2017年7月3日 星期一

新世界百貨中國(00825) - 私有化提價達至雙贏 (上)


這篇文章是我針對新世界百貨中國私有化而花了大半天的時間去撰寫,有點長,還沒寫完,但希望各位新世界百貨的股東可以細心閱讀、參考,然後作出你的抉擇。

首先,我要明確一下我們的最終目的並不是一心想否決這私有化, 而是希望要約人(即大股東)提出一個比較合理、公道的作價去完成私有化,達成雙贏。

新世界百貨中國私有化作價的比較

我們要求新世界百貨私有化提價的理由是建基於其作價非常之低,令人難以接受。我們先來比較一下新世界百貨與近年兩宗同業私有化的作價,而這作價的比較並沒有在新世界百貨的私有化通函中提供,只因一比較之下,大家會發現新世界百貨的私有化作價是何等荒謬。


從上述的比較之中,大家可以自行看到新世界百貨的作價比起近年兩宗同業私有化作價的差距是如何之大,如果鄭家 (大股東) 可以以此作價成功私有化的話,我相信他們睡覺時發夢也會笑出聲來。

其次,讓我們再看看新世界百貨於2007年上市時的估值:


當年上市價每股5.8港元,以此計算的經調整每股有形資產淨值是1.82港元,即相當於3.19倍的市帳率,而今天私有化的估值僅有0.766倍!

當年每股5.8元上市,即使扣除期間派發合共每股1.353元的股息,如果以2元成功私有化的話,就算不計入資金的時間成本、機會成本,大股東也賺了小股東每股2.447元!

這私有化作價是否合理?相信大家有目共睹。

私有化提價的可能性

從上述一些簡單的比較可以看出這次新世界百貨的私有化作價是非常之低,雖然如此,如果大股東沒有提價的打算,而小股東又不接受這要約的話,給果會否是私有化失敗、兩敗俱傷?

我自己相信大股東對於可以以2元的作價成功私有化的信心並不大,也有提價的準備及計劃,原因如下:

不知道大家有沒有留意到他們採用的私有化方式是要約形式,  而不是香港上市公司慣用的協議安排 (又稱安排計劃, Scheme of Arrangement) ?這兩者有什麼分別大家清楚嗎?



大家不妨簡單比較一下兩種私有化形式的分別:

1. 要約形式私有化通過的主要條件是超過90%的獨立股東持股接受要約人提出的要約,以新世界百貨這個案而言,獨立股東持有4.67億股,即是說需要4.2億股的獨立股東持股“主動”接受要約,私有化才可以通過。

2. 以協議安排進行私有化通過的條件如下:
在為私有化計劃而召開的法院會議及特別股東大會,
I. 參與投票的獨立股東持股中,超過75%的股數同意私有化;
II. 參與投票的獨立股東持股中,反對私有化的股數不可以超過獨立股東持股的10%;
III. 按親身出度或委派代表出席會議的獨立股東人數計算,贊成私有化的股東人數必須超過50%,這亦即是我們常說的數人頭測試。

兩者對比之下,雖然協議安排的私有化條件好像遠多於要約形式,但實際上要約形式的條件是更為苛刻。既然如此,那為何新世界百貨要採用難度較高的要約形式私有化?

原因在於以協議安排進行私有化,基本上是一次定生死,即是說如果在股東大會上表決無法通過的話,私有化就裁定失敗,然後要等最少一年才可以重提私有化,不可以說當結果出來之後,要約人立刻再提價去推動私有化。而要約形式最明顯的分別就是如果事先沒有不提價聲明的話,則要約人可以在要約到期後,如果私有化條件仍未達成的話,立即提價再進行要約或者將要約期延長,這方面為要約人提供了很大的彈性。

基於上述原因,新世界百貨這次的私有化形式是有別於3年前同系的新世界中國(00917) 首次提出私有化時採用的協議安排形式,而且與當時最大的分別是當時在提出私有化新世界中國的時候,已作出不提價聲明,但這次新世界百貨的私有化則是保留了提價的權利,原因為何不言而喻。


說到這裡,大家應該明白為何新世界百貨大股東採用要約形式去進行私有化,而且開價是如此之低,因為他們知道即使第一次要約到期未能成功的話,他們可以立即提價作出新的要約,而不需要再等一年。而現在要約價如此之低有三大原因:

1. 萬一僥倖地以2元低價成功私有化的話, 那大股東撿了一個大便宜;如果失敗也不要緊,反正大股東保留了提價的權利,可以立即提價再做要約,務求盡快通過私有化,無需再等一年,所以無論如何從大股東角度而言,先出一個低價的要約是對他們最有利的做法;

2. 從策略上而言,先開一個極低的要約價,降低大家的預期,然後再提價假設30%,即使對比之前的物美商業或者銀泰商業而言,作價仍是極低,但因為有了第一次2元低價要約可供比較,大家都會覺得提價30%後是很好的作價,也滿意於大股東的“從善如流”,故此相信大部份小股東都會接受要約。這策略如果大家不善忘的話,當記得也在上年成功私有化的BRACELL (01768) 見過,當其公佈可能私有化之時,投資者都猜測合理作價可能是2.5元、甚至3元以上,但其後公佈的作價只有1.78元,小股東普遍非常失望,也有否決這私有化的打算。大股東其後順應民意,加價28%至2.28元,就在股東大會上獲得絕大多數獨立股東支持而私有化成功;

3. 在提出私有化後,有大量的套利資金於1.9-1.95元買入新世界百貨作為套利目的,當中有不少也是在賭大股東會提價的,所以一旦大股東合理地提價後,他們肯定會選擇接受要約去賺取短期內獲得的高回報,令大股東提價後的要約更容易取得成功。

最後,大家如果細心的話,當會留意到這次新世界百貨從公佈私有化要約,到正式發表私有化要約通函只是用了僅僅20天,速度之快應是破紀錄的,最少我印象中這是這快的紀錄。他們如此之趕急,只因往年慣常是9月下旬公佈全年業績,而去年全年純利僅4500萬元,而今個財政年度僅上半年已有約9300萬元的純利,如果全年沒有再出現一次性的減值虧損或投資物業公平值虧損的話,則全年純利遠超上年是肯定的,而且按過往的做法,應於8月下旬公佈盈喜;而一旦盈喜公佈之時私有化要約仍未完成的話,則要約期必需延長至公佈全年業績後,並且需再發表更新的私有化通函,讓獨立股東考慮是否接受要約,這樣拖下去的話,隨時要拖到10月、甚至11月,私有化才會有最終的結果,故私有化完成的時間表必定是8月下旬或之前。大家可以計算一下時間,如果目標是8月下旬完成私有化的話,那也無需要趕在6月底開始要約,時間上還很充裕的,唯一的合理解釋是他們預留了時間去最少提價一次及延長要約期!

總結而言,從私有化以要約形式進行、保留提價權利及私有化的時間表等各方面情況來看,如果第一次要約價2元失敗的話,大股東是有準備及計劃去提高要約作價的。


(未完, 明天再續)



260 則留言:

  1. 這篇文章估不到寫下寫下, 要分為兩篇, 因為實在太長, 寫了大半天還沒寫完。

    回覆刪除
    回覆
    1. 這篇先從各方面去論証這作價超低及大股東有提價的準備及計劃。

      刪除
    2. 謝謝偉哥撰寫教導文章,授人以魚,不若授人以漁。
      而且今日係偉哥股既大奇蹟日,倉內有一半都係偉哥股,好耐無試過咁滾動,連2368,3883都創新高。
      今朝有加注98,581,剛剛又加注825,多謝偉哥。

      刪除
  2. 標題的新世界百貨中國(00917)是否為825? 因為看到第一張附圖的號碼與標題有異。

    回覆刪除
    回覆
    1. 我也是查號碼查不到。
      多謝偉哥這麼詳細的分析!!實在是太用心了!

      刪除
    2. 917係已被私有化的新世界中國

      偉哥第二次誤會咗^^

      刪除
    3. 哈哈, 917的個案太深入我心, 所以無時無刻都記住佢。

      刪除
    4. 偉哥會否驚開晒佢底牌,令佢老羞成怒?

      刪除
    5. 進行上市公司進階搜尋畫面時,點擊" 上市公司公告進階搜尋 - 已除牌證券" 不然查不到已成功私有化、除了牌的公司。

      刪除
  3. 世事都被偉哥你看透了

    回覆刪除
  4. 1027,終於跌到1仙,有沽盤冇買盤,市值$7.5億,沙頭角村長個女。

    回覆刪除
    回覆
    1. 諗哽買唔買幾千蚊好,當賭錢咁賭

      刪除
    2. tk chan兄,waising兄, 通常呢D股嘅結局是否十合一,供股,停牌等終結?
      我見到跌到0.01時成交共約5千萬,但現在6千5佰萬成交,即仲有人用千幾萬博反彈.
      因表面看好似好筍, 升一格就10%

      刪除
  5. 1132 公告及通告 - [更改證券條款或隨附於證券的權利 / 發行可轉換證券 / 根據一般性授權發行股份 / 非常...更多]
    http://www.hkexnews.hk/listedco/listconews/SEHK/2017/0703/LTN20170703408_C.pdf

    回覆刪除
  6. 欠2339, 2317 未開車, 睇下幾時追落後~

    回覆刪除
  7. 簡直唔可以用爆發而係井噴,真係嘆為觀止,哈哈。相信呢個BBQ局個個都不醉無歸,可惜自己唔掙氣,嗚嗚。

    回覆刪除
    回覆
    1. 3399 上埋,偉哥大奇蹟日呀

      刪除
  8. 2317偉哥都出左幾篇文,應該有相當信心

    回覆刪除
  9. derek你在这里哭天叫地也没用,学我嘛!我现的心没那么抽着抽着痛了……
    悲有伟哥陪着悲,喜有伟哥陪着喜,天下美事莫过如此

    回覆刪除
    回覆
    1. 我是可惜自己失去了等十多年機會見偉哥一面對他當面道謝而哭,因為自知時間無多,嗚嗚。

      刪除
    2. derek, 我其實一早決定這次的BBQ會請你出席的....我們都已在網上相交10年都有了, 感謝一直以來的支持。

      刪除
    3. 嘩,真是我的天大喜訊比贏了怎麼獎或金錢都無可比喻,偉哥我愛你!

      刪除
    4. 看偉哥跟Derek 的交流,比很多現實中的情感還真摯。利申(我都是長期CD rom)

      刪除
    5. 弓起Derek!You deserve it.

      刪除
    6. 哈哈, 幾年前我停筆, 都是derek不斷鼓勵我, 我當時講有朝一日要請derek飲杯野, 我記得當時承諾的。

      刪除
    7. 好熱切期待這一天來臨,不過請偉哥不要在七月中至尾舉辦,因為小弟在兩個月前已經決定作最後一次探險要到外蒙一遊,敬希原諒我這無理要求。倘若偉哥早已有安排小弟唯有認命了,偉哥我愛你。

      刪除
    8. 恭喜!同賀Derek 兄👏

      刪除
    9. 放心, 7月是我全年最忙的一個月, 所以要8月初才可以找數,敬希贏出比賽的網友們稍為等候。

      我本來也安排8月中帶小朋友到內蒙古的呼倫貝爾草原遊玩,不過自己最近太忙, 沒有時間安排行程, 只能留待下次。

      刪除
    10. 兩位真識英雄重英雄

      刪除
    11. 如果要去蒙古,外蒙會真正嘗到大漠與草原及當地人脈感覺,聽講內蒙太漢化了而且沒有直航要在北京轉機。

      刪除
    12. 其實我睇偉哥Blog都10年了(除中間幾年暫停),不過甚少發言

      刪除
  10. 大時代後冇見過偉哥啲股咁勁秋

    回覆刪除
  11. 普天同庆的日子不喜欢听到你说时间不多这句话😂😂😂
    今天连只2317不会动的都动了……

    回覆刪除
  12. 581 唔會今日就到$4呀.......好勁

    回覆刪除
  13. 偉哥駛吾駛咁型先, 升幅榜1,2位, 恭喜晒!哈哈!

    回覆刪除
  14. 多謝偉哥,一隻581我就贏翻曬之前其他細股嘅loss,不過要set至賺價

    回覆刪除
  15. 581似乎係搶貨,唔似好消息出貨…
    大家今鋪睇幾多?我本身睇$4...而家睇勢似乎仲會搶上

    回覆刪除
  16. 825仍在排隊中,希望1.93拿到手

    回覆刪除
  17. 多謝偉哥 98 興發鋁業
    想返起5月的時候,我都有send email 比偉哥 我持有的股數同投反對票

    回覆刪除
    回覆
    1. 偉哥,我多謝你才對。
      另外,想問下98 你心目中的價位是多少???

      刪除
    2. 坦白講, 升到我自己唔敢望股價.....掃到全日最高位收, 似乎仲係有餘未盡, 如果有消息的話應該是好爆的消息....

      如果不理消息層面, 純粹看基本因素的話, 已經去到相對合理估值。

      刪除
    3. Thx 偉哥
      現在唯有靜觀其變

      刪除
  18. 98再沽一注@5.29
    581繼上周沽了2/3,今日又沽清了@3.29
    以後唔敢早過偉哥沽偉哥系股票了....

    好彩仲有大倉3399,拿咗實物,點都郁唔到
    今日有點2015年3399時大升的感覺,那時曾經一日賬戶漲6個數....可惜當時賣咗既又買番其他,結果只是曾經紙上富貴了幾日而已.

    回覆刪除
    回覆
    1. 今日不論以銀碼或者%計算, 漲幅都應該是破了歷史紀錄。

      刪除
    2. 恭喜偉哥下半年開門紅!

      刪除
    3. 咁樣搶法,無好爆既消息好難令人相信.

      刪除
    4. 今日睇少日 581就爆 希望聽日繼續升

      刪除
  19. 我冇參加亦都唔覺得我參加左有機會贏
    只係希望你地見完之後唔會變成小圈子, 咁就變左質, 下年係咪又會有比賽? 可唔可以預留多D名額等大家有機會敘下?

    回覆刪除
    回覆
    1. 不會啦, 我的小型股票群組只有一兩個, 而絕大部份時間都是用在這網誌, 時間唔夠就減少上雪球。

      刪除
    2. 我係2017-3月先開始留意倒呢到, 我都期望我會變成長期fans唔好再買倒牆紙

      刪除
    3. 你都應該屬於港股老手, 都仲會買到牆紙?

      刪除
    4. 早幾年都仲有, 1353冇諗過咁快出事, 自始先開始留意雪球, 有時唔知邊倒睇倒有人寫, 嗰排冇咩心水可能都會出事, 幾十萬仲輸得起, 不過個心唔舒服
      我身邊冇咩志同道合既股票友, 其他forum識嗰D, 開口埋口問number, 我一年可能先trade 1-2隻等運到, 邊有咁多number俾佢地, 好煩

      其實醫藥同新能源我都有留意, 不過同科技股一樣, 太高估值唔係好合呢度口味

      刪除
    5. 人兄呢個真,身邊朋友唔係唔買既,就只係問你比no.,有d直頭話比一筆錢我幫佢投資,我話一黎我唔叻,d錢唔係我既又大壓力易做錯,仲有d錢唔係自己努力搵返黎既好易又比返第個仲要輸凸,最後我只會講我上咩網站學野(呢度一定有野學),不過9成9都冇恆心,聽完就算,所以呢邊咁多志同道合既朋友係度交流真係好難得

      刪除
    6. 另外真係要多謝偉哥,雖然唔係隻隻都跟晒(都冇咁多注),但3399,581,98,1132呢幾隻經偉哥講左重點,再睇過岩自己就買到99%,只係今日既升幅就超過我16年頭清倉買樓後重建既股票倉升幅!因為近月多野做少上黎,不過今日真係好深感受,一定要蒲個頭講聲多謝,多謝你建立左呢度!!

      刪除
    7. 哈哈, 咁你自己都有擺時間去研究我的股票, 值得有更佳的回報,因為我的股票都不是每隻都升, 所以你從中挑選到大升的來買, 足見功力深厚。

      我的股票一向都有升有跌, 如果有70%上升, 30%下跌的, 已經頗理想; 如果你們可以再從這些名單中精挑細選, 做到80%升、20%跌的完全是有可能的。

      刪除
  20. 今日2317+1132雙雙受到98 581既刺激而帶動上升?? (多謝waigor)

    回覆刪除
  21. 連隻1132都郁埋,莫非真係偉哥日?

    回覆刪除
    回覆
    1. 1132交易一直有進展, 今日有反應是正常。

      刪除
    2. 就快到$1 偉哥會提升目標價嗎?

      刪除
    3. 明顯地不能再以1元為目標價。

      刪除
    4. 甘大舊多汁既橙今日都衝唔到阻力位..

      刪除
  22. 偉哥仲有乜股今日未升, 唉.... 頭先唔排直取2317就好了

    回覆刪除
    回覆
    1. 進擊兄,3608、6822可以扒冷。

      刪除
    2. 原來偉哥系股票都有追落後慨念。

      刪除
    3. 呢個市況, 跟偉哥買唔大升都唔會點輸, 好過自己買來買去中千股

      刪除
    4. 好問題...應該仲有以下,有錯請指正.
      426
      2339
      393
      1305 應該小注

      刪除
  23. 98仲未停牌,仲俾機會人入貨?

    回覆刪除
    回覆
    1. y佢要停牌?有重大交易?

      刪除
  24. 偉哥今日1日已經跑贏整個上半年

    回覆刪除
    回覆
    1. 今日執兩千幾,係我上半年執四百幾嘅5倍!

      刪除
  25. 依度高手如雲,我自己半年回報18%,已經好滿意!
    主力靠REIT,抽下新股...
    套利反而冇乜大進展 =.=
    諗緊係咪唔再套利,始終輸一隻,可能要做5-7隻先追得番
    偉哥,有冇D咩好提議俾小弟?

    偉哥系股我一隻都冇,真係好慚愧 >__<

    回覆刪除
    回覆
    1. 我現在都是9成收息股 1成跟偉哥炒 私有化賣殻股見過鬼都不敢買太多 但完全唔買又好難 好似98買左少少 雖然咁樣不能賺大錢 但都叫頂到癮 不想再三更窮五更富 但睇完偉哥呢編都忍唔住要立刻再入多注825 哈哈

      刪除
    2. 玩REIT半年賺18%都唔惹少啦!

      刪除
    3. 其實買股是各適其式, 有人炒大價股,有人偏好中小型股, 有人只玩財技股, 也有好色之徒, 最重要是找到自己在股市長期生存之道。

      刪除
    4. 好明顯derek兄就係偉哥口中既好色之徒, 成日對拿哥講我愛你... FC9有勁敵了

      刪除
    5. 呢度大多數人既生存之道係Long Call偉哥 ^^

      刪除
    6. 也對,好似我每次踏出comfort zone,試新方法,都係止蝕收場 =.=
      2015年係咁,今年四月又係咁....

      有咩好收息股介紹呀?
      可用現金太多,收息股不夠用呀 =.=

      刪除
    7. 現在應該不是儲收息股的時候吧?我等大跌先一炮過買

      刪除
    8. 高息:1181、237、778、1270都唔錯,1556如果keep到都係好高息

      刪除
    9. 我等緊買隻收息股, 之前只是為了出席股東大會而買左好少量。

      刪除
    10. 1181/1270/1556業務有一定起落,非我喜歡既類型
      好,我等運到

      刪除
  26. 我好想望下果位湯生依家係咩樣同咩心情... :D

    回覆刪除
    回覆
    1. 唉, 無謂同人比較,做好份內事就可以,反正大家不同路, 佢鍾意點講就由得佢。

      刪除
    2. 條友都好似係雪球消失了.

      刪除
    3. 湯生之前講左啲乜啊?

      刪除
    4. 偉哥同mr.湯都係叻人,各有各玩法,有時係d情緒語氣講大左...我對兩位都相當敬佩

      刪除
    5. 湯生之前講左啲乜啊?X2

      如果湯生=湯財既話,想講佢個人比較怪,好多股票佢都覺得垃圾,唔太建議!
      雖然我認同佢既看法(ie 太多股係垃圾),但唔代表其它人唔可以買呢D股賺錢!
      而佢買既,有D我都覺得係垃圾 =.=

      正所謂黑貓白貓,可以捉到老鼠既就係好貓!
      猶記得那年那月CKM大師日日鞭投機賭徒,哈哈 ^^"

      少少意見,大家唔好見怪!
      以上兩位我都好尊重,亦都係佢地身上學到唔少野

      刪除
    6. 叻還叻....最緊要要言行一致, 唔一致都唔緊要...最好唔好俾人知
      不過呢到最好唔好再討論其他人

      刪除
    7. 言行一致 我知你講邊隻, 高人..........

      刪除
    8. 我最憎個隻---- 豬你月華, 其實佢成家無好人, 認真! 通常掛名保良局的都幾無良, 雖然我中學讀保良局. 除左佢, 仲有佢老死玩具大王同一定蕭兩父子.

      刪除
  27. 有無同路會買返952, 之前偉哥講今次供股算係大股東注資, 我又排隊中準備博一博.

    回覆刪除
  28. 仲有冇人留意隻717?
    應該唔使擔心壞數

    回覆刪除
  29. 偉哥股今日真係好似食左偉哥咁

    回覆刪除
    回覆
    1. 好似講到偉哥之前唔得咁!

      刪除
    2. 現在宣佈,七月三日定為“偉哥日"。

      刪除
  30. 98今天不停牌, 明天也應該停牌了吧? 咁升法, 無重大利好消息都冇人信。

    回覆刪除
    回覆
    1. 偉哥今日一隻98都賺300k....

      刪除
    2. 完全不卖98..可以算是很好的烦恼

      刪除
  31. 偉哥581 有無新目標價?$5?

    回覆刪除
    回覆
    1. 沒有, 從盈喜內容感覺到業績會很爆, 我自己估100%增長, 但國內朋友說預期有15億元的純利, 搞到我都唔敢再沽, 除非真係上到第一上海今天報告所講的5元目標價, 不然再等下。

      呢隻如果入埋深港通就不得了。

      刪除
    2. 純粹想問下偉哥邊度有得睇該份報告
      我上第一上海個網,非會員要三個月後先睇得
      牛牛網都唔覺有🙏

      刪除
    3. 第一上海的報告朋友傳來的, 給予目標價5.13元, 預期2017年全年盈利達到40億人民幣。

      刪除
    4. 偉哥,今日第一上海有出盤掃貨的

      刪除
  32. 今日相信有基金下半年度納入了偉哥指數... 升幅好全面。

    回覆刪除
    回覆
    1. 雖然我非常不喜歡你, 但你這句說話和我的相法一樣.

      刪除
  33. 香討好多人問1027點解現價沽唔得,冇啲人回覆話打去銀行/證券行問

    回覆刪除
    回覆
    1. 慘了, 現價沽唔到即係無人買, 等合股再大跌了

      刪除
    2. 唉, 呢D係老生常談....不要以為跌到0.01就無得再跌。

      刪除
    3. 但有人話可以當碎股賣,咁就可以用低過0.01個價成交,得唔得?好奇想知下

      刪除
    4. 當然可以打比經記做場外交易, 作價低於1仙也可以, 所以說如果覺得股價1仙是跌無可跌的話, 是太天真。

      刪除
    5. 不過呢隻股今日真係冇買盤,好恐怖

      刪除
    6. 今日我有打電話去掛$0.001,但無人肯割愛。

      刪除
  34. 825大摩一買盤掃2.42M? @@"

    回覆刪除
    回覆
    1. 今晚提價????!!! 我未買到啊!!!

      刪除
    2. 放心, 如有提價應是7月18日的事,鄭家點都博下呢個2元要約, 如果僥倖過到關, 佢地賺好多。

      刪除
  35. 777.我跟你队排1.93.后改盘1.94最后还是入不到,还好之前在1.92入了四万股
    请问你真又入了98吗?肺爆了吗?心有没有在滴血啊?

    回覆刪除
    回覆
    1. 今早眼都紅了,好後悔,加埋581,無了1.5万
      買了,打算博出通告,反正得4000
      1.93-直排,明天照排2万

      刪除
  36. 如果這篇文章能保持發表, 我會非常感激!

    謝謝老師說了我不知如何說出來的話!

    「回歸二十週年」 DPZ Blog
    https://dpzblog.wordpress.com/2017/07/03/%e9%97%9c%e5%bf%83%e6%99%82%e4%ba%8b-449/

    回歸二十週年,習大大親自來港,搞得很熱鬧。回顧這二十年,總體上可以說香港現狀不錯,經濟不知翻了多少倍?民生安定,治安良好,香港的生活水準,醫療保健,照顧弱勢社群,環境,交通的便捷,可以跟世界上任何一個大都市比。九七年前大量港人移民,對前途不安,心情忐忑,今天很多移民的人都回流,還後悔當年賣掉了樓。

    當然也有不少人仍不滿意,政改踏步不前,來自北京對香港事務的干預也越來越多。我曾寫過,一國兩制仍在,香港現在行使的仍是英國人留下的普通法,法治跟廉潔都還不錯,但高度自治沒有了,林鄭高票當選,她的票哪裡來的?當然是中聯辦在背後操控。

    話要說回來,假如香港政治的背後沒有這麼一股穩定的,強大的力量在操控,小小香港有那麼多不同黨派,人人都自以為自己掌握真理,自己是老大,局面不是要大亂?

    香港命運已跟中國大陸聯在一起,現在唯有希望中國好香港也更好。

    中國不在香港收稅,中國還免費保護香港 (看看新加坡就知道國防是什麼代價?) 中國提供了生產基地和廣大市場,帶動香港繁榮,港人可說很幸運,我們要接受今天的現實,保護兩制的底線,所謂港獨,自主,要顛覆今天的制度,這些人的主張不但不現實,而且危險,危害全體港人的福祉,他們想的可能祇是個人的野心。

    高度自制不提也罷,現在已經很少政治家說這句話了,強調的是中國對香港的主權。

    回覆刪除
    回覆
    1. 高度自制??很混淆的用詞,魚腸劍?

      刪除
    2. 哈哈,一般工薪階層邊會理咁多。政治依家野我冇太多感想,之前經濟好又係禁咁,依家走下坡又係禁咁,香港亂唔亂咪又係禁咁過。

      刪除
    3. 好似有句話叫有恆產者有恆心,無恆產者無恆心。
      當你有一定資產考慮d野會唔同,係我依步我會搞定自己先,之後再會有能力關心社會問題。

      刪除
    4. "香港政治的背後沒有這麼一股穩定的,強大的力量在操控,小小香港有那麼多不同黨派,人人都自以為自己掌握真理,自己是老大,局面不是要大亂?"

      認同[大笑],強烈要求泛民背後力量(如有)在選舉中有效分配選票,同門兄弟姊妹不準相互攻擊,以收最大效益!
      支持香港行兩黨制(保皇黨 & 泛民黨),要求保皇/泛民大黨合并成兩大黨!

      好,發表完廢話,依家要歌頌祖國對香港的照顧...
      ...
      ...
      ...

      刪除
    5. 打錯字:
      高度自制 = 高度自治

      刪除
  37. 1079 三日都無驚嚇.....玩咩呢? 收夠貨? 夠就唔使延多三日...........

    回覆刪除
    回覆
    1. 我估佢地可能覺得再壓也徒勞無功, 所以唔再浪費彈藥。

      刪除
    2. 同再撳落去反而太明顯個意途....都係希望佢地低調地行事有驚喜就好

      刪除
    3. 有個上市公司做開CFO既朋友同我講,1079的三日延長可能是做得穩陣D,因為HKEX會問上市公司點解有火警突發事故不給予股東多些考慮時間,所以無須過份解讀。信不信由你。無論如何,1079明天見真章。

      刪除
  38. 偉哥, 今日1132得幾大成交,可能商務站部就嚟有消息,我見佢地過去通常依幾日有通告...

    回覆刪除
    回覆
    1. 是, 心水清的都知道呢兩日商務部會公佈過去一季的反壟斷審查結果。

      但重點是CB 過左關, 消除了一個重大障礙,而且CB條款的更改顯示大股東幾睇好1132後市。

      詳情我就不說太多了, 自己領會通告的內容。

      刪除
    2. 大股東睇好後市就唔識睇了,謝回覆。如果甘偉哥可以準備定下遍文章既内容了。

      刪除
    3. 下篇文章肯定是繼續講825, 哈哈。

      刪除
    4. 文章尾已寫了: 未完, 明天再續。

      刪除
    5. 咁98都寫左好似4篇文, 冇理由825只是寫得一篇咁少。

      刪除
    6. 講真, 呢排D文越寫越長, 真係好花時間去寫, 但好多內容唔詳細寫的話, 大家又未必了解得咁清楚。

      我諗香港的財經bloggers, 都冇邊個好似我花咁多時間、心機去寫個別的股票。

      刪除
    7. 我們無稿費比你果喎!

      98你寫得十分好,可算是你至今顛峰之作,也幸好帶給你精釆的回報。

      刪除
    8. 絕對同意known兄所講,98和581可以說是偉哥登峰造極之作。
      亦要講聲'偉哥,我愛你'

      刪除
    9. 雖然不是第一次在這個BLOG說, 但還是要向偉哥你再說一聲感謝.

      刪除
    10. 絕對不同意是至今顛峰之作,登峰造極之說還可以接受。其實3399由開始至今所寫的不比此兩股少,其股價由開始至今都翻一翻了,只是最初沒有多少朋友留意嗟。

      刪除
    11. 3399由2013年8月至今, 計及紅股因素, 應該有3倍多了。

      刪除
    12. 希望825走勢跟98相同,先留定彈藥.

      還要向偉哥說一聲多謝介紹581.

      刪除
    13. 天道酬勤!! 正正係偉哥咁努力詳細地做哂功課,所以hold得好有"底氣", 決勝千里之外, 運籌帷幄之中,回報滿滿!! 恭喜恭喜!!

      另外,我同一眾網友多謝偉哥無私分享! 一如我之前有講過,偉哥乃俠之大者,無私授人以漁,98一役更顯高風亮節!股神不敢妄稱,但稱偉哥為股俠,我想事實已証明一切! 再次多謝偉哥 (不但多謝你為組合帶來可觀回報,更多謝在你身上學到的知識及做人應有既人格!!)

      刪除
  39. 98今天股價大升33%, 但股數換手率只有2.2%, 是否反映貨源極度歸邊?

    回覆刪除
    回覆
    1. 其實好明顯係要做價, 最衰係唔知佢想做到幾多, 如果傾緊賣盤想要做到$6, $7, $8...個價只有佢地先知, 呢隻咁少人留意既, 估計都冇咩基金有貨架喇, 幾個大戶想點玩都得

      581今日望落都有大陸資金玩, 希望唔好俾佢停, 跟住98一齊買上去

      刪除
    2. 股數換手率的兩個定義:
      我個人喜歡同時也以"街貨(散戶持有的貨通常<5%)"來計算換手率, 不用已發行股數, 用作第二數據來評估, 覺得這樣更具代表性和完整性。

      刪除
  40. 另外補充一下, 今早AO價以1.01減持的少量420, 今日已成功以均價約0.982補回。

    回覆刪除
  41. 回覆
    1. 留意我上篇文的結尾:

      今晚煙花綻放之時,天氣驟變,一時間雷電交加、大雨滂沱,令無數在視野較佳的空地投入觀賞煙花的人們走避不及、淋濕一身,而我則在有瓦遮頭的地方觀賞煙花,雖然視野比不上空地,但最少璀璨過後,我們舒舒服服地回家去......或許這正是下半年股市的寫照。

      刪除
    2. 偉哥意思唔睇好下半年股市? OMG

      刪除
    3. 偉哥,真的嗎?不看好下半年股市?
      我才剛剛進場呢!你就告訴大家應該回家了!
      不妙

      刪除
    4. 777你完全曲解偉哥意思

      刪除
    5. 但照字面解, 偉哥真的唔看好下半年, 唔通另有玄機?

      刪除
    6. 唉, 大家以前考試有沒有考中文閱讀理解?

      如果理解不到的話, 就比錢請我補習中文,一字百元,看看這段說話有多少字, 逐個字計,哈哈。

      刪除
    7. 我冇細看,只看到回家二字,嚇自己一跳!
      今早競價581入左少少,綁手指不看,收市看曾經高升過3.7,剛剛未細看還以為你call回家,正悔恨不已!
      被你串一下,個心先暖返⋯

      刪除
    8. 還記得偉哥高考中文科好像是拿火箭的。

      刪除
    9. 中文字合共105字, 嘩!!! 要成皮野, 當我無問過 :P

      刪除
    10. 煙花璀璨但短暫,最終都係回歸價值投資。

      刪除
    11. 小弟不才,自古水為財。淋濕一身即發過豬頭。

      刪除
    12. 真係唔知比你們的創意理解激死, 定係笑死好......

      刪除
    13. 理解一下什麼叫做無限風光在險峰....即是下半年股市可能爆得好璀璨, 有些人會很進取地享受牛市的風光, 擁抱泡沫,務求賺得比別人多,但走避不及的話, 容易樂極生悲; 我們也會享受牛市, 但會不忘穩健, 結果可能會相對別人賺少一些, 惟安全至上, 有事也能全身而退。

      刪除
  42. 偉哥, 想問一問如果經銀行買入825, 而我又想反對私有化, 係要點做?

    回覆刪除
  43. 我要再次多謝偉哥,我跟你blog都好幾年,選好股跟著耐心等候是致勝關鍵,希望3399有一天能像98識飛,我們這裡應該更狂歡!

    回覆刪除
  44. 偉哥你只舊愛6128 都大升了,可能鴨仔出動。雖然徫哥你巳無貨,但仍想係度多謝偉哥,我之前跟你買,keep 到衣家。

    回覆刪除
    回覆
    1. 恭喜, 我自己沒有耐性等。

      6128今日委任了董事入局, 似乎賣殼有眉目了。

      刪除
  45. 有無可能係有基金追蹤偉哥概念股?

    回覆刪除
  46. ng wai兄: 當日你因想還偉哥一個人情而買左98, 我覺得咁樣做反而令你欠偉哥多一個人情喎, 因股價爆升左, 你就算早幾日放左都應該賺到笑呵呵. 若你真係想還人情, 建議這次真金白銀拿錢出來贊助偉哥個BBQ或ups箱靚紅酒俾偉哥, 我知你係度既, 出來講兩句啦.

    回覆刪除
    回覆
    1. 坦白講無佢出聲氣氛咪幾好, 我深信大家都不用佢再還人情亦不想收受佢任何益處.

      刪除
    2. 時兄, 明白, 只係唔見佢咁耐都想關心一下網友

      刪除
    3. 阿七,你不能用常理邏輯推測其思維,因你係呢度入世未深.我知你善良,好人緣.你想問候佢,你去佢個blog啦,好嘛. 我就自把自為,請你顧及眾生,功德無量.咁你以後日日爆數,偉哥第二啦.

      刪除
  47. 偉哥打算係咩時間再增持825?

    回覆刪除
    回覆
    1. 唔知道, 睇下要約到期前有什麼情況。

      刪除
  48. 唉, 掛住同大家吹水, 真係唔知要OT到幾點先走得。

    回覆刪除