置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2017年7月10日 星期一

中遠海外(01919) 併購東方海外 (00316) 涉及訊息披露違規



中遠海外(01919) 收購東方海外 (00316) 一事,首先見於2017年1月18日國內財新網的報道:

【财新网】(记者 黄荣)1月17日,财新记者独家获悉,中远海运集团将参与收购香港最大航企东方海外,参与竞标的还有长荣海运和法国达飞轮船两家公司。
  自2017年初以来,有关东方海外的收购传言不断,造成其母公司东方海外国际(00316,HK)的股价暴涨,截至1月17日,东方海外国际收盘价为39.25港元,较2016年底股价上涨了22%。
東方海外隨即於2017年1月20日發出澄清公告:

澄清公告
東方 海 外(國 際)有 限 公司 (「 本 公司 」)注 意到 近 日若 干 傳媒 報導 提 及其 他 航 運 公司可能對 本公司 的 附屬公司 , 東方海外貨櫃 (「 東 方 海 外 貨 櫃」 ) ,進 行 潛在 競 投。 

本公司 謹 此 澄 清 本 公 司 及 東 方 海 外 貨 櫃 並 不 知 悉 或 未 涉 及 任 何 與 本 公 司或 東 方海 外 貨櫃 有關 的 競投 。 

然而,於2017年6月21日,再有多份報章報導中遠海洋海運擬斥40億美元收購東方海外旗下子公司東方海外貨櫃航運:

2017年6月21日 09:05 星期三
《國企紅籌》消息指,中遠海運集團以近40億美元購東方海外貨櫃
《經濟通通訊社21日專訊》據外媒引述消息指,中國遠洋海運集團正在進行磋商,擬以至少40億美元收購東方海外(00316)旗下東方海外貨櫃,可能最快7月份達成協議。
知情人士今年1月份曾透露,中國遠洋海運集團正在研究收購香港最大貨櫃航運公司東方海外貨櫃的可能性,以幫助降低成本和提高運能。(ml)

消息公佈後,雖然東方海外沒有於港交所的披露易發出澄清公告,但其對於媒體的報道有以下回應:

6月21日,东方海外国际率先发声,再次否认外媒报道的中远海运集运准备收购其集运板块东方海外。                                                                                                        东方海外国际发言人表示,公司对此事的声明“始终保持一致”,并重申“公司和东方海外不清楚,也不参与任何对公司或东方海外的投标”。
可是,相隔19天後,中遠海運控股及東方海外國際聯合公布,中遠海運將收購東方海外,而每股東方海外國際股份為78.67港元現金,全面收購總金額為492.3億港元。



莫非這宗高達492.3億港元的併購前後只是用了19天就完成洽商?還是說洽商一直在進行中,只是被收購的東方海外一直否認,以免股價大幅上升,影響交易的洽商?又或者是方便國內資金偷步買入?

根據《公司收購及合併守則》3.1項

由要約人或有意要約人作出的公布:

在有關方面接觸受要約公司的董事局之前,發表公布的責任通常由要約人或有意要約人承擔。雖然在有關方面接觸受要約公司的董事局之後,發表公布的責任主要由該受要約公司承擔,但一如下列規則3.2訂明,在某些情況下,要約人或與其一致行動的人的行動,可能引致要約人或有意要約人有責任作出公布。因此,要約人或有意要約人應密切留意受要約公司的股份價格及成交量是否有任何不尋常的波動。

如出現以下情況,要約人或有意要約人便須作出公布:

(a) 當受要約公司在未被接觸前成為可能要約的謠言及揣測的對象,或其股價或股份成交量出現不正常波動,及有合理理由推斷該情況是由於有意要約人或與其一致行動的人的行動(不論是由於保密不足、購買受要約公司股份或其他原因)所致

(b) 當有關談判或討論將由極少數人(有關公司內必需知悉該等談判或討論的人及其直屬顧問)擴展至其他人;

當6月21日再次傳出相關傳聞時,公司對傳聞的聲明“始終保持一致”,即是:


本公司 謹 此 澄 清 本 公 司 及 東 方 海 外 貨 櫃 並 不 知 悉 或 未 涉 及 任 何 與 本 公 司或 東 方海 外 貨櫃 有關 的 競投 

原先的聲明是本公司並不知悉任何與本公司或東方海外貨櫃有關的競投,這不正正違反了《公司收購及合併守則》的披露規定?


話說回來,這宗併購最大的障礙來自兩方面:

1. 反壟斷審查;
2. 獲得中國發改委、國務院國資委(如有要求)和國家外匯管理局(如有 要求)關於要約的批准或授權。

對於反壟斷審查,我相信中遠是比較樂觀的,因併購完成後,中遠只會成為繼丹麥馬士基(Maersk Line)及瑞士地中海航運(Mediterranean Shipping)之後的全球第三大航運公司,理論上不構成壟斷

這種大型併購一般需時半年或以上時間去完成,故此股價一般會相對於交易作價有5-10%的折讓,以反映交易的不確定性,故此如果明天股價高見75元或以上的話,或許是沽出獲利的良機。

206 則留言:

  1. 500億既交易, 係得阿爺同啲壟斷左既巨企先俾得起錢, 如果第時飛機都係無人機, 船運仲難生存, 雖然係好多年後既事

    回覆刪除
  2. 316呢單野真係得董family同春鴨最和味, 可以咁樣扮唔知壓價都得, 香港股票都係益同胞, 唔知小加李有無份袋呢.
    董生為國家做咁多好事, 終於有終身成就獎. 遲下到689, 再之後到777. 咁多個特首, 得曾陰公最陰公, 不過出得返來應該會有有錢佬照顧埋下半世, 臭左個名但相信下半世都唔洗憂, 睇來做特首好肯定係條財路, 薯片就最慘, 2邊都不能討好, 只討好了善忘的香港人, 真係得個網名留得低

    回覆刪除
  3. 777你去潜水终于返来啦?多日不见你的留言,甚是挂念。

    回覆刪除
    回覆
    1. 我北上幾天學了逍遙派既絕學逍遙法外, 今日學成歸來, 準備再闖京西取西經.

      刪除
    2. 是的!大陸上吾到偉哥網!

      刪除
    3. 因為難得幾日去玩, 所以今次全程無上網. 習大大連呢度都要安檢?

      刪除
    4. 坐等看777在股市表演逍遥絕學

      刪除
    5. 要愛國,用中移動香港,在国內什麼網都可以,包括FB同萍果😊

      刪除
    6. 哦!下次愛國。thanks

      刪除
    7. 我全程表示愛國, 對同胞表示友好. 同胞問我家用彩電有多大, 我說剛由32"轉到50", 同胞說香港真的落後了.... 看來, 要多買一些903

      刪除
  4. 前些天我买368时,有问过伟哥意见,伟哥说只会考虑316.1919.哇!伟哥你能不能不要这么神通广大

    回覆刪除
    回覆
    1. 你是在傷口撒鹽啊。

      刪除
    2. 1919其實係咪應該跌先啱數呢

      刪除
    3. 同感,爛船合併會賺錢,我不信

      刪除
    4. PB1.3收購我覺得出價太高...
      我都覺得1919要跌先合理。

      刪除
    5. PB 1比較合理,pb 1.3有不點兒那個

      刪除
  5. Known 兄愛股1263 開始發力?

    回覆刪除
    回覆
    1. 我見雪球講3元以上, 真係悔不當初

      刪除
    2. 我在跌500點果曰比佢平手震走左😑

      刪除
    3. Known兄維持2.52平一半?

      刪除
    4. 我都唔記得1.7x放左了, 也唔想記起.... 真係估唔到, 呢隻股真係恐怖. 我仲以為佢有暗病, 點知原來係壓價收緊貨, 吹漲

      刪除
    5. 留意某間我之前常提到的券商,見佢今日仍有掛買入牌,要睇佢頭。

      刪除
    6. Known兄都系有實力之人,要跟佢學下野先得啦

      刪除
    7. J.S 誇獎,有實力就唔會賬面先輸近4成。不過,1263似乎有人刻意買上,就看看佢能否帶給我地驚喜。

      刪除
    8. 你唔系向低位有溝淡,計落應該無咁傷掛

      刪除
    9. J.S : 我無溝過貨,只是收過息。

      刪除
    10. 哈。我印像中你好似講過話有溝貨先問下,希望你唔好介意。

      刪除
  6. 放走了垃圾A1019及垃圾B231,只留下垃圾C1357,另外1599終於肯郁。

    回覆刪除
    回覆
    1. tk兄,跟你買左少少1357.

      刪除
    2. 穿$11平左,另外1599@4.8沽了一點。

      刪除
    3. 1599記得tk兄好耐之前推介過,不過無跟,祝贏多d

      刪除
  7. 我当然知道你上北吃……乞丐鸡啦!重要的是有没把神功否练得出神入化啊!哈哈哈!

    回覆刪除
    回覆
    1. 同胞說現在基本上已沒有靚雞, 有點靚的一早已被徵做明星雞, 又或一早已給人打包好. 真的見到街上有靚的更千萬不要吃, 免得吃了患有感冒的. 所以此行都是一些清茶淡飯.

      刪除
    2. 777,那吃什么好? 有没有好介绍。

      刪除
    3. 港式茶餐廳,稻香,按摩店內的炒粉面,餃子

      刪除
    4. 大陸稻香味道如何?香港稻香很差,很久沒光顧...

      刪除
    5. 我自已覺得大陸稻香食物味道及待客態度好過香港. 特別係我經常覺得香港食野想你食完快D走(周圍都係), 但大陸就真係俾你慢慢食, 慢慢傾.

      刪除
  8. 融創孫老板話:我大把錢再使三百幾億。吾通里鋪萬達有難了?

    回覆刪除
    回覆
    1. 融創應是想收購樂視這個爛攤子....不知市場會有何反應。

      刪除
    2. 原來是收購萬達的項目....莫非輸血比萬達救佢?

      一直有傳萬達背後有當今天子撐腰, 莫非是行政指令?

      刪除
  9. 沽左1132 感謝偉哥 , 轉入25k 825 , 希望有好價

    回覆刪除
    回覆
    1. 1132的確定性會高於825的。

      刪除
    2. 我已2隻在手, 1132>825
      也想再加一些825

      刪除
  10. 1.94@825我都入一注坐下.

    回覆刪除
  11. 316有10%水位,宜家值唔值得追入?

    回覆刪除
  12. 唉,前幾日已經有網友提316個股價有啲唔尋常,偉哥又提話今次冇發通告澄清,我都覺得316賣盤有啲機會,7月1日屋企人睇電視見到董建華清瘦咗好多,我心諗董建華會唔會身體有病,要賣盤分身家,免得争產。諗住再睇一睇先決定買,點知又錯過咗一次機會。

    回覆刪除
  13. 316今早果然最高價75元,如果網友有看到我的看法, 應該可以高位走到。

    回覆刪除
    回覆
    1. 嘩!偉哥果真神人,$75到價即回,太恐佈了。

      刪除
    2. 系啊,偉哥嘅預測都好準,今朝試排70蚊附近,睇下有冇得炒下波幅。
      雖然316今次訊息披露有違規,但以董建華系香港嘅地位,證監會唔會都放過佢,如果證監判違規,會點處罰316。

      刪除
    3. 罰316關董伯伯咩事?係都係關1919事啦~

      除非證監唔批買賣股份但好似冇咁嘅權力

      刪除
  14. 581,98 經常同步, 升一齊升, 回一齊回.....約埋咁

    回覆刪除
  15. 回覆
    1. 主席不斷增持,可能睇好下期業績或另有盤算?

      刪除
    2. 主席慣例是業績後增持,似乎是用盡股息去買,自製以股代息。

      刪除
    3. 偉哥,參考往績,主席慣常在末期業績後有此做法,而粗略計算,主席在業績後用了820多萬作增持,比他應得派息480多萬多接近7成,如果他要以股代息為什麼中期後不這樣做,不是能收集更多嗎?還是他覺得末期後股價通常上升不多故選擇這段時間進行?純粹研究一下,謝謝。

      刪除
  16. 其實想留意國內財金消息, 除左雪球外, 睇咩網會好D??

    回覆刪除
    回覆
    1. 智通財經網做得不錯, 有時又會講下故事。

      http://www.zhitongcaijing.com/

      刪除
    2. 謝謝偉哥回覆, 可惜今次無買316 (港X插略王社長之前有推過, 雖然佢推好多細股都係伏)
      仲有另一個可惜係黎唔到BBQ (我揀果隻投機股半年升20%都黎唔到...)
      不過市悶喺度吹下水都可一齊捱下,同戰友們互勉 (希望偉哥同咁多位師兄唔好嫌棄)

      刪除
    3. 港X插略王社長,講了無數的股票,不知點跟隨,一路做直播,他面不改容打電話買股票,一球一球咁買,大眾老散邊有咁大財力玩,最近隻275輸得慘不忍睹,千萬勿呻社長粗口回敬架!社長曾說過有機會請偉哥上去做直播的?曾似請菁姐拒絕了。

      刪除
    4. 275擺到明係OT股,佢當不遺餘力地Sell。如偉哥有機會上呢本雜誌度做即市訪問,記得幫我問下社長,問佢點解佢同佢果本嘢成日叫人買以下股份:

      0275.HK
      1499.HK
      8101.HK
      8200.HK
      8226.HK
      8269.HK
      8268.HK
      8182.HK

      刪除
    5. 佢地既模式係, 是但講10隻細股, 得就係咁吹自己係神, 唔得時就話細股唔得, 10 隻得果1,2隻中又係咁講, 又推股又唔認 (雖然都無財演會認GA LA)
      跟住中左1,2隻大股, 又係咁叫人炒輪, (輸果D又唔再提WO....)又話:"唔通我幫匯豐做打手" (咁人地又唔駛你做打手既...) 20隻中得果3,4隻, 真係牛頭角順嫂都好過佢
      (無乜聽, FRIEND CUT 番俾我聽, 亦無跟過佢, 好不知所謂)

      刪除
    6. 哈哈, 上到去我可以講乜? 唔通跟社長討論買邊隻垃圾股好?

      刪除
    7. 其他垃圾股不用問,只問上述提及那幾隻。還有問多條,佢本嘢有個叫金錢帝國既專欄,作者叫彼得大帝,問個作者係咪姓丘?

      刪除
    8. 兩者比較,睇X欣個節目好好多,舒服好多,斯文好多,影象靚好多,起碼推薦股票時講得有道理,貴精不貴多,講嘢有條理和看出是用心去做!我現在都好少睇射象個節目,又粗口又有政治立場,推薦細價股死得人多!隻275跌了超過一半,還去日本做直播推隻275!好彩無跟!

      刪除
  17. 你好偉哥,我持有3918金界,之前因為稀釋事件令股票回落,因憧憬金界新賭場落成及高息,我應不應該繼續持有,感謝偉哥,亦感激多次我在此Blog獲得知識良多。

    回覆刪除
    回覆
    1. 金界我其實很久都沒有再跟進, 而且我亦不提供買賣意見。

      或者你可以參考一下雪球, 那裡很多人討論此股,可能可以令你很深入了解這股及作出正確的決定。

      刪除
  18. 2183果真飆升,Joshua兄是另一神人……

    回覆刪除
    回覆
    1. 而且Joshua 即使買了二萬股都還未算建倉...😂
      2萬股觀察倉

      刪除
    2. 想請教下Joshua 兄,股票價格升GE原因系咩呢?因為公司配股?公司改名引起憧憬,定系其呢?待覆。感激不盡

      刪除
    3. Joshua 同偉哥一樣勁,吾會馬後炮

      刪除
    4. Joshua師兄話會震倉,所以我今朝見回落走左@7.35,執小小,多謝師兄!
      我諗升既原因,在於配售係左手交右手,莊家同樣揸住九成幾貨,炒一炒賺返個配售價先。之前隻2086都係咁。不過無耐性等2183慢慢炒了,睇下若跌穿配股價再入返手玩下。

      刪除
    5. Joshua大大又匿埋數銀紙...

      刪除
    6. 偉哥真才實學,我淨係識得憑感覺

      刪除
    7. 好多KOL又再推介呢隻2183.伏味好濃.
      覺得真係有機會好似JC兄所講,跌返穿6蚊,震走D老散.
      唔認為會不斷每日創新高

      刪除
    8. 2183有KOL連圖都出埋,相信佢地好重倉XD

      刪除
    9. 有時交易員的直覺更勝如何深入的分析。

      刪除
    10. 佢地既好重倉,可能係你既零用錢.
      你少少地已經買2萬股來睇場.
      今日我賣左3/4貨仔.
      希望佢回返再上車.
      我見到全人類重貨呢隻野,有錢佬唔似會甘好做善事.

      刪除
  19. Joshua 神人!有料到!大戶!

    回覆刪除
  20. 大家點睇 87 太古B?
    主席近來在 $13.7 左右不斷增持, PB 亦好低

    回覆刪除
    回覆
    1. 最近只是公司回購。留意有1基金由14年開始減持,從14.55%減至今年6月的8.93%。

      刪除
    2. 太古B唔係增持,而係回購。
      呢隻折讓股小弟最近都入左。
      單計間接持有的太地已值$15
      旗下國泰看似蝕錢,實際賺錢。
      唯一問題係海洋服務。但都係折讓過大。
      坐等價值回歸之日。

      刪除
  21. 即使255通常下半年業績比上半年好,偉哥預測正確(對股價的刺激估計有限),股價漲漲4%,市場反應相當謹慎,現實和理智。

    C9叫我買一些142,我唯有服從。

    回覆刪除
    回覆
    1. 買入142的原因是董事行使購股權?或是有其他原因?請指教?謝謝!

      刪除
    2. 看好東南亞的資產和發展, 特別是菲律賓和印度尼西亞與中國的關係, 加上PB也合理(不高)。

      刪除
    3. 粗略看了一下142的2016年報, 經營很多行業, 管理層對2017的看法也很正面。但收入基本上是非美元貨幣, 如果美元走強,匯兌損失變大。董事行使購股權,是否反映董事也認為值得增持, 不過他們有13%節讓。謝謝LOUIS兄!

      刪除
    4. 董事在行使購股權後, 持續賣掉142, 其趨勢不生不死。
      董事在行使購股權後,持續賣掉148,但其趨勢變得更強。

      我不明白!

      刪除
  22. 今日見經濟日報專欄寫323是近兩星期鋼鐵股升幅之最, 完全漠視581的存在, 真的幾好笑。

    板塊成員表現各有高低,其中馬鋼(00323)兩周累升27.3%,成為同業之冠,其他成員包括鞍鋼(00347)累升14.5%、重鋼(01053)升9%、首長國際(00697)只錄0.4%升幅。
    http://invest.hket.com/article/1853604/%E9%8B%BC%E4%B8%8A%E8%88%9E%EF%BC%8C%E8%82%A1%E5%83%B9%E8%AA%B0%E6%9B%B4%E7%BE%8E%EF%BC%9F%20%E4%BD%A0%E5%BF%85%E9%A0%88%E7%9F%A5%E9%81%93%E7%9A%84%E9%8B%BC%E8%82%A1%E5%88%86%E5%88%A5

    回覆刪除
    回覆
    1. 經濟報導質素粗疏, 我一向不予重視.

      刪除
    2. 無個鋼字不入流。┐(´-`)┌

      刪除
    3. 我始终相信好戏在后头

      刪除
    4. 可悲早走轉1157, 可喜還有半注。-_-||

      刪除
  23. 有冇九兩菜,早幾日先話冇,傾deal 唔洗一頭半個月咩~

    回覆刪除
  24. 可否幫忙分析下400前景唔該哂

    回覆刪除
    回覆
    1. 不妨花點時間致電到電台、電視,等專家答覆。

      刪除
    2. 其實如果長期睇呢個網誌的, 應該清楚我對呢間公司是看淡的,甚至懷疑盤數。

      刪除
    3. 我都係最近先入來睇,我朋友見我輸得多,先介紹我入來學下野,多謝先^^

      刪除
  25. 堅料? 如果是這樣的話, 香港進一步大陸化, 乾杯!

    【董建華受壓】華爾街日報:東方海外本拒賣盤 中央施壓促成交
    http://hk.apple.nextmedia.com/realtime/finance/20170710/56936018

    回覆刪除
    回覆
    1. 交易需先通過中國商務部據中國《反壟斷法》、歐盟委員會據《歐盟合併條例》進行的反壟斷審查,和各公司股東批准。

      希望歐盟不會反對。

      刪除
    2. 如果蘋果所講既係事實,我倒不認為值得乾杯。

      刪除
    3. 蘋果日報與華爾街日報本是一家人, 難道他們傳播謠言!?
      旨在施加壓力逼歐盟反對東方海外賣盤給中資!?

      刪除
    4. 幻想:
      華爾街在高位(70~75蚊)賣清316再加上沽空, 歐盟反對東方海外賣盤給中資, 華爾街再在低位38~50蚊掃入316。

      中資再一次提價到每股88蚊併購東方海外, 這一次成功了! 真的是美國優先!!!

      刪除
  26. 另一角度看, 是不敵「銀彈」的壓力, 這樣的壓力又真是何樂而不為。

    回覆刪除
    回覆
    1. 回覆Louis的「中央施壓論」

      刪除
    2. 我何德何能?

      應該是回覆華爾街日報與蘋果日報的「中央施壓論」!

      刪除
    3. 如果以地緣政治來看, 用東方海外的名義擴大航運網絡, 總比單純用國企的公司好辦事。

      刪除
    4. 行內人,戥ooil裡面做既員工擔心😂

      刪除
    5. 其實,大船公司合併,不單對ooil員工不是好事,貨代也不利,苦日子未完

      刪除
  27. 169,今日52高低位同時出現,收市前@0.84買入,搏未炒完。

    回覆刪除
    回覆
    1. Tk兄,現價0.77,可以考慮買入跟你博未炒完?

      刪除
  28. 堅定我的持股信心!

    王世榮(主席兼執行董事)最近使用華富嘉洛證券買入78萬股建業實業216, 估計買入範圍3.23~3.5港元:

    http://sdinotice.hkex.com.hk/filing/di/NSNoticeSSList.aspx?sa2=ns&sid=22060104&corpn=Chinney+Investments%2c+Ltd.&sd=01/04/2003&ed=05/07/2017&sa1=cl&scsd=01%2f01%2f1900&sced=10%2f07%2f2017&sc=216&src=MAIN&lang=ZH&

    https://webb-site.com/ccass/chistory.asp?issue=95&part=37

    回覆刪除
    回覆
    1. 估計王生今日介乎$3.49~3.6又增持多30萬股。
      等收特別息?: )

      刪除
    2. 216今年應該無特別息, 我估計160明年六月會宣布末期息20仙(增加60%), 216明年六月會宣布末期息8仙(增加60%), 就是這麼多。

      難說2019年六月宣布末期息時會不會再增加, 反正160進入收成期, 而385也不錯(盈利相當穩定), 1556也不會太差, 216整個系列一門四傑財務狀況非常好, 資產淨值變得越來越高, 有發展空間和想像空間。

      今天15:44:54, 應該是王生他掃入約17.6萬股建業, 一口氣同一個時間從3.52元掃至3.6元。除了他, 沒有人是如此勇敢,稍後驗證。

      看看他是否會持續增持216至十月。

      刪除
    3. 投機時贏時輸,好公司唔怕共度時艱,坐貨仲賺多!
      我從2009年坐了216,一路有買無賣!
      [笑]

      刪除
    4. 考慮派特別息是上次賣天河項目開股東特別大會時,執董陳先生說的,也有其他人在場聽到。 考慮派的金額也很大,也說過不一定要半年業績時才宣佈,待交易完成後,隨時都可以宣佈的。
      不過,口頭上說會考慮,不會有任何約束力吧。: p

      刪除
    5. 希望夢想成真"考慮派的金額也很大"!

      刪除
    6. 陳生講咗會考慮派的金額,但我覺得大得有點不相信,所以還是不說了。免得不兌現就讓人覺得我亂說一通來推高股價。

      刪除
    7. 216建業王老闆應該又增持33萬4千股,股價介乎$3.57~3.63。

      刪除
    8. 看得那麼清晰!
      佩服王老闆, 最好能買到近75%!

      刪除
    9. 業績之後開始留意,王老闆每次增持,都係一次過,一個柯朾掃上幾個價位,好易睇的。

      刪除
    10. 14:58:54應該是34萬4千股,好易睇的。但可能有其它柯朾?

      刪除
    11. 哈,我心算差。
      所以我用"應該"。

      刪除
  29. redponza兄有冇留意D5IU?
    DPU growth理想,gearing又低。雖然YTD升咗唔少,但仲有7.X% Yield。睇落好似幾理想。會唔會係有D伏位我冇留意到?

    回覆刪除
    回覆
    1. 伏位有二:
      1.印尼盾匯價不太穩定,如果匯價跌幅大過租金加幅😅
      2.佢14定15年收購左一個大型未stabilized project,有大股東保證回報,今年好似到期。保證到期後,物業本身回報可唔可以俾咁多租有疑問。果度好似影響派息1x%

      刪除
    2. Other than that, 我想隻REIT ok。如果我買,我會要求高d yield

      刪除
  30. 剛比較完2317與546,真的發現2317的投資價值要比546高很多。除了546的某幾個利潤率表現比2317好之外,及546在CCASS的集中性上也顯得比較貨乾,然而,其他方面(如派息率、公司管治、財務穩健性)都要被2317大大比下去。而就算是盈利能力,2317近年提升之勢也比較明顯。

    我甚至懷疑546很多時都授出購股權,目的是補償大股東持股量不足的損失,做法未必對小股東公平。另外,我發現546的Credit Cycle竟然是負數,主要原因是供應商的數期頗長,變相供應商為546作出融資,這個情況我不清楚是否國內的慣例,但總令我感到不舒服。

    翻查過546上市時的新聞資料,發現公司上市不久就出盈警,令市場錯愕,令546成為當年跌幅最勁的上市股份。突然醒起偉哥說過,內地有句投資諺語....投資不過山海關,不知身為山東企業的546,是否正中該諺語的命題呢?

    現價2317應具有不錯的投資價值,估值頗平、派息比率高及大股東增持,不排除短期內會買入,不知各位C兄有沒有特別睇法。

    回覆刪除
    回覆
    1. yau601 : 你之前提過2317在16年度下半年PPE減值突然出現2.88百萬美元,我翻查過年報,該減值源於公司某一座待出售的越南廠房。暫時,到底有關減值是否管理層刻意製造驚嚇我就不太清楚,要待該廠房成功出售及計算公司收益後才可以確應。

      另外,你提過2317的折舊出奇地高,你可否提供更多資料或提示我如何去找到相關資料來作比較?

      謝謝你!

      刪除
    2. 546有不少基金有持倉的, 所以你不要好似睇細股的方式來數飛。表面上渣打及花旗持倉好大, 但實際上可能有幾十個基金通過渣打及花旗持有546, 只因基金好多時選渣打、匯豐、花旗來做持股的托管人, 故此你用傳統數字花方式去數546的倉位, 會睇到546持股好集中, 但實際上未必正確。

      反而你睇下我之前講2317篇文, 2317只計股東披露的持股, 加上安信的大倉位, 就真係貨源集中。

      另外, 山東在山海關內的。

      刪除
    3. 哈哈!國內地理我好弱。

      546我漏咗查權益披露披露。Sorry晒!

      2317股權的確集中,加上古惑的安信又靠另外兩間行收貨,令人想入非非。我甚至懷疑有人可能部署私有化,適逢公司估值低兼有現金。眼見同胞一間間上岸,會否令2317大股東心也思思呢?

      刪除
    4. Known 兄: 留意年報第132頁: 有關本集團位於越南中北部之河靜廠之物業、廠房及設備減值2,882,000美元( 二零一五年:1,790,000美元)已於其他虧損-淨額中列支( 附註21)。有關減值乃由於生
      產所用原材料供應短缺,導致產能不足所致。於二零一七年二月二十二日,味丹( 越南)股份有限公司與一名獨立第三方訂立一項協議,以3,091,000美元的代價出售河靜廠的物業、廠房及設備。相關物業、廠房及設備已呈列為於二零一六年十二月三十一日持有待售之非流動資產。

      所以今年唔會有減值了,仲要多左3.09百萬美元收入。你計一計呢2016 2H同2017 1H 差幾多?

      另外,折舊出奇地高呢點,你留意下2317年報第133頁,計下佢2015, 2016折舊率廠房設備為多少?(第106頁又點寫?) 對比下546年報第118頁,用同樣計法,計到D咩?

      刪除
    5. 偉哥講好岩,2317股權集中好多,加上近期元大、安信等出擊,仲有偉粉,哈哈哈,我相信股權股更集中。(利申:我重倉)

      刪除
    6. yau601: 很多謝你的留言,你果然相當仔細。首先,關於2317的PPE減值2,882,000美元,佢應該不是刻意Understate純利,只是剛好要把該廠出售,在會計上就須要先行減值。然而,我同意一來一回會令兩個半年的純利產生唔細既波幅。

      關於2317的PPE折舊,我應該明白你所指,2317的折舊不尋常的高,而546的相關折舊則顯得較正常。如果係咁,真係唔知2317的管理層有咩用意,因為明顯會令盈利被低估。

      天道酬勤,你的重倉必令賺過盆滿砵滿。

      刪除
    7. Known 兄:唔好咁客氣,大家互相交流進步者,呢個亦係偉哥建立呢個BLOG既本意,或者你留意到D咩我無留到呢。其實2317業務都算相對簡單,年報亦算清晰,有入貨者不妨深入研究,當learning lor. Btw, known 兄如果有時間,不妨計下或留意下2317 呢5年既現金流同現金情況,結合下折舊情況等,你者會印證到更多野... (側面咁睇,2317 係2016年將盈利全派,點解咁把炮? 好多人唔相信佢可以維持派咁高息,但基於上述計算,我相信呢一,兩年佢應該可維持最少8~10%息,分分鐘仲有驚喜添。)

      刪除
    8. 多口講句,以前2317業績比較反覆,通常好了一年便衰退不少,令我不敢重倉2317。
      另外,2317的高折舊令他盈利低估,現金流和稅前盈利的差距不少,資本投資不多,有能力派高息。

      刪除
    9. 謝謝各位C兄寶貴意見!

      刪除
    10. 感謝偉哥的blog可以讓大家在這裡交流意見,雖然學習進度很緩慢,但是感覺每天自己都在增加對年報的認識同分析。
      2317我也是重倉!鑑於越南未來的發展潛力,我對長期的發展也有信心。
      Ivan,2317的盈利的起伏是因為之前發電廠的建設,現在是步入了收成期,對其長期的盈利是有正面的作用。

      刪除
    11. 謝謝WL指教,我指的盈利是毛利率:
      2009 24.70%
      2010 17.20%
      2011 14.70%
      2012 16.50%
      2013 14.00%
      2014 13.50%
      2015 18.50%
      2016 24.10%

      通常毛利超過15%便調頭下跌,應該是和木薯和味精價格有關,始終味精技術不高,如果價格上升便會有山寨廠增加供應,很難維持高毛利吧。所以我去年才決定減持,現在看來作錯決定吧....

      刪除
    12. 見大家都在討論2317 , 插一下嘴, 想問下大陸味精在低位, 對2317 有沒有影響? 另外在雪球見有人說2317 先斬後奏式非法進口煤炭.不知道目前如果?

      刪除
    13. 剛問了一位生產酒精的親友, 越南的木薯166-168USD/噸CFR, 不知是否比去年平了。希望有用。

      刪除
  31. 之前講過7月是自己全年最忙碌的月份, 所以來緊半個幾月, 會少左時間係日間同大家吹水, 只能晚上覆下留言、寫下文,盡量維持更新。

    回覆刪除
  32. 關於富途係要約方面的處理方法
    小弟問左客服,以下係對話內容:
    =========================================================
    想問一下若持股提出要約 在富途應該怎樣回覆? 謝謝
    peter 2017-07-11 00:33:10

    您好, 您可以發個電郵通知我們
    peter 2017-07-11 00:34:22

    若果我沒有下指示,富途會如何處理?
    peter 2017-07-11 00:35:03

    要看情況而定。
    富途證券客服代表 2017-07-11 00:37:52

    電郵是什麼?
    peter 2017-07-11 00:40:40

    cs@futu5.com
    富途證券客服代表 2017-07-11 00:42:10
    ================================================
    為左慬慎起見 我都係send左email講明不接受要約直到另行通知

    回覆刪除
  33. Known 兄介唔介意分享下你系點樣分析2317,等我有個案例可以學習一下呢?,謝謝

    回覆刪除
    回覆
    1. 都係D一般基本分析角度,如盈利能力、營運效益、債務水平、同業比較、估值等。

      刪除
  34. 沽出1599超額完成財息兼收,多謝tkchan兄。

    回覆刪除
  35. 1255....又一隻全購股急挫

    回覆刪除
  36. 小弟初參與私有化股票,想請問係咪唔接受私有化是不用回覆券商,接受就send email通知佢??
    ps.一通客戶

    回覆刪除
    回覆
    1. 一通網上有粒制可以接受要約,唔洗send email

      刪除
    2. 係股東權益度搵到,多謝師兄指點

      刪除
    3. 為什麼按0話輸入無效?不接受

      刪除
    4. 如果我接受了, 係咪即刻會用2元被收了
      咁我可否立刻在市場再買再接受呢?

      刪除
    5. PERRY, 如果咁都可以,我相信世界冇窮人了...

      刪除
    6. 樓上,你係咪想問: 假設你係市場用$1.94入然後即刻走去接受果$2要約你就袋袋平安賺$0.6差價?
      當然唔係啦!要約$2要成功,要約方要收夠9成同意,呢$2先會deal, 如果唔係 , 要約方可以Cancel單deal或者提價延長要約時間等等,詳見偉哥之前既文章, 如果咁著數個價就唔係$1.94咁低咪你買到了.

      刪除
    7. 姓鄭的怎會送錢畀你,ALL OR NOTHING

      刪除
  37. 請教一下各位,1053都已經進入破產程序,每股賬面資產淨值亦係負數。
    點解仍然係市場可以值$1?

    回覆刪除
  38. 感覺最近又係升大價股托市, 細股又要捱, 頂

    回覆刪除
    回覆
    1. 乜升佐400幾點?我個炒倉完全無升喎!呃人!

      刪除
    2. 大蝦細俾屎餵, 好快上返26000

      刪除
    3. 其實真係呃人,我都跑輸大市

      刪除
  39. 鄭家又出招了, 有本事就插去1.8

    回覆刪除
    回覆
    1. 鄭家真姑寒成性,會唔加就唔加,想只比9億買起博大霧,比多3成都系2億幾,我都持有825。

      刪除
    2. 支持一下偉哥,剛覆左銀行唔接受要約。

      刪除
    3. 我也不接受要約,不知悉接受有幾多?

      刪除
    4. 請問照依家情況睇,大家覺得提價機會有幾高?
      利伸:持有小量825。

      刪除
  40. 作者已經移除這則留言。

    回覆刪除
  41. http://app.time-weekly.com/wamei/articleController/preview/e548fdc05cd2b428015d30d1941420ce.htm

    1030 將會選擇那種方式去私有化?

    前車可鑑: 恒盛地产及新世界中国都曾在“协议安排”私有化上吃过“数人头”的亏。

    回覆刪除
  42. 今日升将近400点,看下自己仓,得1233争气点,可惜只卖剩得一万股,真是悔恨当初为何要选择它来卖。

    回覆刪除
  43. 952 1供3 有冇人供足 博佢食大茶飯?

    回覆刪除

注意:只有此網誌的成員可以留言。