2017年12月31日 星期日

2017年總結


2017年是悲喜交集的一年。

悲的是小型股徹底被市場遺棄、漠視,在恒指大升30%的一年,大量的中小型跑輸大市,當中有不少竟然是逆市下跌的;喜的是在小型股艱難的一年,自己投資組合主力小型股,仍可以取得49.5%的回報,跑贏大市。

目前五大持股:

橙天嘉禾(01132)
粵運交通 (03399)
鎮科集團 (00859)
興發鋁業 (00098)
旭日集團 (00393)

現金比重: 20%

目前持股數目:22 (比上年的30隻有所減少,持倉相對集中)

回首過去10年累績回報大約10倍,年均複式回報約27%,組合由原本的低7位數累積至現在的低8位數。這成績大家或許會覺得非常優異,只是了解到很多朋友、網友的成績後,我也不敢驕傲自滿,仍需繼續努力不懈。而隨著組合資金持續膨脹,要持續取得高回報是越來越難,尤其是主力小型股的話,有很多缺乏流動性的股票,當你只是買數萬元或數十萬元的話,買入賣出都還可以;但要買賣再多,就會明顯感受到流動性不足的困境,故此只能通過提升選股的準確度及發掘更多有潛力的好股去解決這問題。。

今年在事件驅動方面取得很好的成績,最佳例子莫過於買入橙天嘉禾(01132)博其出售資產後估值獲得提升,與及爭取否決興發鋁業(00098)私有化,並令市場認識、重估其價值,這兩宗交易都令我獲利豐厚。事件驅動這個領域已成為我的專長,近年屢屢在此方面取得佳績,故此未來我會繼續花多些時間深入研究、發掘事件驅動的投資/投機機會,發揮自己的專長。

展望2018年,自己覺得股市是危險與機遇並存:危險是很多大型股的估值已不便宜,如果市場氣氛一逆轉,或會導致成個市場出現大幅度的調整;機遇是很多中小型股估值仍非常低殘,如果市場仍可以維持穩定或上升的話,相信中小型股有機會迎頭趕上。來年自己希望改善的是:

1. 將組合持股再集中一些,目標是持股20隻以內。以往的分散投資確實是過份分散,雖說可以分散風險,但却不利於爭取較高回報。

2. 近年很多投資水平與我相若、甚至差過我的,投資回報却遠高於我,最主要原因是當發現確定性很高的機會時,我出於審慎原則,可能只會買入5%或最多10%的倉位,但其他朋友却是買50%、甚至全倉All in。坦白說,要我用50%倉位或全倉買一隻股票是不可能的事,但我要檢討的是當再遇到一些確定性很高的投資/投機機會時,能否將倉位再提高一些,而不是局限於5%或者10%?最明顯的例子莫過於今年第4季的公佈盈喜後的力勁科技 (00558)或股價升破私有化作價之時的新城發展(01030),這種確定性很高的機會是可一不可再,雖然自己當時也用了頗大倉位買入,但說穿了其實也只是5、6%而已,浪費了很好的機會。

3. 提升選股精確度。以前可能買10隻有6、7隻贏錢,希望可以逐步提升至10隻持股中有7、8隻是贏錢。這需要通過自己更深入的發掘、研究及與朋友的交流去達致。

最後,今年是自己踏入股市的第21年。如果以每10年為一個階段的話,那第一個10年是學習階段,管理的資金從初期的5位數增至6位數。這階段主要是在市場交些學費,什麼都嘗試一下,尋找適合自己的投資方式。第2個10年是沉澱期,管理的資金大部份時間都是7位數;這時期是凝聚投資知識、累積實戰經驗,固定自己的投資風格及風向。第3個10年希望是收成期,管理的資金期望可以由8位數增至9位數;而今年作為這個10年期的開局,總算是為自己的目標及期望奠定了良好的基礎!

2018,大家再接再厲,一起向前行。



225 則留言:

  1. 祝偉哥2018年投資更上一層樓及最緊要身體健康!

    回覆刪除
  2. 祝大家身體健康,股運亨通
    偉哥投資繼續得心應手

    回覆刪除
  3. 有信心偉哥一定可以成功!2018大家賺多D~~~

    回覆刪除
  4. 先祝偉哥來年心想事成 身體健康 各位網友長赚長有

    回覆刪除
  5. 加油偉哥,祝你身體健康,生活愉快

    回覆刪除
  6. 祝偉哥和網友們出入平安,健康快樂,買什麼升什麼。
    认识你們,是我这辈子最大的幸运。
    感谢你們,在我的生命中增添了無限色彩.....
    這是我對你們最真摯的祝福!

    回覆刪除
  7. 偉哥,非常多謝你一直以為無私分享,係你身上學左好多投資心得同技巧!!無言感激!!
    倉位組合由8位數上9位難度必然大增,但相信以偉哥功力,必定能夠成功的!!
    而我今年於投資路上其中一點深刻體會與偉哥很相同是:看中大機率的投資標的,不妨提高持貨量,但前提是對該投資標的的認識,計算及考量必需極之細心及透徹,盡量做到0.001% error. 要達到該水平,有一非常有效途徑乃是多與有做深入功課之朋友/網友反覆討論,以補足自己之盲點。討論過程亦可能接收到一些之前沒有收/留意的資訊或被提醒一些被忽略的細節,這樣或許會更滴水不漏.故希望將來能與這裡的網友,甚至日後會變成朋友的投資同路人多作交流!大家一齊努力!!

    2018祝願各位投資路上一帆風順,回報豐厚!!

    回覆刪除
  8. 偉哥,新年快上,來年得心應手!
    想請教點睇隻希瑪眼科,見股東星光熠熠!

    回覆刪除
    回覆
    1. 希瑪眼科有炒作機會的, 但估值極貴, 我冇信心落大注。

      刪除
  9. 祝大家2018一齊發, 身體健康, 生活愉快。

    回覆刪除
  10. 祝偉哥與各位網友2018年
    股海得意 心想事成 身體健康

    回覆刪除
  11. 祝偉哥身心健康,合家快樂,2018带领網友股海偷金!

    回覆刪除
  12. 偉哥,希望能繼續出文,繼續學習,新年快樂

    回覆刪除
  13. 2017年最失望股票莫過於161, 子公司深南電路上市後升了近6倍,161價值升但股價反而跌了20幾%, 真係人間惨劇

    回覆刪除
    回覆
    1. 161在2017年都升了不少啊。

      或許只是稍為休息一下, 2018年再創新高也說不定。

      刪除
  14. 股海泛舟,几番浮沉,慘遭財演,幸遇偉哥!
    2018,祝偉哥及各位師兄師姐,身體健康,再創佳績!

    回覆刪除
    回覆
    1. 投資路上很難是一帆風順的,我的頭10年都是交學費多,然後才慢慢學懂一些.....

      真心覺得如果幾番浮沉, 仍未能掌握股市贏錢之道,倒不如等大跌市買盈富基金。

      刪除
  15. 好開心偉哥訂下未來的10年投資計劃,我也願在未來這個10年繼續跟偉哥學習,也努力去實現自己的目標。

    回覆刪除
    回覆
    1. 哈哈, 沒有什麼10年計劃, 只是給自己一個奮鬥的目標而已。

      刪除
  16. 今天看了859復牌後首天交易的CCASS變動, 基本上已註定此股在要約完成前都會受制於要約價及新股東會接到成手都係貨。

    回覆刪除
    回覆
    1. 請問偉哥會全部接受要約嗎?
      還是留ㄧ些看是否能炒
      謝謝

      刪除
    2. 看859 CCASS倉位變動, 第一日接貨的基本上都是做套利為主的基金, 而做套利的基金接晒貨, 意味著佢地只是打算以GO價比貨新大股東, 或者市場有人掃上GO價的時候沽出, 所以在GO完成前, 好難升過2.43元。

      新股東好大機會收到90%的貨,到時要停牌及配股比人。

      刪除
    3. 不好意思,偉哥,請問大摩,高盛,UBS這些都是主要做套利的機構?
      謝謝

      刪除
    4. 並不是高盛、大摩、UBS這些主要做套利, 而是做套利的外資主要會存倉在幾間外資行。幾間外資行原本沒有什麼倉位, 為何突然大手接貨? 因為是做無風險套利。

      刪除
  17. 感謝偉哥與各位
    祝愿大家新年進步身體健康天道酬勤

    回覆刪除
  18. 祝願各位2018股海旗開得勝, 荷包腫脹, 身體健康!! 自己來年都可以憑自己搵到只必勝股

    回覆刪除
  19. 偉哥加油,我睇你的BLOG七年 學到好多好多野
    又一年了,希望你股運亨通,更上一層樓

    回覆刪除
  20. 偉哥多年來,在投資路上無私分享給大家,我也常常相伴學習,無言感激!祝偉哥今年心想事成,身體健康,各位網友繼往開來,股運亨通與身體健康也不可缺一,努力、加油。

    回覆刪除
  21. 感激在股海浮沈中遇上偉哥, 感恩在這平台上學懂更多, 感謝2017 我終有機會番身, 2018 希望偉哥,各師兄師姐笑到終點.

    回覆刪除
  22. 祝偉哥同大家新年快樂。
    2017已過,7字尾年股災已過
    2018順風順水,大家賺多d。

    回覆刪除
  23. 祝各位新年快樂,身體健康,2018賺到盆滿缽滿!

    今年兩大策略,重倉5仔實行手中有股心中無股,跟偉哥機沾下運氣^^

    回覆刪除
  24. 2017 在股票方面, 對我可是一個里程碑哦!!

    偉哥引導下, 大家留言思維裡, 透過網上大量既資源, 經不斷反覆查找, 推敲以及思考配對, 真的非常多既得著!!

    正如某位師兄講, 除金錢外, 投資態度既改變才是對投資人最大既得著, 一生受用!!!

    現在每買入一隻股票, 我可是有非常清晣既原因 及目標, 加上一直在關注及跟進, 適時既微調,相對起過往既我, 嘻嘻!! 靠譜得多囉!!

    9位數既偉哥, 我可是想和大家一齊見證哦!

    2018 伊始, 祝願大家:財富, 健康, 滿足感, 開心快樂兼得!!!!

    回覆刪除
    回覆
    1. 2017我都賺了。
      當然唔及大家。
      唯有再接再厲。

      祝大家身體健康,越賺越多。

      刪除
    2. 漏咗。。。

      多謝偉哥同咁多位網友的分享。

      刪除
  25. 偉哥你好, 多謝你一直無私sharing. 感覺你的玩法是香港股市上的Joel Greenblatt. 這blog記錄的都是special situation investing的好教材.

    祝2018年一切順利

    回覆刪除
  26. 我2017年揸重2198三江化工,但股價唔生性,公司銷售環氧乙烷,價係升左唔小,但原材料甲醇升得仲勁!!!最近5.5買左581同2.2高追左新股2078,都係好差嘅投資!希望18年會有改善💪

    回覆刪除
  27. 芸芸新股中,睇中2292晉安同6182乙德,希望首日有20-30%升幅。其他新股都會小注抽下(澳門+坡佬就要特別小心),期望重溫17年7月既新股狂熱。唔知偉哥有無邊隻心水?

    回覆刪除
    回覆
    1. 芸芸新股中,今早看了遍,揀了3699、2292、9313、IPO現金小注,孖展不會。

      刪除
    2. Terry兄,還記得169嗎?
      小弟信你的直覺,小注

      刪除
    3. Alan兄竟然記到宜家。。。祝新一年大家都賺多d!3309也會落稍多注碼的,不過偉哥話估值偏費,似乎都係短炒多。

      waishing Lau兄,為何睇中8313?搏佢好似1730?不過坡佬股風險好高。。。

      刪除
    4. 2292上市兩年後才可賣殻,未知會否影響上市時的炒作。

      刪除
    5. 這輪新股好多垃圾, 稍好的就估值昂貴, 沒有特別心水, 如果要博的話就博招股反應冷淡的。

      刪除
  28. 轉眼間已看了偉哥手札三年了
    11月尾接受了6123的要約,持貨兩年半,最終回報119%,幸好小注,否則應該捱唔住一早止蝕
    不過呢一小注令我這三年的已實現回報(全部跟偉哥)去到6位數字(仲持有緊股票既唔計)
    雖然數目不大,但感慨良多,因為睇偉哥之前,長期蝕錢
    小弟選股(好多偉哥推介既好股都錯過了)同買賣時機(尤其即市反應)都好一般,竟然都可以做到呢個成績
    真係要再一次感謝偉哥既無私分享

    回覆刪除
  29. 2018年期待1132大爆發,謝謝偉哥的開心share, Happy New Year

    回覆刪除
  30. 多謝偉哥無私既分享,小妹係17年年中誤打誤撞黎遇上偉哥既blog,會認真向各位學習,希望2020有機會去bbq.
    祝各位18年身體健康,發上發

    回覆刪除
  31. 偉哥呢度卧虎藏龍, 想問吓有無師兄師姐對樓市有研究。 小弟一家4口, 現時租樓住。 呢幾年都想買樓, 但覺得樓價偏高, 應會調整, 所以一值未有入市。結果當然錯得緊要。

    其實而家的樓價, 唔計一手盤, 我覺得有小小係有價無市, 有d 似股票的乾升, 但係又未有一個誘因令樓價大幅下跌。

    各位對樓市有研究的網友, 覺得2018大唔大機會係樓價轉勢的一年。 定繼續乾升機會大d?

    回覆刪除
    回覆
    1. 可能我諗太多錯失上車機會, 但似終一上車就要揹廿幾三十年, 若遇上97,03情況, 真係好悲。

      支持自己呢幾年都唔入市的原因, 就係97時都個個話樓價唔會跌, 搵唔到跌的原因, 最後係點, 我諗同我差不多年紀的三四十歲網友必定清楚。

      但守到呢一刻, 我開始懷疑, 而家量化寬鬆下, 97的情況唔知要幾時先發生。到發生時, 樓價已升幾倍, 即使跌反5-7成, 我係咪一樣買唔起呢?

      刪除
    2. 即使調整都唔會多吧,緩慢加息作用不大,市場仍然供不應求,回少少已有大量買盤,師兄係剛需宜盡早上車,咁等落去唔係辦法。

      我前幾年賣左樓,轉而到大灣區覓機會,但我冇家庭負擔。

      刪除
    3. 我覺得唔係樓價貴,而係“錢”的價值平了,購買力低了,樓價個數字就大了。
      而家保安都過萬,幾年前洗碗都17000(灣仔間上海369)。
      以前銀根會緊張因為都會怕錢貶值,而家印咗咁多年都無事,下次只會繼續印。

      電子貨幣令印錢速度快十倍,錢只會唔見駛。

      所以點都要投資,投資產。樓又好股票又好。

      刪除
    4. 想分享下個人經驗:16年預備結婚,家人準備左首期。適逢樓市調整,不過睇左幾十間都無買到。原因有二:1. 唔想揮霍父母儲蓄;2. 嫌貴。宜家睇返,以投資論當然錯得離譜。

      17年小女出世,我最後都拎左家人首期,買左層細單位,做雙租族:租金扣左按揭後,幫補收入,同時與樓市同步,升時有份,跌更好,可以更平換入自住樓。

      以升吧兄情況,正如古樂兄言,有需要購入無妨。如果無信心入市,可以考慮下做雙租族。留意下連租約盤,可能執到荀貨。

      刪除
    5. 想分享下個人經驗:16年預備結婚,家人準備左首期。適逢樓市調整,不過睇左幾十間都無買到。原因有二:1. 唔想揮霍父母儲蓄;2. 嫌貴。宜家睇返,以投資論當然錯得離譜。

      17年小女出世,我最後都拎左家人首期,買左層細單位,做雙租族:租金扣左按揭後,幫補收入,同時與樓市同步,升時有份,跌更好,可以更平換入自住樓。

      以升吧兄情況,正如古樂兄言,有需要購入無妨。如果無信心入市,可以考慮下做雙租族。留意下連租約盤,可能執到荀貨。

      P.s貼左幾次留言都無左。。。

      刪除
    6. "做雙租族:租金扣左按揭後,幫補收入,同時與樓市同步,升時有份,跌更好,可以更平換入自住樓"
      以上類似論点,在這裡或其他地方也聴過不少,但小弟愚昧,在實際操作上真的不明白怎様可操作?請賜教
      如楼市續升和放寬按揭,當然可细单位換大单位。
      但如楼價跌,假設细單位買入價為5佰萬,幾年後跌至4佰萬,3佰50萬,扣除這幾年供款後,可能是负資產或平手離场取回些少,屆時怎可以在楼價低時再買平單位做按揭?再問父母再借首期買樓?
      如不賣之前單位,再買多一個中单位自住,家庭總收入可通過2個單位銀行按揭?或你妻子收入可以—個人通過銀行按揭?
      看似大前提是要家庭收入非常豐厚或有很多積蓄才可實行"升市同步,跌市更好换大單位winwin方案"
      我覺得現實是升吧兄決定買入單位就是賭你自己的命運和眼光。成就王,輸就接受現實負資產認命(因经歷過97和O3年的負資產,人生再上車時如再遇第二次負資産,年纪上基本上是不可能再返生)。
      P. S. :没有经歷過97,是很難理解當時上咗車嘅苦處!

      刪除
    7. 唉, 當局者迷, Lee Tin兄一語解開了我呢幾年都未能立定主意上車的心結, 現時買樓, 正正就好似拿畢生積蓄(雖然唔係好多),同未來二,三十年的生活儲一鋪, 個人認為已不存在眼光的因素, 我諗係呢個moment, 樓價會再上定落, 大家都係憑自己的信念(睇好定睇差樓市)斷估。

      呢鋪賭蠃, 咪係親戚朋友面前認屎認屁, 耀武揚威, 全靠我當時當機立斷入市;賭输左, 以我年紀, 應該就永不翻身。

      我今年40, 97時未有資格買樓做負資產, 但當時社會上的怨氣, 仍是記憶猶新。

      賭唔賭呢鋪, 只有自己揸主意。 若經濟轉差, 身上積蓄買樓後又所餘無幾, 加上失業(中年危機, 哈哈)斷供, 唔通成家訓街。唔買, 租金不斷上升, 只可能越住越貴同越住越細。

      一個人無眼光, 無遠見, 無係識當時候找緊機會, 實在可悲。

      刪除
    8. 最緊要家庭取得共識 如OK繼續租樓就不要想了 左諗右度時間走了白頭髮多了機會只有天知了
      親朋戚友行一邊啦 不要諗人地點諗你地 自己過自己的生活

      我做事不能左諗右諗否則就會拖一世 樓在沙士期間買的 雖則細 夠住 已供完 樓市系點經已唔關注


      “若經濟轉差, 身上積蓄買樓後又所餘無幾, 加上失業(中年危機, 哈哈)斷供, 唔通成家訓街。”
      ------------------------
      香港多幾個甘嘅諗法 樓價應該會跌

      刪除
    9. Lee tin兄,雙租族只是樓市狂升下的無奈之舉,希望有對沖效果而已,可行與否難說。不如就計下數,若有計錯之處請指點,大家分享研究一下。

      假設一家四口,有200萬儲蓄,月租12000元,目標是買800萬自住樓,現欠600萬。有三個選擇,1. 繼續租樓;2. 直接買800萬樓;3. 買400萬樓做雙租族。我們看看若三年後樓市升一成/跌一成,身家有什麼影響:

      1. 繼續租樓:月租12000,3年後儲蓄餘下157萬。樓價升一成(880萬),欠723萬;跌一成(720萬),欠563萬。

      2. 直接買800萬:欠銀行600萬。

      3. 雙租族:月租12000,儲蓄變成-43萬。200萬做五成按揭,買400萬樓收月租12000。按揭約7-8000,扣除管理費差響地稅交稅等,我當每月有3000淨收入,於是儲蓄變成-
      32萬。

      三年後賣樓,樓價升一成,440萬-32萬=408萬。欠銀行大概186萬(每月還4000本金),扣掉買樓雜費10萬,於是儲蓄有212萬,買880萬欠668萬。樓價跌一成,360萬-32-186-10=132萬,欠588萬。

      小結:
      1. 租樓等跌,即係買樓價跌幅多於租金支出,樓價上升則雙輸。當然,200萬可以做其他投資,這就是另一個課題了。

      2. 直接買樓,供得掂/無心理壓力,樓市升跌對自住無咩影響,一步到位其實幾好。

      3. 雙租族:比起租住等跌,若跌一成、雙租族要蝕多25萬,佔200萬12.5%。若升一成,慳返55萬即係27.5%。

      刪除
    10. 簡單咁講,雙租族即係望跌市但又無咩信心、想買樓又唔甘心,身體很誠實地助長炒風、貪圖每月有多幾千蚊收入既人。。。

      刪除
    11. 其實問問自己,如自己份工作+收入唔穏定,成日驚被炒驚經濟差時大減人工的話,就唔好諗買樓...相反,如收入穏定鐵飯碗的話幾時買樓都守得住.

      PS 留意一點,我見網上世界主觀願望樓市可以大跌357成,但同時又投資大部份資金在股票市埸,其實兩者是對立的.

      加油.

      刪除
    12. 97買樓的
      識一個兩公婆,果時好慘, 真係街都唔敢出, 後尾過左關, 早十年供曬, 再早幾年買多間和富大單位, 年紀50歲

      正常一個人打工, 年年都會有人工加, 我自己34歲, 見好多朋友FRESH GRAD時真係6000元打工, 現在好多三萬幾打上去, 當然都有朋友搵萬幾二萬, 但真係唔多, 朋友做PC 5年都三萬底人工, 只可以講, 如樓上有師兄講, 銀紙唔值錢, QE所害,

      早買樓果D 08 09 年買250萬買四小龍, 現在.... 二公婆十萬人工, 年年去多次旅行, 但佢地買樓時我相信人工唔多....剛剛出黎做野邊有咁多

      樓有人睇升, 有人睇跌, 我自己唔係專家, 只可以話, 現在好多人都有購買力, 供唔係供唔到, 但可能無首期,要講樓好多可講, 大家共勉之

      刪除
    13. 我諗好睇本身經濟狀況
      如果好似上面Terry 兄分析做雙租族,又有能力比4、50%首期,風險應不算太高,畢竟是自住用
      如果計過條數要借8、9成去買,工作亦不穩定,就要再作考慮
      師兄可能已經過左居屋申請資格,唔爭在睇埋遲下首置上車盤會係點

      刪除
    14. 誠如jomc兄所言,股、樓其實相關...16年樓市調整,好大原因係15年股災。D人成日話股市行前過樓市半年,將大部份錢放落股市,好可能係等到樓跌前先被閘死@@

      熊仔兄,唉,呢個政府本末倒置,唔係幫助市民安居,而係幫助置業@@可能太多高官坐擁多項物業,而777(唔係偉哥呢度既7兄)何不食肉糜,爭取既係年輕人/中產支持。至於真正有住屋需要既...唉...

      刪除
    15. Terry 兄
      我都係年輕人之一
      不過對於樓,我的確有好深體會
      簡單講,上一輩人理財不善,賣了自住居屋還債,結果我一家便租樓租了兩個十年。
      有幸有不幸,有幸就是未至於要風餐露宿,勉強捱到有些希望
      不幸就當然是現在所謂一房一廳的單位,其實只是劏房,加個趟門就話叫有多個廳

      由於上一輩已享用了房屋資助不能再申請,我們入息又不能申請公屋,居屋由於是白表單人申請可以說是近乎沒有可能排到
      私人市場就更不用說

      曾經聽過朋友講,有年輕人為了排公屋,不去找長工,一直在萬寧做兼職以便過資產審查,一做做了六,七年。這個年紀便不求上進,當然是不良的現象。

      雖然是較極端的例子,但今日香港社會扭曲的一面,已經不是誰人上台就能解決,作為既得利益者,一定不會想樓市降温。
      何況一屆特首只任職四年,有心也無力延續政策。

      我的確有感香港社會是一代不如一代,例如我自問與同輩比較也算較早熟,但跟我母親相比,自己捱的苦也算九牛一毛,甚或有種温室小花的感覺
      猶記得偉哥一次調研後感歎年輕一輩再不努力就會逐漸被淘汰,自己也深感慚愧。
      然而活在時代巨輪底下,能改變命運,逆流而上的又有多少

      希望2018年大家繼續乘風破浪,安居樂業,身體健康。

      刪除
    16. 如果樓市升到依家先諗買唔買樓, 而錢又唔係咁鬆動, 咁我自己就會租住先. 將錢買跟偉哥買股票, 可能有機會之後一炮過買樓. 要知道樓市一跌, 剛剛好夠錢而又岩岩買的就會係最先被震出來個批, 就算無震出來, 揹住蝕本樓都唔會開心過日子的.
      另一方面, 短期望樓市大跌亦都好似不切實際, 因為除左香港一班上左岸大把Cash係手無供樓壓力既人係度持貨, 仲有國內北水, 我識既唔多, 但幾個都係買港樓一炮過幾個單位一齊留俾仔女或放租, 唔打算賣的.

      刪除
    17. 唉,香港人真的可悲。無論是炒樓致富,還是做一世樓奴,還是等跌等到頸長,一生就是為樓奔波忙碌。我曾經也不主張買樓,但在身邊人壓力下也要上車。靠父幹沒有什麼誇耀,有時會想,我之前堅持不買樓,會否更傷父母心? 如果我聽從父母言,買個大單位自住,會否比現在做雙租族更令父母開心? 人生沒有如果,只知道隨著年齡漸長, 人生就有許多事情是人在屋簷下。

      刪除
    18. 用儲備買一筆高息股也可以幫補不少租樓開支。
      上年我嘗試建立一個收息組合,以REIT和高息股為主力,暫時效果不錯,不計升幅,預計每年息率約6~7%,如果有百多二百萬,應該能抵消大部份租金支出。

      如果政府真心要樓價跌,不是沒有方法,但他們根本沒有理由會這樣做,唯有泡沫自然爆破。

      刪除
    19. 我認識一個在96至97年買樓的朋友,最終破了產上公屋,他跟我說他的情況已經不算差,他有朋友受不住打擊自殺。

      刪除
    20. 講笑咁講
      係香港最慘係你唔夠窮

      刪除
    21. Ivan Chan兄,可以分享一下組合嗎? 我現時也在建倉中, 暫有3、5、1038、1373。

      理論上說,用百幾二百萬一炮過入120手3仔,然後個個月賣一手,應該都cover到租金有餘...當然這只是理論上,要望股價唔跌+年年十送一...

      刪除
    22. 無錯,香港最慘唔係窮....其實好多公屋富戶.

      題外話,好多人既資產,就係不斷租樓減少左。但要上車,其實又牛底,唉...馬太效應。其實套落股市都係,有錢人可以認購多D閱文,結果賺多D,窮人就@@孖展都係得一手閱文@@

      刪除
    23. 就算推出租務管制,恐怕亦未能壓抑升勢
      要大跌還是需要一隻以前從未出現過的黑天鵝

      刪除
    24. 以前的港人冇現而家太咁大的既租樓需求 一家人住埋一齊
      現在風氣改了 結了婚的 未結婚的 剛畢業的 未畢業的都嚷着要搬出來住,
      再加上內地人/外國人來港讀書工作置業……

      刪除
    25. 留了一半本未入,已入的我選了1373、237、410、778、1270、1098、1813,另加一些小股281、1556,我是用分散投資的方法減低買入高息細價股停派的風險。

      刪除
    26. 作者已經移除這則留言。

      刪除
    27. 見師兄講樓市, 我算是過來人, 對樓市又恨又愛

      先講經歷第一次買樓97爆破前荃灣一個新盤個口號(我番來啦),當時同家人夾份買個800呎單位,由於不肯止蝕,由520萬跌到最低好似200萬,最後07年270最終止蝕沽出.
      第二次買樓02年頭,因為結婚需要買樓,今次買呢個葵涌單位437呎,單位兩公婆自住,當時只係130萬自己一個人供得到,老婆份人工就供荃灣個單位,03年沙士跌到90萬唔夠,諗著自住供得起冇所謂.最後140萬賣出
      第三次買樓07年, (係呀之後又金融海嘯,係咪咁黑呀), 由於勤力過渡小朋友出世要換樓(97前年年去旅行,買樓後未曾去過,為有在家做運動),將荃灣單位及葵涌單位賣出,買咗個市區三房780呎320萬(係呢個單位前我絕對恨樓市,因為完全令我冇晒個人樂趣)好在海嘯來得快走得快,呢個單位升值到可以吐現令我於上年多買一個單位收租.當然未來日子唔知會否下跌,但供樓壓力是控制之下.

      上面所講是我的幸運, 下面是我自己體會
      1.初次入場人買你買容易出事, 所以要三思而後行
      2.到有需要自用時,在自己能力下不論升跌都是需要,不要計較
      3.不如意事十之八九,在能力之下肯努力必定見到曙光

      刪除
    28. Ching套現意思係賣一買二?
      定係加按後買多一間?

      刪除
    29. 作者已經移除這則留言。

      刪除
    30. 上年年初曾經有機會來臨時,我亦有嚴重思考過加按買多一間既做法,可惜當時畏高令我猶疑不決,最後錯過了機會

      直至此刻事後看來,感覺是做了錯的決定,錯過了加注的機會…

      刪除
    31. 老老實實,我已係到三令五申咁講好多次:
      1.樓市係有週期既,基本上16-20年一個週期,正常整體樓市一年係會升7-8%(peak to peak, trough to trough);
      2.就算97年摸頂買,依家都有賺,只不過回報低(3-4%pa)
      3.由此引申,其實樓市最重要係防守力,即係低潮時你供唔供得起,只要捱到,十幾年後就係一條好漢。
      4.話分兩頭,週期而論,依家確實近頂,不過仲可以升幾多同幾耐,係冇人知既。

      有網友驚積蓄買自住樓後所餘無幾, 加上失業,攪唔掂,其實係諗唔通:
      因為你唔買本身都要租,其實每個月都要俾錢出去,爭在平買每月俾少D,貴買每月俾多D。
      你失業冇現金流,根本無論租買都唔掂,本身一定要節衣縮食,只係買既會重D負擔,同大D壓力,但絕對唔存在租等跌會賺...另加,若果時情況咁差,你敢買嗎?資金緊張、失業可以做按揭嗎?

      又如果低潮揹住層貴價樓,供唔起,點算?
      將層樓出租,自己再貼黎供,自己再租細D、遠D住。

      學任總話齋:無樓係沽空樓市,智者不為...覺得樓市高,可以參考雙租做法、四叔買地產股好過買樓做法、買REIT交租 etc...
      反而如果網友股海浮沉多年,回報平平,平實買唔偏遠既二手樓可能係比較好既選擇。
      當你一年4%回報,槓杆後一年都有8-10%回報...

      刪除
    32. 哈哈, 又大家咁多分享, 我又分享真人真事個案: 親人1997年樓價最高位買了層260萬的樓,兩夫妻的一半收入都用來供樓, 好在兩人的工作都算穩定, 所以樓價在2003年跌到80萬左右, 都冇比人call loan, 然後一路儲錢, 終於在多年前還清樓貸。

      當年樓價跌7成, 我諗是不容易再出現, 因當年的SARS是壓倒駱駝的最後一根草, 令到很多人感到絕望, 呢D事可一不可再, 也因此到2008-9年金融海嘯, 樓價最多都只是回落20-30%左右。

      我諗大家唔好用97-SARS期間的樓價跌幅來作為指標, 不然很難提起勇氣去買樓。

      刪除
    33. 哈哈哈 個個買磚頭嘅經歷都係笑中帶淚 特別係Ken 師兄 對唔住忍唔住要笑

      一個老表一家5口 十幾年死都唔肯買樓 盡管佢供得起 佢契媽幫佢系太古城睇啱個單位 話幫俾首期 佢都唔肯買 話折現仲好 佢成日炒期指 唔知贏定輸了
      之後移民加拿大 系果邊買左樓 前幾年卒知係天水圍又買左個細單位...

      刪除
    34. 作者已經移除這則留言。

      刪除
    35. 唱好樓市既理由太多,我就唔講啦,反而唱淡既,講真得兩個:
      1.週期
      2.用租金估值太高,尤其是中上價樓(自住vs租樓要計既數其實就係i.供樓開支vs ii.租樓開支-首期唔買樓而做投資收入,由於每個人投資能力唔同,所以每個人條數都唔同)
      ***
      3.用薪金估值太高,潛台詞,我買唔起 (依個唔係理由,主要係白領薪金太低,其實QE/最低工資之後,藍領職位薪金係升得唔錯,只係普通白領人工太低。基本上應該所有非基層藍領職位薪金應該加30%追番。不過,依家香港開始玩成熟經濟體既藍領薪金>普通白領薪金,所以白領要快D變唔會被淘汰既專業白領,如果唔係好快俾人陰乾)

      老老實實,買樓既都係博升值,唔通睇淡仲買?

      Re Lee Tin:
      買樓其實係要睇時機,時機出現時係一定要買到,絕對唔可能話睇中左買唔到,要麼俾多D錢換質素,要麼俾少D錢犧牲質素!你又要o岩心水,又要o岩價,根本不知等到何年何月!

      刪除
    36. 係,所以結論都係一句。
      如果份工無問題,點都係買jetso 過唔買。
      公務員,醫生律師,做乜唔買~

      我係合約政府工,知自己份工唔穩定,所以計唔掂買唔到。人人情況都唔同,最重要防守力夠。

      刪除
  32. 感謝偉哥與各位
    祝大家新的一年萬事如意,身體健康!

    回覆刪除
  33. 這裡有買虛擬貨幣的網友嗎?

    回覆刪除
    回覆
    1. 有的,可交換一下訊息,用港幣買入價比較貴,有其它方法嗎?

      刪除
    2. https://www.gdax.com/trade/BTC-USD 這bitcoin 的圖如果有股票版本就更好

      刪除
    3. 有一點BTC,以回報率計很高,但不敢多買,算是了解下行情。

      刪除
  34. 祝各股友身體健康,長賺長有

    回覆刪除
  35. 偉哥,有咩新股你打算會抽?

    回覆刪除
    回覆
    1. 沒有什麼心水, 等多兩天看看有沒有一些招股反應冷淡的, 或許可以小注博下。

      刪除
    2. 作者已經移除這則留言。

      刪除
  36. Happy New Year!祝偉哥和網友身體健康,今年賺多D!

    回覆刪除
  37. 伟哥,新年好!呢道祝你同系道共同奮鬥ge網友係2018年有個好ge開始!

    另一方面我買左你推介個本雪球CEO出的"你厲害,你賺得多"一書,書中講到好多觀點都係叫懶人定投買指數基金,可能呢個比較適合我呢d小散戶,唔知你點睇?

    回覆刪除
    回覆
    1. 咁如果沒時間去研究個別股票的話, 我自己覺得買盈富基金會是比較好的選擇, 當然最好等恒指出現大跌時才買。

      刪除
  38. 偉哥, 新年快樂 !
    無言感激 !

    回覆刪除
  39. 祝大家2018年身體健康 , 賺多D !

    回覆刪除
  40. 祝偉哥同大家新一年,財源廣進,身體健康!

    回覆刪除
  41. 也祝大家2018年身體健康、心想事成。

    回覆刪除
  42. 偉哥,1206大股東已密密增持到接近36%
    業績在2015年上了高鋒…2016年似乎都係倒退…
    但不知大股東是否抱信心所以繼續增持

    回覆刪除
  43. 新一年祝偉哥投資順利、身體健康。

    斷斷續續睇咗偉哥BLOG兩三年,但今年先真正開始認真睇偉哥既分析同埋買股,多謝偉哥無私分享。

    回覆刪除
  44. 想請問偉哥,早前0.87增持393的原因是?

    回覆刪除
    回覆
    1. 如果不是打算行老千路的話, 今年應是10厘股。

      刪除
  45. 祝各位2018年身體健康,心想事成

    回覆刪除
  46. 祝偉哥及各位新年快樂!身體健康!

    回覆刪除
  47. 成功沽出63943$1.62
    上星期在0.78買入重注61393
    今天已有很好的回報

    回覆刪除
    回覆
    1. 勁,新一年剛開始已鴻運當頭

      刪除
    2. 我發現我今天真是有病,而且還病得不輕。

      刪除
    3. 今年又係你既天下, 內房帶大市升破40000

      刪除
    4. 隔住個MON都感受都青兒HYPER的程度

      刪除
    5. 明的, 賺咁多錢, 都唔知點好, 你有些失常的, 建議做下善事, 例如俾些我....

      刪除
  48. 厲害!之前也看中61393,不過始終不敢買,可能之前被殺牛殺得太多@@

    回覆刪除
  49. 新一年又係玩果幾隻股.真係無眼睇,第一日爆升近400. 又係大價股.

    回覆刪除
  50. 回覆
    1. 同一時間停牌,1322 係vsa 1239係general offer

      刪除
  51. 我依家先6位數..有排都未到7位數

    回覆刪除
  52. 今日升幅好全面,睇黎又黎一段買貨期

    回覆刪除
  53. 全面?好似得內房內銀升...

    回覆刪除
    回覆
    1. 應該咁講,恆指國指指數股升得好全面,但係中小盤唔點升
      http://www.hsi.com.hk/HSI-Net/HSI-Net/HSI-Net?cmd=navigation&expire=false&lang=zh_HK&pageId=zh_hk.indexes.hsisis.hsi.constituents&retry=false
      https://www.google.com.hk/url?sa=t&rct=j&q=&esrc=s&source=web&cd=1&cad=rja&uact=8&ved=0ahUKEwiA0tfvq7jYAhXJW5QKHdbUB7UQFggqMAA&url=http%3A%2F%2Fwww.hsi.com.hk%2FHSI-Net%2FHSI-Net%3Fcmd%3Dnavigation%26pageId%3Dzh_hk.indexes.hscei.constituents&usg=AOvVaw2ZGbpQz_NJrdpE54cGPFfF

      刪除
  54. 跟據上年經驗, 升的會繼續升, 唔升的要水尾才升, 又要買返1918了

    回覆刪除
  55. 睇返之前留言見有兄講189東丘單關連交易可能對小股東不公平,令我想起其實喺新《公司條例》有新條文保障小股東利益,尤其是Cap 622 Section 738,成員(包括小股東)發起的法律救濟而引致或將引致的費用由公司承擔:

    738. Court may order costs
    (2) An order may require the company to indemnify, out of its assets, the member against the costs incurred or to be incurred by that member in bringing or intervening in the proceedings or in making the application.

    而且Section 737可要求法庭指派獨立人仕調查及報告該事項(包括公司股權或資產交易),而該等費用則按Section 738由公司支付

    737. Court’s general powers to order and direct
    2(d) make an order appointing an independent person to investigate and report to the Court on—
    (i) the company’s financial position;
    (ii) the facts or circumstances that gave rise to the proceedings or application; or
    (iii) the costs incurred by the parties to the proceedings or application, and by the member who brought or intervened in the proceedings or who made the application.

    其實《公司條例》改寫後在小股東保障方面加強咗好多,尤其對買垃圾同賤價賣資產呢啲侵蝕小股東權益情況都可以引用Division 4 裡面的條文,最重要喺用返公司錢去告公司,有興趣可以睇睇

    https://www.cr.gov.hk/en/companies_ordinance/docs/part14-e.pdf

    回覆刪除
    回覆
    1. 但呢條新例點樣運用? 是否要由小股東委託律師向法院申請?

      刪除
  56. 剛睇返FC 9個賽果, 原來我選的2隻都打低好多參賽者, 不過我自己只持有其中一隻...

    回覆刪除
    回覆
    1. 真係持有又唔同表現架喇. :P

      刪除
    2. 是的, 持有個隻跑輸沒有持有的一隻,嗚

      刪除
  57. 祝偉哥來年心想事成 身體健康,以及各位網友買邊隻升邊隻!
    最後想同偉哥講句非常感謝你的無私,雖然我只係近呢半年先留意偉哥既blog,
    但因為呢半年學習到從1132,859, 558等等學到唔少野,讓我知識更進步,無限感激!

    回覆刪除
  58. 進入8位數後打法完全唔同

    回覆刪除
  59. 偉哥及網友,新年愉快!祝大家都歡迎易羸實發!
    終於開心過度兩年,在最後三個交易日及今天組合共追回接近九個巴仙盈利超越年初。多謝偉哥3399回上五元,也在此多謝雪球江丰兄推介3380,自己也有546、877、136、2128及1848回升不少開心之餘再祝偉哥及網友心願達成易羸實發!

    回覆刪除
  60. 新一年,祝大家身體健康,長賺長有
    偉哥投資如如得水,得心應手(我就跟住偉哥步伐)

    上次選股大大落後,希望新一年簡到隻好股,可以一見偉哥真身HEEHEE
    唔知新一屆幾時舉行?

    回覆刪除
  61. 新一年,祝大家身體健康,長賺長有
    偉哥投資如如得水,得心應手(我就跟住偉哥步伐)

    上次選股大大落後,希望新一年簡到隻好股,可以一見偉哥真身HEEHEE
    唔知新一屆幾時舉行?

    回覆刪除
    回覆
    1. 新一屆等下月再開吧, 比多少少時間大家選股。

      刪除
  62. 新一年又來啦,希望大家身體健康,股運享通!

    2017年,算達標了,我的目標很買簡單,只要比去年賺多30%就可以;
    2018年呢,無限風光在險峰。

    回覆刪除
  63. 回覆
    1. 777你賣又唔通知我地

      刪除
    2. 恨死我了。。。。。我大部分現金

      刪除
    3. 7兄在第一個交易日率先用行動洗脫污名,加油!

      刪除
    4. 777兄, 係反擊到先好喎 , 我等緊食糊:P

      刪除
    5. 反擊不能, 中了888非執董減持, 我ding.......

      刪除
    6. 上日在0.07買的舜宇光學牛證63943,今日以為$0.162沽出好好運,現是$0.235,真的好慘。

      刪除
    7. 青兒, 有賺就好了, 你仲有得去BBQ, 嗚...

      刪除
    8. 哭求777放888,不然就要打999求救了@@

      刪除
    9. 今次真係444了, 我都唔知放定唔放, 等緊Oman兄救命, calling Oman兄

      刪除
    10. 29號入左888 師奶噸位太重 隻船...

      刪除
    11. 我都不知要哭求誰了,一跌就買,都沒有賣過,真是無語問蒼天

      刪除
    12. 555,希望7兄不是666魔鬼,可以絕處逢333。

      刪除
    13. 888 落到1.4 先開始有番的買盤

      刪除
    14. Terry兄, 希望大家都888啦, 無理由既, 我今年明明係大富大貴ga

      刪除
    15. 888,

      似乎係夾長雄果500萬貨.

      刪除
    16. 888看圖似要回到1.3以下, 長雄以前大手買, 今天是主力沽家

      刪除
    17. Oman 兄, 888應該點部署?

      刪除
  64. 18年第一個交易日,指數升,組合細價股升幅有限,反而有不少還在跌。

    回覆刪除
  65. 12月頭個陣放哂d貨,而家喊緊

    回覆刪除
  66. 新年伊始 c/f 過黎嘅3688 3389 2788 927 595... 真係冇眼睇 快d收市啦

    回覆刪除
    回覆
    1. 哈哈, 我的組合又是一出閘就脫脚, 大幅跑輸指數。

      刪除
    2. 股價,總有升亦有跌時,勢好時就加注買上,勢不好時而故事仍在,不妨再坐一會,不必太介懷每日的升升跌跌。

      刪除
    3. 偉哥不是有927,1030,141,3398,393,98嗎?不算脫腳吧。。。

      刪除
  67. 隻1499 發生咩事 ~.~ 有師兄今日有玩呢隻嗎?

    回覆刪除
  68. Wish Wai Gor and everybody have a great 2018!

    回覆刪除
  69. 141已連續好多日尾盤嘜高收,唔知想玩乜。

    回覆刪除
  70. 偉哥, 1132其實係咪好乾? 依排似左手交右手多。

    回覆刪除
  71. 今日又係市升股唔升 吹脹

    回覆刪除
  72. #1132 600k 係建銀沽出來的

    回覆刪除
    回覆
    1. 建銀快沽清了。今早UBS買上, 我以為會重覆前一段時間0.68-0.69的疆局時, UBS挺身而出, 一舉掃上0.73的佳績。

      刪除
  73. 祝大家新年快樂 組合仍然沒有太大起色 希望後來趕上

    回覆刪除
  74. 今日百裕於$0.85沽出2.5M,我接了少量!奇怪還差兩天都唔等,很期待04/01

    回覆刪除
    回覆
    1. 建銀,百裕今日都沽(雖然呢幾日佢又買又沽,似維持秩序居多?!),瑞銀買,有趣.

      刪除
  75. 581盈喜,但無講個百分比。
    http://www.hkexnews.hk/listedco/listconews/sehk/2018/0102/LTN201801021684_C.pdf

    回覆刪除