置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年11月17日 星期五

1+1 = ?


九倉(00004)分拆及實物分派九倉置業(01997)後,原九倉股東在完成分派得,將會持有同等股數的九倉及九倉置業,那究竟這分拆及分派對九倉原股東有沒有得益?即是1+1 會等於2、小於2、還是大於2的問題。

九倉分拆及分派前的基本數據及估值:

股價73元,市值2215億元,帳面資產淨值3245億元 (2017年6月30日數據,下同),即是市帳率0.68倍;上半年每股核心盈利72.7億元,相當於每股盈利2.4元,並派中期息每股0.64元,派息比率26.7%。集團淨負債210億元,淨負債比率6.4%。

分拆後的基本數據:

主力收租業務的九倉置業 (01997)

帳面資產淨值約1949億元,每股資產淨值64.2元;
淨負債467億元,負債比率是24%;
2016年核心盈利是87億元,2017年上半年是44.3億元。

根據招股書所寫的未來派息指引是每年可分派利潤的65%將用作派息,而可分派利潤是指來自香港投資物業的核心盈利,即是扣除重估收益、非現金流的收益及非香港投資物業產成的收益,以2016年全年及2017年上半年為例,可分派盈利分別是85億元及42億元。

假設今年度可分派利潤和上年一樣,仍是85億元的話,即是說假使九倉置業於今年1月1日已上市的話,則按65%的派息比率計算的股息將達到55.3億元,而作為香港收租股龍頭,可對標股份包括領展 (00823)、希慎 (00014) 及太古地產 (01972)等,以平均股息率約3.5%計算,則合理估值應是約1578億元或每股52元。以1578億元的估值計算,市帳率約0.81倍,比領展的1倍市帳率低,但高過希慎的0.62倍市帳率,剛好介乎兩者之間,估值算合理。

主力中港物業發展及物流業務的九倉((00004)

帳面資產淨值約1296億元,每股資產淨值42.6元;
持有淨現253億元,相當於每股持有淨現金8.3元;
2016年核心盈利是51億元,2017年上半年是28.4億元。

管理層並沒有就九倉未來的派息提供指引,但之前曾提及分拆後的九倉及九倉置業總派息會和分拆前相若,亦即是說九倉置業派發高息,則九倉的派息比率會比分拆之前為低。那九倉的合理估值是多少? 以香港大型地產發展商普遍市值比資產淨值有大約30-40%的折讓來計算,今天九倉的收市價比起資產淨值有大約37%的折讓,算是合理至偏低的估值,如果市況好的話,或許股價還有些少的上升空間。

如果上述的推算成立的話,則九倉的分拆及實物分派,得出的結果很大機會是1+1 >2的,實際結果如何,等下星期九倉置業上市後就知道。

對於九倉這次的分拆及分派,我自己覺得要留意的重點有二:

1. 九倉置業日後的派息比率是65%,遠高於九倉分拆前的30%派息比率,目的似乎是想將九倉置業包裝成類似REITS的收息股,而且九倉置業持有的都是優質的收租物業,擁有強勁及穩定的現金流,故此估值與REITS及大型收租股看齊是大概率的事,從而提升了估值。

2. 九倉的分拆過程中,將所有負債全放在擁有強勁、穩定現金流的九倉置業,更安排九倉置業借貸以派發102億特別股息給九倉,令完成分拆後的九倉持有淨現金253億元,有利九倉日後發展新業務或者現有業務。這個安排和利福分拆利福中國上市,有異曲同工之妙。

最後不得不提的是市場普遍揣測這次分拆及分派的主要目的是為了方便母公司會德豐(00020)日後私有化或和併九倉,是否如此,拭目以待。如果會德豐不是想合併或私有化九倉的話,則日後會德豐及九倉的核心業務將會重疊,兩者分工模糊,非常怪異。


後記:

2014年1997 (峻凌國際)私有化,我有份投票贊成,助其退市; 事隔三年後1997 (九倉置業)重新上市, 我又成為了其第一手的股東, 真是有緣。當年1997私有化退市為我帶來不俗的回報,希望這號碼下星期重現於香港股市,也可以為我帶來盈利。

323 則留言:

  1. 本來想再寫詳細一些, 但時間及篇幅所限, 想了解多些兩者的業務及基本因素的話, 就要網友們自己看看通告、招股書及大行的研究報告,我只是重點說說看法。

    回覆刪除
  2. 另外橙可以到明早8:30之前才公佈今天的回購 (如有的話)。我是不相信今天沒有回購的,估計是回購了1.5-2M左右。

    回覆刪除
    回覆
    1. 睇偉哥個blog真係學到好多嘢 繼續支持你
      Btw 橙會唔會又準備賣嘢 波叔想用公司錢收乾啲股票 派多啲息比自己呢

      刪除
    2. 專業橙農 : 見你比較生面口,多口問句,請問你是伍先生嗎?

      刪除
    3. 如果早上真係有鬼崇申報,証明伍生肯定有睇呢個Blog,佢要出盡方法要同我地周旋到底,大家要頂住啊!

      刪除
    4. 有d懷疑偉哥其實就係.... ng

      刪除
    5. 我只係跟偉哥買橙嘅小薯嚟
      偉哥又估中咗回購1.725M貨

      刪除
    6. 感謝偉哥專業分析!
      但請保重身體

      刪除
    7. 跪求偉哥教我計出建銀買入股數

      刪除
    8. 擺多幾個試盤, 知道交易對手是誰, 就容易計到數。

      每天都是擺了買、賣兩邊的試盤。

      刪除
    9. 謝謝偉哥!也累你花費不少交易費用了。

      刪除
    10. 又唔係喎, 上個月低位時中試盤倉是淨入左唔少股, 然後股價升上來試盤倉變成淨賣出多,
      計計埋埋試盤倉竟然有幾千元的盈利, 連我都估唔到。

      刪除
  3. 偉哥沽清4 號,意思系睇好1997?

    回覆刪除
    回覆
    1. 簡單咁講, 博1+1 > 2, 而第一個"1" 已到了合適的價位, 為整體交易的獲利設想提供了良好的基礎, 可以沽出鎖定價位先,等第二個"1" 去實現整個交易設想的第二部份。

      27 + 52的話就頗理想了, 可以獲得約7.5%的回報

      刪除
    2. 27是合理價,
      但是另外一個有沒有52我就是有點擔心

      我相信47應該是有的😨😨

      刪除
  4. 分拆公司業務對股東是好事,賺錢業務再不用補貼蝕錢業務,但我冇錢再跟,祝偉哥賺多d

    回覆刪除
  5. 我也在想九倉分拆背後的動機並寫了一篇短文, 希望偉哥指點一二^_^

    http://hutchisoncapitalhwl2016.blogspot.hk/2017/11/171117.html

    回覆刪除
    回覆
    1. 偉哥呢篇好多字,但你果篇仲多字,所以最終決定兩篇都唔睇,見笑。 ^^

      刪除
    2. Hi hutchison, 寫得很好的一篇文章,惟關於私有化猜測一事,要考慮埋會德豐的往績:

      2000年9月
      事件:會德豐私有化新亞失敗

      2002年12月
      事件:會德豐旗下新亞置業私有化聯邦地產,涉資10.2億元

      2004年
      事件:新亞置業易名為會德豐地產

      2007年
      事件:吳光正提出私有化 Joyce,後撤回計劃

      2007年
      事件:吳光正提出私有化 Joyce,後撤回計劃

      2008年11月
      事件:九倉曾考慮私有化有線寬頻,最終放棄

      2010年4月
      事件:吳光正再次私有化 Joyce,但失敗

      2010年4月
      事件:會德豐及九倉計劃私有化會德豐地產

      (https://hk.finance.appledaily.com/finance/daily/article/20100420/13946645)

      刪除
    3. 多享分享 Orz。

      Btw 往績勁。

      刪除
    4. 謝分享,我有全文睇晒!!讚!!

      刪除
  6. 以為出現係1337既走勢,竟出現係2858到,真係估佢吾到,
    抽新股都係羊群心理,一窩蜂,鐘擺效應好嚴重,
    不是所有產品都有鐘擺效應,如700股價,香港樓價,翠華個A餐...有實質因素支持,
    我夠想翠華個A餐可以擺到15元吃到,
    九倉置業絕對睇好,雖然息率無Reit咁高,但名牌效應,高估值係必然!!

    回覆刪除
    回覆
    1. 2858走遲半步都死得。

      刪除
    2. 尋日85時見有人話撈,好彩心動手不動!今日應大市回暖,可能有大反旦!

      刪除
  7. 1132,,

    http://www.hkexnews.hk/listedco/listconews/sehk/2017/1117/LTN20171117020_C.pdf

    回覆刪除
    回覆
    1. 以前已經有其它公司做過第二朝報告昨天的回購, 屬於合法的, 只是玩野!
      不急, 節省成本,只需要長期在6毫6慢慢回購已經很好!

      刪除
    2. 好明顯係伍生急啦, 掛066 邊個比佢。。。

      刪除
    3. 長期不派發股息, 我敢肯定散戶5毫都會比佢回購!

      刪除
  8. 多謝偉哥分析, 留名學野!

    回覆刪除
  9. 偉哥 如果易鑫到招股價 你會考慮買入嗎?

    回覆刪除
    回覆
    1. 易鑫只不過是一個買車網
      講真名大於實
      同樣買車網到處都係,唔明為何值錢
      個時認購係因為有得炒
      現在就算了吧

      刪除
    2. 你搞錯左, 佢阿媽主業先係買車網

      刪除
    3. 1768兄, 好意見, 但當年QQ又何尚唔係一個ICQ, Taobao咪又係Ebay... 最主要是個老闆係邊個吧. 等於個個都寫財經Blog, 但我只睇偉哥

      刪除
    4. 頂, 買1918咪好law, 玩乜新股呢, 我真係豬.......

      刪除
    5. 昨天買返1918仲好過呢隻死人易發唔發

      刪除
    6. 你現在只有一個方法,
      又來一次買入,應該就會下跌了=_=

      刪除
    7. 我就係用錢入晒2858 >..<

      刪除
    8. 新股我一向考慮的主方向是什麼價位沽出, 而不是買入。

      刪除
    9. 777師兄,手風唔順切勿自亂陣腳,冷靜d
      股市日日有,唔洗争一日長短

      刪除
    10. 算了, 止蝕玩第2隻, 8.3都沖唔破, 無鬼用

      刪除
    11. 一話止蝕就要碌到去8.2才止到, 頂你個制!!!!

      刪除
    12. 其實呢度ching們普遍都講,玩完三步曲應該差不多要收手了..

      我見好都收,轉跟waigor去玩1+1遊戲算了

      刪除
    13. 毋忘係咪真係止蝕左架, 唔好是但講喎?

      刪除
    14. 止左, 唔玩新股了, 無隻好野, 你睇隻8402都就快穿ipo. 今日700穿$400, 都係留錢等大跌好過

      刪除
    15. 易鑫真是一額汗又夠運,抽到4000股,在耀材早天新股買賣,見股價由低位10.2被不斷追買到11.02,快6點半收市,即賣晒,個勢點估到上市後咁弱。

      刪除
    16. 易鑫7.88已經很快要破發了

      刪除
    17. 希望青兒無再入貨啦! 呢隻易陰同蒸丸一樣咁衰格!!

      刪除
  10. 大媽真係玩緊控制權... 175, 2318, 700 下一隻會係邊隻藍籌?

    回覆刪除
  11. 今日又見到581
    買盤set 5.98 賣set 6.1
    現6.07.真的有心玩野。。。。

    回覆刪除
    回覆
    1. 又用e招無人比貨你
      自己用10幾萬做低佢😈

      刪除
    2. 但佢又唔插多D 比人買貨.....係要慢慢磨死你咁

      刪除
  12. 回覆
    1. 好耐冇睇, 而家出埋盈警, 我諗短期都好難翻身。

      好巧合的是之前先比人話造假, 雖然極力反駁,但業績就......

      呢個情況唔止係佢身上出現, 又例如敏華咁, 有冇咁巧合。

      刪除
    2. 敏華業績應該係真的
      做沙發利潤真的很大
      平3000貴15000
      只不過是一個木架
      牛皮就算頭層,都佔成本好低
      仲有內部的海棉或者棉花又係d不值錢的東西
      用又少量,所以一個沙發超高利潤。。。

      刪除
  13. 新股3358榮威 點解可以跌得咁慘烈,大摩保薦真係差,之前瀨過隻本間高爾夫,所以見到大摩保薦我唔會諗。

    回覆刪除
    回覆
    1. 尋日撈底執左5%,今朝AO再撈坐艇中.

      刪除
    2. 大摩託都冇託過一下,要求不高,$4 都應該做下野去守

      刪除
    3. 冇賣點, 骨水12億, 跌得慘係正常

      刪除
    4. 真係唔知點解,睇招股書業績增長唔差,PE10.X,PB2.X又唔係誇,毛利率27%,2017 1H亦唔失禮,羅兵咸做核數應該冇假卦。。。因為應收帳過高?因為覺得做吹氣野叻極有限?下次見到大摩保薦都要小心d(除非係熱爆股)

      刪除
    5. 呢隻野上下半年係好大差距,即係有seasonal 嘅情況。睇清楚就明白下半年得上半年1/3左右,唔係半年x2

      刪除
  14. 建銀的交易員下次可否早些少開工, 次次都要10點先施施然落盤, 排隊排到龍尾, 差D搵唔到佢個盤。

    回覆刪除
    回覆
    1. 建銀交易員唔知有無睇偉哥blog呢?揮個手丫

      刪除
    2. 哈哈, 人地食完早餐先開工

      刪除
    3. 抵佢今日一股都入唔到!
      百裕都忍唔住出嚟排$0.68...

      刪除
    4. 人地食完早餐, 還要讀完習語錄先開工!

      刪除
    5. 人家要一邊吃早餐,一邊施施然打開手機看偉哥投資手扎,睇下你班友仔咩反應先唸吓點應對,呢D叫知己知彼。伍生好波,加油!^^

      刪除
  15. 橙仔戰報

    0.67 成左75k 股
    0.68 成左 555k 股

    0.67 建銀排好後, 唔知佢中唔中

    回覆刪除
    回覆
    1. 伍生一定有來這裡看過。。。

      刪除
    2. 有無人打a兩球錢落去, 睇下係咪真係有人睇場?

      刪除
    3. 有人守住的。。。格格都爭

      刪除
    4. 橙今天最高回購價只是0.67, 所以0.68不會是回購。

      刪除
    5. 我想問佢個人增持唔使一定要0.67?

      刪除
    6. 係伍生的領導下
      一日只可以升ㄧ格
      這是某人的願望
      可能伍生決定幫佢實現0.0

      刪除
  16. 偉哥,919發盈警,但市值已經得返2億左右,是否可以常煙蒂股買入?

    回覆刪除
    回覆
    1. 大師推過, 我就諗諗
      http://archive.am730.com.hk/column-329803

      刪除
    2. 「寫這篇文章的目的,是想「溝」曾裕小姐:喂,如果你想再配售認股證,記得找我,我保證一定會去兌換正股,絕對不會再要你白等3年!(估計幾個月都可以搞掂啦!) 」

      幾搞笑HAHA

      刪除
    3. 問題是市場上不缺煙蒂股, 919有何優勢?

      煙蒂股顯現價值不是賣資產派息、就是賣盤, 佢是否有這打算?

      刪除
    4. 兩樣都唔似有,只可以搏扭轉業績賺息賺價,但美容行業業績太飄忽,現價都只係得大約4%息,收息都比1161差...

      多謝偉哥指點

      刪除
    5. 收息買393呢隻泛老千股咪仲好,肯坐的話可能一年收十幾厘。

      刪除
    6. 919的曾女士做事的方式經常令人反感,而且財技了得,做佢公司的小股東非常幸福呢。

      刪除
    7. 作為股東,每年收到主席的寫真集(內附財務報告),已經值回票價。

      刪除
  17. 睇見4仔跌,感覺就似1997在上升中……

    回覆刪除
  18. 47 595 859 2320 3688 可以𥄫吓鳥

    回覆刪除
  19. 真係唔買700 2318 係唔會有錢賺

    回覆刪除
    回覆
    1. ...1132, 581, 558, 859 係乜呢師兄?

      咦, 劉生, 乜又係你呀?

      刪除
    2. 騰訊(0700)再一次為市場帶來驚喜,獲大行看好上望430元,但以今年走勢來看,下一季業績前可能已可以升抵或超越目標。

      個人認為騰訊睇五百蚊都是無麼意思, 至少一千蚊先有D甜頭! 風險自負!!!

      刪除
    3. 700不用$500,短期上$460已夠炒衍生工具的炒家一舖上岸。

      刪除
    4. 859我設定止賺位繼續等運到。

      刪除
    5. 又突然有些大D的買盤掃返上來, 真奇怪。

      刪除
  20. 快到聖誕,新奇士加價,有買趁手。

    (* ̄3 ̄)╭♡❀小花花砸你

    回覆刪除
  21. 581 中国东方集团调研纪要 2017.11.15
    https://xueqiu.com/7926171075/95724518

    回覆刪除
  22. 我做了一點另頪觀察, orange做了四天回購, 分別是 11月7,11月8,11月15,11月17日, 上報PDF檔案去HKEX的創作者都是同一人,但唯獨昨晚要放過一夜才延遲發佈 (正常,一做好份PDF,就即刻上傳去披露易啦,只係4分鐘就可完成既事情!)

    回覆刪除
    回覆
    1. https://drive.google.com/file/d/17ILk-sXPLwvYSbzcoJcLJcum5Wjx32h_/view

      刪除
    2. 哈哈,可能昨日只回購到咁少貨,收市後被伍生訓話, 鬧足幾個鐘, 所以趕唔切昨晚交表。

      刪除
    3. 可能平時做表個人做緊其他更重要嘅文件, 所以先遲左😏

      刪除
    4. 我會留意下呢個細節位,如有第五次回購,就知道伍生係咪有追看《偉哥投資手札》了!!

      刪除
    5. 大老細一般都唔會睇,佢d 𡃁就有可能, d 人知你係個間做, 有咩新聞都會fw 比你睇

      刪除
    6. jomc : 不用再試,就算你試你依家都可以臨時變陣照呼你。

      我99.99%肯定伍生長期追看這裡留言,但肯定不是由其本人做Print-out。至於你話份嘢同一個人做當然無疑問,但上載HKEX的動作其實可以其他人做,就算同一個人上載,佢都可以出於指令下於不同時間上載,可能伍生信風水,出公告前要摘時晨八字,所以幾次回購都採用不同時間。

      我絕不相信伍生是出於玩弄這裡的網友而等至近深夜或晨早才上載的,至於是否有玩弄自己的同事就不得而知。^_^

      刪除
    7. 是因為11點後不能上載吧

      刪除
  23. 謝謝分析, 非常清楚, 解開心中不小問題~

    回覆刪除
  24. 4仔跌到幾多先考慮入番?

    回覆刪除
    回覆
    1. 哈!不入了,上網睇算了 :)

      刪除
    2. 愚見不是對 4 不看好,近日玩法是專打落水狗,加上後市要來次調整,靠700頂上來恆指假像,新股又玩完,吃吓花生算了。

      刪除
    3. 4號仔有20元的話我會考慮。

      刪除
    4. 請問waising兄"閱文"放咗未?會否長揸

      刪除
    5. 覆Lee 閱文只做了2天小股東,全部賣掉了,是4隻ipo賺得最多,有5個零,暫時不會買翻。

      刪除
    6. 20元的4號仔偉哥才"考慮",真的咁不濟嗎

      刪除
    7. 我一向少買大型股,所以要令我垂青, 只有兩個原因: 1. 比較確定的機會; 2. 真的便宜。現在我會覺得4號仔等私有化或被合併是不確定, 但跌到20元的話是真的便宜。

      刪除
    8. waising兄, 噢,我睇漏了留言,以為你未賣.我也第一天@110放了,不過低位再買返,座艇中.

      waising lau2017年11月9日 上午9:57

      772 閱文集團 位位財演與專家話 升咁多有貨要賣 我又來企細邊 個個賣 邊個去買 今又升幾銀 愚見會再趟高峰才賣 我ipo持三手未賣。

      刪除
  25. 偉哥 想請教一下為何1766這么多業務還是跌跌不休!對1766有何看法

    回覆刪除
    回覆
    1. 大市系甘升。但其實好多股都冇乜升過

      刪除
    2. 1766不看概念, 只看業績的話, 股價跌是正常。

      合併後, 上半年每股盈利仲要倒退27%。

      刪除
    3. 1766我有2注,希望越大失望更大,1注賺了少少賣了,另1注高位買,未賣放在床下底收了3年股息。

      刪除
    4. 1766當南北合併變神車,我記得當時停牌前買左北車定南車A股,可以換股,好似有價差可以套利, A股停牌後第一日復牌,個個都以為起碼有3-5個漲停,點知開市漲停好快就開板,當日就係見左頂。

      刪除
  26. 升700,2318,其他股好多都跌

    回覆刪除
  27. 前二日買番700.2318,有買貴冇買錯,2005.2001,6068,2669,守咗好耐終於有回報

    回覆刪除
    回覆
    1. SAME 前日調整2318-2%果日買入,估唔到咁快有好回報

      刪除
    2. 嗰日走佐1982換2318都正確

      刪除
  28. 近排再留意番2012, 發現孫生大手大手在近期高位增持,不知用意何在?今日小注買入,等消息!

    回覆刪除
  29. 598近月陰跌, 都跌左唔少, 今日剛3.57入一細注先, 等低D再增持。

    呢隻上年炒波幅執唔少, 年中升到上4.6元, 以為再無機會可以炒波幅, 估唔到又跌返晒落來。

    希望股價繼續跌, 跌到3元邊會更理想。

    回覆刪除
    回覆
    1. 跟偉哥3.58 入左注,前兩日雪球有大V 講598 是出口集運龍頭。

      刪除
  30. 偉哥,晶苑跌破招股價,你點睇呀

    回覆刪除
    回覆
    1. 前兩天7.43沽清了餘下的一半持股, 現在沒有貨了。

      見申洲日日破頂, 如果晶苑再跌多些, 我不排除會破例買返。

      刪除
    2. 偉哥,新手一問,晶苑跌周申洲有關嗎?

      刪除
    3. 大行吹風4號仔目標價$41...好似好遠距離

      刪除
    4. 沒有, 只是晶苑的業務和申洲類似, 所以估值上可以對比申洲, 但當然晶苑的估值會比申洲有折讓。

      刪除
    5. 有味笑話知關係:正常男人都有一手申洲及二手晶苑;但Eason每樣只得一手 (இωஇ )

      刪除
    6. 偉哥,我手上仲有好少好少晶苑,唔知會唔會再跌落去...年輕人手上錢唔多

      刪除
    7. 唔知會唔會再跌落去,是去是留要自行決定。

      刪除
    8. Fong fong
      同是年輕人的我比些意見
      年幾兩年前我都問過偉哥資本不多時如何控制注碼
      偉哥的做法是集中兩三隻股,等到就等,等唔到就換一隻
      因為注碼細難以再分散

      就著這種方法
      加上投資累積的經驗,交了不少學費後開始有些眉目

      這裡只講述了資金分配的方向,如何操作要自己決定
      你可以思考一下
      1)買入某股票的原因是什麼。如果你不願意持有這股一段時間,那就要認真考慮是否買入或繼續持有
      2)你承受風險的程度。市場不是絕對有效,計算再準確都可能未必能達預期結果。如果股票倉位太大,甚至影響生計,你每一個投資決定都會大受情緒影響。我個人暫時保持流動資金與倉位約1:1。
      3)耐性。投資是長線的部署,即使一年半載,也不會是一兩天可以完成。太重視短線炒賣與波動一樣會影響投資決定。我個人比較喜歡溝貨多於止蝕,可能因為選擇的股票較穩陣,願意用多點耐性等。許多時是不夠資金在低位撈

      當然,每個人投資手法不同,這裡也高手雲集,短炒有,長線有,投機有,大股細股,牛熊窩輪也不少專家。
      最重要是找到自己安心的投資方法。

      口水太多,講完好似都冇幫到你,哈哈

      刪除
    9. fong兄,
      如果外面有更好既投資機會,就換馬吧,無謂死等
      呢到失去既野,可以係第二度拎返,唔一定要執著眼前個隻股票

      同埋半新股D價格係好浮動,係佢個價格未穩定之前,真係好難去預測之後既走勢

      刪除
  31. 大家注意風險,日本仔嚟

    回覆刪除
    回覆
    1. 見日經直插倒跌
      只是溫馨提示一吓
      今朝大户殺完熊仔
      反給街貨75%牛仔

      刪除
  32. 隻死易陰害我又唔見幾大千,幸運的只是買一萬股,如似買1918咁樣買法,容不易輸死
    777我當然唔會再去碰險,我買易陰就係想踩煞你,既然你已止蝕,我就唔同你計較咁多啦!和好如初齊齊攢大錢🤩

    回覆刪除
  33. 回覆
    1. 不增、不減,等消息。

      夏生這兩天冇再賣,希望又是好像伍生一樣是為了避嫌。

      刪除
  34. @0.64加注595,均價@0.66,即管睇下今日收市有無盈喜消息XD

    回覆刪除
  35. 3808, 2338一個天堂, 一個地獄

    回覆刪除
  36. 易鑫這樣表現,都不知抽不抽好我買網
    中糧旗下日用百貨電商平台「中糧我買網」已通過主板上市聆訊,由瑞信及招商證券國際擔任聯席保薦人。市傳該公司擬集資約2億美元(約15.6億港元)
    日清就不抽,盈利倒退,盈利又小,估不到買麵利錢咁差

    回覆刪除
    回覆
    1. 中糧我買網好似仲燒緊銀紙, 情況可能比雷蛇仲差。

      刪除
  37. 最近研究緊一隻昔日被質疑做假數既細價股,佢曾被狙擊及停牌一段時間,近年改名,業務也似乎在轉型中,最近佢宣布大比例供股,但重點係佢搵1079同一間做財務顧問。大家估唔估到我講緊邊間呢? ^_^

    回覆刪除
  38. 偉哥.517 598超多ㄧ手黨嘅成交。你有咩睇法呢

    回覆刪除
    回覆
    1. 冇睇佢成交情況。而家1手黨並不一定是散戶, 也有可能是大戶用程式買盤化整為零而已。

      刪除
  39. 2858 @7.83 中線持貨先 破7.7 再買,別人恐懼我貪婪

    回覆刪除
  40. 2858 7.8左右吸下貨先,另外偉哥有無留意129?

    回覆刪除
  41. 民航股呢個月都有資金追入, 今日晏晝三大航空齊急漲, 唔知年底前有無機會升返去15年既高位呢

    回覆刪除
  42. 甲醇,尿素係咁升,但係肥料股反而係咁跌,有D無奈

    回覆刪除
    回覆
    1. 有冇師兄有留意開肥料股?
      甲醇,尿素價格上升,按道理係有利化肥業
      究竟係市場未反映,還是有其他原因?
      最近3983仲被澳洲銀行連續減持2次

      刪除
  43. 聽網台講, 2858母公司易車(BITA)在2010年11月 以12.85美元年在美國上市, 跟住向下炒至3.88美元 (7/2012年), 收完貨最高直上$92.16 (11/2014), 跟著向下插至$18.66 (1/2016), 今年底位係19.06 (2/2017),昨收$43.05, 會唔會係同一班人來香港搞鬼呢?

    回覆刪除
    回覆
    1. 易車。。。我仲懶醒嚮上周買,博易鑫上市帶動執少少,結果易鑫唔掂,易車應聲跌,我當然亦走唔甩,昨晚一開市即走,叫做輸少D。。。><" (易車會嚮11月20日出3Q業績,如果掂可能幫到易鑫,但我估唔慌好,不然今年唔會延後十日先出3Q)

      刪除
  44. 700不斷升,托住恒指,二三線不斷跌,其實這還是否牛三雞犬皆升的階段? 現在感覺不到是牛三呢, 亦不覺得散戶瘋狂入市.. 感覺外資在徹離, 中資主攻的個股就可以繼續升, ,中資不進攻的個股由於外資減持,多數下跌

    回覆刪除
    回覆
    1. 唔覺老散賺錢及瘋狂,唔似牛三

      刪除
    2. 係多人講左抽新股, 但易鑫插到咁, d 人又好似冷靜返

      刪除
    3. 冇偉哥,我今個所謂牛市都輸錢
      只升大股真係仆直
      連證券股都52週新低就知幾慘

      刪除
  45. 年紀大,冇記性。有沒師兄記得偉哥買入595的原因

    回覆刪除

注意:只有此網誌的成員可以留言。