2017年11月24日 星期五

特殊事件機會常在 之 九倉(00004) 分拆及實物分派- 賽後檢討


從11月15日以每股均價73.6元買入分拆及實派分派前的九倉,再於11月16日以均價27元沽出實物分派後的九倉,最後壓軸的今早以AO價54.5元沽出實物分派的九倉置業,實現了1+1 > 2的設想,大家看似輕描淡寫,但背後是花了半個周日的時間看通告、了解分拆的詳情及對比同業估值去計算分拆後兩股的合理估值,然後就是靜待理想時機出擊及沽貨,有些環節不能太急(買貨)、有些環節不能太慢(沽貨),要對自己的設想有清晰的了解才可以掌握到最佳時機。

很多網友都跟到我除淨前買入九倉,而且大部份網友的買入價應比我平均買入價73.6元更佳,因為我第一注買得貴,大家跟著買的話,理論上90%以上的網友會買得比我便宜,這已是成功的第一步。

第二步是沽出除淨後的九倉。當時我沒有詳細計算九倉的價值,不過當日早上我分兩注沽貨,其實大家有留意的話, 應該也可以在差不多的價錢沽出九倉;當然,如果你下午才沽的話,價格會稍為低一些,但也不會影響整個交易獲利的基礎。

最關鍵的是第三步,而在今日九倉置業上市之前,我已寫了一篇文章簡單說說我給予九倉置業的全理估值是每股52元,當然這估值比起某些外資大行的估值是稍低了,但從藉事件驅動短線交易獲利的角度出發,52元是我可以接受的沽貨獲利價位,所以今早我其實並不是掛AO沽盤,而是掛了限價52.75元 (本來想掛52.9元,但IB的交易系統愚蠢地拒絕我掛52.9元) 的競價限價盤,結果是以54.5元的驚喜價成交了。至於沒有在競價時段掛出沽盤或AO盤的網友,當9:30一開市後, 已迅即回落至51元左右的水平了,與我計算的52元合理價差不多。

整個交易的回報是: 均價27元 沽售九倉 + 54.5元沽售九倉置業 - 當初買入平均成本73.6元 = 7.9元,回報率是10.7%。

當然,如果網友們今早無法在AO價沽出九倉置業,就當是除淨前收市價73元買入九倉,然後除淨後第一天的收市價26.9元沽出九倉,再於今天收市價50元沽出九倉置業,也有大約5.3%的回報,故此這次特殊事件是提供了一個良好的低風險機會給網友們獲利,主因是這次分拆的安排確實可以提升整體的估值。

最簡單的想法是在九倉中期業績時提出分拆建議前,九倉的股價只有70元,而大家都會覺得這是合理的價格,但分拆後如果九倉(00004) 跌到23元左右、九倉置業(01997)跌到47元左右,相信很多人會覺得這些價格是頗吸引的估值。而造成估值上升的主因我之前已有提及:

1. 九倉置業日後的派息比率是65%,遠高於九倉分拆前的30%派息比率,目的似乎是想將九倉置業包裝成類似REITS的收息股,而且九倉置業持有的都是優質的收租物業,擁有強勁及穩定的現金流,故此估值與REITS及大型收租股看齊是大概率的事,從而提升了估值;

2. 九倉的分拆過程中,將所有負債全放在擁有強勁、穩定現金流的九倉置業,更安排九倉置業借貸以派發102億特別股息給九倉,令完成分拆後的九倉持有淨現金253億元,有利九倉日後發展新業務或者現有業務。

如果九倉跌至23元的話, 九倉市值只有700億, 但帳面資產淨值約1300億元,當中包括淨現金約253億元,估值不吸引嗎?

如果九倉置業跌至47元的話,市值只有1426億元,而資產淨值1950億元,明年預期股息率約3.9%,不吸引嗎?

對我這種習慣了中小型股低估值的散戶而言,不算很吸引,但對於機構投資者而言,相信是很吸引的。我期望日後有機會在大跌市時以更低的估值再度買入九倉或九倉置業,尤其是前者,我相信是集團重組未完的故事。

最後要再幫Joel Greenblatt賣賣廣告, 如果你想參與特殊事件,從中發掘獲利機會,不妨看看其大作“You can be a stock market genius", 看完之後可能你也可以成為股市天才去發掘這些獲利的機會,哈哈。

225 則留言:

  1. 剛才一時按錯制,將“特殊事件機會常在 之 九倉(00004) 分拆及實物分派- 賽後檢討” 一文錯誤刪除,請問網友們有沒有辦法救回該篇文章?

    謝謝。

    回覆刪除
    回覆
    1. 剛才誤刪了文章, 幸好救回了, 不過留言就無法救回。

      刪除
    2. 則面有留言記錄,文章的留言無哂HAAHAAA
      偉哥掛住沽空紅黃藍,攪到緊張禁錯制HAAHAAA

      刪除
    3. 哈哈,偉哥呢下按錯制吾錯,錯有錯著,又可以有位留言, 可以慳返你寫一遍新文章時間.
      做人樂觀/正面諗真好. haha!

      刪除
    4. 應該話我又學識一樣新技能, 下次遇到同樣問題唔使求救,哈哈。

      刪除
    5. 仲以為新景象日光日白偉哥出新貼文,哈哈。

      刪除
    6. 剛才確實有此意, 但寫左開頭, 又覺得寫得唔好, 所以想刪左佢, 點知唔小心刪錯左。

      刪除
  2. 昨天看到呢篇報導, 即刻聯想到郭生將大部份3389持股賤價轉讓給張金兵, 似乎是已打取了收購3389的念頭, 改為自己由零開始做起。

    ---------------------------------------------------------------------
    中環在線:富昌老闆撈埋珠寶界 網攻內地客

    近期金銀珠寶市道翻生,做開證券嘅富昌金融主席郭俊偉都忍唔住手想玩埋一份,話要進軍鑽石珠寶生意,開番間「富昌珠寶」。佢似乎有晒大計,話第一步先喺尖沙嘴開實體店,希望證券行客戶同珠寶店客戶可以做到cross-sell。不過,佢大呻搵舖難,租金仲係好貴咁話。
    https://hk.finance.appledaily.com/finance/daily/article/20171123/20223219

    回覆刪除
    回覆
    1. 咩事無端端想自已搞?基本上開一間蝕一間,日日叫自已fd幫襯都買唔到咁多

      刪除
    2. 佢手上應該有唔少大客, 我諗做cross-selling可能效益頗高。

      刪除
  3. 我以為又發生咗事添,不過呢位大戶真係冇晒符,話又話過, 講又講過,完全吾理其他人感受.成日貼文, 連Forum D亂up討論都貼,都吾知對大家網友有乜幫助,有乜啟發

    fggbg:
    Louis 兄, 唔該你唔好再貼呢到留言去湯財到, 人地只係覺得你賣廣告, 我地又唔理人點睇, 自己玩 ︽

    -- 文章已刪除

    回覆刪除
    回覆
    1. 我自己覺得Louis如果要將自己寫的留言轉發其它forum沒有問題,但就不要將這裡其他網友的留言也轉發,正如這裡的網友也未必想看到Louis不斷將其它forum的留言及文章轉發過來一樣,大家互相尊重,才可以和睦相處。

      刪除
    2. 本網誌內容版權為偉哥所有,未經偉哥授權不得轉載。

      刪除
    3. 我最近引用貼文,包括"論壇D亂up討論"都是大家關注牛3的正面和反面的意見,不算與股市無關。事實上, 我個人認為高登仔對牛3的的評論具有見地, 因此引用。

      喜好是非常個人化的口味問題, 最近這裡引用貼文和評論"何志平被美國拘捕", 我相信適合不少人的口味。

      刪除
    4. 你轉貼偉哥文章及留言, 需得到偉哥同意, 你仲未得到偉哥同意

      刪除
    5. 博客的版權問題, 坦白地說是非常難以防止複制和粘貼, 甚至整篇文章被抄後用自己的名字公然發表! 偉哥的好文章也曾經被抄後公開發表, 大陸金融博客論壇"雪球"因此歡迎轉貼(當然包括博文內部的討論), 但需要提供原始的超鏈接來尊重原作者。 相信連政府也控制不了博客的版權問題,特別是被外地或者外國抄習。

      湯財那裡有一些博客比較具挑釁性是一個事實, 貼呢到留言不使用原創的名字, 用A, B, C, D, E......代替, 應該是較好的選擇?

      刪除
    6. 問題是為何一定要轉貼出去其它的網站, 尤其是一個網主異常鄙視、敵視我的網站?

      我當然無法解決抄襲、轉貼的問題,只能希望這裡的讀者自律、自重,尊重他人之餘,也不要令人鄙視你的人格。

      就這樣吧, 你要繼續轉貼我阻止不了, 但我會非常鄙視這種做法。

      刪除
    7. 嘿,此等乜九位閒人根本連基本尊重在他人地方應有行為都沒有,奇怪偉哥會容忍咁耐?!

      刪除
    8. 請你係自己個blog貼到夠。放心,鐘意你D消息既人一定會follow你,可能好快超越偉哥

      刪除
    9. 既然偉哥與RealForum有這樣大的爭議, 以後就不會引用你的文章到那個博客。

      先前引用你d橙的文章到那邊是用來辯論橙的價值, 我自己跟他們辯論了十多年(包括216系列, 麗新系列,新世界系列, 878, 1174, ......), 應該贏多輸少, 但明白浪費時間的爭論是無益的, 不是每個人都喜歡這樣做! 無論如何,我希望d橙最終會剝他們的牙, 掃除他們的成見。

      順便說一句, derek CHing不需要這麼努力搧風點火, 你已經做了很多次! 建議你集中精神炒股票賺錢, 為2047年之後準備多一條出路!



      刪除
    10. 搧風點火?每一件發生都有前因後果,為何有些網友受人鄙視? 為何偉哥會受人尊重,愛戴?如果咁大個人都未知黑白是非,尊重,禮貌,有問題出現就賴到別人處.無言!
      大家網友都互不相識,冇必要針對個別, 只是問題出現咗而發聲!

      刪除
    11. 受人鄙視?
      只有不過不適合你們的政治口味而已, 你們想要佔領和支配更多博客網站的意圖非常明顯!

      刪除
    12. 佩服佩服,高人高人,何以可將貼文/尊重等這些事情上拉上了政治?佔領和支配更多博客網站有關連?小弟認輸,真是沒法溝通,明白.

      刪除
    13. 嗯..
      這樣說吧,以事論事,Louis 兄也答應了不引文到其他地方,也無謂再執著爭拗
      當然過往包括偉哥也多次勸告Louis 兄盡量只發與投資,股票相關的心得,減少,甚或不再引用新聞或其他不相關的資訊。
      希望大家珍惜這個平台。

      刪除
    14. 致 Louis 的話

      類似說了多次, 主人家也下遂客令, 網友用手機看你長篇大論, not friendly user. 你又話會注意, 怎料又讓人失望.

      不如你另覓清泉, 好嗎?

      刪除
  4. https://www.feederninja.com/api/viewer/ce1618f0b8404cdba338abab53601522

    呢度可找回留言

    回覆刪除
  5. 請問各位一通網友,如何在手機入到網頁版?紅米手機開不了flash,公司電腦也load不到,無得用暗盤。

    回覆刪除
    回覆
    1. 點解你要咁堅持用一通, 轉去其他行有app 用

      刪除
    2. 裝puffin,一通超正,支持一通

      刪除
    3. 有邊間平得過一通。。。

      刪除
    4. 一通唔係特別平, 我個frd 用渣兜話佢平, 一次沽到貨已經賺少幾千了, 你話平左手術費又點?

      刪除
  6. 今日去了一場股東大會,同場只有十多人,除了我外全部都是上了年紀,入場前他們之間已有講有笑,完場時有美心西餅及陽光盒裝果汁提供,我隔離個阿伯同我講,陣間唔洗爭,大家會平均分西餅同果汁。一完場唔洗兩秒,他們已出去有默契地分享所有........

    回覆刪除
    回覆
    1. 正常, 我6月去幾個股東會, 經常見到一班熟面口、上了年紀的股東。

      刪除
  7. 今日沽出320,之後換入420,發現啲盤好怪,似足3399,排1.09入貨,一手一手咁放出黎...玩到3點幾先收足一注...真是猜不透有心人咁做,有咩好處...

    回覆刪除
    回覆
    1. 恭喜你更上一層樓......從3樓搬左上去4樓。

      刪除
    2. 4樓係1蚊果陣已經入左手一個單位,只不過唔係成日返去。

      琴晚睇下3樓份新價單,左諗右諗,決定放售。

      同時,呢排有人密密收緊4樓既單位,所以我決定買多一個單位等比人收購。😝

      刪除
    3. 我1.13沽420時也是一手一手收,等咗15分鐘左右先全數成交

      刪除
    4. 哈哈, 上埋6樓就得道升天,灰飛煙滅。

      刪除
    5. 若去到七樓,可揾部法拉利揸吓

      刪除
  8. 想請教偉哥有關九倉投資價值的問題:
    九倉分拆之後變成一間主要業務是內房的公司,倘若我把嘉華(173)以及嘉里(683)和九倉(4)放在一起"稱一稱"它們的投資價值,然後再選擇相對最平的買會比起以一個固定價位決定買入九倉(4)更好?

    *沒有納入恆隆(101)做比較,因為101主力收租
    利申:我選擇了嘉華(173)但坐艇中:(

    Thx偉哥!

    回覆刪除
    回覆
    1. 九倉分拆後, 內房業務佔比不會超過50%, 所以主要業務是內房不是太正確。

      我冇研究嘉華及嘉里, 所以無從比較。我會考慮低D買回九倉的主因是其持有大量淨現金、優秀品牌的溢價及會德豐過往私有化的往績, 並不是單純從投資價值去考慮的。

      刪除
  9. 4號仔10月開左sp 67.5 同70蚊12月,分拆前漲vol漲到輸一倍,局住等分拆完等運到。
    今日終於解脫,接近全贏離場,呢次經歷真心嚇餐死

    回覆刪除
    回覆
    1. 最後全贏離場,實在太唔好彩了

      刪除
    2. 哈哈, 賺左夠唔夠買驚風散?

      刪除
    3. 除左淆到爆唔敢再加注,就係唔好無貨做sc,呢單野做sc輸得極慘,好記得call果邊個vol接近60%,put果邊個vol係接近50%,純睇vol做sc有著數

      刪除
  10. 回覆
    1. 要注意的是每次的策略可能不一, 要因應情況去訂立可行、大概率獲利的買賣策略,不能一概而論,正如私有化有些時候是要博其通過去獲利, 有時是要否決私有化去博更大的上升空間一樣。

      刪除
    2. 謝謝偉哥
      雖然已經追你個BLOG追左3年,但今次係最有得著既一次

      刪除
  11. 中國忠旺換核數師, 由四大之一的KPMG 轉去立信德豪, 這意味著什麼,相信大家都懂的.....

    這件事間接對我其中一隻持股有利。基金經理們, 投資不過山海關啊! 來吧,有一隻低估的國企同業正等著你們,哈哈。

    回覆刪除
    回覆
    1. 猜燈迷2.0
      98 興發鋁業

      刪除
    2. 忠旺老闆劉忠田,響今個月17日已經辭任董事長,宜家過幾日又轉核數師...

      98成交真係太疏落了,希望多D人識早日體現價值

      刪除
    3. 偉哥唔係放晒98咩?

      刪除
    4. 換核數師的意思是方便造數
      造好份業績?

      刪除
    5. 之前只是減持了98, 沒有沽清, 後來又有補返貨, 留言都有提及過。

      唔理乜原因換核數師, 但由KPMG 轉去立信, 肯定係利淡, 尤其是忠旺盤數一直備受懷疑, 而家仲要換核數師, 風險更高。

      刪除
  12. oman524兄,524的公布又什麼看法?

    回覆刪除
    回覆
    1. 沒有甚麼睇法,
      即係之前楊生食了不少垃圾股,
      如444。

      刪除
    2. 依加考慮緊沽唔沽524,
      集中彈藥攻1975及888,
      888近日以弱示人,
      但新任董事班人都似有些料到,
      無理由咁弱.

      刪除
  13. 1132回購股數的競猜遊戲既答案要星期日先可以揭曉,大家周末愉快,天氣涼記得吃橙。

    回覆刪除
    回覆
    1. More exactly, should be 3.735M. ^^ Mr Ng did a good job coz he had already used the highest possible price to buyback all day.

      Just a reminder, the highest repurchase price tomorrow will be $0.74. Go, Mr Ng!

      刪除
  14. 偉哥要學吓喇,哈哈。
    http://hk.on.cc/hk/bkn/cnt/finance/20171124/bkn-20171124222107586-1124_00842_001.html

    回覆刪除
    回覆
    1. derek 兄,笑屎我😂😂😂

      刪除
    2. 正喎,最好笑係佢話保持6歲既飲食習慣可以長壽,咁可能要保持埋6歲既生活習慣😂😂

      刪除
    3. 日日五罐可樂 + 麥記, 佢身體仲可以咁好, 只可以說佢天生異稟.....呢個亦可能是為何只有他一人是公認的股神。

      刪除
    4. 前列腺癌,目前處於一期階。美國癌症協會(American Cancer Society)的數據顯示,前列腺癌是除皮膚癌之外,美國男性最常患的癌症。

      刪除
  15. 哈!真的迅雷不及掩耳,可惜不同場、不同時間,沒法兼顧

    回覆刪除
  16. 很神奇地富昌持有的1.05億股3389, 竟然不是轉給張金兵, 而是轉去大股東張瑜平存倉的國泰君安, 不會是賣給張瑜平吧?

    回覆刪除
  17. 本身諗住走隻閱文,但係睇住HSBC個倉又想坐多坐

    回覆刪除
  18. https://www.facebook.com/cablechinadesk/posts/1567286880082459

    【財政部下調進口消費品關稅】【特殊嬰幼兒奶粉 尿片零關稅】
    財政部公布下個月1日開始,大幅調低部分進口消費品關稅,平均稅率由17.3%降至7.7%。

    對1717及一眾國內奶粉品牌應有負面影響吧。

    回覆刪除
  19. $西王特钢(01266)$ 本公司將自2017年起並於以後年度向股東派發股息。根據股息政策,本公司擬 以年度股息的形式與股東共享其溢利,金額預計達到本公司擁有人應佔本集團年度 綜合溢利的30%.
    現價計咪有10厘息

    回覆刪除
    回覆
    1. 今年派三成的話, 確實有機會是10厘股, 問題是睇返往績, 呢隻股盤數不可信, 再加上接近100%的負債比率, 真係驚驚。

      刪除
  20. 想問偉哥點解九倉(00004)warrant爆升

    回覆刪除
    回覆
    1. 唉, 你唔問我這條問題多好.....你問了, 我去找答案, 然後想搵把刀拮自己大腿!!!!!

      刪除
    2. 噢........真的沒想到,真係"超特殊事件"

      刪除
    3. 九置加权平均价51.15,因子3.341,理論上第二天九倉要21.85才平衡。可是,九倉一直25以上...

      解釋對嗎? 走寶了

      刪除
    4. 當然, 所以輪商一開市沒有出來維持秩序的時候, 有些散戶又唔知價, 賤價沽出, 益左有研究的人。

      刪除
    5. 呢樣野唔係正常?上次長地分散,長和warrent都係咁

      刪除
    6. 即係話買九倉warrant回報更高?

      刪除
    7. 後知後覺迎戰下一次特殊事件(如果仲有)
      我心倘淚中。。。

      刪除
    8. 請問九置加权平均价51.15可在那裡看到?

      刪除
    9. 通告有寫。

      所以星期五早上有些窩輪在輪商未出來維持秩序前, 與送錢沒有分別。

      刪除
  21. 問題咁第一日warrant點解唔升呢?輪商傻的嗎?

    回覆刪除
    回覆
    1. 明顯地輪商不是一開市就出來維持秩序, 而有些窩輪持有人沒有看通告, 只想復牌後就沽貨, 不知道他們手上的窩輪價值已大升。

      刪除
    2. Re: marco 好像星期四第一天冇市,權証未恢復買賣。

      刪除
  22. 有師兄跟四環醫藥0460嗎, 從3.5一直下跌, 昨天大成交升14%,有原因嗎?

    回覆刪除
  23. 2136(利福中國)在今年7月突然大升兩日,最高見$3.58,之後股價用咗約4個月緩緩下跌,剛好跌至現在的$2.58,消失了$1或28%,也差不多重回起步點。

    我想知道的是,當時炒起是否有什麼特別原因,之後又慢跌幾個月又是什麼原因?查CCASS,這幾個月來股票的集中程度不似有太大變化。事件有點奇怪。

    回覆刪除
    回覆
    1. 可能當時只係偉哥效應爆發 記得那幾天偉哥系都升得多

      刪除
  24. 不用Reits方式上市,無法律規管所謂65%派息比率根本無用,1997只會為大股東服務

    回覆刪除
  25. 偉哥 最近無跟進3399
    是否沽了或不再看好?

    回覆刪除
    回覆
    1. 有跟進、但沒有內容可寫, 等重組的消息, 他們最近已一直不願再會見投資者。

      有沒有買或沽, 只需一直留意網誌就知道, 我一直在有申報買入/沽出。

      刪除
    2. 他們最近已一直不願再會見投資者 <-- 同之前的態度唔同哂???

      刪除
    3. 朋友由9月開始約見, 一直拖延, 感覺和以前有差別, 可能是最近敏感時期, 不方便見投資者。

      刪除
  26. 1132 回購3.75M, highest price 0.73
    http://www.hkexnews.hk/listedco/listconews/sehk/2017/1126/LTN20171126016_C.pdf

    回覆刪除
  27. Should say, 1132 回購3.75M, @ 0.73

    回覆刪除
  28. 唔知有冇版友有興趣抄底紅黃藍?上個禮拜暴跌四成,但看來最壞的時刻過去了。

    在警方公佈對紅黃藍幼兒園虐童事件調查結果的24小時前,紅黃藍開了個投資者電話會,公司CFO魏萍在回答投資者提問時回應說「警方的調查最壞的結果將是,這次的事件會被認定為一起獨立的,紅黃藍旗下一個項目的員工做了壞事」。

    她對這個最壞的結果,預測的十分精準。

    平安北京昨晚發佈的調查結果說,涉事幼兒園教師劉某某(女,22歲,河北省人)因涉嫌虐待被看護人罪已被依法刑事拘留。

    回覆刪除
  29. 又一個丁蟹,永遠都有解釋,令到自己沒錯。沒得頂。

    回覆刪除
  30. http://www.chinapaper.net/news/show-25079.html
    個個都以爲雙十一對於紙箱需求,或者本身紙業本身係環保ge要求下淘汰左一部分細企業,帶動會令到紙業龍頭有更强ge定價權,理文/玖紙ge股價繼續向上,實際上最近1/2個月股價反而有唔少ge回調,黃雅媛最近轉的一篇文章都係道分析呢件事。

    唔知會唔會係其中一個契機,令到2320有賣盤ge打算呢?

    回覆刪除
    回覆
    1. 真係唔知幾個內線積極增持的原因。今月初那篇文章之後, 內線人士6度增持, 最高增持價仲要1.34。

      刪除
  31. 手中持有太多金寶通..今次業績收貨 但唔知應該係咩位置減持..
    唔知偉哥有冇高見?謝謝

    回覆刪除
    回覆
    1. 雖然唔關我事,但偉哥實在講咗太多次了....偉哥不提供買賣建議!

      刪除
    2. 很抱歉我不能提供任何買賣建議, 一來開左先例, 以後會有大量網友詢問買賣建議, 二來我是無牌人士, 不可以提供買賣建議。

      我可以做的只是分享我自己的買賣, 所以之前我高位減持320時, 也有與大家分享。

      刪除
  32. 醫生系今朝又多兩隻被打靶 3886, 684

    回覆刪除
    回覆
    1. 早排康宏環球(1019)被佳兆業(1638)大股東郭英成兒子郭曉群密密掃貨,持股達到29.91%,成為公司大股東,之後被對方要求召開特別股東大會,罷免曹貴子等八名董事。呢單野可能係苦肉計,曹生知自己有事,所以攪場大龍鳳,好等證監唔攪1019。

      刪除
    2. 是684

      http://www.hkexnews.hk/listedco/listconews/sehk/2017/1127/LTN20171127046_C.HTM
      http://www.hkexnews.hk/listedco/listconews/sehk/2017/1127/LTN20171127044_C.HTM

      刪除
    3. 哈哈, 是648。

      睇來1019真係有機會是苦肉計......

      刪除
    4. 還記得偉哥當年1225之役。如今,david webb總算大仇已報。

      刪除
    5. http://s.nextmedia.com/realtime/a.php?i=20171127&s=7015342&a=57509713

      前排另一隻疑似同系(6108)出事,我説笑會否攪吓攪吓攪到3886,點知開口中。今次SFC似乎想釘死邪惡集團,有人可能一身蟻。

      刪除
    6. 1225應該是粉系的, 和醫生系是友好, 但大家都好難分得清佢地之間的關係,反正本質是是相差無幾。

      刪除
  33. 927 今朝手痕掛1.63點知走左, 多謝偉哥

    回覆刪除
  34. 回覆
    1. 1975加倉?
      69930我均價都係0.2>_<

      刪除
    2. 港交所原本想入正股 依家跟Oman 兄 0.189

      刪除
    3. 跟Oman兄入左少少1975

      刪除
    4. 12月期指上日未平倉合約有65000張,
      今日12月成交已有65000張,
      估計轉埋今日倉大至可完成,
      明天市勢應可正常走返高些.
      但如果明天大市依然在29700樓下彈不上,
      自已就要執生,
      尤其的輪會有危險.

      刪除
    5. 1975點解咁有信心?
      個價格穩定期好似未過,會不會1.3只不過係護主盤?

      刪除
    6. oman5242017年11月25日 上午8:21
      依加考慮緊沽唔沽524,
      集中彈藥攻1975及888,
      888近日以弱示人,
      但新任董事班人都似有些料到,
      無理由咁弱.

      刪除
    7. Oman兄

      1975跟咗一注雞仔注係$1.29,祝大家好運

      刪除
    8. 小魚2017年11月23日 下午3:07
      Oman兄
      點解咁有信心?除了發行股数少之外,是否四太的因数?


      oman5242017年11月23日 下午3:12
      小魚兄,

      我只是針對佢貨少,
      都不是有沒有信心,
      可能佢真係不炒也未定.

      刪除

      刪除
    9. oman兄
      我買因為睇去上星期五去一口氣由$1.2上到$1.34但成交冇想像中咁大. 今日大跌市去亦無乜沽壓.所以跟咗一注雞仔注. 希望不會搭沉船啦.

      刪除
    10. 小魚兄,

      今日其實成交都很細,
      今早聯合證券交了在$1.31買左二百幾萬(我估是交波),
      我仲識識地游水,
      不怕沉船.

      刪除
    11. 12月期指高水141點!

      8160及1630又衝,
      只有睇的份兒。

      刪除
  35. 1132 頭位9.6 m 沽盤,睇黎有排消化!

    回覆刪除
    回覆
    1. 明天最高回購價0.75, 沽盤會退後到0.76元。

      刪除
    2. 工銀亞洲依家好似取代咗百裕既身份,另建銀國際同一價位同時有兩個牌好少見,可能放棄咗買完再排的低效做法。加上又係用最高價買,回購至今仍然顯得甚積極。

      刪除
    3. 今日伍生回購可能連1.5M股都唔夠,不過好消息係,明天最高回購價是$0.76,Yeah!

      刪除
    4. 今日回購了3百萬股。

      明天最高回購價應該是0.75。

      刪除
    5. 偉哥
      明天最高回購價不是0.76咩? ($0.7560)

      刪除
    6. 咁10:11:41那個1.73M的0.74既A盤,咁應該就係回購盤。

      另外0.75(今日)、0.74、0.73、0.69、0.69,其平均值乘1.05不應是0.756(四寫五入為$0.76)嗎?

      刪除
  36. 雖然1997沒有走到,但還是真心要謝謝偉哥。
    黑色星期一,祝網友們贏多點。

    回覆刪除
    回覆
    1. 我估上返50元不難, 今早買左1手@48.25

      刪除
    2. 772承你貴言$94成功沽出,但1997即使到$50我都不願意賣。

      刪除
    3. 我都無賣1997,揸耐d睇情況,收下息都可以 反正得一手

      刪除
    4. 1997仲有一半未走 @.@

      刪除
    5. 青儿在緊急治癒室剛剛被搶救出來

      刪除
  37. 這個浪諗吾明點解股仔吾趁機博大霧??
    這個接近大自然定論,今次點解無了??
    首先大家要知道每只股都有莊,打理佢既人,他們都係一個目的,
    趁機賺錢走人,今次去哂邊???例391,326,1047,156......
    全部都在97,07,15年,有一掍去昆人,
    我只想到唯一一個解釋,大市有排都未見頂,所以未係時候,
    吾知對不對???

    回覆刪除
    回覆
    1. fai 兄, 15年個牛三有人估會去到四萬點,點知DUM一聲就散水, 今次唔知係咪真正既大時代

      刪除
    2. 或者可以咁講,經歷2015年大時代之後, 再加上之前的粉爆事件, 令到散戶對呢類莊家股、財技股都好有戒心,短期內都好難再吸引到水魚接貨。

      另一個可能性係證監近來高調調查呢D莊家股, 令到莊家們都暫避風頭, 唔敢炒作。

      刪除
    3. faistock兄, 我支持你, 其實上到30000點, 我真係信只係一個開始, 之前只係唔合理地被外資打壓. 依家先係牛2既開始, 有排玩

      刪除
    4. Fai兄,唔只毫子股仔,二,三線實力股都未郁過!
      可能三萬點只係去到一半^__^

      刪除
    5. 最難明係一批證券股, 市好竟然唔升仲要係幾年低位浮動, 可能真係高處未算高

      內險內房雖然爆升重估, 但未算太偏離合理價值

      刪除
    6. 這種想法個市有大把空間升.仍全程投入追逐,到頭來又重寫老㪚慘痛歷史,我認為且戰且退為上策,勝利冲昏頭腦了,今年大多散户利潤不差,步步為營為佳。

      刪除
    7. 原因好簡單,就係點數只係假像,只能夠反映某幾隻股票既升勢
      實際上,個市根本唔多散戶參與,不少人15年個堆蟹貨,到而家3萬點都仲係蟹緊,根本壓死左郁唔到,最好既例子係3988,15年最高上到$5.X,如今不足$4
      所以對莊家黎講,而家唔係炒起既時機

      另外,今年淨流入香港股票既資金
      外資佔左1126.8億
      北水佔左2992.3億

      或者主人唔同,炒法又唔同左

      刪除
    8. 我覺得大家都醒左 股仔冇人坐貨 升一棍就走 炒唔到上去

      刪除
  38. 仲有經典261,個個浪都昆人,今次點解未昆???

    回覆刪除
  39. 香港免稅天堂老本買少見少
    http://std.stheadline.com/daily/news-content.php?id=1704578&target=2
    隨著時間的推移,內地人來港買貨的人(自由行的遊客)肯定會大大減少, 零售股有排衰!? 別的股票也將遭受損失?

    回覆刪除
  40. 701近日升勢凌厲,但子公司1932卻聞風不動。

    回覆刪除
  41. 777兄咩位入, 會止蝕嗎?

    回覆刪除
    回覆
    1. 我入價好高, 唔敢止了, 唉 >,,<

      刪除
    2. 雪球響我機過7%了, SHITTTTTTTTTTTTTTT

      刪除
    3. 根本IGG就唔值得買,你如果睇好手遊股最好選擇係700,巿場份額最大係佢,最有潛力既公司亦都俾佢買哂

      刪除
    4. 值不值看什么价入,今年升了很多!

      刪除

    5. 因為我自己有打機。
      如果你查下twitch 你會發現igg代理的遊戲
      https://zh.wikipedia.org/wiki/IGG
      基本没人在直播
      所以我並不看好

      刪除
    6. 近來連lol也少了人玩,相信是因為其他例如ps4等的大作出來了,
      包括Call of duty wwll
      super mario odyssey
      Playerunkowns 吃雞
      等。

      刪除
    7. IGG其實係唔差,上市到宜家盈利升左7倍,相反同期上市的博雅互動,盈利跌唔少。

      刪除
  42. 白马股持续下跌, 这么跌反而稳定了便宜小股(3399,517等)不需再做提款机。

    回覆刪除
  43. 想問問偉哥及各位,952發盈喜係咪一時沖喜?宜加有啲15年大時代蟹貨,諗緊溝唔溝貨好。

    回覆刪除
    回覆
    1. 港股市旺, 成交增加, 有利券商股, 業績應該是有實質改善。

      刪除
    2. 本港券商股業績最好應該是耀才,上客好多..出完盈喜都冇咩升到。(金利豐除外.)

      刪除
  44. 347就創52周高,難為581仲未但穩6蛂!
    1030老板係咪停左回購呢?

    回覆刪除
  45. 國內上證指數調整中,港股短線難免捱沽!

    回覆刪除
  46. 今日死傷慘重...聽日會係大屠殺定絕地反擊>___<

    回覆刪除
  47. 交金縮返去28000水平,北水收哂制,流入得返9億

    回覆刪除
  48. 明日香橙回購價0.76
    烏雲密佈下的一道曙光

    回覆刪除
    回覆
    1. 雖然未諗住賣
      每日升一格都幾開心

      刪除
    2. 呢粒橙一個月內由低位大升44%,三月計更升56%,有成交支持,問誰領風騷。

      刪除
  49. 呢幾日趁調整換走晒啲爛貨去,估計聽日大陸會回升,尾市見資金掃平保A。

    回覆刪除
  50. 0.70入787, 感覺應該會上返去個價

    回覆刪除