置頂文章

置頂文章: 我的交易日誌 (六)

這個專欄的留言區將會用作記錄我自己交易的專區,以後有什麼即市交易都會首先在這裡更新,作為自己一個完整的交易紀錄。 因為目前我的網誌已暫停留言功能,所以很抱歉有時未必可以與大家詳談買賣原因,很抱歉。 之前兩個交易日誌的連結: 我的交易日誌 我的交易日誌 (二) 我的交易日誌 (三)...

2018年1月22日 星期一

撐死膽大的, 餓死膽小的



餓死膽小的, 說的正是我。

話說上星期已有朋友和我討論中國海外宏洋 (00081) 供股的無風險套利,主要是其供股權2920的股價比合理價出現折讓所致的套利機會。中海宏洋的供股價是4.08元,故此供股權合理值應是其股價 - 供股價4.08元,但自供股權開始買賣以來,供股權價格一直有較大的折讓,以上周四及周五為例,供股折讓大約是2.2-2.6% [( 00081股價 - 供股權價格) / 供股價4.08元 ], 即是理論上如果你先行買入供股權2920, 然後同時沽空00081,扣除手續費,可以在半個月左右的時間獲得約1.5%的無風險利潤。

這個回報對我來說並不是太吸引,故我上星期沒有實行,但查看中海宏洋的沽空數據,相信市場上很多資金進行這無風險套利。





到今天早上,另一朋友一早就微信我他的看法。他認為這股票不只有套利的機會,而且還有本身中海宏洋也有不俗的上升空間。我在開市前稍為看看資料,確實中海宏洋因為供股關係,最近股價比起同業是大落後。




這情況其實和上年私有化不成的新城發展 (01030) 相似。當時新城發展因私有化關係,雖然同業股價大升,但其一直受制於私有化作價,之後到後來有大資金掃上,令私有化名存實亡,股價才脫胎換骨,追上同業的升幅。這次中海宏洋因為供股關係,其實股價也大幅落後於同業這段時間的升幅,故此理論上是有買入博追落後的空間。

抱著做套利及追落後的想法,今早一開市就買入了一些2920,打算再沽空一半股數的中海宏洋作套利,然後有一半貨可以炒追落後,怎知買入了2920後,想在IB沽空中海宏洋,才發現沒有貨借,而這時正股及2920股價也開始發力,故此原本只想將套利的一半貨沽出獲利,留下一半供股,但見2920股價升了幾成,沽出一半獲利甚豐,而留下的一半貨值當時其實只是值數千元,留著好像作用不大,所以也沒有多想就將餘下的一半也沽出獲利就算,然後就是沽‧ 升 ‧ 淚 !!!




我買在山脚,也沽在山脚。如果稍為膽大一些,今天只是贏這供股權的盈利,已差不多可以抵銷我沽期指的損失。

唉,我膽大,走去沽期指,被夾死了;我膽小,連買在山脚的也沒有膽持貨多一天,錯失了大好的機會。

最近一年是強者越強,所以夠膽越升越追的,最近一年賺到盤滿鉢滿;膽小的只敢繼續持有落後、便宜的中小型股,然後就快餓死了。

328 則留言:

  1. 上次的1030也是贏3成就沽清,錯失了後面的大升; 這次的81也是贏少少就沽,今天都不好意思說曾買入2920。

    回覆刪除
  2. 賭錢先要夠胆大, 偉哥呢D價值投資唔係太啱賭大細喎
    RIGHTS呢家野真係好惡炒

    回覆刪除
    回覆
    1. 其實成個邏輯重點是套利及低估,唔關rights事,因為rights只是一個比正股更低估的代替品。 如果按照我的邏輯, 81因為供股而限制股價大升, 理論上供完股, 股價是大概率追落後,只是想不到還有一天rights才到期, 但股價已偷步大升。

      刪除
    2. 感腳偉哥揸住筆同紙逐樣解釋了 but 我都好似唔明 好l冇引
      好似遞隻又多膏又多肉嘅肥蟹係你面前 教埋你點樣拆點樣食 你仲一副懵仔樣 啊 咩黎架

      刪除
    3. 啱啱谷歌了供股權合理價的公式 =(未除權股價-供股價)/(供股所需股數+所供股數)
      假設公式是正確的 以1月19號收市價為例 81收$4.32 2920收$0.133
      那麼 當日的供股權合理價=$0.08
      所以 應該是溢價而不是折讓?

      請教偉哥/各位

      刪除
    4. 81的供股權,其實應該X2才是與正股之間的差距,因為是二供一,買2000股2920,才可供1000股的81。所以供股權其實並沒有折讓。

      以今天收市價計,2000股2920@0.56,加上4.08供股,成本是5200元,比正股@5.08溢價120元。貴左,是因為還可額外以4.08供股。

      刪除
    5. 如果不介意微薄回報,其實可額外供多D。就算賣走2920,也可揀額外供股。不過以81呢兩日升勢,額外供可能最多派一成左右。即係你供十手,最多派一手俾你,計落大概賺2.5%左右。

      刪除
    6. 哈哈,上述計算是錯的,有沒有人知道正確計算?

      刪除
    7. 機會常在啊。

      假設情況再來一次,你會繼續自己既投資模式去操作,定繼續坐住等,務求食盡升幅呢?

      有時候沽升淚係好難避免的,最緊要係賺到錢。

      刪除
    8. 應該是最多沽一半、留一半參與供股,維持原來的交易計劃。原本計劃是沽一半正股做無風險套利,一半持股賭估值的收復;因為借唔到正股沽空做套利,所以減持一半供股權去降低風險是正確做法,但不應連另一半賭正股價升的供股權都咁早沽出。

      刪除
    9. 我自己覺得81可以對標3883,所以完成供股後5元多才是合理估值。

      刪除
    10. 2920, 一手1000股 就是可以 供1000 股的權利,不是二供一。

      刪除
    11. Oh!咁計落供股都有著數。

      刪除
    12. 供股權咁大的折讓, 當然反映供股期間股票不能買賣的風險, 所以今日我說如果持有81正股, 而又打算"中長線"持有此股的話, 可以考慮沽出正股、換入供股權參與供股。

      以81今日收市價5.08元為例, 沽出正股的話每1萬股可以獲得5.08萬元, 然後買入1萬股的2920, 用去5600元, 再用4.08萬元參與供股, 到2月6日就可以取回1萬股的81, 這套交易扣除手續費, 最少有4200元落袋。

      不過如果不是打算中長線持有81, 又或者本身無81的, 就冇呢個機會, 因為81可沽空的貨已被借晒, 係借唔到貨去做呢個套利。

      另外, 嚴格來說, 呢個套利唔算無風險, 因為以IB借貨為例, 貨主係有權隨時要你還貨的, 所以如果很不幸地在供股期間, 新股未到手, 但81股價大升, 貨主要取回貨, 那你就要高價在市場買入81去還貨, 然後你未到手的新股就失去對沖。

      刪除
    13. 謝謝偉哥與大家的指教
      ......
      托腮沉思ing

      刪除
  3. 最近自己實在太膽小了, 例如上星期做的配對交易, 買581、沽347, 其實結果是正確的,但可惜太早拆倉沽出581, 錯失了這套交易最大的獲利空間。沽空347輸7%,但581長倉如果持有到現在, 回報是20%。

    經常有正確的交易邏輯, 但往往因為唔夠膽去贏而賺少好多。

    回覆刪除
    回覆
    1. 邏輯正確是因為581是慢磨(唔計呢幾日的爆升)而347你認為已經到頂所以咁樣配對?
      但是就目前結果說 買347升咪仲贏?雖則就不是配對交易了 有大行話347目標價10.5喔

      刪除
    2. 估唔到偉哥都會有咁的謬誤,冇人能夠估計往後股價走勢,581已多次企唔到6蚊,6蚊前沽出無可厚非,比我買到肯定即日就沽,始終不是自己重點投資對象,贏得到已很好,冇人可以贏到盡。

      刪除
    3. 做配對交易是理念是買入行業裡較佳或估值較低的股份,同出沽空同業裡較差或估值較高的股份,從而做到升跌都大概率可以獲利。

      可以參考我上年3月寫的那篇買奧園、沽空萬科的配對交易。

      刪除
  4. 我今天也在山腳下操作,702

    回覆刪除
  5. Louis今日說1098改公司名稱而股價大升, 不知1717更公司標誌會否有同樣效果?

    http://www.hkexnews.hk/listedco/listconews/sehk/2018/0122/LTN20180122318_C.pdf

    回覆刪除
    回覆
    1. 1717個新標誌幾有活力咁喎!

      刪除
    2. 1717,我猜對元大會將倉位於控制在1.6億左右,但近排都係無聲氣,期待盡快有業績方面既好消息刺激帶動一番。

      刪除
    3. 1098在19號已改名字,但今日才炒上,應該是內房股炒作的效應多過改名

      刪除
    4. 路勁凹頭住宅項目每平方英尺平均可能會賺取約六千蚊淨利潤:
      今年第三季度預售, 每平方英尺可能賣萬四到萬五蚊(成本七千到七千五蚊), 項目會賺取約20~22億元淨利潤!?[賺大了][鼓鼓掌]

      【凹頭地獲批建】路勁凹頭住宅地獲批建38幢中低密度住宅

      https://www.mpfinance.com/fin/instantp2.php?node=1516613576058&issue=20180122
      除了兩個大型項目外,屋宇署11月批出的大型項目圖​​則,還包括路勁基建(1098)於2016年首度投得官地、元朗凹頭住宅地皮,獲屋宇署批建1幢1層高、28幢3層高住宅、及9幢13層高住宅大廈(於1層地庫之上)並連康樂設施,涉及樓面36.76萬方呎。

      刪除
    5. 86改名光大新鴻基,應該值唔少錢

      刪除
  6. 橙收市又嘜價 好快又有回購?🤔

    回覆刪除
    回覆
    1. 應該不會再有回購了, 現在也最好不要回購。

      刪除
    2. 咁嘜價嘅原因何在呢 唔通又有好消息等公佈?🤑🤑

      刪除
    3. 偉哥你好,
      師兄你好,

      請問如何得知最後那大成交是橙在嘜價?

      刪除
    4. 於正常運作情況下,股份的收市價是按每個交易日最後一分鐘內五個按盤價的中位數計算。香港交易所的交易系統,由下午三時五十九分正開始,每隔十五秒錄取股份按盤價一次,一共攝取五個按盤價。
      🤔 今日確實最尾一分鐘 每隔15秒左右有0.62 盤
      係咪唔應該咁睇 應該睇係直沽盤定買盤咁?
      請指教🙇🏻‍♂️

      刪除
    5. 但在58分都好多主動沽盤以0.62沽貨喎

      刪除
  7. 因為偉哥你謹慎,同時注意風險,其實依家個市就好似話比人聽你唔信就升比你睇,愈來愈多人all in,同時好多人損手,所以寧願好似偉哥你咁每邊賺d,加加埋埋都係不錯晚回報好過玩牛熊玩到破產既人

    回覆刪除
  8. 講多樣野, 今日研究81的估值時, 其實受到AASTOCK的錯誤數據影響。

    有乜理由正在供股的股票, 市值已將未發行的供股股數加埋上去? 現在aastock報價顯示81的市值是174億元, 真係錯到離晒譜。

    回覆刪除
    回覆
    1. 數據可能誤導,但除權後除權理論價(TERP)的計算其實已計入了新股數目。

      刪除
    2. 似乎是從除權後就計入將發行的新股股數。

      刪除
  9. 請問電話兄還有否持有1145? 現價回咗好多, 對這股睇法有否改變? 謝謝!

    回覆刪除
  10. 哈哈,依家偉哥寫嘢( 撐死膽大的, 餓死膽小的)都風趣抵死。我自己就周不時輸就谷羸就縮白白無咗一籮穀。3380原本可以嚟一個翻又怕好似上年三月時幾隻高位無放要由頭嚟過,放吓放吓似水瓜打狗唔見噉一大橛。

    回覆刪除

  11. 中糧地產000031.SZ 因資產重組而停牌多月
    http://disclosure.szse.cn/m/drgg_search.htm?secode=000031

    岩岩開左個投資者網上說明會
    http://www.jhbshow.com/at/RsDetail/1004948327

    中糧集團是兩家上市公司阿媽,但31.SZ與207在股權上並沒有直接控股關係:
    中糧集團直接持有31.SZ 45.67%股份,
    中糧集團境外設立的得茂有限公司間接持有207 66.76%股份。
    若此次成功重組,股權架構將有機會變為:中糧集團持有31.SZ的股權,而31.SZ則持有207股權

    中糧集團之前向207注資,至今持有105億股,粗略地計中糧集團三次注資的成本在1.77左右

    中線重組重未有定案唔知幾時有結果
    短線207將於2月發盈喜,希望先食第一舖糊。

    回覆刪除
    回覆
    1. 31.sz 23/1/2018通告
      关于投资者网上说明会召开情况的公告

      http://disclosure.szse.cn/finalpage/2018-01-23/1204352888.PDF

      2、为什么标的资产大悦城地产在港股市场不停牌?
      答复:大悦城地产系交易标的的控股子公司,并非本次交易的交易对方,根 据香港联交所上市规则,大悦城地产在交易关键节点或股价出现异动时披露内幕 信息即可,无强制停牌要求,大悦城地产可根据交易的进程及相关要求自行决定 是否停牌。
      2017年8月21日,中粮地产发布重大资产重组停牌进展公告,首次对交易方 案进行了简要介绍,同日,大悦城地产发布内幕消息公告,及时披露了内幕消息。 考虑到2017年8月21日前大悦城地产股价并未出现异动,因此,大悦城地产并无 停牌义务。

      4、本次重大资产重组的意义是什么?对中粮地产来说有什么实际的价值? 地产业务整合后公司整体的发展战略以及定位如何,是否涉及中粮地产及大悦 城地产层面的战略调整?

      答复:本次重大资产重组对于中粮地产的意义是十分重大的。
      中粮集团是首批两家国有资本投资公司改革试点之一,本次重组是国有资本 投资公司试点改革的进一步深化。
      通过本次重组,中粮地产与大悦城地产将形成住宅、商业板块的优势互补, 充分发挥资源整合的协同效应,在渠道、市场、人才、品牌等方面深度融合,搭 建统一的融资平台,增强融资能力,提升运营效率。
      本次重组完成后,中粮地产与大悦城地产将打造为统一的房地产专业化平台, 中粮地产的主营业务将注入新的商业地产元素,变成一家全业态地产公司,土地 获取能力进一步增强,为业绩增长奠定坚实基础,进一步提高中粮地产的核心竞 争力和股东价值。

      刪除
    2. 6、请问交易方案目前确定了吗?是否还会有调整?
      答复:2017年9月29日,中粮地产公告了本次交易的基本情况以及与交易对 方签订的重组框架协议主要内容,本次交易由公司向中粮香港发行股份及/或支 付现金购买资产的方式购买Vibrant Oak Limited(中文名称为“明毅有限公 司”)的100%股权(Vibrant Oak Limited 为大悦城地产有限公司控股股东)并配套募集资金。本次交易不会导致公司实际控制人发生变更。具体交易方式尚
      未最终确定,可能根据交易进展情况进行调整。交易双方将就本次交易方案的具 体细节进行进一步磋商。


      呢條問題勁呀:
      9、如果方案顺利通过,公司复牌后,股票会有多少个涨停板?
      答复:本次交易旨在通过整合住宅地产和商业地产资源,提升中粮集团地产 业务整体的市场地位和行业竞争力。公司经营班子将在董事会的领导下,秉承稳 健经营的理念,兢兢业业,以实际业绩提升公司价值,为股东创造回报。
      复牌后股价的走势,影响因素很多,公司未来的股价仍存在一定的不确定性。 提请各位投资者注意投资风险。

      刪除
  12. 今天沽了3993,貪平入了1988。 PE=5~6, PB=0.8

    回覆刪除
  13. 供股權價格大升和大跌都講唔埋,你沽咗後大升當然可以話唔好彩,但如果你無沽卻隨即大跌幾成,你又會否後悔自己無當機立斷呢?

    回覆刪除
    回覆
    1. 簡單咁講,其實今日的81和當日的1030情況極相似,都是因為特殊事件令到股價、估值大幅落後同業,故完成供股後股價追落後是大概率的事。

      今早0.12買2920參與供股,等同以4.2元買入81,其實可以大膽一些持有到新股出都可以,無需考慮做對沖的問題,問題就是自己太審慎、細膽。

      刪除
    2. 當你決定以$4.2入場,呢一吓就改變咗投資初衷,由套利變長揸。另外,你以$4.2入場並認為贏面好大,這當然無大問題,但由決定供股至供股貨出爐有成兩星期以上真空期,其間發生咩事邊個知?當中其實也有風險。不過如果你肯冒出這兩星期的風險,當然又係另一回事。

      刪除
    3. 唔係, 留意上文, 係一開始已打算一半做套利, 一半賭估值上升, 由始自終係有諗住供埋股, 並不是賭兩天的認股權股價波動。 供股期間有風險我當然清楚,所以呢個係點解要沽一半81正股做對沖、套利的原因, 也因此一發現81無貨可借, 我已即時睇價沽返一半的2920出去, 唔想冒呢個風險....成個交易錯就錯在不應連另一半打算供股持有的供股權也沽出, 因為簡單睇過去估值, 去返5元以上先差不多睇齊同業。

      "抱著做套利及追落後的想法,今早一開市就買入了一些2920,打算再沽空一半股數的中海宏洋作套利,然後有一半貨可以炒追落後"

      刪除
    4. 咁我就真係唔太明點解你要沽出那批想供的威士鳥 :)

      刪除
    5. 簡單咁講, 沽出一半2920後, 見手上餘貨只值數千元, 一時諗唔開順手沽埋出去, 一來當時已"急升" 50%, 驚會回落返 (事實真係先回落些少再大升), 二來抱著些少僥倖之心, 博2920明天最後一天交易, 會有很多唔想供股的人沽返2920出來, 可能有平貨執.....

      最諗唔到的是81的估值差不多一天到位, 升返去相對合理的5元以上。

      刪除
    6. 所以你根本唔應該因為佢之後大升而感概囉,不過我都係太多事了,哈哈。

      刪除
    7. 簡單咁講, 如果冇先沽一半2920出去, 就肯定唔會之後順手再沽埋餘貨出去。

      刪除
  14. 581今日低位收,但高位穿左上次7蚊個位,聽日set6.5買點,睇佢整固下再衝8蚊

    回覆刪除
  15. 806又行駛多120萬股,究竟係想點?

    回覆刪除
    回覆
    1. 請指教
      試試學計PA ratio = 18B/ 16.6Bx 7.8 = 14.2%
      其實高過過往平均數,但市道好可會給高PA ratio 吧?
      (我又唔覺明顯賣盤手影)

      刪除
    2. PA同PE都正正常常唔算太貴同太平
      當然牛市可能會俾高D估值,而且806既投資倉真係好亮麗

      刪除
    3. 14.2%應該同上市後的平均數差不多, 並沒有高出平均數。

      其實806都係5年前派過20周年特別息, 但當時都冇特登提前一個幾月派, 點解今次要特登提前一個多月派? 或者可能的原因是806是在1、2月成立, 所以趕在1、2月派特別息。

      刪除
    4. 多謝兩位改正,我見舊年大約12%度
      除了大時代,大約在10-18%游走吧?

      刪除
    5. 個人仍覺得AUM有水份,有些基金沒有2 and 20

      刪除
  16. 偉哥的那期指已經平倉?

    回覆刪除
  17. 偉哥, 我就是聽你講的, 今天沒有沽出6158, 呵呵. 等小象變大飛象 ^,,^ 總算減輕了3389的失落

    回覆刪除
  18. 27/1/17 1828賣左個物業, 不過幾個月前既中期業績寫:

    "於2016年10月,一項賬面值為港幣178百萬元位於日本的投資物業按本集團之出售計
    劃被重分類為待售資產。該物業於2016年12月31日的公平價值為港幣366百萬元。該
    項出售已於2017年1月完成,並無額外收益或虧損。"

    回覆刪除
    回覆
    1. 今日中午佢公告咁寫:

      (i)年內國內豪華汽車需求強勁及有效之成本及利潤管理,以致中國內地汽
      車業務純利得以大幅改善; (ii)年內所實施之有效成本管理;及(iii)業務
      併購及出售項目對全年盈利所作出之貢獻。

      係google睇黎睇去, 1828過去呢個年度唔覺有賣過咩項目...

      刪除
    2. 我用中午僅有的10多分鐘翻看過去一年的通告,唔覺有一次性的出售收益。

      刪除
    3. 想請問偉哥有目標價嗎?會否是第二隻558?(盈喜過後數日再爆上)

      刪除
    4. 沒有目標價, 剛回家, 未得閒深入睇睇往績及新聞。

      刪除
  19. 如果我膽大
    3633可以有多幾成回報
    想不到升了半年有多,還在大升

    回覆刪除
  20. 我見我倉果隻232
    有呢個公布

    2018年1月25日
    股息派發
    除淨日期:2018年01月25日
    期間:特別業績
    詳情:回補發售: 每1股有權認購0.6855股發售股份,每股發售價$0.37 (由中航國際(香港)集團有限公司發售)
    派發日期:2018年02月21日

    我唔係好睇得明…可否有澳巴解答下…
    謝謝各位…

    回覆刪除
    回覆
    1. 詳情看以下通告, 通告內容比較長, 要慢慢睇,簡單咁講, 你持有232到1月25日的話, 就會收到一個認購權, 每持有一股232可以以每股0.37元認購0.6855股232的新股。

      http://www.hkexnews.hk/listedco/listconews/SEHK/2017/0919/LTN20170919898_C.pdf

      刪除
    2. 即我25號要再比錢買多d新232?
      定會起我舊232扣?
      有個權字即係有人會攔唔買?
      我當日需要網上銀行做手續嗎?
      訴謝謝你偉哥…我第一次遇上唔係派現金既息…

      刪除
    3. 你有選擇權買唔買....而家232股價0.58元, 理論上你如果可以0.37元買入, 0.58元沽出的話, 是有獲利空間。不過我未細看通告, 不知道股價是否要作出調整....按字面理解, 應該是無需調整的。

      還有的是, 到時應該好多人做套利, 即係認購權一到手, 就先以高出0.37元的作價沽出正股, 然後再以0.37元去認購新股。

      刪除
    4. http://archive.am730.com.hk/column-195211

      笨﹏歪歪】←" : 你可以參考吓呢篇嘢,看看會否對是次232發行紅利認股証(又叫紅輪)集資有更深入了解。其實發紅輪等同供股,不過供股期較長而已。

      刪除
    5. 大概明白…thx!thx!thx!
      重要野要重覆講3次!
      你地好有人情味!
      咁蠢咁新肯教肯講解…
      即我1月25號後2月21前可岩價賣左佢…留返d錢再21號平d買返佢…股票網到時會有顯示個何?
      我唔想到時要著住套制服去銀行問(開市到收市都係工作時間…實比人笑死我…)
      ps:用緊創興…準備轉渣打

      呢個pm打左3次都彈網…訓練打字ing

      刪除
    6. 啊人妻, 你真係要諗清楚目前具備的投資知識是否適合買股票。你要知道買股票並不是買個號碼, 然後等佢升咁簡單....

      我好高興你搵到來呢個網誌, 不過有D話唔啱聽都要講: 牛三入市的初哥, 很多時間都係乘興而來,敗興而歸。

      刪除
    7. 人妻仲轉渣兜。。。。。上左幾次新聞死機,又要人手打電話ipo (仲要無人聽電話)

      刪除
    8. 正面咁睇,初哥牛三入市即刻蝕啲錢絕對好過一黎就賺錢,因為你已經避免左日後市況逆轉時輸鋪金

      刪除
    9. 咁我都係唔轉好d…
      謝謝大家…
      睇過d資料806同1132我有留小小錢溝貨…
      但唔敢再溝d…no降...
      盡量平倉就走…只係諗25前留定去…
      好多謝大家!!謝謝你地!

      刪除
    10. 如果本金唔大(below 150K), 建議你轉証劵行如致富, 銀行食你手續費好金.
      有存款保障唔駛驚 証劵行收檔.

      刪除
  21. 作者已經移除這則留言。

    回覆刪除
    回覆
    1. 10萬2920, 等於以4.08元供10萬股的81, 即係要有40.8萬元的資金, 如果有呢筆資金的話, 咁只有一個選擇, 就是明天沽出部份或全部的2920。

      如果你有40.8萬或少一些的資金, 你要考慮是否參與供股;理論上現價的2920供股係比正股有很大的折讓, 但要留意你供股的股份要到2月6日先可以買賣, 即係由這段時間到2月6日, 無論81是大升或大跌都好, 你乜都做唔到。

      如果你是初哥, 自己諗清楚要點做; 如果仲係唔明, 咁就以避險為上。其實初哥要有初哥的覺悟, 有些交易你不明白的, 真係唔好亂來, 唔係一舖清袋的話, 無人幫到你。

      你好好彩, 明天才是最後交易日期, 所以你還有時間作出最後的抉擇; 如果今天是最後交易日的話, 你點算好? 日後真係凡事三思, 不明白的就先搞清楚先, 唔係次次都咁好彩。

      刪除
    2. 偉哥的第一段應該係.... 如果無呢筆資金的話, 咁只有一個選擇, 就是明天沽出部份或全部的2920。

      Unknown兄,可否告知買入的2920每股(或每份)成本價?若果高位接就麻煩D,若在低位買入,咁就可以考慮沽出止賺了事。

      刪除
    3. 作者已經移除這則留言。

      刪除
    4. 係, 打倉頡同一個碼選錯字。

      刪除
    5. 作者已經移除這則留言。

      刪除
    6. 簡單咁講, 你如果有錢供幾萬股的話, 咁你可以選擇沽7-8萬股,然後供2-3萬股, 當然你要明白明天決定供股, 然後到2月6日期間, 面對81的升跌你係乜都做唔到, 講得衰D, 咁唔好彩係呢段期間股災, 81跌到3元, 你都要硬食; 又或者好好彩, 內房繼續升, 81係2月6日升到6元, 咁你就無端端大賺一筆。

      先諗清楚你可以承受的風險才去作出決定。

      刪除
    7. 我都話要搵一日同偉哥鬥快打倉頡,看看誰的更快狠準 :p

      刪除
    8. 哈哈, 其實唔實比, 老實講我平均1分鐘60字, 如果快過呢個速度就你贏。

      刪除
    9. 好嘢,終於都搵到樣嘢叻過偉哥鳥,可以畢業。

      刪除
    10. 咪就係以4.08價位供股/額外供股81。如果唔想供,聽日就要放,否則變廢紙。。。

      刪除
    11. 講開打字, 順便講講題外話。有沒有網友有係上月出席雪球嘉年華?

      其中一個最令我印象深刻的演講嘉賓是科大訊飛的杜蘭,大家可以看看以下的視頻:

      https://v.qq.com/x/page/g0516neqddh.html

      不是想說科大訊飛的語音輸入法有幾好、準確度有幾高, 而係杜蘭的厲害。我看了片段, 大家可以跳去中段之後, 杜蘭的演講因為內容太長、時間不足, 所以中段時間開始彷彿是講急口令一樣, 真係完全不用思考的演講, 所有數據衝口而出, 令我及朋友印象很深刻。

      刪除
    12. 老豆幾年前玩QQ就用訊飛語音輸入 聽佢講唔錯
      杜蘭前面果部機唔系演講提詞器咩 佢時不時就低頭瞄下

      刪除
  22. 作者已經移除這則留言。

    回覆刪除
    回覆
    1. 師兄,4.08係一早定好的供股價格。當時是折讓的,要有折讓才會有人供。不過後來81曾經跌穿過四蚊,所以供股不是無風險的。

      刪除
    2. 不如等我分擔偉哥工作!?

      刪除
    3. 作者已經移除這則留言。

      刪除
    4. 4.08是供股價
      什麼都不知點解仲要追入

      刪除
    5. 在我未回答呢位網友前,我真係請呢位網友大力地打自己蘿友30吓,以示懲戒。 :)

      刪除
    6. 作者已經移除這則留言。

      刪除
    7. 睇返我呢篇文章及上述所有的留言, 如果都不明白的話, 我唯一的意見是明天沽貨離場, 而且也最後先暫離股市, 花些時間去深入了解一下股票及投資, 等到充份裝備好自己才再入場,免致無謂的損失。

      投資並不是買一個號碼, 然後賭佢升跌咁簡單。如果抱著這種心態落場, 我相信你好快會後悔點解要踏足股市。

      刪除
    8. 你都係女孩子?
      我見你名子譯音知恩…
      我上星期都係好沖動亂買No降…
      好彩呢到我學識一樣野叫止蝕…
      其他既降頭仲有排坐…
      你仲有勇氣過我…希望你明日有好消息!加油!
      記得講個結果比我知…

      刪除
    9. 本來我都好想好似教仔咁教吓呢位網友咩係供股既,但既然偉哥咁講,我就擱筆,我也勸呢位網友依從偉哥教導,否則損害既都係自己。

      刪除
    10. 真係好多股票新手…係咪股災先兆…
      Btw偉哥 3688大股東行使換股後股價都没有大變動 我除了想到應會大派股息後 想不到其他後著 偉哥能給一些提示讓我思考下嗎?

      刪除
    11. 3688現在不能大派股息啊。

      可以參考一下1132的情況, 異曲同工。

      刪除
    12. 我以前也試過買供股權變廢紙。果陣見到得0.01無得跌喇卦,買完過幾日咦點解賣唔到既。。。後來先知變左廢紙,嗚。。。雖然只係500蚊,但慘過牛熊打靶,因為係無端端唔見。。。

      刪除
    13. 好在仲有今日,che yan 師兄三思。

      地鐵餐廳係多咗人講股。

      刪除
    14. 見住越來多人入股場
      自己越來越想放晒D貨離場

      刪除
    15. 有時候真係唔明白, 既然問左問題, 為何之後要刪留言? 搞到之後回覆你問題的, 好似做晒儍仔咁, 自言自語。

      刪除
    16. 你點對人,人地點對你。相信呢位ching下次再有問題時,大家會。。。。。

      刪除
  23. 星期一已經留意倒2920,幸有耀才一班炒鬼係倒炒格仔先係佢地手上拎倒大貨

    回覆刪除
    回覆
    1. 恭喜joshua, 呢舖應該賺得好應, 係供股權到期前已大升, 令你不必承受額外的風險。

      刪除
    2. 尋日就係度諗內房升得咁厲害,81無理由仲可以壓得住,希望聽朝抽升多下至0.62-0.7俾番耀才吧

      刪除
    3. 最高0.7.... Joshua 兄勁到顛!

      刪除
  24. 當務之急你搞清楚兩件事先:

    1)2920係供股權證,每一股可以得到以$4.08供一股81新股嘅權利。你買咗2920十萬股,即係你擁有以$4.08一股買入最多十萬股81嘅權利。 點解係$4.08? 咁係因為81一早公布咗供股價係$4.08囉。

    2)明天係2920最後交易日,過咗明天就唔可以交易喇,即係等同廢紙,一文不值。 所以明天你賣得幾多就係得到幾多,唔賣,就等於零。

    如果你明天賣咗2920,無論賺蝕,件事已經完咗。

    如果你冇賣到,或者賣剩一啲,咁你先要再決定點處理2920權證

    1)由得佢,乜都唔做。 咁你嘅最大損失係$56000+交易費($0.56 * 10萬股)。

    2)全供十萬股, 你需要動用$40.8萬。 咁你唔計交易費嘅成本係$4.08+0.56=$4.64可以持有一股81。 請留意,呢十萬股81新股要等到2月6日先可以交易,到時根據81當日股價先知係賺定蝕。

    3)你唔一定要供足十萬股,例如你可以只供一萬股,剩下九萬股2920掉入咸水海。咁你個每股成本變成$9.68,仲未計交易費。

    希望幫到你啦,Goog luck .

    搞掂呢壇嘢,聽偉哥話,去增值完先再回來投資或投機啦,自己錢,唔好唔清唔楚唔見咗。




    回覆刪除
    回覆
    1. 以前有班友專買一手供股權證等額外供股.

      刪除
    2. Oman兄,所以後來額外就變了只派%?我最近額外供861、2380都只有單位數%,1070多點有12%。。。

      刪除
    3. 以前會有條款, 寫優先派比唔齊個d, 而家好似無左

      刪除
    4. 其實做咩大家會咁勞氣,既然解釋過唔信的話,等個位ching試下瀨嘢交學費就知道誰對誰錯吧?

      刪除
    5. 旭仔澳巴解釋得好祥細…
      我而家先知有分…分拆出黎既股票…上一課!
      咁如果係中電果d分出黎我買左坐都冇咁驚…
      細粒股果d好搵笨姐………
      自身股價已經平…仲分出黎…
      手續費要等佢升好多先回到本喎咁………

      刪除
  25. TK兄真厲害
    正榮拉高第一日就話感覺只是剛剛開始

    回覆刪除
    回覆
    1. 我都有預感係, 得一萬股, 唔敢買咁多, 就睇下可以升到幾錢

      刪除
  26. 又有評香港樓樓,要20年不食不用先買到,全球第一等,
    這些對號入座分析,九流到吾恨,係香港以下既西方國家,
    薪俸稅35%以上,加上生活銷售稅,人工減去50%,
    再計失業率,供應量因素,是否仲係最貴??
    其實市場証明香港空置率係全球最低之一

    回覆刪除
  27. 見偉哥好耐冇提過598,係咪覺得招商局旗下物況業務併入中外運後不會產生協同效應呢?

    回覆刪除
    回覆
    1. 唔係, 而係呢隻估值好似去唔係以前D位, 所以我成日諗住3.5左右先買。

      刪除
    2. 又要再loop…
      偉哥持有既股票少說有十幾廿隻,計埋關注但無持股或者已平倉但仍有留意既股票,我諗要一隻一隻咁提,起碼可以寫到下年都未會重覆提到。
      唔好因為偉哥無提而覺得偉哥睇淡某啲股...
      想知偉哥睇法,睇返舊POST就明白哂。如有新觀點補充,偉哥一定要另開新POST講的。

      刪除
  28. 回覆
    1. 前幾日已走 冇耐性坐 計埋息打和

      刪除
  29. 2920昨收市0.56入拾萬股, 今早開市5分鐘內,$0.69 沽左10萬股,都話希望在明天嘛。

    回覆刪除
  30. 依家0.52,真好彩。
    不貪是福

    回覆刪除
  31. 如果我膽大8287就, 好痛呀!

    回覆刪除
  32. 買得就預左風險大,係冇?

    回覆刪除
  33. 或者咁講 小心駛得萬年船

    回覆刪除
  34. 輸錢皆因贏錢境,繼續抱住僥倖心態總有鋪輸突

    回覆刪除
  35. 哈哈 3389 一路向上,偉哥一話要係低位再入過 就即刻一路升~.~

    回覆刪除
  36. 3389連續三天大成交!精彩呀~

    回覆刪除
  37. 平常心,不買是贏,
    鬼叫要想玩咩,前幾日想入2282,無買,澳門美高梅開張。

    回覆刪除
  38. 個市又癲左, 夾300點, 大中型股全線上升!

    回覆刪除
    回覆
    1. 中小股仲好多都未升

      刪除
    2. 我監測的中型股10隻有9隻都升.
      小股就唔知了

      刪除
    3. 小股未到, 而家資金殺入落後中型股。

      刪除
    4. 偉哥,有冇心水板塊分享

      刪除
  39. 請問偉哥,2920跌到咩價位,會吸引你再買入供股?

    回覆刪除
    回覆
    1. 如果81今日跌得返落4.5就考慮買供股權供股。

      刪除
    2. 咦,唔係正股價愈高、供股愈著數咩?為何要正股跌到得一成折讓才供股?

      刪除
  40. 175 停了多日,終於起動!

    回覆刪除
  41. 無得輸,有兩大高手,我決定退休跟偉哥同777投資。

    回覆刪除
  42. " 如果莊家看到我的分享,不想再給我們機會賺這每月一次的波幅的話,那就炒上去,讓我承受“沽升淚” "

    似乎莊家有睇偉哥的文章,@0.48沽出一半,多謝莊家。

    回覆刪除
  43. 剛沽出6K的3699@1.38止蝕, 輸幾個位走。

    見咁多日都冇動靜, 乜耐心再等。

    回覆刪除
  44. 呢d市,我完全唔敢沽,有機會跌3-500點,反而要買。

    回覆刪除
  45. 就3萬3, 各位注意風險了, 我找緊隻恆指熊對沖

    回覆刪除
    回覆
    1. 777 , 我懷疑你真名姓沈....

      刪除
    2. 其實我真正身份係一個研究生, 專門俾人研究 ^,,^

      刪除
    3. 名大師乎?
      我覺得就來青出於藍了。

      刪除
    4. 我係FB 加左沈萬燈, 見佢轉口風就會沽出一部份 ^,,^

      刪除
    5. 777 專職俾人研究... 原來係 文西

      刪除
  46. tk兄對捉高低位真的很厲害呢

    回覆刪除
  47. 入番1注558@1.16坐吓貨先

    回覆刪除
  48. 0.465出左3389,多謝偉哥&7兄XD!

    回覆刪除
  49. 見到大家3389賺錢, 我就蝕住走, 如果大家有同情心想幫下人, 又覺得本人曾經有為呢次爆升出過一分力既, 可以私訊我, 我會將我個捐款戶口給大家做善事, 多謝

    回覆刪除
    回覆
    1. 哈哈, 咁我都有出一分力喎......

      不如你係雪球打幾隻字募捐, 反正雪球有付款功能的, 或許有3389的大戶見你咁抵得諗, 會分D盈利比你。

      如果你沽埋橙, 我相信善款數字會更高。

      刪除
    2. 哈哈, 咁我收到既款項要全部上繳返俾偉哥 ^,,^

      刪除
    3. Terry兄, 我唔敢放啊, 希望有7字啦, 不過都係買得20000股 >,,<

      刪除
    4. 6158暗盤時入左6000股,依家未走,希望佢可以再放遠D,777求你放過6158吧

      刪除
    5. 登兄, 我估6158應該市值400億吧, 即可以升多差不多double 啊, 暫時唔會放了, 呢隻係今個牛市不能錯過的股, 因為街貨應該仲係好少

      刪除
    6. 好好笑 但都想安慰下你 你直頭出錢又出力
      祝你O係其他股嬴返多D!

      刪除
    7. 真係攞命, 仲要上埋0.49!!!
      見講左咁耐大家都無乜誠意, 我唔排除現價追入1手等大家感受我所感受的

      刪除
    8. 頂呀!!!! 0.51啦!!!!!!!!!!

      刪除
    9. 多謝偉哥同7兄,我岩岩走左3389

      刪除
    10. 我要撞多10次牆, 0.37走左6萬股

      刪除
  50. 777 你沽1132 ,我捐俾你😁😂

    回覆刪除
    回覆
    1. 升到0.8x, 我會沽出一半, 到時問你取善款, 哈哈 ^,,^

      刪除
  51. 奇怪, 今日還沒見海通沽2136。

    最近2136經常有大買盤出現, 不過都是排低幾格多, 似乎是托價。

    回覆刪除
  52. 自從跟蹤左偉哥嘅部落格後,就只愛一至五有開市嘅日子,不斷㩒F5,追住大家嘅對話,又跟偉哥同甘多師兄師姐學到嘢,人生一大樂事!

    回覆刪除
  53. 581走勢都幾怪,得一日猛,之後就跌番哂

    回覆刪除
    回覆
    1. 3389一早掛0.50沽竟然成咗,多謝777

      刪除
  54. 奇怪98低位無乜沽盤,昨天好彩買入小量。偉哥2600業績幾好照計98應該都會有表現,唔通此鋁不同被鋁?

    回覆刪除
  55. 噢,正想改沽一半3389改唔切畀人食哂,不到廿日有四十%收益,偉哥我愛你!

    回覆刪除
  56. 3389 @0.3x行佐7個多月大平底,收夠貨成交大可以見返@0.72。

    回覆刪除
  57. 3389咁升法就連887都硬咗。

    回覆刪除

注意:只有此網誌的成員可以留言。