2017年6月12日 星期一

橙天嘉禾(01132) 出售中國影院業務大事紀




2017年4月3日:授出274萬購股權予大股東兼公司主席伍克波先生,認購價每股0.81元;由於授出的購股權數量剛好不多於已發行股數的0.1%,故此無需獨立股東批准

2017年4月13日:建議授出約1.07億股購股權予大股東兼公司主席伍克波先生,另再賦予伍先生可以向彼之外的合資格人士授予約3千萬股購股權,認購價每股0.84元,有關建議先待股東大會上由獨立股東表決通過。這項授權如通過的話,已發行購股權數量基本上已非常接近購股權計劃容許的上限數量。

2017年5月25日:橙天嘉禾內地影院業務的買家南海控股成功發行債券集資5億美元 (約39億港元),與收購影院業務的作價約37億港元極之接近。

2017年5月31日:公司向主席兼大股東伍克波先生收購泛亞影院廣告有限公司,作價7100萬元,剛好不高於公司資產淨值的5%,故此不用獨立股東表決批准。以公司目前拮据的財務狀況去作出此收購,是否先洗未來錢?

2017年6月22日:公司舉行股東大會,屆時獨立股東將會投票表決是否授出購股權予大股東兼主席伍克波先生。

要完成交易,目前最少還要等候兩件事項的公佈:

1. 中國商務部通過反壟斷審查。商務部在收到反壟斷審查申請後,一般是在四個月內會有結果,如果買賣雙方於2月底前申請的話,理應於6月底之前會有結果。自中國反壟斷法實施9年多以來,只有兩宗申請個案被否決,包括2009年禁止可口可樂併購匯源果汁及2014年禁止馬士基、地中海航運及達飛設立網絡中心經營者事項,與及29宗附加條件的批准個案,其餘1698宗申請個案俱是無條件批准,由此可見國內反壟斷法的寛鬆,實在難以想像南海附屬大地影院在併購橙天嘉禾後,按票房計算的市場佔有率也只是提升至10%左右,仍遠遠落後於龍頭萬達影院的13%市佔率,故交易因反壟斷法而被否決的機會極微。

2. 由於是次收購橙天嘉禾內地影院業務於南海控股而言,只屬於一宗主要交易,故此在得到控股股東書面批准交易後,無需另行召開股東大會表決,目前只待南海控股發出通函以確認有關的買賣協議。根據南海控股2月17日的通告,除非再申請延期,不然有關通函將不遲於6月15日或之前公佈。

我自己的估計是交易應該可以於7月份完成,至於為何預期7月可以完成交易,就暫且賣個關子,等猜中了才說。

等這宗交易順利完成之後,我再說說橙天嘉禾餘下業務的價值及公司整體合理估值。

241 則留言:

  1. 1132的價值其實視乎出售中國影院業務的交易能否順利完成,故此現在計算估值如何是言之過早,最關鍵的是分析交易能否順利完成。

    看整個大事紀,其實交易可以完成的確定性越來越高,但股價常有無形之手力壓,不知是因為大戶仲想收多D貨,還是說股價太高不利於授予伍克波的購股權獲得獨立股東批准,所以要力壓股價。

    不論如何,我是堅定持有等候結果。

    回覆刪除
    回覆
    1. 嘩!偉哥與格隆匯聯手發功,相信明天個價點壓都壓唔住囉。

      刪除
    2. 壓唔住? 而家零晨2點, 言之過"早"啊,你太睇少呢隻無形之手了。

      除非明天南海剛好出埋份通函。

      刪除
    3. 實德不斷在買....實德,實得,幾好意頭。

      刪除
    4. 今天又見到國泰君安的手影

      刪除
  2. 1132 呢支股我從來冇炒賣過,只知前身是周文懷離開邵氏後自己開檔叫嘉禾影業,靠李小龍的電影搵到第一桶金,但股價上市到今都未曾好過,當年嘉禾影業搵到大錢,甚至遠到加拿大買地起戲院。

    大約30多年前我去加拿大多倫多玩的時候,見唐人街 Dundas st. 不遠有一間戲院叫嘉禾,專放影香港唐片,我去睇過一次有些特別印象(1)門票為加拿大一元(2)是連續放映二套香港電影,一次睇二套片,可想而知當年加拿大的唐人生活多悠閒,記得其中一套是成龍的醉拳,呢套片主角成龍拍來拍去都紅不起來,就是靠呢套片紅透半邊天,仲帶埋袁小田鹹魚翻生,至於呢間戲院是不是嘉禾資產,還存在還不存在,我就不知道了。

    回覆刪除
    回覆
    1. ng wai 打咁大段野有甚麼implication?

      刪除
    2. 你識得佢時間少? 佢打一大段野通常是借偉哥一個小小項目乘機講佢自己多多事情, 這就是implication.

      刪除
  3. 1170升左一段时间之后就阴阴得跌😔

    回覆刪除
    回覆
    1. 我也是不明所以。

      過往數年, 只有一次是下半年業績差於上半年的。

      刪除
  4. 1132應該會高開,謝謝偉哥分析。

    回覆刪除
  5. 2333,淡倉仍未肯投降,昨日沽空金額$677.237M(佔13%),所以大媽只好繼續夾。

    回覆刪除
  6. 3918,跌到有點過份,@3.51掃左d貨,搏反彈。

    回覆刪除
  7. 1079都已是要約期, 不明白為何早上仍有人沽12萬@0.64而不接受要約,莫非真係咁等錢使?

    回覆刪除
    回覆
    1. 上星期開始每日都有十萬八萬成交@0.64,但係我個廿萬@0.64買盤日日都一手都唔中
      唉,唔知係咪一通每朝9點傳送AO盤去港交所慢過其他broker好多

      刪除
  8. 今日見98的買盤好稀疏,以為中銀已買夠貨.....而家又出返晒來。

    回覆刪除
    回覆
    1. 尋日買唔到,今早3.45買到,就快就買夠。

      777大佬今早可能是最好時機put 2333,有冇把握到?

      刪除
    2. 2333我今早有計劃LP, 可惜未到我的心水價約12元。

      98到了私有化否決前的價位, 看看阻力大唔大。

      刪除
    3. 98街貨應該都乾了, 偉哥否決私有化目標定多少?

      刪除
    4. 我今早都想12元L/P 因為見到有盲毛股評人叫人分批買入喎,但可惜12元冇開價冇成交。

      1132 好嘢上咗升幅榜啦。

      刪除
    5. 咪玩我啦, 我昨晚睇了原來根本無put輪又無熊證. 要借貨來put我又無膽. 現價10.74唔上唔落係正中間, 我估落的機會高. 反而我等緊恆指升多一陣就會熊佢

      刪除
    6. 我今早都有候實LP,可惜價唔啱,入唔到.

      刪除
    7. 2333 L/P 11.5的行使價 大約是0.92-0.97 見今日所有Put 都升。

      刪除
  9. 唉,成也精鋼敗也驚哂,組合太集中兩隻。沽出一注3808攞返啲安慰獎先再等過。

    回覆刪除
  10. 今早買了細細注的825@1.93,建立觀察倉先。

    回覆刪除
    回覆
    1. 這個私有化不用投票的,不接受要約就可以。

      刪除
    2. 新世界百貨的私有化對博奕雙方而言,是狹路相逢勇者勝,也可以預見2元的私有化要約並不容易獲得通過。

      小股東爭取更高作價的勝算並不低,但要爭取更高的回報,當然要承受更多的風險;如果已滿足於2元要約的小股東,並且不願意冒更多風險的話。或者可以考慮先行止賺離場。

      有了上次否決98私有化的經驗, 這次我又想再賭多鋪.....

      刪除
  11. 資源股反彈都冇581份!

    回覆刪除
    回覆
    1. 同業兩隻鋼都4%升幅,581又跑落後

      刪除
    2. 哈哈, 不爭朝夕。

      我相信581的中期業績會比323, 347更好。

      刪除
    3. 581是否又係大户壓住?

      刪除
    4. 有3球個零成本嘅股權激勵計劃上板><

      刪除
    5. 可以查一查CCASS, 未必有沽出來的。

      刪除
    6. 那360萬股仍在non-ccass, 並沒有沽出來。

      刪除
  12. The job is done! 可專心工作。^^

    回覆刪除
  13. 1132 是有偉哥效應嗎??
    大成交大升喎

    回覆刪除
    回覆
    1. 3千萬成交,好耐無出現過了。

      刪除
    2. 偉哥加格隆匯一齊出擊可以打上成交3千萬?定真係黎料?

      刪除
    3. 請問ching見唔見到边間買緊?

      刪除
  14. 偉哥有無留意1373?現價低過主席增持價不過最近應該有大户(基金?)不斷沽貨

    回覆刪除
    回覆
    1. 剛剛有朋友提到,基金不斷沽貨,真係唔明點解。

      情況都同1170有D似。

      刪除
    2. 日本城業務穩定,現金多,派息又多,下跌都係入貨機會

      刪除
  15. Known兄隻1263同1009係咁升, 走晒寶. 原來之前下跌是陷阱, 頂

    回覆刪除
  16. 偉哥,潮流興直播,會否直播3399股東會!

    回覆刪除
    回覆
    1. 我今日公司返貨,冇法出席股東會,不過有朋友會出席,所以都不會誤過任何重要資訊。

      刪除
    2. 3399 A股上市進展如何?而家好似連董事會都未通過

      刪除
    3. 作者已經移除這則留言。

      刪除
    4. 管理層預計今年第四季正式申請A股上市,申請後有3個月輔導期,然後就開始排隊。
      最樂觀係18年11-12月批准上市,最遲也應該係2020年成功上市。

      刪除
    5. A股將於第4季交表, 預期最快2018底上市, 最遲2020年上市。

      刪除
  17. 偉哥對銀髮債卷有咩睇法? 對老人家是否好事?
    http://www2.hkej.com/instantnews/hongkong/article/1579232/%E9%8A%80%E8%89%B2%E5%82%B5%E5%88%B8%E4%BB%8A%E8%B5%B7%E6%8E%A5%E5%8F%97%E8%AA%8D%E8%B3%BC

    回覆刪除
    回覆
    1. 以超低風險投資而言,回報是可以。

      刪除
  18. 494利豐跌到呀娘不認得咁醜臉,馮氏家族持有32%,明派息有3億2千萬元,為什麼不用股息來大股東爭持來支持股價?

    回覆刪除
  19. 典型老散。。。沒耐性沽出1132@0.83,追入剛爆升的8183。然後就買既跌,賣既升,然後又@0.88追返1132@@來來回回輸死人。。。轉主板的8177又遭好消息出貨,唉。。。

    回覆刪除
  20. 冇前景嘅公司點會有人炒,快快止血方為上策

    回覆刪除
  21. 1263又爆多日
    唔通同政府搞電競音樂節有關?

    https://topick.hket.com/article/1834056/8%E6%9C%88%E9%A6%96%E8%BE%A6%E3%80%8C%E9%A6%99%E6%B8%AF%E9%9B%BB%E7%AB%B6%E9%9F%B3%E6%A8%82%E7%AF%80%E3%80%8D%E3%80%80%E9%9F%93%E5%9C%8BSMTOWN%E7%B5%84%E5%90%88%E5%8C%85%E6%8B%ACEXO%E8%A5%B2%E6%B8%AF

    回覆刪除
    回覆
    1. 單新聞完全無講與1263有什麼直接關係喎,不過咁,本港現時與e-sports扯得上關係既上市股份只有1263,在誠哥投資Razor後所引發既本港電競熱點都應該受惠呱,再加上近月Crytocurrency熱,所以造1263谷底大反彈。

      1263由上星期最低$1.24升至今日最高既$1.74已經升逾40%,不要忘記,這只是一星期的事,足証此股的Beta超高及流動性超低,膽小者勿買此股。

      我的成本價(計及除息)為$2.05,最慘那刻輸40%,但以今日最高位計只輸15%,暫叫做無咁傷,依家唸緊好無走部份同佢炒下波幅。

      刪除
    2. 平均價1.69走左 十日有2O%盈利 心足了

      刪除
    3. 我都考慮緊走咁D好唔好
      始終短時間升得咁急
      計埋派息剛返家鄉同微利

      刪除
    4. 決定睇多一日先再算,因為呢隻股都算偏乾,今日買盤又進取,如果明天再大升,就鐵定減持部份。

      刪除
  22. 永嘉(#3322)橫行左1個月,3線匯聚($1.15),下星期20號除淨,看看Webb效應幾時出現。

    回覆刪除
  23. 前排提過既8131及其供股權(8582)今日就雙雙炒起,供股後其市值仍細,另今日8582最後交易日。(利申:無貨)

    回覆刪除
    回覆
    1. 睇番原來今日成交量不多,無乜啟示性。

      刪除
  24. 融創中國1918今天做了歷史新高15.66元, 現在上漲1.7元(12.43%), 難道真的會如雪球所說在2022年見80〜100蚊? 可惜我不敢相信!

    回覆刪除
  25. 心急的我今天放晒98興發,感謝偉哥,謝謝你!你太偉大啦!
    全數入返1033中石化油服!

    回覆刪除
  26. @友記二号:二大問題,一湛江客運進展,由於湛江土地利益問題未能解決,粵運與湛江政府仍然在談判中,那佔客運51%是不變,而且湛江規模大人數眾多,併購難道比以往併購客運多,因此需要多点時間,但這併購不會出現胎死腹中,第二是回A方面,內地政府不容許上市公司以雙線發展和不清晰業務上市,因此未來有機會將材料物流方面分離,以客運服務為主要業務,最快要2018年年尾才能上A。

    回覆刪除
    回覆
    1. 是分拆客運業務還是材料物流回A?

      刪除
    2. 把材料物流剝離粵運交通,3399只專注於客運發展。

      刪除
  27. 粵運油站生意,管理層也說高估了生意額,而近期油站的減價戰影響不大

    回覆刪除
    回覆
    1. 谢谢. 难怪路演期间股价会这样. 到现在应该已反映了吧.

      刪除
    2. 一般新的廠房投入營運,都要經歷一個ramp up的過程,可能是1、2年的時間,所以盡管2339的捷克廠手上有大量訂單,但預期今年仍要蝕錢。

      新加油站也是,斷不可能一開就達至預期的加油量, 始終公路新、加油站也是新的品牌,需要時間去讓客戶認識,如果一開業就達到預期的營業額, 咁樣你信唔信?

      刪除
    3. 3399有咁好的護城河及現金流,只會加倉,唔會減倉!
      2317排0.78排唔到入去。。。
      1132已達目標,不過貪心啲,想睇下過唔過到今年高位,請問偉哥睇目標價係幾多呢?
      另外,之前無機會答謝反Terminator兄的指教,IGG的確係個投資標,到時睇下日本市場的反應先。

      刪除


  28. 閩信集團(00222.HK)供股僅獲51.4%認購
    2017年6月13日 05:12:24 p.m.

    http://www.hkexnews.hk/listedco/listconews/SEHK/2017/0613/LTN20170613509_C.pdf

    閩信集團(00222.HK)公布供股結果,公司已接獲合共23份有效申請及接納,涉及合共7,088.43萬股供股股份,有效申請及接納合共相當於可供認購的股份總數51.43%。因此,供股尚有48.57%未獲認購。

    由於上述供股結果,董事會已議決接納所有8份額外供股股份之有效申請,涉及合共336.69萬股供股股份,並向相關申請人悉數配發及發行該等數目之供股股份。

    有效申請及接納合共相當於供股項下可供認購之137,828,596股供股股份總數約51.43%。因此,供股尚有66,944,303股供股股份(相當於供股項下可供認購之137,828,596股供股股份總數約48.57%)未獲認購。

    而因供股認購不足,包銷商須根據包銷協議認購,或促使認購人認購未獲承購供股股份66,944,303股。預期供股股份將於本周四(15日)九時正在聯交所開始買賣。(ka/lf)~

    阿思達克財經新聞

    完成供股後(十供三 供股價6元), 大股東貴信的持股從222,006,600股(48.32%)增加到355,552,883股(59.53%), 大股東貴信應該相當滿意!

    回覆刪除
    回覆
    1. Louis兄, 是否可以說明大股東也認為6元是值的買入, Louis兄,你有持此股嗎?我想在此價也跟大股東坐同一條船。按道理,除了黑天鵝外, 再大跌機會應不太,是嗎?你的意見只作參慮, 買賣是我自己決定,一切後果也是由本人承擔, 跟你的意見沒有關係。

      刪除
    2. 控股股東貴信包銷, 供股價6元, 較上一個交易日(3月17日)收報折讓14.04%。
      不是用很大的折扣例如三四元供股, 那就是不想小股東積極參與供股, 大股東應該是看好。
      最近我不能控制自己,在5.8元買一些222,如果跌到5元會買更多。

      福建省政府會不會用注資養大公司, 股票會不會有炒作, 我就不知道了!

      刪除
  29. 回覆
    1. Joshua Chan 兄, 3333仲有無留意?

      刪除
    2. 3333延期,唔知回到邊,唔睇住了

      刪除
  30. 今日用了一整個早上再次分析1132
    確認在交易成功的前提下
    合理估值最少在1.2以上
    而且確定性非常高
    於是在0.85大膽加注200萬股
    希望同大家一齊有所斬獲

    回覆刪除
    回覆
    1. 作者已經移除這則留言。

      刪除
    2. 係200萬,我記得好似有個差唔多名的blog友發d post鬼鬼地(可能我記錯名)

      刪除
    3. 作者已經移除這則留言。

      刪除
    4. 很少這樣大注 一般都是3%一注

      刪除
    5. 你就尽管吹啦!我看完今天的交易都找不到有入两球的。

      刪除
  31. 確定性太高了
    還有偉哥信心保證
    唔入爆佢對唔住自己

    回覆刪除
    回覆
    1. 哈哈, 什麼時候我成為了信心保證....我諗過幾日如果1132跌返, 你這次會走出來哭訴輸左幾年的人工 .....上次唔記得邊隻話輸左你幾個月人工, 我一時記唔起。

      刪除
    2. 天機者2017年2月21日 上午1:10
      偉哥,真抱歉,今日頂唔住把2339斬了
      因為輸了差不多3個月人工了
      雖然信你會升番,但惠理仲有成半億貨
      要質多10-20%都唔難
      實在頂唔住
      但我會守住1132 均價0.79入了30萬股
      希望再上0.9樓上

      偉哥,我的記憶力尚算不錯吧?

      刪除

    3. 天機者 已針對您的文章「大日子」留下新意見:

      之前支持偉哥重注98
      今日一日輪左3個月人工
      不過我堅信偉哥 今日再加注
      相信過兩個月會破頂

      刪除
    4. 輸完3個月人工, 再輸3個月人工, 下次應該是輸幾年的人工了。

      其實網友如果有不同意見,明刀明槍來挑戰我也沒有所謂,總勝過這種明捧暗踩的小人所為。

      刪除
    5. 天機者其實是否又係之前那些古人進化出來, 唔怕自爆啦. 反正我地都起左你底.

      刪除
    6. 偉哥英雄本色,散發豪勇之氣.大喝一聲..放馬過泥啦..Jam彷彿捧讀著武俠名作...

      刪除
  32. 這裡的網友真係好勵害,特別係現金流好強勁!👍

    如果呢個信息係由偉哥send 出,我估明天一早就夾上$1.00 或以上

    回覆刪除
  33. 8129相信已加入醫管局行列,E系新成員。另券商方面,太平雞業似乎與E系行得好埋。

    回覆刪除
  34. 想再請教偉哥, 睇股權披露, 我發覺好多時有個情況, 比如大股東持股並50%, 但佢又分幾個基金幫佢HOLD貨, 可能A基金HOLD 20%, B基金HOLD 15%, C基金HOLD 10%, D基金HOLD 5%, 但好多時一報, 就會將大股東連4個基金各自持有的數都SHOW出來, 但我地根本唔知呢D基金同各股東的開係, 繳左好多時睇到好亂, 唔知實際邊個股價HOLD左幾多貨。

    以0045大酒店為例, Kadoorie Betty,Kadoorie Michael David 相信係夫婦, 各顯示持股54.44%,但係佢地下面: Harneys Trustees Limited又持42.57%, Xenon Holding Corporation又持24.87%, The Magna Foundation又持21.25%, 仲有好多不能儘錄, 亂個聯合國。

    到底要如何才可分辨到, 邊個至係隻股的實際持有人及其持股量(即XX%), 我研究左好耐都搞唔清。希望偉哥睇得明我想問乜 ^_^!

    回覆刪除
    回覆
    1. 你如果看不明白, 就看年報吧。年報的董事會報告一節, 會有公司主要股東的名稱及注釋。

      刪除
    2. 原來仲有此一招, 謝謝偉哥!

      刪除
  35. 138最近變強的原因:

    【李華華搶先睇】麥浚龍阿哥贏太古 奪法拉利代理權

    http://static.apple.nextmedia.com/images/e-paper/20170613/large/1497346022_0387.jpg

    http://static.apple.nextmedia.com/images/e-paper/20170613/large/1497346030_73c5.jpg
    麥俊翹旗下的Blackbird係柴灣有車庫,但網頁講明要預約先有得睇車。

    做咗法拉利香港代理多年嘅Auto Italia上月冇咗代理身份,市場一直盛傳,太古同麥浚龍(Juno)阿哥麥俊翹(大寶)爭緊代理權。傳足成個月,最終噚日Juno阿爸麥紹棠做主席嘅中建富通(138)一紙公告揭曉阿仔爭贏了。

    通告話,麥俊翹創立嘅Blackbird Concessionaires已經同法拉利香港簽訂一份無約束力意向書,預期最快本月底就法拉利汽車代理業務簽訂確定性協議,法拉利香港將委任Blackbird Concessionaires為香港分銷法拉利汽車同提供售後服務嘅正式授權代理商。

    大家可能唔多認識麥俊翹,只知佢係Juno阿哥同潮人,搞起潮牌SILLYTHING,所以中建富通特登喺通告介紹番,佢早於2014年創立Blackbird汽車集團,涉獵現代、古董汽車投資、貿易、修復服務,仲有汽車運輸服務㖭。

    Juno一家都愛名車,亦唔止一次俾大家見到佢哋揸法拉利、賓利威威,Blackbird官網地址喺柴灣,官網講明柴灣車庫係要預約先有得睇。

    回覆刪除
  36. http://hkm.appledaily.com/detail.php?issue=20170613&guid=56824392&category_guid=7015342&category=instant

    安邦出事?

    回覆刪除
    回覆
    1. 財新4月炮打安邦, 都已估到會出事, 如果你知財新的靠山是誰的話。

      刪除
    2. 財新網誰個係話事人就一早通晒天,唔係果個女發行人死一百次都未夠。

      依家佢敢攪鄧氏後人,有好戲睇,不久前蘋果更新話財新網已唔見吳小暉被帶走消息,花生指數急升。我心唸,咁唔知幾時會攪埋海航呢?

      刪除
    3. 哈哈, 証明你唔清楚財新網的真正幕後靠山是誰。

      刪除
    4. 財新背後不是習大王嗎?海航有傳是習的手下王公公的,前排郭生先爆嚮口話習王連海航都想查埋。

      未知我有否理解錯。

      刪除
    5. 是王書記,所以為什麼財新與郭文貴勢不兩立,但郭文貴死咬住王書記唔放。

      刪除
    6. 又唔似淨係針對郭文貴一個,好多權貴佢都有攪,給我的感覺更似是習想藉此工具來清除異己。

      不過誰是誰非也唔關我事,我更無興趣想知誰個鬼打鬼。

      //

      2017年05月08日 【國策透視】中國最危險的女人

      內地夠膽揭黑的媒體,一般都無好下場,例如多次揭黑的「21世紀網」,2014年主編在內8人被逮捕,總編輯被判刑4年。多年來,唯有《財新網》發行人胡舒立至今安然無恙,為她贏來「中國最危險的女人」稱號。《財新網》在4月尾向財雄勢大的安邦集團宣戰,恐怕是她至今最重要的一戰。

      《財新網》指安邦董事長吳小暉的家族,以虛假增資的方式,用5.6億元(人民幣,下同)的資金,控制超過19,000億元的資產。如果指控屬實,足以令安邦倒臺。安邦是資本市場龐然大物,如果出事後果非同小可,這是近期A股持續弱勢的重要原因之一。

      過去20年,倒于胡舒立筆下的大鱷不計其數,包括A股銀廣夏、德隆系、山東魯能、郭文貴等。但以資產規模和影響範圍計,安邦遠超之前這些大鱷。安邦亦強烈反擊,向胡舒立提出訴訟,指其曾多次要求給予廣告和贊助不果後,再以不實報導抹黑。該罪名與之前「21世紀網」一樣,屬於勒索行為,足以致胡舒立死地。

      《財新網》和安邦互撼,但如今安邦處境已非常不妙。中保監上週五宣佈,安邦保險三個月內禁發新產品,其後又指要壓打虛假保費注資行為,顯示《財新網》是有備而戰。

      刪除
    7. 那趙X,范冰X, 章子X同居單野是堅的嗎?

      刪除
    8. 原来777是三姑六婆来的,坚与否重要吗?把股看好才是最实际,正如今天那个138又可以沽得了。

      刪除
    9. 你有堅料只俾偉哥唔俾我, 我只有做三姑六婆了

      刪除
    10. 哈哈, 青兒的料好似是公開講的, 我看到的訊息和大家看到的沒有分別。

      刪除
    11. 我以為"冇",原來睇漏左!

      刪除
    12. 唔該Louis兄, 我自己打錯都唔知.

      刪除
  37. 重溫舊文:

    立論:又一位財金界燈神
    http://hk.apple.nextmedia.com/financeestate/art/20170111/19892702

    回覆刪除
  38. 8127正式申請轉板,我真係笑到碌地,想搵藉口炒吓股啫,駛死咩?心思思想明天追的朋友,小心聽日變咗做中伏日。

    回覆刪除
    回覆
    1. 申請啫。我都申請入巴郡做股神接班人,等批

      刪除

  39. 07:06
    【安邦保险集团:吴小晖因个人原因不能履职】据人民网,安邦保险集团官网发表声明称,董事长兼总经理吴小晖先生因个人原因不能履职,已授权集团相关高管代为履行职务,集团经营状况一切正常。
    (华尔街见闻7x24直播 不止是快) https://wallstreetcn.com/live/global

    回覆刪除
  40. 睇蘋果先知, 原來952係安邦的, 之前不是說泛海的嗎? 那即是說泛海系就是安邦, 頂好亂.

    回覆刪除
    回覆
    1. 民銀應是安邦的,而民銀班人又與泛海班人關係非淺,所以被誤以為952屬安邦也可以理解。

      刪除
    2. 有壞消息時就吹話安邦有份952, 之前好消息時就話安邦唔要, 俾泛海執了2攤. 個市場真係好狡猾

      刪除
  41. 581, 津西鋼鐵頭4月盈利15億人仔, 計番持股69.3%, 上半年都實可以發盈喜喇掛
    http://news.steel008.com/view/34366.html

    回覆刪除
    回覆
    1. 今年上半年業績理應不錯。

      刪除
    2. 69.3%係抄錯偉哥之前講581既文
      我唔肯定"河北津西股份"係咪計晒津西系既公司, 不過我估上半年會發盈喜

      刪除
    3. 15億到底係毛利/EBIT還是純利?

      刪除
    4. 作者已經移除這則留言。

      刪除
  42. 可以投資什麼股票?

    京無人駕駛地鐵試行

    內地首條無人駕駛地鐵線北京燕房線,上周六展開全線調試,吸引不少民眾試乘,預料今年底可開通使用。投入運營後,列車控制系統將實現自動喚醒和休眠、自檢、自動發車離站、區間行駛、到站精準停車、自動開閉車門等全自動操作;還可自動出入停車場、自動洗車,並根據客流量實現列車自動投入或退出運行等功能。

    回覆刪除
    回覆
    1. [風叔時事] 中國發展到底有多快?十個事例證明了「三年一大變」
      http://forum8.hkgolden.com/view.aspx?type=CA&message=6737560

      刪除
  43. 立論:學投資A股有錢途
    http://hk.apple.nextmedia.com/financeestate/art/20170614/20054984

    我對A股真的一無所知!

    回覆刪除
  44. 照理南海要係明日或之前出公告, 很虐心呀。早少少出唔得嫁咩T__T
    1132又回番少少,係機會定陷阱 好快開估

    回覆刪除
    回覆
    1. 可以申請延期的。

      按照我估計, 最快是下月才完成交易。

      刪除
    2. 呢幾份鐘既盤似有d料到

      刪除
    3. 申請延期係咪都要明天前出公告?

      刪除
    4. 估錯唔好打頭 因為大股東要賺到盡 所以要等股東會批准配發後先完成交易

      刪除
    5. 其實股東大會應該點都批認股權比大股東,廢時佢倒亂 0.84行使價
      宜家都過左0.9...

      刪除
  45. 偉哥,會吾會投資ethereum 或 veritaseum?

    回覆刪除
  46. 兩岸猿聲啼不住, 輕舟已過萬重山。

    回覆刪除
    回覆
    1. 1132只有大約9.1億股街貨, 拋來拋去, 收極都唔乾!

      刪除
    2. 我都沽左 2/3 @ 0.91
      淨低少少搏下大霧

      或者回d再買番

      刪除
  47. 咁多位師兄,有個問題想請教。
    如果有個買家增持一隻股票over30%, 要向股東發有條件全面收購要約,在21日內發出要約通知。我有以下問題:
    1. 佢公佈持有over30%後21內都唔發要約,反而delay發出個要約,可以delay到幾時?
    2. 如果接受要約票數over50%, 咁係接受個d人先會被被購手上股票,唔接受就冇事?
    3. 通常咩情況先會delay發出要約?玩財技?定有變數?
    我知應該冇咩人留意呢隻,在下講緊隻231...唔該晒!

    回覆刪除
  48. 今早走咗581, 有少少進賬+股息。 多謝偉哥。 轉馬1157。 今日放假,另一早走了轉981,賺了餐飯。呢兩日,2,3綫有少少起色咁。

    回覆刪除
    回覆
    1. 981,我今早都有炒,見高開異動,排到9.21入左,上午收市前沽出。

      刪除
  49. 偉哥點睇6123 。收賺價4元現價3.53 差價都幾大

    回覆刪除
  50. Volvo全新一代XC60由$京西国际(02339)$ 捷克新工厂供应减震器,今年4月开始交货。这款减震器看上去比手臂还粗,性能应该不错--摘自雪球

    回覆刪除
  51. 余卓兒及余少玉真正積極蒐集191和488,分別很快達到29%和10%的股權!?

    回覆刪除
  52. 股市話賺錢好容易又得,話好困難又得,好似我之前買入的四萬股 98,私有化不成大幅下跌,差不多唔見二萬,見跌到3.05時點解唔再買?要等到3.2幾才買,因為我不是神,不知何處是底,見到冇再跌穿3元咪開始買咯,依家由輸變贏差不多二萬,但我仲未走。

    再說期權,今個月本來我有萬幾元賺,長倉加埋短倉,但我冇賺冇平倉,星期一大市跌咗三舊幾,由贏變輸,輸了幾千元,你可以我話貪心抵輸,假如今個星期一大市真的如富昌譚生所預測,向上爆升穿260的話,當日我會追買,肯定嬴十萬八萬。

    即月仲有10多個交易日,博多四張細L/C262@47點,希望下個星期大市爆上。

    回覆刪除
    回覆
    1. 見升唔上又跌唔落,我入2333LC@10.5摶至星期五..

      刪除
    2. 10.5 L/C 同L/P 差不多同價大家都是0.4幾,可惜3333冇期權,眼光光睇住跌。

      刪除
    3. 2333睇中跌無得收錢, 不過我又估佢聽日試一試穿10元就會好快升返上次高位有突. 所以我今次會用call輪出手, 可能是25751, 因為成交最多, 其實多人買, 應該唔會搵笨吧?

      刪除
  53. 剛剛投入581懷抱 同大家並肩作戰

    回覆刪除
    回覆
    1. 我都仲等緊, 不過可能無機會了... 低現價10格

      刪除
    2. 七七七。你仲敢入?

      刪除
    3. 我只係每日試排下, 最好唔中啦, 我都希望你地有貨的一直升. 不過如果可以, 等我入返再勁升都好啊

      刪除
    4. 777勸你唔好..盞大家一穫熟..呵呵,講笑啦,最近你都好似轉運,希望帶番量氣俾大家

      刪除
  54. 偉哥,想請問有無研究一d只做投資,但無實質業務既公司?356鼎立資本市值僅億半,14年復牌至今無配股無炒作,資產淨值有0.089元,高於現價,有無可能係等復牌三年後賣殼?

    回覆刪除
    回覆
    1. 21章公司殼價低D? 同冇咁大市場?

      刪除
  55. 偉哥您好,想請問825私有化,由發出通告當日計需要幾多日進行表決通過與否?

    回覆刪除
  56. 美國減債,幾嚇人,雖然美國尋晚無反應,但一開始意識到就...

    回覆刪除
  57. 787一開波玩 Deep V,咩事?

    回覆刪除
  58. 有幾嚇人呢?會對A股及港股市場短期和有幾大影響呢?求解

    回覆刪除
  59. 3399今日有5.14成交,我估有人唔記得今日除淨

    回覆刪除
    回覆
    1. 不是,成交1000股,非散户買

      刪除
  60. 原來最近內地有文章推介609

    回覆刪除
  61. 8200 修身堂 某集團打手兵分幾路唱好已幾天 長編理句不再表述 真好易入腦兼入市 而家@0.082 放長眼看看放料者是龍是虫 講真打心口我也不敢買 看歷史玩財技供股合股密密麻麻 點買呀打手。

    回覆刪除