置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年5月15日 星期二

復仇者系列之 沒有盈警的冠捷科技 (00903)


自己在上年3月冠捷公佈2017年全年業績後,曾於高位追入,因當時的業績有逆轉的跡象,再加上公司突然授出大額的認股權,令我對其有所憧憬。意料不到的是上年面板價格大幅波動,令公司業績出現巨虧,再加上其中一個大客樂視出事,我最終只能承受巨虧止蝕離場。

上周低位重新買回冠捷科技,主因有四:

1. 上年度帳面虧損5000萬美元,但當中包含很多一次性及非現金流的虧損及收益,包括:

商譽減值虧損: 3000萬美元
應收帳減值撥備 (估計主要是樂視的相關應收帳) : 6825萬美元
外匯對沖虧損: 4040萬美元
存貨減值撥備: 5380萬美元
重組撥備: 325萬美元

財務資產的公充值收益: 669萬美元
撥回應付商標使用權費用: 1256萬美元
重估物業投資收益: 1362萬美元

淨虧損: 1.63億美元

上述的一次性虧損當中,今年很多估計會大減或消失, 例如因面板價格下跌而作出的5380萬美元的減值撥備、主要是樂視拖欠的6825萬美元應收帳撥備;商譽減值虧損只是帳面數,會否仍繼續作出減值,對評估冠捷的價值並沒有影響。如無意外,今年的帳面及核心盈利都應該是正數。

2. 在過去三個季度業績,冠捷都事先發盈警,而明天將會公佈今年第一季度的業績,事先並沒有盈警。參考上年第一季度的帳面盈利約1000萬美元,即是今年很大機會帳面會恢復盈利,而實際核心盈利多少,目前仍難以推測。大家或者會問,雖然沒有盈警,但也沒有盈喜,是否代表業績並不會比上年好? 大家不妨參考2016年度,冠捷的盈利大增,並且扭轉2015年的虧損,而該年度共4次業績,全數沒有事先發盈喜,故此我會覺得冠捷的一貫做法是報憂不報喜。

3. 原第二大股東日本三井於今年2月落實以每股1.44元的作價,出讓持有的18.2%股權予普羅資本。在網上找到的普羅資本簡介如下:

珠海普罗中欧新能源股权同样很复杂:隶属于珠海普罗股权投资基金。而珠海普罗投资由上海普罗股权投资、珠海金控股权投资管理、上海盛太投资管理有限公司、国开装备制造产业投资基金、赣州虔盛船业投资中心、上海鑫金圆、减速亨通创业投资、上海绿傲投资管理等八家企业法人组成。

国开装备制造产业基金是国开基金下属,具体Pre-IPO和并购业务的投资平台,总规模200亿元,主要投资人为国开金融和中信集团各平台。基金管理人是国开熔华产业投资基金管理有限责任公司(简称“国开熔华”),属于国开金融子公司,是国开金融市场化PE投资平台,也是由国务院同意,发改委批复。

这后面有几个主要的名字:徐晨昊、郭飚、王博钊和施德容。据南方周末报道:前面三人为国开熔华的员工。

而施德容的履历则更为显赫。施原为上海国资委下属投资平台国盛集团的董事长,2012年5月退休后媒体曾报道其层担任国开熔华产业投资基金首席投资官。(http://guba.eastmoney.com/news,600827,159174278.html)

在網上尚找到另一則關於普羅資本的介紹,內容太長, 有興趣的可以自行瀏覽:

国资混合所有制改革盛宴:绿地样本


這間半官方背景的神秘國內公司,以每股1.44元接手日本三井持有的全部股權,而上周股價跌到0.95元,比2月份轉讓的作價便宜了34%,撈底的值博率不低。

4. 冠捷目前有形資產淨值約80億港元,而上周最低位時市值只有22億元,市帳率只有0.28倍。冠捷最大股東是中國電子集團,即是當年私有化的長城科技 (00074) 的要約人。不知大家是否仍記得當年大家曾一起做長城科技的私有化套利? 其實大家可能不知道長城科技在私有化前曾持有37%的冠捷股權,後來被中國電子私有化後,變成中國電子持有。

有興趣可以比較一下,現在的冠捷及當年的長城科技,其實有相似之處,包括盈利不濟、資產折讓大。在長城科技提出私有化前的半年,長城科技的市帳率只有0.35倍,然後中國電子以0.7倍市帳率提出私有化。

目前並沒有明顯的跡象或訊號冠捷會被私有化,只是我自己覺得既然中國電子有私有化的往績,那就不能抹殺這可能性。

風險提示:冠捷過往業績多次令股東失望,所以明天公佈的首季度業績雖說事先沒有盈警,但難保結果也是令股東失望而回,各位已持貨的網友要自己衡量風險,而看了此文想追貨的網友也請三思,我自己目前的信心也不算很大。


282 則留言:

  1. 細劉利害,
    今日暗牌又回購了4225000股。

    回覆刪除
    回覆
    1. 2342其實也不弱, 單日回購了2500萬股, 可惜佢早上沒能承受到第一波的沽壓, 一缺堤後就欲救無從。

      背後操盤者的功力高下立判。

      刪除
    2. 偉哥,請教回購結果是否必然令股價上升,因見到部分近日多次回購股份股價紋風不動(可能不夠暴力)。另外,是否也取決於公司回購背後目的,像2342,係咪公司刻意震散股價有利收貨?

      刪除
    3. 唉, 信心不足, 臨收市本來排了30000 @1.27, 最後取消 >,,< 無仇報

      刪除
    4. 2342當然不是刻意想震散股價, 因為佢地目的只是希望藉回購推升股價, 最終很大機會是希望可以推到50億市值,從而進入港股通。

      刪除
    5. 進擊兄,

      你驚2342聽日@$1.27買唔到?

      刪除
    6. 我有另一個陰暗既解讀,回䐟一早有春江鴨,而且一心諗住搵食,盈驚前既大成交出貨,回購通告前買上1.12,東興一日買800萬股由1.1x推上1.2x就兩日冇成交,我一直覺得呢隻有庒家,睇倒咁名人1.4x以上接左貨,有咁易俾你地走?

      刪除
    7. 今日公司大額回購,明天怎樣也有個升幅吧

      刪除
    8. 2342未平倉沽空盤有4千幾萬股,會不會是佢地炸下來平倉

      刪除
    9. 之前我猜想2342 是藉回購提高市值入港股通, 所以先高調回購, 每日排回購頂格大盤買驚死冇人知, 散戶當回購價係保底咁日日炒上, 咁公司就可以用小量金錢令股價上升。所以我定左目標價2.1。點知今日一棍打散晒,而家陣腳有d 亂。要睇明天公司操盤手點做化

      刪除
    10. 2342如果是為收貨,唔會咁高調回購, 會好似AV咁陰收,目的都幾肯定是提價。

      另一邊廂,2136提價到4元邊已經冇再提價回購, 偉哥料事如神

      刪除
    11. 細劉在4元以下盡量回購,符合大、小股東的共同利益。

      當然, 如果真的私有化的話, 回購肯定會在私有化前暫停一段時間的, 不然可能有利益衝突。

      刪除
    12. 今日見冇提價沽左, 遲下回落先買返再炒私有化。多謝偉哥教授🙏

      刪除
    13. 偉哥會否考慮2136回落時補回之前兩注或再加注?

      刪除
    14. 按偉哥說法,如果2342係想推到入港股通,即係照計仍然會有大手回購?

      刪除
  2. 復仇者系列第二擊的685, 今日收市後發盈警, 指由於本集團一業務單位之商標減值撥備, 導致全年業績將轉盈為虧。

    基本上買入時已知道今年業績差, 業績也不是買入的主因, 主因有二, 當中有一個原因就是網友所說的426賣盤, 另一原因是張拿督年事已高。具體看法稍後再寫寫。

    回覆刪除
    回覆
    1. 頭三季純利約850萬美元, 全年估計約1100萬美元, 而因為商標減持撥備導致虧損, 即是這撥備將是1千萬美元以上的。

      其帳上目前無形資產總值約4600萬美元, 似乎會有大規模的減值撥備。

      刪除
    2. 偉哥,
      無記錯之前3月你說
      若然買685會較426更加值博,
      可以在將會寫的看法講吓點解嗎?
      謝谢偉哥無私分享。

      刪除
    3. 685 原來十幾年都KEEP住派息,息率仲幾OK 喎.

      刪除
  3. 偉哥,
    咁685明天有冇機會挑戰52週0.68低位?

    回覆刪除
  4. 2342.hk 今日回購佐2500萬股,共己購大約3000萬股。

    回覆刪除
    回覆
    1. 1.29-1.53。接佐D飛刀?
      請問開市時回購盤係點擺傢?

      刪除
    2. 8M @1.53, 5M@1.52, 但被沽盤一衝擊就散左, 然後冇立即補充買盤, 造成恐慌。

      怪只怪佢地實在太冇經驗, 唔知道群眾的預期。我都講左好多次, 今日係好關鍵, 市場會考驗佢地回購的決心, 但估唔到咁快就崩潰, 尤如洪水缺堤, 事後想補救都救唔到。

      刪除
    3. 仲有回購額度淨 可以慢慢買返上去 乖啦2342

      刪除
    4. 平均回購價約1.475, 証明今早在8M @1.53及5M@1.52的回購盤被消滅後, 係股價跌左落去後, 才如夢初醒補上回購盤, 但大勢已去。

      看看明天會否顯示誠意, 繼續回購。

      刪除
    5. 接多佐 1200 萬股喎。
      還有 7 天收 7000 萬股,應該可以達標啦!

      刪除
    6. 多謝偉哥回應。
      又學到嘢啦!

      刪除
    7. 今次真係學到野
      多謝偉哥
      2342管理層都交學費

      刪除
    8. wai gor 聽日會唔會入返D 2342旁下身..haha

      刪除
    9. 我諗打散2342嘅人都冇諗過佢咁不堪一擊, 始終都係做實務嘅財技都係差d

      刪除
    10. 呢個係一個好好的學習案例。細劉唔會每個位擺幾M的買盤比你睇, 但佢主動買盤勁, 反而令持貨的有信心; 2342就晒冷咁擺晒買盤係度, 點知真係有人沽比佢, 到全數成交後就陣脚大陣, 而且個刻冇立即擺返買盤出來穩定人心係大錯, 之後就有10M直沽3個位, 個時就乜都散晒, 大家都只想逃生。

      刪除
    11. 唔係班所謂財演係D節目,報紙到講多兩句潑火,細劉原本可以平D D收多D貨,同埋唔使迫住打暗牌回購啦。
      2342宜家無意中震散左股價,對佢地唔係冇好處既,可以平D入貨,雖然佢地原意唔係咁,但有得平買唔通唔買?!如果佢地真係想推到市值上50億,我諗呢2日應該要打多張開口牌,加大回購額上億半-2億,穩定軍心。如果唔係剩番7千萬股quota+宜家市場上既信心+公司業績同幻想,好難成事囉。

      刪除
    12. 我現在終於明白了, 原來今日沽盤主要來自空頭, 我一直以為是2342高管玩野, 那真係好難攪. 若只是空頭, 那即2342是有心推高股價, 咁就唔同講法. 只要2342找細劉班底去攪, 應該有得打! 罪過罪過, 我仲一直咀咒2342高層 >,,< 今日話偉哥條雪球友, 請你改去東興那裡同佢地玩下刀刀劍劍比試下
      地址:香港九龍柯士甸道西1號環球貿易廣場 6805-6806A室

      刪除
    13. 七兄,班底呢家野唔係話搵就搵...就睇下佢地今日有冇開個危機會議傾下呢幾日有咩新部署囉。
      基本上大部份股民都係跟風多,聽日慢慢買番上去,股價升番咁上下,好多人自然又會入局撲番入去嫁啦。但如果聽朝又咁「醒」擺晒D買盤出黎,7千萬quota好快用晒,咁就好快玩完lu.....

      刪除
    14. 2342要睇返公司本身對入港股通嘅決心同必要性。照現在來看,2020年吹5G風,2019入港股通,2018就要過50億市值,咁整體安排對公司最有利,e場仗就要打落去。但如果公司管理層覺得入唔入港股通有冇北水照唔係必要,或者唔急切嘅,吹5G風先入,順其自然,咁就可以放軟手腳。

      刪除
    15. 希望佢地聽日打到一場靚仗!!

      刪除
    16. Diego兄, 明白晒, 我一直以為係2342玩野, 依家開始明白, 原來攪屎棍係東興, 2342都係受害者, 希望佢地生生性性, 聽日唔好一早就放買盤, 反而慢慢咁用主動買盤去買貨仲有機會打勝仗. 睇來偉哥標題用復仇者都好貼切2342, 明天真係要復仇啦, 但唔好急! 如果盤路ok, 我明天都會幫手買多少少, 2342有心拉升就一定事成!

      刪除
    17. 多謝七兄相助! 不過您咁嗰心咁諗,聽日都係困難重重啦! 哈哈

      刪除
    18. 有三七兄加持,2342 有救!

      刪除
    19. 我今日主力買入903好了, 穩陣些, ^,,^

      刪除
    20. 我昨夜又諗, 其實東興會唔會係2342自己打手, 設個局俾散戶, 以為有人沽空2342, 實情係2342真係自己想壓低個價買貨(因尋日佢地真係買左2500萬貨), 如果係咁即係騙籌, 可能之後有利好消息出, 所以急於用這拿渣招搶貨

      刪除
    21. 公司本身搶番自己d股票無咩著數
      大股東增持就話姐

      刪除
    22. 唔通2342高層有睇呢度, 真係再無放買盤但就直接買上?!!!

      刪除
    23. 雖然我咁講好陰暗, 但係事實係有部份大股東其實只需要保持控股就得, 你諗下, 49%街外人既錢俾我租天價豪宅, 坐遊艇, 租私人飛機出trip, 幾多乜乜主席咩都唔做年年收過千萬, 唔係咁多誠哥咁既人真心想同股東分享成果架
      細價股自己夾埋街外人搵小股東錢真係話咁易, 2342已經唔止一次話想恆指檢討話炒上去入港股通, 如果真係有部署, 點解研法費用唔今年先入賬, 咁2017個盈利咪會好睇好多

      我只係從另一個角度睇, 而且只係吹水, 大家唔好噴我

      刪除
    24. 研發開支係一項持續的開支,無可能年年數億元的開支,今年突然變數千萬,然後明年變10億,auditor 都唔會比你將去年的開支留係今年入帳。

      刪除
    25. 但實情係佢2017下半年先突然加大研發開支及出盈驚, 照計佢可以將一部份今年先入賬, 如果佢預期2018年個數仲大過2017已入賬既, 咁即係2018年更加冇可能賺錢

      刪除
    26. 其實成件事最大敗筆係冇業績配合而雪球吹得大, 財主推之前, 又有另外一個"業內人士"出文吹5G, 雪球仲要有人吹2342可以代替中興, 老老實實, 呢個真係吹大左, 中興做大型基站既單, 2342好似冇能力接, 佢主力係優化工程, 即係中小型天線科案, 大陸班友, 公司唔接貨, 有人好似wechat女咁話, 公司一定係想再喺低位收貨然後先炒上, 總之, 咩都係為左之後炒上既動作, 結果只得一個, 就係炒上, 5G商用再到變成純利仲要以年計, 但係一班諗住短炒幾日既群眾就一齊合力吹, 可惜個莊家唔配合

      刪除
    27. 配合5G商用而開展的研發, 其實完全解釋得通, 只差在是17年下半年加大力度, 還是18年開始。

      至於5G能否重演2009年3G推出時, 京信狂升10倍的神話, 我估計機會不大了, 但5G的建設對2342利好是無毫置疑的, 相信明年會開始反映利好, 這點可以參考剛發出的5000萬股認股權, 最快行使的時間是明年4月開始的未來4年, 似乎已暗示未來1、2年業績會有改善。

      刪除
    28. 其實講到最後, 都是資金的問題。點解之前的1132及現在2136的回購, 完全無人會懷疑其決心? 因為兩間公司都是帳面大量現金, 沒有人會覺得其財力無法支持持續的回購, 但為何要一再提示要睇住2342回購決心的問題, 除了佢預先講定回購額度外, 最關鍵的是2342的財力並不像1132或2136般充裕。

      刪除
    29. 認股權証唔係新既事, 一直每隔幾年都會發, 其實係bonus一種, 雪球又係誇大佢既作用, 而家托高個價, 幾時托到出年行使
      如期說資金, 不如講資產, 我地係相信佢資產既價值, 佢地既資產係有價有市, 比起某D公司唔可以變現既資產, 推動股價係佢地有誘因可以變現呢D資產, 至於點樣可以最大化大股東既利益, 咁就係人品既問題, 我一直唔信伍生, 所以冇買1132

      我冇心吹淡, 只係想講下件事既睇法, 如果引起大家不適, 對唔住

      刪除
    30. 2342收入一直都有, 如果要改善, revenue大升要等5G商用後一年, 因為最主要既單係優化, 你要完成個項目先可以將大數入賬
      咁2019年既業績改善, 最重要係研發大副減少配合
      前境唔係冇, 不過而家係搏提早炒到離地

      刪除
    31. 每個人見解都唔同,冇話邊個岩邊個錯既。
      我個人覺得,公司唔甘心呢個股價係有既,至於入唔入港股通,呢個就後話啦
      學你話齋,revenue要大升唔係今時今日可以做到既事,所以17年開始鋪排公司條數,做研發,咁18,19呢2年要支出既錢少左,到時5G推出,收入開始入帳,盤數靚仔D。再吹多2下未來收入會逐步增加呢D憧憬,先係佢地今次既target。
      好可惜人算不如天算,諗住可以學2136咁打明牌有小股民幫手托價既算盤打唔響,要怪就怪自己唔係財技流。

      刪除
  5. 你意思係就算2342之後一路回購都冇用?

    回覆刪除
  6. 2342感謝偉哥咁深入的解釋,又上左寶貴一課

    回覆刪除
    回覆
    1. X2,否則輸完吾知乜事

      刪除
    2. 其實我都講左好多次當回購上限價追上市價時, 就是最關鍵的時刻, 可以睇到公司回購的誠意及決心.....而家大家知點解我要再三強調呢點, 係網誌都雪球都提過好多次, 雪球那邊點贊多到將呢個留言推到上頂, 我諗應該好多人都睇到。

      刪除
    3. 今早起身睇住開市見有晒冷盤, 感覺安心就去個厠所。點知擦個牙出黎就冇左10%,走又太遲,就睇下管理層點處理,結果令人失望。

      刪除
  7. 但在公司角度,以低價回購不是更好嗎?

    回覆刪除
    回覆
    1. 關鍵係佢地目的唔係想真回購, 而係想將股價推高, 估計是想將市值推到上50億元。

      刪除
    2. 哈哈,比個管理層咁搞法分分鐘連25 億市值都不保,不過都未見過咁廢ga管理層,諗住做好個朵點知有反效果,搞到自己個名臭哂,何必呢

      刪除
    3. 無知一問
      為何之後公司不可SET高價去買貨?

      刪除
  8. 今天的恐慌無論是出於有心或無意,對公司絕對是好事。

    回覆刪除
  9. 偉哥對486有無新看法.見最近有幾單利好消息但股價就係咁跌

    回覆刪除
    回覆
    1. 沒有新看法。政府都是利益與妥協, 當中興已經蓋棺定論的都可以翻生, 486呢D仲有得商量的, 應該唔會咁容易死, 到最終都會是各方面妥協居多。

      刪除
    2. 486 照你所說, 都是能妥協居多, 咁其實買定博妥協 升上3 都應該好安全?

      刪除
    3. yes. 食左d 903先,換1238.多謝偉哥

      刪除
    4. 486問題係你有冇耐性同防守力頂住佢一段時間陰跌

      刪除
  10. 特大好消息, 新地買地眼光可以信賴, 鳳凰無寶不落!
    地皮鄰近興建中的沙中線啟德站,佔地約17.82萬方呎,可建樓面面積約141.54萬方呎,其中住宅樓面面積最多約106.59萬方呎,亦設有地皮地下商業街等條款。 綜合市場估值,該地皮的地價料198.16億至254.77億元,每方呎樓面地價1.4萬至1.8萬元。

    新地251.61億奪啟德新地王 每方呎樓面地價達17,776元 預計投資額約為400億元
    https://www.mpfinance.com/fin/instantp2.php?node=1526378687127&issue=20180515

    回覆刪除
    回覆
    1. 687應會受惠
      天價買啟德地 過渡貸款即將到期
      https://hk.finance.appledaily.com/finance/realtime/article/20180130/57768749

      刪除
    2. 海航再賣啟德地 會德豐64億接貨 新地郭炳聯:對餘下一幅有興趣
      https://www.mpfinance.com/fin/daily2.php?node=1520619448012&issue=20180310

      刪除
  11. 已更新了, 不知不覺間寫了一篇長文。

    回覆刪除
  12. 如偉哥預計,假如2342是希望藉回購可以推到50億市值,當回購額用完,股價要升到2.11以上才能達到目的。經過今日一役,好多散戶已有介心,估計要上50億不容易呀!

    回覆刪除
    回覆
    1. 如果明日高開,沽壓會吾少.今日實在令人驚驚.

      刪除
  13. 想請問偉哥如果 一億回購額 用完, 但推上50億市值未成功的話, 有沒可能 會提高回購額度?

    回覆刪除
    回覆
    1. 最少過左股東大會,又有新的回購額吧?

      刪除
    2. 限制他們回購的並不是回購額度, 而是資金!!!

      並不是每間公司都好像2136咁有咁多彈藥去回購。

      刪除
    3. 2136仲有幾多彈藥回購呢?

      刪除
    4. 綜合考慮公司的財務狀況吧, 不要單純看現金, 還要看負債, 而且要留意通告都說了, 會以現有"可動用" 的現金儲備及自由現金流量來回購股票。

      我理解持貨在手的網友當然希望公司會加大回購額度, 但現階段並沒有任何的跡象公司會提高回購額度, 大家不要因為持貨在手而影響了自己的判斷力, 完全向好的方面去思考問題。

      刪除
    5. 年報寫 "有限制銀行存款234,769,000港元,以及現金及現金等值物1,176,129,000港元"。
      請問偉哥, 2.34億係咪唔算可用来回購的現金!

      刪除
    6. 不知道啊, 我反正就當公司具備可以回購最多一億股的資金。

      刪除
    7. 明白。現階段只可以話 2342.hk 有心做大個市值,但目前能力有限。

      刪除
  14. 長城科技當然記得,2013年下半年剛剛脫離負資產,重投金魚缸,買了兩萬股長城科技,第一次投票支持私有化。

    回覆刪除
  15. 今次真係學到野
    多謝偉哥分析分析903和2342

    回覆刪除
    回覆
    1. Louis會唔會出席903 AGM? 如果出席的話, 如有機會請代我問宣博士一些問題。

      刪除
    2. 抱歉, 當天上午我從事其它活動,不會參加903股東大會。
      建議你可以嘗試用電子郵件以尋求答案。

      刪除
    3. 哈哈, 通常Email過去, IR都是比官方的回覆, 聽唔到CEO的個人見解。

      刪除
  16. 偉哥
    據我了解港股通資格
    要維持前十二個月平均市值高於五十億港元
    2342要維持,單靠回購是否難以達到?

    方法(深港通下的港股通股票)
    對於每隻恒生綜合小型股指數的成份股:
    (a) 該成份股於相關指數成份股定期檢討時,交易數據考察截止日前十二個
    月的港股平均月底市值;或
    (b) 若該成份股於相關指數成份股定期檢討時上市不足十二個月,則採用其
    上市以來的港股平均月底市值。

    回覆刪除
    回覆
    1. 純粹猜測, 可能是先回購推高市值,再諗辦法整靚盤數來支持估值。

      刪除
    2. 上年收購佐 51% 蚊型 telco, 海外收入快速增長中,18/19 業務上升的機會係可能的。

      刪除
    3. 謝謝你的回覆
      另外你對903的分析幫我解決了建生兄年事已高的問題
      感謝!

      刪除
    4. 2342要上50億市值有點難度

      刪除
    5. 師奶只是捉住偉哥講的一點:家陣買2342的誘因是什麼:暴力回購
      為了什麼5G概念股50億市值入深港通等等炒作的理由需要依家買嗎

      刪除
    6. 2342今日開1.31,走唔走好

      刪除

  17. 請問各位,有無人玩直債?可否分享下邊間買?想分散下投資。

    回覆刪除
    回覆
    1. IB。我都入左幾隻優先股,宜家研究緊買長+短債。

      刪除
  18. 回覆
    1. 為甚麼盈警但升得更劲?

      刪除
    2. 因為只係競價時段玩野

      刪除
    3. 這裡的師兄師姐真厲害,出了盈警都沒事。

      刪除
    4. 我幫手托住, 7毫2接受200k 685。

      刪除
    5. Louis兄一個都佔了超過1/3交易,怪不得跌不下來。

      刪除
  19. 2342、2136 沽左之後,好似無咩好熱炒咁......

    回覆刪除
  20. 回覆
    1. 和3326保發一樣連續插水。
      有冇高手可以分析下保發死因?

      刪除
    2. 3326盈利4800萬元, 資產淨值4.5億元, 目前市值10億元, 最高峰時100億元, 那現在的估值是合理估值, 還是100億是合理估值?

      撇除莊家炒作的因素, 基於基本因素,10億元估值還是虛高, 再跌一半就合理D。

      刪除
  21. 279今朝有0.29無走,都知次次一起貪念諗住搏多陣,就死梗架啦...果然要穿0.25止蝕>_<

    回覆刪除
    回覆
    1. 青兒應該放了, 我昨天只敢買了40000股

      刪除
    2. Terry 兄, 呢 D 股玩唔過, 小弟買過類似O既股曾經都中過招, 可以升幾個開, 都可以跌到你唔信, 呢 D 股只可以呢分鐘買, 下分鐘有賺就好走, 如果唔係萬劫不復...

      刪除
    3. 279真係好賤, 佢係港股通的, 北水好多人奶野

      刪除
    4. Thanks Dennis兄。尋日跌完成日都無反彈,收市又無通告,都知兇多吉少,可惜見今朝高開小小又心存僥倖@@

      刪除
    5. 除左個莊, 永遠無人知道個底係邊...跌左 9 成 9 等老散覺得好平, 再大成交升返幾成引多 D 魚落搭, 再一個大插無水花...然後橫行長時間或供股/合股, 完美動作...可參考 1063 後半部, 盡在不言中.

      刪除
    6. http://realblog.zkiz.com/greatsoup38/64297

      仲玩呢隻...要死咪成全你地

      刪除
    7. 多謝資訊!
      嘩,十大插水股排首位.

      刪除
    8. 之前成日見279係十大升跌幅榜,原來咁有來頭@@

      刪除
  22. 偉哥 可唔可以分享下 如你是2342管理層 ,在現在的情況 應點操作 去達成50億市值的目標 (得番70m 彈藥) 成件事 最失策係: 無諗過俾人狙擊(做空)? 同俾晒底牌人睇(上限100m 股)?

    回覆刪除
    回覆
    1. 現在只能繼續回購 +出口術,例如吹下明年5g概念及有需要時加大回購額度 + 大股東、管理層出手增持。

      成件事根本係有大戶睇到2342回購的手法,在1.2-1.4之間收貨及拉升股價,然後等回購盤跟到市價時全數沽比回購盤獲利。

      點解話同沽空盤無關?看看昨天的沽空股數、沽空比率及沽空平均價就知,觸發股價下跌的肯定不是沽空盤,沽空盤只是在股價跌落來之後落井下石,博再跌深d。

      刪除
    2. 咁其實可能有內鬼都唔定喎
      而家嚇走左老散 可能要在賊掠王出番d文先掂
      真是好睇過戲

      刪除
    3. 之前拉升是靠大戶的話, 咁佢昨天都出唒貨, 即係代表這股將會休息一段時候?

      刪除
    4. 就咁睇過去的成交(由1 至1.5之前) 就應該係無咩貨 但好難知出貨的是否本身已有大量貨源 昨日回購25m 股都係總股數1%咋

      刪除
    5. 唔洗內鬼都狙擊到佢,佢每日放差不多數量的回購盤出來日日如是,在佢回購價上收集返差不多數量,同時令股價拉升。到回購價高於收集嘅價位就全數比返佢,咁2342就變提款機

      刪除
    6. 睇CCASS數下飛就知有冇大戶在上星期收集, 然後等明晚再睇睇CCASS變動, 就知是否借回購盤升左上來而出貨。

      刪除
  23. 回覆
    1. 哈哈~佢尋日好似話0.29走左喎

      刪除
    2. 應該已放了。

      Chen青儿2018年5月15日 下午7:03
      我都是0.29放的

      刪除
    3. 青兒真夠運, 又數銀紙唔上來

      刪除
    4. 我想這次我真是轉運了,昨天0.29放的,后再排0.27入,當時忙也沒取消買盤,等4點零幾分就接到電話說我已入到,當時我還說我怎麼可能會入到的呢?對方說我都沒取消買盤,所以最後就入到了,今天一早排0.285沽的,一沽就瀉洪,謝謝你們的關心

      刪除
    5. 又插過,插成咁,又要合股供股,庄家真夠殘

      刪除
  24. 609 怕業績唔好。昨天沽左,今天就升5%😂。
    902怕見頂,前天沽左,昨天又似突破左。唉,失敗。

    回覆刪除
  25. 睇來486玩完了, 我的媽呀!!!

    回覆刪除
    回覆
    1. 昨天2蚊止蝕,之前賺的己完全嘔突,cry

      刪除
    2. 哈哈,我又再次回到起點了。

      刪除
    3. 中通都有機會番生~俄女都唔會太死掛

      刪除
    4. 果日反彈$2.06沽清...真係好好彩....平手走人

      刪除
    5. 俄女我估短時間未必有機會翻生, 不過長遠斷估唔會執笠吧’諗緊好唔好慢慢溝番d

      刪除
    6. 今次毋忘又係真沽假沽呀? :)

      刪除
    7. 趁仲有賺沽清了, 免得好似2342輸返去

      刪除
    8. 明明有賺之後再倒輸返又另一種痛-.-

      刪除
    9. 下一個事件係減持成功, 又可以炒一轉
      跟住申請取消制裁, 但係而家既美國政府, 真係唔知攪幾耐

      刪除
    10. 究竟邊個有咁多貨一球球咁炸

      刪除
    11. 7兄沽左。準備加貨,入市訊號。

      刪除
    12. 6月6日前 大股東要減持
      我諗依幾日既跌幅主要係因為無消息

      刪除
    13. ·沽清後輕鬆自然,倍感安心,大家不妨試試

      刪除
    14. 486離6月6日還有曰子,美國可能到接近一個星期前才有消息,上次也是這樣。

      刪除
    15. 777真係放左? 岩岩諗住買

      刪除
    16. 咁我就1.89已撈入俄鋁等待. :)

      刪除
    17. 學某人,486目標價0.19 😂

      刪除
    18. 我又買返少少先 $1.88

      刪除
    19. 777兄唔好怪佢地, 因佢地... 都係認真的xd

      刪除
    20. 我無所謂, 賺住走人都好過日磨夜磨

      刪除
  26. 回覆
    1. 用中銀國際回購的, 自己留意下。

      刪除
    2. 應該有,but 可能睇左偉哥blog, 現家知道大盤掛出太笨7了,所以改變計劃掛 哈哈xd !

      刪除
    3. 唔會好似琴日朝早咁「醒」掛得咁揚嫁啦。今朝都有回購,只係轉左玩法,細細力咁買,要就住quota

      刪除
    4. 有回購wo,我掛1.32的比回購買左
      輸14%離場静思己過

      刪除
    5. 幫公司回購中銀經纪應知咁回購係好猪,點解會提醒,可能係國陸網友講過主席係一個務實的人,思想係老一派的。😣

      刪除
  27. 偉哥will u buy back 3773 at 1.45?

    回覆刪除
  28. 2136 比486 更慘 (這刻跌幅計)

    回覆刪除
  29. 請問偉哥用邊間做要約收費免費的? 海通,耀才好多離費加埋都幾貴下.

    回覆刪除
  30. 1752帶領1317上升,真係有d顛

    回覆刪除
    回覆
    1. 唉,一早話保母上次隻1679升左成倍,但今次隻1752都係首日就放晒,嗚...

      刪除
    2. 呢個保母係得, 下次要再捧場。

      刪除
  31. 恒指升了千幾點.大多股票都肯升幾個價位.但是.恒指跌少少.股價跌回起步.大多數股票只有跌幅沒升幅.只有熄灯吃粥無眼睇。

    回覆刪除
    回覆
    1. 睇你揸咩股,我的持股,今朝沽出的1558外,2005,1061,8359.2001,1417,2186,1579都很好,700都升返,哈哈..希望啱啱買入的2136有好表現

      刪除
    2. 全部紅猴愛股,紅猴fans?

      刪除
  32. 偉哥,可否解釋一下279發生什麼事,我想學下野,感謝

    回覆刪除
    回覆
    1. 唔知, 唔係隻隻股都會睇, 例如列入黑名單的, 無謂花時間睇。

      刪除
    2. 聽說有人欠北角系6億,要被沽找殼價

      刪除
  33. 最近半新股當炒,1671(持有),1621,1933,2779,1752 都炒上

    回覆刪除
  34. 印象中趙渡不向上炒,有無師兄賺過趙渡錢?

    回覆刪除
  35. 回覆
    1. 每日5K盤, 已經唔洗禁入去睇都估到盤路, 拿拿聲爆一野比我清晒佢, 唔想再同佢磨

      刪除
    2. 偉哥都話期待波叔磨到出嘢
      我會陪偉哥睇埋落去<3

      刪除

注意:只有此網誌的成員可以留言。