置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年1月14日 星期日

偉哥找數 之 BBQ 網聚


值此良辰吉日,我們10多人冒著凜凜寒風,面對熊熊熱火,從下午燒到晚上,六個小時的歡樂時光過得特別快,來時艷陽高照,走時滿天星星伴我行。

這次BBQ網聚的時間遠比上次在餐廳用膳長,故此有足夠的時候作廣泛、深入的交流,尤其是多位專業的網友分析眾多行業及心水股票,獲益良多,相信與會者都有同感。

期待下次的網聚。



231 則留言:

  1. 謝謝偉哥悉心安排一切,希望有下一次。

    回覆刪除
  2. 今天我終於有幸與传說中的高富帥共享晚餐了,不過辛苦了偉哥哥!讓我不能相信的是偉哥原來還那麼的年輕瀟洒風趣,更讓我不能想到的是這次參賽者個個都是傑出青年,唯獨我一個是靠運的。但是我想請問偉哥⋯⋯我已經很低調了,你干嘛還要丑化我啊!公認是小腿來的,現在被你照成豬腿,我的媽媽呀!

    回覆刪除
    回覆
    1. 哈哈, 我不年輕了,相比起這次網聚的有為青年,我感到自己真的老了,正是長江後浪推前浪,一代新人勝舊人。

      有人看到豬腿嗎? 我只見到苗條的秀腿。

      刪除
    2. 青兒是唯一女生嗎?
      羨慕加羨慕

      刪除
    3. 睇相都知好開心.我都想参予,但本人股齡較淺及没有這方面學術水平,都好難参予其中

      刪除
    4. 青兒唔係唯一女生, 仲有多一位女生參加。

      其實D相反映唔到實況, 因為一來大家都不想出鏡, 二來一開始時我午餐都未食, 掛住燒烤, 到中段時間天都黑晒先記得要影一、兩張相。我都好耐未試過10幾人一齊燒烤的盛況,仲要天氣凍,雖然有兩個爐, 但大家都坐得好近,氣氛好好。

      刪除
    5. 見識到青兒既細心,幫我們把吃的洗得一乾二淨

      刪除
    6. 青兒同我洗緊海鮮時,偷偷問我關於1171的看法....我話既然有咁多年輕的專家係到, 點解唔公開問下? 所以我就幫當時仍未熱身、害羞的青兒公開發問。

      刪除
    7. 真心要多謝青兒幫大家洗海鮮!!佢真係洗得好細心,而細心係投資成功必須的條件. Thanks so much 青兒。

      Btw, Andercow 真係資源方面既專家級,包括煤,真係又學到野!THX~

      刪除
    8. 我都係略憧略憧,每個人思考都有盲點,多與人分享自己的想法確實有助減少盲點,感謝大家

      刪除
    9. 你們干嘛一下子都那麼見外了,別忘了海鮮是偉哥和我一起洗的,最應該多謝的人是偉哥吧,鮑魚海蝦扇貝都很鮮,昨天讓偉哥破費了,感覺有點白吃白喝不太好,下次見議誰贏得最多請客就最好不過了。
      不過說真的,你們個個都很帥氣,包括偉哥也是一樣帥帥的。昨天原本我是無法出席的,最後還是選擇坐多十多個小時的車來出席聚餐,要不然真是錯過了幾個億,以後在股海裏有你們在我不會再害怕。

      刪除
    10. 哈哈,只可羨慕加羨慕。雖然已經拉衫尾有機會與偉哥及一眾高手一聚,我想每次聚會都是難逢的機會,相信要努力加運氣至有一席位了。

      刪除
    11. 感謝大家既付出
      冇咩技能既我淨係負責食
      罪過罪過~~~~(食完又肥左>_<)

      刪除
    12. 青兒為了出席這個聚會,真的是頻頻撲撲,祝你一切安好、順利。

      nhoj, 你好似唔係食好多野喎,肯定比我們幾位由頭戰鬥到尾的壯丁食量少好多。

      刪除
    13. 真係好鬼羨慕有份出席又見到偉哥既網友!!! >,,< 這些機會不是屬於我的.jpg

      刪除
    14. 时间不巧,无缘相见。万分可惜。希望下次有机会见面向各位高手请教学习。

      刪除
    15. Guanzi, 也為你保留了出席聚會的權利, 下次我們再有網聚也會通知你, 看看你有沒有時間過來。

      刪除
    16. 我也希望能見到Guanzi,可不知下次幸運女神會否在旁

      刪除
    17. 非常感谢伟哥为我保留这个宝贵的名额。期待下次见面跟各位高手学习。

      刪除
    18. nhoj, 你对天然气的研究令人印象深刻。

      刪除
  3. 有幸出席今次聚會, 感到高興之餘, 亦感天外有天, 各人的學問與見識
    真的令人讚嘆不已. 多謝偉哥.

    回覆刪除
  4. 我想與偉哥聚會,想了很多年。

    回覆刪除
  5. 有興趣知大家係邊度BBQ?

    回覆刪除
    回覆
    1. 租爐,磚地,有櫈坐,有蓋,
      最有機會是大浪灣。

      刪除
    2. 石澳真是一個好地方,
      以前星期日放假早上都會去坐坐,
      走前去近停車場的萬利士多食碗牛雜米加雞翼(石澳必食),
      十點鐘的人入來我就出去,
      秋冬更好感覺.

      刪除
  6. 鮑魚唔係咁燒?
    很快會燒到乾水但仲未熟.

    回覆刪除
    回覆
    1. 哈哈, 加了些水去燒, 可能不是最理想, 但燒完都幾好食。

      其實應該點燒最好?

      刪除
    2. 放在錫紙上燒,
      加水也容易些.

      刪除
    3. 好, 下次試試,今次係我第一次買鮑魚來燒。

      刪除
  7. 偉哥,再次多謝你的悉心安排!!此次藉BBQ交流,真的獲益良多,希望快d有下一次。

    哈哈,今次BBQ仲有頒橙儀式,你要唔要返張相呀?哈哈。

    回覆刪除
    回覆
    1. 謝謝青年才俊的捧場。

      刪除
    2. 哈哈,偉哥,真心講,你都好後生咋喎,你先係青年才俊喎! 同埋原來你都好幽默,又平容近人,真係要俾10000萬個like你呀!

      Btw, 他日橙真係成事,真係可以考慮搞次橙的gathering。哈哈。

      刪除
    3. 唔係講笑,我第一眼見到你, 感覺你是剛大學畢業出來、甚至仲讀緊書,即刻係到諗究竟邊個網友咁後生.....

      刪除
    4. 哈哈,你真係識講笑,都出黎做野做左10年以上了,股齡都近10年了(雖然頭5年都係傻下傻下交學費...感覺真係學得太慢...唔係誇張,自從發現你呢個Blog, 多番拜讀,耕讀,同深讀後,加多番自我反省,真係進步神速,從你同各位高質網友身上受益匪淺。)。

      刪除
    5. 天助自助者。主要是你學習的心態正確, 自然進步神速。

      刪除
    6. 偉哥真係太謙了。Anyway, 無言感激!

      刪除
  8. 檸檬中......不過也感受到大家的歡樂,我都要提升自己的能力,睇下有無機會下下下下下次有份出席.......💪

    回覆刪除
  9. 真係有幸能參予,其中幾位年青網友,博學多才,對市場知識如數家珍。 真心佩服

    回覆刪除
    回覆
    1. 哈哈, 數位有才華、顏值又高的年青網友,如果佢地肯拋個身出來做KOL,我諗好多財演都冇定企。

      刪除
    2. 期待偉哥再搞比賽😄

      刪除
    3. 直程可以搞個財演版F4吸引女粉絲~~~~

      刪除
  10. 期待下次比賽能夠勝出參與bbq聚會!

    回覆刪除
  11. 既然眾多偉哥粉絲都沒資格出席是次BBQ,不知偉哥能否出一篇文章簡述所討論內容?

    回覆刪除
    回覆
    1. 我諗有困難, 主要是與會者未必想公開私下討論的內容。

      刪除
  12. 888,

    依加出現了一個較麻煩的情況,
    星期四已見閃閃溢利牌出嚟在$1.3沽,
    後中央結算報沽了二百幾萬,
    佢星期五都有沽,
    睇嚟股價仲要壓住。

    回覆刪除
    回覆
    1. 排了10000, 中了4000@1.33

      刪除
    2. 追擊兄,

      為了大家,
      不如我掃了你吧.:)

      刪除
    3. Oman兄, 我仲有幾萬的, 我就係想試下沽少少會唔會有反應, 但仲有4000佢唔掃就跌返去1.31

      刪除
    4. Oman兄, 你真係掃左? 我成交晒10000股了

      刪除
    5. 追擊兄,

      不是我掃的,
      近日買家要睇輝立.

      刪除
    6. 好的, 一陣再低些排買

      刪除
    7. 除了輝立, 中銀是另一個主力買家

      刪除
    8. Steve兄,

      我覺中銀唔算.

      刪除
    9. 今天大市及期指成交突增,
      有機是指數短線見頂之時.

      刪除
    10. Oman兄, 因為中銀是散戶盤不是內線人盤?

      刪除
    11. 另外看圖, 888短線有機會升上1.5左右

      刪除
    12. 打了一段野傳唔到又無左,
      激氣.
      明早再寫.>:<

      刪除
  13. 偉哥如聽日恒指高開會唔會沽恒指

    回覆刪除
    回覆
    1. 連升咁多日,合唔合理...
      比人挾死:(

      刪除
    2. 一啖沙糖一舊屎...
      抽中一手希瑪5.6沽出,同時67264未開市已化灰。

      刪除
    3. 同偉哥做對家.
      我就買左佢升.
      暫時仍然睇好頭一季既恆指.

      刪除
    4. victory竟動用埋中移動來挾偉哥?

      刪除
    5. 終於跌番D...最好恆指回一回10天/20天線。

      刪除
  14. 謝謝偉哥款待,啲海鮮真係又平又新鮮。

    雖然尋日燒左5,6小時但感覺時間過得好快,多謝各位師兄既高質討論,小弟學到唔少野!

    回覆刪除
    回覆
    1. 同時亦好佩服偉哥同一眾師兄既industry expertise...真係自愧不如,希望有機會同你地多多交流。

      刪除
    2. 哈哈, 唔好太謙, 你都係專業人士來, 而且仲係名草有主。

      刪除
  15. 實在開心 你們可以有一次充滿正能量既交量
    在香港 很難得有這樣一個投資分享平台 像偉哥一樣氣派的人 幾乎沒有

    回覆刪除
    回覆
    1. 還好吧, 最重要是網友很多都很好,大家互相影響。

      刪除
  16. 某專家又話1132唔會賣盤,只係680用嚟將啲錢轉出轉入既動作?
    完全唔明佢講乜

    回覆刪除
    回覆
    1. 哈哈,講到伍生好似于生的人頭、傀儡咁,我都係第一次聽到咁有趣的說法。

      其實上年我有說過點解南海有迫切性要買橙的國內業務, 不過我諗好多網友冇去深入研究。

      http://www.hkexnews.hk/listedco/listconews/SEHK/2016/0509/LTN20160509924_C.pdf

      刪除
    2. 其實佢仲有一句包返自已底, 就係話 "就算賣, 作價都唔會高"

      刪除
    3. 你地乖, 要討論請自已私下討論

      刪除
    4. 我越嚟越覺得佢既分析已經唔係對事,而係對人,佢唔會唔知偉哥對呢隻重倉股既分析

      刪除
    5. 我諗要知老千專家的看法, 應該係睇佢雪球的文章。由於我們已是大家互黑,所以我唔知佢講乜, 大家想知就自行去睇。

      刪除
    6. 我很不想在这里评论,但不想网友因人家是专家而盲目跟买中招还是提一句- 这人看好的股票要非常小心。

      刪除
  17. 今期林少陽係信報月刊發表的文章,他估計今年恒指的波幅範圍會係26000-33000、即7000點波幅。但我認為恒指會係28000-35000內波動的機會大啲。各位股友點睇今年恒指波幅?

    回覆刪除
    回覆
    1. 見四萬點(唔知有無邊個或者券商大膽假設最牛情況未)

      刪除
    2. 原來都曾有過唔少財演咁講過 不過大行報告就未見有

      刪除
  18. 強烈建議偉哥下回大賽,增持一至兩名選股爛草莓獎。要知道選中一隻增長100%的說易不易,但要選中一隻負增長100%的卻絕不可能(供股停牌除外)。如能挑中大跌90+%的,也要有異於常人的眼光,值得中獎者在荷包大出血之餘,能夠得到與偉哥一聚的補償。。。

    回覆刪除
    回覆
    1. 多謝 Terry 的建議。

      等我有哩個機會~

      刪除
    2. 哈哈, 席位有限, 比較難。反而前日出席網聚的單身狗 (唔好意思我用左國內同胞的講法) 叫我為他們謀取福利, 最好有多些女仕出席聚會, 我就諗緊點樣可以提升女網友的參與程度。

      刪除
    3. 謀取福利,我倒有個建議。。。最近我在FB post想幫自己搞個大人麥記生日會,單身者優先,不過報名的以已婚者居多@@單身狗網友不妨考慮下,hehe...

      刪除
    4. 哈哈,偉哥,我男扮女裝或者用個女姓名都可以架.
      為求可與偉哥一聚,我會不惜一切,不澤手段.哈哈!
      上次參賽股3333曾經最高上過前10名, 以為可夢想成真...唉!

      刪除
    5. 順其自然好啲,又唔係交女友俱樂部,萬一有咩桃色糾紛就真係好心做壞事。

      刪除
    6. 投資分享 crossover speed dating...
      個concept唔錯

      刪除
  19. 想請教一下偉哥怎看737賣盤?
    折讓4.8go賣,又少一隻收息股了
    我看見80737下降幅度較大,會有套利空間嗎?

    回覆刪除
    回覆
    1. 737並不是私有化, 如果新大股東維持高派息比率, 佢仍會是一隻收息股。

      有機會的話可以出席股東大會, 詢問新大股東的派息意向。

      刪除
  20. 我今年會再努力點以望一見waigor!!!

    回覆刪除
  21. 郭晉安回撥+上限,一手全中,嗚。。。恆宇仁龍拳回撥+中間價,又係一手全中,兩隻都燶味濃。。。唯有希望光大同正榮賺返多少幫補下,嗚。。。

    回覆刪除
  22. 明天截的新股
    上限定價是0.4 下限是0.2

    回覆刪除
  23. 今日孖寶又起雙飛, 1717同3688, 不過今日既3688已經跑輸好多了 >,,<

    回覆刪除
  24. 回覆
    1. https://www.am730.com.hk/column/%E8%B2%A1%E7%B6%93/%E5%B8%8C%E7%91%AA%E6%8B%9B%E8%82%A1%E5%83%B9%E6%98%AF%E5%B9%B3%E6%98%AF%E8%B2%B4%EF%BC%9F-111359
      希瑪招股價是平是貴

      刪除
    2. 這評論是認為不貴喎?

      刪除
  25. 回覆
    1. 最近法國巴黎及morgan stanley不問價沽貨,我在$6入的581,比佢地殺過措手不及,暫時見佢地沽極都有,等多陣唔見他倆踪影再考慮降低成本入多注貨。

      刪除
    2. https://money.udn.com/money/story/5603/2928677

      https://finance.sina.cn/chanjing/gdxw/2018-01-14/detail-ifyqrewh8997265.d.html

      中美貿易戰會影響98、581 嗎?

      刪除
    3. 入左一萬股的581@5.53。

      暫時仍未有信心大注入, 仍以1萬股玩下。

      刪除
    4. 偉哥,無記錯你之前around $5.5 入左10000 581,大概咩價走左?

      刪除
    5. 偉哥未有信心大注點解?

      刪除
    6. 上次5.5入的1萬股581好似是5.4X走左, 輸幾個位。

      581 2017年如此好的業績應該是可一不可再。

      刪除
    7. 都唔明鋼股點解同煤股差咁遠!
      偉哥覺得581見左高位?

      刪除
    8. 581發盈喜反而日日跌到咁 無陰功.

      刪除
    9. 同意偉哥所說,供給側去產能環保稅的紅利慢慢減退,不過就算沒有2017年的強勁業績(約50億),2018年打個八折(當賺40),我相信中國會維持鋼鐵業的合理利潤以協助去桿杆,這個過程快可2-3年,慢要4-5年,部分樂觀者更認為中國的周期股在國策下,周期會拉長或會變成公用事業股。

      利申:持有581

      刪除
    10. 第一上海於發完盈喜後做過一次電話會議
      重點係Q4盈利比Q3少, 估計係新廠房拖累
      留意而家沽貨既一部份係1.16接貨既人, 呢批人同管理層既關係就冇人知
      12月一直壓住都係一路有人沽貨獲利
      留意581有班人用幾間行既戶口維持買賣

      刪除
    11. 師兄,甘即系估計第四季賺9億 only?

      刪除
    12. 冇實際數字, 只係指導, 再之前管理層曾預期Q4整體毛利比Q3高, Q3我計佢賺差唔多20億, Q4盈利比Q3低唔一定代表低好多

      刪除
    13. 師兄,我無知一問,你說估計全年賺$50億。
      甘半年賺$18.7億,第三季賺$23億,甘即系估計第四季大約$9億?我有冇理解錯?

      刪除
    14. AJ兄,不好意思,我的估算可能誤導了你。

      合理預測一定是50億以上,我用低盈利數字只想表示581現價是低估。

      就算用這個低估的估算打折去做2018年的盈利預測,也不見得貴到那裡。

      不過現實是殘酷的,我也在坐艇中.....

      刪除
  26. 6865 繼續搶 一開升16% 又穿埋52週

    回覆刪除
    回覆
    1. 原本蝕緊皮幾野,而家執到少少即走

      刪除
    2. 有貨,破頂,預期會升多幾日

      刪除
  27. 呢幾日個市升, 個倉反而跌.....

    加埋隻橙都被沽緊..... 慘....

    回覆刪除
    回覆
    1. 如果當日2選1我買的是1717就合皮了

      刪除
  28. 想問一下清兒, 記得你有賣買1171, 燒烤時也有討論, 可否分享一下?我有貨, 心大心細, 想沽出。我買的原因是用來對沖手中的電力股。

    回覆刪除
    回覆
    1. 我買的原因是手上一股資源股都沒有,它又相對上便宜,剛剛在$11.3又入了

      刪除
    2. 放水+over supply, 資源股死哂, 一死就10年, 依家全世界縮表, 連安倍日本都話縮, 去產能又做左多年, 配返多少資源股好似好合理, 我配西銅, 青儿點睇?

      刪除
    3. 明白, 我見近月已升了很多, 想沽出。

      刪除
  29. 139唔洗輸, 好彩, 算數了

    回覆刪除
  30. 話時話,未有新既投資比賽..@@?

    回覆刪除
    回覆
    1. 可能過多1-2星期先出, 諗緊點改善比賽規則及趣味性。

      刪除
    2. 好,期待偉哥出post..:-)

      刪除
  31. 想問下大家耀才用繳費靈入數, 帳戶號碼應該如何入? 假設我帳戶是A1234。

    今早打左不下5次的熱線電話, 長期冇人聽, 講真如果不是佢新股孖展多, 真係點會放錢係呢間行。

    回覆刪除
    回覆
    1. 要睇番平時日結/月結單 有個繳費號碼

      刪除
    2. 要入哂成個戶口number 唔係A字頭呢一個
      個number有成10幾個位

      刪除
    3. 係12個number,係日結單其實一欄有的.

      耀才好頂癮我而家唔打熱線,反而用佢online chat係好快有答覆.

      刪除
    4. 係有另外一個number,同a字頭無關係。可以試下網上即時查詢,像msn有真人即時回應

      刪除
    5. 應該係開戶時比過個 12 位數number 你
      應該都會sms比你
      叫做 繳付帳單(bill payment) 登記號碼
      pps 商戶編號係9628

      刪除
    6. 有個12位繳付帳單number, 登記左繳費靈之後幾方便!

      刪除
    7. 謝謝, 搵到了。我太耐冇睇耀才的statement, 都唔知有個繳付帳單No.

      刪除
    8. 我平時用開耀才,但未試過PPS過數,但平時如果用銀行過數耀才其實好高效率,入完十分鐘後見到數。

      刪除
  32. http://www.bsgroup.com.hk/brightsmart/video/video_withdraw.aspx?v_id=1040&
    有網上提款短片,之前睇過都有教點入錢,偉哥可以睇睇.
    除左IPO有吸引力,耀才完全吾值得用,買賣系統又差.電話永遠無人聽.好吾方便.
    我寧願俾多D錢海通用都吾用耀才.

    回覆刪除
    回覆
    1. 電話真係長期無人聽....

      刪除
    2. 耀才最正係我拿實貨去放,HSBC,佢叫我先存入幾萬按金先,放左股票之後再等21日.
      等佢做晒實物交收先可以拿錢走.我可以理解佢要時間做實物交收,遲D先俾我拿錢走.
      但點解我放股票要我先存入按金.好似係話怕我張係假股票.我俾佢吹漲.

      刪除
  33. 想請問各位Ching有冇用aristo買股票
    佢個app好用嗎?

    回覆刪除
  34. 請教偉哥點睇3608今年業績?
    首三季升12%
    第三季更增加了生產綫
    但是股價接近52週低
    申利:冇貨,想入

    回覆刪除
    回覆
    1. 新產能投入通常有一段ramp up的時期, 會對業績有影響。

      刪除
    2. 多謝偉哥
      又學到野了
      再等吓有冇機會52週低才入

      刪除
  35. 1030 大家放左未?似要調整

    回覆刪除
  36. 熊証打靶,倉又全紅,但升三百點😭

    回覆刪除
  37. 頂, 我手上好多股跌啦, 仲話升300點, 破千億成交 X.X

    回覆刪除
    回覆
    1. 資源,地產,藥今朝率先調整,下晝拉埋指數落黎,而家係加貨時機。

      刪除
  38. 有無人知296係唔係英皇掃?

    回覆刪除
    回覆
    1. 佢好耐冇掃貨 之前落到去1.69佢都唔買 應該唔係佢啦 利申本人有貨

      刪除
    2. 應該是跟其他賭股, 澳博都上了。

      刪除
  39. 回覆
    1. 手勢似長倉基金收, 應該坐下, 佢破頂我又補D先

      刪除
    2. 貨乾,成交連續3日增加,價位上落好快,8.3加到,8.1加唔到。

      刪除
  40. 大家點睇772, 1337, 2858? 似乎入港股通機會大, 內地同胞鍾唔鍾意呢type?

    回覆刪除
  41. 見到你地D火,我就諗起呢隻歌……

    (獨唱)熊熊聖火 憐我輸太多
    (合唱)容我在世上 唔好輸咁多
    (獨唱)常常望偉哥 為我消災去禍
    (合唱)憐我在世上 唔想輸更多

    回覆刪除
  42. 無緣BBQ~ 不過送你們一只新發現

    1145 勇利投資

    星期五宣佈新執董

    萬佳為
    贵阳区块链金融有限公司CEOACChain创始人
    https://www.acchain.org/about_us.html

    公司上年十月宣佈收購龍網,其實全名是龍幣網。
    https://www.dragonb.com/?v=1.0.0b201801111230

    香港第一只真正區塊鏈/BITCOIN股票成形,市值五值,孫粗洪做大股東~ ENJOY~



    回覆刪除
    回覆
    1. 純熱炒概念加莊加炒技,每次大牛市孫生真有一隻對準風口,唔知呢隻係唔係。

      刪除
  43. 哇,賺10格出左65346@0.055,恆指突然狂插,沽升淚...

    回覆刪除
  44. 想問下大家點睇3633?兩個月升左差唔多70%,十二月個時想入但無入,越睇佢越升。想知可以從邊方面估計下重入唔入得過?

    回覆刪除
    回覆
    1. 係我之前既比賽選股
      去到4-5蚊我都仲勉強解釋到
      再高就唔知咩原因啦
      我既諗法就係唔識既無謂高追

      刪除
  45. 今日決定為939離場, 持了貨幾年, 終於算財色兼收

    回覆刪除
  46. 偉哥唔知今日有無減倉呢...

    回覆刪除
  47. 中國銀行:鎮科集團(股票代號00859)無條件收購,1月30日截辦,如欲辦理,請透過中銀e網(個人)或到我行或致電888 95566輸入528辦理有關手續。
    偉哥,係咪859 一齊耐心等到30號食糊? 15日期間會有突破2.43$以上?

    回覆刪除

注意:只有此網誌的成員可以留言。