置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年5月16日 星期三

民企變國企背景的炒作 (下)



上篇簡單說了澳優(01717),這篇會說說先健科技 (01302)。

坦白說,澳優我曾經持有一段時間,也獲利不菲,故對其情況也算了解,但對於先健科技,我可以說完全不認識,不論是業務、前景或者股權結構。既然澳優從民企變國企背景,也引來資金炒作,為何我不坐一程順風車,在消息公佈後立即追入?

先看看股價圖:



消息公佈翌日,股價最低2.38元,收市2.56元,而要追入的話,在2.4-2.5之間買得到,但自己不敢高追的原因有三:

1. 在5月6日的通告裡,並沒有披露美敦力 (Medtronic) 轉讓22.4%持股予中國光大的作價,因此少了一個參考的因素。有關的作價根據5月8日的權益披露顯示是每股0.1296美元,即大約1港元的作價,比當時市價折讓約60%;

2. 有別於澳優的主要股東在轉讓部份持股予中信集團後,仍保留顯著的股權,美敦力是全數沽清持股;

3. 先健科技的估值不便宜。按2017年盈利1.6億人民幣計算,股價2.5元對應的市值是108億港元,相當於大約54倍的往績市盈率。

當然,縱使有3大原因令自己不敢追貨,但股價的表現証實自己的決定是錯的。截至今天,股價已升至2.95元,比起消息公佈翌日的收市價2.56元,再升多15%。股價持續上升的另一原因是公司於5月10日授出約2億份的認股權,當中有9680份認股權是授予主要股東、董事及高級行政人員,每股行使價2.63元,市場視之為利好消息。

日後再遇到類似國企入主民企成為主要股東的情況,或許可以大膽一些追貨,市場似乎對此相當受落。

209 則留言:

  1. 903的首季業績仍是錄得虧損, 但不知為何這次不發盈警。

    雖然是虧損, 但如果撇除其它收入及其它虧損, 業績其實遠上年同期為佳,尤其是收入及毛利率都有提升。

    電視業務錄得經營虧損2990萬美元, 而監視器業務錄得4670萬美元的經營利潤,如果明天有網友出席股東大會的話,懇請代問主席, 會否為股東利益著想, 剝離或出售年年虧損的電視業務?

    另外, 如有機會也請代問宣博士, 在其領導下, 公司過去5年累積虧損7.5億美元, 佢會否退位讓賢或者講得難聽一D, 引咎辭職?

    回覆刪除
    回覆
    1. 連持平都做不到,真係有啲想拍枱,建生兄快啲退休吧!

      刪除
    2. 電視真係...賺埋唔夠佢蝕。

      刪除
  2. 之前2320兩兄弟持續增持, 而大哥就完全沒有增持, 我曾經在這裡提過一個可能性是兩兄弟想奪權.....

    許森國先生已辭任執行董事及董事會主席(「主席」),以更多時間陪伴家人及進一步追求個人興趣。許森國先生辭任主席自二零一八年五月十六日起生效,而彼辭任執行董事將自二零一八年八月十五日起生效。

    許森國不只辭任主席, 連執行董事一職也辭去, 會否是兩名弟弟奪權? 大家如有機會出席5月28日的AGM, 可以留意下三兄弟是否貌合神離?

    回覆刪除
    回覆
    1. 股價ㄧ路上唔到,關唔關呢件事呢?

      刪除
    2. 請教偉哥,原材料貴咗是否對其產品有影響呢?

      刪除
    3. 紙價似乎都係升緊。

      刪除
  3. 1709近日盛傳賣殼, 但估唔到賣殼未有消息, 反而先行折讓20%配股集資6千萬元。

    不過要留意的是, 在完成配股後, 大股東的持股量將會被攤薄至49.3%, 不知會否是NON-GO 賣殼的先兆?

    回覆刪除
    回覆
    1. 但早幾日有財演出黎唱好佢...隻野妖氣沖天喎

      刪除
    2. 接貨的可能是自已友?會唔會多點貨之後再GO?

      刪除
  4. 請問 今天京信沒出通告說有回購,
    但印象你說今天早上是有, 那是否代表公司是不一定出通告的

    回覆刪除
    回覆
    1. 等埋明早吧。

      今日其實見到不少中銀國際的買盤, 如果冇回購的話, 我會幾驚訝。

      刪除
    2. 開始懷疑買貨沽比回購盤嗰啲係佢自己啲高層😡😡😡

      刪除
  5. 小注現金抽了1598
    偉哥有抽嗎

    回覆刪除
    回覆
    1. 未, 睇埋明天孖展反應先。

      刪除
    2. 1598 21世紀教育
      8490 駿碼科技

      好似幾冷門!

      刪除
    3. 8490保母唔錯,名仕兩倍幾,雜貨炒高近倍,愈少人抽愈好。

      刪除
  6. 偉哥,如果ccass變動只係幾百萬,但成交量有成幾千萬,成10倍有多,甘即系意味住咩野?有人不斷買籌碼,再賣籌碼,質低個價?

    回覆刪除
    回覆
    1. 咁誇張, 不如比實際例子來研究下。

      刪除
    2. 可能係我唔識睇ccass,其實就系隻868,前日成交量有成4200萬

      刪除
    3. T+2, 你明晚12:20後再看CCASS變動吧。

      刪除
  7. 大昌行盡沽麗晶d車位套利4.2億,唔知有冇特別息派呢?😂

    回覆刪除
    回覆
    1. 估計冇特別息, 但按平常派息比率40%已OK。

      題外話, 1828的北水倉只餘下4百萬股, 差不多全數清倉了。

      短短2個月時間沽左3千萬股, 也是這段時間主要的沽壓, 難得而家股價仲可以貼近52周高, 冇比北水沽死。

      刪除
  8. 我昨日估計700業績不好,所以沒有進貨
    事實證明我又失去機會了
    ADR竟升至429.😞

    回覆刪除
  9. 903今日很可能打回原形 非常失望 管理層在搞什麼!

    回覆刪除
    回覆
    1. 收市前仲要拉一拉升, 令我鬆懈無放, 我仲以為今日有得食好西, 結果又奶X >,,<

      刪除
    2. 279 7兄你就發啦。。。903嗚嗚嗚

      刪除
    3. 得40000股, 幫補唔到乜

      刪除
    4. 睇返轉頭, 郭C治都真係幾pk, 昨晚出通告話無事, 假設佢早知道又通知話自己沽清叫人唔好買...

      刪除
    5. 人之貪...903三月高無走,今朝AO止蝕了,嗚~

      刪除
  10. TrumpTrump又黎了😂中興未解決
    https://mobile.twitter.com/realDonaldTrump/status/996739372723638272?s=17

    回覆刪除
  11. 俄國還擊
    https://m.huanqiu.com/r/MV8wXzEyMDQxNDI4XzEzOF8xNTI2NDYzMTIw?pc_url=http%3A%2F%2Fworld.huanqiu.com%2Fexclusive%2F2018-05%2F12041428.html

    回覆刪除
  12. 2342.hk 未見回購公告,玩暗戰?

    回覆刪除
    回覆
    1. 估唔到冇回購, 昨天的買盤只是博死貓彈?

      刪除
    2. 昨日感覺啲價位被托住。
      過去幾年D options 好多都失效,員工冇啖好食,再唔托上D人過檔去華為啦。 lol

      刪除
    3. 可以做華為既唔會去做京信掛, 華為既待遇好太多喇, 邊有得比

      刪除
  13. 沽空機構預告狙擊港股 目標股份市值大 不排除月尾發佈
    https://hk.finance.appledaily.com/finance/daily/article/20180517/20393505

    回覆刪除
    回覆
    1. 市值大,同偉哥目標股票關系應該唔大。
      都想知邊隻!

      刪除
    2. Baggio兄, 你有1177只要唔係最近買, 應該仲係賺緊好多錢wor

      刪除
    3. 6個零跟林少陽買😎

      刪除
    4. 你就發啦, 可以買張機票去睇世界杯同搵俄妹

      刪除
    5. 我無了, 尋日沽清, 好彩, ^,,^

      刪除
    6. 月底開估, 到時即市見到某隻大型股大跌就知。

      又或者觀察下沽空比率, 看看有邊D大型股在月底前沽空比率急升的, 應該都機會不小。

      刪除
  14. 316,發改會終於通過啦

    回覆刪除
  15. 903昨天諗了一陣.快除凈前陰謀計會炒高.不如趁近月高位.收市前1.16賣掉了.如跌返見1.0樓下可買返.我喜不愛股息.除淨前如炒高一定賣。

    回覆刪除
  16. 700 好瘋狂,競價420 421 422 423 424咁跳
    最後我掛的421失敗了,正在取消買入指令。。。

    回覆刪除
  17. 2342無晒回購盤,要止蝕了

    回覆刪除
    回覆
    1. 會唔會尋日用暗手增持?

      刪除
    2. 如果係咁,就更加要小心

      刪除
    3. 唉, 比京信玩死,
      相信公司決心, 點知原來係錯信,
      買完兩三日 立即大跌16%, 黑到喊

      刪除
    4. 俾你估中, 2342成班真係唔係好人!

      刪除
    5. 咁睇原來係夾埋食老散, 有排未跌完

      刪除
    6. 此股已列入黑名單,以後升天或跌到底都唔入手

      刪除
    7. 真係唔明, 好地地一家公司搵到錢, 但就偏偏唔肯同股東共富貴, 仲要昆散戶錢, 呢種掛羊頭賣狗肉其實仲衰過那些明刀明槍既老千

      刪除
    8. 佢咁樣放消息派貨, 仲唔係衰過老千股?

      刪除
    9. Oman兄睇得準, 今日仲跌破1.27個位

      刪除
    10. 2017業績唔靚,唔派息 D錢用來回購,再推高股價再派貨 仲唔老千?

      刪除
    11. 沒有供股記錄,加上只係停了1日的回購,咁快下定論,太過火啦。要看1個星期吧。

      刪除
    12. 公道D講, 佢出通告後有成日做1.13, 係成日, 因為佢嗰日排個盤喺1.12
      過左成個星期, 雪球開始吹風時先跟風, 都1.3x喇, 大家都係羊, 都要知道自己係隊頭定尾

      刪除
    13. 仲有, 2342係有大戶搵食既, 所以股價係某程度被操控的, 借消息炒上落都可能係呢班人

      刪除
    14. 好肯定係衰過老千, 因為係用一間正當公司作出正面回購消息去昆散戶入貨之後就狂派. 本來唔明乜事, 以為管理層低Q能俾人玩, 依家睇, 根本就係夾埋街外人一齊食大茶飯. 散戶入左局, 點會俾你咁快走, 久唔久升少少俾個希望你又插過. 今日我睇住係1.32開始每格一下大插派清晒每個價位, 但你想走都要再低1格

      刪除
    15. 仲有回購額 我坐陣等止蝕先

      刪除
    16. 下,願者上釣咋喎,散戶跟風邊有得怨,回購總有個限度,係咁炒上去我係管理層都停一停諗一諗,如果個價落番1.1可能又黎過呢,我都覺得隻野有大戶搵食,所以我選擇靠邊站睇戲。

      刪除
    17. 利申:有貨@1.37
      琴日冇回購係令人好失望,呢點係無得否認。
      但咁快話人係老千,我就覺得仲需要觀望...
      始終冇供合股紀錄,打下開口牌,柒左一次(我暫時當係),唔應該咁快下定論
      當然,睇番呢幾日盤路,你話冇人係背後舞高弄低就自欺欺人
      但再望番月頭果3日,收左around 460萬股,平均價around 1.16,再望下前日一下子收貴左咁多貨,我諗都要諗下自己既膠應該點補番掛?!
      所以我自己會睇到23號...但如果23號前有咩大插既話,我都會引刀成一快~

      刪除
    18. Diego 我同您一樣,都係觀望中。大家good luck!!

      刪除
  18. 486 又回到1.8-1.9, WAI GOR 會補回尾一注? 感覺有排搞

    回覆刪除
    回覆
    1. 等等先, 之前兩注平均價1.93, 而家距離不遠, 增持的意欲不高。

      刪除
    2. HAHA 財主有講是長線投資者先好入~應該會座到屁股痛^^"

      刪除
    3. JP仲未清倉,有無關係?

      刪除
  19. 美國十年期國債3.1% , 萬劍歸宗. 後市都係小心謹慎d 好.

    回覆刪除
    回覆
    1. 其實世界本來和平, 最邪惡核心集團就係美國

      刪除
    2. 說得太好了! 如果沒有美國,世界就太平了!

      刪除
    3. 我以前唔信, 因為美國一直標榜自由, 點會係邪惡. 但現在我發現, 其實美國係不斷欺壓其他國家以達到自己永遠強大. 當人地報復, 又話人地邪惡, 即只有佢講無人講, 丁蟹一隻

      刪除
    4. 以前會在你面前扮正義, 背後就捅你幾刀, 死左都唔知點解, 現在連扮野都慳返, 直接向你落命令, 一喺跟, 一喺等我制裁你!!!...(>_<)

      刪除
    5. 無美國就無其他國家做同樣既野? 唔做可能未夠料姐 , 有料唔做定無料所以做唔到 , 係完全唔同 , 永遠都以自已利益為依歸相信係千古不變的道理 , 無謂標榜什麼是邪惡正義吧。

      刪除
    6. 可能無美國,都大把國家做同樣既野,但係事實放在眼前美國係已經做左,無話正唔正義定係邪惡,不過佢既歷史係無辦法改寫,無必要為佢辯解。

      刪除
    7. 現在美國人就是標榜他是正義, 你中國人就是邪惡。

      刪除
    8. 自古都是大欺小。以前契丹強大後欺壓女真,女真強大後欺壓蒙古,蒙古強大後欺壓漢人,明朝時又輪到漢人欺壓女真,清朝時滿人又欺壓回人苗人,清朝衰弱後又被列強欺壓。

      刪除
    9. 中國就無做緊? 佢只係無辦法向美國做姐 , 對於臺灣人黎講以一個中國原則迫走中華民國係聯合國作為常任理事國的地位 , 到一手拎住九二共識 (一中各表), 而一手係國際拎住一個中國原則 , 削弱臺灣的生存空間 , 有中國就無臺灣既玩法唔通又對臺灣人黎講係正義做得好岩? 其他例子多不勝數 , 我亦無意為中美或者任何列強辯解。
      至於"美國人就是標榜他是正義, 你中國人就是邪惡。" 唔通係中國就無標榜中國就係正義美國就係邪惡的意識形態嗎? 總之我覺得就唔好講咩正義邪惡, 無邊個就會天下太平 , 所有野都需要有適當的制衡, 對我地呢D平民百姓先係有利。
      離題,我既回應去到呢到, 希望大家贏多D

      刪除
    10. 心水清, 不過好多人都唔明

      刪除
    11. 其實兩岸技術上係打緊仗,依家冇出炮彈算好了。

      刪除
    12. 如果加洲獨立, 美國對加洲就等同中國對台灣, 呢個唔可以爭議, 因為係人地國家既事

      但係對伊拉克, 敘利亞, 原本受獨裁統治下也可以有大部份人平平安安, 美國而家係要攪到大部份人都有危險, 好理想話係為你好, 但係佢係咪真心既呢

      如果要中立, 全世界都係邪惡, 不過就而家呢一刻睇, 好似係得美國先會害咁多其他國家既人

      刪除
    13. 能力越大,可以做成的傷害越大。
      所以有能力的都應該三思而後行!

      刪除
    14. 作者已經移除這則留言。

      刪除
    15. 天下烏鴉一樣黑, 中國一樣, 唔夠人打時就話愛好和平.
      強大時一樣蝦蝦霸權.用減少中國遊客作為威脅.

      美國反而是中國歷史上最好既朋友.沒占過中國一寸土地.
      沒美國, 中國而家應該屬於日本.
      美國做世界員警維持秩序, 中國貨可以運往全球.
      美國在依拉克保護緊中國既油田.

      刪除
  20. 94,

    如要衝破$1.15~1.2的阻力,
    起碼要成交接近1500萬股,
    2~3日才可衝上,
    睇下結好有沒有這能耐,
    新鴻基,匯豐及金英會否出來幫拖.

    回覆刪除
    回覆
    1. 瑞奇兄,

      佢依加得一個牌買咁多沽家都買唔得多,
      仲叫金仔出黎幫手?
      買得咁上下可能金仔會突然出來掃.

      刪除
    2. 瑞奇兄,

      睇來你不是一個操盤手.
      :)

      刪除
    3. 係呀, 我跟圖玩多, 好少睇牌做野, 呢隻係人地叫我幫手睇, 見OMAN兄你FOLLOW開, 所以詢問一下

      刪除
  21. 685有d 異動,盈警跌吾落.今日轉向上.尋日收左d貨.希望今次食到糊.

    回覆刪除
    回覆
    1. 今次應該可以成功賣盤了吧. 吾好又出閘脫腳

      刪除
    2. 426賣到的話, 估計也是7億作價, 685可以收返5億元, 而目前市值只有12.5億元。

      出售所得, 估計會派特別息。

      刪除
    3. 685已經放過我, 唔使坐艇了, 非常感謝巴絲幫我!

      刪除
    4. 我吾想要特別息,我想佢升番去上次高位3蚊就收貨XDDDDDD

      刪除
    5. 我知足, 685佢升番上2蚊, 我就收貨!

      刪除
    6. 我更加知足,個半我都收貨。

      刪除
    7. 死火, 咁多人想截糊, 我都係早D放左佢!

      刪除
    8. 今晚又爆200 post. 偉哥日日開新貼,今次可否講講685呀?多謝偉哥

      刪除
    9. 今日903跌得多, 條氣唔順, 今晚想寫篇文叫建生兄快D退位讓賢。

      刪除
  22. 回覆
    1. 要直拿才可以, 最好AO

      刪除
    2. 依隻王雅X有介紹過,不過因為係迷網股之一,所以唔敢掂

      刪除
    3. 我同呢隻野都係同行,不過佢地玩醫療傳銷,開頭水份好重,點知玩玩下俾佢哋玩成真,真係事在人為!

      刪除
    4. 佢老細Eddie十幾年前已經玩傳銷,同老蕭一伙

      刪除
    5. 先跟蕭生, 再任職於修身堂(8200, enigma 50之一), 然後自己檔野上市後, 1019(enigma 50成員之一) 曾持有其3.22%股權,同太多邪人有關連, 所以我自己睇過都唔敢買。

      刪除
    6. 妖氣冲天,點解企鵝會沾上佢地,可能要搵老廉查下

      刪除
  23. 想請問偉哥對3358半新股榮威國際有冇睇法?
    公司有關業務在歐美處領先地位,而大陸則開展業務,未來三年都可以維持20%增長。
    大魔與申銀都給予買入評級,一年目標價$6.6-6.7。

    回覆刪除
    回覆
    1. IPO後破底, 3元邊曾買過, 當時純粹覺得估值太便宜, 唔應該咁平, 但等唔到升上來就走左,後來冇再仔細跟進。

      我之前睇過, 係有基本因素支持, 但合理估值幾多就唔識睇。

      刪除
    2. 多謝偉哥在百忙中的迅速回答

      刪除
  24. 原來今日係 98 興發私有化失敗週年紀念日, 時間又過一年了真快!

    回望偉哥幾篇有關於興發文章(在網誌存檔2017 4&5月份 可找到) :

    https://hkstockinvestment.blogspot.hk/2017/05/00098.html

    https://hkstockinvestment.blogspot.hk/2017/05/blog-post_16.html

    https://hkstockinvestment.blogspot.hk/2017/05/blog-post_19.html

    https://hkstockinvestment.blogspot.hk/2017/04/00098_5.html

    https://hkstockinvestment.blogspot.hk/2017/04/00098.html

    相信偉哥記憶猶新.

    回覆刪除
    回覆
    1. 哈哈, 原來我為佢寫左咁多篇文, 真係唔講唔知。

      而家日日市場過貨, 唔知交完貨之後股價係向上突破, 定係回落。

      刪除
    2. 說真, 比起之前在書店買的所謂投資書完勝.

      活學活用, 又不用錢. 這些知識真是係無價

      感恩偉哥的無私分享.

      刪除
    3. 不分先後重溫最多次係98 581 2136

      刪除
  25. 699 沽升淚,坐左成一年幾,平手走

    回覆刪除
  26. 486肯定有主宰沽貨,到底乜事

    回覆刪除
    回覆
    1. 完全冇眼睇~俄羅斯果面都日日趺~

      刪除
    2. 止蝕埋去~財散人安樂

      刪除
    3. 智通财经APP获悉,普京高调庆贺大桥通车,惹恼乌克兰、美国和一些欧盟国家,英国外交国务大臣艾伦·邓肯说,英方将继续与美国等伙伴一起继续制裁俄罗斯。受此影响,俄铝(00486)股价今日大幅下挫。截至14时27分,该股跌6.81%,报价1.78港元,成交额为6195.95万港元。

      刪除
    4. 多謝, 希望一直好運.

      刪除
    5. 我持貨由最高峰期的超高6位數盈利,到現在倒輸5位數😢

      刪除
    6. 我依家等偉哥發號令加貨才敢買返一點點

      刪除
    7. HAHA 七兄今次有運~可以買得更低

      刪除
    8. 好難做。
      如果止蝕,可能中完2再中1。

      刪除
    9. 其實睇番似係基金落力沽貨,始終風險大。
      如果一直都無消息應該會一直跌到大戶清貨為止。
      小注怡情

      刪除
    10. 超高6位數盈利.. 偉哥呢隻會不會買太多呀? 始終佢有political risk..呢樣好難control喎

      刪除
    11. 當組合一直膨漲, 落注的銀碼相對上放大了而己, 以百分比計,風險仍控制在自己可承受的範圍內。

      刪除
    12. 486 jp一直出貨,數數手指出埋呢兩日應該清倉。明天再睇下中央結算先決定加唔加倉

      刪除
    13. 冇啊, 既然2.3X都冇減持到, 現在更加唔想沽, 繼續等下先。

      刪除
    14. 原來大家都留意到jp清貨,應該捱多幾日就沽清

      刪除
    15. 個人睇法,其實486主要係博最終同美國傾得到數,之後一切無事股價打翻上原形,好似中興單野咁
      所以玩法應該係一直坐等結果,all or nothing
      利伸: 有貨,放埋一邊,重諗住加注

      刪除
  27. 有無人知道富途新的那個新用戶可以一世免佣,是否仍需要100萬?

    回覆刪除
    回覆
    1. 前排都係30萬,唔會加到100萬掛?

      刪除
    2. 100萬應該是我記錯=_=
      剛問了fb, 佢答就答左新用戶唔洗。
      都係要去到先知

      刪除
  28. 預計俄鋁於俄羅斯今日都會跌
    明日午後嘗試接刀

    回覆刪除
  29. 偉哥,3688有人推上。恐怕等唔到年尾同埋落3蚊既機會。

    回覆刪除
    回覆
    1. 哈哈, 我諗冇咁快的, 今日純粹炒某大戶已清倉, 短期沽壓可能大減。

      刪除
    2. 偉哥對留意開既股票的盤路同埋倉位都非常緊貼,佩服!

      刪除
  30. 1132,如果可以0.5買到,跟住又0.52賣出。好似都幾和味,差唔多4個點。(哈哈,純粹發下夢)

    回覆刪除
  31. 700,如果可以375買到,跟住又425賣出。好似都幾和味,差唔多12個點。(哈哈,純粹發下夢)

    回覆刪除
  32. 1132,如果可以0.5買到,跟住又1賣出。好似都幾和味,差唔多100個點。(哈哈,純粹發下夢)

    回覆刪除
  33. 幾隻愛股又新高,6.7買返的2001,$7.6 沽咗,2005$8.8沽清,落袋實際D,希望有低位買返

    回覆刪除
  34. 2320的股權披露似乎暗示三兄弟分家了。

    回覆刪除
    回覆
    1. 請問偉哥
      大哥的21%持股何去何從?
      難估?

      刪除
    2. 連董事都冇得做, 應該都冇得每年分巨額花紅, 估計最終都是會出售。

      刪除
  35. 見到859有篇飛機文係文匯報登咗出嚟

    上海三盛強勢入主鎮科集團 未來比肩萬科恆大碧桂園

    http://news.wenweipo.com/2018/05/15/IN1805150002.htm

    回覆刪除
    回覆
    1. 公司好像只是200億, 如何比肩萬科恆大碧桂園 ?

      刪除
    2. 奇怪篇文只係得咁少字?

      刪除
  36. 細劉真係好堅, 在一個月內已回購7700萬股, 而且仲冇停下來的跡象。

    回覆刪除
    回覆
    1. 回購由3.55掃到上3.7,尾市個波上升就係回購盤掃上。

      刪除
    2. 股東會過後回購股數重置,如果日日要回購幾百萬股,之後好睇喇

      刪除
    3. 回購股數重置即代表? 注銷?
      再增加?

      刪除
    4. 2136,

      除了新鴻基會否仲有其他邦手?
      今天5538只是每個盤掛一萬股入,
      如果今天全日成交了一千萬股,
      回購了五百萬股,
      似乎新鴻基買盤只在穩定軍心,
      可能有另有殺手造回購.

      刪除
  37. 903孫博士領導無能 唔該佢提早退休啦 阻住地球轉 硬生生把一間大公司變成中小企 好憤怒

    回覆刪除
  38. 903,早排由$1.1毫幾無厘頭跌下來, 我有少少介心 所以無跟入!

    回覆刪除

注意:只有此網誌的成員可以留言。