2017年11月27日 星期一

支持證監會秋後算帳打老虎


證監會近日大發神威,引用證券及期貨規則之條例第8(1)條,陸續將疑似問題股逐一停牌,包括之前的隆成金融 (01225)、新銳醫藥 (06108),到今天的康健國際醫療 (03886)、中國華仁醫療 (00648)等,雖然執法的延後已令到很多散戶中招、蒙受損失,但總好過什麼也不做,漠視問題存在、投資者的訴求。現在證監會踏出重要的一步,希望行動陸續有來,繼續揪出問題股,令本地、海外投資者不用時刻擔心誤上賊船。

大家常聽到《證券及期貨((在證券市場上市)規則》之條例第8(1)條,究竟第8(1)條內容是什麼?不妨看看:

8. (1) 如證監會覺得—
(a) 以下文件載有在要項上屬虛假、不完整或具誤導性的資料—
(i) 在與證券於某認可證券市場上市有關連的情況下發行的文件,包括(但 不限於)招股章程、通告、介紹文件及載有關於法團債務安排或法團重 組的建議的文件;或
(ii) 由發行人或由他人代它作出或發出的與發行人的事務有關連的公告、陳 述、通告或其他文件;

(b) 暫停在某認可交易所營辦的認可證券市場透過該認可交易所的設施買賣的證券 的一切交易,對為證券維持一個有秩序和公平的市場是有需要或合宜的;

(c) 為維護投資大眾的利益或公眾利益起見應暫停有關證券的一切交易,或為保障 一般投資者或保障在某認可證券市場上市的任何證券的投資者而暫停有關證券 的一切交易是適當的;或

(d) 證監會根據第9(3)(c)條施加的任何條件沒有獲得遵從, 則證監會可藉給予有關的認可交易所的通知,指示該認可交易所暫停該通知指明的證券的一切 交易。


我相信證監會的行動只是開始,之後將會有更多的問題股被調查、停牌,尤其是深入調查已停牌的股份後,順藤摸瓜,可能會有更多同系的公司會被揭發有問題,如果持有這些系的股票,不得不防。不知道自己是否持有問題股? 請翻看DAVID WEBB的大作:

The Enigma Network: 50 stocks not to own

雖然這篇文章所提及的股份並不是完全含括這兩系 (粉系及醫生系) 全部股份,但基本上八九不離十,值得大家參考。

最後,送上趣聞一則與大家分享:

蔡志明:曹醫生唔應該呃我囉
佢呢單嘢玩完


康健國際醫療(3886)停牌後,股東「玩具大王」蔡志明向本報表示,對康健國際事件感到頭痛,並劃清界線,指自己一直甚少過問公司業務;女兒蔡加怡雖然擔任康健主席,但一至兩星期才過去一次,主要視察診所業務,沒有參與股票交易。
蔡志明表示,康健出事後曾詢問曹貴子,對方稱,證監會就新銳醫藥(6108)與康健之間的股票交易提出疑問,「佢解釋咗都唔滿意,變咗宜家停牌。」
提到2005年蔡志明為何入股,他指兩人曾於沙田活動見過面,當時曾到曹貴子診所看病,對方取出與長和(001)主席李嘉誠的合照,表示股東之一的李嘉誠「等錢使」有意退出,問蔡志明可否接貨,蔡見診所有錢賺便答應。入股後,曹貴子又提出由蔡志明子女做主席,當時稱「你哋做實業,上市公司做落去形象好。」然而,他指女兒上任一、兩年後,即呻做得不開心,因股價波動,有小股東投訴買入後大蝕。
事到如今,蔡志明坦言,「我淨係覺得佢唔應該呃我囉,淨係用我個名。」朋友告訴他,曹貴子在外稱蔡為拍檔,聲稱「蔡生大把錢照住」。「大佬,拍檔淨係隻康健咋嘛。其他嗰邊幾廿隻,我一隻都唔知,咁點樣叫拍檔姐?」他又透露,未出事前,曹貴子曾向他借錢,現已杳無蹤影,「我宜家搵佢攞息都搵佢唔到」。
問到會否退出康健,他表示待復牌後再考慮,「我睇佢呢單嘢都係玩完,因為太大。」他表示,事件仍待證監會調查,「如果入面真係有人犯咗錯,都要同股東攞個公平。」
https://hk.finance.appledaily.com/finance/realtime/article/20171127/57512378

291 則留言:

  1. 呢單報導值得留意:

    【阿爺截北水】中國基金報:中證監已暫緩審批部分港股通基金!
    內地傳中央已開始截北水為港股降溫。《中國基金報》報導,中證監已暫緩審批部分港股通基金。據兩家基金公司人士透露,目前已接到有關指導,投資於港股比例不低於80%的基金暫時延緩審批,50%以下投資港股的基金審批流程不受影響,但並不知道具體原因。業內人士估計,或跟港股累積大量升幅,監管機構提前作出準備有關。

    2015年3月底,內地公募基金獲准通過滬港通管道投資港股,引發港股爆發「大時代」。但直至2016年8月,港股通放開總額度限制後,內地基金才大舉南下。按內地規定,如果股票基金名稱帶有「港股」字眼,應當將80%以上的非現金基金資產投資於港股。目前內地有123隻基金可投港股,而目前在申報中的名稱帶有「港股」字眼的基金達到59隻。

    https://hk.finance.appledaily.com/finance/realtime/article/20171127/57512908

    回覆刪除
    回覆
    1. 其實OK LA, 即係申請一個FUND不得多於50%係港股度,之前公司有D FUND 本來就係咁, 政府可能見香港個巿近來幾好,驚D內地基金會一窩蜂全部ALL IN港股度,所以先限制左先

      刪除
  2. 原本今晚想寫寫業績簡評, 但遇著此等大快人心之事, 一定要讓路先。

    回覆刪除
  3. 609盈警, 但股價已偷步反映。

    預期截至二零一七年十二月三十一日止年度本公司擁有人應佔溢利與去年同期比較將減少38
    %至45%,主要原因是本公司二零一七年中期報告所披露的負面市場因素,即年內市場
    競爭激烈及原材料價格上漲。此外,由於本集團需要花更多時間按照自二零一七年七月
    起生效的新政府指令獲取有關本地監管機構的批准,故原定計劃於今年下半年推出的兩
    款新產品已落後於原來的時間表。

    回覆刪除
    回覆
    1. 新產品延至最遲明年第一季才推出, 最快是年底可以生產。

      刪除
    2. 1.下半年差過上半年,之後仲會唔會惡化?
      2.就算新產品出年第一季推出,可能都未必有當初管理層預期的銷售額同毛利,可能要打個8折?

      刪除
    3. 原料價格下半年升得更勁, 而競爭對手唔願意加價, 所以兩間公司盈利齊齊受損。

      刪除
  4. 大快人心,當日輸吾少係1225, 希望連根拔起。亦多謝david webb 做推手,送曹醫生上路。

    回覆刪除
    回覆
    1. 香港人其實應自我反省,David Webb堂堂一位外國人,敢為個人利益與成個邪惡集團Fight到底,最終用Webb50送佢地一程。香港股民呢?被呃完頂多怨自己倒楣或敢怒不敢言吧。

      刪除
    2. 其實好多小股東都有嘈,不過水平留於網上講粗口果種,David webb水平高好多

      刪除
    3. 人地偉爸輸咗7位數字,唔同你死過

      刪除
    4. 應該係8位數, 唔係7位數。所謂針拮唔肉唔知痛, 因鉅額虧損促使WEBB大反擊,加上他本身與証監有親密關係,聲音直至高層。

      Webb was appointed as a Deputy Chairman of the Hong Kong Securities and Futures Commission's Takeover and Mergers Panel on 1 April 2013,[3] having commenced serving as member on 1 April 2001.[4]

      刪除
  5. 雖然這篇文章所提及的股份並不是含括這兩系 (粉系及醫生系) 全部股份...是否應改為...雖然這篇文章所提及的股份並不完全包括這兩系 (粉系及醫生系) 全部股份...

    Webb50中除了主要包括該兩系股票外,其實還有一系,暫時可叫彼德系,其主要套路是以內地傳銷及向下炒為主,殼股數目近年也增長得頗快。

    回覆刪除
    回覆
    1. 彼德系, 即是洋名彼德的莊家, 好似姓Y的。

      刪除
    2. (Y)對!有本本地財經雜誌,專標榜自己係細價股既代表,聽聞都係佢地用黎散貨既工具之一。

      刪除
    3. 小象常推介的毫仙股.望望位主席已買不得,中伏人不計其數,不知會否整頓時下的傳媒财演呢?

      刪除
    4. 275已經夠驚典,某人仲曾專登帶條女飛去日本做直播宣傳添,仲有位呢度好多粉絲既大C常常在各大鼎力推介。另一邊,股價又快創歷史新低。

      到底班PK要推D向下炒既股票要推到幾時?仲大幾多傻仔仲當大C係神咁拜。

      刪除
  6. 傳統北角大佬反而最後好似過得幾好

    回覆刪除
    回覆
    1. 因為中南系肯適時賣走D殼退落黎囉

      刪除
  7. 李嘉誠「等錢使」...真係笑左出黎

    回覆刪除
    回覆
    1. 我諗,點解菜生會信先係最好笑

      刪除
    2. 唔係真係信菜生食齋的麻

      刪除
    3. 菜生以為自己幫到李嘉誠感覺良好? XD

      刪除
    4. 連超人都拉下水, 俾我係超人家族就暗手打9兩隻野

      刪除
  8. 8(1)條基本上是SFC的殺手鐗,上至做懷疑假數如桑德(967)、漢能(566)、輝山(6863)等,最終復牌無期,下至圍飛如駿傑(8188),總之就可以先停你牌,再慢慢查,你都吹佢唔脹。

    回覆刪除
  9. 有無C兄有研究開631(三一國際)呢隻跌足8年既重型設備股?想搵D大行報告睇一吓都好似無。

    回覆刪除
    回覆
    1. 頭2年炒咗浸跟住無以為繼...記得當年汶川地震定唔知咩天災都係出動到佢地D重型挖掘機...

      刪除
  10. 我建議大家,可以的話,寫封電郵給証監,讚一讚他們,表達支持,empower 下他們,讓他們了解是得到廣泛市民支持,那怕證券業界有反對聲音

    回覆刪除
    回覆
    1. 哈!也寫幾句給webb, " Hi David, you are doing the right things. thank you"

      刪除
    2. 証監的權已經好大, 證券業界已被監管到呢…
      不如每人寫封電郵給証監,插一插他們, 為何証監容許妖股上市, 至今才行動, Couldn't have cared less

      刪除
    3. 確實係, 一早可以運用條例賦予他們的權力, 但係要等到無數散戶受傷, 先肯做野。

      當年1225咁多人投訴, 公司只是出多兩個通告解釋下就過關, 然後就有WEBB在1225受重傷全力還擊, 導致証監後來深入調查, 可以說冥冥中注定的。

      刪除
  11. 絕對是好消息,有利於價值投資者!

    回覆刪除
  12. 298莊士中國中期業績

    http://www.hkexnews.hk/listedco/listconews/SEHK/2017/1127/LTN20171127650_C.pdf

    1. B1〜B6(第19〜21頁)
    增加租金收入,加快開發或賣出手中土地,一個好策略。
    B4屯門物業預售應該不會少賺。 B5本集團追討的總金額約為人民幣435,000,000元(相 等 於 約508,900,000港 元), B5和英國倫敦市Fenchurch Street的寫字樓物業出售有幻想空間, 但需要相對較長的時間時間來實現。不要小看B6掙錢的能力。

    2. 停放現金,投資於高收益債券7億港元(第23頁),一個好策略。

    3. 淨現金公司, 跟隨未來幾年現金收入增加, 估計股息會逐漸增加,比如說每年(或至少每兩年)增加半仙。如果再次賣出手中土地或倫敦物業,甚至會有令人驚喜的特別股息。

    回覆刪除
  13. 其實證監會只係做返佢應做工作,
    今次可套用大陸用語,
    "這行動得到廣大人民群眾支持".

    回覆刪除
    回覆
    1. 12月期指未平倉剛過10萬張,
      尚穴3萬張左右,
      今早市況應繼續受期指轉倉影響受壓,
      看來港交所輪69930都要捱打,
      大家自己要衡量風險.

      刪除
    2. 買左小小 冇咩壓力的 多謝Oman 提醒

      刪除
    3. 師兄說得好, 我喜歡大陸用語"這行動得到廣大人民群眾支持"
      證監會只係做返佢應做工作, 只是做得有一點遲, 遲到好過無到!

      刪除
    4. 388,

      8蚊應差唔多,
      低過就真係有問題,
      要斬.

      刪除
    5. 大戶下月轉倉大位估計在730~750,
      睇下期指可否拉回之上.

      刪除
    6. 我早些排0.129就中了, 見到佢閃一閃先排, 頂, 無運!!!

      刪除
    7. Oman 兄好野
      我今早䣟加了點69930 @0.133
      希望轉倉完成係咁升

      刪除
    8. 我中左0.131,剛剛亦沽出了,Thanks

      刪除
    9. 唉, 只要我肯加多2格都食到, 好X慘

      刪除
    10. 今早摩通Buy Side排得好齊,Sell Side有疏而小,慌死比人大手掃。

      刪除
    11. 機會又來啦, 希望跌去0.129!!!

      刪除
    12. 請大家記著,
      炒輪係無得守,
      一定要量力,

      1975都無人隊.
      1079無啦啦又做的低價,
      可惜有正經野做緊,
      買唔到短炒.

      刪除
    13. 唔多對跟,0.15 袋袋平安先,thanks

      刪除
    14. 我都係等Oman兄指示, 取消左先

      刪除
    15. 又回到未嫁時,現時肯放足1M@0.133給你買。

      刪除
    16. Jeffrey Lau - 素有黑仔王之稱, 曾多次哭訴3399輸死佢
      大家小心! haha 講下笑先 :)

      刪除
    17. 係呀!我又黑到777唔好意思

      刪除
    18. 人有三衰六旺,無人一世黑,也無人一世旺。
      心境開朗處之泰然。好快就會柳暗花明。

      刪除
    19. 你地。。。>_<我@0.2入既貨都未走,全軍覆沒@@

      刪除
    20. oman師兄一句炒輪冇得守令我卻步
      尼D錢真係賺唔到 睇住輪價秒秒變心臟病發

      刪除
    21. 69930頭先@$.113斬了一半,
      仲有5萬股,
      下午正股上唔返8蚊,
      會斬埋.

      刪除
    22. 我買了30000股 等埋明天先

      刪除
    23. 388,

      20天線234.5左右見到較強支持,
      但要返回238才可言轉穩.

      刪除
    24. Oman兄 20天線是支持我明白 咁點解238算係轉穩呢?

      刪除
    25. 238是14號左右的頂,
      今早都見到曾有支持即彈.

      刪除
    26. 明白了 :) 237.8啦!

      刪除
    27. 0.099撈左小小,未等到彈返238就驚青走左@@...溝淡緊0.2既貨

      刪除
  14. D輪商仲扑街,發售金融毒品,希望有朝一日可以取締佢地,

    回覆刪除
  15. 橙@0.75 大沽盤仍然係度,今日睇下伍生有無心買起佢.

    回覆刪除
    回覆
    1. 我係伍生就買晒佢, 又岩價回購,又回購得起

      刪除
  16. 今早睇新聞,鄧聲聲無得玩..

    回覆刪除
    回覆
    1. 鄧聲聲換湯不換藥,過檔另間做財演吧,難洗底,師奶殺手只有愚味師奶相信,鄧一早巳是推介的反面教材,知道那股不好買。

      刪除
    2. 真的?電台電視都有佢以為好有料

      刪除
  17. 見跌到支持位 又入番D奧園@4.21

    回覆刪除
  18. 完全不會理會此人,偷食呢D都算,出面好多人都話佢平時收哂錢吹股票。

    回覆刪除
  19. 859大股東CCASS大轉倉, 應該快有消息了。

    回覆刪除
  20. 大戶慣用技倆, 新世界發展大力壓價, 方便低位定價以股代息, 因此可以拿到更多的股票!

    回覆刪除
    回覆
    1. 17何時能去返我買入價28元 (唔計收過以股代息, 嗚....)

      刪除
    2. 新世界28蚊, 很久以前的事, 2007年似乎做過30蚊!
      供過兩次股, 加上以股代息, 成本減少了許多, 耐心等待, 不難收回成本。

      刪除
    3. 是, 已等了很久, 會繼續等, 不過如再見熊市, 條友肯定又低價供股

      刪除
  21. 今日個市好波動, 我個list內股仔係咁上上落落換位

    回覆刪除
  22. 今早睇左幾份報紙關於醫生系被停牌的報導, 發覺明報及信報、甚至生果報都視作重點新聞報導, 反而經濟日報輕描淡寫, 只有很少的篇幅提及, 完全漠視此件事的重要性, 好失望。

    等訂閱明年到期後, 我應該不會再續經濟日報, 感覺越做越差。

    回覆刪除
    回覆
    1. 可能很多医生朋友在那边

      刪除
    2. 見微知著, 經濟日報近月對於醫生系、粉系被停牌的報導篇幅如此之少,實在是難以理解。

      比網上免費報章明報、生果報更加不如。

      刪除
    3. 呢份左左地既報紙唯一好處就是睇下標叔叔D文。

      刪除
    4. 偉哥睇既付費報章仲訂閱左信報?聽聞訂閱左亦有很多廣告。

      刪除
    5. 經濟日報似份樓市報多過股票報,同星島爭市場,哈

      刪除
  23. 回覆
    1. 9M之後其實仲有個500K(A),我也想知道係咩牌。總之今日的回購數目令人萬般期待。

      刪除
    2. 偉哥一走貨股價即時轉弱一格,效應又黎。

      刪除
    3. 今日的回購數目九成機會>10M, 可能接近15M!?

      刪除
    4. 若伍生有誠意的話,應即刻將$0.74個2M幾食咗佢,然後再在相同價位($0.74)放個超大買盤,放足一日來顯示決心。

      刪除
    5. 偉哥幫伍生節省回購成本, 抵讚!

      刪除
  24. 減了橙20%的倉位@0.75,原因有三:

    1. 計及除息後增持的股份, 升到0.75元已令我獲利豐厚, 比除淨前最高價1.15元的帳面盈利更高;
    2. 比重太高,0.5元的時候已是非常重倉股, 現在再升了50%, 一早已是組合最重倉的股票;
    3. 想測試下伍生的誠意及決心。

    減持後, 橙的平均成本降至0.41元, 仍是組合最重倉的股票,期望伍生繼續給我們帶來驚喜。

    回覆刪除
    回覆
    1. 需然對偉哥咁快減持有d失望,但亦尊重偉哥決定,知道偉哥仍然重倉持有,希望偉哥夢想成真

      刪除
    2. 看到伍生決心了, 平時偉哥一減持, 即大跌, 今次無. 我無貨, 都替大家開心

      刪除
    3. 看來偉哥明年的BBQ可以每人加送多一份橙禮盒,弓起偉哥。

      刪除
    4. 伍生一口气吃了以表决心。。

      刪除
    5. 恭喜及多謝偉哥
      今早我亦在0.75先吃了一些橙,補充一下維他命C

      刪除
    6. 同減了一半, 先鎖定利潤

      刪除
    7. 偉哥減20%後仍是第一重倉,作為一隻含投機成份的股票,足見偉哥信心十足
      伍生的決心也不惶多讓

      刪除
    8. 偉哥效應好勁. 不過我選擇繼續等.相信好快創新高

      刪除
    9. 今天如果可以全掃0.75收市, 那回購股數肯定是這麼多日以來最多的,回購價也最高,足証伍生的決心。

      坐等伍生再出手。

      刪除
    10. 因為我重倉,都減持左10份1,謝waigor~

      刪除
    11. 橙是我的參賽股, 今年應該贏唔到BBQ, 但竟然中咗偉哥的第一大重倉股. 算是安慰獎

      刪除
    12. 一注派息前$0.98買的,另一注$0.5買的,我諗住去到$1零成本先走~ 反正只係小注玩下

      刪除
    13. 不管今日是收$0.71-$0.76,明天最高回購價都是$0.76。

      刪除
    14. 太重倉帶來壓力, 現在減持下為前路帶來.更.更.遠的路

      刪除
    15. 原來今日回購後,伍生明手持股量終於超逾70%,弓起晒。

      刪除
    16. 伍生越買越縮,0.75->0.73->0.72,服咗佢。

      刪除
    17. 建銀國際 0.72, 0.71 都隊尾?

      刪除
    18. 偉哥低d 價會唔會你又回購一d 橙食下?

      刪除
    19. 低D當然可以考慮, 但應該冇咁快。

      一多人沽, 建銀就排住隊等人比貨; 等到冇主動沽盤, 佢地就會主動掃。

      刪除
    20. 偉哥一減持真係推低幾格

      刪除
    21. 明明9M A盤掃係近期超利好...今日表現真係令人失望

      刪除
    22. 應該係偉哥一沽,伍人D手下即刻匯報比伍生知,伍生就借助呢個效應放慢手腳,縮盤兼放後幾格排。(^^ 純綷猜想)

      刪除
    23. 多人沽, 伍生改掃貨為排入, 每格應該都有1M的回購盤。

      刪除
    24. 伍生買咁多股票, 唔通想私有化!!

      刪除
    25. 定海神針減持嗎, 又可以低位入貨, 為何不好?

      刪除
    26. 最唔明係點解會有人0.72 0.73沽出
      純粹因為偉哥套現, 定伍生D貨自己賣比公司做低個價

      刪除
    27. 你係伍生都想有幾平得幾平啦

      刪除
    28. 原先排0.74、0.73的建銀買盤原來無成到,縮走咗,伍生玩晒?

      另外今早出得最多貨既牌係中信里昂(被動沽盤出12.32M),到底邊個倉會用里昂既牌呢?真係好似有D古惑喎。

      刪除
    29. 應該冇縮到, 全成交了。

      刪除
    30. 你那個統計應該有問題的, 建銀有好多唔同的牌, 我諗你那個統計是錯誤地計少左建銀某個牌的買盤。

      刪除
    31. http://data.tsci.com.cn/stock/01132/STK_Broker.htm

      呢個網提供唔到有關建銀既被動買入資料喎。

      或者偉哥你有無其他網有被動買賣盤統計?

      刪除
    32. 應該有問題,只是我的被動沽盤都唔只該券商在統計上顯示出來的數目。

      刪除
    33. 呢個網的確有時會有遺漏的,好似咁早被動沽盤資料就少了1040K的成交。但是被動買入盤資料只少了70K,所以資料的參考性也大,因此我就指出建銀原先放過出來的$0.74、$0.73買盤沒有成到及抽走咗。

      咁你的被動買入盤資料與上述網的資料是否一致?

      刪除
    34. 因為今朝D盤路比較古惑,暫時我要看1132看得比較保守一些。

      刪除
    35. 我都沽左一半走,謝偉哥

      刪除
    36. 收市前,如果伍生有決心掃清0.75,今天d橙成交量應該超過4000萬股,可能回購2000萬股或者更多?

      刪除
  25. 恭喜偉哥!
    請問是CCBI 買入嗎?

    回覆刪除
  26. 799,@8.0x買入1注搏反彈,今早沒有穿昨天低位,形態已算好轉,keep住陽觸就坐上去。

    回覆刪除
  27. 今日隻1918堅過石堅, 唔知乜料, 平時第1個跳水

    回覆刪除
  28. 「對方取出與長和(001)主席李嘉誠的合照,表示股東之一的李嘉誠「等錢使」有意退出,問蔡志明可否接貨,蔡見診所有錢賺便答應。」

    呢個劇情咁似星爺套《破壞之王》入面吳孟達曬同李小龍/成龍一齊既合照。。。hahahahaha

    回覆刪除
    回覆
    1. 我今早睇左好多份報紙, 都有訪問蔡生, 蔡生就好似裝左錄音機咁, 不斷重覆同一段說話, 鉅細無遺, 感覺蔡生都驚呢場大火燒到佢個度, 急急劃清界線.....

      究竟蔡生是受害人, 還是合伙人? 哈哈。

      刪除
    2. 李嘉誠「等錢使」?蔡生怕麻烦怕到脑子乱了,胡乱做古仔。
      怎么有可能跟曹不是一帮。

      刪除
    3. 蔡生呢套說法真係點講都講唔通,唔係以為咁就可以甩身啊嘛?
      但睇得出佢心急如焚,今次真係大鑊,先至會係咁嗡呢套無人信既講法。

      叫埋個女去做主席...親密到咁,但就扮到唔識曹醫生咁,笑死

      另外想問偉哥,1333主席辭職,又換核數師,會唔會係同美國走私鋁材單嘢有關?

      刪除
    4. 我自己都不是太相信1333盤數, 所以乾脆不看。

      刪除
    5. 1333係某YAHOO財經版專欄作家既愛股,仲試過返上大陸考察,其實上去有咩意思,我係廠商我都會俾你睇最旺果間廠房啦哈哈..

      啲人竟然信換核數師係因為節省成本提升效率....市值200億既公司,為慳幾百萬?
      搞笑

      刪除
  29. 偉哥,3399 跌左少少,會唔會加碼呀你?

    回覆刪除
    回覆
    1. 偉哥,1132跌左少少,會唔會加碼呀你?
      (讲笑)

      刪除
    2. 我唯一可以做到的是有增持或減持都會告訴大家, 請見諒。

      刪除
    3. 謝謝偉哥,因早前留意到偉哥話回落會再買,之前5.58沽左D,睇睇而家回落夠唔夠

      刪除
  30. 王美女的公眾號昨日有一篇文章都值得參考:

    打击老千股行动升级,这样的狗血剧情将陆续上演
    https://xueqiu.com/7500022239/96446602

    文章是質疑1019的逼宮事件是自編自導自演的苦肉計, 現在看來確實是如此。曹醫生知道自己的旗艦被調查, 迫於無奈之下先切斷與1019的關係, 保得一隻就一隻, 看看SFC會否網開一面。

    唔知1019會否捱得到EGM之前都冇被SFC停牌?

    回覆刪除
    回覆
    1. 下一隻會係停邊隻?

      康健勒令停牌 「謎網左半」第5停 消息﹕已觸及核心 料陸續有來
      https://news.mingpao.com/pns/dailynews/web_tc/article/20171128/s00004/1511806114702

      刪除
    2. 證監8(1)條講之前出公告/年報/通函失實陳述,同曹醫生係咪而家嘅管理層冇任何關係

      刪除
    3. E生系+粉系今日好似跌得仲全面過尋日。

      刪除
    4. 雪球呢篇嘢在內地發出及傳播可能無問題,但在本港卻很容易惹上法律訴訟,講得實在太白。

      刪除
  31. 偉哥
    請問1132現在已經回購了差不多45M股
    70%股權在手
    點睇伍生會唔會繼續回購?

    回覆刪除
    回覆
    1. 睇落去好似回購左好多, 但計埋今早的回購額, 實際上只是用了大約3600萬元去回購5300萬股,仲有好大的回購空間。

      公司如果回購2.5億股的話, 會令伍生持股去到上限的75%,看看會否如此進取。

      刪除
    2. 請敎 偉哥或各位 用什麼渠道見到被動買賣盤及統計呢.我一直用中銀. 見你們 monitor and 計1132, 有興趣問下^_^

      刪除
    3. 其實點解一定要回購2.5億股?

      刪除
    4. 不一定的,太古持太地82%,政府持有388 66 超過75%

      刪除
    5. 唉!
      太古是港英時代的問題

      政府持有388 66…這些影响民生是不同

      刪除
    6. 《主板規則》第 8.08(1)條訂明:
      尋求上市的證券,必須有一個公開市場,這一般指:
      (a) 無論何時,發行人已發行股份數目總額必須至少有
      25%由公眾人士持有。
      ……
      (d) 如發行人預期在上市時的市值逾 100 億港元,另外本交
      易所亦確信該等證券的數量,以及其持有權的分佈情
      況,仍能使有關市場正常運作,則本交易所可酌情接納
      介乎 15%至 25%之間的一個較低的百分比,……此
      外,任何擬在香港及香港以外地區市場同時推出的證
      券,一般須有充份數量(事前須與本交易所議定)在香
      港發售。

      http://cn-rules.hkex.com.hk/tr/chi/tr_8285_10955.pdf

      刪除
    7. 不是港英時代的問題

      刪除
  32. 偉哥
    想請教一下1717
    因應內地進口奶粉實施0關稅,到底是好是壞
    澳優主力產品皆為外地製造 再以成品進入內地
    在此之前應要課稅?

    回覆刪除
  33. 咩料呀, 好驚呀, 好多都跌 >,,<

    回覆刪除
  34. Known兄,1263又返落黎啦,睇準機會再炒過

    回覆刪除
    回覆
    1. $3才會考慮...好彩之前走得快,1337一上果然炒完。

      刪除
  35. 中移動升先最不安(講笑)

    回覆刪除
  36. 687就快去返第一次賣盤前的起步點了....真係估唔到。

    不過海航系感覺出問題, 我都係唔敢撈.....除非再跳多幾層樓。

    回覆刪除
    回覆
    1. 海航系真係唔多好,本身股權複雜,流流地,高價投地又不停申請延期還債.

      刪除
    2. 之前周大屍話係供股價附近買咗幾百萬蚊687,之後零跟進。

      刪除
    3. 都話大屍指左明燈你地行, 醒水啦

      刪除
  37. 偉哥,究竟依家係咩市!好似在2萬點樓下多D

    回覆刪除
  38. 6123 先達國際物流, 有師兄有貨嗎? 會買給圓通嗎? 想聽一下意見?

    回覆刪除
  39. 建銀變陣, 好多250K、500K的主動買盤都是建銀的,大家估不到吧。

    回覆刪除
  40. 唔通1030個主席呢幾日冇回購

    回覆刪除