2017年12月21日 星期四

2017回顧 之2017之最


2017帳面獲利最多的股票:橙天嘉禾 (01132)

都不用多說, 有跟踪這網誌的網友肯定知道這是我今年最重倉的股票, 而且股價也上升了不少,所以帳面上獲利最多的股票肯定是這隻。如果有幸的話,這股有機會成為我歷來最賺錢的個股 (以銀碼計)。


2017已實現最多盈利的股票:中國東方 (00581)

這股在3月公佈全年業績後,我有如發現至寶,即時2.5x元高追買入,然後再跌再加,重倉持有,但之後跌到我都懷疑自己是否判斷錯誤,幸好最後跌到2元就止跌回升,最終升幅接近兩倍,讓我可以獲取厚利離場。


2017帳面虧損最多的股票:京西國際 (02339)

目前組合持股當中,輸大錢的並不多,唯有京西國際今年錄得重大的帳面虧損。此股今年股價跌幅約 40 %,  成為帳面虧損最多的股票是理所當然。今年股價大跌,主因是業績差,其次是注資遲遲未落實,現價已跌至我都不想止蝕的價格,唯有寄望明年狗股翻生。


2017已實現最大虧損的股票:萬華媒體 (00426)

一場馬拉松賣盤以失敗告終,最終全數止蝕離場,並錄得今年最大的個股虧損,只因當初以為賣盤已是十拿九穩,買入的注碼比較大,而後來一拖再拖,已有所擔憂,幸好股價曾借毛記申請上市炒高了兩天,我趁反彈止蝕部份,減少虧損,不然會更傷。


2017最難忘的股票:興發鋁業 (00098)

自己全力推動否決這公司的私有化,結果成功了,而股價在稍為回落後就大升,證明自己的看法正確,也為日後小股東反對不合理作價的私有化增強了勇氣及信心。這種置之死地而後生的經驗難得,而結果也很理想,故此股成為自己今年最難忘的股票。

231 則留言:

  1. 睇141的股權申報, 真係超級搞笑。

    低價配股後, 大股東又以較高價格在市場大手增持,想搞乜?

    回覆刪除
    回覆
    1. 最想的當然是大股東賣返隻殼出去。

      繼續觀察。

      刪除
    2. 偉哥,佢收到咁乾先黎賣殼? 我粗略計過下佢買殼,配2次股,既平均成本價都唔平喎...

      刪除
    3. 收到乾晒同賣殼冇衝突。

      刪除
    4. 這樣的操作認真離奇,也再次証明大股東本身錢多到使唔晒,低位的配股承配人如果是獨立第三方的話,形同低位大股東肯批股、高位大股東肯接貨,與送錢無分別。

      再賣番隻殼出去就更攪笑,之前股權較集中不賣,依家D貨散咗(至少明手係)先賣?

      入選2017年股市怪談之一。

      刪除
    5. 你留心追踪一下CCASS, 真係有散過貨出去?

      我諗呢隻野街貨不多過5%。

      刪除
    6. 141我有Check CCASS,光大用了一年時間分了至少三段時間射入幾個其他倉位,所以我一向得出的結論是隻嘢圍到乾晒,但大股東在高位增持實在與送錢無異。大股東配到剛剛維持50%,現在又增持,令我想到他與光大關係未必真係咁好。

      刪除
    7. 偉哥,我知收到乾晒同賣殼冇衝突,但如佢賣殼以殼價約6.5億+資產淨值5.2億 (from 2017 1H annual report) + 剛配股籌到0.46億 = 約12.2億
      但我粗略計過, 連埋2次配股,個莊都投放左10.87億入去。搞咁多野為左賺多1.3億? 定係我有咩諗溜左? 請指教!!

      刪除
    8. 賣殼機我覺得細,無理由集資咁多錢返公司先走黎賣殼,反而大股東進一步榨乾隻嘢機會不細,明天隻嘢可能有上升動力。

      刪除
    9. 141的大股東是上海翀盛投資管理有限公司, 這間投資公司本身應該冇經營實業, 買呢隻殼返來又冇轉型或注入任何業務, 令我相當懷疑佢只係想再轉售或者代客泊車。我問過一些上海的私募朋友,都冇聽過呢間公司。

      至於光大, 前後兩次配售都係佢經手, 最近一次仲係半個幾月前, 如果佢同大股東關係差的話, 相信半個多月前的配股也不會再交比佢做。

      刪除
    10. 睇返141的CCASS, 大股東連續兩日的增持都是由光大沽比佢, 而光大的貨就是低位配股的貨, 即係變相公司配股比光大, 然後光大賣比大股東, 轉手賺10%,真係唔知葫蘆裡賣乜藥。

      刪除
    11. 偉哥,如果你有睇盤,前2日中投同光大於1.7~1.76 區間不停交收的。有海量38K同46K盤。至於"上海翀盛投資管理有限公司",搵到少少資料,唔方便公開講,雖然未必好有用,稍後email俾你。

      刪除
  2. 多謝!偉哥,我都看了你幾年,不是每隻都跟你買,但你分析的股票真是令人佩服。


    回覆刪除
  3. 我亦要衷心感謝偉哥,多謝你的分析,分享

    回覆刪除
  4. 睇左半年,從未出過聲的,都要出來多謝偉哥一聲。

    回覆刪除
  5. 祝偉哥聖誕快樂、身體徤康
    搵錢重要但徤康更重要

    回覆刪除
  6. 除了萬華媒體外,其餘的股票都有跟偉哥,實在感激不盡。就1132呢隻股,令我養成每日睇ccass既習慣。
    PS: 1132那段的"有跟踪這網誌的網友都是這是"應該筆誤吧。

    回覆刪除
  7. 今早從首爾滑雪回來就收到waigor+伍爺一份聖誕禮物,大感謝!!

    以上waigor名單我都有參與,自己以注碼控制風險而興幸令虧損不太大,感心足了.

    回覆刪除
  8. 多謝偉哥, 今年睇你的分析學到好多野

    回覆刪除
  9. 900公布截至11月底止首三季業績,純利2.74億元,按年升21.24%;每股盈利65.43仙。平均總資產回報率為4.5%,而平均普通股 股東回報率為9.5%。期內,營業額9.50億元,按年升4.07%。淨利息收入增4.07%至7.65億元。

    回覆刪除
  10. 3399終於踢走材料物流業務

    回覆刪除
    回覆
    1. 好事, 盤數即刻靚左唔少,亦為上A股作好準備。

      刪除
    2. 一直唔明點解踢走, 踢走佢是為左專攻客運?同為A股上市?

      刪除
    3. 你了解一下所謂的物流業務是什麼, 就知道呢個業務已經過晒高峰期, 來緊只是一個難以提供什麼盈利貢獻的業務。

      等待剔除物流業務後,公司的資產負債表會靚好多, 而毛利率及純利率也會大幅提升。

      刪除
    4. 大灣區發展希望幫到佢一把

      刪除
    5. 我有預感2018年係屬於3399既好年份

      刪除
  11. 過去的一年,成績非常理想,嬴了兩倍,七位數字的回報。放出股票變現那一刻,我沒有立刻笑出來,反而流了很多眼淚。 抱歉,我並沒有任何成功經驗分享,而只有一錯再錯,最後僥幸翻身的故事。

    2014年,因為家庭原因,賣出了自住樓,2拿著百多萬投進市場,第一隻買入3399,想當年,只是$2.5,可惜$3就離場。不知是好彩還是運滯,半年後就碰上了2015的大時代,殼股GO股大炒特炒,還記得偉哥剛留言買了1282,我便立刻衝入廁所開Apps追入,這也是帳面上賺的最多的一隻,比買入價足足升了四倍,兩三個月後,我的帳面數也升到二百多萬,但好景不常,無論是指數還是個股也瞬間大插,市場明明已經開完派對,燒完煙花,但我還是相信只是「震倉」,日日走上雪球飲心靈雞湯,相信阿爺的雙降可以救市,結果雙降的是我的資產及精神健康。

    面對資產縮水,小兒出生,家庭經濟負擔,那一年我差點崩潰。幸好得到太太的支持,渡過了難關。

    去到2016,我沒有吸取過去的教訓,繼續訓身餘下的百多萬到殼股上,今次是524,見楊俊偉增持+電動車概念+殼股價,鐵三角組合,諗住可以升幾倍,贏番大時代所輸,點知收購電動車一拖再拖,股價一整年不斷低位徘徊,跌到0.5個段時間,身家再縮水,萬念俱灰。不知什麼原因,今年年頭炒上了,讓我有機會獲利離場,這一年也是飽受壓力中渡過,完全切合「你玩股,股玩你」。望一望手上舊錢,兩年來無多無少到,頭髮卻落了不少,照鏡都問自己,究竟為乜。

    放了524不久,收到患難之交的電話,說xx可以買,望一望,沒有考慮太多,繼續all in百多萬,真的死性不改,但沒有方寸的我,只有信。WTF,這隻股真的越升越有,帳面的銀碼越來越大,起初買入時,跟自己說,賺五成好走,賺了五成,又同自己講,應該仲有得去,不如一倍先,一倍後又倍半先心足........止賺位隨著貪念越來越後。心血來潮,突然有一晚好驚,好怕同大時代一樣,曾經擁有的東西,一下子消失,二話不說,第二天決定止賺。將好消息告訴太太,晚上開埋日結單給她查看,終於我們笑了。

    最後,借用雪球管我財--管兄的一句話作總結「我很清楚自己想要什麼,不能失去什麼。我絕不會用對我很重要的東西,去賭一些我並不迫切需要的東西。 」經過這三年的上上落落,感謝上天再次給我機會,寫此文是要警惕自己,不要再犯相同的過失,將來不要說賺錢,先做好不要胡亂輸錢,保本成為第一位。

    最後多謝偉哥,讓我在此學習及分享。

    共勉之。







    回覆刪除
    回覆
    1. 健仔,首先恭喜你,真心的,小弟都算係有少少經驗之人,非常非常明白你既感受!! 恭喜哂你有開心聖誕同新年。
      另一方面,溫馨提示一句:盡量避免次次All in, 有時一失足成千古恨,尤其你有家室。其實注碼同風險管理好重要,係保持股市長勝之道。(偉哥都成日提)
      共勉之

      刪除
    2. well say,well done!
      family always first. take care !

      刪除
    3. 睇完你篇分享,很感動。

      認識的人,都是在股票市場輸獲極甘然後覺醒,覺醒就會看到更加多,然後,多謝偉哥。 :)

      刪除
    4. 我朋友成日問我, 你對某隻股咁有信心, 點解唔All in?
      又有朋友問我, 你每年平均回報咁高, 點解唔用槓桿去賺多D?

      因為我已經輸唔起。我不再少年時,我不是單身一人,我有家庭負擔,所以我寧願賺少一些,但最少確保我不會再由零開始。

      刪除
    5. 健仔師兄,真係每個人既背景唔同,揹既包袱唔同,最緊要知道自己承受到幾多,有時真係不能太貪,貪就係人都貪,但貪時相反要睇下自己可以跌得幾多,生活都係最緊要開心,健康,唔好攪到自己太大壓力😊

      刪除
    6. Ching 利害
      想知xx是哪只

      刪除
    7. 我都好記得管財呢句話

      刪除
    8. 背負身庭重擔去炒股,特別動人

      刪除
    9. 加油,投資路上並不孤單

      刪除
    10. 健仔,謝謝分享,很好,很重要!

      刪除
    11. 恭喜。

      原來電話兄同你係患難之交......

      我聽過、接觸過好多真實經驗,健仔你應該係我目前已知所有同類情況當中下場最好嘅一個。

      值得我上水恭喜。

      刪除
    12. 劑劑All in,就算比你贏足99舖,每舖贏10倍都無用,第100舖遇著隻566、6863就瀨晒嘢啦。我認同睇準後係要大力卜落去既,咁先係快速增加財富既不二法門,但問題係人始終都會睇錯,以防萬一,看錯立即止蝕同每舖限住最多20-30%方為上策,話晒你都係有家室之人。共勉之

      刪除
    13. 哈哈,lol,x31294128好風趣

      刪除
    14. 連31294128兄都上水,我無理由唔嗒吓咀。
      恭喜哂健仔兄,呢段經歷除左最後令你帳面上獲益之外,希望你真正學習到投資的方式/態度,有好多人跌了下去已經不能番身,你肯定係幸運的一個,以後的路如何去行是自己控制的事,祝福你踏上一條正確光明大道。

      刪除
    15. 偉哥在股壇做了好多善事, 真係功德無量, 所謂好心有好報, 偉哥好野!

      刪除
    16. 淨係睇文字都感受到過程的精神折磨,希望你以後順順利利,同埋好好學習管兄同偉哥控制風險既方針。

      刪除
    17. 師兄真係要引以為戒,有家庭負擔切勿all in一隻股,心理壓力太大,寧願賺少啲訓得安樂,身體最緊要,錢財身外物。

      刪除
    18. 「我很清楚自己想要什麼,不能失去什麼。我絕不會用對我很重要的東西,去賭一些我並不迫切需要的東西。 」
      << 好贊同呢句,所以我今年放多左時間0係其他野度,少左好多接觸股票相關事項(除工作外)。

      刪除
    19. 有時唔係唔想上水,如果上水又會引到D打手出來,當然潛啦,大家都係想偉哥一路寫落去!

      刪除
    20. 健仔兄:很感觸,身同感受!

      刪除
    21. 健仔文筆好好, 睇到我有啲感觸, 尤其係"望一望手上舊錢,兩年來無多無少到,頭髮卻落了不少,照鏡都問自己,究竟為乜。"

      下次唔好賭咁大啦, 珍惜咁好的太太及可愛既BB, 祝福你!

      刪除
  12. 發覺原來以上提及的股票全部都跟買過,581當時第一次跟機都較重倉,惟最後都守得雲開,遺憾的係無食盡整個升浪。
    1132是本年持有最耐同多次炒波幅都係呢隻,同時亦都係曾經最重倉一隻,帶來不小盈利。
    98都係私有化失敗當天買入,回報都很不錯,惟當時注碼不多。
    2339同426幸好到後期先跟入,所以虧損不太多。
    OVERALL多謝偉哥的指引,亦都學識不小。

    回覆刪除
  13. 偉哥覺得橙最後賣盤機會大唔大,會唔會照你個劇本

    回覆刪除
    回覆
    1. 如果有長期睇我分析或者留言的, 都應該知道我的看法。

      還是那句, 抱樂觀的預期,作最壞的打算。

      刪除
    2. 我有長期跟進,所以到而家一股都無放過,只係想睇下有無改變睇法XD

      刪除
    3. 唉, 你看我在上一篇文章的留言, 覺得我有改變看法嗎?

      刪除
  14. 偉哥,2339可能要2019年先注資美國業務,因為狂人減稅15%要2019年先生效

    回覆刪除
    回覆
    1. 如果母公司是希望以最高估值注入北美業務, 那確實最佳注資時間是2019年....希望佢地唔會一再食言。

      刪除
  15. 偉哥, 想請教一下.
    本人都鍾意留意二三線股, 著重睇盤數, 做數據分析. 發展有部份股價未完全反映二三線股既真實價值, 另外, 市值低流動量低, 市場唔太留意, 股價好多時都橫行, 要等出好業績先會有反應. 你會否早1年買定等佢出業績?

    先謝謝.

    回覆刪除
    回覆
    1. 你如果好有信心你的目標股份是一定會升, 而且資金又沒有更好的用途,那買來等有乜問題?

      要考慮的無非就是確定性及機會成本。

      刪除
  16. 多謝偉哥,賺錢固然開心,但對投資既啟發更寶貴,真係終身受用

    回覆刪除
    回覆
    1. 無錯,偉哥唔止授人以魚,也授人以漁。

      不過唔係成日都睇得明曬。

      多謝偉哥的分享。

      祝偉哥同大家賺多點。

      刪除
  17. 偉哥,不好意思我再重覆問題一次,3688有無預期何時完成交易及收到錢?能趕及明年3月公布業績嗎?

    謝謝2017年與大家分享那麼多好股。

    回覆刪除
    回覆
    1. 沒有內線消息, 但你可以通過內線的動作去思考一下。

      刪除
    2. 謝謝提點!

      我只估到為何黃主席要行使可換股証券,但就不明白為何彩雲為何要行使小量CB。行使可換股証券目的明顥是攤薄彩雲股權,避免其觸發逾30%持股的強制GO責任。但為何彩雲要增持呢?我想來想去都想不通。

      但亦可以倒轉去理解,黃生想增持,但又不想進行強制GO,所以雲彩被迫要去行使CB攤薄對方股權。但我亦不明白為何黃生要在這個時候增持。

      刪除
    3. 其實3688我經常有一個問題,由於此股大股東(黃氏)及彩雲兩者合計股權佔比只有約不足60%(未計其他衍生工具之行使),逾40%是其他股東的,就算公司在出售重大資產後變成了一隻現金牛,何解大家對公司會派特別息那麼樂觀呢?

      我對股不太熟悉,有錯請賜教。

      刪除
    4. 呢隻股我暫時唔講太多, 費事影響佢地可能進行中的事。

      刪除
  18. 股友講今年個倉賺了4倍以上因為“今年要多謝偉哥由年頭開始跟偉哥買98,581, 1717,3688,558,004同埋1132。”
    不得不說 眼光吖!
    偉哥10隻中7的神力普照下 今年5大持股居然是 426 1132 903 2339 2317
    太大反差了

    回覆刪除
    回覆
    1. C9, 人有3衰6旺, 只要保住本金,下年再來過!

      刪除
  19. 要再次多謝偉哥!
    今年的回報應有接近40%

    回覆刪除
  20. 2017最悶股票: 3399 算唔算?
    哈哈 成年都無郁過呢隻

    回覆刪除
    回覆
    1. 當然不是, 年初曾升到上6元多, 足足升了5成, 我就是在6元以上沽清2016年在4元邊增持的貨。

      刪除
    2. 係wo
      但我自己無參與炒波幅 所以覺得好悶XD
      Btw 今日3399醒神晒
      似乎市場都同意剝離物流業務利好
      換番尼個梅州粵運盈利利同物流業務差唔多
      而且收入係增長中(希望2016唔係到頂)

      刪除
    3. 梅州2018-2020有二百幾個公路相關項目(包括高速,公路,客運站),梅州粵運起碼有兩個客運站,所以應該會再上嘅

      刪除
  21. 想請問偉哥及各位,如何克服止賺不止蝕既老散心態?以1417、3358為例,跌左一成時我無止蝕,但彈返上買入價5-10%時,就好驚要再坐,同埋唔想無左果5-10%盈利,結果賣左後沽升淚。如何克服呢種散戶心態?

    回覆刪除
    回覆
    1. 哈哈, 真係要你自己去體會、學習, 冇乜方法可以教你。

      刪除
    2. 可以試下買入價止蝕,有勢先再買番

      刪除
  22. 我還以為偉哥歷來賺錢(綜合來計)最多的股票是3399。

    回覆刪除
    回覆
    1. 計回報率, 最高是3399; 計銀碼現在還是, 但如果橙再發力, 很大機會會超越。

      3年前的重倉, 和現在的重倉, 可能百分比一樣, 但銀碼差距很大。

      刪除
    2. 橙也應該是我歷來賺得最多的單一股票,真心感激偉哥的深度分析。

      刪除
  23. 3389張金兵的增持足足遲了兩個多月才披露,披露監管似乎很鬆散。

    回覆刪除
    回覆
    1. 不是, 他是修訂披露, 我冇去核對呢次披露的修訂同初版有乜唔同。

      刪除
  24. 非常謝謝偉哥無私的分享,5隻都要跟,得1132和98操作較好,其他跟啲唔跟啲, 仍要學習。
    今年另較好的是年初建立了一個投資倉,佔投資組合一半,只買不賣,靠收息還貸款。好的是剛巧遇上港股牛市,差的是太遲了,應該早兩年就做,希望浮盈能夠應對未來的調整。
    較差的是投機倉於最後一季加大了一些當紅股,曾經賺但跌時冇止賺更加倉,結果現在要坐貨,有點2015年的影子。

    回覆刪除
  25. 看了今晚3389的ccass變動, 3.3億多股是從渣打的倉位沽出的, 有2億多股去了大股東的國泰君安倉位, 有1億多股去了東興。這3.34億股的減持, 估計是中再保沽出的, 可能明天或下星期三會有披露。

    個老狐狸先接了富昌的一億多股, 再接了中再保的2億多股, 都估計都是以友人名義接貨, 不會作出披露,但佢咁收貨法, 估計實際持股好快超過50%。

    睇下佢會點搞呢隻殼。

    回覆刪除
    回覆
    1. 我有理由相信東興的股份也是.......

      可能做了抵押。

      刪除
    2. 因為要避GO所以2.79%做抵押?中再保解決了,如何「趕走」SWATCH與LV還是個難題

      刪除
    3. 感覺呢隻野要有下文都有排搞

      刪除
  26. 3399係一隻好悶既股
    但睇過偉哥既分析
    係4.9-5.5出入過好多次
    見好似又有桐景
    4.63 再入過,支持下
    敢問偉哥均價幾多?

    回覆刪除
    回覆
    1. 偉哥平均扣埋紅股同收息應該少過$1.5

      刪除
    2. 不至於零成本, 但實際成本幾多, 我真係唔知, 因為自幾年前買到現在, 期間也有增、減持,出出入入,實在太難計條數。

      刪除
  27. 偉哥,點睇2000, 昨晚發公告把公司的知識產權資產轉讓,將所得的錢投入現有的主力業務,以及興建營運中心,業積每年都有不錯表現!

    回覆刪除
    回覆
    1. 問題係新業務能否、什麼時候可以填補到出售業務的盈利貢獻?

      刪除
    2. 明日,謝謝偉哥提醒,祝冬至快樂,新一年愈賺愈多!

      刪除
    3. 呢隻可能等公佈派特別息8仙左右, 炒高之時就是很好的機會止賺。

      始終佢賣左的是一項賺錢的業務, 如果無新盈利來源填補這空缺, 來緊估值會頗貴。

      刪除
    4. 係,佢賣果項算是最賺錢的項目。靜待佢公告股息抄高!

      刪除
  28. 回覆
    1. 一直都講同bluebird compare係超值。
      可惜d人好鐘意計pe. 其實未商業化都已經有pe仲想點?

      刪除
    2. 個波越吹越大,風險大高,留給胆大勇士去買

      刪除
    3. 已剛剛0成本左,等千億市值染blue. hsi 一值欠缺藥品/生物公司
      1548彈起,會令石藥染blue機會減低

      刪除
    4. 1548上市日期30/12/2015
      上市價(港元)1.31
      PB 23倍

      2018年見50蚊!?

      刪除
    5. 當前的PB 23倍, 不是在上市時.

      刪除
    6. 咁升法,隨時可能轉頭就話配股

      刪除
    7. 子公司已經收johnson錢,你太杞人憂天。
      要配都係高股價配。
      500億市值後

      刪除
    8. 我都係揸左呢隻7個交易日,升到我都有d驚XD
      唔睇佢算

      刪除
    9. 用pb/pe睇係一定唔會買,但經1918後學習了要了解別人的估值method. 今次終於捉到1548!

      刪除
    10. 得兩手,唔敢放,睇多陣先

      刪除
  29. oman兄

    94開心游一轉, 多謝你的聖誕禮物

    回覆刪除
    回覆
    1. 小魚兄,

      這幾天很忙,
      都無乜時間睇市.
      隻94俾盈透掃下掃下好睇左少少.

      刪除
  30. very 666 big volume turnover at $0.152

    回覆刪除
    回覆
    1. 638,@2.91沽出2.4x的貨,Thanks.

      刪除
    2. 638多年來投資機械人製造,累積深厚經驗,有助建立專門技能和高度自動化的廠房設置,讓集團作好準備,尋求邁進其他科技推動的生產領域,為進一步增長奠定基礎。

      其摩打業務是製造機械人的重要組成部分, 具有協同效應, 還可以賣給別人製造機械人。

      巨大的工廠用地和與政府的良好關係有利於其房地產開發業務。

      引入基金後,有了想像空間, 我傾向於長期投資。

      刪除
    3. 冠城鐘錶珠寶集團有限公司(256)老闆韓國龍在買222!? 無論如何福建省政府將會養大222。

      韓國龍 99,398,000股 16.64% 23/11/2017

      刪除
  31. 今年最大既得着係開始跟蹤偉哥既BLOG,先開始明白點解有啲股肯俾啲時間等下就會有收穫。
    之前買細價股都係睇圖睇價位,見到入十大跌幅就入去搏反彈,損失咗唔少錢同時間。
    再之前,以為買藍壽安全啲,點知俾我踩中隻渣打,勁灰。
    今年第一隻跟偉哥買既就係橙,但因為初頭唔太熟悉,所以小注玩下,之後再慢慢加倉,成為今年帳面賺40%既股票,真係多謝哂。
    另外一隻係398,質素都好好,會繼續慢慢加。
    有時,我都唔明點解湯財對偉哥咁反感,偉哥又無做莊,又無叫人買老千股,提供的分析都係真實準確。如果有不確定既情況,會老實同大家講,同埋提醒要注意風險。
    希望偉哥身體健康,日日命中倍升股。

    回覆刪除
    回覆
    1. 哈哈, 在某人眼中我買的所有股都是老千、垃圾....
      一個我素未謀面、也沒有來往的人,如此憎我,我也是不明所以。

      刪除
    2. 很抱歉我移除了一些留言,因為唔想係背後講人閒話,請大家諒解。

      刪除
    3. 我仲以為自己啲留言又被GOOGLE刪咗添HAHA

      某人由清泉變濁流,可惜。

      偉哥,我對財務數字同複雜既規則完全提唔起勁,但都希望可以慢慢學到少少,賺唔到大錢,起碼都唔好俾人千到,偉哥始終有一日會老,會退落黎,所以要趁偉哥分析同出文量全盛時期,要學多啲:D 多謝偉哥

      刪除
    4. 不招人妒是庸才,不用太介意就是了

      刪除
  32. 偉哥之前有果隻1030都升到4.3了

    回覆刪除
  33. 750,愛股回來了回來了!

    回覆刪除
    回覆
    1. Tk兄點解睇好呢隻?我之前有揸過,但係最後蝕住走

      刪除
  34. 1918都返來了, 可惜無在低位買....

    回覆刪除
    回覆
    1. 我每跌一個價位都有加注,但牛就救不回來了

      刪除
    2. 你好野, 好彩我都有加3399, 不過1918真係升得好快, 祝你2017賺多些

      刪除
    3. 青儿是病態賭徒,升穿31元後她又會買入

      刪除
    4. 青兒姐又無叫人跟, 不要一開口就話人病態賭徒.
      人地賺到, 人地厲害

      刪除
    5. 原來是你青儿,剛才3688有100萬股買入@4.2

      刪除
    6. 我只是跟她說說笑,希望青儿姐姐不要介意啊

      刪除
    7. 青兒大方得體, 搵錢又叻, 人靚歌甜, 點會介意呢...

      刪除
    8. 我承認我絕對是個病熊賭徒,你說的一點的都沒有錯,賭場有輸有贏,沒有永勝將軍,我這次換入3688是有原因的,但世事無絕對,但我不想錯過最後一次贏錢的机會,回头看看雙3358真是想死的心都有,偉哥當時在$3.11入的,后股价一直都是向下,有一百次給我買入的機會,可我卻錯過了那一百次入貨機會,這次我一定不會再錯過。

      刪除
    9. 哈哈, 咁我埋仲慘, 都算低位撈到貨, 但新股信心不足, 轉個頭輸幾格走左, 不然而家都有10%回報了。

      刪除
    10. 這裡很多網友都是比較大方,可以開得玩笑的, 首推肯定是777;青兒雖然有小女子脾氣,但性格坦率,也是好相處的。

      刪除
    11. 有怎樣的blog主, 就有怎樣的粉絲 ^,,^

      刪除
    12. 777你呢句好中,非常極之認同!!!

      刪除
  35. 醫藥股升, 但PK李超人隻775可以郁都唔郁!!

    回覆刪除
  36. 祝偉哥及網友們
    冬至及聖誕快樂!🎄🎄

    回覆刪除
    回覆
    1. 在冬至這個家庭團聚慶賀的日子,祝大家嘉禾萬事興。

      刪除
    2. 祝大家冬至聖誕快樂! 感謝偉哥使用我的詩

      刪除
    3. 咁呢句好應節啊,哈哈。

      刪除
  37. 自九倉分拆後,一直有留其股價,感覺有心人士控制其股價在極窄幅區間浮動,不知所為其事,睇番之前d新聞,有其中一個傳聞比較吸引,
    分拆後的九倉會變成淨現金公司,主要負責中國地產業務和其他非地產業務,將來大有機會比母公司會德豐私有化,再睇番偉哥的賽後檢討,九倉的帳面資產凈值和現價有近三成八折讓,如日後真的比母公司私有化,對股價也起正面作用!

    回覆刪除
  38. 多得偉哥 我終於將前年股災輸左既賺返返來

    回覆刪除
    回覆
    1. 又一個可歌可泣既故事, 但我那個如無意外在2017年都仍是悲劇

      刪除
  39. 回覆
    1. 兩間不同的公司、不同的行業, 走勢如此相似, 真係好奇怪。

      刪除
    2. 以往試過好多次都係咁, 唔通幕後炒家係同一班人

      刪除
    3. 哈哈,偉哥,你有冇諗過correlation 咁高好可能係咁因為你。你提話買/可能買OR賣/可能賣呢2隻既時間都好相近架!

      刪除
    4. 我都唔敢唔跟了, 現在我都跟足偉哥買入賣出. 希望2018年賺返

      刪除
    5. 重點要跟埋注碼大小先得

      刪除
    6. 我集中左係3399, 但1132 在0.65那注只得幾萬, 唉...

      刪除
    7. 1717 金英仲沽緊, 但呢兩日買盤多左好多, 唔知係覺得已抵買, 定係做window dressing.

      刪除
    8. https://beyondredblog.wordpress.com/tag/澳優乳業/ 呢編文章都講左1717的隠憂 大家可以參考下

      刪除
    9. 1717呢二天應該是受蒙牛帶動多

      刪除
  40. 祝偉哥和綱友們冬至和聖誕節快樂!2018年揾多多!更上一層樓!1548顛咗,可惜買得少,今朝20蚊沽清!

    回覆刪除
  41. 唔通元大真係沽清1717, 仲以為今日有機會在3.x入

    回覆刪除
    回覆
    1. 7兄,哭求你唔好入1717,難得我d股仔一隻又一隻盈利.要入既求你入1212,細劉等緊你,我等10蚊入等到蚊瞓.

      刪除
    2. Terry兄,我在4.02已有貨,只是想再加😂

      刪除
    3. 我第二注也是4.02...不過第一注是4.47@@

      刪除
    4. 不過有些担心是window dressing

      刪除
  42. 隻橙真係比次次第2日都收哂手 坐到一月等開彩算

    回覆刪除
  43. 859大股東的倉位又再轉倉, 應該是交易已完成了, 等今日或下星期出通告, 直接講交易已完成,無需再等。

    回覆刪除
    回覆
    1. 假設收購真係2.30, 有無誘因復牌後股價會高過2.30呢?

      刪除
    2. 睇買家係邊個, 如果大有來頭的, 有機會再炒高些少,例如888咁。

      估計作價應該不低於25億元, 比得呢個價來買間上市殼及物業的, 應該唔會係小公司, 而且大機會是內房。

      做埋GO, 原本大股東已持接近75%貨, 可能都會收到成手都係貨。

      刪除
    3. 估計最遲下周內會出通告及復牌,睇下會比小股東一份聖誕禮物, 定係新年禮物。

      刪除
    4. 偉哥多謝, 期待好消息一個接一個!! Merry Christimas

      刪除
  44. 今年最愛賺最多的是1982,今日又是快樂冬至

    回覆刪除
  45. 祝偉哥和綱友們冬至和聖誕節快樂,2018大家繼續賺多d!
    今年跟偉哥操作,心足了.
    衷心感謝偉哥,多謝你的無私分享.

    回覆刪除
  46. 3836今日真強! 剛穿阻力位。

    回覆刪除
  47. 冬至快樂,祝偉哥身體健康,下年再帶領我地贏大鑊

    回覆刪除
  48. 777回購後似在$20企穩,入少少試下

    回覆刪除
  49. 我這年在此最印象深刻的一役是新世界百貨中國,
    即使沒有提價,但由於有足夠時間撤走,也收穫甚豐。
    這隻要謝謝偉哥及大家所提供的見解。

    回覆刪除
  50. 有沒有師兄是紙的用戶, 近來包裝用紙的價格是否已經下跌了。如東莞。

    回覆刪除
    回覆
    1. 07:52 【废纸涨价潮突袭全国 51家纸企最高再涨200元/吨】12月20日-21日全国59家造纸厂的最新废纸报价显示,有51家纸企都上调了废纸价格,幅度在30-200元/吨!在经历了前几天的低迷时期后,废纸价格迎来了反弹,而且这一波涨势已经蔓延至华东、华南、西南、西北等地,可以说是如龙卷风般席卷全国。(华印纸箱)

      刪除
  51. 豬太系無郁,難道曹龜子單野有份🤣

    回覆刪除