置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年5月6日 星期日

新股又遇冷鋒



尤記得上年12月,寫過新股遇冷鋒,但現在與當時比,情況可以說更加惡劣。

這是最近40隻新股的表現:



最近40隻新股,截至現在仍可以守得住招股價的只有9隻,可能明天開市後,只餘下8隻。根據這統計,大家或許會問是否認購新股已無利可圖?

答案並不是,大家可以再看看最近40隻新股的首日表現,其實有29隻首日收市價是守得住招股價的,即是說如果用現金認購及選用無需認購手續費用的券商認購新股的話,並且不貪心盡快在上市首天沽出的話,新股仍是有利可圖的,當然要賺大錢就很難。

這就是我為何仍用2個帳戶,各以現金認購5萬股捷榮(02119)及20萬股全達電器 (01750)的原因。在信心不足的情況下,以現金小注認購,即使賺不到蠅頭小利,要全身而退也應不難。至於認講捷榮原因很簡單,其品牌具有一定的知名度,雖然可能不會像毛記(01716)或檳仕國際(01705)般大炒,但小炒作或許會有的。全達電器就是基於保薦人豐盛融資,最近一年保薦7隻新股,全數首日收市高於招股價,這個紀錄實在不容易。

至於近期除平安好醫生 (01833) 外,唯一以孖展認購的澳洲成峰高教 (01752),主因有三:

1. 保薦人中國銀河過往一年只保薦兩隻新股,而且兩隻都是招股反應冷淡,但上市後的成績都很好。澳洲成峰招股反應也不踴躍,和之前兩隻的情況相若。

2. 澳洲成峰最多只集資2.3億元,但當中有4成會分配予基礎投資者,即是市場流通量最多只有1.38億元 (不計超額配售) ,這安排和之前的瑞斯康集團 (01679) 類似,瑞斯康有30%新股分配予基礎投資者。

3. 主要股東包括澳洲普華永道 (PWC),是很罕見的提供專業服務的商業機構入股教育機構,或許是一個賣點。

3隻新股能否有利可圖,4天或者5天後自有分曉。

247 則留言:

  1. 8391 & 8105保薦人往績都不錯,偉哥沒有抽嗎?

    回覆刪除
    回覆
    1. 8391及8105的保母往績好? 不是吧。

      刪除
    2. 光大無隻炒得起。。。建泉,我仲記得佢自己上市插到,連佢保賤既股都索性blacklist之。

      刪除
  2. 我認為8521應有得炒下。睇返保母上兩次都有炒作,有隻仲炒到兩倍以上。

    回覆刪除
  3. 星期一兩個大會 2136 同1829,好緊張

    回覆刪除
  4. 謝偉哥,唔怪之得偉哥成日第一日就走曬。

    回覆刪除
  5. 1829希望派5毫或以上啦, 若派幾仙就死火。(利申:有貨)

    回覆刪除
    回覆
    1. 也是期望派0.4-0.5的特別息。如果低於0.1的話, 股價會打回原形。

      刪除
    2. 如果派0.5,偉哥覺得股價會上到幾多?機會率有冇5成?

      刪除
    3. 如果照期望順利派0.4特別息,對現價還有影響嗎?
      還是早前己反映在股價?

      刪除
    4. 派幾多冇得估, 只是說說自己的期望而已。

      有0.4-0.5特別息, 股價再升10%也不過份。

      刪除
    5. 剛賺少少走咗算,因上星期四才追入,冇乜信心吾想輸.
      祝偉哥同各師兄賺多D.

      刪除
    6. 我比較保守,估0.2-0.3,現價已反映預期。

      刪除
    7. 我手多多今日4.65入左小注..

      刪除
    8. 初心兄最近買股票有無運的呢?

      刪除
    9. 哈哈哈!算唔錯!
      但今日哩次操作冇太大信心

      刪除
    10. 出事...有冇人知係咪已經公佈左待別息?

      刪除
    11. 車,衰極咪跌返去4.3! 4.53補返注。

      刪除
    12. To 初心者, 偉哥都係入一注啫, 同埋如果走左會同大家講。 甘緊張, 入了重注?

      刪除
    13. 覺得似震倉多D,
      特別息派得多唔多,內線應該未開會已經知道...

      刪除
    14. 1829出事了嗎!!!???? 救命!!!

      刪除
    15. 大市也倒跌!!! 出去食個飯就咁對我?!!! 還有天理皇法嗎

      刪除
    16. 哈哈,公告都未出就倒跌,還有天理皇法嗎

      刪除
    17. 7兄守住呀,聽日一定會好天架!

      刪除
    18. 難說了, 可能係春江duck!!!!

      刪除
    19. 呢隻我入了整整1萬股!!!

      刪除
    20. 剛4.52再入6000, 同你生過!

      刪除
    21. 7兄補完繼續回升,聽日BK定半島dinner啦~

      刪除
    22. 七兄係咪打少左幾個零
      快D打幾M入去推高個價

      刪除
    23. 嘩,連大戶都收油,今朝4.6仲有天量買盤,而家得番散戶自己玩。

      刪除
  6. 新股都係賭,不過係要俾息俾手續費咁去赌,其實唔太抵玩

    回覆刪除
  7. 2136今日又4-5%升幅了,偉哥厲害

    回覆刪除
  8. 今日心水: 2136做膽拖1829+486+1132+888, 連贏, 位置Q, 三重彩!!!

    回覆刪除
    回覆
    1. 除了細劉, 今日有隻都表現強勢, 期待

      刪除
    2. Oman兄, 明白! 因為情不自禁 ^,,^

      刪除
    3. 厲害!進擊兄,買888係睇中咩?

      刪除
    4. 睇中Oman兄 ^,,^ 呢隻係Oman兄繼1076後的傑作

      刪除
    5. 1829 倒跌, 唔通派好少特別息定振倉?

      刪除
    6. 其實自出消息後,都係郁左10%內,宜家都未回到開始升既位,擺0係度等埋公告確認都唔洗驚既,又唔見得可以有好大跌幅。

      刪除
    7. 沒有沽1829, 反正現價同成本價仲有少少差距, 博一博, 看看單車會否變摩托。

      刪除
    8. 為慶祝本公司成立40周年,考慮到本公司近年來一直保持了較好的經營態勢,特
      別是2017年經營溢利有81.73%的增長,創近五年新高。董事會欣然公佈,於2018
      年5月7日(星期一)舉行之董事會會議上,董事會就4,125,700,000股股份建議派付
      截至2017年12月31日止年度特別股息每股人民幣0.04元(稅前)(「特別股息」),合
      共人民幣165,028,000元(稅前)。
      董事會於2018年3月26日(星期一)就4,125,700,000股股份建議派付截至2017年12
      月31日止年度末期股息每股人民幣0.1659元(稅前)(「末期股息」),合共人民幣
      684,453,630元(稅前)。

      刪除
    9. 認同, 個4仙就唔好搞咁多野,留返下次派啦

      刪除
  9. 2136 其實想回購到幾錢...?

    回覆刪除
    回覆
    1. 今日有股東會,派你去問下XD

      刪除
    2. 細劉一句: 我有的就是錢

      刪除
    3. 官方答案: 現價仍然遠低於NAV, 回購可以提升每股NAV, 對全體股東有利。

      刪除
    4. 講真, 有沒有網友會出席2136今日的AGM?

      刪除
    5. 唔知有冇機會賣資產派特別息^ _ ^

      刪除
    6. 岀了通告,大家有冇見到咩特別?

      刪除
    7. 有呀,就是未有新通告,你在那裡看到?

      刪除
  10. 1298食過兩次, 3.9又買D等運到

    回覆刪除
    回覆
    1. 758 都唔錯。偉哥沽升淚!偉哥有冇再入貨?

      刪除
  11. 之前持有了1年多的3608, 在今年最差的時機沽清, 一殼眼淚。

    回覆刪除
    回覆
    1. 之前也試過
      無計估唔到,所以平股票真的唔敢放

      刪除
  12. 立橋金融一下子沽清了持有的2.65M橙, 止賺離場。

    回覆刪除
    回覆
    1. 東方匯財0.5掃了770K, 然後即時掛沽770K@0.5。

      呢D交易真係睇唔明有乜目的。

      刪除
    2. 當然唔係, 佢經常買入後再同價沽出, 已經好多次咁做。

      刪除
    3. 如果真係要發Option比Mgt..而家仲有無Quota發,定要等AGM後?

      刪除
    4. 好似已經無得發 佢個認股權計劃接近上限

      刪除
    5. 仲停留係上年買入時的原因,建銀可以同伍生傾掂贖回CB,
      就係咁係高位食左就完左做故事?假設佢唔做呢個動作,有冇可能發展到今日的走勢?
      或者我睇爬漏左,想學下野同清晰下個思維

      刪除
  13. 2320地心吸力真強還要低過業績前,似乎想壓低另有所圖?

    回覆刪除
  14. 大家有看到今天2136 skh有set買盤嗎

    回覆刪除
  15. 想請教下,大家覺得2136係想GO定私有化?

    回覆刪除
    回覆
    1. 2136可以點GO? 咁大隻重要咁多資產點賣?

      刪除
    2. 1)2136唔係一隻殼,大量資產係入面
      2)宜家個價錢遠遠低於公司資產實際價值
      點會賣比人賺?

      刪除
    3. "可以係虛火" 咩意思? 純炒作?

      刪除
    4. 純價格角度,上年都上過3.5

      刪除
    5. 2136今次股價上升,成交配合, 不是虛火吧? 上年突襲炒上3元多時, 沒有足夠成交配合, 就確實是虛火。

      刪除
  16. https://hk.finance.yahoo.com/news/%E3%80%90%E5%A4%A7%E8%8C%B6%E9%A3%AF%E3%80%91%E8%AA%A0%E6%84%8F%E5%9B%9E%E8%B3%BC%E6%90%B5%E5%88%B0%E9%A3%9F%EF%BC%88%E9%9D%92%E5%86%B0%EF%BC%89-232954807.html

    回覆刪除
  17. 3368已贖回未償還美元債券 ,唔知尼2星期可唔可以炒上??

    回覆刪除
  18. 10.6任買, 希望隻3319又可以食多次啦

    回覆刪除
  19. 偉哥或師兄們,有無人留意過1363? 近呢半年大股東一路keep 住增持但股價keep 住跌.

    回覆刪除
    回覆
    1. 有做假嫌疑嘅公司不宜沾手,同隻瑞年同一命運。

      刪除
    2. 呢隻股一直都有造假的嫌疑。

      刪除
  20. 能得利走勢出奇地差, 排0.345博佢一博

    回覆刪除
  21. 1729 0.42@2M 有大戶入貨? 0.42好平!

    回覆刪除
    回覆
    1. maybe市場永遠是對的!你望望687夠便宜啦

      刪除
    2. 687PB雖然係0.59,但PE就844,我就唔覺得平。

      刪除
  22. 隻平安衰醫生究竟有冇人護航架???

    回覆刪除
  23. 平安好医生经营模式不可能赚钱,不知道要亏多少年!

    回覆刪除
  24. 有無人留意隻3326?由7.5向下炒到0.9,岩岩仲穿埋招股價...想點玩?

    回覆刪除
  25. 偉哥 1717 發盈喜, 發掘中細價勁!

    http://www.hkexnews.hk/listedco/listconews/sehk/2018/0507/LTN20180507646_C.pdf

    回覆刪除
    回覆
    1. 偉哥應該賣哂啦一早

      刪除
    2. 我沽清了, 又一沽升淚!

      刪除
    3. 還未回家細看,只看了簡介,不過看不明白智通前後矛盾的火星文:
      智通财经APP讯,澳优(01717)公布,预计集团2018年第一季度股东应占纯利约人民币1亿元,较上年同期纯利人民币65100万元增加约人民币3500万元(或约53.8%)。
      回顾期内,集团产生若干有关产品分销及品质监控的一次性开支,合共约人民币5680万元。因此,经计及相应税务影响,2018年第一季度的股东应占利润减少约人民币4260万元至约人民币1亿元

      請問偉哥:
      其實是否指1st quater利潤本是1.426億,現在因為特別開支,所以實際利潤只有一億?

      刪除
    4. 咁1717增長咪超勁,偉哥可以喺佢吾變鑽石前已發掘,👍👍

      刪除
    5. 1717 可惜當日未有機會去調研,加上當日主要管理層有大變動,所以只係入左好少貨...可惜可惜...

      刪除
    6. 有貨都放心渣耐些少, 呢類股唔知可以去到幾多, 我見2319pe都高, 1717唔知可以到咩價呢.

      刪除
    7. 國內淘汰奶粉山寨小企的影響應在下半年才顯現,1717, 1112這兩年會因此得利有較大增長空間

      刪除
  26. 利福中国(02136)主席刘銮鸿于股东会后表示,最近不断回购股份原因是股价未能反映公司本身价值,若股价仍未能反映资产价值,将会继续回购股份,亦会视乎有多少现金可用作回购。 來源: 中金在线

    回覆刪除
  27. 留意一通6月起不能買賣486

    回覆刪除
    回覆
    1. 只是說美藉人仕, 香港人不受此限

      刪除
  28. 利福中國(2136)自4月中旬起密密回購股份,主席兼首席執行官劉鑾鴻指,由於公司自分拆以來市場價格嚴重被低估,股價未能反映本身價值,會一直回購至股價充分反映資產價格為止。

    https://hk.finance.appledaily.com/finance/realtime/article/20180507/58163533

    會一直回購至股價充分反映資產價格為止...... 利福中國每股帳面資產淨值高於7元,不會是想回購到7元這麼瘋狂吧?

    回覆刪除
    回覆
    1. 打晒開口牌咁美好?驚唔驚有詐...(暗手就...)

      刪除
    2. 睇怕聽日會大大刺激股價

      刪除
    3. 仲會唔會私有化呢?

      刪除
    4. 你知啦,兩兄弟d往績...

      刪除
    5. 哈哈, 其實大劉隻旗艦更加癲。

      刪除
    6. 咁樣講,還能回購嗎?

      刪除
    7. 希望成偉哥貴言,癲過癲馬夜總會,哈!

      刪除
    8. 佢講到咁好似同佢想平價私有化呢個行動有衝突, 雖然佢咁講短線都應該利好, 請問偉哥有咩睇法?

      刪除
    9. 哈哈, 當佢盡晒人事回購之後, 股價仍低於其心目中的合理價值, 到時就大條道理去私有化。

      看看回購到什麼會位停止。如果一直回購到5元的話, 那確實私有化的機會就很低了,當然到時大家都已心滿意足, 還理佢會唔會私有化。

      刪除
    10. 回購到5元唔係仲係好抵嗎?偉哥你講過佢值10蚊,用6-7蚊私有化都仲有好多水位,而且佢自己揸住甘大份

      刪除
    11. 如果一直回購到5元的話, 那確實私有化的機會就很低了
      請問為什麼這樣私有化的機會就很低? Thank you

      刪除
  29. 1829
    為慶祝本公司成立40周年,考慮到本公司近年來一直保持了較好的經營態勢,特 別是2017年經營溢利有81.73%的增長,創近五年新高。董事會欣然公佈,於2018 年5月7日(星期一)舉行之董事會會議上,董事會就4,125,700,000股股份建議派付 截至2017年12月31日止年度特別股息每股人民幣0.04元

    多謝晒wo

    回覆刪除
    回覆
    1. 加埋未期2角多,哈哈。明天齊齊走佬?

      刪除
    2. 好彩今日4.47 走哂,個大股東真係唔死都無用,隻野改名做中國棄械工程la

      刪除
    3. 笑了,遠低於預期,唔怪得大戶都唔玩,管理層真係孤寒到爆。

      刪除
    4. 派個4仙真係買旗都唔夠,未見過人乞衣到咁,個股息真係夠特別 - 特別低!

      刪除
    5. 計吓數,末期加特息其實都派佐 2017 年五成纯利。大家唔收貨?

      刪除
    6. 得4仙都話特別股息。。。真搞笑

      刪除
    7. 估算特息有幾毫紙嘅根據是什麼
      我冇跟買因為都唔明😙

      刪除
    8. 依隻野真係...
      上年年尾大摩枝笛都吹佢唔起...派息衰瀨鑊,宜家特別息補鑊又再瀨多鑊...係咪咁垃圾呀

      成堆大行吹奏佢,都係唔生性...

      刪除
    9. Re FC9
      依隻野又係現金牛黎,仲以為佢會好似電能咁散水...

      刪除
    10. 好彩無咩點升, 跌幅有限

      刪除
    11. 1829帳面現金多到水浸, 以為佢響應國家的號召, 好似之前神華咁, 大派特別息。

      刪除
    12. 今天我,寒夜裡看雪飄過...

      刪除
    13. 不過以後就有路可捉。 40 周年 4 仙, 50 周年 5 ...

      刪除
    14. 以為40周年應該是0.4元才是, 普天同慶。

      刪除
    15. 偉哥諗多佐啦! 😂

      刪除
    16. 40周年慶祝活動未完,股價未到4元😂😂

      刪除
    17. 偉哥,你意思係普天同㷫!?

      刪除
    18. 都話咗你低調D㗎啦,777

      刪除
    19. 其實佢咁樣派特別息有無誤導投資者呢? 那以後個個都話派特別息借勢炒高然後宣佈派0.0001都係特別息啦. 呢間野咁PK, 我只好用通天靈鑑日夜咀咒佢班管理層全家!!!

      刪除
    20. 777, 特別息有分特別高、特別低同埋唔太特別的特別息

      刪除
    21. 777真係威力驚人,怪不得連偉哥都忍唔住搵你開玩笑。

      刪除
    22. 一陣排4.1再溝, lilomei

      刪除
    23. 4.28 多8格, 其實主要輸昨天入的6K, 真係衰多手

      刪除
    24. 唉係囉,派息前我都清左一半啦,做咩又入返搏高息喎。。。息字頭上一把刀,宜家跌咁多唯有坐坐先。

      刪除
    25. Terry兄又買返? AO無止?

      刪除
    26. 尋日見唔對路走左之後回穩想入返,轉頭見777加碼即刻收返先。。。多謝777

      刪除
  30. 。。。。。😲😲😲

    回覆刪除
  31. 偉哥會唔會止蝕1829?

    回覆刪除
    回覆
    1. 偉哥系4.3買的 賺多賺少啫

      刪除
    2. 咁又唔一定跌既, 明日可能高開都未定, 話晒都係特別息吧

      刪除
  32. 投資內需股, 請注意"原來男人連狗都不如!"

    投資者指南:男士該如何投資對沖伴侶消費升級
    https://www.zhitongcaijing.com/content/detail/123774.html
    去年,某電商網站發布了一份大數據排行榜上,投資人心目中消費投資&市場價值從高到低依次是:少女>兒童>少婦>老人>狗>男人。這張圖片立即在朋友圈裡刷屏了。其實零售行業中,女性消費向來是主力,因此研究中國的消費升級,研究目標同樣應該放在女性身上。......

    回覆刪除
  33. 請問有無師兄係用hsbc過錢去富途,邊種方法最平同方便?

    回覆刪除
  34. 我係用中銀入錢機直接入,再影過數紙比富途

    回覆刪除
  35. 超威盈警,並說鉛酸電池產能過盛鬥價劇烈,明天可能又一次拖累天能

    回覆刪除
  36. 想請問偉哥,8527超購10.8倍,下限定價,3300人申請,其中2200人是一手黨。如果清晒一手黨,都只係幾百萬成交額,之後可能好似8107咁大幅炒上,咁樣推斷合理嗎?

    回覆刪除
  37. 好彩有細劉頂住, 可惜沒有all-in

    回覆刪除
  38. 回覆
    1. 當你無貨又想人死就會更低都計到, 我都試過 ^,,^

      刪除
  39. 1829 跌得over左
    賭特別息既急清貨

    回覆刪除
  40. 其實1829未升前都4.3啦,跌過龍
    819又被拖累...

    回覆刪除
  41. 1829 AO價沽清, 白做。

    819受累951盈警,AO價減多1/3貨止賺。

    回覆刪除
    回覆
    1. 開市後, 均價11.4元再沽清餘下的1/3貨。

      全部持股沽清後, 錄得約40%的回報。

      刪除

注意:只有此網誌的成員可以留言。