係紙板?如果一早set左戰術以沙拿做中心,咁佢傷左就會冇plan B?要怪既點解唔怪自己隊波冇後備力量呀?點解唔怪自己戰術唔夠靈活呀?!以前果種打不死,後上既精神又去左邊呀?

      刪除
  8. 林大少非常聰明, 填補唯一填補洞, 余卓兒再也沒有機會得到麗新系列控制權!!!

    488麗新發展想要一次過增持571豐德麗到達超過50%股權!?

    麗新系發出聯合公告,麗新發展(00488)擬按每股1.3元私有化豐德麗(00571),要約價值約12.231億元,連同註銷購股權的340萬元,要約價值合共12.265億元;倘購股權於截止前獲悉數行使,要約價值則約12.66億元。

    alchow:
    "於二零一七年一月二十日(交易時段後),本公司(豐德麗)與配售代理訂立配售協議,據此,本公司已有條件同意透過配售代理按竭盡所能基準,配售最多248,642,433股新股份予不少於六名獨立承配人,配售價為每股配售股份0.620港元。"

    該次低價承配的"不少於六名獨立承配人",很可能接受收購。其效果有二點:
    1. 低買高賣,差價$0.68,有約一億六千九百萬元利潤,
    2. 麗展現時持有豐德麗36.94%,當日配售股份約為16.67%,如該批股份接受收購,麗展便有高於50.1%股權,控制權穩如泰山。

    我估計當日配售的目的亦是為控制權做準備。

    回覆刪除
    回覆
    1. 估計會有暗手或友好接受要約, 令要約成為無條件,也令麗新持股豐德麗超過50%。

      刪除
    2. 更正:
      林大少非常聰明, 填補唯一漏洞, 余卓兒再也沒有機會得到麗新系列控制權!!!

      刪除
    3. 余先生今天已經掃了不少571, 還在$1.35~$1.38排隊大手買入, 想做什麼? 高價反收購?

      刪除
    4. 余先生大手掃了超過一球571@$1.4!

      刪除
  9. 事隔五年楼面地價:
    每平方米67,845港元
    每平方英尺6,294港元

    【相隔5年 闊佬出手】恒隆131億元買杭州地 總投資逾230億
    https://hk.finance.appledaily.com/finance/realtime/article/20180528/58248924
    相隔5年,恒隆地產(101)再在內地成功投地。恒隆今日宣佈以107.3億元人民幣(131億港元),投得杭州下城區一幅商業用地,為歷來恒隆最貴投得的一幅土地。公司預計項目總投資190億人民幣(233億港元)。

    該幅地用地面積4.48萬平方米,可建總樓面19.4萬平方米。
    ......

    回覆刪除
  10. 86世界杯 薛高尾段十二碼宴客 令巴西8強出局
    94世界杯 巴治奥決賽互射十二碼一飛沖天敗陣
    98世界杯 碧咸領紅牌令英格蘭十六強出局
    06世界杯 施丹式頭鎚被逐令法國不能衛冕
    這都是球賽一部份
    謝拉特跣腳斷送了英超冠軍比今次慘痛得多

    回覆刪除
  11. oh!! 1598一開可能已經1.5

    回覆刪除
  12. 回覆
    1. 是否想嚇人唔好AO, 好彩未動

      刪除
    2. 見到8蚊果刻,即刻好恨自己平時懶,無睇偉哥之前解釋AO點估盤,點對盤><

      刪除
    3. 偉哥既號召力真勁...

      刪除
    4. 我尋日先留意到偉哥咁大注, 豈能錯過, 今次好西不遠了

      刪除
    5. 偉哥唔會AO放吧!!!???

      刪除
    6. 3xx買盤、2xxx沽盤,AO trade @$1.56

      刪除
    7. 死啦, 偉哥如果AO放左, 唔好出post住呀!!!!! 我無醒起偉哥咁大注可能分開放

      刪除
    8. 講笑咁講偉哥沽左唔好咁快出post

      刪除
    9. 偉哥咁大注,9成放左3分1

      刪除
    10. 偉哥今次真係爽Y Y, 恭喜偉哥!

      刪除
    11. 持貨36萬股, AO價只沽6萬股而已。

      睇買賣盤數量, 真係大戶吸貨, 散戶沽貨。

      刪除
    12. 點樣可以delete偉哥第一句 haha ^,,^

      刪除
  13. 股場危機四伏啊. 偉哥覺得拉莫斯有心或是無意?

    回覆刪除
    回覆
    1. 落場踢波,唔去到盡就比人踢返,以前踢波,教練都係咁教︰人地踢你一腳,你要踢返人地一腳。1好難話有無心

      SALAH傷出,只可以說是不幸...人生就係咁

      刪除
    2. 我諗身體碰撞一刻未必有刻意令佢受傷的想法, 但拉莫斯呢D老將, 經驗豐富, 懂得如何最佳保護自己, 沙拿輸在經驗。

      刪除
    3. 拉莫斯呢D沙場老將
      職業犯規已入反射神經
      有心犯規就9成
      有心傷SALAH就未必
      不是為拉莫斯講好說話
      也不是說皇馬利物浦成王敗寇
      足球就是這樣,總有著這些黑暗一面

      刪除
  14. 其實有數得計,偉哥上篇文預計升幅係50%,以招股價1.13計,即是1.7左右,都差不多到目標價了,恭喜偉哥!

    回覆刪除
  15. 五洲國際(1369)仍未公布內幕消息或解釋股價下跌的原因,短暫停牌變停牌,復牌何期?

    回覆刪除
  16. 沽多21萬股1598@1.7, 剩下9萬股。

    回覆刪除
    回覆
    1. 沽埋餘下9萬股@1.63, 收工。

      刪除
    2. 偉哥⋯⋯你是我的偶像!

      刪除
    3. 1.7沽左一半
      另一半再等等先

      刪除
    4. 執左幾千,多謝偉哥。

      刪除
    5. 偉哥利害!恭喜恭喜!

      刪除
    6. 7神沽清 係咪要開車了?

      刪除
    7. 恭喜偉哥咁又執十幾, 勁呀! 今次只能葡萄喇~~~

      刪除
    8. 偉哥泰山壓頂, 開不了車

      刪除
    9. 1.67沽,賺少少。
      多謝偉哥

      刪除
    10. 剛沽清1598,多謝偉哥,可以去歐洲旅行喇.哈哈!

      刪除
    11. 甘都比我偷到雞,可以食餐飯..... 謝偉哥

      刪除
    12. 你地班友仔, 今朝好似得我AO買咁, 孤軍作戰!! 現在一升就個個來多謝偉哥!!!

      刪除
    13. 哈哈, 昨日暗盤1.2元任買你唔買, 今日AO價來追, 怪得邊個?

      刪除
    14. 頂!! 1.7-1.56都無2毛, 依家1.9, 多2毛多個double >,,<

      刪除
    15. 識買一定係暗盤買, 1.2X任買

      刪除
    16. 我近半年暗盤買入的新股好似得4隻: 1789, 1729, 1752, 1598.....4隻第2日正式上市都有好表現的。

      刪除
    17. 我用OD account買, 尋日暗盤買唔到啊 >,,<

      刪除
    18. 777.你知道嗎?偉哥上星期就叫我重注買1598的

      刪除
    19. 青兒, 你現在心涼了, 我這2星期輸了好多...機會

      刪除
    20. 青兒同偉哥都私下聯絡嗎,好羨慕呀......

      刪除
    21. 嘩唔公平喎重色輕友. :O

      刪除
    22. 偉哥如果基先唔重色, 人之常情 哈哈 ^,,^

      刪除
    23. 作者已經移除這則留言。

      刪除
    24. 我不敢肯定偉哥和青兒有沒有私下聯絡,個人認為沒有。
      但偉哥已在博文中出口動手地明示1598是值得重注的。
      利身,沒抽,暗盤1.26買,1.75沽。

      刪除
  17. 為何𣎴留三四萬股?慎防沽升淚

    回覆刪除
    回覆
    1. 我都想問偉哥為何𣎴留少少

      刪除
    2. 我記得偉哥講過新股估值高, 只炒供求

      刪除
    3. 有幾多新股係有好下場............

      刪除
    4. 偉哥絕對係有紀律的投資者, 唔會比勝利沖昏頭腦, 先可以做到長勝!

      刪除
    5. 但我亦常看到偉哥說沽升淚,那麼是否應留一點let it run,let profit go ?

      刪除
    6. 但印象中, 新股我真係無見過偉哥上市第一日會唔沽......

      刪除
    7. 可能呢D係偉哥一直炒股守則, 一直遵守

      刪除
    8. 哈哈,Terry兄,世間冇賺盡嘅$,有句說話,做人做事見好就收,都升咗50%.meet target.
      如剩返少少,再升對個pool都冇乜大幫助.

      刪除
    9. 其實睇番基本面呢隻ipo 好似無基他教育股咁好,只做河北(區域性有d 窄),近年增長亦放慢左,好似又有新校起,要時間慢慢回本。正路P/E去到30已經好盡.....
      不過ipo第一日基本都唔理呢d...haha

      刪除
    10. 大部份新股都是頭1、2天沽清, 上市升到高位冇沽的1729, 一直坐到而家囉.....慘

      刪除
    11. 哈哈哈~~~ 偉哥呢句好正, 一唔守紀律果次就買個教訓

      刪除
    12. 有空得閒睇返偉哥6 May網誌"新股又遇冷鋒",有幾多只新股可以長期有好下場.緊記

      刪除
    13. 1729,1752既例子,讓我覺得分段減持既操作會更合偉哥,無需沽清,尤其係當炒股

      刪除
    14. 股票多的是,不要跟新股談戀愛呀

      刪除
    15. 周顯最近推介9跌1升
      得隻太陽城升
      平均跌6-22%
      1729近排都係不吉多
      利伸持貨0.495

      刪除
    16. 𣎴是說長渣,當炒股兩星期是極限

      刪除
    17. Terry兄,首先我表達是對事情,請別誤會.
      1.如只只新股持有2星期,試下統計下當炒股利潤能否cover其他新股嘅損失.
      2.要搵新股升一,二倍的不是很多,但要搵大熱瀨嘢嘅大把如閱文跌返一半,都好傷.
      3.散戶一般不是無限資金,集集都揸2星期,吾係好化算.
      4.炒股無非想賺$,但如炒咗一段時間都發覺吾係好成功(你自己知自己成績),倒不如跟高手學習人哋成功嘅模式,因賺$比你多(以%計),炒股賺到$嘅人總有原因.到自己都賺到$時先賞試用自己的方法研究炒股都未遲.你想好刺激咁輸$定穩定地贏$.
      5.我都係過來人,所以有感而發,或者我冇大志吾自創方法炒股.哈哈!

      刪除
    18. 好老實, 我無研究呢隻股, 我只跟偉哥入, 跟佢出. 跟就跟到底

      刪除
    19. Lee Tin兄, 明白+認同; Terry兄, 細水長流, 其實新股既死亡率都好高

      刪除
    20. 新股又未必唔可以長hold, 只不過頭2日已炒起都係走左先,上次隻捷榮炒到2.8無走..而家慘..><..
      反而隻1475日清上市潛水,近排又有番d 升幅..

      刪除
    21. 達到目標已足,做人炒股都無話賺盡既。隻隻求高位低位,到頭只會得個貧。16年我諗住等樓價再低D,好多新股炒高急插。。。後來發覺達到目標價,例如每隻新股賺到20% or 50%,感覺開心滿足,唔使下下緊張望住部機,又怨自己早放/遲放。。。
      Btw,我非樓主Terry,我係誠邀7兄去灣仔starbucks既Terry。

      刪除
    22. 我只是說留"十至十五份一"再看一會吧了
      兩星期是極限𣎴是說要渣足兩星期,轉弱即沽,有更好則換
      第四,我投資12年,身家升左十六倍左右,𣎴算強,也𣎴算差
      只是常看見偉哥說沽升淚,有感而發,若唔岩聽,當我無講過
      同埋我唔係常留言果個terry,n年cdrom

      刪除
    23. oh,真對不起N年cdrom的Terry,原來也是超級高手,失敬!有空分享吓炒股心得!
      我以為是經常留言的Terry,真係無法分辨出,哈哈!

      刪除
    24. Terry兄16倍!!!! 求教求帶!!!!

      刪除
    25. 完全零分析, 偉哥話50%升幅就1.67盡沽. 多謝偉哥

      刪除
    26. 昨天暗盤1.26買, 1.67沽清, 昨天還想暗盤收市前賣掉,今早開市再入,好在昨天賣不成,謝謝偉哥, 感覺和777一樣轉運了.....^-^

      刪除
  18. 偉哥玩IPO簡直是出神入化。印象中贏輸比例9:1甚至更多,而更重要是贏是大贏,輸是小輸。
    我只能望門興嘆。

    回覆刪除
  19. 偉哥真強,尋日暗盤我都唔敢入多, 今日只能win 餐茶>_<

    回覆刪除
  20. 多謝偉哥,昨日追完文
    1.36入左9000股
    今日1.6走

    回覆刪除
  21. 回覆
    1. 哈哈, 今次你會唔會又係講左先發現自己冇貨?

      刪除
    2. 我有一手!
      不過0.62買👀
      唔知有冇機會同偉哥食飯呢!

      刪除
    3. 2663唔知係純粹炒作, 定係有消息?

      刪除
    4. 我覺得應該有消息了
      破52週新高 成交又暴增
      可能今日轉ccass?

      刪除
  22. 有幸見到偉哥處男威力xd

    1.67, 1.69, 1.75 都沽左, 淨返2手旁身。
    已掛2蚊,今日食出就完美

    回覆刪除
    回覆
    1. 1.80終於沽出,不敢再等。再一次謝偉哥哥

      刪除
    2. 我也要多謝偉哥, 見到偉哥大手申請, 我才夠膽昨天暗盤均價1.26買了6萬股, 今天均價1.614沽清

      刪除
  23. 偉哥,請問你對8522有咩睇法?

    回覆刪除
    回覆
    1. 創板股我很少留意, 994市場個個都估會賣殼, 不過突然配股, 不知是否想行NON-GO 賣殼。

      刪除
  24. 利記個籠吾識講,什至第二球世界波,籠個動作都不流暢,縮手既,
    反而企係到,毫無反應仲常見,

    回覆刪除
    回覆
    1. 我都覺得第二球好似有D縮手, 成個身都未伸展晒....但睇FORUM無人講過呢一點

      刪除
    2. 只能說年紀輕, 沒有大賽經驗, 心理質素差, 去到重要時刻患得患失。

      2005年贏歐聯把關的杜迪克, 經驗老到, 去到重要時刻反而有超水準發揮, 不然當年贏的應是AC米蘭。

      刪除
    3. Karius鬥心不足,第一球就算衰左,都應該轉身追波,佢就舉手望球証

      刪除
  25. 守咗成個半月嘅旺旺, 終於黎個突破了🎊

    回覆刪除
  26. 偉哥, 有空請講吓1161的估值計算方法, 謝謝!
    註: 有貨昨跟入

    回覆刪除
  27. 看看路勁1098在未來3個月可不可以防守15蚊!?

    回覆刪除
    回覆
    1. 看看惠記610在未來3個月可不可以防守4蚊4!?

      刪除
    2. 128今天繼續做52週新高!
      無膽,今天只敢買一些28@$4.86,216@$3.56和685@$0.69。

      刪除
  28. 請問偉哥對1729 CCASS 變動有乜睇法?

    回覆刪除
    回覆
    1. 1729 富匯日日狂沽,想點

      刪除
    2. 比較奇怪買方都好分散。

      刪除
    3. 近幾日都係 44/445 大手交波,所以今早試下44入返黎擺下

      刪除
  29. 請問偉哥,426 係吾係業績期所以吾可以公佈賣盤架?
    我見佢雖然盈警,但每日都偷偷升小小,就快去返高位了.

    回覆刪除
  30. 請問有網友紀錄偉哥的10大持股嗎?

    回覆刪除
  31. 請教一隻股票被收購後一般要多久才可注資?
    有無規定的 ?

    回覆刪除
  32. 均價1.15加多了一注1161。

    回覆刪除
  33. NBA決賽又係雙仕,優勝劣敗,最強對最強,如果LBJ同豬隊友都贏到勇士既話,
    直頭可以公認ALL TIME TOP ONE,現在好多人都講係,不過只限FANS,
    以兩隊計,有KD既勇士,真係可以統領整個NBA

    回覆刪除
    回覆
    1. 講真...勇士17無嬴到有Kawhi既Spur,今年無嬴到有CP既Rocket...

      刪除
    2. 真係可惜CP3傷了,Rocket輸都光榮

      刪除
    3. 正如BOSTON冇左Kyrie,有既話,大概率Lebron嚮隊友既拖累下今年可以早抖

      刪除
    4. 東西岸都打到Game 7先入總決賽,今年戲劇性都唔錯,無奈有些球員受傷 無法上陣,令到比賽帶點遺憾。
      以前仲讀緊中學時,小息時會係學校偷開電視睇NBA,無記錯當年是Boston是總冠軍。

      刪除
    5. 綠軍都好慘,傷左兩個,仲可以打到咁,真係好欣賞

      刪除
    6. beta生:中學綠軍拎總冠軍?無記錯應該係08年,
      當年3巨頭Garnett+ Allen+ Pierce對我心愛既lakers,睇到我咬牙切齒
      好彩湖人第二年都返盤成功

      刪除
    7. 2010 Lakers 復仇成功,不過都係要打到Game 7

      刪除
    8. 無錯,當年正是呢3巨頭,當時仲感覺Rondo不成氣候。
      個人覺得Ray Allen既射姿好優雅,所以特別鍾意睇佢,哈哈!(利申:我不是gay,唔駛推薦我睇大叔的愛)

      刪除
    9. 勇士都傷了iguodala,否則六場內可搞掂火箭。

      刪除
  34. 回覆
    1. 網友名句: 瘦田冇人姦...

      刪除
    2. 爆起上黎一發不可收拾...如果

      刪除
    3. 偉哥會不會去6月12號的AGM?

      刪除
    4. 我估伍生未必會出席, CEO只會打官腔, 去到都問唔到乜, 最大的得著可能是兩張戲飛。

      刪除
  35. 回覆
    1. 見佢半日成交有些縮, 先走好了。下隻再努力,哈

      刪除
  36. 8490 中左2 手~
    1978 一手都冇中!好難中~

    希望8490 可以爆冷門~

    回覆刪除
  37. 8490 1978各抽一手..只中1978...

    回覆刪除
  38. 伟哥,唔知1978同1451点睇?

    回覆刪除
    回覆
    1. 都會升, 只差在升多或升少。

      不過升多少都好, 中籤率如此之低, 賺不了多少的。

      新股要博一些比較冷門或熱度不高的, 才會有高回報。

      刪除
    2. 偉哥抽中8490 嗎?抽2 手一手都唔中

      刪除
    3. 8490有一個帳戶中左1萬股, 其它的未有通知, 稍後查下。

      刪除
  39. 偉哥,厲害,要多多繼續向你學習
    工作太繁忙,只能偶然上來看看,就看到你神蹟.
    佩服.

    回覆刪除
  40. 598回A,偉哥會考慮嗎?

    回覆刪除
    回覆
    1. 回A應該還有一段日子, 如果股價有機會調整下, 都會考慮。

      刪除
  41. 我冇偉哥咁堅,起唔到身睇歐聯決賽

    回覆刪除
  42. 偉哥,今年組合是否遠遠超過恆指?

    回覆刪除
    回覆
    1. 嗯, 小型股指數都跑贏恒指, 無理由我會差過小型股指數的。

      以同期表現計算, 今年應比上年同期更好。

      刪除
    2. 八卦一下,現時偉哥YTD回報率多少了?

      我近兩年資金開始大左(當然同偉哥比都仲差好遠 XDD),發覺要保持高YTD,真係難左好多,好似遇到樽頸。

      刪除
    3. 佢D咁本事!!! 我真的沒用!!!

      http://www2.hkej.com/instantnews/hongkong/article/1853322/%E8%AA%BF%E6%9F%A5%3A%E6%B8%AF%E8%BF%91%E5%8D%8A%E6%96%B0%E6%99%89%E5%AF%8C%E8%A3%95%E5%B1%A4%E5%86%80%E7%9F%AD%E7%B7%9A%E6%8A%95%E8%B3%87%E7%BF%BB%E5%85%A9%E7%95%AA

      調查:港近半新晉富裕層冀短線投資翻兩番

      嘉信理財公布調查結果顯示,香港新晉富裕階層傾向訂立較進取的投資目標,47%將投資回報提高兩倍,視為短期投資目標。

      調查共訪問2000名本港及美國的新晉富裕階層,其中本港的新晉富裕階層指每年收入介乎60萬至120萬元,並擁有60萬至500萬元個人流動資本的人士。......

      刪除
    4. 粗略計算, 加埋今日1598的回報, 暫時組合YTD回報肯定有17、18%左右吧。

      刪除
  43. 《經濟通通訊社29日專訊》半導體封裝材料製造商駿碼科技(08490)公布招股結果
    ,每股定價0﹒58元,為招股價0﹒42元至0﹒58元的上限,公司淨籌約8440萬元。
    股份將於明早(30日)於主板上市。
      公開發售部分獲超額認購約116﹒51倍,啟動回撥機制後,公開發售部分比例增至
    50%,一手5000股中籤率為40%,申請4手才穩獲一手,而認購1700股的「頭錘飛
    」有21張,中籤率為0﹒6%。至於配售部分則錄1﹒46倍超額認購。(cl)

    無知一問 8490 抽10手, 不是至少穏兩手嗎?

    回覆刪除
  44. 1598今早AO入, 1.8走, 謝偉哥

    回覆刪除
    回覆
    1. 1598沽盤好散,散戶仲沽緊
      買盤一個盤都幾大

      刪除

注意:只有此網誌的成員可以留言。