置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年3月8日 星期三

花無百日紅



花無百日紅,股無千日好。今日見到網友問及近日急升的粵運交通(03399)什麼時候適合沽出好,有感而發。

請大家不要誤會,我並不是說沒有股票可以長期持有、長線上升,只是斷章取義,借此說明多好的股票也有低潮期,不可能日日都升、月月都升、年年都升,長線大升伴以適當調整才是正常。

說到粵運交通,我其實頗有感觸。大家都知這股我從2013年中期業績的盈喜公佈後已公開說大注買入,並月不斷增持,然後在2014年9月去了第一次的實地調研,回來後寫了一篇很正面的調研報告與大家分享,其時股價約2.8元(派送紅股調整後的股價),再之後的兩年我也寫了數篇文章一直在跟進,也因為粵運的業務及業績一直符合我預期,所以我的看法正面,也一再調升目標價,然後母公司因應申請A股上市而於上年初提前行使可換股債,攤薄了股東權益及每股盈利,導致上年股價出現深度的調整,這段日子相信大家都很難受、熬得很辛苦,我也是。我最難受的並不是股價跌。坦白說即使上年股價最低位的4.2元左右,我的帳面盈利仍非常豐厚,回報仍是以倍計算,而且很高興可以以偏低估值增持。大家不善忘的話,應記得我兩次公開提及撈底粵運,最低價是4.2元左右,時至今日這些在我粵運持股中成本相對最“貴”的一批,帳面上也有50%的回報了,那我要感到很難受嗎?

最難受的是有些網友太遲才通過我認識粵運交通這隻股票,也在2015年相對高位買入了,所以出現深度調整時,部份網友要蒙受帳面的損失。這些網友極大部份都很好,沒有冷言冷語或者怪責我,我很感激;有很小部份覺得受到我言論影響而高位買入,所以在這網誌搞事、在雪球吵吵鬧鬧,極盡諷刺之能事。雖然他們有時用到簡體字留言,但身份是國內球友還是香港網友,我還是分辨得出,以至於現在網誌要採取留言審核的設定,也是為了應付這極少數朋友的搞事的無可奈何之舉,對各位網友造成不便深感抱歉。

前段日子有網友問到我粵運交通目標價是多少,有了前車可鑑,我選擇慎言,在一些新開設的業務未有深入了解之前,不想貿貿然評估目標價,也不想影響各位的判斷。希望各位可以基於已知的資訊、業務狀況,自行判斷、決定什麼價位沽出止賺/止蝕,又或者炒炒波幅,又或者手中有股、心中無股,不理股價升升跌跌,各適其式,最重要是自己覺得舒服,不要拿著的時候擔心股價會再大跌、沽出後又怕股價升不停,這些都是無人可以事先準確預料得到的,投資決定有風險,或者沽早了,或者沽遲了,要準確摸頂沽出是很難的。另外,各人的持股成本不同、比重不同、可承受風險不同,也會有不同的決定,所以大家就自行決定買賣時機,恕我無法給予建議,我可以做的只是不時分享我對公司的看法及股份的買賣而已。

借著粵運交通股價(03399)再次騰飛的時刻,說了如此多的廢話,言不及義,抱歉浪費了大家的寶貴時間。最後想說的是近期自己不少持股開始發力,很大機會是我時來運到,正如下列視頻中那位幸運的入球者一樣.......大家不要太恭維我,以免日後我無運行、步入低潮時,心理有太大的落差。



最最後,順祝各位女網友們婦女節快樂。

255 則留言:

  1. 近日我真係覺得自己好有運....昨日執到無風險的現代牧業這種一年只有1、2次的無風險套利機會....今日又咁巧合見到隻411有人賤賣,仲要搶到平貨。

    回覆刪除
    回覆
    1. 你會和別人分享自然會有福報, 你行運咪即是大家都運

      刪除
  2. 偉哥,講句公道說話,機會係留俾有準備、做足功課的人。但能捉緊機會,享受成果的,是有耐性同堅持的人。你絕對唔係幸運,而係實力的表現,我跟左你個BLOG幾年,雖然唔多留言,但的的確確你的命中率好高,尤其係講投資股(其實投機命中率都好高...),所你係好有實力的!! 佩服!!

    另外,雖然我無跟到你買到3399,但其他參考你意思後買入的,嬴錢的不計其數。非常感謝!

    最後,我仲記得年幾前我講過:授人以漁,終身受用,無私教導,俠之大者。偉哥的高尚的人品,無言感激同感謝!! (哈哈,可能有D奉承同肉麻,但真係有感而發。相信亦係唔少睇偉哥blog的朋友的心聲)

    回覆刪除
    回覆
    1. 其實D人睇左偉哥就當做左功課,唔怪得人.再睇埋偉哥買買賣賣既留言,心急上車,跟車太貼者...

      刪除
  3. Support!
    偉哥,期待1203 都可以快啲上力!

    回覆刪除
  4. 3399 今日終於回到成本價,因為之前高位買入仲蝕緊本,一月低位不敢增持,今日重看偉哥舊文,所講的逐一實現,實在拜服,自己揀的902高位買入至今仍是蝕本.偉哥,很感激你無私的分享,自問到現在仍未有能力發掘具潛質的股票,是你的文章讓我了解股票,希望旁人閒語不會打擾你的心情,真心支持你!!股票花無白日紅,唯獨是金石良言,歷舊常新!!

    回覆刪除
  5. 呢球波都真係幾搞笑,正宗既"無心插柳"

    回覆刪除
  6. Support!
    小弟有野想請教,我有隻1400停左牌成個月, 最新公告入面咁寫



    根據上市規則,收購事項構成非常重大收購及涉及本公司新上市申請的反向收
    購。此外,由於目標公司的主要股東於完成後將成為控股股東並因此由於收購
    事項將成為本公司的控制者,故根據上市規則第14A.28條,收購事項亦構成本
    公司的關連交易。

    於完成後,一名或多名賣方及與任何彼等一致行動人士於本公司的股權預期將
    達致需要有關賣方及與任何彼等一致行動人士根據香港證券及期貨事務監察委
    員會(「證監會」)發佈的公司收購及合併守則(「收購守則」)規則26.1對
    尚未由有關賣方或與任何彼等一致行動人士擁有或同意收購的所有已發行股份
    作出無條件強制全面要約的程度,除非已獲得證監會企業融資部執行董事
    (「執行人員」)的豁免,豁免嚴格遵守收購守則規則26.1。因此,有關賣方
    將根據收購守則規則26 豁免註釋1向執行人員申請清洗豁免(「清洗豁免」)。
    根據買賣協議,授出清洗豁免未必可獲豁免。倘清洗豁免未獲執行人員授出,
    則買賣協議及配售協議將不會成為無條件及收購事項及配售事項將不會進行。
    於本公告日期,本公司正在編製載有(其中包括)收購事項、配售事項的詳情
    及清洗豁免申請的公告。董事會將盡其最大努力編製及刊發公告以便盡快恢復
    買賣股份。



    請問應該點樣解讀呢單交易?

    回覆刪除
    回覆
    1. 公司想通過發新股去收購業務, 完成交易後會導致控股權有變,但新大股東不希望要其他小股東提要約收購,所以要向証監申請豁免。如果取不到豁免的話,交易會終止。

      刪除
  7. 偉哥,人品無得顶,分享股票還担心買了货的網友中招,可惜因这件事不再寫雪球,除股票,做人,家庭都要向偉哥學習,再次謝謝偉哥

    回覆刪除
  8. 再次謝謝偉哥介紹3399, 如偉哥所言公司業績好始終會在股價反映出來

    回覆刪除
  9. 再好既股,入價入得差,一樣係蝕錢
    唔關偉哥事
    反而要多謝偉哥介紹既3828同2136

    回覆刪除
    回覆
    1. 同樣, 再爛既股, 都有賺大錢既時候
      這就是股票市場

      刪除
    2. 不能同意更多 買入價 賣出價可以令件事變得完全唔同。3399呢一年我係包持股無百日跌既態度去持有,可惜佢真係跌多過一百日。

      刪除
    3. 多口問句: 點解要取名"來生不做窮人", 而不是"今生不做窮人"?

      刪除
  10. 天順證券(01141)公布,董事會已獲售股股東告知,售股股東與要約人及Brilliant Decent訂立買賣協議,將出售待售股份,代價約2.05億港元,相當於每股約0.06港元,其中25.27億股待售股份將由要約人收購,餘下9億股待售股份將由Brilliant Decent收購,合共相當於現有已發行股本約19.23%。

    另外,該公司、要約人及Brilliant Decent訂立認購協議,將發行合共269.5億股新認購股份,認購價為每股0.032元,相當於總代價8.62億元,其中250億股新認購股份將由要約人認購,19.5億股新認購股份將由Brilliant Decent認購。

    該公司又建議進行分派,公司持有的所有中國軟實力(00139)股份,以及持有的所有未來世界(00572)股份將分派予股東,股東持有每10,000股股份獲得約682股中國軟實力股份及約177股未來世界股份。

    於中國軟實力出售事項完成後,建議向股東以現金分派及支付不少於每股股份0.021元的特別股息。

    回覆刪除
    回覆
    1. 以收市價計:要約價+2隻股份分派+特別息=0.10248

      刪除
    2. 民生2年前買華富失敗後,今次轉戰天順成功,猶記得當年傳民生入市,華富由0.6 復牌後升到 1.8, 及後上過高位2.6,要約價唔係甘重點,望既係民生同華融二大巨頭可牽起既炒風

      刪除
    3. 這股興趣不大。

      印象中1141和139以前都是邪股。

      刪除
  11. 偉哥好, 我見到你呢篇野, 都有感而發:
    1. 睇偉哥既BLOG都應該兩三年前開始, 當時係另一邊R字頭網頁留意到偉哥,呢幾年都基本KEEP住日日追,不過係CD-ROM既形式往往係已讀不回, 或請恕未能刷升留言量人氣
    2. 我每日一有時間睇股票既,就自不然會黎睇偉哥;我個人認為,呢個BLOG除左偉哥既文章,再加埋偉粉既一概留言,更勝於主流任何電視節目,周刊,電台。呢個BLOG,有資訊(精要),有分析,有教學(尤其睇DEAL),真係無得輸。反而我就唔會將偉哥BLOG同雪球或其他網做比較, 因為性質都幾唔同
    3. 雖然我日日追, 但基本上我無幾可會跟偉哥買, 又或者我唔算係忠實偉哥粉絲; 因為我自己時刻都對任何媒界所推介既NO.都有所警剔, 好現實股票呢家野如果唔係要散貨, 愈多人吼自不然股價愈升, 而我自己就好怕做接左火棒放唔返走果個; 不過又當然偉哥推得既股票, 客觀說十隻有八九隻都係當時係有投資價值或投機原因, 股價升又更引黎一班粉絲既支持, 支持左又相輔相乘將股價帶上(一定既偉哥效應), 呢種情況似係一個LOOP, 不過我更加認為以股價變動加速器黎形容偉哥BLOG, 會更為貼切
    4. 印象中有跟過偉哥買既, 係之前有隻私有化既油服股, 同埋有一隻係個BLOG點題過下既炒股557 (唔肯定係偉哥定偉粉提, 總之呢隻係我既買賣之下都十一分之和味). BTW, 多謝偉哥!!!
    5. 想回應返”花無百日紅”, 我開始買股票係08海嘯後, 呢八,九年有賺有蝕, 到15年大時代果陣, 真係輸返個突, 果陣都真係心灰意冷; 但真係唔識講係時來運到, 定係睇股睇得再準左, 再加埋更懂得止蝕同埋揸住由它放升既手法, 令我短短係16年既下半年嬴左差唔多7成既進帳(不過個本金當中有部份係有借貸, 未必啱大家聽); 而17年到而家, 都靠一兩隻組合成份較大既股, 令組合賺緊18%左右. 雖然我既股齡比偉哥或部份偉粉可能算是年青得多, 但我想講, 係我都時時刻刻提醒自己賺左既好可能係時來運到, 亦都係花無百日紅; 警醒住自己隨時有乜”依郁”都要有CONTINGENCY PLAN, 包括不問價清貨.
    6. 至於好經常問既目標價止蝕價, 我相信包括偉哥在內大部份有經驗炒股既人, 係買果刻同一直持有既時候, 心中自不然都有一個屬於自己既價位; 只係屬於自己, 其實除左因為係每人有唔同既買入價同可承受既風險外, 重有股票市場唔係話幾多就幾多, 買一隻股票可以係3個月升三成, 又可以一個月升兩成到第二個月跌返果兩成第三個月又升返夠三成; 亦會可能隻股票縱使係一年前後同一份業績同一個前景, 但係大市氣氛經濟面下形成好明顯既差價(淨係睇隻港人至愛5號仔都應該要明白股票股價為何物).
    7. 講咁多, 我最想講既係既然大家想從股票中獲利, 長遠既都唔可以靠他人; 無左自己既分析, 隨時有一日將偉哥帶挈賺到既因貪而倒蝕返出黎. 對大家而言(唔再關益唔益到偉哥事), 最好既唔只係呢度拎度個NO.走, 而係學習到偉哥以及眾偉粉既目光, 啱既要學, 錯既更加要學錯咩, 先至做到股票戰場上既生存者
    共勉之
    偉仔

    回覆刪除
    回覆
    1. 師兄之留言值得一睇再睇

      刪除
    2. 以我本人黎講,大時代既風光來得太快,赢到個人飘飄然,結果都係惨淡收場。近幾個月幾乎無玩股票了,但都keep 住上黎睇大家吹水,久不久又搭咀吹幾句,已經成為生活既一部份,最近大家都赚錢,雖然自己無份,亦替你地高興,話哂曾經都係戰友,希望大家繼續努力吧!加油呀!

      刪除
    3. 多謝偉哥及這位網友的分享獲益良多

      刪除
    4. 謝謝David。557第一次賣殼我有參與, 但失敗告終。

      刪除
    5. 偉哥呢篇文令我都思緒萬千,因我正係文中所講係高位買入一路買到高位,現均價係6蚊。股價長期低水,心中固然不快。但偉哥意志堅定,分析有理,自己都心中有底。几年的投資經驗,領悟到分析固然重要,但最重要還係心理和耐性,實在有太多經驗係股買對了,但等唔到上大升時已離場,耐心持有往往知易行難。

      刪除
    6. 又很坦白咁講, 意志堅定的其中一個原因是我的平均成本價很低, 沒有心理壓力....如果我是8元買,股價跌到落4元,我都會糾結於自己是否看法有錯、需要止蝕否。

      刪除
    7. 我最貴果批送紅股前$10樓上買~~~
      anyway 點都要講聲多謝偉哥!!!!

      刪除
    8. 平均價不會也是這麼高吧?

      刪除
  12. 簡單講,就是百份百支持偉哥.^^

    回覆刪除
  13. 一年內針對3399搞事既人或者背後不知甚麼動機,在雪球用不同用户人生攻擊,不過對於我們堅持的人,只給我機會不停地低位買入,可能要多謝他們的努力。

    回覆刪除
    回覆
    1. 早晨,時間好似也好吻合,搞3399的那幫人好像在3399宣佈回歸A股後就再無出現過,動機好似匯豐一樣,都係打壓股價志在入貨?入飽貨會唔會好似當年27銀河由6元幾升到最後80元幾?

      刪除
  14. 價值投資顯現實力,偉哥得到了理想的回報,讚!

    回覆刪除
  15. 有無兄弟有買327 ?
    出左業績了,有d失望
    雖然外國市場增長強勁,但大陸市場大跌
    派息依然好低.....

    回覆刪除
    回覆
    1. 327的確強差人意,以後可以睇少一隻

      刪除
    2. 327前年3名內線人士沽貨的timing很好, 等3巨頭都一齊增持就應該可以跟買。

      刪除
  16. 優秀, 非常持平和理性的文章!
    即使大家關注的目標及採取的策略有所區別, 我可以學到很多, 用於擴充我的視野和能力, 我很佩服偉哥!

    回覆刪除
  17. 支持偉哥🤘🤘🤘🤘🤘🤘🤘

    回覆刪除
  18. 3399我當時5蚊左右買,跌到4個幾走左,因為見當時日日插,手上資金唔多,先賣左佢套現搵其他機會。
    我一直覺得買賣係自己決定,邊可以輸左去怪人。同除左3399外,偉哥都推介左唔少好股。最後當然要多謝偉哥啦~x3

    回覆刪除
  19. 跟偉哥買的唯一一隻股就是3399,股數唔多,一手,之後溝過一次,現在共2手,均價4.5。冇人渣枝槍迫我買,我買得、坐得放心安心。多謝偉哥的分享。

    回覆刪除
    回覆
    1. 原來看錯,有4手,現在沽出一半

      刪除
  20. 謝謝偉哥介紹3399,百份百支持偉哥

    回覆刪除
  21. 3月到8我考虑慷慨卖点. 3月后才到8就不卖了.

    回覆刪除
    回覆
    1. 若12PE 2016年EPS HKD0.65

      持續增長股, 希望市場給予更高PE, perfect.

      刪除
    2. 以2016年業績來計算, 雖然我都很想是0.65元的EPS, 但不可能,EPS最多只有0.48元。

      今年 (2017)年估計有機會仍維持大約20-25%的增長。

      刪除
    3. 若2016 EPS 0.48人仔 都有十幾巴仙增長

      2017 個頭開得唔錯, 希望可以超乎你預期.

      刪除
  22. 偉哥唔預測就等我預測,我之前話3399陰陽燭三個白武士,有d人叫三白兵,冇得輸,我現在話3399各技術指標仲係好正,起碼到8元。以此留言做證,信不信由你

    回覆刪除
    回覆
    1. 如果上到8元的話, 我加碼股票大賽的獎品, 由BBQ改為五星級酒店的自助餐,與眾同樂。

      不過到時要搵間提早幾個星期BOOKING才有位的酒店自助餐,費事去到隔離左右枱都是網友, 哈哈。

      刪除
    2. 應該我可以效勞,哈哈。

      刪除
    3. 偉哥,到時請開放俾各網友自費參加,我諗可以係包下最大的酒店場。Hahaa..

      刪除
    4. 如果開放自費就會變得獎品無價值,偉哥最唔想既事。利申:我沒有參賽。

      刪除
    5. 見你咁寫,突然有一種不好的感覺。偉哥咁低調,突然被迫暴光,偉哥可能會反高潮,收筆

      刪除
    6. 偉哥, 到時一定人山人海, 需要義工維持秩序嗎??
      利申: 有參賽, 但已無望, 只好巧立名目參加, 哈哈

      刪除
  23. 我早些時候預測3708的目標價,第一目標PB30倍的4.56元一早實現, 第二目標PB40倍的6.08元也在昨天對現!

    最衰我不敢賭, 看起來我是一個不合格的賭徒!

    如果3708可以上升到45至50倍PB, 我就佩服朱太到五體投地!

    回覆刪除
    回覆
    1. 夠膽快追美女, 除了耐心, 還要膽生毛, 不怕死!
      3708的52週最低價0.57元, 現在6.15元!

      刪除
  24. 偉哥個標題中正今早個市

    回覆刪除
    回覆
    1. 有運起上來, 咁都開口中.....雖然呢D衰野我想唔中好過中。

      刪除
    2. 1985我得-手,由它了

      刪除
    3. 如果可以的話,我相信莊家願意以10元收返你手上那手貨.....講笑, 唔好介意。

      我的看法是昨天1985大升的真正用意是向証監示威。

      刪除
    4. 好彩我都係買1手博下, 衰格到差2格就賣到, 整定....
      次次ipo都出事, 之前隻1238ipo到今日先見家鄉, 呢隻唔知要幾耐了
      偉哥快些出多個post講柳暗花明又一村啦

      刪除
    5. 咁要"山窮水盡疑無路"先喎, 你頂唔頂得住?

      刪除
    6. 一日內分出齊2句就okay既, 哈哈

      刪除
    7. 一手? 兩千股? 俾你搏到都係得幾百銀, 真是何苦.

      刪除
    8. 小賭可以怡情, 大賭可以做李嘉誠
      今次好彩小賭, 不過一日未放都未為輸

      刪除
  25. 請問偉哥對3337安東油田有甚麼看法?謝謝

    回覆刪除
  26. 257好堅挺...
    818咩料, 27億現金, 今年純利2.8億.... 市值35億?!

    回覆刪除
    回覆
    1. 818盤數好多人覺得唔可信。

      刪除
    2. 有諗過, 但核數師正常, 而且齋現金有27億好難做假, 我當佢今年盤數都係假, 都未計佢手渣327既股權....

      刪除
    3. 我的看法是PWC之前有隻股已打破金漆招牌;其次現金造假都很容易, 只要年結時現金到位做核數,過完年結又搬走, 不難造假。當然,很多時情況都是現金存在, 但被挪用,正如隻2100我都好懷疑。

      刪除
    4. 2100 流動比率7.7... 痴孖根

      講開造假題材, 偉哥你可否開一篇關於"造假", 俾坊間一啲專踢爆人既公司例如渾水TARGET既股票做例子, 教一眾讀者有所防範。

      Btw, 小弟暫時相信818未假得哂, 現金造假其實冇乜用, 佢喺年報報大現金數, 頂多話自己財政穩健, 但從未抽水, 旗下"隨行付"係堅野, 好過2211, 連賣咩都唔知

      刪除
    5. 哈哈, 要很花時間寫, 多年前寫過一篇"爆煲股經驗談", 可以參考下。

      http://hkstockinvestment.blogspot.hk/2010/04/blog-post_23.html

      刪除
  27. 回覆
    1. 升左咁耐都要抖下氣,跌多d我會加注

      刪除
    2. 今日應該要發盈喜...唔發就pk

      刪除
    3. 應該無規定盈喜公佈的時限,只要業績公佈前發應該都得。

      刪除
    4. 好似無規定上市公司要出盈喜

      刪除
    5. 已發出了。http://www.hkexnews.hk/listedco/listconews/sehk/2017/0309/LTN20170309632_C.pdf

      註:我睇公告見到多數決定董事會召開日期就會一併發埋盈喜...

      刪除
  28. 我想我有生之年都會支持偉哥,相識十數年還是緣慳但不會遺憾,只因信是有緣終會如願,哈哈。
    唉,今朝跟隨偉哥話發掘績優股,大跌市都無跳樓貨又唔想任性重蹈大時代陷阱,都係疊埋心水等吓。

    回覆刪除
    回覆
    1. 我相信網上認識、網下相聚這日子會很快到。

      刪除
    2. HAHAhaha, O2O, from online to offline

      刪除
    3. 咁要搵順豐將「偉哥」運到屋企。(講笑)

      刪除
  29. 今天上午, 2.51元買了兩萬股983, 純粹賭博, 因為不知道Penta投資會否把它賣到一元?
    衰起上來, 每股淨資產值有可能跌落大約七至八元, 需要坐幾年才能體現價值。

    回覆刪除
    回覆
    1. 983我之前有考慮過, 不過佢D關連公司貸款透明度太低, 唔知到期能否收到返晒, 所以再三考慮都係唔博。

      如果佢D關連貸款最終可以全數收回,股價應該會頗大上升空間。

      刪除
    2. 感謝您的補充意見, 我只是基於相信羅康瑞(主席兼執行董事)的聲譽, 也相信關連公司貸款最終可以全數收回, 然後買了983。

      它現有每股資產淨值大約10元, 如果Penta投資真的能夠把它賣到一元, 我估計我會買更多983。

      事實上, 1元的406的投資價值很可能高於2.5元的983, 甚也更安全, 但為了多元化, 我還是買了一些983。

      刪除
    3. 順便說說, 幕後人同樣會犯下大錯, 羅康瑞(主席兼執行董事)2011年6月1日以每股12元,較停牌前溢價24%,向瑞安合資格股東及購權證者分別收購5400萬股及17.67%購股權,料涉及總金額6.61億元。完成後,羅康瑞、收購方及與其一致人士持量將由37.54%增至48.58%, 但無意將瑞安私有化。

      http://sdinotice.hkex.com.hk/di/NSForm3A.aspx?fn=111612&sa2=nd&sid=29990105&corpn=Shui+On+Construction+and+Materials+Ltd.&sd=01%2f04%2f2003&ed=22%2f09%2f2011&sa1=cl&scsd=09%2f03%2f2003&sced=09%2f03%2f2017&sc=983&src=MAIN&lang=ZH&

      其間, 從不賣出, 持有到現在。 當然, 對他來說一點問題都沒有!

      刪除
  30. 320今朝有心人在頂價收貨?

    回覆刪除
    回覆
    1. 係喎, 跳高一格來買。

      刪除
    2. 佢都好耐無都過,
      幾次在$1.12樓上就俾匯豐沽返落黎.

      刪除
    3. 呢隻先係正正宗宗既坐到屁股痛

      刪除
  31. 今早期指及大市成交都增大了,
    留意有沒有機會大成交見底.

    回覆刪除
  32. 偉哥選股確是高手中的高手。3399正式是千淘萬瀝雖辛苦,寒沙吹盡始見金。

    我呢幾個月都冇炒股,主力炒期指期權,而我做的又多是短倉按金多,風險極大心理質素極高,根本好難同人分享,而且呢度極少人炒期指,所以留言作用不大,如果尋日細心觀察也可以感受到個市今日會調整,盲毛只嗡無炒,否則一早已做咗炮灰。

    回覆刪除
    回覆
    1. 恒指PUT似乎冇乜點升, 我上月底沽的22200PUT仲係賤價。

      刪除
    2. 吳兄期指既野都可以分享ga

      另外時兄應該差不多出現XD

      刪除
    3. 我做的又多是短倉按金多 << 我同你相反,只敢用長倉去博,只敢冒輸100%既風險,怕輸突

      刪除
    4. 簡單一句short倉係有錢人做既, long倉係窮人刀仔鋸大樹做既

      刪除
    5. 黃國英叫人買232 put 大約做108點左右,尋日最低時60幾點,今日升一個開。

      短倉不一定是有錢人做,長倉也不一定窮人做,先決條件是睇中大方向,睇錯方向短倉輸得仲大鑊,好多人以為有錢做短倉,最多咪補按金,可惜補完又補,最後咪輸到斬手指,梁教授的網誌以前不停有廣告叫人學他的投資深造班,而且政府有資助,學他的獨門秘方長短倉靜態動態對冲,學完瓜得仲快,已經冇再開班收學生收咗檔好耐,所以我成日叫人最好就唔好學炒期貨,腳踏實地投資慢慢累積財富。

      刪除
    6. 長倉我通常在月結前1星期,有機會才考慮做,其他時間會直接用期指工具;
      短倉我只做股票,心儀的SP收貨,超賣的做SC送走為止。

      刪除
    7. 我個人比較喜歡月頭做長倉,因為時間值消耗慢,月中轉做短倉賺時間值,因為愈近就變幾何級消耗,月尾有心水就搏末日,投機炒賣最緊要量力而為,人地賺幾多也不必羨慕和妬忌,因為每個人的心理質素和感覺都不同,不要強迫自己,不要比較別人。

      前日見蘋果報財經版有一作者開班教人炒股,收費五千多元,唔知平或貴,之前見過好多寫博的也開班教人炒股,講句唔好聽的說話,係掂自己都已經發咗啦,紅酒美女把臂談心,五湖四海任我遊,仲邊度得閒去教人炒?





      刪除
    8. 不要強迫自己,不要比較別人。<< 絕對贊同,年紀/資金/性格/命(際遇)都唔同,一套方法適合一個人,唔代表第二個人岩用。

      刪除
  33. 哈哈,1305想跳樓依家畀人掃哂。

    回覆刪除
    回覆
    1. 有個大沽盤, 前幾日放1.78、1.76左右, 今日1.72沽, 被人掃左。

      不知是否止蝕盤。

      刪除
    2. 1305走勢好差 無咁快返生, 慢慢觀察啦⋯⋯

      刪除
    3. 我有份入@1..7
      順便謝謝偉哥3399 (第一次留言)

      刪除
    4. 有D想溝少少,個時2蚊要約..現價1.7. 上年11月話扭虧..3.7億巿值,仲有得跌??

      刪除
    5. 安全買入位1.55附近,不過唔知到不到。

      刪除
    6. 如果跌到1.6元我應該已溝左貨。

      刪除
    7. 請問1305現價值得入嗎?

      刪除
    8. 恕我無法提供買賣建議。

      刪除
  34. 我冇深入研究, 只說說片面看法。

    紙價在上年底又再調升,如果按上年紙價來計,2689今年的盈利會好勁,問題是紙價能否維持在高位。其實唔需要全年都維持在高位, 只要頂到半年, 下期業績會好靚仔, 股價已會反映。

    大股東之前都增持,我估應該會增加市場的信心。

    回覆刪除
  35. 唉,激死咗!2128改咗三次位提高十個位都畀佢走咗去,嘿,唔追等你死落嚟啦。

    回覆刪除
  36. 859又想跳樓加個安全網等佢。

    回覆刪除
  37. 偉哥點睇570盈喜?主要2015年收購江陰天江藥業的中藥配方顆粒分部於整個年度均貢獻溢利。

    回覆刪除
    回覆
    1. 確實。

      這盈喜我有留意, 但沒有什麼驚喜,業績與上半年披露的差不多。

      刪除
  38. 56,不經不覺渣左4個月,慢慢升下都已經有20%

    回覆刪除
  39. 想問偉哥729有無咩睇法?

    回覆刪除
  40. 偉哥,請問有無留意22 茂盛控股?

    回覆刪除
    回覆
    1. 沒有, 香港市場太多這類主業不出色,除了賣殼沒有什麼亮點的小型公司....但我又冇可能隻隻都跟, 所以一般等佢地有動作時才留意下。

      刪除
  41. 2136到價走半 謝謝偉哥請食晏~

    回覆刪除
    回覆
    1. 哈哈,我睇錯左, 以為FC9想請我食晏。

      刪除
    2. 呢度點止淨係FC9請你食晏 哈哈

      刪除
    3. 之前2.25走哂1.78 撈個注,賺到個午餐,謝謝偉哥,其實係偉哥blog 真係學到好多野,唔只係問number, 重學到好多theory 同實戰技巧,真心多謝偉哥提供左一個咁好ga平台

      刪除
    4. 如果大家請偉哥食飯 我願意夾錢:)

      刪除
  42. 回覆
    1. 琴日由2314換馬去左1812,算係不幸中既大幸

      刪除
  43. 講開983,3月6日證券變動月報表通告,當中有購股權失效,但未到期。偉哥,想問問未到期而失效是甚麼原因呢?我想到的原因是可能有員工離職導致,還有其他可能性嗎?

    回覆刪除
    回覆
    1. 一般如是員工認股權的話, 失效原因都是因為離職居多,想不到其它原因。

      刪除
  44. 2015年1月14日地政總署公布, 一幅位於新界葵涌健全街的葵涌市地段第495號的用地, 以6.87億元批予金譽發展, 其母公司為漢國置業(00160.HK), 相當於每呎樓面地價3,011.81元, 屬市場預期下限, 批租期為50年。

    該地地盤面積約為2,781平方米(2.998萬方呎), 指定作非住宅(不包括酒店、加油站及院舍)用途。最低及最高的樓面面積分別為12,711平方米(13.7萬方呎)及21,185平方米(22.838萬方呎)。

    健全街項目整體發展成本約16億港元, 今天(2017年3月9日)看起來, 漢國又賺了很多。

    ######

    2017年3月9日 星期四
    名人樓市論壇

    擬20億元發展全幢工商廈

    http://news.mingpao.com/pns/dailynews/web_tc/article/20170309/s00004/1488995681622

    【明報專訊】雖然羅珠雄留意到美國加息在即,屬市場重大不明朗因素,集團作出短線物業投資時,堅持「量力而為」及「不筍不買」,惟他對中長線後市卻比較樂觀,原因是他留意到近日有多間中資財團以高價買入本港住宅地皮,「中資近日接二連三以天價買地,3至5年後這些住宅落成後,樓價很大機會較今日高」。......

    他表示,以一個地盤面積1萬方呎的項目計,地價估計約10億元;按12至15倍的地積比率,建成12萬至15萬方呎的樓面,以建築成本每方呎3000元計,建築費介乎3.6億至4.5億元。再加上利息成本、稅務開支及其他雜費,整個項目投資額可達20億元。

    回覆刪除
    回覆

    1. 如果讀者認同深圳未來將會由內地的一線城市跳躍為國際城市, 意味着甲級辦公樓租金和價格在未來應該有大幅的上升空間,是值得多加留意。

      如果深圳辦公樓真的迎来黃金期, 160漢國就發達了!

      1. 深圳漢國城市商業中心(100%權益)
      位於福田區深南中路與福明路交界,總樓面面積為128,000平方米,其上蓋建築工程正在進行中。預期此樓高80層之商業/辦公室/住宅大廈將於二零一七年落成,而集團計劃持有此大廈以賺取經常性租金收入。

      2. 中國深圳僑城坊(20%權益 已落成)
      該項目位於南山區僑香路北側,地盤面積為48,764平方米,將發展成為總樓面面積約224,500平方米作綜合用途之12幢樓宇,其中集團擁有20%權益。

      邵看風雲:深圳辦公樓迎接黃金期
      http://orientaldaily.on.cc/cnt/finance/20170309/00210_003.html

      刪除
  45. 呢隻有留意, 但未深入睇, 感覺質素不差。

    回覆刪除
  46. 1097停左牌, 可能賣盤有進展。

    呢隻估計賣出的機會高, 但不懂如何評估作價,不能單純以賣殼的方式計算賣盤價。

    回覆刪除
    回覆
    1. 估唔到係賣盤失敗。

      刪除
    2. 我估遲早都會再賣盤,之前通訊、媒體及娛樂業務已全部沽出,剩下1097 亦作為不大!

      刪除
  47. 首先要多謝偉哥推介3399.睇返3399買賣記錄,一開始由6.X買入第一注, 最貴果注系向未派送紅股前10蚊買入,跟住又向派送紅股後以7.X,6.X買入左兩注,結果就遇到大跌市,跌到4.X果時又買入左2注溝淡,到上月終於有起色,跟住又買左2注到而家,由於買賣策略唔好,搞到持股成本去到5.5X,捱到今日終於有少少回報。真系多謝偉哥。經過呢件事,我只想講股票買賣都系自己決定,因此輸贏都唔可以怨人,所以我見到有人因股價插水鬧偉哥,真心替佢唔抵。仲有就系買賣Timing同策略真系好重要。經過3399事件後,向2339同2136的買賣時機都好左好多。2隻平均持股價都唔過1.9, 可以放向度慢慣等。希望會有好結果啦。如果偉哥有日集結博文出書,我一定會買返幾本自用送人,以示支持。

    另有問題想請教下偉哥及各網友,因股份買賣系T+2交收,如果我想睇今日股權變化,系咪應該2日查CCASS先岩呢? 還望賜教。謝謝!

    回覆刪除
  48. 呢篇野既作者好攪笑,連1420大股東在今年1月已在場外減持(應是暗手賣盤)都無Updated到。

    http://phemey.com/index.php?s=%2FArticle%2Fdetail%2Fid%2F642.html

    //

    9/3/17 「川」雲箭 Kelvin Yuen (股票財技倍升股FB)

    香港殼股市場近年急速成長,除了本地公司,連過江龍都想分一杯羹。川控股 (1420) 是一間新加坡土木工程公司,主要的客戶是新加坡政府,提供土地開挖、填土、碎石、地下管道鋪設、一般建築工程等等的業務。2016年6月8日正式在香港聯交所主板上市,當時招股價為0.88港元,市值約9億,集資額1.215億港元。獨家保薦人為建泉融資 VBG Capital Limited,包銷商除了建泉融資,還有太平基業證券 Pacific Foundation Securities Limited和新加坡券商大華繼顯(UOB Kay Hian)。說起建泉和太平基業,最近有兩隻由他們保薦上市的股票在圈內突然聲名大噪,相信大家都一定略有所聞,第一隻駿傑集團(8188)因為圍飛太明顯而被證監下令停牌(註:8188保薦人為浩德融資、包銷商為太平基業),另一隻又是有一個「駿」字的利駿集團(8360)於今年2月21日高台跳水,更令很多撈底搏反彈的朋友舉手投降(註:8360保薦人為建泉融資、包銷商為太平基業及建泉融資)。

    聽到這裡,是不是心想介紹中的川控股(1420)都是一個伏?非也非也。我想指的是,以上兩隻8字頭都是典型的啤殼上市公司,利駿集團 (8360)更是暗中易手後才有插水式下墜的橋段。至於川控股(1420)呢,當時集資額1.215億港元,上市開支佔四份之一。業務絕對比很多最近啤殼的公司好,2013年至2015年年度溢利分別為10百萬新加坡元,14百萬新加坡元和11 百萬新加坡元。以招股文件顯示1新加坡元兌5.477 港元計算,即分別大約是5.5千萬,7.7千萬和6千萬港元。這麼一算實際集資額其實也只是公司1.5年的溢利罷了。此股上市後過了價格穩定期,股價就潛了水,還是一直地深潛,最近還創新低! 相信無心既持股人走得七七八八,有心人密密低位收集。

    權益披露顯示,主要股東持有72.29%;CCASS Top 10則持有相當於八成在中央結算系統流通的股權。

    中期報告就顯示,2016年1-6月半年溢利為7百萬新加坡元(即3.85千萬港元),比上年同期(5.7百萬新加坡元)要多。資產淨額NAV為84百萬新加坡元(即約4.5億港元, 差不多是2015年12月的一倍),超過三份之一是現金(為2015年12月的3.5倍),流動資產佔大部份,少量非流動資產和流動負債。萬一這隻業務良好的1420真的賣殼,理應的市值應該至少有12億,幾乎是現市值4.2億的3倍!!

    距離一年的禁售期還有三個月,雖然現價幾乎是新低,但實際上0.4的價位似乎有護盤的跡象,就算大市回調,0.4的價位仍是相當穩陣。另一方面,CCASS早早就有異動,1月23日大股東透過大華繼顯將大量實物股票存入CCASS,其後2月7日以M盤將部份射倉到太平基業和興證。這種動作在以往的賣殼案例都屢見不鮮,真不禁令人暇想。希望這隻1420「穿」控股能一洗跌穿招股價深潛的頽風,成為一支真真正正的穿雲箭,助大家的戶口步步高升!

    (利申: 持有少量觀察倉,應該多等一個月圖形上就會較為成熟,到時再加注也未算遲)

    朋友中意開玩笑叫我"KY"(世界知名品牌,唔知就好過知xd)。塵世中一個迷途小書僮,希望自己將來有能力同財力令世界變得更美好。

    回覆刪除
    回覆
    1. 我好好奇, 請問文章來在那裡,可否告知。

      刪除
    2. 哈哈,寫呢D賣殼的分析文章最易寫, 因為一切都係估估下, 估錯正常。

      刪除
    3. 我眼大睇過龍,見到網址了。哈哈

      刪除
    4. 最弊係如果連暗手已賣殼都唔知的話,成個結論會唔同晒。

      原先未發生8188及8360的事前,我是有跟進1420的,但事後已唔咁太掂1420,雖然佢係主板殼,但也怕突然出然像8360般的洗倉及一沉不起。(PS : 坊間有位年輕新晉財演在8360輸大錢,因為佢平時分析都幾好,做事也光明磊落,恕不開名)

      刪除
    5. 隻1420我感覺和1421同路。

      刪除
  49. 美聯工商有一大買盤掃入7球股,同時有很多一手一手既0.057mark價盤 。利申:0.046入0.058走左, 之後再0.058入返。

    回覆刪除
    回覆
    1. 7球其實對459來說不算太多,整體來說今天賣盤還比較多,買盤的話前2天倒是很多...
      昨天才加了@0.058.
      還有那個一手一手買賣是有什麼意義嗎?好像常看到但不是太明白有什麼用。

      刪除
    2. 以盤數計賣盤當然多,以股計大部分是1手

      刪除
    3. 利害一講完立即沽比我睇,不如沽穿42球

      刪除
  50. 今日個個都咁感性嗚嗚嗚
    見到D重磅股浮返上黎偉哥都活潑左其他人更加生猛晒O(∩_∩)O哈哈~
    3399c9冇貨 由15年到16年都揸過幾次 endup輸少少離場
    呢兩年學到一樣嘢 有D股票自己冇能力玩 有D股票唔啱自己性格玩 無論好股爛股 哼哼

    回覆刪除
  51. 偉哥點睇2128?單位市盈,有攪作,派息過得去及行業有發展?

    回覆刪除
    回覆
    1. 估值不貴, 但自己感覺它估值不易提升。

      刪除
  52. 不會, 不過果時叫埋朋友一齊買, 佢坐艇我心唔安樂啫.

    回覆刪除
    回覆
    1. 呢樣確實是, 所以朋友間除非大家都是很有經驗的投資者, 不然我一向都唔會講太多股票的野或者比意見。

      日常生活中, 都好少朋友知我炒股。

      刪除
    2. 我老妻甚至不允許我跟外家談股票, 因為我太愛賭博!

      刪除
  53. 近半年, 638出奇的強勢, 不知道是什麼背後原因? 圖形走勢也不錯!

    回覆刪除
    回覆
    1. 也是, 它代工的產品強勢! 聽說它生產的智能吸塵機要賣8到9千元一部。
      我也幻想它的其餘核心業務可以改善, 也聽說它在廣東(深圳)擁有非常大的工廠用地, 如果能賣出或開發房地產, 那就是美妙的!

      刪除
    2. 最奇怪是去貴州發展房地產業務。

      刪除
    3. 638被高級官員邀請去貴州發展, 順便做埋房地產業務, 有補貼和回購保證, 因此不用擔心, 不會輸錢。

      刪除
  54. 少見電話兄,想問下佢winter sarura 點睇

    回覆刪除
  55. 回覆
    1. 偉哥之前答左你啦,佢無留意729

      刪除
  56. 大家點睇420福田 ?
    應該就黎出業績 如果唔出盈喜 其他都算係另類盈警
    但係呢一個星期升左唔少

    回覆刪除
    回覆
    1. 點解要出營喜呢?

      刪除
    2. 上半年賺多咁多
      下半年KEEP到既 係咪要出先?

      如果今年下半年同上年比較冇賺多到,都講緊 ard 20-25%

      刪除
    3. 上半年有發盈喜。

      不過2015年下半年的業績比上半年高出甚多,基數高左, 今次全年唔發盈喜也有可能。

      刪除
  57. 網上看到有人提呢單野,Post出黎純粹攪下笑,緩和一下呢度較嚴肅的氣氛 ^_^

    http://www.hkexnews.hk/listedco/listconews/gem/2017/0308/GLN20170308080_C.pdf

    回覆刪除
  58. 1662連跌多日,加上前排2193突然大跌後也一沉不起,殼股基金經理陸東近來效應失靈。

    回覆刪除
    回覆
    1. 陸東只是將自己的大名比左人用來宣傳, 隻基金已不是他管理。

      那基金經理出名後, 好似另起爐灶。

      刪除
  59. 伟哥,你覺得個市跌完未?或是調整剛开始?

    回覆刪除
    回覆
    1. 要我估的話,我會估有機會再跌多幾百點。

      刪除
  60. 花無百日紅,係呀!!太神化反而不貼地,

    回覆刪除
  61. 3399想跟但一路沒跟
    感謝偉哥無私分享

    心存感激

    回覆刪除
  62. 今日買了半注 KTL @4.9x,比海航入股價平左近20%。

    回覆刪除
    回覆
    1. TK 兄有咩部署?
      呢隻5.88 入咗
      以為要約後仲有得上
      點知。。。

      刪除
    2. similar as 1305, 1668.....

      刪除
  63. 732發盈警....?! 完全估唔到

    回覆刪除
  64. 大股東大把錢一向都好難賣,好難同富豪傾的,1097,647,146之流,
    咪發夢賣得成,

    回覆刪除
  65. 842 真係今日發盈喜... 但不少於兩億

    -___-

    回覆刪除

注意:只有此網誌的成員可以留言。