2017年12月22日 星期五

感謝吳老闆的聖誕禮物 - 鎮科集團 (00859)成功賣盤



繼伍老闆派聖誕大禮後,吳老闆也不甘後人,趕在聖誕節前向全體股東派發其禮物,以每股2.4232元的作價出售控股權予上海三盛房地產集團,買方將以同樣作價向小股東提出收購要約,讓小股東們歡度聖誕佳節。

股份要約 每股要約股份 . . . . . . . . . . . . . . . . . . . . . . . . . . . . . . . . . . . . . . . . . . 現金2.4232港元

交易已於二零一七年十二月二十一日落實。


有關要約人之資料 

要約人為一間投資控股公司,其於二零一五年三月三十一日在香港註冊成立為有 限公司,並由上海三盛全資擁有,而上海三盛由陳建銘先生擁有51.925%、上海三 盛 房 地 產(集 團)有 限 責 任 公 司(「三 盛 房 地 產」)擁 有25%及 陳 立 軍 先 生 擁 有 23.075%。三盛房地產由陳建銘先生擁有90%及陳立軍先生擁有10%。陳建銘先生 為陳立軍先生之姐夫。要約人自其註冊成立日期以來至訂立該協議止並無任何實 質業務。 上海三盛主要從事房地產、大數據營銷、海運海工業務。陳建銘先生為上海三盛 之董事長。彼於房地產及海運業務擁有豐富經驗。陳立軍先生為要約人之唯一董 事並於上海三盛擔任顧問。彼於房地產及物業投資業務擁有豐富經驗。

2017上海企业100强
2017中国服务业企业500强 
2017中国房地产开发企业100强
2017中国房地产百强企业运营效率TOP10
2017中国房地产百强企业盈利性TOP10
2017中国房地产百强企业


即管看看上海三盛之名能否令市場有所憧憬,在復牌後股價炒到遠高於要約價。

180 則留言:

  1. 多謝伍老闆 & 吳老闆,哈哈哈。

    回覆刪除
  2. 2.4232元的作價, 比我預期上限的2.3元更高, 很好的作價。

    最近主板殼價好似升左.....

    回覆刪除
    回覆
    1. 偉哥, 真係好滾動, 繼1132後, 衷心再一次多謝你🙏🏼!!

      刪除
    2. 主板殼價的確升左.
      因為改例,令到上主板比以前難左

      刪除
  3. 上海三盛和2183那個三盛有無關?

    回覆刪除
  4. 感激偉哥
    呢間三盛同2183有冇關係呢
    我見你貼個網站係福州三盛集團嚟
    如果係嘅話 咁2183近排炒起晒...

    回覆刪除
    回覆
    1. 睇完riskstorm 同百度 好似同2183無關

      刪除
    2. 搞錯, 已更新了。

      http://www.sshy.cn/

      刪除
    3. 哈哈 如果真係好似2183咁
      我就唔介意坐半年 等佢倍升啦!

      刪除
    4. 市場可能誤以為有關而去搶貨

      刪除
    5. 聯想到有2183咁勁,好自然。買家實力都似唔弱

      刪除
    6. 就算同2183無關,睇落新主都唔弱雞啊

      刪除
    7. 應該都係
      (1)用上市公司股票抵押發債券提供資金
      (2)用聯營公司增加土儲
      (3)炒到上50億入深港通
      (4)等兩年注入資產
      咁玩法

      刪除
    8. ●三盛宏业简介
      1993年,上海三盛宏业投资集团自东海之滨起航,立足上海,走向全国,已成长为房地产开发、科创及大数据、海洋投资、金融投资、城市建设、文化传媒等产业多元发展的投资型、集团型民营500强企业,具有AA级信用等级,旗下拥有三十余家下属公司,遍及全国各地。
      多年来,三盛宏业坚持规模与效益并举,始终保持较高的盈利水平,得到了持续稳健的发展,总资产规模超450亿元,净资产超200亿元。
      董事长陈建铭先生先后获得上海市及浙江省优秀中国特色社会主义事业建设者、“2013年度风云浙商”十大风云人物、中国优秀房地产企业家、2015年世界浙商大会创业创新奖、“十二五”期间优秀企业家等殊荣。并担任上海市政协委员、舟山市政协委员、中国城镇化促进会副主席、中关村股权投资协会联席会长、中国投资协会项目投融资专业委员会副会长、中国工商联房地产商会副会长、上海浙江商会执行副会长、上海新沪商联合会轮值主席、上海舟山商会会长、等社会职务。
      三盛宏业的企业核心价值观是“追求卓越,止于至善”。企业愿景是打造“文化引领的一流和谐企业”。企业宗旨是“客户盛、社企盛、员工盛”,致力于客户、社会、企业、员工的多维度共赢,积极打造遵纪守法、恪守道义、热心公益的阳光企业。积极履行企业的社会责任,历年三盛宏业捐助社会慈善公益事业累计已达5000余万元,在教育、救灾、健康、养老、环保等领域贡献出自己的力量。
      ●房地产开发
      房地产开发是三盛宏业的主营业务,项目遍及上海、浙江、广东、江苏、辽宁、山东、安徽等地。自2005年以来,连续十三年荣获由国务院发展研究中心企业研究所、清华大学房地产研究所和中国指数研究院三家机构联合评选的“中国房地产百强企业”,并连续十三年入选“中国房地产百强企业盈利性TOP10”,其中,自2013年起,三盛宏业进入中国房地产开发企业50强,与此同时,还先后获得“创新能力TOP10”、“运营效率TOP10”等荣誉。“颐景园”是三盛宏业独创的房地产品牌,多次荣获“中国房地产园林地产专业领先品牌”,被誉为国内“第一园林地产”,品牌价值70.08亿元。与此同时,三盛宏业以“智慧智能、养生健康,服务便捷,文化和谐”为方向,利用互联网大数据,大力推进房地产产品创新,形成了智慧小区、养生小区和文化小区的建设模式,构建新一代颐景园社区,持续做强做大房地产业。

      刪除
    9. 或者咁講,內房相對新經濟概念係無咁有炒味,但表現唔錯都大有股在

      刪除
  5. 恭喜偉哥及有貨的網友, 可惜我早放了

    回覆刪除
  6. 冬至送暖。。。呢隻自己冇買><"。。。恭喜偉哥與各位巴打^^

    回覆刪除
  7. 偉哥知唔知3389幾億股咩人接左?
    亨得利(03389)近幾個月股價表現平平,而權益披露資料顯示,中國再保險(集團)於2017年12月19日減持3.34億股,每股平均價0.3792元,持股量由7.15%降至0,估計套現約1.26億元。

    回覆刪除
    回覆
    1. 張金兵唔知係代客同自己搞,如果係佢自己搞,往績好似都唔錯!!

      刪除
    2. 我昨晚寫了, 另外2億幾股去了國泰君安的倉位, 而巧合地大股東張瑜平的持股存倉在國泰君安。

      如果咁都唔夠巧合, 再睇埋之前富昌的1億多股, 也是賣去國泰君安, 不會如此巧合吧?

      不過老狐狸唔申報奈佢唔何, 看看証監會否看到異樣查一查。

      基本上可以証實雙“張”是一伙人。

      刪除
  8. 回覆
    1. 內房有邊隻GO後大炒,除了2183。

      刪除
    2. 1. 內房股買殼後大炒的有幾隻, 遠的有337, 593, 近的有2183;

      2. 好像很少香港上市房地產股賣殼比內房的例子, 遠的有337 近的有2183, 而巧合地兩隻都大炒; 看看859會否成為第三個例子。

      刪除
    3. 其實數數下仲有好多例子, 例如978, 95, 169呢D比較遠期的內房殼, 都在轉手後曾大炒。

      刪除
    4. 低過GO價入嘅我nothing to lose
      我唔介意坐下睇下背後莊家實力如何再作定奪!

      刪除
    5. 雖然買大股東持股只需20億元, 但計及潛在要約總價值是27億元, 比得起27億去買一隻殼的, 實力應該不會太差。

      刪除
    6. 近年其實好多內房來買殻後都死晒狗,我的參賽股之一185已是其一。

      刪除
    7. 1246雖不是GO,但都攞明係Non-Go易手,又係無炒,還有好多例子。

      刪除
    8. 185易手價0.33元, 然後曾炒高5成多, 已經夠晒水位走,更何況185轉手後, 新大股東只是有5成多股權, 而859新大股東最少有接近75%持股, 貨源歸邊好多。

      我諗859如果比要約價炒高50%, 大家都會沽比佢啦, 理得佢之後升定跌。

      刪除
    9. 1246呢D OT股連GO都唔敢做, 無謂比較。

      刪除
    10. 偉哥假日不妨做個內房買殻股價表現統計譲大家開吓眼界,做福眾生,或唔定到時我都仆倒去買呢。

      聖誕快樂!

      刪除
    11. 而家自己放係股票的時間會減少, 會多些時間陪家人及休息,所以有時間的話也只會研究自己會重倉的股票, 不會花無謂時間做呢D研究。

      我只是憑記憶已記起好多隻內房殼換手後都曾大炒, 仲有幾隻的, 例如687轉手後都曾大升幾天, 我一時記唔起咁多隻, 如果唔大貪, 隨時可以比GO價再高幾成獲利離場。

      刪除
    12. 1246其實積極想轉型,但HKEX唔放行。好比劉德華同梁朝偉講,我想做好人,但梁說,對不起,我是差人 ^_^

      刪除
    13. 講得衰D, 2014年比我公開鬧的485, 賣比窮內房後都曾升唔少。

      刪除
    14. OT底, SFC及HKEX重點睇實的, 邊會有運行, 根本無謂花時間去跟進。

      刪除
  9. 偉哥, 6123由圓通GO後, 因為公眾持股不足, 已停牌多天, 是否要配股給"友好", 如果是, 街外貨很少, 愎牌有沒有抄作? 不過A股的物流股好像弱勢。我曾持有20000股, 不過已經賣了給圓通, 不知是對或是錯。

    回覆刪除
    回覆
    1. 賣左比圓通, 點解仲要花時間去研究? 搵過下一隻好過啦,你的時間並不是無窮無盡。

      配股當然是要搵友好, 但亦唔一定可以搵到人要, 因為買殼是要比溢價, 即是估值加上殼溢價,係貴左好多的, 但完成賣殼後, 殼溢價就消失左, 所以估值是貴好多的。正如隻311停左咁耐, 因為想配股減持但搵唔到人接,所以只能一直停牌。

      如果是私人企業還好, 最多自己比錢搵人頭接左佢, 但遇著311呢D國企背景的, 無辦法自己比錢搵人頭接就幾麻煩。

      刪除
  10. 多謝偉哥分析
    小弟沒有跟買
    雖然賺不到錢
    但都有留意整個過程
    有助增加日後的投資知識

    回覆刪除
  11. 偉哥你好野 你賺得多!
    恭喜

    回覆刪除
  12. 今年成績峯迴路轉,年初仍是少少甜頭,萬料不到年尾有3x%的盈利增長,也是炒港股咁多年最驕人之年,多謝偉哥增長我投資知識,才有好成績,希望來年偉哥再趟另個高峰.身体健康家庭快樂。

    回覆刪除
  13. 2017 將結,這年的確好難忘,跟偉哥學投資,雖然不是每隻到跟足去買,回報也不是最好,但投資的態度就有好大改變,再不亂買貨,只買自己喜歡的股,專心去研究,發掘潛力股,為了實踐學到的,差不多沽清之前亂買的貨,提升資金比例,重新再上路,希望2018 也跟大家繼續再創歷史新高,個個賺到自己滿意的回報!
    偉哥及各位merry Christmas!

    回覆刪除
  14. 祝偉哥及各位,

    聖誕快樂!🎄🍁🎁🎀🎆😄

    回覆刪除
  15. 想請問偉哥有冇研究過1586
    個大股東密密吸貨吸咗好耐

    回覆刪除
  16. 聖誕快樂! 新年快樂!

    黨政官禁過「洋節」 出台文件嚴詞問責
    http://std.stheadline.com/daily/news-content.php?id=1719164&target=2

    回覆刪除
  17. 有個問題想請各位高手解答:

    賣殼通常大股東會預先將自己手實貨存入ccass
    原因係點解?
    為左方便交收?
    為左證明股份係直接由大股東控制,無押貨或其他原因令大股東無完全控制?

    另外,唔預先將實貨存入ccass係唔係賣唔到?
    如果出左公告先存入CCASS或者由頭到尾都入過CCASS又有冇人咁做?

    回覆刪除
  18. 感覺上偉哥今年的主要回報,都集中在潛在賣盤的股票上,績優股的回報(除了581)都冇咁多..大市對績優股的反映也不太大

    偉哥下年會否集中精力發掘潛在賣盤的股票?

    回覆刪除
    回覆
    1. 不是吧, 你對我的持股不是太了解.....我今年賺賣盤股的錢寥寥無幾。三大盈利貢獻股是1132、581及98, 1132現價只是反映出售業務及派特別息的利好, 如果真係賣盤的話, 股價點會係呢個價? 98是私有化失敗後, 價值重估。今年另外賺得多的是558、1717及3688,都唔關賣盤事。

      我今年輸最多的426, 反而是賣盤失敗輸鑊金。

      刪除
  19. 有無人賭埋明年底恆指必跌?
    明年底恆指不跌, 不會再談任何股市的相關資訊。

    趣BLOG BLOG: 十年一跌 2018樓價必跌? (估計調整兩成)
    https://hk.finance.appledaily.com/finance/daily/article/20171224/20254267?_ga=2.248800641.780598656.1514082423-140239723.1497161662
    過去兩年一直提示樓市有下跌風險,最終樓價指數反而升逾兩成。2018年預測,香港跟美國加息,樓價估計調整兩成,如明年底CCL最終不低於135(現為165),此欄及fb再不會再談任何樓市的相關資訊。
    股榮

    回覆刪除
  20. 又要多謝偉哥!! 我有10000 股哦!衷心感謝!!!

    曾經上過一些財經課程, 都比不上這段時間睇偉哥Blog 既知識長得多, 感受是偉哥會帶出問題,自然便會努力尋找答案, 再從實戰中累積經驗, 學到既比紙上談兵來得深刻及牢固得多!!

    你既無形壓力, 我可是由第一天睇時已感受到哦! 謝謝你既無私, 謝謝你既分享, 謝謝你百忙中努力維持此Blog 既運作!!

    無以言之, 就是謝謝!!


    回覆刪除
  21. 祝福偉哥及各網友有個開心又美好既平安夜及聖誕節 ^,,^
    🎄🎄🎄🎄🎁🎁🎁🎁

    回覆刪除
  22. 《芳華》在延遲兩月之後,終於能在今個月上映,到今日為止收口左7億多,以一部擺明係票房毒藥既苦情片來講,票房算係幾好。

    部戲以文工團做主軸,由文革後期講到中越戰爭到改革開放,講口左主角們這幾十年(多數不怎麼如意)的遭遇。部戲最值的留意之處,係中越關係正常化二十多年之後,第一部主流電影,提及中越戰爭及班老兵之後所遇到的問題。以我理解,部戲係老兵同部隊圈子中引起極大迴響,係全國各地,都有老兵自發組織去睇戲。但這就成為點解部戲被迫延遲上映既主因。咁亦反映口左主角們係戲中經歷的遭遇(多數不怎麼如意),係老兵社群中產生極大共鳴。

    以馮小剛的能力,大可以拍番口的馮式喜劇,票房肯定會更高,拍咁樣既一部戲,除口左係佢自己既情意結(佢都係文工團出身)之外,亦多少想提醒觀眾,有這麼一批老兵為國家犧牲,但卻受到不公平待遇。

    回覆刪除
    回覆
    1. 雪地鴻爪:穿越歷史的雷區
      http://orientaldaily.on.cc/cnt/news/20171225/00184_007.html

      刪除
  23. 消費股值吾值得投資係比較易睇,日清1475,行過759,5包裝日本版,折實18.5,有時無咁多折,都係賣20元多D,
    請問大家10多年前初出買多少錢???隻股值吾值得投資顯而易見了,

    另一隻維他奶,10多年前六包裝250賣約10元,現在約17元+,仲要絕無減價時刻,哈,所以個股價絕無平貨買,

    回覆刪除
    回覆
    1. 1475係中國同香港業務,用日本版丁丁計唔係好岩wo。

      刪除
    2. 即係更慘,1475做大陸同香港一丁,結果仲要被日本一丁搶生意,
      日版貨只係貴少少,相信更受大陸同香港人歡迎

      刪除
  24. 廁紙都係愈買愈貴,所以市場上既廁紙股其中一只做埋成份股添,

    回覆刪除
  25. 睇左偉哥幾年, 都未試過買入偉哥分享的股票。假前小注跟買3688, 希望我不會是第二位7兄吧。

    就3688偉哥之前俾的問題, 上網搵左幾日資料加反覆思考, 除左有機會派特別息及之後有機會股權易手外, 在現有資料底下, 真係諗唔到仲有咩其他利好的發展方向。希望真係會如偉哥預計, 係一月底前公司會有消息公布, 等偉哥可以快d開估。

    另外, 我見3688賣完野後, 轉頭又搵野買反, 咁情況吓, 個人覺得有唔多似想賣盤。 所以好心急想知到底會點玩。

    回覆刪除
    回覆
    1. 唔通故事發展係, 3688先盡派特別息, 跟手被雲投全面收購,最後雲投注入千億資產。3688升到每股$20樓上

      哈哈,各位新年進步 (^_^)

      刪除
    2. 向著派特別息呢個方向去諗係正確.....不過諗得簡單左。

      刪除
  26. 595:
    (1) 蘇智安先生已辭任本公司執行董事及行政總裁;
    (2) 現任執行董事兼董事會主席蘇煜均博士已獲委任為行政總裁;及
    (3) 蘇智安先生將不再為本公司之授權代表,而蘇智恒先生將獲委任為授權代表。

    咩玩意?唔係已經交左棒比個仔?老豆又出山?

    回覆刪除
    回覆
    1. 不排除二佬三佬同大佬六國大封相

      刪除
    2. 大仔没兴趣,不如把公司卖了

      刪除
    3. 二佬、三佬同大佬六國大封相.....我以為講緊2320。

      刪除
  27. 偉哥,2280最近主席執董密密增持,但股價卻一直向下,請問偉哥有否研究此股?

    回覆刪除
    回覆
    1. 哈哈 師兄我呢隻都入左 but 仲坐緊 ~.~ 前果幾排跌到$5 我差d 就止蝕了,好彩現家升返上小小,但我自己覺得2280 係ok既, 之前都抄過幾次。

      刪除
    2. 2280已經差不多2年無再睇了。

      刪除
  28. 如果美國稅改真的不是仙丹, 美元明年恐怕只會加速貶值, 港元肯定跟隨貶值, 通貨膨脹是一個大問題!?
    https://hk.finance.appledaily.com/finance/daily/article/20171227/20256640
    有評論認為,美國的稅改將吸引更多美國企業將生產工序回流美國,現時美國的稅率比出口大國中國還要低,中國的經濟將危危乎。這與去年不少專家一口咬定美國今年將加息3-4次(最終是加3次),在息差誘因之下美元必升無疑,一樣是太單純的想法。試想想,美國的經濟結構本來已經是國貧民富,減稅方案只會令美國政府更窮,美元怎可能會強?資金怎可能會大舉回流美國?依我看,美元明年恐怕只會加速貶值。

    回覆刪除
  29. 859係買入機會?要約當option?

    回覆刪除
    回覆
    1. 其實係咪2.42無保件收。定還有特別息派?

      刪除
  30. 回覆
    1. 腿比你短,我還是跑不了😂😂😂

      刪除
    2. Oman兄跑得太快,想跟時已是@1.53,哈哈~

      刪除
    3. 1975仲未有起色。。。已接近兩成止蝕價,不過我取消埋止蝕盤,見買賣太疏,費事一跌又彈返。。。希望等到曙光>_<

      刪除
    4. Oman 兄,888 今日走勢好似好差,好多賣盤

      刪除
    5. Oman 兄,888 今日走勢好似唔太好,沖高之後好多沽盤

      刪除
    6. Ming 兄,

      自已覺得888都在整固階段,
      短線阻依然在$1.56左右,
      相信完成整固後可再衝$1.74高位.

      刪除
  31. 買入大大注859@2.36,無風險套利。

    回覆刪除
    回覆
    1. 跟大大大注買入,$2.38入小注,$2.37排入大大注,跟緊偉哥了,這次跑不了

      刪除
    2. 有息收的option.similar to 1030

      刪除
    3. 用盡現金掃,沽215, 1172

      刪除
    4. 死啦!今早排$4.45沽出了,😫😫😫

      刪除
    5. 我都有215,今朝想了很久,最後沒放215去換859。

      刪除
    6. 睇左公告見唔到如接受要約幾時會交割,淨係話公告後21天內出要約文件, 請問一般會係出要約文件之後幾耐正式完成收返錢? 睇下等唔等得賺小小過新年先@@~

      刪除
    7. 好少見偉哥講大大注買入,希望係第二隻1030.

      刪除
    8. 大大注買入,因為今早2.36元買入,扣除手續費,估計2個月左右的時間,可獲得零風險的2%回報,最適合我呢種手持大量現金的投資者。

      刪除
    9. 偉哥,股價高過2.42的機會大嗎?

      刪除
    10. 可惜現在已經2,4,扣除手續費可能咩都無,又或者蝕本啦0rz

      刪除
    11. 偉哥現金30%現金水平架wo..好奇想知大大注入859買左幾多%?

      刪除
    12. 859目前佔我組合接近10%。

      要約價2.4232,故此股價高過2.42元的機會極高;如果不高過2.4232, 那可以選擇接受要約。

      刪除
  32. 蘋果話3399係格隆匯個會議後做路演,唔通真係好事近?

    回覆刪除
    回覆
    1. 連蘋果都提3399呢隻咁低調既股票

      刪除
    2. 能否提供link查閱?我搵唔到篇報導,謝謝。
      PS:今早開市買入@4.8。

      刪除
    3. https://hk.finance.appledaily.com/finance/realtime/article/20171227/57630226

      刪除
    4. 嘻嘻! 我今早都賣咗 1030 換入 3399/4.83, 好開心哦!近來有少少運氣哦!聖誕年年有, 今年禮物特別多!!!

      刪除
  33. 偉哥,萊蒙潛在利好幾時開估?

    回覆刪除
    回覆
    1. 等我心目中的消息出來後, 你自然會知道.....但我的推測未必準確, 所以不要有太大期望。

      刪除
  34. 偉哥,想問下隻1789愛康醫療你係唔係唔睇好? 我見3D打印個概念日後發現應該有好大潛力,但見你短炒獲利,就冇乜信心。

    回覆刪除
  35. 近呢一個月,關於天然氣價格及盈利都有很多利好既消息,今日931 突然爆出,再睇返原來931主席一路都有增持,近排仲要同中核五金公司有合作基金投資天然氣項目,唔知偉哥有無留意過呢隻?

    回覆刪除
    回覆
    1. 哈哈 似乎偉哥對簡生有d 熟悉,好耐以前隻931 爆升幾倍果陣我都有抄過,偉哥你應該都係果陣時有留意 right?

      刪除
    2. 我有朋友有關注這股, 但我冇研究, 因為覺得好難玩得贏簡生。

      刪除
  36. 玩咗幾十年股第一次半夜起身睇報價,好彩還可以再安睡,祝偉哥及網友們聖誕愉快!新年更上新境界!

    回覆刪除
    回覆
    1. 你就好啦, 仍在享受跨年的旅程。

      刪除
  37. 1717就沖上一成盈利,又驚係window dressing,又驚沽升淚XD

    回覆刪除
  38. 215似有春江鴨,可能收市後有新年禮物?

    回覆刪除
  39. 內房股今日走勢轉強, 可以持續嗎?
    https://www.zhitongcaijing.com/content/detail/98112.html

    回覆刪除
  40. 如果859 無貨要建倉..係2.4$ 入手好嗎? 跟左3688 後坐緊艇都無入其他股

    回覆刪除
    回覆
    1. 偉哥 不提供買賣建議,所以要自己決定

      刪除
    2. 當係唔洗俾錢的option就當然買。
      當係0risk收息,現價當然唔買

      刪除
    3. 我都覺..見偉哥今日2.38 大手買入..但留意佢上午市..有突破2.4$以上..先會入! 留意緊有無更好買入價..話哂吳生要掃街貨...街貨價貴左..佢都要照買! 但睇落今日2.4$ 沽壓都好高...

      刪除
  41. 1132 0.82買回一注之前沽的一注0.75

    回覆刪除
    回覆
    1. 正在準備在更低價格入多一點
      賭博正式開始!
      派小不全派=GG

      刪除
  42. 沒有859,好彩有215。

    Merry Christmas !

    回覆刪除
  43. 年尾那幾天,有粉飾窗廚味道,我多是觀望,到下個月就盯梢那批心儀股,有好價就要把握,業績前是否有炒味,睇錯都系困個多月吧。

    回覆刪除
  44. 偉哥,請問你對凱升控股102有什麼看法?
    早前留意到主席何生配售全數持股,想問一下你有何高見?謝謝!

    回覆刪除
    回覆
    1. 102我沒有留意, 但作為一間長期虧損的公司, 102的估值頗高, 似乎是何生作為主要股東提供了估值溢價,現在何生離場, 估值溢價是否消失? 我不是太清楚這公司, 只是從近期的動作及股價去作出揣測。

      刪除
  45. 1717就接近一成盈利,驚係window dressing,又驚沽升淚XD

    回覆刪除
    回覆
    1. 點解咁快沽?業績唔係幾好咩?註冊制下年又正式出台

      刪除
    2. 等錢開飯 走了 謝謝偉哥

      刪除
  46. 回覆
    1. 佢下午開市已開始,開始時是20K,近一小時是30K,我估有人(伍生?)可能用上化整為零的方式,掩人耳目地高位沽貨吧。4/1/18的危險期未過,大家都要緊慎些,不過我未知佢派幾多特別息之前係唔會考慮沽貨既。

      刪除
    2. 作者已經移除這則留言。

      刪除
    3. 睇唔睇到係用邊間落的沽盤?

      刪除
    4. 今日咁既形式沽盤好奇怪,唔知有咩目的。

      刪除
    5. 驚開咗估之後就無咁多位走。今日明顯有大戶扮細戶沽

      刪除
    6. 應該唔似, 想咁樣出貨, 就唔會4號咁快開會. 邊夠時間沽.

      刪除
    7. 我見有一個0.81排隊的盤有20K沽了給我,對方是創興.

      刪除
    8. 本身不為以,承盤後覆查,今日下午建銀不停的兩三萬、
      沽給我,可能真的電腦盤,共接50萬股,因今早0.84、
      沽出偷雞。但我又想,早前建銀也於0.77回購,後大市調整也跌回$0.68,所以建銀這種買賣未必一
      定準,會否只是壓價,等散戶無信心持有。不知偉哥有無甚麼看法?

      刪除
    9. 建銀的持股主要是換CB所得的1千多萬股, 我諗現價比換股價有2成多升幅, 即使減持也是合理,無需太在意,正如實德可能也減持了一些。

      刪除
    10. 原來係建銀沽,佢成本$0.67,真係無大志。

      刪除
    11. 但如果實德都沽得勁,的確要留意下。雖然實德食下糊都好正常,但佢有成近1.18億股, 食1/3都大沽壓。不過可能亦為有信心人士帶來機會!

      刪除
    12. 多謝偉哥,其實,我也不大在意,因known兄想知,咁啱我又咗貨,分享吓信息。我自己想未公佈派第二次特別息,市場也炒上0.78,今公佈04/01/18宣佈派,價也只貴0.05,其實貴了,但能見度高了,實際風險細了,可能有謬誤,反正我信

      刪除
    13. PC 兄,非常多謝提供相關訊息! 如這接下來這幾天你還要入貨,方便的話,也請告知是什麼券商沽貨。其實橙已進入無蟹區,無信心既一早沽左,要食糊既,第一天升穿0.85好可能已食一水,而家沽貨既人,好值得留意下。之前無消息都上0.78, 現在明朗左d賣0.81,有值搏率。

      刪除
    14. 好的,若再買入,我會分享訊息!今日,見建銀轉名牌沽並積極沽貨

      刪除
  47. 成功在$2.41沽出大大注859.再一次謝謝偉哥,哈哈哈!今天我終於笑了!

    回覆刪除
  48. 偉哥558到返你理想買入價未?

    回覆刪除
    回覆
    1. 有排都未到我的理想買入價。我是1.2X沽清的, 點會1.3X買返?

      根本市場是錯誤解讀之前的換股動作。

      刪除
    2. 唔好意思
      工作繁忙
      無留意偉哥係1.2x 沽清

      刪除
  49. 請教下,文中話
    交易已於二零一七年十二月二十一日落實

    姐係成個要約完左?
    定幾時先會向小股東提出要約?

    謝謝

    回覆刪除
    回覆
    1. 交易已完成, 等緊向小股東提出無條件現金要約。

      刪除
    2. 偉哥,請教下,甘即係859係出左無條件現金要約後無可能高過2.422或者低過2.422?

      刪除
  50. 回覆
    1. 最近Blogspot系統係有D問題, 我已反映左, 但佢地好似搵唔到問題所在。

      刪除
  51. 3399會有這樣的一天嗎⋯

    https://hk.finance.appledaily.com/finance/realtime/article/20171227/57630887

    回覆刪除
    回覆
    1. 師兄,可能有都唔奇,買左3399要俾d耐性。感覺有利好消息醞釀中。

      刪除
  52. 請問偉哥同其他網友
    如果我同2個朋友分別有d 碎股 但夾埋岩岩夠一手

    有冇咩方法可以整到夠一手放出?
    因為碎股個價好唔靚仔

    回覆刪除
    回覆
    1. 我諗你提實股出來搞, 花的時間及人力會令你得不償失。

      刪除
    2. 就算在同一證券行, 但不同戶口, 也不可以加在一起沽的吧。我以前也問到經記, 可否把我跟太太戶口的同一股票一起沽, 可以避免給二次最低收費, 他的答案是不可以。是這樣的嗎?當然在證券行的利益來看,當然不可以,但實際上是否可以的呢?

      刪除
  53. 偉哥, 今日3399又出左3單公告了!

    回覆刪除