2017年1月18日 星期三

新股造假與保薦人、核數師的責任



近年香港上市的新股被揭發財務造假的個案越來越多,以前新股被發現有問題,通常都是停牌了事,最多被除牌而已,但隨著洪良國際(00946)被勒令除牌及退款予小股東後,證監會再出招,入稟控告已因財務造假而停牌的中國森林(00930)、其執行董事兼主席及前行政總裁、以至其當年上市保薦人渣打與瑞銀(UBS)及核數師畢馬威(KPMG),要求其賠償小股東損失,向小股東進行還原交易,涉及的金額高達41億港元。

這個案遠比2013年的洪良國際重要,不知為何香港兩大財經報只以小篇幅報導,只有蘋果日報及明報視之為財經版的頭條新聞,有較大篇幅報導。這個案重要之處是證監會同時控告保薦人及核數師在新股造假事件中失責,要賠償小股東的損失。如果入稟成功的話,日後再有類似事件,證監會可以引用此案例控告保薦人及核數師失責,對保薦人及核數師有大殺傷力,令他們在保薦新股上市時,不再“求求其其”,為賺取巨額佣金,有時明知有問題也視而不見,以為“過左海就是神仙”。

這個案要成功入稟並不容易,但起碼證監會踏出重要一步,為捍衛小股東權益作出努力,而且不論結果如何,也將對造假的上市公司及有關的利益團體起到阻嚇作用。



120 則留言:

  1. 講起瑞銀, 今晚剛好見到其2007年保薦上市的恒鼎實業(01393)發通告,押後香港清盤呈請。

    這股票當年也是厲害,2007年9月上市,不足一個月後其主要股東BARING在10月16日以配售形式沽清持有的11%股權,套現31.5億元,獲利9倍離場。當時通告寫的是:"董事遺憾宣佈,已獲賣方通知,指賣方 已按下文概述的條款,訂立配售協議。" 由"遺憾"一詞可以推測到當時的大股東應該是相當的憤怒。

    相隔兩天之後,公司財務總監在貴州省出差時遇上交通事故身亡,不幸事一不離二。

    回覆刪除
    回覆
    1. 支持偉哥睇法!

      唉, 咁岩琴晚check交易所通告果陣, 先見到自己好耐之前抽左未放的新股(number好易記: 2468) , 被交易所發出取消其上市地位的通知

      刪除
    2. 2468 可否要求其賠償小股東損失?

      刪除
    3. 香港冇集體訴訟,所以個人股東一般不具備財力去打官司,起訴相關人士, 要由證監會評估情況, 看看有沒有足夠證據提起訴。

      刪除
  2. 希望今次可以成功,為香港以後既金融地位作保證.
    支持!

    回覆刪除
  3. 偉哥,想在此請教一下,留意了一間劵商在買盤掛了好幾多,很明顯是有接到貨的,但翻查CCASS卻沒有什何持股量,想問為什麼會這樣的?謝謝

    回覆刪除
    回覆
    1. 很多機構投資者都是用不同的券商買賣, 然後於T+2交收後即時轉去其指定的託管商 (custodian),所以你唔會見到該券商有持股。

      刪除
    2. 想請教偉哥託管商(Custodian)和經紀(Broker)的分別?散戶常用的券商(e.g.致富,輝立)算系託管商定係經紀?

      刪除
    3. 簡單D咁講,你經輝立耀才買完貨,D貨當然係返入面,但係機構投資客,譬如佢地係用UBS買賣(所以睇盤你睇到UBS個牌),但其實佢地custodian係Goldmans(甘你上港交所個網CHECK持倉會見到GOLDMAN多左貨),你要睇成custodian 同broker 係兩個legal entities, 即UBS broker 同UBS custodian其實係兩個legal entities..咁樣講會唔會明D??

      刪除
    4. 我唔會明.

      誰知UBS買賣其實佢地custodian係Goldmans呢?

      上港交所個網CHECK持倉會見到GOLDMAN多左貨? 咁, 我們時時去的CCASS webb-site會怎顯示呢? UBS?

      仲有很多機構投資者都是用不同的券商買賣? 他們有牌自己買賣?

      請賜教.

      刪除
    5. WEBB-SITE的資料源自HKEX, 所以不會不一致。

      有些機構投資者是會用託管商的券商代為買賣, 例如可能用匯豐的牌買賣, 而持貨最終也存放於匯豐; 有些可能會用高盛的牌買賣, 然後存倉於德銀,其實沒有問題。

      如果唔明白原理的話, 其實對選股也沒有影響。總之記住你見到買賣的牌, 最終貨並不定是來自/存倉於這些券商就可以了。

      刪除
  4. 今日華為承認口左有幾個工程師被捕(實際上多係華為舉報)。家下傳主因佢地偷走公司內部文件,準備跳槽樂視。當然樂視否認。

    華為係當今天朝的準國企,地位崇高。今次執行家法,清理門戶,睇怕個幾個會落得徐明般的收場。

    回覆刪除
  5. 我曾經打去電台相關節目反映過這問題,直頭話證監會無能,只捉魚毛,大鱷捉吾到,
    個原因我都講埋,因為叻既人比D老千公司或投行請哂,在證監到做個D全是叻個批既徒弟或新丁,
    正所謂徒弟有幾多料,師傅點會吾知,相反師傅既野,徒弟識條鐵咩!!
    個主持財經名咀第一句就話,你一定係行內人,哈哈,

    好同意偉兄說,告入與否都有阻嚇作用,雖然遲了,有好過無,




    回覆刪除
    回覆
    1. 哈哈, 以前睇過一篇報導話高振順身邊的軍師都是大行或監管機構出身的精英份子, 所以道高一尺魔高一丈。

      刪除
  6. 回覆
    1. 希望是, 昨天股價看不到異樣。

      刪除
    2. 華富國際(00952)公布,要約人泛海控股國際金融發展收到證監會批准集團主要股東變動的通知。收妥上述批准後,除明確指出須於完成交易日期達致的條件外,買賣協議所有先決條件已獲達致。預期於2017年1月26日完成交易。股份自2017年1月20日上午9時正起恢復買賣。

      刪除
  7. 今日waigor呢篇文章好醒神!!! 讚!

    回覆刪除
  8. 還記得初入股海時,ipo 只需要睇保薦人,基本上都好穩陣,
    特別係外資保薦人,極少穿ipo價. 同埋ipo招股價好窄,2-2.1 之類.
    而家定價2-2.3之類.質素又差,阿豬阿狗都上市,
    令我都好少玩ipo了, 根本同買大細無分別.
    200x年時,年年抽ipo都有十幾萬代下,而家,玩都吾敢玩了.

    回覆刪除
    回覆
    1. 我開始大手用孖展抽新股始於魏橋紡織, 之後個幾年每年只是孖展瞓身炒熱門新股都執唔少, 基本上風險極低, 但此情不可再。

      刪除
    2. 非常認同,只要係熱門股, 訓身一定有得執, 我記得999it 上市, 我借成千萬媽展,
      當時炒ipo賺錢真係易過借火. 後來我衰左係845恆盛ipo.上市已跌10-20%,仲要岩岩超額51倍回撥好多益我, 都吾知係吾係保薦人做手腳,呢隻ipo我大手抽,輸左廿萬止蝕.自從845開始,ipo開始好難玩了.哈哈

      刪除
    3. 剛剛瞄了下etnet的2016ipo 大概120間撇除8字頭約麼70間 到家陣升跌一半一半 跌幅最大都是3成幾 升3成幾的反而頗多有幾隻還是2-3倍的升幅。。。
      覺得抽新股還是有吸引力的 不過師奶未抽過亦未掂過孖展 占時都係out of my league

      刪除
    4. 閱讀偉哥blog多時, 見講起新股, 我也是之前覺得可以是不錯的一項投資, 自從舊年開始, 也覺得越來越不似樣了!

      刪除
  9. 金利豐朱太朱李月華膺香港女首富 以48億美元身家奪得
    http://news.mingpao.com/pns/dailynews/web_tc/article/20170119/s00004/1484763316546

    回覆刪除
    回覆
    1. 發財請立品做好自己隻股價先......

      刪除
    2. 真有錢人無需炒自己隻旗艦股

      刪除
  10. 好同意偉哥咯意見.保薦人如果袜都唔保 只負責收水, 做袜春保薦人。

    回覆刪除
  11. 859 呢幾日唔多妥, 雪球見人又吹cancel

    回覆刪除
    回覆
    1. 1. 在社交媒體參與公開討論的十居其九都不是內線人士, 只是憑股價升跌去評論成敗;
      2. 很多時候殼股在消息公佈後都升一輪, 然後再無新消息刺激,等待的過程中股價很多時候都是慢慢跌返落去, 因為不少短線炒家見冇下文, 會先行離場,所以炒殼股或要約的我很多時候都是趁高先沽一半,例如之前的2340,845 又或者這次的859,拉低成本先,再等運到。

      刪除
  12. 回覆
    1. 1079今年業績應該會扭虧為盈, 而家先來賣盤都幾奇怪....不過通告中都有講到大股東會買返附屬公司部份股權, 似乎是有計劃收返有前景的核心業務。

      刪除
    2. 每股資產淨值僅0.492元

      刪除
    3. 加埋殼價, 如果真係賣得出, 上升空間仲有。

      刪除
    4. 1079 好強!咁快 0.73了!
      Joshua Chan 係繼偉哥,另外一個股神!
      真心佩服!

      刪除
    5. 呢D價仲追既祝佢好運...

      刪除
    6. 偉哥好野,分析快狠準,午後1079又繼續上

      刪除
  13. 859已經掉到1.7 快要回到之前升上來的頂部了

    回覆刪除
  14. 我近來玩127.e隻變態野我有1000股25.8
    放在倉收息收左14$左右 好誇張
    近來又派2$。我14.42買左5000股。不知以後死活_.但是收息吸引@@

    回覆刪除
  15. 546升咁多
    唔知點解2317唔升
    係咪同煤價有關?

    回覆刪除
    回覆
    1. 1. SIZE及流動性的差別, 大行追貨肯定是買中大型、有流動性的,2317雖說有15億市值, 但大行仍是看不上眼。

      2. 最近有大行出報告唱好546。

      刪除
    2. 2317下午d盤都唔同左,希望好事近

      刪除
  16. Derek:
    Trump 就快上台,美國民眾很多都在觀望。他樹敵不少,面對的問題也很多,雖表面看起來強勁,其實是一個弱勢的總統。一腳踏錯, 就有人發難, 以後幾年美國不定因素很大。其他國家對付他, 需要沉得住氣。

    中美針鋒相對 環球經濟遭殃
    http://orientaldaily.on.cc/cnt/finance/20170119/00273_001.html

    正當特朗普將於周五就職美國總統,中國國家主席習近平在出席達沃斯世界經濟論壇年會時,公開大力捍衞經濟全球化,反對貿易保護主義,並強調不打貨幣戰,是回應狂人特朗普反全球化言論的中國政府最高層表態,其理性表述下,中港及日本股市昨均以升市報收。

    本來,針對中美貿易的言論,一直只是特朗普唱獨腳戲,中國一直未有具分量的正面回應,所謂「一個銅錢不會響」,如今兩國領導人均公開發表針鋒相對的言論,下一步就要看雙方採取的實際行動。一旦狂人總統真的針對中國出招,中國也必然會還擊,屆時環球市場難免會有一番折騰,只怕最終落得「兩敗俱傷」,全民皆輸收場! ......

    回覆刪除
  17. 岳少的麗豐1125出奇強勢, 不知道有什麼消息?
    照計, 目前價格18.5仙仍然超值。

    回覆刪除
  18. 2339又係被市場遺忘的股票
    其他汽車股都大升
    2339 是大落後
    偉哥有無咩新睇法?

    回覆刪除
    回覆
    1. 無。市場似乎好擔心英鎊的弱勢會對業績有好大影響。上年市況最差、全年業績也差的時候,股價最低1.6元左右,今年業績幾差都好, 都無可能差過上年的, 但股價已接近上年全年低位, 是很不合理。

      感覺有些機構投資者在減持。

      刪除
    2. 一來股價流通量低, 二來無人留意
      所以陰陰跌, 看來要等業績出來先炒
      好似上年八月見底急升

      刪除
    3. 偉哥認為機構投資者是否因為流通量問題在減持?應該唔關業績問題卦>?

      刪除
    4. 唔知原因, 我今日下午都再接多半注貨@均價1.82元。

      1手1手沽貨的是中金及匯豐,我懷疑可能是VP在減持。

      刪除
    5. VP 經常高買低沽
      VP 仲持有8.05%

      刪除
  19. 偉哥1293又點睇
    盈喜後爆升

    回覆刪除
    回覆
    1. 估值已比同業有溢價, 加上大股東誠信問題, 我覺得如果看好這行業, 881應是首選。

      刪除
  20. 回覆
    1. 是因為羅燦?還是會賣盤呢?

      刪除
  21. #732 起死回生?! 希望係啦...

    回覆刪除
  22. 千年悶 + 小器股 #248 都起動?!

    回覆刪除
  23. 372 點解咁小成交可以跌左一半?又無咩新聞咁
    由1蚊跌到0.45 但係用圖黎睇, 無支大陰蠋
    琴日心思思諗唔明唔敢入, 今日就升20%...
    有無師兄可以解答下, 謝謝!!

    回覆刪除
    回覆
    1. 原來派左實物股息除淨左, 自膠

      刪除
    2. Fxck, 372, 我好想大大聲喊出黎!

      刪除
    3. 當時見雪球管財主0.78入我都跟左 0.88放了 估計重黎一次我仲系會咁做 只要不是衝動而為唔會再有沽升淚^^

      刪除
    4. 沽升淚多到淚已盡
      欲哭無淚

      刪除
  24. 回覆
    1. 唉,1.8買咗好多。希望賣殼成功喇

      刪除
    2. 記得毋忘有講買左, 無講沽, 應仲持有貨?

      刪除
    3. "毋忘六八九" 以前叫什麼名?

      刪除
    4. 吾知玩乜 1.6止蝕 唔好聽日同我停牌話搞掂 mlgb

      刪除
    5. 收1.51, c9算走得快…
      我都唔知咩事,不過859依D冇作價既唔岩我玩

      刪除
    6. 偉哥佢咪閃崩人lor

      刪除
  25. 510是龍是虫?一個星期後就知賣盤成功定失敗。

    回覆刪除
  26. 3822,今日終於@0.285又買回呢隻垃圾股。

    回覆刪除
    回覆
    1. tk兄,我都有買返,但想問聲,點解你覺得佢係垃圾,唔睇好佢賣殼?

      刪除
  27. 恭喜各位952股東
    茲提述華富國際控股有限公司(「本公司」)及泛海控股國際金融發展有限公司(「要約人」) 於二零一六年十一月二日發佈之聯合公告(「第一份聯合公告」),內容有關(其中包括)買 賣本公司股份及可能無條件強制性現金要約之協議,以及本公司及要約人於二零一六年 十一月二十三日發佈之延遲寄發綜合文件之聯合公告。除非文義另有所指,本聯合公告 所用之詞彙與第一份聯合公告所界定者具相同涵義。
    可能要約之最新消息
    於二零一七年一月十八日,要約人收到證監會批准本集團主要股東變動的通知。收妥上 述批准後,除明確指出須於完成交易日期達致的條件外,買賣協議所有先決條件已獲達 致。預期於二零一七年一月二十六日完成交易。
    受限於完成交易,該等要約將根據收購守則作出。

    回覆刪除
    回覆
    1. 我昨天沽清左....好X黑

      刪除
    2. 叻極都係上到1.38, 我買入價係大時代價, 好慘呀

      刪除
    3. 上個月952跌到落1.1X, 還以為自己黑仔到連咁都要失敗....還好堅持沒有沽貨等結果。

      刪除
    4. 覺得自己倉位持貨太多,所以想套現等多D現金等跌市買野

      刪除
    5. 感動...玩狙2次過山車...偉哥有目標價嗎?

      刪除
    6. 我很大機會要約價沽了就算數。

      刪除
    7. 咁的情況其實有冇機會市價會高過要約價?

      刪除
    8. 當然有, 要約成為無條件, 即時要約期內, 1.38是"保底價",理論上價格甚大機會高於保底價1-2個價位的, 始終有些炒家會當買期權咁博要約期間炒上。

      刪除
    9. 大時代買只是接火捧遊戲,拋得慢會燒傷手!

      刪除
    10. 我個平均價就係要約價。。。等左年幾先平手sosad

      刪除
    11. 偉哥,我地等咁耐就係等1.38? 之前唔係1.38 買黎等爆咩?

      刪除
    12. 大時代的510都可以炒上1元多,以同等估值, 952炒上2元多、3元也沒有問題.....問題是現在不是大時代。

      刪除
    13. 投機者2016年9月19日 上午11:55
      952, 510 NAV相約,PB折讓一半,買入等運到

      大時代相對大折讓...

      刪除
    14. 吾知等幾耐 昨日沽请 mlgb

      刪除
    15. 恭喜大家! 可惜我上月已沽

      刪除
    16. 希望426都快些有好消息

      刪除
    17. 偉哥,現在雖達成先決條件,但要約應未成為無條件?

      刪除
    18. 我$1.4買952, 我唔認命...

      刪除
    19. 我都大時代高過要約價入,除了要講多得阿爺唔少外,阿Q希望佢係另隻361給我逃脫

      刪除
  28. 最近3668及98一升一跌,小弟考慮持有的3668轉為98,請問偉哥有何看法?

    回覆刪除
    回覆
    1. 我上個月有篇文分析過3隻私有化股的風險程度, 當中風險最低的是549, 其次是3668, 98風險最高。

      如果國內沒有嚴控資本外流, 那98的風險也不高, 可惜11月底實施了嚴控資本外流後, 98的大股東要取得國資委同意私有化是有些難度。

      刪除
  29. HI 偉哥, 請問什麼是無條件強制性現金要約?

    回覆刪除
    回覆
    1. 即是強制買家要向小股東出一個無條件的現金要約, 而小股東可以自行決定是否接受。

      不要誤會了不是強制小股東接受要約.

      刪除
    2. 請問如果唔接受啲股票會點架?

      刪除
  30. 精熙國際(02788.HK)發盈喜,預期截至去年12月底止年度綜合溢利,將較2015年同期錄得增長,主要由於毛利增加、營運開支有效控管以及匯兌收益增加。

    http://www.hkexnews.hk/listedco/listconews/sehk/2017/0119/LTN20170119371_C.pdf

    應該實會做到維持去年末期股息3.5港仙和特別股息10港仙, 不肯定是否會有所增加, 希望會增加一點點, 例如兩到三港仙。

    今天春江鴨買入7萬股$1.02, 10.8萬股$1.03和22.6萬股$1.04。

    回覆刪除
  31. Sad....當有機會套現後入其他股。。

    回覆刪除